Абиратерон-Виста, 500 мг, үлбірлі қабықпен қапталған таблеткалар. таблетки 500 мг

белсенді зат – абиратерон ацетаты, 500 мг Үлбірлі қабықпен қапталған 1 таблетканың құрамында 500 мг абиратерон ацетаты бар. Қосымша заттар: лактоза моногидраты; микрокристалды целлюлоза; натрий кроскармеллозасы, гипромеллоза; натрий лаурилсульфаты; сусыз коллоидты кремнийдiң қостотығы; магний стеараты. Үлбірлі қабық - поливинил спирті, титанның қостотығы (Е 171), макрогол, тальк, темірдің қызыл тотығы (Е 172), темірдің қара тотығы (Е 172). Сыртқы түрінің, иісінің, дәмінің сипаттамасы Үлбірлі қабықпен қапталған таблеткалар. Сопақша пішінді, бір жағында «A7TN» және екінші жағында «500» деген өрнегі бар күрең қызыл түсті үлбірлі қабықпен қапталған таблеткалар.

Абиратерон-Виста препараты преднизонмен немесе преднизолонмен біріктірілімде мыналарды емдеу үшін қолдануға көрсетілген: • андрогендік депривациялық еммен біріктірілімде ересек ерлерде алғаш диагностикаланған жоғары қауіпті қуық асты безінің гормонға сезімтал метастаздық обыры; • клиникалық тұрғыда химиялық ем көрсетілмеген андрогендік блокаданың қанағаттанғысыз нәтижесінен кейін ересек ерлерде симптомсыз немесе баяу өтетін қуық асты безінің кастрацияға төзімді метастаздық обыры; • доцетаксел қолданылатын алдыңғы химиялық емді қолдану кезінде немесе одан кейін ауруы үдеп кететін ересек ерлерде қуық асты безінің кастрацияға төзімді метастаздық обыры.

Әсер ету механизмі. Абиратерон ацетаты андроген биосинтезінің тежегіші болып табылатын абиратеронға дейін in vivo метаболизденеді. Атап айтқанда, абиратерон 17α-гидроксилаза/C17, 20-лиаза (CYP17) ферментін селективті тежейді. Аталған фермент аталық бездер, бүйрек үсті бездері қыртысының және простата ісігінің тіндерінде андроген биосинтезі үшін қажет. CYP17 прегненолон мен прогестеронның, тиісінше, 17α-гидроксилдену және C17,20 байланысының ыдырауы арқылы тестостерон, ДГЭА және андростендион ізашарларына дейін айналуын катализдейді. CYP17 бәсеңдеуі, сонымен қатар, бүйрек үсті бездерінің минералокортикоидтарды көп өндіруіне әкеледі (4.4 бөлімін қараңыз). Андрогенге сезімтал қуық асты безінің обыры андрогендер деңгейін төмендететін емдеуге жауап береді. Алайда, андрогендер деңгейін төмендетуге бағытталған ем, атап айтқанда, гормон рилизингін лютеиндейтін гормон (ГРЛГ) агонистерін қолдану немесе орхиэктомия жасау аталық бездерде андрогендер өндірілуін төмендетеді, бірақ бүйрек үсті бездерінің немесе ісік тіндерінің андрогендер өндіруіне ықпал етпейді. Абиратерон-Виста дәрілік затын қолданумен емдеу ГРЛГ агонистерімен бір мезгілде қолдану (немесе орхиэктомия жасау) кезінде анықталмайтын көрсеткіштерге дейін сарысулық тестостерон деңгейін төмендетеді. Фармакодинамикасы. Абиратерон ацетаты, ГРЛГ агонистеріне немесе орхиэктомияға қарағанда, сарысулық тестостерон және басқа андрогендер деңгейін күштірек азайтады. Бұл андрогендер биосинтезіне қажетті CYP17 селективті бәсеңдеуі нәтижесінде жүзеге асады. Қуық асты безінің обыры бар пациенттерде қуық асты безінің спецификалық антигені (ПСА) биологиялық маркер болып табылады. III фазаның клиникалық үдерісінде таксандар қолданумен сәтсіз жүргізілген химиялық емнен кейінгі пациенттерде, абиратерон ацетатын қабылдаған пациенттерде (38%), плацебо қабылдаған (10%) пациенттермен салыстырғанда, ПСА деңгейінің бастапқы деңгейден кемінде 50% төмендеуі білінді. Клиникалық тиімділігі және қауіпсіздігі. Қуық асты безінің гормонға сезімтал метастаздық обыры (ҚБГСмО) және қуық асты безінің кастрацияға төзімді метастаздық обыры (ҚБКТмО) бар пациенттердің қатысуымен 3 фазаның үш рандомизацияланған, плацебо-бақыланатын көп орталықтық клиникалық зерттеулерінде (3011, 302 және 301 зерттеулер) тиімділік деңгейіне жеткізілді. 3011 зерттеуіне қуық асты безінің гормонға сезімтал метастаздық обыры бар және зерттеудің басталуына дейін 3 ай бұрын диагноз қойылған болжау факторларының қаупі жоғары пациенттер қатысты. Жоғары қауіп тобына төменде көрсетілген 3 қауіп факторының кемінде 2-і болатын пациенттер кіреді: (1) Глиссон индексі ≥ 8, (2) сцинтиграфиналия кезінде 3 және одан көп зақымның болуы, (3) ішкі ағзаларда өлшеуге келетін метастаздар болуы (оның ішінде лимфа түйіндерінің ауруы). Пациенттерді бақылау тобында абиратерон 5 мг дозадағы преднизонның төмен дозасымен біріктірілімде күнделікті 1000 мг дозада стандартты емдеу сызбасы болған АДТ еміне (ГРЛГ агонистеріне немесе орхиэктомияға) қосымша қолданылды. Бақылау тобында пациенттерге абиратерон үшін де, преднизон үшін де АДТ мен плацебо қолданылды. 302 зерттеуіне доцетаксел қабылдамаған пациенттер қатысты; сонымен қатар, 301 зерттеуіне доцетакселмен емдеуден алдын ала өткен пациенттер қатысты. Пациенттер ГРЛГ аналогтарын қабылдады немесе орхиэктомиямен емдеуден өтті. Бақылау тобында күніне екі рет абиратерон 5 мг дозадағы преднизон немесе преднизолонның төмен дозасымен біріктірілімде күнделікті 1000 мг дозада қолданылды. Бақылау тобындағы пациенттер күніне екі рет 5 мг дозада плацебо немесе преднизон/преднизолон қабылдады. Қан сарысуындағы ПСА концентрациясының өзгерістері өз бетінше үнемі пациент үшін клиникалық пайдасын білдіре бермейді. Сондықтан, барлық зерттеулерді жүргізу кезінде пациенттерге зерттелетін препаратты емдеуді тоқтатуға арналған критерийлерге жеткенше қабылдауға кеңес берілді. Зерттеулердің бәрінде, спиронолактон андрогенді рецепторлармен байланысатындықтан және ПСА деңгейін арттыруы мүмкін екендіктен, спиронолактонды қолдануға рұқсат етілмеді. 3011 зерттеу (Қаупі жоғары ҚБГСмО таяуда диагностикаланған пациенттер). 