Агвистат® таблетки 5 мг/160 мг

Бір таблетканың құрамында белсенді заттар: амлодипин бесилаты 6.94 мг немесе 13.88 мг (тиісінше 5 мг немесе 10 мг амлодипинге шаққанда) және валсартан 160 мг, қосымша заттар: микрокристалды целлюлоза, кросповидон, повидон, коллоидты кремнийдің қостотығы (аэросил), магний стеараты. қабықтың құрамы: ГПМЦ/гипромеллоза 6 mPas, тальк, титанның қостотығы (Е171), макрогол/ПЭГ 400, темірдің сары тотығы (Е172) Сыртқы түрінің, иісінің, дәмінің сипаттамасы Дөңгелек пішінді, күңгірт-сары түсті үлбірлі қабықпен қапталған таблеткалар (5 мг/160 мг дозасы үшін). Дөңгелек пішінді, ашық-сары түсті үлбірлі қабықпен қапталған таблеткалар (10 мг/160 мг дозасы үшін).

• эссенциальді артериялық гипертензияны емдеуде. Агвистат® артериялық қысымы амлодипин немесе валсартан монотерапиясын қолданумен тиісті түрде бақыланбайтын ересек пациенттерге тағайындалады

Агвистат артериялық гипертензиясы бар пациенттерде артериялық қысымды бақылаудың қосымша механизмдері бар екі гипертензияға қарсы қосылысты қамтиды: амлодипин кальций антагонистері класына жатады, ал валсартан ангиотензин II рецепторларының блокаторлары класына жатады. Осы заттардың біріктірілімі аддитивті гипертензияға қарсы әсерге ие. Амлодипин/Валсартан Амлодипин мен валсартан біріктірілімі емдік дозалардың барлық ауқымында артериялық қысымның дозаға тәуелді аддитивті төмендеуін тудырады. Біріктірілімді бір рет қабылдаудың гипертензияға қарсы әсері 24 сағат бойы сақталады. Плацебо-бақыланатын зерттеулер Артериялық гипертензиясы бар 1400-ден астам пациент күніне бір рет плацебо-бақыланатын екі зерттеуде амлодипин / валсартан қабылдады. Зерттеуге жеңіл және орташа асқынбаған эссенциальді гипертензиясы бар ересектер кірді (отырған кезіндегі орташа диастолалық артериялық қысым 2:95 және <110 мм сын.бағ.). Жүрек-қантамыр қаупі жоғары - жүрек жеткіліксіздігіне, I типті қант диабетіне және нашар бақыланатын II типті қант диабетіне, миокард инфарктісіне немесе инсультке шалдыққан пациенттер бір жыл ішінде шығарылды. Монотерапияға жауап бермейтін пациенттерде белсенді бақыланатын зерттеулер Параллельді топтарда белсенді бақыланған көп орталықты рандомизацияланған салыстырмалы жасырын зерттеу 160 мг валсартанмен емделуде қалған 53% пациенттермен салыстырғанда 160 мг валсартанмен талапқа сай бақылау алмаған пациенттерде, 10 мг/160 мг амлодипин/валсартан алған пациенттерде 75% жағдайда және 5 мг / 160 мг амлодипин/валсартан қабылдаған пациенттерде 62% жағдайда артериялық қысымның қалыпқа келуін (сынақ соңында отырған кездегі диастолалық артериялық қысым < 90 мм сын.бағ.) көрсетті. 10 мг және 5 мг дозада амлодипиннің қосылуы 160 мг валсартанды ғана қабылдаған пациенттермен салыстырғанда систолалық/диастолалық артериялық қысымның тиісінше 6,0/4,8 мм сын.бағ. және 3,9/2,9 мм сын.бағ. қосымша төмендеуіне әкелді. Параллельді топтарда белсенді бақыланған көп орталықты рандомизацияланған салыстырмалы жасырын зерттеу 10 мг дозада амлодипинмен АҚ талапқа сай бақылауын алмаған пациенттерде, 10 мг амлодипинде қалған пациенттердің 67% - ымен салыстырғанда 10 мг/160 мг амлодипин/валсартан қабылдаған пациенттердің 78% - ында артериялық қысымның қалыпқа келуін (сынақ соңында отырған кездегі диастолалық артериялық қысым < 90 мм сын.бағ.) көрсетті. 160 мг дозада валсартанның қосылуы систолалық/диастолалық артериялық қысымның 2,9/2,1 мм сын.бағ. қосымша төмендеуіне әкелді. Амлодипин/валсартан біріктірілімі отырған қалпындағы диастолалық артериялық қысымы орташа ≥100 мм сын.бағ. гипертониялық ауруға шалдыққан 130 пациентте белсенді бақыланатын зерттеуде де зерттелген. Бұл зерттеуде (негізгі артериялық қысым 171/113 мм сын.бағ.) 5 мг/160 мг-ден 10 мг/160 мг-ға дейін титрленетін амлодипин/валсартан қабылдау схемасы отырған кездегі артериялық қысымды 10 мг/12,5 мг-ден мг/12,5 мг-ға дейін титрленетін лизиноприл/гидрохлортиазидді қабылдау сфхемасы кезіндегі 32/28 мм сын.бағ.-дан 36/29 мм сын.бағ. төмендеткен. Екі ұзақ мерзімді перспективалық зерттеулерде амлодипин/валсартан әсері бір жылдан астам уақыт бойы сақталды. Амлодипин/валсартан қабылдауды күрт тоқтату артериялық қысымның тез көтерілуіне әкелген жоқ. Жасы, жынысы, нәсілі немесе дене салмағының индексі (30 кг/м2, <30 кг/м2) амлодипин/валсартан біріктірілімінің әсеріне әсер етпеді. Амлодипин / валсартан артериялық гипертензиясы бар пациенттер тобында ғана зерттелген. Валсартан миокард инфарктісі және жүрек жеткіліксіздігі бар пациенттерде зерттелген. Амлодипин созылмалы тұрақты стенокардия, вазоспазмдық стенокардия және ангиографиялық расталған коронарлық артерия ауруына шалдыққан пациенттерде зерттелген. Амлодипин Амлодипин/валсартан препаратының амлодипин компоненті кальций иондарының