Азимак капсулы 250 мг

Бір капсуланың құрамында белсенді зат - азитромицин дигидраты (азитромицинге баламалы) 250 мг, қосымша заттар: магний стеараты, желатинделген крахмал, капсуланың корпусы мен қақпағының құрамы: хлорофиллинді мыстар кешені, титанның қостотығы Е171, желатин. Бір капсуланың құрамында белсенді зат - азитромицин дигидраты (азитромицинге баламалы) 500 мг, қосымша зат: магний стеараты, капсуланың корпусы мен қақпағының құрамы: хлорофиллинді мыстар кешені, титанның қостотығы Е171, желатин. Сыртқы түрінің, иісінің, дәмінің сипаттамасы Өлшемі №0, қақпақшасы мен корпусы жасыл түсті, қатты желатинді капсулалар. Капсуланың ішіндегісі – ақ ұнтақ.

Азимакты азитромицинге сезімтал микроорганизмдер туындатқан келесі инфекциялық ауруларды емдеу үшін тағайындайды: • фарингит/тонзиллит, синусит, ортаңғы отитті қоса, жоғарғы тыныс алу жолдарының инфекциясы; • созылмалы бронхиттің жедел өршуі, ауруханадан тыс пневмонияны қоса, төменгі тыныс алу жолдарының инфекциясы; • тері және жұмсақ тіндердің инфекциясы; • Chlamydia trachomatis және Neisseria gonorrhoeae туындатқан жыныс ағзаларының асқынбаған инфекциялары. Препаратты тағайындау кезінде бактерияға қарсы препараттарды тиісті қолданудың ресми ережелерін ескеру қажет. Қолдану басталғанға дейін қажетті мәліметтер тізбесі

Әсер ету механизмі Азимак - азалидті топқа жататын макролидті антибиотик. Азитромициннің әсер ету механизмі 50S рибосомалық суббірлікпен байланысу және пептидтік транслокацияны тежеу арқылы бактериялық ақуыз синтезін бәсеңдетуге негізделген. Резистенттілік механизмі Азитромицинге резистенттілік туа біткен немесе жүре пайда болуы мүмкін. Бактерияларда резистенттіліктің дамуының үш негізгі механизмі бар: мақсатты аймақтың өзгеруі, антибиотиктердің тасымалдануының өзгеруі және антибиотиктің модификациясы. Азитромицин эритромицинге резистентті грам-теріс изоляттарға айқаспалы резистенттілікті көрсетеді. Уақыт өте келе макролидтерге, атап айтқанда Streptococcus pneumoniae және Staphylococcus aureus үшін сезімталдықтың төмендеуі атап өтілді. Сол сияқты, Streptococcus viridans және Streptococcus agalactiae (B тобы) үшін басқа макролидтер мен линкозамидтерге төмен сезімталдық байқалды Сезімталдық Жүре пайда болған резистенттіліктің таралуы географиялық және уақыт өте келе әртүрлі микроорганизмдерге қатысты өзгеруі мүмкін. Резистенттілік туралы жергілікті көздерден, әсіресе ауыр инфекцияларды емдеу кезінде ақпарат жинаған жөн. Қажет болса, осы аймақтағы резистенттілік деңгейін анықтау үшін осы саладағы маманмен кеңесу керек, өйткені инфекциялардың кейбір түрлерін осы препаратпен емдеудің пайдасы күмәнді. ӘДЕТТЕ СЕЗІМТАЛ МИКРООРГАНИЗМДЕР Аэробты грамоң бактериялар Staphylococcus aureus Метициллин-сезімтал Streptococcus pneumoniaeПенициллин-сезімтал Streptococcus pyogenes (А тобы) Аэробты грамтеріс бактериялар Haemophilus influenzaeHaemophilus parainfluenzae Legionella pneumophila Moraxella catarrhalis Neisseria gonorrhoeae Pasteurella multocida Анаэробты бактериялар Clostridium perfringens Fusobacterium spp. Prevotella spp. Porphyromonas spp. Басқа бактериялар Chlamydia trachomatis ЖЕКЕЛЕГЕН ЖАҒДАЙЛАРДА РЕЗИСТЕНТТІЛІККЕ ИЕ БОЛАТЫН ТҮРЛЕР Аэробты грамоң бактериялар Streptococcus pneumoniae Пенициллинге аралық сезімталдықпенПенициллин-резистентті ТУА БІТКЕН РЕЗИСТЕНТТІЛІК Аэробты грамоң бактериялар Enterococcus faecalis MRSA, MRSE (метициллин-резистентті алтын стафилококк) стафилококктар* Анаэробты бактериялар Bacteroides fragilis бактероидтар тобы * метициллин-резистентті алтын түстес стафилококк макролидтерге резистенттіліктің өте жоғары дәрежесіне иеленген және осы тізімге енгізілген, өйткені ол азитромицинге сирек сезімтал.

