Аевит капсулы

Бір капсуланың құрамында белсенді заттар: ретинол пальмитаты (100% затқа шаққанда) – 55.036 мг (100000 ХБ), альфа-токоферилацетат (100% затқа шаққанда) – 100 мг қосымша зат: күнбағыс майы Желатинді капсула қабығының құрамы: желатин, глицерин, натрий бензоаты, тазартылған су. Сыртқы түрінің, иісінің, дәмінің сипаттамасы Жігі бар сфера пішінді ашық сарыдан күңгірт сары түске дейінгі жұмсақ желатинді капсулалар. Капсула құрамы - ашық-сарыдан қоңыр-сары түске дейінгі майлы сұйықтық.

Дәрілік препарат ересектерде қолдануға арналған: - біріктірілген А және Е авитаминозында - тіндер трофикасы бұзылуымен (псориаз, экземаның кейбір түрлері, ихтиоз, себореялық дерматит) қатар жүретін тері аурулары кезіндегі кешенді емде

Әсер ету механизмі Әсері оның құрамына кіретін майда еритін А және Е дәрумендерінің қасиеттерімен анықталатын біріктірілген дәрілік препарат. Фармакодинамикалық әсерлері Ретинол (А дәрумені) көздің тор қабығының қалыпты функциясы үшін қажетті компонент болып табылады: ол қараңғыда көруге бейімделу үшін қажетті родопсин көру пурпураларын түзе отырып, опсинмен байланысады (торлы қабықтың қызыл пигментімен). А дәрумені сүйектердің өсуіне, қалыпты репродуктивті функцияға, эмбриондық дамуға, эпителийдің бөлінуі мен саралануын реттеуге қажет (терінің эпителий жасушаларының бөлінуін күшейтеді, жасуша популяциясын жасартады, кератинизация процестерін тежейді). А дәрумені әртүрлі биохимиялық процестерде кофактор ретінде қатысады. Альфа-токоферолдың (Е дәрумені) функциясы соңына дейін түсініксіз болып қалады. Антиоксидант ретінде бос радикалды реакциялардың дамуын тежейді, жасуша жарғақшаларына зақым келтіретін асқын тотықтың пайда болуына жол бермейді, бұның организмнің дамуы, жүйке және бұлшықет жүйелерінің қалыпты функциясы үшін үлкен маңызы бар. Селенмен бірге қанықпаған май қышқылдарының тотығуын тежейді (микросомальды электронды тасымалдау жүйесінің құрамдас бөлігі), эритроциттердің гемолизін болдырмайды. Кейбір ферменттік жүйелердің кофакторы болып табылады. Капиллярлық қан айналымын жақсартады, капиллярлық және тіндік өткізгіштігін қалыпқа келтіреді, тіндердің гипоксияға төзімділігін арттырады. Клиникалық тиімділігі және қауіпсіздігі Жеке зерттеулер жүргізілген жоқ, деректер жоқ. Балалар Препарат педиатриялық практикада қолданылмайды.

Дозалану режимі Тәулігіне 1 капсуладан. Енгізу әдісі және жолы Ас қабылдауға қарамастан, ішке қабылдау керек. Қабылдау уақыты көрсетілген қолдану жиілігі Күнделікті тәулігіне 1 капсуладан. Емдеу ұзақтығы 3-6 ай аралықпен 20-40 күн Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Препаратты қолдану бойынша сұрақтар болса, емдеуші дәрігерге немесе дәріхана қызметкеріне хабарласыңыз.

- әсер етуші затқа (заттарға) немесе қосымша заттардың кез келгеніне аса жоғары сезімталдық - өт-тас ауруы - созылмалы панкреатит - А және/немесе Е гипервитаминозы - тиреотоксикоз - созылмалы гломерулонефрит - созылмалы жүрек жеткіліксіздігі - анамнездегі саркоидоз - бассүйекішілік қысымның жоғары болуы - кардиосклероз - миокард инфаркті - жүктілік және емшек емізу кезеңі - балалар мен 18 жасқа дейінгі жасөспірімдерге