жүрек және қантамыр тегіс бұлшықетіне трансжарғақшалық енуін тежейді. Амлодипиннің гипертензияға қарсы әсер ету механизмі тамырлардың тегіс бұлшықеттеріне тікелей босаңсыту әсерінен туындайды, бұл перифериялық қан тамырлары кедергісі мен аратериялық қысымның төмендеуіне әкеледі. Эксперименттік деректер амлодипин дигидропиридиннің және недигидропиридиннің байланыстыру учаскелерімен байланысады деп болжайды. Жүрек бұлшықетінің жиырылу процестері және тамырлардың тегіс бұлшықеттері жасушадан тыс кальцийдің белгілі бір иондық арналар арқылы жасушаларға ауысуына байланысты. Гипертензиясы бар пациенттерге препараттың емдік дозаларын енгізгеннен кейін амлодипин қантамырлардың кеңеюін тудырады, бұл жатқан және тұрған жағдайында артериялық қысымның төмендеуіне әкеледі. Артериялық қысымның мұндай төмендеуі препаратты ұзақ қабылдаған кезде жүректің жиырылу жиілігінің немесе плазмадағы катехоламиндер деңгейінің елеулі өзгеруімен қатар жүрмейді. Плазмадағы концентрация жас пациенттерде де, егде жастағы пациенттерде де әсер етеді. Артериялық гипертензиясы және бүйректің функциясы қалыпты пациенттерде амлодипиннің емдік дозалары бүйректің қантамырлық кедергісінің төмендеуіне, шумақтық сүзілу жылдамдығының артуына және сүзілу фракциясын немесе протеинурияны өзгертпестен бүйректің қан ағымының тиімді ағуына әкелді. Басқа кальций өзекшелерінің блокаторларын қолдану жағдайындағыдай, амлодипин қабылдаған, қарыншаның функциясы қалыпты пациенттерде тыныштық жағдайында және дене жаттығуларын орындау (немесе стимуляция) кезінде жүрек функциясын гемодинамикалық өлшеу dp/dt (сол жақ қарыншаның жалпы жиырылу параметрі) немесе соңғы диастолалық қысымға немесе сол жақ қарыншаның көлеміне айтарлықтай әсер етпестен жүрек индексінің шамалы ұлғаюы байқалды. Гемодинамикалық зерттеулер жүргізу кезінде амлодипиннің интактілі жануарлар мен пациенттерге, сондай-ақ бета-блокаторлармен бірге енгізген кезде пациенттерге емдік дозаларда енгізген кезде теріс инотропты әсерімен байланысты емес екені анықталды. Амлодипин интактілі жануарларда немесе пациенттерде синатриальді түйін функциясын немесе атриовентрикулярлы өткізгіштікті өзгертпейді. Амлодипин гипертензиясы немесе стенокардиясы бар пациенттерге бета-блокаторлармен бірге енгізілген клиникалық зерттеулерде электрокардиографиялық параметрлерге жағымсыз әсер байқалмады. Гипертензиясы бар пациенттерде қолдану Анағұрлым жаңа емдеу әдістерін салыстыру үшін «Инфаркттың алдын алу үшін гипертензияға қарсы және гиполипидемиялық ем» (ALLHA) деп аталатын ауру мен өлім-жітімді рандомизацияланған, салыстырмалы жасырын зерттеу жүргізілді: жеңіл және орташа дәрежедегі гипертензия кезінде тиазидті диуретиктермен, күніне 12,5-25 мг хлорталидонмен жүргізілген еммен салыстырғанда күніне 2,5-10 мг амлодипинді (кальций өзекшелерінің блокаторлары) немесе күніне 10-40 мг лизиноприлді (АӨФ тежегіштері) бірінші желілі ем ретінде қабылдау. Жалпы алғанда, артериялық гипертензиясы бар 33 357 пациент: 55 жастағы және одан үлкен пациенттер емдеу топтарына рандомизацияланды, оларға орта есеппен 4,9 жыл бойы бақылау жүргізілді. Пациенттерде жүректің ишемиялық ауруы дамуының кем дегенде бір қосымша қауіп факторы байқалды, оның ішінде: анамнезіндегі миокард инфарктісі немесе инсульт (зерттеуге енгізілгенге дейін > 6 ай) немесе басқа атеросклероздық жүрек-қантамыр ауруларының болуы (жалпы алғанда 51,5%), 2 типті қант диабеті (36,1%), липопротеиндер-холестериннің жоғары деңгейі <35 мг/дл немесе <0,906 ммоль/л (11,6%), электрокардиограмманы сипаттау негізінде немесе эхокардиографияны орындау кезінде диагнозы анықталған сол жақ қарыншаның гипертрофиясы (20,9%), белсенді шылым шегуші болған (21,9%). Бастапқы соңғы нүкте жүректің ишемиялық ауруы немесе өлімге әкелмейтін миокард инфарктісі болды. Амлодипин негізіндегі емдеу мен хлорталидон негізіндегі емдеу арасындағы бастапқы соңғы нүктеде айтарлықтай айырмашылық байқалған жоқ: қауіп қатынасы (ҚҚ) 0,98, СА 95% (0,90-1,07) р = 0,65. Екіншілік соңғы нүктелердің арасында жүрек жеткіліксіздігінің жиілігі (жүрек-қантамыр ауруларының біріктірілген соңғы даму нүктесінің компоненті) хлорталидонды қабылдау тобымен салыстырғанда амлодипинді қабылдау тобында едәуір жоғары болды (7,7%-ға қарсы 10,2%, ҚҚ 1,38, 95% СА [1,25-1,52] р <0,001). Дегенмен, амлодипин негізінде ем жүргізу және хлорталидон негізінде ем жүргізу топтары арасында кез келген себеппен өлім деңгейінде айтарлықтай айырмашылық байқалған жоқ: ҚҚ 0,96 95% СА [0,89-1,02] р = 0,20. Валсартан Валсартан пероральді қолданғанда белсенді болатын ангиотензин II рецепторларының күшті әсер ететін және спецификалық блокаторы болып табылады. Ол ангиотензин II-нің белгілі әсеріне жауап беретін АТ1 қосалқы