Дозалау режимі Азимакты бір реттік тәуліктік доза түрінде қолдану керек. Әр түрлі инфекциялық ауруларды емдеу ұзақтығы төменде көрсетілген. Дене салмағы 45 кг және одан жоғары ересектер, балалар мен жасөспірімдер Жалпы курстық доза 1500 мг, тәуліктік 3 күн бойы күніне бір рет 500 мг құрайды. 1500 мг жалпы курстық дозаны 5 күн ішінде қабылдауға жол беріледі – бірінші күні бір реттік доза түрінде 500 мг, содан кейін - тәулігіне бір рет 250 мг-ден 5 күнге дейін. Chlamydia trachomatis туындататын жыныстық жолмен берілетін асқынбаған ауруларды емдеу кезінде 1 г-ге тең бір реттік доза тағайындалады. Сезімтал Neisseria gonorrhoeae үшін ұсынылатын доза клиникалық емдеу жөніндегі жергілікті нұсқауларға сәйкес 250 мг немесе 500 мг цефтриаксонмен біріктірілген 1000 мг немесе 2000 мг азитромицинді құрайды. Пенициллинге және/немесе цефалоспориндерге аллергиядан зардап шегетін пациенттер үшін дәрілік затты тағайындайтын адамдар емдеу жөніндегі жергілікті нұсқауларға жүгінуі тиіс. Көшпелі эритеманы емдеу кезінде азитромициннің жалпы курстық дозасы 3 г құрайды. Емдеу сызбасы бұл ретте келесідей: 1 күн - 1 г, 2 күннен бастап - күніне 500 мг-ден 5 күнге дейін. Дене салмағы 45 кг-ден кем балалар мен жасөспірімдер Ұсынылатын доза 3 күн бойы бір реттік доза түрінде тәулігіне 10 мг/кг құрайды (ең жоғары тәуліктік доза 30 мг/кг құрайды). Жалпы курстық дозаны 5 күнге бөлуге жол беріледі; бұл ретте бірінші күні препарат 10 мг/кг дозада, ал келесі төрт күнде – тәулігіне 5 мг/кг дозада қолданылады. Балалардағы жалпы курстық дозаның ең көп мөлшері 1500 мг құрайды. Белгілі бір дене салмағы бар балаларда дұрыс дозаны қамтамасыз ету үшін препараттың басқа дәрілік түрлері қолайлы. Егде жастағы адамдар Егде жастағы адамдарда ересектердегідей доза қолданылады. Егде жастағы пациенттер арасында жүрек аритмиясына бейімділік жиі байқалатындықтан, жүрек аритмиясы мен «пируэт» типті қарыншалық тахикардия қаупін ескере отырып, ерекше сақ болу керек. Бүйрек функциясының бұзылуы Жеңіл немесе орташа дәрежелі бүйрек функциясы бұзылған пациенттерде (ШСЖ 10-80 мл/мин) дозаны түзету талап етілмейді. Бүйрек функциясының ауыр бұзылулары бар (ШСЖ <10 мл/мин) пациенттерге азитромицинді тағайындау кезінде сақ болу керек. Бауыр функциясының бұзылуы Бауыр функциясының жеңіл немесе орташа дәрежелі бұзылулары бар пациенттерде (Чайлд–Пью шкаласы бойынша А немесе В класы) дозаны түзету талап етілмейді. Азитромицин бауырда метаболизденіп, өтпен шығарылатындықтан, бауырдың күрделі аурулары бар пациенттерде азитромицинді сақтықпен қолдану керек. Пациенттердің осы санаттарында азитромицинді қолдану бойынша зерттеулер жүргізілген жоқ. Енгізу әдісі мен жолы Азимак тек ішу арқылы қабылдауға арналған. Азимакты міндетті түрде тамаққа ішкенге дейін бір сағат бұрын немесе тамақ ішкен соң 2 сағаттан кейін қабылдау керек. Препаратты тәулігіне 1 рет қабылдайды. Препаратпен емделу кезінде спирт ішімдіктерін ішуден тартына тұру керек. Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар Егер Сізде Азимак препаратын қолдану бойынша қандай да бір сұрақтар бар болса, оларды емдеуші дәрігеріңізбен талқылаңыз.