Ас қорыту жүйесі тарапынан: тәбеттің жоғалуы, ауыз қуысының шырышты қабығының құрғауы, асқазанның ауыруы, құсу, жүрек айну. Бауыр және өт шығару жүйесі тарапынан: гепатоуыттылық құбылыстары, порталдық гипертензия. Тері және тері асты тіндері тарапынан: терінің, еріннің жарықтары мен құрғақтығы, табан, алақандағы, мұрын-ерін үшбұрышы аумағындағы сары-қызғылт дақтар, тері асты ісінуі, жекелеген жағдайларда қолданудың бірінші күні қышынған дақты-папулезді бөртпелер пайда болуы мүмкін, бұл препаратты тоқтатуды талап етеді. Жүйке жүйесі тарапынан: астения, шамадан тыс шаршау, ұйқышылдық, жайсыздану, бас ауруы, тітіркену, көзішілік гипертензия, көру қабілетінің бұзылуы, жүріс-тұрыстың бұзылуы. Эндокриндік жүйе тарапынан: олигоменорея. Несеп шығару жүйесі тарапынан: поллакиурия, никтурия, полиурия. Қан жүйесі тарапынан: гемолитикалық анемия. Тірек-қимыл қозғалыс аппараты тарапынан: сүйек ауруы, ұзын жілікті сүйектердің гиперостозы (негізінен балаларда), эпифизарлық өсу аймақтарының мерзімінен бұрын жабылуы. Басқалары: гипертермия, шаштың түсуі, фотосенсибилизация, дене салмағының төмендеуі, гиперкальциемия. Дәрілік препараттың дозасын азайтуда немесе уақытша тоқтатуда жағымсыз әсерлер өздігінен жойылады. Тері ауруларында 7-10 күн емдеуден кейін дәрілік препараттың жоғары дозаларын қолдану қосымша емдеуді қажет етпейтін және одан әрі азайтылатын жергілікті қабыну реакциясының өршуімен қатар жүруі мүмкін. Бұл әсер препараттың миело - және иммуностимуляторлық әсерімен байланысты. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Жедел А және Е гипервитаминозының симптомдары емдіктен бірнеше есе асатын жоғары дозаларды бір мезгілде қабылдау салдарынан қатты бас ауыруы, бас айналуы, ұйқышылдық, сананың шатасуы, бассүйекішілік қысымның жоғарылауы, жүрек жеткіліксіздігі, көрудің бұзылуы, құрысулар, тоқтаусыз құсу, қатты іш өту, организмнің ауыр сусыздануы мүмкін; екінші күні кең таралған бөртпе соңынан беттен бастап ірі пластинкалы қабыршықтанумен пайда болады; сүйек астына қан кетуден, сүйектің, жұмсақ тіндердің өзгеруінен, креатинурия, диарея, эпигастриядағы ауырсыну және жұмысқа қабілеті төмендеуіне байланысты ұзын жілік сүйектерді сипап көруде күрт ауырсынады. Дәрілік препаратты ұзақ уақыт қолданғанда созылмалы А және Е гипервитаминозы дамуы мүмкін. А дәруменімен созылмалы уыттану симптомдары: анорексия, сүйектің ауыруы, терінің, еріннің жарылуы мен құрғақтығы, ауыз қуысының шырышты қабығының құрғауы, гастралгия, құсу, гипертермия, астения, бас ауруы, фотосенсибилизация, поллакиурия, никтурия, полиурия, ашушаңдық, шаштың түсуі, табандағы, алақандағы, мұрын ерін аумағындағы сары-қызғылт дақтар, гепатоуытты құбылыстар, көзішілік қысым жоғарлауы, олигоменорея, порталды гипертензия, гемолитикалық анемия, қисық рентгенограммаларындағы өзгерістер, құрысулар. Е дәруменімен артық дозалану симптомдары: ұзақ уақыт тәулігіне 400-800 ХБ дозада қабылдағанда – анық көрмеу, бас айналуы, бас ауыруы, жүрек айнуы, диарея, гастралгия, астения; ұзақ уақыт тәулігіне 800 ХБ жоғары дозада қабылдау К гиповитаминозбен науқастарда қан кетудің даму қаупін жоғарылатады, тиреоидты гормондардың метаболизмінің бұзылуы, сексуальді қызметтің бұзылуы, тромбофлебит, тромбоэмболия, некрозды колит, сепсис, гепатомегалия, гипербилирубинемия, бүйрек жеткіліксіздігі, көздің торлы қабығына қан құйылуы, геморрагиялық инсульт, асцит. Емі: препаратты тоқтату, симптоматикалық ем.

Препаратты тромбоэмболия қаупі жоғары, коронарлық артериялардың ауыр атеросклерозы, созылмалы қан айналымы жеткіліксіздігі, жедел немесе созылмалы нефрит, холецистит, гепатобилиарлық жүйенің ауыр зақымдануы бар науқастарға сақтықпен қолданады. Басқа поливитаминді препараттармен бірге ұзақ уақыт бойы тағайындау ұсынылмайды, өйткені майда еритін дәрумендердің (А және Е) артық дозалануы мүмкін. Дозалау жөніндегі нұсқауларды қатаң сақтау қажет, себебі А гипервитаминозы болуы мүмкін. Препаратты қолданған кезде оның құрамындағы А дәруменінің мөлшері (100 мың ХБ) көптігін, сондай-ақ оның профилактикалық дәрілік препарат емес, емдік болып табылатынын ескеру керек. Гемодиализді науқастарда А дәруменін алмастыру гиперкальциемиямен бірге А гипервитаминозына әкелуі мүмкін. Мұндай пациенттерде А дәрумені деңгейін бақылау қажет. V типті гипертриглицеридемияның ауыр түрі бар пациенттерде А дәрумені гипервитаминозының қаупі бар. Сондықтан мұндай пациенттердің жағдайы үнемі мониторингтеуді қажет етеді. Алкогольді А дәруменімен бір уақытта қолдану гепатоуыттылық тудыруы мүмкін. Сондықтан алкогольді тым артық пайдаланатын пациенттерге Аевит препараты өте сақтықпен тағайындалуы керек. Арнайы сақтандырулар Педиатрияда қолдану Препарат педиатриялық практикада қолданылмайды. Бауыр және/немесе бүйрек функциясы бұзылған адамдарда қолданылуы Сақтық таныту керек, себебі А гипервитаминозының даму қаупі айтарлықтай артады. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Препаратты қолдану ерекше назар аударуды және жылдам реакцияларды талап ететін қауіптілігі зор қызмет түрлерін орындауға әсер етпейді.