түрінің рецепторларына селективті әсер етеді. АТ1-рецепторлардың блокадасының салдары ангиотензин II плазмалық концентрациясының жоғарылауы болып табылады, ол АТ2 қосалқы түрінің оқшауланбаған рецепторларын стимуляциялауы мүмкін, бұл АТ1-рецепторлардың әсерін реттейді. Валсартанның АТ1-рецепторларға қатысты агонистік белсенділігі жоқ. Оның AT1 қосалқы түрінің рецепторларына жақындығы AT2 қосалқы түрінің рецепторларына қарағанда шамамен 20000 есе көп. Валсартан ангиотензин I-ді ангиотензин II-ге айналдыратын және брадикининді бұзатын, кининаза II деп те аталатын, ангиотензин-өзгертетін ферментті (АӨФ) тежемейді. АӨФ әсерінің болмауына байланысты брадикинин мен Р субстанциясының әсері потенциалданбайды, сондықтан ангиотензин II антагонистерін қабылдаған кезде құрғақ жөтелдің дамуы екіталай. Валсартанды АӨФ тежегішімен салыстырған клиникалық зерттеулер құрғақ жөтелдің даму жиілігі АӨФ тежегішін алған науқастармен салыстырғанда валсартан алған науқастарда (тиісінше 7,9% қарсы 2,6%) сенімді (р<О,05) аз болғанын көрсетті. АӨФ тежегіштерімен емдеу кезінде анамнезінде жөтел бар пациенттерде клиникалық зерттеулерде АӨФ тежегішін алған пациенттердің 68,5% - ымен салыстырғанда валсартанға ауыстырылған пациенттердің 19,5% - ында және тиазидті диуретиктер алған пациенттердің 19,0% - ында құрғақ жөтел (р<О.05) байқалды. Валсартан жүрек-қантамыр жүйесі процестерін реттеуде маңызды рөл атқаратыны белгілі басқа гормон рецепторларын немесе иондық арналарды байланыстырмайды немесе бөгемейді. Гипертензиясы бар пациенттерге валсартанды енгізу тамыр соғысының жиілігіне әсер етпестен артериялық қысымның төмендеуіне әкеледі. Пациенттердің көпшілігінде бір реттік пероральді дозаны енгізгеннен кейін препараттың гипертензияға қарсы әсері 2 сағат ішінде басталады, ал артериялық қысымды барынша төмендетуге 4-6 сағаттан кейін қол жеткізіледі. Гипертензияға қарсы әсер препарат дозасын енгізгеннен кейін 24 сағат бойы сақталады. Препараттың қайталама дозасын қабылдаған кезде кез келген дозада артериялық қысымның барынша төмендеуіне әдетте 2-4 апта ішінде қол жеткізіледі және ұзақ ем жүргізген кезде сақталады. Басқа препараттар: ренин-ангиотензин-альдостерон жүйесінің (РААЖ) қосарлы блокадасы Екі ірі рандомизацияланған бақыланатын зерттеулер (ONTARGET (ONgoing Telmisartan Alone and in cornbination with Ramipril Global Endpoint Trial [телмисартанды монотерапия түрінде және соңғы нүктені ескере отырып рамиприлмен біріктірілімде салыстыруға бағытталған халықаралық зерттеу]) және VA NEPHRON-D (The Veterans Affairs Nephropathy in Diabetes [Ардагерлер істері министрлігі жүргізген қант диабеті нефропатиясын зерттеу])) шеңберінде АӨФ тежегіші мен ангиотензин II рецепторларының блокаторынан біріктірілімді қолдану зерттелді. ONTARGET зерттеуі анамнезі жүрек-қантамыр немесе цереброваскулярлық ауру немесе нысана-ағзалардың ишемиялық зақымдану белгілерімен қатар жүретін 2 типті қант диабетін қамтыған пациенттер арасында жүргізілді. VA NEPHRON-D зерттеуі 2 типті қант диабеті және диабеттік нефропатиясы бар пациенттер арасында жүргізілді. Осы зерттеулерде бүйрек және (немесе) жүрек-қантамыр нәтижелеріне және өлім-жітім көрсеткіштеріне қандай да бір елеулі қолайлы әсер көрсетілмеді, бұл ретте монотерапиямен салыстырғанда гиперкалиемияның, жедел бүйрек жеткіліксіздігінің және (немесе) гипотензияның даму қаупі жоғары болды. Осы нәтижелер олардың ұқсас фармакодинамикалық қасиеттерін ескере отырып, басқа АӨФ тежегіштері және ангиотензин II рецепторларының блокаторлары үшін де маңызды болып табылады. Диабеттік нефропатиясы бар пациенттерге АӨФ тежегіштерін және ангиотензин II рецепторларының блокаторларын бір мезгілде тағайындауға болмайды (4.4-бөлімді қараңыз). ALTITUDE зерттеуі (Aliskiren Trial in tour 2 Diabetes Using Cardiovascular and Renal Disease Endpoints [жүрек-қантамыр және бүйрек аурулары түрінде соңғы нүктелерді қолдана отырып, қант диабеті кезінде алискиреннің қолданылуын зерттеу]) II типті қант диабетіне, сондай-ақ созылмалы бүйрек ауруына және (немесе) жүрек-қантамыр ауруларына немесе бірден екі ауруға шалдыққан пациенттерде АӨФ тежегішімен немесе ангиотензин II рецепторларының блокаторымен стандартты емге алискиренді қосудың пайдасын зерттеуге бағытталған. Зерттеу қолайсыз нәтижелердің пайда болу қаупінің жоғарылауына байланысты мерзімінен бұрын аяқталды. Жүрек-қантамыр бұзылыстары мен инсульт салдарынан болған өлім плацебо алған топпен салыстырғанда алискирен қабылдаған топта (сандық қатынаста) жиі байқалды, бұл ретте қызығушылық тудыратын жағымсыз құбылыстар мен елеулі жағымсыз құбылыстар (гипокалиемия, гипотензия және бүйрек функциясының бұзылуы) плацебо алған топқа қарағанда алискирен алған топта жиі байқалды.

