Аджови раствор 225 мг/1.5 мл

Бір мл препараттың құрамында белсенді зат – фреманезумаб, 150 мг (бір шприцте 225 мг фреманезумаб); қосымша заттар – L-гистидин, L-гистидин гидрохлорид моногидраты, сахароза, динатрий эдетат дигидраты, полисорбат 80, инъекцияға арналған су. Сыртқы түрінің, иісінің, дәмінің сипаттамасы Түссізден ашық сары түске дейінгі мөлдір немесе сәл бозаңданатын ерітінді.

Айына, кем дегенде, 4 күн бас сақинасы болатын ересектерде бас сақинасының профилактикасы үшін

Әсер ету механизмі Фреманезумаб — бұл тышқан прекурсорынан алынған иммуноглобулиннің (Ig) G2Δa/каппа (IgG2Δa) гуманизацияланған моноклональді антиденесі. Фреманезумаб кальцитонин ген-тектес пептид лигандын (КГТП) таңдамалы байланыстырады және КГТП (α - және β-КГТП) екі изотүрін КГТП рецепторымен байланысудан бөгеттейді. Фреманезумабтың бас сақинасы ұстамаларын болдырмауына негіз болатын нақты әсер ету механизмінің белгісіз екеніне қарамастан, үш тармақты жүйкесі жүйесінің модуляциясының (жүйеге әсер етуі) арқасында бас сақинасы ұстамаларын болдырмауға қол жеткізіледі деп саналады. Бас сақинасы кезінде КГТП деңгейі едәуір артып, бас ауыруы басылғанда қалып шегіне келетіні анықталды. Фреманезумаб КГТП лигандына спецификалық тән болады және осы тектестіктің басқа пептидтерін (мысалы, амилин, кальцитонин, интермедин және адреномедуллин) байланыстырмайды. Клиникалық тиімділігі және қауіпсіздігі Фреманезумаб тиімділігі көріністік (1 зерттеу) және созылмалы (2 зерттеу) бас сақинасымен ересек пациенттер қатысқан ұзақтығы 12 апта болатын III фазалы рандомизацияланған, салыстырмалы жасырын, плацебо-бақыланатын екі зерттеуі барысында бағаланды. Зерттеуге анамнезінде (аурасымен немесе онсыз) бас сақинасы бар пациенттер қамтылды, бас сақинасы оларда кем дегенде 12 ай ішінде байқалды. Бас сақинасы Бас ауруларының халықаралық жіктеуінің критерийлеріне (ICHD-III) сәйкес диагностикаланды. Зерттеуден егде жастағы пациенттер (70 жас), айына 4 күннен астам апиындар немесе барбитураттар қабылдап жүрген пациенттер, сондай-ақ миокард инфарктісін өткерген пациенттер, ми қан айналымының жедел бұзылуы бар пациенттер, сондай-ақ анамнезінде тромбоэмболиялық оқиғалары бар пациенттер шығарылды. Көріністік бас сақинасын зерттеу (1 зерттеу) Көріністік бас сақинасын емдеуге арналған фреманезумаб тиімділігі ұзақтығы 12 апта болатын рандомизацияланған, көп орталықтық, плацебо-бақыланатын, салыстырмалы жасырын зерттеуде бағаланды (1 зерттеу). Зерттеуге анамнезінде көріністік бас сақинасы бар (айына 15 күннен аз бас сақинасы ұстамаларынан зардап шегетін) ересектер қамтылды. Барлығы 875 пациент (742 әйел, 133 ер адам) үш топтың біріне рандомизацияланды: әр үш айда 675 мг фреманезумаб (тоқсан сайын, n=291), айына бір рет 225 мг фреманезумаб (ай сайын, n=290) немесе айына бір рет плацебо (n=294) тері астына инъекция арқылы енгізілген. Зерттеу басталған сәттегі пациенттердің демографиялық деректері мен ауру сипаттамалары зерттеу топтары арасында теңдестірілді және салыстырылды. Пациенттердің орта жасы 42 жаста (18-ден 70 жасқа дейін) құрады, пациенттердің 85%-ы әйелдер, 80%-ы - еуропалық нәсіл өкілдері болды. Зерттеуге қосылған сәтте бас сақинасы ұстамаларының орташа туындау жиілігі бағдармен айына 9 күн бас сақинасын құрады. Зерттеу кезінде пациенттерге бас ауыру ұстамасын емдеу шараларын қолдануға рұқсат етілді. Пациенттердің бір бөлігіне (21%) кеңінен пайдаланылатын қатарлас профилактикалық дәрілік затты (бета-адреноблокаторлар, кальций өзекшелерінің блокаторлары/бензоциклогептен, антидепрессанттар, құрысуға қарсы препараттар) пайдалануға да рұқсат етілді. Пациенттердің 19%-ы бұрын топирамат қабылдаған. Жалпы жиынтығы, 791 пациент 12 аптаға созылған салыстырмалы жасырын зерттеу барысында фреманезумабпен емдеу курсын аяқтады. Тиімділігінің бастапқы соңғы нүктесі, 12-апталық емдеу кезеңіндегі бастапқы мәнмен салыстырғанда, бас сақинасы болған күндердің орташа айлық санының орташа өзгеруі болды. 