3011 зерттеуде (n = 1199) орта жасы 67 жаста болған пациенттер қатысты. Абиратеронды нәсіліне сәйкес қабылдаған пациенттер саны: 832 еуропалық (69.4%), 246 азиялық (20.5%), 25 қара нәсілді (2.1%), 80 басқалар (6.7%), 13 нәсілі белгісіз (1.1%), 3 америкалық үндіс немесе Алясканың байырғы тұрғыны (0.3%) болды. Пациенттердің 97%-да ECOG шкаласы 0 немесе 1 болды. Миында метастаздары, бақыланбайтын гипертониясы, жүректің күрделі аурулары немесе NYHA II-IV класты жүрек жеткіліксіздігі бар пациенттер зерттеуден шығарылды. Метастаздық ауырудан кейінгі симптомдарды жою үшін 3 айлық АДТ курсынан немесе паллиативті радиациялық немесе хирургиялық емнің 1 курсынан өткендерді қоспағанда, қуық асты безінің метастаздық обырын емдеу үшін фармакотерапиямен, радиотерапиямен алдын ала емдеу жүргізілген немесе хирургиялық араласу жасалған пациенттер зерттеуден шығарылды. Тиімділігінің бастапқы соңғы нүктесі жалпы тіршілік қабілеті (ЖТ) және ауру үдеуінің радиографиялық белгілерінсіз тіршілік қабілеті болды. Ауыру синдромының орташа бағасы, ауыру синдромының айқындылығын бағалаудың қысқаша сауалнамасына сәйкес, әрі негізгі, әрі плацебо – екі топта да 2.0 болды. Бастапқы соңғы көрсеткіштеріне қосымша, сонымен қатар, сүйек асқынуларына дейінгі уақыт, қуық асты безінің обырын емдеуге арналған келесі емге дейінгі уақыт, химиялық емнің басталуына дейінгі уақыт, ауыру үдеуіне дейінгі уақыт және ПСА үдеуіне дейінгі уақыт бағаланды. Емдеу аурудың үдеуіне, пациенттің емдеуді жалғастырудан бас тартуына, қолайсыз уыттылықтың пайда болуына немесе өлімге дейін жалғасты. Ауру үдеуінің радиографиялық белгілерінсіз тіршілік қабілеті рандомизациядан бастап, радиографиялық үдеудің немесе өлімге ұшырауға дейінгі уақыт болып белгіленді. Радиографиялық үдеу остеоцинтиграфия нәтижелері бойынша (өзгерістермен бірге ҚБГТО2 ережесіне сәйкес) үдеуін әлде КТ немесе МРТ нәтижелері бойынша (RECIST критерийлеріне сәйкес) жұмсақ тіндер зақымдануының үдеуін қамтыды. Негізгі топтағы пациенттерде ауру үдеуінің радиографиялық белгілерінсіз тіршілік қабілетінің елеулі ерекшеліктері байқалды ( 2 кестені және 1 сызбаны қараңыз). 2 кесте: Ауру үдеуінің радиографиялық белгілерінсіз тіршілік қабілеті – Стратификацияланған талдау; ITT – қауым (PCR3011 зерттеуі) AA-P — Плацебо Рандомизацияланған — 597 — 602 Реакция — 239 (40.0%) — 354 (58.8%) Цензураланған — 358 (60.0%) — 248 (41.2%) Реакция басталуына дейінгі уақыт (айлар) Медиана (95% СА) — 33.02 (29.57, NE) — 14.78 (14.69, 18.27) Диапазон — (0.0+, 41.0+) — (0.0+, 40.6+) Р мәніa — < 0.0001 Қауіптер арақатынасы (95% СА)b — 0.466 (0.394, 0.550) Назар аударыңыз: += цензураланған қадағалау, NE = бағалауға болмайды. Радиографиялық үдеу және өлім ауру үдеуінің радиографиялық белгілерінсіз тіршілік қабілетін анықтау кезінде ескеріледі. AA-P = абиратерон ацетаты мен преднизон қабылдаған пациенттер. p valuea – Р мәні, ECOG (0/1 немесе 2) жалпы жай-күйдің стратификацияланған лог-ранг критерийі немесе висцеральді зақымдану (бар/жоқ). Пропорционалды қауіптердің стратификацияланған моделіне сәйкес қауіптер арақатынасы. AA-P пайдасына қауіптер арақатынасы < 1. 1 сызба: Ауру үдеуінің радиографиялық белгілерінсіз тіршілік қабілетінің Каплан-Майер кестесі; ITT – қауым (PCR3011 зерттеуі) Плацебомен қоса АДТ-мен салыстырғанда, AA-P қоса АДТ пайдасына ЖТ статистикалық мәнді жақсаруы және өлімге ұшырау қаупінің 34% төмендеуі (HR = 0.66; 95% CI: 0.56, 0.78; p < 0.0001), (3 кестені және 2 сызбаны қараңыз). 3 кесте: PCR3011 зерттеуінің барысында абиратеронмен немесе плацебомен емдеуден өткен пациенттердің жалпы тіршілік қабілеті (ITT-талдау) ЖТ — Абиратерон және Преднизон (N = 597) — Плацебо (N = 602) Өлім (%) — 275 (46%) — 343 (57%) Тіршілік қабілетінің медианасы (айлар) (95% СА) — 53.3 (48.2, NE) — 36.5 (33.5, 40.0) Қауіптер арақатынасы (95% СА)1 — 0.66 (0.56, 0.78) NE = бағаланбайды 1 Пропорционалды қауіптердің стратификацияланған моделіне сәйкес қауіптер арақатынасы. Преднизонмен абиратерон пайдасына қауіптер арақатынасы < 1. 2 сызба: Жалпы тіршілік қабілетінің Каплан-Майер кестесі; ITT – PCR3011 зерттеуінде талдау жасалатын қауым Қосалқы топтарды талдау абиратеронмен емдеу пайдасын өзгеріссіз айғақтайды. Алдын ала белгіленген қосалқы топтарда ЖТ және ауру үдеуінің радиографиялық белгілерінсіз тіршілік қабілеті тұсында AA-P емінің әсері жағымды болды және оң әсер ету үрдісі байқалмаса да, ECOG 2 шкаласы бойынша жалпы жай-күйі бар қосалқы топты қоспағанда, зерттеудің жалпы қауымына сәйкес болды. алайда аздаған іріктеу өлшемі (n = 40) қандайда бір елеулі қорытынды жасауға мүмкіндік бермейді. ЖТ және ауру үдеуінің радиографиялық белгілерінсіз тіршілік қабілеті тұсында байқалатын жақсаруына қосымша, барлық проспективті белгіленген екіншілік соңғы көрсеткіштерінде, плацебомен салыстырғанда, абиратерон пайдасын көріністеді. 302 зерттеу (бұрын химиялық ем курсынан өтпеген пациенттер). Аталған зерттеуге бұрын химиялық ем курсынан өтпеген, симптомсыз немесе орташа білінетін симптомдарымен, клиникалық тұрғыда химиялық ем әлі көрсетілмеген пациенттер қатысты. Ауыру синдромының айқындылығын бағалау сауалнамасының қысқаша нысанына сәйкес (BPI-SF), соңғы 24 сағат ішіндегі ауыруды бағалаудың 0-1 балл шкаласы симптомсыз, ал ауыруды бағалаудың 2-3 балл шкаласы әлсіз симптомды болып саналды. 302 зерттеуде (n = 1 088) орта жасы 71 жастағы пациенттер қатысып, абиратеронға қоса преднизон немесе преднизолон қабылдады, ал орта жасы 70 жастағы пациенттер плацебоға қоса преднизон немесе преднизолон қабылдады. Абиратерон қабылдаған пациенттер саны нәсілдік топтарына қарай мынадай болды: еуропалықтар - 520 (95,4%), қара нәсілділер - 15 (2,8%), азиялықтар - 4 (0,7%) және басқалар - 6 (1,1%). ECOG шкаласы бойынша жалпы жай-күйді бағалау екі топтағы пациенттердің 76%-ы үшін 0-ге және пациенттердің 24%-ы үшін 1-ге тең болды. Пациенттердің 50%-да тек сүйек метастаздары болды, пациенттердің тағы 31%-да сүйектер мен жұмсақ тіндердің немесе лимфа түйіндерінің метастаздары болды, ал пациенттердің 19%-да тек жұмсақ тіндердің немесе лимфа түйіндерінің метастаздары болды. Висцеральді метастаздары бар пациенттер шығарылды. Тиімділігінің негізгі соңғы нүктелері жалпы тіршілік қабілеті және ауру үдеуінің радиографиялық белгілерінсіз тіршілік қабілеті болды. Негізгі соңғы көрсеткіштерге қосымша ретінде, пайдасы PCWG2 критерийлеріне сәйкес обыр кезіндегі ауыруды басуға