Дозалау режимі Ұсынылатын доза - тәулігіне 1 таблетка. 5 мг/80 мг Агвистат АҚ монотерапия режимінде 5 мг амлодипин немесе 80 мг валсартан көмегімен тиісті түрде бақылау мүмкін емес пациенттерде қолданылуы мүмкін. 5 мг/160 мг Агвистат АҚ монотерапия режимінде 5 мг амлодипин немесе 160 мг валсартан көмегімен тиісті түрде бақылау мүмкін емес пациенттерде қолданылуы мүмкін. 10 мг/160 мг Агвистат АҚ монотерапия режимінде 10 мг амлодипин немесе 160 мг валсартан көмегімен не 5 мг/160 мг дозада Агвистат препаратының көмегімен тиісті түрде бақылау мүмкін емес пациенттерде қолданылуы мүмкін. Агвистат препаратын тамақпен немесе аш қарынға қабылдауға болады. Екі компоненттің әрқайсысының дозасын жеке титрлеу (мысалы, амлодипин және валсартан) біріктірілген дозаның біріктіріліміне ауысу алдында ұсынылады. Клиникалық сәйкестікте монотерапиядан бекітілген біріктірілімге тікелей ауысу қарастырылуы мүмкін. Ыңғайлы болу үшін жеке таблетка/капсула түріндегі амлодипинмен және валсартанмен ем алатын пациенттер белсенді компоненттердің бірдей дозалары бар Агвистат препаратымен емге ауыстырылуы мүмкін. Пациенттердің ерекше топтары Бүйрек функциясы бұзылған пациенттер Бүйрек функциясының ауыр бұзылулары бар пациенттерде препаратты қолдану туралы клиникалық деректер жеткіліксіз. Ауырлығы жеңіл немесе орташа дәрежедегі бүйрек функциясы бұзылған пациенттерде дозаны түзету талап етілмейді. Орташа айқын бүйрек жеткіліксіздігі кезінде калий және креатинин деңгейлеріне мониторинг жүргізу ұсынылады. Бауыр функциясы бұзылған пациенттер Агвистат® бауыр функциясы ауыр дәрежеде бұзылған пациенттерге қарсы көрсетілімді. Препаратты бауыр функциясы бұзылған немесе өт шығару жолдарының обструкциялық бұзылулары бар пациенттерге тағайындағанда сақтық таныту қажет. Холестазсыз бауыр функциясының әлсіз немесе орташа бұзылуларына шалдыққан пациенттер үшін валсартанның ұсынылатын ең жоғары дозасы 80 мг құрайды. Амлодипинді пациенттердің осы санатында қолдану бойынша ерекше ұсынымдар анықталған жоқ. Бауыр функциясы бұзылған артериялық гипертензиясы бар пациенттерді амлодипинге немесе Агвистат® препаратына ауыстыру кезінде монотерапия түріндегі амлодипиннің немесе Агвистат® құрамындағы амлодипиннің ең аз қолжетімді дозасын тиісінше пайдалану керек. Егде жастағы пациенттер (65 жас және одан жоғары жастағы) Егде жастағы пациенттерде дозаны арттырған кезде сақ болу керек. Артериялық гипертензиясы бар егде жастағы пациенттерді амлодипинге немесе Агвистат® ауыстыру кезінде монотерапия түріндегі амлодипиннің немесе Агвистат® құрамындағы амлодипиннің ең аз қолжетімді дозасын тиісінше пайдалану керек. Педиатриялық пациенттер 18 жасқа дейінгі пациенттер үшін препараттың қауіпсіздігі мен тиімділігі анықталмаған. Деректер қол жетімді емес. Енгізу әдісі мен жолы Препаратты тамақ ішуге қарамастан, сумен іше отырып, ішке қабылдайды. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну жөніндегі ұсынымдар Егер осы препаратты қолдану бойынша сұрақтар туындаса, емдеуші дәрігерге немесе медицина қызметкеріне хабарласыңыз.