1 зерттеуінің негізгі екіншілік соңғы нүктелері: - бастапқы мәнмен салыстырғанда, бас сақинасымен ай сайынғы күндер санының, кем дегенде, 50% қысқаруы (емдеуге оң жауаптардың 50%-ы), - бастапқы мәнмен салыстырғанда, MIDAS сауалнамасы бойынша пациенттерде баллдың орташа өзгеруі, - бастапқы мәнмен салыстырғанда, бастың қатты ауыруына қарсы дәрілік заттарды қабылдау күндерінің орташа айлық санының өзгеруі болды. Фреманезумабтың әрі айлық, әрі тоқсандық дозалау режимдері, негізгі соңғы нүктелер үшін плацебо тобымен салыстырғанда, бастапқы мәнге қатысты статистикалық және клиникалық мәнді жақсаруларын көріністеді (2 кестені қараңыз). Оң нәтижелер бірінші айда-ақ байқалды және емдеудің бүкіл кезеңінде сақталды (1 суретті қараңыз). 1 сурет: 1 зерттеу барысында, бастапқы мәнмен салыстырғанда, бас сақинасы болған күндердің орташа айлық санының орташа өзгеруі Бастапқы орташа мән (айына бас сақинасы болған күндердің орташа саны): Плацебо: 9,1; Аджови тоқсан сайын: 9,2; Аджови ай сайын: 8,9. 2 кесте: Көріністік бас сақинасын зерттеудегі тиімділіктің негізгі нәтижелері Тиімділіктің соңғы нүктесі — Плацебо (n=290) — Фреманезумаб 675 мг тоқсан сайын (n=288) — Фреманезумаб 225 мг ай сайын (n=287) MMD Орташа өзгерісa (95% СА) TD (95% СА) b Бастапқы деңгей (СА) — -2,2 (-2,68; -1,71) - 9,1 (2,65) — -3,4 (-3,94; -2,96) -1,2 (-1,74; -0,69) 9,2 (2,62) — -3,7 (-4,15; -3,18) -1,5 (-1,96; -0,90) 8,9 (2,63) P мәні (плацебомен салыстырғанда) а — - — p<0,0001 — p<0,0001 MHD Орташа өзгерісa (95% СА) TD (95% СА) b Бастапқы деңгей (СА) — -1,5 (-1,88; -1,06) - 6,9 (3,13) — -3,0 (-3,39; -2,55) -1,5 (-1,95; -1,02) 7,2 (3,14) — -2,9 (-3,34; -2,51) -1,4 (-1,92; -0,99) 6,8 (2,90) P мәні (плацебомен салыстырғанда) а — - — p<0,0001 — p<0,0001 MMD емдеуге оң жауаптардың 50%-ы Пайыз% — 27,9% — 44,4% — 47,7% P мәні (плацебомен салыстырғанда) — - — p<0,0001 — p<0,0001 MMD емдеуге оң жауаптардың 75%-ы Пайыз% — 9,7% — 18,4% — 18,5% P мәні (плацебомен салыстырғанда) — - — p=0,0025 — p=0,0023 MIDAS бойынша барлығы Орташа өзгеріса (95% СА) Бастапқы деңгей (СА) — -17,5 (-20,62; -14,47) 37,3 (27,75) — -23,0 (-26,10; -19,82) 41,7 (33,09) — -24,6 (-27,68; -21,45) 38 (33,30) P мәні (плацебомен салыстырғанда) а — - — p=0,0023 — p<0,0001 MAHMD Орташа өзгерісa (95% СА) TD (95% СА) b Бастапқы деңгей (СА) — -1,6 (-2,04; -1,20) - 7,7 (3,60) — -2,9 (-3,34; -2,48) -1,3 (-1,73; -0,78) 7,7 (3,70) — -3,0 (-3,41; -2,56) -1,4 (-1,81; -0,86) 7,7 (3,37) P мәні (плацебомен салыстырғанда) а — - — p<0,0001 — p<0,0001 СА - сенім аралығы; MAHMD - бастың қатты ауыруына қарсы дәрілік заттардың қабылдау күндерінің ай сайынғы саны; MHD – ауырлығы, кем дегенде, орташа дәрежеде бас ауыру болатын ай сайынғы күндер саны,; MIDAS - бас сақинасына байланысты тіршілік қызметінің шектеулерін бағалау; MMD - бас сақинасы болатын ай сайынғы күндер саны; CА - стандартты ауытқу; TD - емдеу әдістерінің арасындағы айырма. a Барлық соңғы нүктелер үшін орташа өзгеріс пен СА емдеу, жыныс, аймақ және зерттеуге қосылған сәтте профилактикалық дәрілік заттар қабылдауды (иә/жоқ) белгіленген әсерлер ретінде, ал тиісті бастапқы мәні мен бас сақинасының пайда болған сәтінен бастап жылдар санын ковариата ретінде қабылдайтын ковариациялық талдау моделіне (ANCOVA) негізделген. b Емдеу әдістерінің арасындағы айырма қайталап өлшеулердің аралас моделін (MMRM) талдауға негізделген, онда емдеу, жыныс, аймақ, зерттеуге қосылған сәтте профилактикалық дәрілік заттарды қабылдау (иә/жоқ) ай және емделген ай белгіленген әсерлер ретінде, ал тиісті бастапқы мәні мен бас сақинасы пайда болған сәттен бастап жылдар саны ковариата ретінде қабылданады. Бас сақинасына қарсы басқа қатарлас профилактикалық дәрілік затты қабылдап жүрген пациенттерде тоқсан сайын 675 мг фреманезумаб қабылдаған топ пен плацебо тобы арасындағы