арналған апиындарды қабылдаудың басталуына дейінгі уақыт, цитоуытты химиялық емнің басталуына дейінгі уақыт, ECOG шкаласы бойынша көрсеткіштерінің ≥ 1 балл нашарлауына дейінгі уақыт және ПСА үдеуіне дейінгі уақыт бойынша бағаланды. Зерттелетін емдеу бір мәнді клиникалық үдеу сәтінде тоқтатылды. Емдеу зерттеушінің көзқарасы бойынша расталған радиографиялық үдеу сәтінде де тоқтатылды. Рентгенографиялық үдеусіз тіршілік қабілеті PCWG2 критерийлеріне (сүйек зақымданулары үшін) және тығыз ісіктердің емдеуге жауабын бағалаудың өзгертілген критерийлеріне (RECIST) сәйкес (жұмсақ тіндер зақымдануларында) көріністеудің бірізді зерттеулерін пайдаланумен бағаланды. Рентгенографиялық үдеусіз тіршілік қабілетін талдау кезінде үдеудің орталықтандырылған рентгенографиялық бағалауы пайдаланылды. Ауру үдеуінің радиографиялық белгілерінсіз тіршілік қабілетіне жоспарлы талдау жүргізілгенде 401 жағдай тіркелді, абиратерон қабылдаған 150 (28%) пациентте және плацебо алған 251 (46%) пациентте рентгенографиялық үдеу белгілері байқалды немесе өлім оқиғасы орын алды. Әртүрлі топтарда ауру үдеуінің радиографиялық белгілерінсіз тіршілік қабілетінің едәуір айырмасы анықталды (4 кестені және 3 сызбаны қараңыз). 4 кесте: 302 зерттеу: Абиратерон немесе плацебо, преднизонмен немесе преднизолонмен біріктірілімде, оған қоса ГРЛГ агонистерінің аналогтарын қабылдаған немесе бұрын орхиэктомия өткізілген ауру үдеуінің радиографиялық белгілерінсіз пациенттердің тіршілік қабілеті Абиратерон (N = 546) — Плацебо (N = 542) Ауру үдеуінің радиографиялық белгілерінсіз пациенттердің тіршілік қабілеті Үдеу немесе өлім — 150 (28%) — 251 (46%) Ауру үдеуінің радиографиялық белгілерінсіз тіршілік қабілетінің медианасы (95% СА) — Анықталмаған (11.66; NE) — 8.3 (8.12; 8.54) Р мәніa* — < 0.0001 ҚА** (95% СА) — 0.425 (0.347; 0.522) NE = анықталмаған * Р мәніa бастапқы ECOG балл (0 немесе 1) бойынша стратификацияланған лог-ранг критерий негізінде алынды ** Абиратерон пайдасына қауіптер арақатынасы < 1 3 сызба: Абиратерон немесе плацебо, преднизонмен немесе преднизолонмен біріктірілімде, оған қоса ГРЛГ агонистерінің аналогтарын қабылдаған немесе бұрын орхиэктомия өткізілген ауру үдеуінің радиографиялық белгілерінсіз пациенттердің тіршілік қабілетінің Каплан-Майер қисығы АА- Абиратерон Алайда, пациенттердің деректерін жинау жалпы тіршілік қабілетіне (ЖТ) екінші аралық талдау жасалатын күнге дейін жалғасты. Келесі сезімталдық талдауы ретінде зерттеуші жасаған ауру үдеуінің радиографиялық белгілерінсіз пациенттердің тіршілік қабілетіне радиографиялық шолу 5 кестеде және 4 сызбада берілген. 607 пациентте үдеудің рентгенографиялық белгілері байқалды немесе қайтыс болды: 271 (50%) пациент абиратерон ацетатын қабылдаған топта болды және 336 (62%) пациент плацебо қабылдаған топта болды. Абиратерон ацетатымен емдеу рентгенографиялық үдеу немесе өлім қаупін, плацебомен салыстырғанда, 47% төмендетті (ҚА = 0.530; 95% СА: [0.451; 0.623], p < 0.0001). Ауру үдеуінің радиографиялық белгілерінсіз пациенттердің тіршілік қабілетінің медианасы абиратерон ацетатын қабылдаған топта 16.5 айға және плацебо тобында 8.3 айға созылады. 5 кесте: 302 зерттеу: Абиратерон немесе плацебо, преднизонмен немесе преднизолонмен біріктірілімде, оған қоса ГРЛГ агонистерінің аналогтарын қабылдаған немесе бұрын орхиэктомия өткізілген ауру үдеуінің радиографиялық белгілерінсіз пациенттердің тіршілік қабілеті (ЖТ екінші аралық талдау кезінде - Зерттеуші бағасы) Абиратерон (N = 546) — Плацебо (N = 542) Ауру үдеуінің радиографиялық белгілерінсіз пациенттердің тіршілік қабілеті Үдеу немесе өлім — 271 (50%) — 336 (62%) Ауру үдеуінің радиографиялық белгілерінсіз тіршілік қабілетінің медианасы айлармен (95% CА) — 16.5 (13.80; 16.79) — 8.3 (8.05; 9.43) Р мәні* — < 0.0001 ҚА** (95% СА) — 0.530 (0.451; 0.623) * Р мәні бастапқы балл (0 немесе 1) бойынша стратификацияланған логранг критерий негізінде алынды ** Абиратерон пайдасына қауіптер арақатынасы < 1 4 сызба: Абиратерон, әлде плацебо, преднизонмен немесе преднизолонмен біріктірілімде, оған қоса ГРЛГ аналогтарын қабылдаған немесе бұрын орхиэктомия жасалған ауру үдеуінің радиографиялық белгілерінсіз пациенттердің тіршілік қабілетінің Каплан-Майер қисығы (ЖТ екінші аралық талдау кезінде - Зерттеуші бағасы) АА - Абиратерон ЖТ бойынша жоспарланған аралық талдау (АТ) 333 өлім жағдайының орын алуынан кейін жасалды. Бұл ашық зерттеу байқалатын клиникалық әсер ету шамасы негізінде жүргізілген ашық зерттеу болды және плацебо тобындағы пациенттерге абиратеронмен емдеу ұсынылды. ЖТ абиратерон қабылдап жүрген пациенттерде, плацебомен салыстырғанда, жоғары болды, атап айтқанда, өлімге ұшырау қаупі 25% төмендеді (ҚА = 0.752; 95% СА: [0.606; 0.934], p = 0.0097), бірақ ЖТ туралы деректер толық болмады және аралық нәтижелер бұрын белгіленген статистикалық маңыздылық үшін зерттеуді мерзімінен бұрын аяқтау критерийлеріне сәйкес келмеді. Аталған АТ жасалған соң тіршілік қабілеті сақталды. ЖТ бойынша жоспарланған қорытынды талдау (ҚТ) 741 өлім жағдайының орын алуынан кейін жасалды (49 айға жуық аралық медианасы). Абиратерон қабылдаған пациенттердің 65%-ы (546-дан 354), плацебо алған пациенттердің 71%-мен салыстырғанда (542-дан 387), қайтыс болды. Абиратерон қабылдаған топта ЖТ статистикалық мәнді артықшылығы өлімге ұшырау қаупінің 19.4% төмендеуін (ҚА = 0.806; 95% СА: [0.697; 0.931], p = 0.0033) және ЖТ медианасының 4.4 айға созылуын көрсетті (абиратерон - 34.7 ай, плацебо - 30.3 ай (6 кестені және 5 сызбаны қараңыз)). Бұл жақсару плацебо тобындағы пациенттердің 44%-ның келесі ем ретінде абиратерон қабылдағанына қарамастан көріністелді. 