• препараттың әсер етуші заттарына немесе басқа компоненттеріне жоғары сезімталдық • бауырдың ауыр жеткіліксіздігі, билиарлық цирроз немесе холестаз • қант диабетіне немесе бүйрек жеткіліксіздігіне (ШСЖ<60 мл/мин/ 1,73 м2) шалдыққан пациенттерде құрамында алискирен бар дәрілік заттарды препаратпен бір мезгілде қолдану • жүктіліктің екінші және үшінші триместрлері • ауыр артериялық гипотензия • шок (кардиогенді шокты қоса) • сол жақ қарыншадан шығатын жолдың обструкциясы (соның ішінде, гипертрофиялық обструкциялық кардиомиопатия (ГОКМП) және ауыр дәрежелі аортальді стеноз) • жедел миокард инфарктісінен кейін жүрек қызметінің гемодинамикалық тұрғыдан тұрақсыз жеткіліксіздігі • 18 жасқа дейінгі балалар мен жасөспірімдер

Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥1/10), жиі (≥1/100 <1/10 дейін), сирек (≥1/1000 <1/100 дейін), сирек (≥1/10000 <1/1000 дейін), өте сирек (<1/10000), белгісіз (қолда бар деректер негізінде бағалау мүмкін емес) Амлодипин/валсартан Жиі • назофарингит, тұмау • бас ауыруы • гипотензия • астения, шаршау, беттің ісінуі, гиперемия, қан кернеуі, ісіну, шеткері ісіну, домбығып ісіну Жиі емес • гипонатриемия • қимыл-қозғалыс үйлесімінің бұзылуы, бас айналуы, постуралды бас айналу, парестезия, ұйкышылдық • көрудің бұзылуы, вертиго, пальпитация, тахикардия • ортостаздық гипотензия • жөтел, фаринголарингеальды ауыру • іштегі жайсыздық, іштің жоғарғы бөлігінің ауыруы, іш қату, диарея, ауыз қуысының шырышты қабығының құрғауы, жүрек айнуы • қызару, бөртпе • артралгия, арқаның ауыруы, буынның ісінуі, бұлшықет әлсіздігі Сирек • аса жоғары сезімталдық • мазасыздық • көрудің бұзылуы • тиннитус (құлақтағы шуыл) • естен тану • экзантема, гипергидроз, қышыну • бұлшықет түйілуі, ауырлық сезімі • поллакиурия, полиурия • эрекциялық функцияның бұзылуы Амлодипин Жиі • бас айналу, бас ауыруы, ұйқышылдық • пальпитация • ысыну • іштегі жайсыздық, іштің жоғарғы бөлігінің ауыруы, жүрек айнуы • тобықтың ісінуі • шаршау Жиі емес • депрессия, ұйқысыздық / ұйқының бұзылуы, көңіл-күйдің өзгеруі • дисгевзия, парестезия, естен тану, тремор, сезудің әлсіреуі • көру бұзылыстары, көрудің бұзылуы • тиннитус (құлақтағы шуыл) • гипотензия • тыныс алудың қиындауы, ринит • ішектің босау ырғағының өзгеруі, диарея, ауыздың шырышты қабығының құрғауы, диспепсия, құсу • алопеция, экзантема, гипергидроз, фотосезімталдық реакциясы, қышыну, пурпура, бөртпе, тері түсінің өзгеруі • артралгия, арқаның ауыруы, бұлшықеттің түйілуі, миалгия • несеп шығарудың бұзылуы, ноктурия, поллакиурия • импотенция, гинекомастия • астения, жайсыздық, дімкәстік, этиологиясы жүрекпен байланыссыз кеуденің ауыруы, ауыру • дене салмағының жоғарылауы, дене салмағының төмендеуі Сирек • сананың шатасуы Өте сирек • лейкопения, тромбоцитопения, кейде пурпурамен бірге • аса жоғары сезімталдық • гипергликемия • гипертензия • шеткері невропатия, невропатия • аритмия (брадикардияны, қарыншалық тахикардияны және жыпылықтағыш аритмияны қоса алғанда), миокард инфарктісі • васкулит • жөтел • гастрит, гипертрофиялық гингивит, панкреатит • бауыр ферменттерінің, оның ішінде қандағы билирубиннің жоғарылауы*, гепатит, бауырішілік холестаз, сарғаю • ангионевроздық ісіну, көп пішінді эритема, есекжем және бөртпенің басқа да түрлері, эксфолиативті дерматит, Стивен-Джонсон синдромы, Квинке ісінуі Белгісіз • экстрапирамидалық синдром • уытты эпидермалық некролиз Валсартан Жиі емес • вертиго • жөтел • іштегі жайсыздық, іштің жоғарғы бөлігінің ауыруы • шаршау Өте сирек • ішектің ангионевроздық ісінуі Белгісіз • гемоглобин мен гематокрит деңгейінің төмендеуі, нейтропения, тромбоцитопения, кейде пурпурамен бірге • аса жоғары сезімталдық • васкулит • бауыр ферменттерінің, оның ішінде қандағы билирубиннің жоғарылауы • ангионевроздық ісіну, буллездік дерматит, қышыну, бөртпе • миалгия • қандағы креатинин деңгейінің жоғарылауы • бүйрек жеткіліксіздігі және бүйрек функциясының бұзылуы • қандағы калий деңгейінің жоғарылауы *Негізінен холестаздың дамуына сәйкес келеді. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары Амлодипинмен/валсартанмен артық дозалану тәжірибесі жоқ. Валсартанның артық дозалануының негізгі симптомы бас айналумен қатар жүретін айқын гипотензия болып табылады. Амлодипиннің артық дозалануы шамадан тыс шеткері вазодиляцияның дамуына және рефлекстік тахикардияның дамуына әкелуі мүмкін. Амлодипинді қабылдауға байланысты өліммен аяқталған шокты қоса, айқын және ықтимал ұзақ жүйелі гипотензия жағдайлары туралы хабарланды. Амлодипиннің артық дозалануының салдары ретінде кардиогенді емес өкпе ісінуі туралы сирек хабарланды, ол басталуы кейінге қалдырылған болып (қабылдағаннан кейін 24-48 сағаттан кейін) көрінуі мүмкін және ӨЖЖ қажет етеді. Перфузия мен жүректің лықсуын қамтамасыз ету үшін ерте реанимациялық шаралар (сұйықтықтың шамадан тыс жүктемесін қоса) қоздырғыш факторлар болуы мүмкін. Емі Кездейсоқ артық дозаланғанда құстыру (егер препарат жақында қабылданған болса) немесе асқазанды шаю керек. Белсендірілген көмірді дені сау еріктілерде бірден немесе амлодипинді қабылдағаннан кейін 2 сағат ішінде қолдану оның сіңуінің айтарлықтай төмендеуіне әкелді. Препаратты қабылдау аясында АҚ айқын төмендеген кезде пациентті «аяғын көтеріп шалқасынан жатқызу» қалпына ауыстыру, жүрек-қантамыр мен тыныс алу жүйелерінің функциясын, АҚК және шығарылатын несеп көлемін тұрақты бақылауды қоса алғанда, жүрек-қантамыр жүйесінің функциясын демеу бойынша белсенді шаралар қабылдау қажет. Қантамырлық тонусты және АҚ-ны қалпына келтіру мақсатында қарсы көрсетілімдер болмаған кезде тамырды тарылтатын дәрілерді (сақтықпен) қолдануға болады. Кальций өзекшелерінің блокадасын жою үшін кальций глюконаты ерітіндісін вена ішіне енгізуге болады. Гемодиализ жүргізу кезінде валсартан мен амлодипиннің шығарылуы екіталай.