емдеу нәтижесінде қысқартылған ай сайынғы бас сақинасы болған күндер санындағы айырма -1,8 күн (95% СА: -2,95; -0,55), ал ай сайын 225 мг фреманезумаб қабылдаған топ пен плацебо тобы арасындағы айырма -2,0 күн (95% СА: -3,21; -0,86) құрады. Бұрын топирамат қабылдаған пациенттерде тоқсан сайын 675 мг фреманезумаб қабылдаған топ пен плацебо тобы арасындағы емдеу нәтижесінде қысқартылған ай сайынғы бас сақинасы болған күндер санындағы айырма -2,3 күн (95% СА: -3,64; -1,00), ал ай сайын 225 мг фреманезумаб қабылдаған топ пен плацебо тобы арасындағы айырма — -2,4 күн (95% СА: -3,61; -1,13) құрады. Созылмалы бас сақинасын зерттеу (2 зерттеу) Созылмалы бас сақинасын емдеуге арналған фреманезумаб тиімділігі ұзақтығы 12 апта болатын рандомизацияланған, көп орталықтық, плацебо-бақыланатын, құрайтын салыстырмалы жасырын зерттеуде бағаланды (2 зерттеу). Зерттеуге анамнезінде (айына бас ауыру болған 15 күннен бастап) созылмалы бас сақинасы бар ересектер қамтылды. Барлығы 1130 пациент (991 әйел, 139 ер адам) үш топтың біріне рандомизацияланды: бастапқы дозасы 675 мг фреманезумаб, одан кейін фреманезумабтың айына бір рет 225 мг дозасы (ай сайын, n=379), 675 мг фреманезумаб әр үш ай сайын (тоқсан сайын, n=376) немесе айына бір рет плацебо (n=375) тері астына инъекция арқылы енгізілді. Зерттеу басталған сәттегі пациенттердің демографиялық деректері мен ауру сипаттамалары зерттеу топтары арасында теңестірілді және салыстырылды. Пациенттердің орта жасы 41 жаста (18-ден 70 жасқа дейін), пациенттердің 88%-ы әйелдер, 79%-ы - еуропалық нәсіл өкілдері болды. Зерттеуге қосылған сәтте бас ауыруының орташа туындау жиілігі айына 21 күнге жуық құрады (оның 13-нің ауырлығы, кем дегенде, орташа дәрежеде болды). Зерттеу кезінде пациенттерге бас ауыруын басуға арналған дәрілерді пайдалануға рұқсат етілді. Пациенттердің қосалқы тобына (21%) бір кеңінен пайдаланылатын қатарлас профилактикалық дәрілік затты (бета-адреноблокаторлар, кальций өзекшелерінің блокаторлары/бензоциклогептен, антидепрессанттар, құрысуға қарсы препараттар) пайдалануға рұқсат етілді. Жалпы, пациенттердің 30%-ы бұрын топирамат, 15%-ы онаботулинумтоксин А қабылдаған. Барлығы 1034 пациент 12 аптаға созылған салыстырмалы жасырын емдеуден өтті. 2 зерттеуде тиімділігінің бастапқы соңғы нүктесі, 12 апталық емдеу кезеңіндегі бастапқы мәнмен салыстырғанда, ауырлығы кем дегенде орташа дәрежедегі бас ауыруы болған күндердің орташа айлық санының орташа өзгеруі болды. 2 зерттеуінің негізгі екіншілік соңғы нүктелері: - бастапқы мәнмен салыстырғанда, ауырлығы кем дегенде орташа дәрежедегі бас ауыруы болған ай сайынғы күндер санының, кем дегенде, 50% қысқаруы (емдеуге оң жауаптардың 50%-ы), - бастапқы мәнмен салыстырғанда, пациенттерде HIT-6 шкаласы бойынша баллының орташа өзгеруі, - бастапқы мәнмен салыстырғанда, бастың қатты ауыруына қарсы дәрілік заттарды қабылдау күндерінің орташа айлық санының өзгеруі болды. Фреманезумабтың әрі айлық, әрі тоқсандық дозалау режимдері, негізгі соңғы нүктелер үшін плацебо тобымен салыстырғанда, бастапқы мәнге қатысты статистикалық мәнді және клиникалық мазмұнды жақсаруларын көріністеді (3 кестені қараңыз). Оң нәтижелер бірінші айдың өзінде байқалды және емдеудің бүкіл кезеңінде сақталды (2 суретті қараңыз). 2 сурет: 2 зерттеу барысында, бастапқы мәнмен салыстырғанда, ауырлығы, кем дегенде, орташа дәрежедегі бас ауыру болған күндердің орташа айлық санының орташа өзгеруі Орташа бастапқы мәні (ауырлығы, кем дегенде, орташа дәрежедегі бас ауыру болған күндердің орташа айлық саны): Плацебо: 13,3; Аджови тоқсан сайын: 13,2; Аджови ай сайын: 12,8 3 кесте: Созылмалы бас сақинасын зерттеудегі тиімділігінің негізгі нәтижелері Тиімділіктің соңғы нүктесі — Плацебо (n=371) — Фреманезумаб 675 мг тоқсан сайын (n=375) — Фреманезумаб 225 мг ай сайын бастапқы дозасымен 675 мг (n=375) MHD Орташа өзгерісa (95% СА) TD (95% СА) b Бастапқы деңгей (СА) — -2,5 (-3,06; -1,85) - 13,3 (5,80) — -4,3 (-4,87; -3,66) -1,8 (-2,45; -1,13) 13,2 (5,45) — -4,6 (-5,16; -3,97) -2,1 (-2,77; -1,46) 12,8 (5,79) P-мәні (плацебомен салыстырғанда) a — - — p<0,0001 — p<0,0001 MMD Орташа өзгерісa (95% СА) TD (95% СА) b Бастапқы деңгей (СА) — -3,2 (-3,86; -2,47) - 16,3 (5,13) — -4,9 (-5,59; -4,20) -1,7 (-2,44; -0,92) 16,2 (4,87) — -5,0 (-5,70; -4,33) -1,9 (-2,61; -1,09) 16,0 (5,20) P мәні (плацебомен салыстырғанда) a — - — p<0,0001 — p<0,0001 MHD емдеуге оң жауаптардың 50%-ы Пайыз% — 18,1% — 37,6% — 40,8% P-мәні (плацебомен салыстырғанда) — - — p<0,0001 — p<0,0001 MHD емдеуге оң жауаптардың 75%-ы Пайыз% — 7,0% — 14,7% — 15,2% P-мәні (плацебомен салыстырғанда) — - — p=0,0008 — p=0,0003 HIT-6 бойынша барлығы Орташа өзгеріса (95% СА) Бастапқы деңгей (СА) — -4,5 (-5,38; -3,60) 64,1 (4,79) — -6,4 (-7,31; -5,52) 64,3 (4,75) — -6,7 (-7,71; -5,97) 64,6 (4,43) P мәні (плацебомен салыстырғанда) a — - — p=0,0001 — p<0,0001 MAHMD Орташа өзгерісa (95% СА) TD (95% СА) b Бастапқы деңгей (СА) — -1,9 (-2,48; -1,28) - 13,0 (6,89) — -3,7 (-4,25; -3,06) -1,8 (-2,40; -1,09) 13,1 (6,79) — -4,2 (-4,79; -3,61) -2,3 (-2,95; -1,64) 13,1 (7,22) P мәні (плацебомен салыстырғанда) a — - — p<0,0001 — p<0,0001 СА – сенім аралығы; HIT-6 = бас ауыруының өмір сапасына әсерін бағалау; MAHMD - бастың қатты ауыруына қарсы дәрілік заттарды қабылдау күндерінің ай сайынғы саны; MHD – ауырлығы, кем дегенде, орташа дәрежедегі бас ауыру болған күндердің ай сайынғы саны; MMD - бас сақинасы болған күндердің ай сайынғы саны; CА - стандартты ауытқу; TD - емдеу әдістері арасындағы айырма. a Барлық соңғы нүктелер үшін орташа өзгеріс және СА емдеу, жыныс, аймақ және зерттеуге қосылған сәттее профилактикалық дәрілік заттар қабылдауды (иә/жоқ) белгіленген әсерлер ретінде, ал тиісті бастапқы мәні мен бас сақинасы пайда болған сәттен бастап жылдар санын ковариата ретінде қабылдайтын коварициялық талдау моделіне (ANCOVA) негізделген. b Емдеу әдістерінің арасындағы айырма қайталап өлшеулердің аралас моделін (MMRM) талдауға негізделген, онда емдеу, жыныс, аймақ, зерттеуге қосылған сәтте профилактикалық дәрілік заттарды қабылдау (иә/жоқ), ай мен емделген айды белгіленген әсерлер ретінде, ал тиісті бастапқы мән мен бас сақинасының пайда болған сәттен бастап жылдар саны ковариата ретінде қабылданады. Бас сақинасына қарсы басқа профилактикалық препаратты қабылдайтын емделушілерде фреманезумаб тобы, тоқсан сайын 675 мг және плацебо тобы арасында байқалатын ай сайынғы бас ауруы күндерінің (MMD) қысқаруына қатысты емдеу әдістерінің арасындағы айырмашылық -2,7 күн (95% ДИ: -3,88, -1,51) және фреманезумаб тобы арасында 225 мг болды, ай сайын, бастапқы мөлшері 675 мг және плацебо тобы — -2,9 күн (95% ДИ: -4,10, -1,78). Бас сақинасына қарсы басқа профилактикалық препараттарды қабылдайтын емделушілерде фреманезумаб тобы, тоқсан сайын 675 мг және плацебо тобы арасында байқалатын ай сайынғы бас ауруы күндерінің (MMD) қысқаруына қатысты емдеу әдістерінің арасындағы айырмашылық -1,3 күн (95% ДИ: -2,66, 0,03) және фреманезумаб тобы арасында 225 мг болды, ай сайын, бастапқы мөлшері 675 мг және плацебо тобы — -2,0 күн (95% ДИ: - 3,84, -0,22). Зерттеуге қатысқан пациенттердің шамамен 52% - қатты бас ауруына қарсы дәрі-дәрмектерді шамадан тыс қолданған. Фреманезумаб тобы, тоқсан сайын 675 мг және плацебо тобы арасындағы ай сайынғы бас ауруы күндерінің (MHD) азаюына қатысты емдеу арасындағы байқалған айырмашылық - 2,2 күн (95% ДИ: -3,14, -1,22) және фреманезумаб тобы, ай сайын 225 мг және плацебо тобы арасында -2,7 күн (95% ДИ: -3,71, -1,78). Ұзақ мерзімді зерттеу (3 зерттеу) Көріністік және созылмалы бас сақинасымен пациенттердің бәрінде емдеу тиімділігі ұзақ мерзімді зерттеуде (3 зерттеу) қосымша 12 ай бойы сақталды, оның барысында пациенттер ай сайын 225 мг фреманезумаб немесе тоқсан сайын 675 мг қабылдады. Пациенттердің 79%-ы 3 зерттеу шеңберінде 12 айлық емдеу курсынан өтті. Екі қолдану сызбасында 15 ай емдеуден кейін (3 ай 1 және 2 зерттеу және 12 ай 3 зерттеу) бас сақинасы болған ай сайынғы күндер санының, 1 және 2 зерттеуіндегі бастапқы мәнмен салыстырғанда, 6,6 күнге қысқаруы болды. 