Жүктілік кезінде (әсіресе I триместрде) және лактация кезеңінде (емдеу кезеңінде емшек сүтімен емізуді тоқтату қажет) қолдануға болмайды. Ретинолдың жоғары дозаларының тератогенді әсері оны қабылдау тоқтатылғаннан кейін де сақталады, сондықтан препаратты қолдану кезінде жүктілікті тек 6-12 айдан кейін жоспарлау ұсынылады.

Бір мезгілде қолданған кезде А дәрумені Ca2+ препараттарының әсерін әлсіретеді, гиперкальциемия даму қаупін арттырады. Колестирамин, колестипол, минералды майлар, неомицин А және Е дәруменінің сіңірілуін азайтады (олардың дозасын арттыру қажет болуы мүмкін). Пероральді контрацептивтер плазмадағы А дәрумені концентрациясын арттырады. Ретинол глюкокортикоидтардың қабынуға қарсы әсерін төмендетеді. Изотретиноин А дәруменімен уланудың даму қаупін арттырады. Тетрациклин мен А дәруменін жоғары дозаларда (50 мың ӘБ және одан жоғары) бір мезгілде қолдану бассүйекішілік гипертензияның даму қаупін арттырады. А дәруменінің жоғары дозасы дикумарин мен варфариннің антикоагуляциялық әсерін күшейте алады. Тетрациклиндермен ұзақ емдеу кезінде А дәруменін тағайындау ұсынылмайды (бассүйекішілік гипертензияның даму қаупі артады). Альфа-токоферилацетатты циклоспоринмен бір мезгілде қолданғанда соңғысының сіңірілуі артады. Пероральді темір препараттары екі препарат бір уақытта қабылданған кезде ішекте Е дәрумені сіңуін төмендетуі мүмкін. Бұл жағдайда осы дәрілік препараттарды шамамен 4 сағат уақыт аралықпен қабылдаған жөн. Мальабсорбция, Д дәрумені мен К дәруменінің біріктірілген тапшылығы жағдайында, сондай-ақ К дәруменінің антагонистерін (мысалы, пероральді антикоагулянттар) қолданған жағдайда коагуляцияны мұқият бақылау керек, өйткені организмде К дәруменінің күрт төмендеуі мүмкін. Антикоагуляциялық ем алатын пациенттерге немесе К дәрумені тапшылығы бар пациенттерге қан кету қаупінің жоғарылауына байланысты мұқият медициналық бақылаусыз Е дәруменін қолданбаған жөн. Е дәрумені глюкокортикостероидтардың, қабынуға қарсы стероидты емес дәрілердің, антиоксиданттардың әсерін күшейтеді, тиімділікті арттырады және А, D дәрумендерінің, жүрек гликозидтерінің уыттылығын азайтады. Е дәрумені эпилепсиямен ауыратын науқастарда эпилепсияға қарсы дәрілік заттардың тиімділігін арттырады (қан құрамында липидтердің асқын тотығу өнімдері жоғарылайды). Е дәруменін тәулігіне 400 мг астам дозада антикоагулянттармен (кумарин және индандион туындылары) бір мезгілде қолдану гипопротромбинемия мен қан кету қаупін арттырады. Темірдің жоғары дозалары организмдегі тотығу процестерін күшейтеді, бұл Е дәруменіне деген қажеттілікті арттырады. Альфа-токоферилацетатты алтын, күміс препараттарымен, сілтілік реакциясы бар заттармен бірге қабылдау ұсынылмайды. Кортикостероидты препараттар, тетрациклин тобының антибиотиктері, сондай-ақ этанол және құрамында этанол бар препараттар Аевитпен бірге қолданғанда емдік әсерін төмендетеді.

Сақтау мерзімі 2 жыл Жарамдылық мерзімі өткеннен кейін қолдануға болмайды. Сақтау шарттары Жарықтан және ылғалдан қорғалған жерде, 15°С-ден 25 °С-ге дейінгі температурада сақтау керек. Балалардың қолы жетпейтін жерде сақтау керек!