Агвистат® препаратын қабылдар алдында дәрігермен кеңесіңіз. Арнайы ескертулер Амлодипиннің гипертониялық криздегі қауіпсіздігі мен тиімділігі анықталмаған. Жүктілік Ангиотензин II рецепторларының блокаторларын (АРБ II) қабылдауды жүктілік кезінде бастауға болмайды. Егер АРБ II емін жалғастыру қажет деп есептелмесе, жүктілікті жоспарлаған пациенттер жүктілік кезінде қолдану үшін қауіпсіздік бейіні белгіленген гипертензияға қарсы баламалы препараттарға ауыстырылуы тиіс. Жүктілік анықталған кезде АРБ II қабылдауды дереу тоқтатып, қажет болған жағдайда баламалы емді бастау керек. Гипонатриемиясы бар және/немесе АҚК төмен пациенттер Амлодипин/валсартан біріктірілімін қабылдайтын артериялық гипертензиясы асқынбаған пациенттерде 0,4% жағдайда айқын артериялық гипотензия байқалды. Ренин-ангиотензин жүйесі белсендірілген пациенттерде (мысалы, диуретиктерді жоғары дозаларда қабылдайтын, дегидратацияға және/немесе гипонатриемияға шалдыққан пациенттерде), ангиотензин-рецепторлардың блокаторларын қабылдау кезінде симптоматикалық артериялық гипотензия дамуы мүмкін. Емдеуді бастар алдында натрий мөлшерін қалпына келтіру және/немесе АҚК-ны толықтыру, атап айтқанда, диуретиктердің дозаларын азайту жолымен немесе емді мұқият медициналық бақылаумен бастау ұсынылады. АҚ-ның айқын төмендеуі дамыған кезде: пациенттің аяғын көтеріп, көлденең қалыпта жатқызып, қажет болған жағдайда физиологиялық ерітіндіні вена ішіне енгізу керек. Агвистат® препаратымен емді гемодинамика көрсеткіштері тұрақтанғаннан кейін жалғастыруға болады. Гиперкалиемия Калий жинақтаушы диуретиктерді, калий препараттарын, құрамында калий бар биологиялық белсенді қоспаларды немесе қан плазмасындағы калий құрамын арттыруға қабілетті басқа да препараттарды (мысалы, гепарин) бір мезгілде қолданған кезде сақ болу керек. Қан плазмасындағы калий иондарының құрамын үнемі бақылау қажет. Бүйрек артериясының стенозы Агвистат® препаратын мочевина мен креатининнің сарысулық концентрациясының жоғарылауы мүмкіндігін ескере отырып, бүйрек артериясының біржақты немесе екі жақты стенозы немесе жалғыз бүйрек артериясының стенозы аясында артериялық гипертензиясы бар пациенттерде сақтықпен қолданған жөн. Бүйрек трансплантациясынан кейінгі жағдай Жақында бүйрек трансплантациясын жасатқан пациенттерде амлодипин/валсартан біріктірілімін қолдану қауіпсіздігі анықталған жоқ. Бауыр функциясының бұзылуы Валсартан негізінен өзгермеген күйінде өтпен шығарылады. Бауыр функциясы бұзылған пациенттерде Tl/2 ұзарады және AUC артады; дозалау бойынша нұсқаулар анықталмаған. Бауыр функциясының жеңіл немесе орташа бұзылысына шалдыққан немесе өт жолдарының обструкциялық ауруларымен ауыратындарға валсартан/амлодипин біріктірілімін тағайындағанда сақ болу керек. Холестазсыз бауыр функциясының әлсіз немесе орташа бұзылуларына шалдыққан пациенттер үшін валсартанның ұсынылатын ең жоғары дозасы 80 мг құрайды. Бүйрек функциясының бұзылуы Бүйрек функциясының жеңіл және орташа бұзылуына (ШСЖ> 30 мл/мин/1,73 м2) шалдыққан пациенттерде амлодипин/валсартан біріктірілімінің дозасын түзету талап етілмейді. Бүйрек функциясының орташа бұзылуы бар пациенттерде калий мөлшерін және қан плазмасындағы креатинин концентрациясын бақылау ұсынылады. Бастапқы гиперальдостеронизм Бастапқы гиперальдостеронизм кезінде ренин-ангиотензин жүйесінің зақымдануын ескере отырып, осы пациенттерге ангиотензин II антагонистерін, оның ішінде валсартанды тағайындауға болмайды. Ангионевроздық ісіну Валсартан қабылдаған пациенттерде ангионевроздық ісіну, оның ішінде тыныс алу жолдарының тарылуына әкелетін көмейдің және дауыс байламының ісінуі және/немесе беттің, еріннің, жұтқыншақтың және/немесе тілдің ісінуі жағдайлары хабарланды. Олардың кейбіреулерінде ангионевроздық ісіну бұрын, басқа дәрілік заттарды, оның ішінде АӨФ тежегіштерін қабылдау кезінде байқалған. Ангионевроздық ісіну дамыған кезде препаратты дереу тоқтатып, қайта қолдану мүмкіндігін жоққа шығару керек. Ішектің ангионевроздық ісінуі Ангиотензин II рецепторларының блокаторларын, соның ішінде валсартан алатын пациенттерде ішектің ангионевроздық ісінуі туралы хабарламалар бар (4.8 бөлімін қараңыз). Бұл пациенттерде іштің ауыруы, жүрек айну, құсу және диарея болды. Симптомдары ангиотензин II рецепторларының антагонистерін қабылдауды тоқтатқаннан кейін басылды. Егер ішектің ангионевроздық ісінуі диагнозы қойылса, валсартан тоқтатылуы керек және симптомдар толығымен жойылғанша тиісті бақылауды бастау керек. Жүрек жеткіліксіздігі/өткерген миокард инфарктісі