3 зерттеуіне қатысуды аяқтаған пациенттердің 61%-да зерттеудің соңғы айында емделуге 50% оң жауап байқалды. 15 ай бойы біріктірілген емдеу кезінде қауіпсіздік мәселелері туралы дабылдар байқалмады. Ішкі және сыртқы факторлар Фреманезумаб тиімділігі мен қауіпсіздігі жасына, жынысына, нәсіліне, қатарлас профилактикалық дәрілік заттар (бета-адреноблокаторлар, кальций өзекшелерінің блокаторлары/бензоциклогептен, антидепрессанттар, құрысуға қарсы препараттар) қабылдауға, бұрын болған бас сақинасын емдеу үшін топирамат пен онаботулинумтоксин А қолдануға, сондай-ақ бастың қатты ауыруына қарсы дәрілік заттардың шамадан тыс пайдаланылуына қарамастан көріністелді. Фреманезумабты 65 жастағы пациенттердің (пациенттердің 2%-ы) пайдалануы жөнінде шектеулі деректер бар. Бас сақинасын емдеу қиындықтары Бас сақинасының профилактикасына арналған препараттардың бұрын пайдаланылған екі-төрт класына жеткіліксіз жауабы құжат жүзінде расталған, көріністік және созылмалы бас сақинасы бар 838 пациентте фреманезумаб қолданудың тиімділігі мен қауіпсіздігі рандомизацияланған зерттеу (4 зерттеу) шеңберінде бағаланды, онда 12 аптаға созылған салыстырмалы жасырын плацебо-бақыланатын режимдегі емдеу фазасы қамтылып, ол 12 аптаға созылған бүркемеленбеген режимдегі фазамен жалғасты. Тиімділігінің бастапқы соңғы нүктесі, салыстырмалы жасырын режимдегі емдеудің 12-апталық фазасының ішіндегі бастапқы мәнмен салыстырғанда, бас сақинасы болған күндердің орташа ай сайынғы санының орташа өзгеруі болды. Негізгі екіншілік соңғы нүктелер, бастапқы мәнмен салыстырғанда, бас сақинасы болған ай сайынғы күндер санының, кем дегенде, 50% қысқаруына, бастапқы мәндермен салыстырғанда, ауырлығы, кем дегенде, орташа дәрежедегі бас ауыруының орташа ай сайынғы күндер санының орташа өзгеруіне және бастапқы мәнмен салыстырғанда, қатты бас ауыруына қарсы дәрілік заттар қабылдаған орташа ай сайынғы күндер санының орташа өзгеруіне қол жеткізу болды. Фреманезумабтың әрі ай сайынғы, әрі тоқсан сайынғы дозалау режимдері, негізгі соңғы нүктелер үшін плацебо тобымен салыстырғанда, бастапқы мәнге қатысты статистикалық мәнді және клиникалық мазмұнды жақсаруларды көріністеді. Осылайша, 4 зерттеу нәтижелері осының алдындағы тиімділік зерттеулерінің негізгі қорытындыларына қайшы келмейді, сонымен қатар, бас сақинасы болған ай сайынғы күндер санының (MMD), плацебо қабылдау тобындағы -0,6 күнмен (95% СА: -1,25, 0,07) салыстырғанда, тоқсан сайын фреманезумаб қабылдау тобында -3,7 (95% СА: -4,38, -3,05) және ай сайын фреманезумаб қабылдау тобында - 4,1 (95% СА: -4,73, -3,41) күнге орташа қысқаруын қоса, емдеуге берілуі қиын бас сақинасы тұсындағы тиімділігін көріністейді. Тоқсан сайын фреманезумаб қабылдаған пациенттердің 34%-ы, әрі ай сайын фреманезумаб қабылдаған пациенттердің 34%-ы, 12-апталық емдеу кезеңінің ішінде плацебо алған пациенттердің 9%-мен (p <0,0001) салыстырғанда, кем дегенде, 50% MMD мәніне қол жеткізді. Оң нәтижелері бірінші айдың өзінде байқалды және бүкіл емдеу кезеңі бойына сақталды (3 кестені қараңыз). Біріктірілген емдеудің 6 айының ішінде қауіпсіздік кінәраттары туралы дабылдар байқалмады. 3 кесте: 4 зерттеу барысында, бастапқы мәнмен салыстырғанда, бас сақинасы болған күндердің орташа ай сайынғы санының орташа өзгеруі Балалар Еуропалық дәрілік заттар жөніндегі агенттік бас сақинасының профилактикасы үшін бала жасындағы пациенттердің бір немесе бірнеше қосалқы тобында Аджовимен жүргізілген зерттеу нәтижелерін міндетті түрде беруді кейінге қалдырды (балаларда қолдану жөніндегі ақпаратты 4.2 бөлімінен қараңыз).