6 кесте: 302 зерттеу: Абиратерон немесе плацебо, преднизонмен немесе преднизолонмен біріктірілімде, оған қоса ГРЛГ аналогтарын қабылдаған немесе бұрын орхиэктомия жасалған пациенттердегі ЖТ Абиратерон (N = 546) — Плацебо (N = 542) Тіршілік қабілетінің аралық талдауы Өлім (%) — 147 (27%) — 186 (34%) Тіршілік қабілетінің медианасы (айлар) (95% СА) — Қол жеткізілмеген (NE; NE) — 27.2 (25.95; NE) Р мәні* — 0.0097 ҚА** (95% СА) — 0.752 (0.606; 0.934) Тіршілік қабілетінің қорытынды талдауы Өлім — 354 (65%) — 387 (71%) ЖТ медианасы айлармен (95% СА) — 34.7 (32.7; 36.8) — 30.3 (28.7; 33.3) Р мәні* — 0.0033 ҚА** (95% CI) — 0.806 (0.697; 0.931) NE = анықталмаған * Р мәні бастапқы балл (0 немесе 1) бойынша стратификацияланған логранг критерий негізінде алынды (0 немесе 1) ** Абиратерон пайдасына ҚА < 1 5 сызба: Абиратерон немесе плацебо, преднизонмен немесе преднизолонмен біріктірілімде, оған қоса ГРЛГ аналогтарын қабылдаған немесе бұрын орхиэктомия жасалған пациенттердің тіршілік қабілетінің Каплан-Майер қисығы, қорытынды талдау АА- Абиратерон Жалпы тіршілік қабілетінің және ауру үдеуінің радиографиялық белгілерінсіз тіршілік қабілетінің байқалатын жақсаруына қосымша, плацебомен салыстырғанда, абиратерон артықшылықтары барлық екіншілік соңғы нүктелер бойынша көріністелді, ал атап айтқанда: PCWG2 критерийлері бойынша ПСА үдеуіне дейінгі уақыт: ПСА үдеуіне дейінгі уақыт медианасы абиратерон қабылдаған пациенттер үшін 11.1 айға және плацебо алған пациенттер үшін 5.6 айға созылды (HR = 0,488; 95% СА: [0,420; 0,568], p < 0,0001). Абиратеронмен емделу кезінде ПСА үдеуіне дейінгі уақыт шамамен екі есе артты (HR = 0,488). ПСА үшін жауабы расталған пациенттер үлесі, плацебо тобына қарағанда, абиратерон тобында, көбірек болды (24% қарсы 62%; p < 0,0001). Абиратеронмен емделу кезінде жұмсақ тіндердің өлшемді ауруы бар пациенттерде толық және жартылай ісік жауаптарының едәуір көбірек саны байқалды. Обыр ауруын басуға арналған апиынды қолданудың басталуына дейінгі уақыт: қорытынды талдау жасалған сәтте қуық асты безінің обыры кезінде апиын қолданудың басталуына дейінгі уақыт медианасы абиратерон қабылдаған пациенттер үшін 33.4 айға және плацебо алған пациенттер үшін 23.4 айға созылды (ҚА = 0.721; 95% СА: [0.614; 0.846], p < 0.0001) Цитоуытты химиялық емнің басталуына дейінгі уақыт: Цитоуытты химиялық емнің басталуына дейінгі уақыт абиратерон қабылдаған пациенттер үшін 25,2 айға және плацебо алған пациенттер үшін 16,8 айға созылды (ҚА = 0,580; 95% СА: [0,487; 0,691], p < 0,0001). Көрсеткіштердің ECOG шкаласы бойынша ≥ 1 балл нашарлауына дейінгі уақыт: Көрсеткіштердің ECOG шкаласы бойынша ≥ 1 балл нашарлауына дейінгі уақыт абиратерон қабылдаған пациенттер үшін 12,3 айға және плацебо алған пациенттер үшін 10,9 айға созылды (ҚА = 0,821; 95% СА: [0,714; 0,943], p = 0,0053). Зерттеудің келесі соңғы нүктелері абиратеронмен емделу пайдасына статистикалық мәнді артықшылығын көрсетті. Объективті жауап RECIST критерийлеріне сәйкес толық және жартылай жауапқа жеткен аурудың өлшемді көріністері бар пациенттер үлесі болып белгіленді (лимфа түйіндерінің бастапқы өлшемі нысаналы зақымдану болып саналу үшін ≥ 2 см болуы тиіс). Объективті жауапқа жеткен бастапқы деңгейдегі аурудың өлшемді көріністері бар пациенттер үлесі абиратерон тобында 36% және плацебо тобында 16% болды (p < 0,0001). Ауыру: Абиратеронмен емдеу, плацебомен салыстырғанда, ауырудың орташа қарқынының үдеу қаупін 18% едәуір төмендетті (p = 0,0490). Үдеуге дейінгі уақыт медианасы абиратерон тобында 26,7 айға және плацебо тобында 18,4 айға созылды. FACT-P көрсеткіштерінің нашарлауына дейінгі уақыт (жалпы балл): Абиратеронмен емдеу, плацебомен салыстырғанда, FACT-P көрсеткіштерінің нашарлау қаупін (жалпы балл) 22% төмендетті (p = 0,0028). FACT-P көрсеткіштерінің нашарлауына дейінгі уақыт медианасы (жалпы балл) абиратерон тобында 12,7 айға және плацебо тобында 8,3 айға созылды. 301 зерттеу (бұрын химиялық ем курсынан өткен пациенттер). 301 зерттеуге бұрын доцетаксел қабылдаған пациенттер қатысты. Пациенттер доцетаксел қолдану кезінде аурудың үдеуін көрсетпеуі тиіс, өйткені аталған химиялық емнің уыттылығы емдеудің аяқталуына алып келуі мүмкін. Пациенттер ПСА үдеуі байқалмайтын сәтке дейін емдеуді жалғастырды (бастапқы деңгеймен салыстырғанда, расталған 25% артуы/тым шектен тыс құлдырау), сондай-ақ хаттамада белгіленген радиографиялық үдеу және симптоматикалық немесе клиникалық үдеу байқалмады. Бұрын кетоконазолмен қуық асты безі обырының емдеуінен өткен пациенттер зерттеуден шығарылды. Тиімділігінің бастапқы соңғы нүктесі жалпы тіршілік қабілеті болды. Зерттеуге қатысқан пациенттердің орта жасы 69 жаста болды (диапазон 39-95). Абиратеронмен ем қабылдаған пациенттер саны нәсілдік белгісі бойынша: 737 еуропалық (93,2%), 28 қара нәсілді (3,5%), 11 (1,4%) азиялық адамнан және 14 (1,8%) басқа пациенттен құралды. Зерттеуге қатысқан пациенттердің 11%-ы ECOG шкаласы бойынша 2 балл иеленді; 70%-да ПСА үдеуімен немесе үдеуінсіз ауру үдеуінің радиографиялық белгілері болды; 70%-ы бұрын бір, ал 30%-ы екі цитоуытты химиялық емнен өткен. Бауыр метастаздары абиратеронмен ем қабылдаған пациенттердің 11%-да болды. Өлімнің 552 жағдайынан кейін жасалған жоспарлы талдауда, плацебо алған пациенттердің 55%-мен салыстырғанда (398-ден 219), абиратерон қабылдаған пациенттердің 42%-ы (797-ден 333) қайтыс болды. Жалпы тіршілік қабілеті медианасының статистикалық мәнді жақсаруы абиратерон қабылдаған пациенттерде байқалды (7 кестені қараңыз). 7 кесте: Абиратерон немесе плацебо, преднизонмен немесе преднизолонмен біріктірілімде, оған қоса ГРЛГ аналогтарын қабылдаған немесе бұрын орхиэктомия жасалған пациенттердегі ЖТ Абиратерон (N = 797) — Плацебо (N = 398) Тіршілік қабілетінің бастапқы талдауы Өлім оқиғалары (%) — 333 (42%) — 219 (55%) Тіршілік қабілеті медианасы (айлар) (95% СА) — 14.8 (14.1; 15.4) — 10.9 (10.2; 12.0) p-valuea — < 0.0001 ҚА (95% СА)b — 0.646 (0.543; 0.768) Тіршілік қабілетінің жаңартылған талдауы Өлім (%) — 501 (63%) — 274 (69%) Тіршілік қабілеті медианасы (айлар) (95% СА) — 15.8 (14.8; 17.0) — 11.2 (10.4; 13.1) ҚА (95% СА)b — 0.740 (0.638; 0.859) a Р мәні бастапқы балл (0-1 немесе 2) бойынша стратификацияланған логранг критерий негізінде алынды, ауыру шкаласы (болмауы немесе болуы), бұрын өткізілген химиялық ем курстарының саны (1 немесе 2) және аурудың үдеу типі (тек ПСА немесе рентгенографиялық). b ҚА қауіптер арақатынасының стратификацияланған моделінен алынды. Абиратерон пайдасына ҚА < 1. Бағалау бақыланған сәттердің бәрінде алғашқы бірнеше ай емделуден кейін абиратерон қабылдаған пациенттердің көп үлесі, плацебо алған пациенттер үлесімен салыстырғанда, тірі қалды (6 сызбаны қараңыз). 