Бейімділік факторлары болған кезде ренин-ангиотензин-альдостерон жүйесін тежеудің салдарынан бүйрек функциясының бұзылуы мүмкін. Бүйрек функциясы ренин-ангиотензин-альдостерон жүйесінің белсенділігіне байланысты болуы мүмкін пациенттерде (мысалы, ауыр СЖЖ кезінде) АӨФ тежегіштерімен және ангиотензин рецепторлары антагонистерімен емдеу олигуриямен және/немесе азотемияның артуымен, ал сирек жағдайларда бүйректің жедел жеткіліксіздігімен және/немесе өліммен аяқталумен қатар жүрді. Ұқсас нәтижелер валсартанды қолдану кезінде сипатталған. СЖЖ немесе өткерген миокард инфарктісі бар пациенттерде бүйрек функциясын әрдайым бағалау керек. Ұзақ, плацебо-бақыланатын клиникалық зерттеуде (PRAISE-2) NYHA жіктеуі бойынша III-IV функционалдық кластағы ишемиялық емес этиологиясы СЖЖ шалдыққан пациенттерде амлодипинді қолдану екі топ арасында СЖЖ нашарлау жиілігінің анық айырмасы болмаған кезде плацебомен салыстыру бойынша өкпенің ісіну жиілігінің ұлғаюымен қатар жүрді. Кальций өзекшелерінің блокаторларын, оның ішінде амлодипинді СЖЖ бар пациенттерде сақтықпен қолдану керек, себебі жүрек-қантамыр асқынулары мен өлім-жітімнің даму қаупі артуы мүмкін. Аортальді және митральді клапан стенозы Кез келген вазодилататорларды қолданғандағыдай, митральді стенозы немесе жеңіл және орташа дәрежелі аортальді стенозы бар пациенттерде сақ болу керек. Ренин-ангиотензин-альдостерон жүйесінің (РААЖ) қосарлы блокадасы АӨФ, АРБ II тежегіштерін немесе алискиренді бір мезгілде қабылдау гипотензияның, гиперкалиемияның және бүйрек функциясы бұзылуының (бүйректің жедел жеткіліксіздігін қоса) даму қаупін арттыратындығына дәлелдер бар. Сондықтан АӨФ, АРБ II немесе алискирен тежегіштерін біріктіріп пайдалану есебінен РААЖ қосарлы блокадасы ұсынылмайды. Егер қосарлы блокадамен жүргізілетін ем өте қажет деп саналса, оны тек маманның бақылауымен және бүйрек функциясын, электролиттерді және артериялық қысымды жиі мұқият бақылау арқылы жүргізу керек. АӨФ және АРБ II тежегіштерін диабеттік нефропатиясы бар пациенттерде бір мезгілде қолдануға болмайды. Амлодипин/валсартан біріктірілімі артериялық гипертензиясы бар пациенттерде ғана зерттелген. Көлік құралдарын басқару немесе механизмдермен жұмыс істеу кезінде препаратты қабылдау кезінде бас айналу немесе шаршау кенеттен пайда болуы мүмкін екендігін назарға алу керек Амлодипин көлік құралдарын немесе механизмдерді басқару қабілетіне жеңіл немесе орташа әсер етуі мүмкін. Егер амлодипин қабылдайтын пациенттерде бас айналу, бас ауыруы, шаршау немесе жүрек айнуы байқалса, онда тез әрекет ету қабілеті бұзылуы мүмкін.

Жүктілік Амлодипин Амлодипинді жүктілік кезінде қолдану қауіпсіздігі адамда анықталмаған. Жүктілік кезінде анағұрлым қауіпсіз балама болмаған жағдайда, сондай-ақ ауру ана мен шарана үшін жоғары қауіппен байланысты болған кезде ғана қолдану ұсынылады. Валсартан Жүктіліктің бірінші триместрінде ангиотензин II рецепторларының блокаторларын (АРБ II) қолдану ұсынылмайды. АРБ II қолдану жүктіліктің екінші және үшінші триместрінде қарсы көрсетілген. Препаратты жүктіліктің екінші және үшінші триместрінде қолдануға болмайды. Бала емізу Амлодипин/валсартан біріктірілімі ұсынылмайды және бала емізу кезінде, әсіресе жаңа туған немесе шала туған нәрестені тамақтандыру кезінде қауіпсіздік көрсеткіштері анықталған баламалы емдеу әдістеріне артықшылық беріледі. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Амлодипин/валсартан біріктіріліміне арналған дәрілермен жалпы өзара әрекеттесуі Амлодипин/валсартан біріктірілімінің басқа дәрілік заттармен дәрілік өзара әрекеттесуін зерттеу жүргізілген жоқ. Назар аударуды қажет ететін бір мезгілде қолдану Басқа гипотензиялық препараттар (мысалы, альфа-адреноблокаторлар, диуретиктер) және гипотензиялық әсері бар дәрілік заттар (мысалы, трициклді антидепрессанттар, қуықасты безінің қатерсіз гиперплазиясын емдеуге арналған альфа-адреноблокаторлар): гипотензиялық әсерді күшейтуі мүмкін. Амлодипиннің дәрілермен өзара әрекеттесуі Бір мезгілде қолдану ұсынылмайды Грейпфрут немесе грейпфрут шырыны: кейбір пациенттерде биожетімділіктің ұлғаю және гипотензиялық әсерінің күшеюі мүмкіндігін ескере отырып, бір мезгілде қолдану ұсынылмайды. Сақтықты талап ететін бір мезгілде қолдану CYP3А4 изоферментінің тежегіштері: CYP3А4 изоферментінің күшті немесе орташа тежегіштерімен (протеаза тежегіштерімен, верапамилмен немесе дилтиаземмен, азольді зеңге қарсы дәрілік заттармен, эритромицин немесе кларитромицин сияқты макролидтермен) бір мезгілде қолдану амлодипиннің жүйелік