Дозалау режимі Емдеуді бас сақинасын диагностикалау мен емдеу тәжірибесі бар дәрігер тағайындауы тиіс. Екі емдеу сызбасы бар: - айына бір рет 225 мг (ай сайын) - әр үш айда 675 мг (тоқсан сайын) Бір емдеу сызбасынан екіншісіне ауысқанда дәрілік препараттың жаңа дозасы алдыңғы емдеу сызбасына сәйкес келесі жоспарланған күні тағайындалады. Фреманезумаб фармакокинетикасын талдау нәтижелері негізінде 65 жастағы және одан асқан пациенттерде дозаны түзету қажет емес. Бауыр немесе бүйректің жеңіл немесе орташа жеткіліксіздігі бар пациенттерде дозаны түзету қажет емес. Енгізу әдісі және жолы Препарат тек тері астына енгізіледі. Препарат вена ішіне немесе бұлшықет ішіне енгізуге арналмаған. Препарат ерітіндісі бар инъекцияға арналған шприц тек бір рет пайдалануға арналған. Аджови препаратын инъекциялауды медициналық персонал, пациенттер және/немесе оларға күтім жасайтын, медициналық персонал үйреткен тұлғалар жүргізеді. • Сізде инъекцияға қажет нәрсенің бәрі бар екеніне көз жеткізіңіз: препаратпен алдын ала толтырылған 1 (225 мг дозада) немесе 3 (675 мг дозада) бір реттік шприц, спиртке шыланған сүрткі, мақта тампоны, пайдаланылған шприцтерге арналған контейнер. • Қаптаманы тоңазытқыштан шығарыңыз. Ерітіндісі бар шприцті бөлме температурасында кемінде 30 минут ұстаңыз. Аджови препаратының ерітіндісі толтырылған бір реттік шприцті ыстық сумен, микротолқынды пеште немесе көрсетілгенін қоспағанда, қандай да бір басқа тәсілмен жылытпаңыз, өйткені бұл дәрілік зат ерітіндісінің жарамсыздығына әкелуі мүмкін. • Инъекция алдында картон қорапшаның ішіндегі ұяшықты контейнерден Аджови препаратының ерітіндісі толтырылған бір реттік шприцті шығарып алыңыз. Препарат ерітіндісі толтырылған шприцті сілкуге болмайды, өйткені бұл медициналық құрылғы жұмысына ықпал етуі мүмкін. Сізге Аджови препаратының дозасын емдеуші дәрігердің тағайындауына сәйкес, препарат ерітіндісі толтырылған бір шприцтен көбірегі керек болуы мүмкін. • Аджови препаратын енгізер алдында қолды сабындап, мұқият жуыңыз. • Шприцтегі ерітіндіні мұқият қарап тексеріңіз. Шприцтегі дәрілік препарат ерітіндісінің түссізден ашық-сары түске дейін мөлдір екеніне көз жеткізіңіз. Ерітіндіде жүзінді бөлшектер, түйірлер, үлпектер немесе бұлыңғыр болса, түсі өзгерсе, түссізденсе немесе мұздатып қатырылса, оны қолдануға болмайды. Дәрілік препарат ерітіндісінде аздаған ауа көпіршіктерін байқауға болады. Енгізер алдында алдын ала толтырылған шприцтен ауа көпіршіктерін шығаруға тырыспаңыз. Егер препараттың көзге көрінетін бүлінген жерлері, мысалы, сызаттары немесе ағып кеткен іздері болса, препарат ерітіндісі алдын ала толтырылған шприцті пайдаланбаңыз. • Инъекция үшін аймақты таңдаңыз. Өздігінен инъекция жасауға арналған ықтимал аймақтар 1-суретте белгіленген: іш аймағы (кіндіктен шамамен 5 см әрі), санның алдыңғы бөлігі (ең болмаса, тізеден 5 см жоғары және шаптан 5 см төмен орналасқан аумақ), иықтың артқы бөлігі. Қол жеткізу қиын аймақтарға (мысалы, иықтың артқы бөлігі) инъекция үшін Сізге басқа адамның көмегі керек болуы мүмкін. Ауырсынатын жерлерге, терінің қызарған бөліктеріне, терісі кесілген, қатайған, гематомалары, татуаждары, тыртықтары немесе созылған жерлері бар аумаққа инъекция жасауға болмайды. Аджови препаратын басқа дәрілік препаратты енгізген жерге енгізуге болмайды. 1 сурет. Инъекция жасалатын жерлердің орналасу сызбасы Егер 675 мг препаратының дозасын енгізгенде Сіз үш бөлек инъекция үшін (алдын ала толтырылған 3 бөлек бір реттік шприц) бір ғана аумақты пайдаланғыңыз келсе, екінші және үшінші инъекциялар Сіз алдыңғы инъекциялар үшін пайдаланған дәл сол енгізілген жерге жасалмағанына көз жеткізіңіз. • Инъекция аймағын спирт ерітіндісіне шыланған сүрткімен өңдеңіз. 