6 сызба: Абиратерон немесе плацебо, преднизонмен немесе преднизолонмен біріктірілімде, оған қоса ГРЛГ аналогтарын қабылдаған немесе бұрын орхиэктомия жасалған пациенттердің тіршілік қабілетінің Каплан-Майер қисығы. АА- Абиратерон Қосалқы топтардағы тіршілік қабілетінің талдауы абиратеронмен емдеудің тұрақты артықшылығын көрсетті (7 сызбаны қараңыз). 7 сызба: Қосалқы топтардағы жалпы тіршілік қабілеті: ҚА және 95% сенім аралығы. AA = абиратерон; BPI = ауыру синдромының айқындылығын бағалаудың қысқаша сауалнамасы; C.I. = сенім аралығы; ECOG = ECOG шкаласы бойынша жалпы жай-күйін бағалау; HR = қауіптер арақатынасы; NE = бағалауға жатпайды. Жалпы тіршілік қабілетінің байқалатын жақсаруына қосымша, зерттеудің екіншілік соңғы нүктелерінің бәрі абиратерон пайдасына болды және төменде көрсетілгендей, көп реттік тестілеу үшін түзетуден кейін статистикилық мәнге ие болды: Абиратерон қабылдаған пациенттер, плацебо алған пациенттермен салыстырғанда, ПСА жалпы жауабы (бастапқы деңгейінен ≥ 50% ретінде айқындалған) көрсеткішінің 10% қарсы 38% едәуір жоғарырақ екенін көрсетті, p < 0,0001. ПСА үдеуіне дейінгі уақыт медианасы абиратерон қабылдаған пациенттер үшін 10,2 айға және плацебо алған пациенттер үшін 6,6 айға созылды (HR = 0,580; 95% СА: [0,462; 0,728], p < 0,0001). Ауру үдеуінсіз радиографиялық тіршілік қабілетінің медианасы абиратерон қабылдаған пациенттер үшін 5,6 айға және плацебо алған пациенттер үшін 3,6 айға созылды (ҚА = 0,673; 95% СА: [0,585; 0,776], p < 0,0001). Ауыру. Ауыру қарқындылығының азаюы байқалған пациенттер үлесі, плацебо тобына қарағанда, абиратерон тобында статистикалық мәнді жоғары болды (27% қарсы 44%, p = 0,0002). Ауыру синдромы қарқындылығының азаюы байқалған пациент төрт апталық айырмамен екі бірізді бағалау кезінде пайдаланылған анальгетиктер санының көбеюінсіз соңғы 24 сағат ішінде BPI-SF шкаласы бойынша ауру қарқындылығының ең нашар көрсеткішінің бастапқы деңгейімен салыстырғанда, кем дегенде, ауырудың 30% төмендеуі байқалған пациент болып айқындалды. Тек ауырудың ≥ 4 бастапқы шкаласымен және ауыру синдромын азайту тұрғысынан бастапқы деңгейден кейін (N = 512) ауыру шкаласы бойынша, ең болмаса, бір балл бар пациенттер ғана талдаудан өтті. Абиратерон қабылдаған пациенттердің аздаған бөлігінде, плацебо қабылдаған пациенттермен салыстырғанда, аурудың үдеуі 6 (28% қарсы 22%), 12 (38% қарсы 30%) және 18 (46% қарсы 35%) айдан соң байқалды. Аурудың үдеуі, бастапқы деңгейімен салыстырғанда, екі бірізді қаралу кезінде байқалған анальгетиктерді пайдаланудың төмендеуінсіз алдыңғы 24 сағат ішінде BPI-SF шкаласы бойынша ауырудың ең нашар қарқындылығының ≥ 30% балл артуы немесе екі бірізді қаралу кезінде байқалған анальгетиктерді пайдаланудың ≥ 30% артуы ретінде айқындалды. Аурудың үдеуіне дейінгі уақыт 25-м процентилде, плацебо тобындағы 4,7 аймен салыстырғанда, абиратерон тобында 7,4 айға созылды. Сүйек асқынулары. Абиратерон тобындағы пациенттердің аздаған бөлігінде, плацебо тобымен салыстырғанда, 6 ай (28% қарсы 18%), 12 ай (40% қарсы 30%) және 18 ай (40% қарсы 35%) өткен соң сүйек асқынулары байқалды. Абиратерон тобында, бақылау тобымен салыстырғанда, 25-м процентилдегі алғашқы сүйек асқынуын анықтауға дейінгі уақыт екі еселенді, атап айтқанда, 4,9 айға қарама-қарсы 9,9 айға көбейді. Сүйек асқынуы патологиялық сыну, жұлынның қысылып қалуы, сүйектердің паллиативті сәулеге шалдығуы немесе сүйекке жасалатын операция болып айқындалды. Балалар. Еуропалық дәрілік заттар жөніндегі агенттік (EMA) кең таралған қуық асты безінің обырында балалар жасындағы пациенттердің қосалқы топтарының бәрінде жүргізілген абиратерон зерттеулерінің нәтижелерін ұсынудан бас тартты. Педиатрияда қолдану туралы ақпаратты 4.2 бөлімінен қараңыз.

Дәрілік препаратты дәрігер тағайындайды. Дозалау режимі Ұсынылатын абиратерон дозасы ас ішу кезінде қабылдауға болмайтын бір реттік тәуліктік доза ретінде 1000 мг (500 мг-ден 2 таблетка) құрайды. Дәрілік затты тамақпен бірге қолдану абиратерон жүйелі әсерін арттырады. Преднизон немесе преднизолон дозасы. Қуық асты безінің алғаш диагностикаланған обырын емдеуге ұсынылатын преднизон немесе преднизолон дозасы тәулігіне 5 мг құрайды. Қуық асты безінің метастазданатын кастрацияға төзімді обырын емдеуге ұсынылатын преднизон немесе преднизолон дозасы тәулігіне 10 мг құрайды. Хирургиялық кастрация жасалмаған пациенттерге Абиратерон-Вистамен емдеу барысында ГнРГ аналогымен медициналық кастрация жасауды жалғастырған жөн. Ұсынылатын мониторинг. Абиратерон қолданылатын емдеуді бастар алдында сарысулық трансаминазалар деңгейін бақылау, сондай-ақ олардың деңгейін емдеудің алғашқы 3 айының ішінде әр 2 апта сайын, ал артынан ай сайын бақылап отыру керек. Артериялық қысым, сарысулық калий деңгейін және сұйықтық іркілісін ай сайын бақылап отыру керек. Жүректің іркілісті жеткіліксіздігінің қаупі жоғары пациенттерді емдеудің алғашқы 3 айы бойына әр 2 апта сайын, ал артынан ай сайын бақылап отыру керек. Анамнезінде гипокалиемия бар немесе Абиратерон-Виста препаратымен емдеу кезінде гипокалиемия дамитын пациенттерде ≥ 4,0 мМ калий деңгейі сақталу керек. Артериялық гипертензия, гипокалиемия, ісіну және минералокортикоидтық емес уыттылықты қоса, ≥ 3 деңгейдегі уыттылық дамитын пациенттерге емдеуді тоқтату және тиісті емдік шаралар қабылдау керек. Абиратерон-Виста препаратымен емдеуді тек уыттылық симптомдары 1 деңгейге дейін төмендеген немесе басылған соң ғана жаңғыртуға болады. Гепатоуыттылық. Емдеу аясында гепатоуыттылық (АЛТ немесе АСТ деңгейі қалып шегінен бес еседен көп асып кетеді) дамитын пациенттерде