экспозициясының елеулі ұлғаюына әкеп соғуы мүмкін. Егде жастағы пациенттерде бұл өзгерістердің клиникалық маңызы бар, сондықтан медициналық бақылау мен дозаны түзету қажет. CYP3А4 изоферментінің индукторлары (құрысуға қарсы препараттар (мысалы, карбамазепин, фенобарбитал, фенитоин, фосфенитоин, примидон), рифампицин, шілтер жапырақты шайқурай): белгілі CYP3А4 индукторларын бірге қабылдаған кезде плазмадағы амлодипиннің концентрациясы өзгеруі мүмкін. Демек, артериялық қысымды бақылау қажет және әсіресе күшті CYP3А4 индукторларын (мысалы, рифампицин, шілтер жапырақты шайқурай) қатар қолдану кезінде де, одан кейін де дозаны реттеу керек). Симвастатин: 10 мг дозада амлодипинді және 80 мг дозада симвастатинді бір мезгілде қайта қолдану симвастатинмен жүргізілетін монотерапия кезінде осындаймен салыстырғанда симвастатиннің экспозициясын 77% - ға арттырады. Амлодипин алатын пациенттерге симвастатинді тәулігіне 20 мг аспайтын дозада қолдану ұсынылады. Дантролен (вена ішіне енгізу): жануарларға жүргізілген эксперименттерде верапамилді ішке қабылдағаннан және дантроленді вена ішіне енгізгеннен кейін өліммен аяқталған қарыншалар фибрилляциясы және гиперкалиемиямен астасқан жүрек-қантамыр жеткіліксіздігі жағдайлары байқалған. Гиперкалиемияның даму қаупін ескере отырып, қатерлі гипертермияның дамуына бейім пациенттерде кальций өзекшелерінің блокаторларын, оның ішінде амлодипинді бір мезгілде қолданудан аулақ болу керек. Такролимус Амлодипинмен бірге қолданғанда қан плазмасындағы такролимус деңгейінің жоғарылау қаупі бар. Такролимустың уытты әсерінің дамуын болдырмау үшін қандағы такролимус деңгейін бақылау және қажет болған жағдайда оның дозасын түзету қажет болуы мүмкін. Назар аударуды қажет ететін бір мезгілде қолдану Басқа дәрілік заттар Амлодипиннің клиникалық зерттеулерінде аторвастатинмен, дигоксинмен, варфаринмен, циклоспоринмен елеулі өзара әрекеттесуі анықталған жоқ. Валсартанның дәрілермен өзара әрекеттесуі Бір мезгілде қолдану ұсынылмайды Литий: валсартанды қоса алғанда, ангиотензин өзгертетін фермент тежегіштерін немесе ангиотензин II рецепторларының антагонистерін литий препараттарымен бір мезгілде қолданған кезде қан плазмасындағы литий концентрациясының қайтымды ұлғаюы және уыттанудың дамуы тіркелді. Бір мезгілде қолдану қажет болған жағдайда қан плазмасындағы литий концентрациясын мұқият бақылау керек. Сонымен қатар диуретикті қолдану кезінде литий уыттылығы қаупінің артуы мүмкін. Калий жинақтаушы диуретиктер, калий препараттары, құрамында калий бар тағамдық қоспалар және қан сарысуындағы калий мөлшерін арттыруы мүмкін басқа да дәрілік заттар мен заттар: калий құрамына әсер ететін препараттармен бір мезгілде қолдану қажет болған жағдайда, қан плазмасындағы калий мөлшерін бақылау ұсынылады. ҚҚСП, оның ішінде циклоооксигеназа-2 (ЦОГ-2) селективті тежегіштері, ацетилсалицил қышқылы тәулігіне 3 г-дан астам дозада және селективті емес ҚҚСП сақтықты талап ететін бір мезгілде қолдану: бір мезгілде қолданған кезде гипотензиялық әсердің әлсіреуі, бүйрек функциясының бұзылу қаупінің артуы және қан плазмасындағы калий мөлшері жоғарылауы мүмкін. Емдеу басталғанда бүйрек функциясын бағалау, сондай-ақ су-электролит теңгерімінің бұзылуын түзету ұсынылады. Кері қармау тасымалдағыштарының (рифампицин, циклоспорин) немесе эффлюкс тасымалдағыштарының (ритонавир) тежегіштері: in vitro зерттеу нәтижелері бойынша валсартан OATP1B1 және MRP2 тасымалдаушы ақуыздарының субстраты болып табылады. Кері қармау тасымалдағыштарының тежегіштерін (рифампицин, циклоспорин) немесе эффлюкс тасымалдағыштарының (ритонавир) бір мезгілде қабылдау валсартанның әсерін күшейтуі мүмкін. Ренин-ангиотензин-альдостерон жүйесінің (РААЖ) қосарлы блокадасы: клиникалық сынақтар деректері АӨФ, АРБ II тежегіштерін немесе алискирен біріктіріп қолдану есебінен РААЖ қосарлы блокадасы монотерапиямен салыстырғанда гипотензия, гиперкалиемия және бүйрек функциясының төмендеуі (бүйректің жедел жеткіліксіздігін қоса алғанда) сияқты жағымсыз реакциялар дамуының анағұрлым жоғары жиілігімен байланысты екенін көрсетті. Басқа дәрілік заттар: валсартанмен монотерапия кезінде мынадай дәрілік заттармен клиникалық маңызды өзара әрекеттесулер анықталған жоқ: циметидин, варфарин, фуросемид, дигоксин, атенолол, индометацин, гидрохлоротиазид, амлодипин және глибенкламид.

Сақтау мерзімі 2 жыл. Жарамдылық мерзімі өткеннен кейін қолдануға болмайды. Сақтау шарттары 25°С-ден аспайтын температурада сақтау керек. Балалардың қолы жетпейтін жерде сақтау керек!