10 секундтай инъекция аймағының кебуіне мүмкіндік беріңіз. • Инеден қорғағыш қалпақшасын шешіңіз. Қорғағыш қалпақшасын айналдырмаңыз. Бір реттік шприц инесінен қалпақшасын шешкен соң инеге тиіп кетпеңіз және жарақаттанудан немесе инфекциядан сақтану үшін қорғағыш қалпақшасын қайта кигізбеңіз. Қорғағыш қалпақшаны тастаңыз. Инъекция үшін өңделген аймақтағы теріні бас бармақпен және сұқ саусақпен алдын ала кем дегенде 2,5 см сәл бүріп жинаңыз (2 сурет). — 2 сурет. Шприц инесін инъекция жасалатын жерге 45 – 90 градус бұрышпен қойып, теріні шаншыңыз (3 сурет). — 3 сурет Ине теріге толық кірген кезде шприц поршенін бас бармақпен бірқалыпты басыңыз (4 сурет). — 4 сурет. Поршеньді баяу және бірқалыпты баса отырып, инъекция жасалатын жерге шприцтің ішіндегіні түгел енгізіңіз (5 сурет). — 5 сурет. Инъекция жасалған жерден шприцті тігінен суырып алыңыз (6 сурет). — 6 сурет. • Инъекция жасалған жерге таза мақта тампонды бірнеше секунд абайлап басып тұрыңыз. • Шприцті пайдаланылған шприцтерге арналған контейнерге салыңыз және оны утилизациялаңыз. Қабылдау уақытының көрсетілуімен қолдану жиілігі Препаратты айына 1 рет 225 мг (1 шприц) енгізу режимінде соңғы енгізілген дозадан кейін бір айдан соң препараттың келесі дозасын қабылдауды жоспарлау қажет. 675 мг (3 шприц) препаратты үш айда 1 рет енгізу режимі жағдайында соңғы енгізілген дозадан кейін үш айдан соң препараттың келесі дозасын қабылдауды жоспарлау қажет. Егер Сізде енгізу кестесі жөнінде сұрақтар пайда болса, Өз емдеуші дәрігеріңізбен кеңесіңіз. Емдеу ұзақтығы Фреманезумабпен емдеу тағайындалғанда, егер емдеуді тағайындаған дәрігер оны қажет деп санаса, бас сақинасының қатарлас профилактикалық емін жалғастыруға болады. Емдеу сәттілігін емдеу басталуынан кейін 3 ай ішінде бағалау қажет. Әріқарай емдеуді жалғастыру қажеттілігіне жүйелі бағалау жүргізуге кеңес беріледі. Әр нақты жағдайда емдеуді жалғастыру шешімі пациент ерекшеліктерін ескере отырып, әркімге жеке қабылданады. Дәрілік препараттың бір немесе бірнеше дозасын өткізіп алу кезіндегі қажетті шаралар Егер фреманезумаб инъекциясы жоспарланған күні өткізіп алса, тағайындалған дозаны және қолдану сызбасын ескере отырып, оны мүмкіндігінше тезірек енгізу керек. Өткізіп алған дозаны толықтыру мақсатында қосарлы дозасын енгізуге тыйым салынған.

- әсер етуші затқа, сондай-ақ препарат құрамына кіретін қосымша заттарға жоғары сезімталдық;

Өте жиі - инъекция орнының ауырсынуы; - инъекция орнының тығыздануы; - инъекция орнындағы терінің қызаруы Жиі - инъекция орнының қышынуы Жиі емес - инъекция орнындағы бөртпе - есекжем, ісіну Сирек - иммуногенділік - анафилаксиялық шок - күрделі аллергиялық реакциялар Ең көп жиі байқалатын жергілікті реакциялар арасында инъекция орнындағы ауырсыну, тығыздану және эритема болды. Инъекция орнындағы барлық жергілікті реакциялар уақытша, көбінесе жеңіл немесе орташа дәрежеде болды. Ауырсыну, тығыздану және эритема, әдетте, инъекциядан кейін бірден байқалды, ал қышыну мен бөртпе, тиісінше, орта есеппен, 24 және 48 сағат ішінде пайда болды. Инъекция орнындағы барлық реакциялар негізінен бірнеше сағат немесе күн ішінде басылды. Инъекция орнындағы реакциялар, әдетте, дәрілік затты қолданудың тоқтатылуын талап етпеді. Аса жоғары сезімталдықтың күрделі реакциялары Анафилаксиялық реакциялар сирек жағдайларда хабарланды. Кейбір жағдайларда кейін білінетін реакциялар байқалса да,негізінен, реакциялар препаратты енгізуден кейін 24 сағат ішінде туындады. Иммуногенділік Плацебо-бақыланатын зерттеулерде фреманезумабпен емделу курсынан өткен пациенттердің 0,4%-да (1701-ден 6) дәрілік препаратқа антиденелер (ADA) өндіріле бастады. Антиденелер өндірілуі төмен титрмен болды. 6 пациенттің біреуінде бейтараптандыратын антиденелер өндіріле бастады. Емдеу ұзақтығы 12 айға созылғанда дәрілік препаратқа антиденелер пациенттердің 2,3%-нан (1 888-ден 43) анықталды және пациенттердің 0,95%-да бейтараптандыратын антиденелер өндірілді. ADA өндірілуі фреманезумаб қауіпсіздігі мен тиімділігіне ықпал етпеді. Жағымсыз реакциялар туындағанда медициналық қызметкерге, фармацевтикалық қызметкерге немесе, дәрілік препараттар тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Клиникалық сынақтар барысында дозаны шектеу уыттылығынсыз 2000 мг дейінгі дозалар вена ішіне енгізілді. Артық дозалану жағдайында пациентте жағымсыз құбылыстардың белгілері мен симптомдарының жоқ екеніне көз жеткізуге, ал қажет болған жағдайда тиісті симптоматикалық ем жүргізуге кеңес беріледі.