бауыр функциясының қалыпқа түсуінен кейін дереу емдеуді тоқтату керек. Бауыр функциясы деңгейінің қалыпқа түсуінен кейін емдеуді дәрілік заттың тәулігіне бір рет 500 мг (2 таблетка) төмендетілген дозасынан бастап жаңғыртуға болады. Осындай пациенттерде емдеудің 3 айы бойына және әріқарай ай сайын сарысулық трансаминазалар деңгейін бақылап отыру керек. Егер гепатоуыттылық көріністері тәулігіне 500 мг төмендетілген дозасын қабылдау кезінде пайда болса, емдеуді тоқтату керек. Егер пациентте дәрілік затты қабылдау аясында ауыр гепатоуыттылық дамыса (АЛТ немесе АСТ деңгейі қалыптың жоғарғы шегінен 20 есе асып кетеді), абиратеронмен емдеуді тоқтатып, әріқарай жаңғыртпаған жөн. Пациенттердің ерекше топтары Бауыр жеткіліксіздігі бар пациенттер. Анамнезінде Чайлд-Пью жіктеуі бойынша А класының бауыр жеткіліксіздігі бар пациенттерге дозаны түзету қажет емес. Бауырдың орташа жеткіліксіздігінің (Чайлд-Пью шкаласы бойынша В класы) тәулігіне 1 рет 1000 мг дозада пероральді қолданылған абиратерон жүйелі әсерінің 4 есе артуы көріністелді. Бауырдың орташа немесе ауыр жеткіліксіздігі (Чайлд-Пью шкаласы бойынша В немесе С класы) бар пациенттерге абиратерон ацетатының көп реттік дозаларын қолданудың клиникалық қауіпсіздігі мен тиімділігі туралы деректер жоқ. Дозаны түзетуді көздеуге болмайды. Бауырдың орташа жеткіліксіздігі бар пациенттерге Абиратерон-Виста препаратын қолдану мүмкіндігін мұқият саралау керек: емдеудің пайдасы ықтималды қаупінен едәуір басым болуы тиіс. Абиратерон-Виста дәрілік заты бауыр жеткіліксіздігі ауыр пациенттерге қолдануға болмайды. Бүйрек жеткіліксіздігі бар пациенттер. Бүйрек жеткіліксіздігі бар пациенттерге абиратерон дозасын түзету қажет емес. Простата обыры және бүйректің ауыр жеткіліксіздігі бар пациенттерге дәрілік затты қолданудың клиникалық тәжірибесі жоқ. Пациенттердің осы санатына абиратерон қолдану кезінде сақ болу керек. Балалар. Дәрілік зат балаларға қолдануға арналмаған. Енгізу әдісі және жолы Ішке қабылдау үшін. Қабылдау уақытының көрсетілуімен қолдану жиілігі Дәрілік затты аш қарынға қабылдау керек (ас ішуден кейін, кем дегенде, 2 сағаттан соң, сондай-ақ Абиратерон-Виста препаратын қолданудан кейін 1 сағат бойы тамақ ішпеу керек). Таблетканы шайнамай және ұсақтамай тұтас қабылдау керек. Сумен ішуге кеңес беріледі. Емдеу ұзақтығы Емдеу курсын дәрігер белгілейді. Дәрілік препараттың бір немесе бірнеше дозасын өткізіп алу кезіндегі қажетті шаралар Абиратерон-Виста препаратының да, преднизон немесе преднизолонның да тәуліктік дозасын өткізіп алған жағдайда әдеттегі тәуліктік дозасын қолдана отырып, емдеуді келесі күні жаңғыртқан жөн. Тоқтату симптомдары қаупінің болуына көрсетілім • Аталған дәрілік затқа қатыссыз. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар • Препаратты үнемі қосымша парақпен немесе емдеуші дәрігер нұсқауларымен толық сәйкестікте қабылдаңыз.

• Әсер етуші затқа (заттарға) немесе қосымша заттардың кез келгеніне аса жоғары сезімталдық. • Абиратерон-Виста дәрілік заты жүкті және ұрпақ өрбіту жасындағы әйелдерге қарсы көрсетілімді. • Бауырдың ауыр жеткіліксіздігі (Чайлд-Пью шкаласы бойынша С класы). • Преднизонмен немесе преднизолонмен Абиратерон-Виста дәрілік заты Ra-223-пен біріктірілімде қарсы көрсетілімді.

Абиратерон әсер ету механизмінің фармакодинамикалық салдары ретінде артериялық гипертензия, гипокалиемия және сұйықтық іркілісін тудыруы мүмкін. Минералокортикоидты реакцияларды, әдетте, дәрі-дәрмекпен емдеу көмегімен сәтті түзетуге болады. Кортикостероидтарды бір мезгілде қабылдау осы жағымсыз реакциялардың жиілігін және ауырлық дәрежесін төмендетеді. Төменде көрсетілген жай-күйлердің кез келгені пайда болғанда Абиратерон-Виста препаратын қабылдауды тоқтатыңыз және шұғыл дәрігерге қаралыңыз: • бұлшықет әлсіздігі, бұлшықеттердің тартылуы немесе жүректің жиі соғуы (жүрек соғуының жиілеуі). Бұл қандағы төмен калий деңгейінің белгісі болуы мүмкін; • әлсіздік немесе жүйесіз әлде жылдам жүрек ырғағымен болатын бас айналу, өйткені бұл жай-күйлер өмірге қатер төндіруі мүмкін. Басқа жағымсыз реакциялар: Өте жиі: • несеп шығару жолдарының инфекциялары • гипокалиемия • артериялық гипертензия • диарея • (АЛТ) деңгейінің жоғарылауы • (АСТ) деңгейінің жоғарылауы b • шеткері ісіну Жиі: • сепсис • гипертриглицеридемия • жүрек жеткіліксіздігі* • стенокардия • жыпылықтағыш аритмия • тахикардия • диспепсия • бөртпе • гематурия • сынулар** Жиі емес: • аритмиялардың басқа түрлері • миопатия • рабдомиолиз Сирек: • аллергиялық альвеолита • фульминантты гепатит • бауырдың жедел жеткіліксіздігі Жиілігі белгісіз: • миокард инфарктісі • QT аралығының ұзаруы • анафилаксиялық реакциялар * Жүрек жеткіліксіздігі жүректің іркілісті жеткіліксіздігін, сол жақ қарынша дисфункциясын және лықсыту фракциясының азаюын да қамтиды. ** Сынулар, остеопорозды қоса және сынулардың барлық түрлері, патологиялық сынуларды қоспағанда. а Маркетингтен кейінгі кезеңде өздігінен келіп түскен хабарламалар. b АЛТ және/немесе АСТ деңгейінің жоғарылауы, АЛТ жоғарылауын, АСТ жоғарылауын қоса, бауыр функциясының бұзылуы. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттар тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық дерекқорға тікелей хабарласу керек ДП «пайда-қауіп» арақатынасына үздіксіз мониторинг өткізуді қамтамасыз ету мақсатында препаратты тіркеуден кейін жағымсыз дәрілік реакциялар туралы хабарлау маңызды. Медициналық қызметкерлерге ҚР жағымсыз реакциялар туралы ұлттық хабарландырy жүйесі арқылы дәрілік препараттың кез келген күмәнді жағымсыз реакциялары туралы мәлімдеуге кеңес беріледі: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Абиратерон-Виста дәрілік затымен артық дозалану тәжірибесі шектеулі. Арнайы антидоты жоқ. Артық дозаланған жағдайда Абиратерон-Виста препаратын қабылдауды тоқтата тұрып, аритмия, гипокалиемия және сұйықтық іркілісі симптомдары жағдайында симптоматикалық емдеу және мониторингтеу тағайындалу керек. Бауыр функциясына да бағалау жүргізген жөн.

Дәрілік препаратты дәрігер тағайындайды. Емдеуді бастар алдында іркілісті жүрек жеткіліксіздігінің (мысалы, анамнездегі жүрек жеткіліксіздігі, бақыланбайтын гипертензия немесе жүректің ишемиялық ауруымен) елеулі туындау қаупі бар пациенттерге жүрек қызметін бағалау (мысалы, эхокардиограмма көмегімен) жүргізілу керек. Абиратерон-Виста дәрілік затымен емді бастар алдында жүрек жеткіліксіздігін емдеп жазу және жүрек функциясын оңтайландыру керек. Артериялық гипертензия, гипокалиемия және сұйықтық іркілісін бақылап отыру қажет. Емдеу кезінде артериялық қысымды, калий деңгейін, сұйықтық іркілісін (дене салмағының артуы, шеткері ісіну) және жүректің іркілісті жеткіліксіздігінің басқа көріністерін алғашқы үш ай ішінде әр 2 апта сайын, ал әріқарай ай сайын өлшеу керек, ауытқулар түзетілу керек. Абиратерон-Виста препаратын бауырдың ауыр жеткіліксіздігі бар пациенттерге қолдануға болмайды. Абиратерон-Виста дәрілік затын қолданар алдында, алғашқы үш ай ішінде әр 2 апта сайын, ал әріқарай ай сайын сарысулық трансаминазалар деңгейлерін бақылап отыру қажет. Абиратерон-Виста препаратын және миопатия/рабдомиолиз дамуымен астасқан дәрілік заттарды бір мезгілде қолдану кезінде сақ болу керек. Абиратеронның жүйелі әсерінің төмендеу қаупіне орай, емдік баламасы болмайтын жағдайларды қоспағанда, Абиратерон-Виста препаратын CYP3A4 қуатты индукторларымен бір мезгілде қолданбау керек. Арнайы сақтандырулар Минералокортикоидтардың артық мөлшері салдарынан болатын артериялық гипертензия, гипокалиемия мен сұйықтық іркілісі және жүрек жеткіліксіздігі. Абиратерон CYP17 бәсеңдеуі нәтижесінде болатын минералокортикоидтар деңгейінің жоғарылауы салдарынан артериялық гипертензия, гипокалиемия және организмде сұйықтық іркілісін туындатуы мүмкін. Кортикостероидтарды бір мезгілде қолдану адренокортикотропты гормон (АКТГ) белсенділігін бәсеңдетеді, бұл осы жағымсыз әсерлер жиілігінің және ауырлық дәрежесінің төмендеуіне әкеледі. Негізгі ауруының өршуі артериялық қысымының жоғарылауымен, гипокалиемия (жүрек гликозидтерін қабылдау аясында) немесе сұйықтық іркілісімен (мысалы, жүрек жеткіліксіздігінде, ауыр немесе тұрақсыз стенокардияда, таяуда алған миокард инфарктісінде немесе қарыншалық аритмияда және бүйрек жеткіліксіздігі ауыр пациенттерде) көрініс беруі мүмкін пациенттерді емдеу кезінде дәрілік затты сақтықпен қолдану керек. Абиратерон-Виста дәрілік затын анамнезінде жүрек-қантамыр аурулары бар пациенттерге сақтықпен қолданылу керек. Абиратерон ацетаты қолданылған III фаза зерттеулерінен бақыланбайтын гипертензия, жүректің клиникалық мәнді аурулары бар пациенттер шығарылды, оны соңғы 6 ай ішіндегі миокард инфарктісі немесе артериялық тромбоз құбылыстары, ауыр немесе тұрақсыз стенокардия, NYHA шкаласы бойынша III немесе IV дәрежедегі жүрек жеткіліксіздігі (алдын ала химиялық ем қолданылған пациенттердің қатысуымен 301 зерттеу) немесе II-ден IV дәрежеге дейінгі жүрек жеткіліксіздігі (алғаш диагностикаланған қуық асты безінің обыры бар немесе химиялық ем клиникалық тұрғыда көрсетілмеген 3011 зерттеу (302 зерттеу)), сол жақ қарыншаның лықсыту фракциясының ˂ 50% мәні айғақтайды. Алғаш диагностикаланған қуық асты безінің обыры бар немесе химиялық ем клиникалық тұрғыда көрсетілмеген пациенттердің қатысуымен 3011 зерттеуден (302) медициналық араласуды талап ететін жүрекшелер фибрилляциясы және жүрек аритмияларының басқа түрлері бар пациенттер шығарылды. Сол жақ қарыншаның лықсу фракциясы (СҚЛФ) ˂ 50% немесе NYHA шкаласы бойынша III немесе IV дәрежедегі жүрек жеткіліксіздігі (алдын ала химиялық ем қолданылған пациенттердің қатысуымен 301 зерттеу) немесе II-ден IV дәрежеге дейінгі жүрек жеткіліксіздігі бар пациенттер үшін дәрілік затты қолдану қауіпсіздігі (алғаш диагностикаланған қуық асты безінің обыры бар немесе химиялық ем клиникалық тұрғыда көрсетілмеген пациенттердің қатысуымен 3011 зерттеу (302 зерттеу)) анықталмаған. Абиратерон-Виста дәрілік затын қолдану аясында гипокалиемия байқалған пациенттерде QT аралығының ұзаруы байқалды. Жүрек функциясының клиникалық мәнді ауытқуларында тиісті ем жүргізіліп, қажет болған жағдайда препаратпен емдеуді тоқтатудың мақсатқа сай болуын қарастыру керек. Гепатоуыттылық және бауыр жеткіліксіздігі. Клиникалық зерттеулер үдерісінде бауыр ферменттерінің деңгейі айқын жоғарылаған жағдайлар мәлімделді, бұл емдеуді тоқтатуды немесе дәрілік зат дозасын түзетуді талап етті. Гепатоуыттылық дамуын көрсететін клиникалық симптомдар немесе белгілер дамыған жағдайда дереу сарысулық трансаминазалар деңгейін анықтау керек. Егер аланинаминотрансфераза (АЛТ) немесе аспартатаминотрансфераза (АСТ) деңгейі қалыптың жоғарғы шегінен 5 еседен көп асып кетсе, Абиратерон-Виста препаратымен емдеуді дереу тоқтату және бауыр функциясын мұқият бағалау керек. Пациентте бауыр функциясы бастапқы деңгейге дейін қалыпқа түскен жағдайда ғана Абиратерон-Виста препаратының төмендетілген дозасын қолданумен емдеуді жаңғыртуға болады. Ауыр гепатоуыттылық дамыған жағдайда (АЛТ немесе АСТ деңгейі қалыптың жоғарғы шегінен 20 есе асып кетеді) дәрілік затты тоқтату және әріқарай абиратерон тағайындалмау керек. Белсенді фазадағы вирустық гепатит бар пациенттер клиникалық зерттеулерге қатыспайды, сондықтан пациенттердің осы тобында абиратеронды қолдану жөнінде деректер жоқ. Бауырдың орташа немесе ауыр жеткіліксіздігі бар пациенттерге (Чайлд-Пью шкаласы бойынша В немесе С класы) абиратерон ацетатының көп реттік дозаларын қолданудың қауіпсіздігі мен тиімділігіне қатысты деректер жоқ. Бауырдың орташа жеткіліксіздігі бар пациенттерге және егер емдеудің пайдасы ықтималды қауіптерден едәуір асып кеткен жағдайда ғана Абиратерон-Виста препараты абайлап қолданылу керек. Маркетингтен кейінгі кезеңде бауырдың жедел жеткіліксіздігі және фульминантты гепатит жағдайлары мәлімделді, олардың кейбіреуі өліммен аяқталды. Кортикостероидтарды тоқтату және стресс оқиғаларының орын алуы. Преднизон немесе преднизолонды тоқтатқан жағдайда бүйрек үсті бездері қыртысының жеткіліксіздігі көріністеріне қатысты пациенттің жай-күйін мұқият бақылап отыру керек. Егер абиратеронды қабылдау кортикостероидтарды тоқтатудан кейін жалғасса, минералокортикоидтардың артық мөлшеріне қатысты пациенттің жай-күйін қадағалау керек. Егер пациент ауыр стресс оқиғасын өткерсе, стресс оқиғасы кезінде және одан кейін преднизон немесе преднизолонның жоғары дозалары көрсетілуі мүмкін. Сүйектер тығыздығы. Простатаның метастаздаушы обыры (қуық асты безінің кастрацияға төзімді обыры) бар ерлерде сүйек тінінің тығыздығы төмендеуі мүмкін. Абиратерон-Виста препаратын глюкокортикостероидтармен біріктірілімде қолдану осы әсерін күшейтуі мүмкін. Кетоконазолды алдын ала қолдану. Кетоконазолды бұрын қабылдаған пациенттерде абиратеронға сезімталдықтың төменірек көрсеткіштерін күтуге болады. Гипергликемия. Глюкокортикоидтарды қолдану гипергликемияны арттыруы мүмкін, сондықтан қант диабеті бар пациенттерге қандағы қант деңгейін жиі өлшеу керек. Гипогликемия. Абиратеронды преднизон/преднизолонмен бірге пиоглитазон немесе репаглинид қабылдаған қант диабетінің даму қаупі бар пациенттерге қолдану кезіндегі гипогликемия жағдайлары мәлімделді, сондықтан қант диабеті бар пациенттер қанындағы қант деңгейін бақылап отыру керек. Химиялық еммен қолдану. Абиратеронды цитоуытты химиялық еммен бір мезгілде қолдану қауіпсіздігі мен тиімділігі анықталмаған. Қосымша заттар жақпаушылығы. Абиратерон-Виста препаратының құрамына лактоза кіреді. Сирек тұқым қуалайтын галактоза жақпаушылығының кінәраттары, жалпы лактаза жеткіліксіздігі немесе глюкоза/галактоза сіңуінің бұзылуы бар пациенттерге дәрілік затты қабылдауға болмайды. Абиратерон-Виста 500 мг дәрілік затының құрамында 280 мг/доза натрий бар. Натрий бақыланатын диетаны ұстанатын пациенттерге дәрілік затты қолдану кезінде сақ болу керек. Ықтималды қауіптер. Абиратерон-Виста дәрілік затымен емнен өтіп жүргендерін қоса, метастазданатын кастрацияға төзімді обыры бар ерлерде анемия және сексуалдық дисфункция туындауы мүмкін. Қаңқа-бұлшықет жүйесіне әсері. Абиратерон ацетатын қолданып жүрген пациентерде миопатия және рабдомиолиз жағдайлары мәлімделді. Кейбір пациенттерде рабдомиолиз дамыды, негізінен осындай құбылыстар емнің алғашқы 6 айының ішінде туындады және дәрілік затты тоқтатудан кейін басылды. Абиратерон мен преднизон/преднизолонның Ra-223-мен біріктірілімі. Клиникалық зерттеулерде байқалған симптомдарсыз немесе аз білінетін симптомдармен қуық асты безінің обыры бар пациенттерде жоғары сыну қаупі мен өлімге көп ұшырау үрдісі салдарынан абиратерон және преднизон/преднизолонмен Ra-223-пен біріктірілімде емдеу қарсы көрсетілімді. Абиратерон-Виста дәрілік затын преднизон/преднизолонмен біріктірілімде соңғы қабылдаудан кейін өткен уақыт 5 күннен аз болса, әріқарай Ra-223-пен емдеуді бастауға кеңес берілмейді. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Абиратерон-Виста дәрілік заты автокөлікті басқару немесе басқа механизмдермен жұмыс істеу қабілетіне әсер етпейді немесе мардымсыз әсер етеді.