Алдын ала толтырылған шприц тек бір рет қолдануға арналған. Егер көзбен қарап тексергенде шприцтегі ерітінді бұлыңғыр болса, түсі өзгерсе немесе қосымша бөлшектері болса, Аджови пайдалануға ұсынылмайды. Егер ерітінді бұрын мұздатып қатырылған болса (мысалы, мұздатқыш камерада) Аджови пайдалануға ұсынылмайды. Алдын ала толтырылған шприцті шайқау ұсынылмайды. Жоғары температуралар немесе тікелей күн сәулесінің әсеріне ұшыраған препаратты пайдалануға ТЫЙЫМ САЛЫНАДЫ. Қадағалануы Биологиялық дәрілік заттың қадағалануын жақсарту үшін енгізілетін дәрі атауы мен партия нөмірін жазып қою қажет. Ауыр аллергиялық реакцияның қандай да бір белгілері, мысалы тыныс алудың қиындауы, ерін мен тілдің ісінуі немесе Аджови инъекциясынан кейін қатты бөртпе пайда болса, дереу өзіңіздің дәрігеріңізге, фармацевтке немесе медбикеге жүгіну керек. Бұл реакциялар Аджовиді қолданғаннан кейін 24 сағат ішінде пайда болуы мүмкін, бірақ кейде кейіннен байқалуы мүмкін. Қосымша заттар Осы дәрілік зат құрамында дозаға шаққанда 1 ммоль мөлшерінен аз натрий (23 мг) бар, осылайша, ол іс жүзінде «натрийсіз» болып табылады. Алдын ала толтырылған бір шприцтің ішінде тұрақтандырғыш ретінде 99 мг сахароза бар. Арнайы сақтандырулар Егде жастағы пациенттер (65 жастан асқан) Аджови дәрілік препаратының клиникалық зерттеулерінде 65 жастан бастап және одан асқан пациенттерге препаратты енгізу кезіндегі жауап реакциясының олардан жас пациенттердің жауап реакциясынан болжамды ерекшеліктерін анықтау үшін 65 жастан бастап және одан асқан пациенттердің жеткілікті саны қамтылмады. Педиатрияда қолдану Препаратты 18 жасқа дейінгі пациенттерде қолдану ұсынылмайды, өйткені осы жас тобындағы Аджови препаратының қауіпсіздігі мен тиімділігі анықталмады. Жүктілік Жүкті әйелдерде Аджови препаратын қолдану жөніндегі деректер шектеулі. Жануарларға жүргізілген зерттеулер тұқым өрбіту жүйесіне уытты әсер етуіне қатысты тікелей немесе жанама теріс әсерін көрсетпеді. Сақтық шарасы ретінде жүктілік кезінде Аджови қабылдаудан аулақ болуға кеңес беріледі. Бала емізу Фреманезумаб емшек сүтіне өту қабілетінің бар-жоғы белгісіз. Туғаннан кейінгі алғашқы күндер ішінде адам G иммуноглобулинінің (IgG) емшек сүтіне өтетіні анықталды және тез арада төмен концентрацияларға дейін төмендейтіні анықталды. Сондықтан осы қысқа кезең ішінде еметін балалар үшін қаупін жоққа шығаруға болмайды. Бала емізу кезінде фреманезумаб тағайындау мәселесін клиникалық қажеттілік жағдайында ғана қарастыруға болады. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Аджови препараты көлік құралдарын басқару немесе механизмдермен жұмыс істеу қабілетіне ықпал етпейді.

Нұсқаулықта көрсетілмеген.

Аджовидің басқа дәрілермен дәрілік өзара әрекеттесуі бойынша ресми клиникалық зерттеулер жүргізілмеді. Фреманезумаб сипаттамалары негізінде фармакокинетикалық дәрілік өзара әрекеттесулер күтілмейді. Бұдан бөлек, клиникалық зерттеулер кезінде бас сақинасының ұстамасын емдеуге және бас сақинасының профилактикасына арналған дәрілік заттарды (атап айтқанда, анальгетиктер, қастауыштар және триптандар) бір мезгілде қолдану фреманезумаб фармакокинетикасына ықпал етпеді.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 2 °С-ден 8°С-ге дейінгі температурада сақтау керек. Мұздатып қатыруға болмайды! Алдын ала толтырылған шприцті жарықтан қорғау үшін картон қаптамада сақтау керек. 30 °C-ге дейінгі температурада 7 күнге дейін сақтауға жол беріледі. Препарат тоңазытқышта 7 күннен артық сақталған жағдайда, оны утилизациялау керек. Бөлме температурасында сақталғаннан кейін, тоңазытқышқа қайта салмаңыз. Балалардың қолы жетпейтін жерде сақтау керек!