Ұрпақ өрбіту жасындағы әйелдер. Абиратерон-Виста препаратын жүкті әйелдерге қолдану деректері жоқ. Осы дәрілік зат бала көтеруі ықтималды әйелдерге қарсы көрсетілімді. Ерлер мен әйелдердегі контрацепция. Абиратерон немесе оның метаболиттерінің шәуһетте бар екені туралы деректер жоқ. Жүкті әйелмен жыныстық қатынасқа түскенде мүшеқап пайдалану керек. Егер пациенттің ұрпақ өрбіту жасындағы әйелмен жыныстық өмір салты болса, контрацепцияның басқа тиімді әдістерімен біріктірілімде мүшеқапты пайдалану керек. Жануарларға жүргізілген зерттеулер тұқым өрбіту қабілетіне уыттылығының бар екенін көріністеді. Жүктілік. Абиратерон-Виста дәрілік затын әйелдерге қолдануға көрсетілмеген. Абиратерон ацетаты жүкті және бала көтеріп қалуы ықтималды әйелдерге қарсы көрсетілімді. Бала емізу. Абиратерон-Виста дәрілік затын лактация кезеңінде жүрген әйелдерге қолдануға болмайды. Фертильділік. Абиратерон зерттеулер кезінде жануарлар фертильділігіне ықпал етті, бірақ бұл әсері қайтымды болды.

Ас ішудің абиратерон ацетатына әсері. Абиратерон-Виста дәрілік затын ас ішумен қолдану абиратерон ацетатының сіңуін едәуір дәрежеде арттырады. Дәрілік затты тамақпен бірге қолдану тиімділігі мен қауіпсіздігі анықталмаған, сондықтан Абиратерон-Виста препаратын тамақпен бірге қолдануға болмайды. Басқа дәрілік заттардың абиратеронға әсері CYP3A4 қуатты индукторы – рифампицинді 6 күн бойы тәулігіне 600 мг дозада, ал артынан абиратерон ацетатының 1000 мг бір реттік дозасын бастапқыда қолданған дені сау еріктілердің қатысуымен фармакокинетикалық өзара әрекеттесу зерттеуі үдерісінде қан плазмасында абиратеронның AUC∞ орташа деңгейі 55% төмендеді. Емдік баламасы болмайтын жағдайларды қоспағанда, CYP3A4 күшті индукторларын (мысалы, фенитоин, карбамазепин, рифампицин, рифабутин, рифапентин, фенобарбитал, әдеттегі шайқурай Hypericum perforatum) қолданбау қажет. Дені сау еріктілердің қатысуымен жекелеген клиникалық зерттеуде CYP3A4 күшті тежегіші – кетоконазолды бір мезгілде қолданудың абиратерон фармакокинетикасына клиникалық маңызды әсері болмады. Абиратеронның басқа дәрілік заттарға әсері. Абиратерон бауырдағы CYP2D6 және CYP2C8 ферменттерінің тежегіші болып табылады, олардың көмегімен дәрілік заттар метаболизмі жүреді. Абиратерон ацетатының (преднизонмен) CYP2D6 декстрометорфан субстратының бір реттік дозасына әсерлерін анықтау мақсатында жүргізілген зерттеу үдерісінде декстрометорфан AUC шамамен 2,9 есе ұлғайды. Декстрометорфан белсенді метаболиті – декстрорфан үшін AUC24 мәні 33% артты. Абиратерон-Виста препаратын CYP2D6 арқылы белсенділенетін немесе метаболизденетін дәрілік заттармен, атап айтқанда, емдік индексі тар дәрілік заттармен абайлап қолдануға кеңес беріледі. Сондықтан CYP2D6 арқылы метаболизденетін және емдік индексі тар дәрілік зат дозасын төмендету мәселесін қарастыру керек. Осындай CYP2D6 арқылы метаболизденетін дәрілік заттар метопролол, пропранолол, дезипрамин, венлафаксин, галоперидол, рисперидон, пропафенон, флекаинид, кодеин, оксикодон, трамадол болып табылады (соңғы үшеуіне белсенді жансыздандыратын метаболиттер түзілуі үшін CYP2D6 қажет). Дені сау еріктілердің қатысуымен CYP2C8 дәрілік өзара әрекеттесулерінің зерттеуі үдерісінде пиоглитазонды абиратерон ацетатының 1000 мг бір реттік дозасымен қолданғанда пиоглитазон AUC 46% ұлғайды, ал пиоглитазонның M-III және M-IV белсенді метаболиттерінің әрқайсысының AUCs мәні 10% төмендеді. Бұл нәтижелер көбінесе CYP2C8 көмегімен метаболизденетін дәрілік заттардың жүйелі әсерінің клиникалық маңызды артуының болмауын көрсетсе де, оларды абиратерон ацетатымен бір мезгілде қолданғанда пациенттерді емдік индексі тар CYP2C8 субстраттарын бір мезгілде қолданумен байланысты уыттылық белгілеріне қатысты мұқият қадағалау керек. Пиоглитазон мен репаглинидті қоса, CYP2C8 арқылы метаболизденетін дәрілік заттар мысалдары. Абиратеронның басты метаболиттері – абиратерон сульфаты және абиратерон сульфатының N тотығы in vitro OATP1B1 тасымалдағышының бәсеңдеуін көріністеді. Соның салдарынан, бұл OATP1B1 көмегімен шығарылатын дәрілік заттар концентрациясының жоғарылауына алып келуі мүмкін. Тасымалдағышқа тәуелді өзара әрекеттесулерін растау үшін клиникалық деректер жоқ. QT аралығын ұзартатын дәрілік заттар. Андроген-депривациялық ем QT аралығының ұзаруына әкелуі мүмкін екендіктен, Абиратерон-Виста дәрілік заты QT аралығын ұзартуы мүмкін дәрілік заттармен немесе аритмияға қарсы IA класс (мысалы, хинидин, дизопирамид) немесе III класс (мысалы, амиодарон, соталол, дофетилид, ибутилид) дәрілері, аритмияға қарсы препараттар, метадон, моксифлоксацин, нейролептиктер және т.б. сияқты «пируэт» типті қарыншалық тахикардияны тудыруы мүмкін препараттармен абайлап қолдану керек. Спиронолактонмен қолдану. Спиронолактон андроген рецепторларымен байланысады, бұл қуық асты безінің спецификалық антигені (ПСА) деңгейінің жоғарылауына әкелуі мүмкін. Абиратерон-Виста препаратымен бір мезгілде қолдануға кеңес берілмейді.

Сақтау мерзімі 2 жыл. Жарамдылық мерзімі өткеннен кейін қолдануға болмайды. Сақтау шарттары 30 °С-ден аспайтын температурада сақтау керек. Балалардың қолы жетпейтін жерде сақтау керек.