• азитромицинге, эритромицинге, басқа макролидті және кетолидті антибиотиктерге немесе препараттың кез келген компоненттеріне аса жоғары сезімталдық; • бауыр мен бүйрек функциясының ауыр бұзылулары; • лактация кезеңі; • фруктоза жақпаушылығының сирек тұқым қуалайтын аурулары, глюкоза мен галактозаның мальабсорбция синдромы немесе сахараза-изомальтаза жеткіліксіздігі.

Азимак жақсы жағады және оны қолдану жағымсыз әсерлердің төмен жиілігімен байланысты. Өте жиі: • диарея, іштің ауыруы, жүрек айнуы, метеоризм Жиі: • анорексия • бас айналуы, бас ауыруы, парестезия, дисгевзия • көрудің бұзылуы • құсу, диспепсия • қышыну, бөртпе • артралгия • шаршау • лимфоциттер санының төмендеуі, эозинофилдер санының артуы, қандағы бикарбонаттар деңгейінің төмендеуі Жиі емес: • кандидоз, оральді кандидоз, қынаптық инфекция • лейкопения, нейтропения • ангионевроздық ісіну, аса жоғары сезімталдық • күйгелектік • гипестезия, ұйқышылдық, ұйқысыздық • естудің бұзылуы, тинниттер • жүректің жиі соғуы • гастрит, іш қату • гепатиттер • Стивенс-Джонсон синдромы, жарыққа сезімталдық реакциясы, есекжем • кеуде қуысының ауыруы, ісіну, жалпы дімкәстік сезімі, астения • аспартат-аминотрансфераза деңгейінің жоғарылауы, аланин-аминотрансфераза деңгейінің жоғарылауы, қандағы билирубин деңгейінің жоғарылауы, қандағы мочевина деңгейінің жоғарылауы, қандағы креатинин деңгейінің жоғарылауы, қандағы калий деңгейінің бұзылуы Сирек: • қозу жай-күйі • вертиго • бауыр функциясының бұзылуы • жедел жайылған экзентематозды пустулез (AGEP)* • эозинофилиямен және жүйелік көріністермен дәрілік реакция (DRESS)* Белгісіз: • жалған жарғақшалы колит • тромбоцитопения, гемолиздік анемия • анафилаксиялық реакция • озбырлық, мазасыздық • естен тану, құрысулар, гипестезия, психомоторлы аса жоғары белсенділік, аносмия, агевзия, параосмия, гравис миастениясы • екі бағытты тахикардия, қарыншалық тахикардияны қоса, аритмия • гипотензия • панкреатит, тілдің шырышты қабығы түсінің өзгеруі • сирек өлімге әкелетін бауыр жеткіліксіздігі, шұғыл дамитын гепатит, некроздық гепатит, холестаздық сарғаю • уытты эпидермальді некролиз, мультиформалы эритема • жедел бүйрек жеткіліксіздігі, интерстициальді нефрит • электрокардиограммадағы QT аралығының ұзаруы Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz Қосымша ақпарат

Ұсынылған дозалардан едәуір жоғары болған кезде байқалған жағымсыз құбылыстар қалыпты дозаларда байқалғанға ұқсас болды. Макролидті антибиотиктердің артық дозалануының әдеттегі симптомдарына есту қабілетінің қайтымды жоғалуы, қатты білінетін жүрек айнуы, құсу және диарея жатады. Артық дозаланған жағдайларда белсендірілген көмір, әдеттегі симптоматикалық емдеу және қажет болған жағдайда қосымша шаралар тағайындалады. Емі: артық дозаланған жағдайда белсендірілген көмірді қабылдау және организмнің өмірлік функцияларын демеуге бағытталған симптоматикалық ем жүргізу қажет.

Аса жоғары сезімталдық Эритромицин және басқа макролидтер сияқты, ангионевроздық ісіну және анафилаксия (сирек жағдайда өліммен аяқталатын), жедел жайылған экзантематозды пустулез (AGEP) және эозинофилиямен және жүйелік көріністермен дәрілік реакцияны (DRESS) қоса, күрделі аллергиялық реакциялар туралы хабарланды. Азитромициннен туындаған осы реакциялардың кейбіреулері қайталанатын симптомдарға әкелді және едәуір ұзақ бақылау мен емдеу кезеңін қажет етті. Гепатоуыттылық Бауыр азитромицинді шығаратын негізгі ағза болып табылатындықтан, оны қолдануды бауырдың айқын аурулары бар пациенттерде сақтықпен жүргізілу керек. Өмірге қауіп төндіретін бауыр жеткіліксіздігіне потенциалды әкелетін шұғыл дамитын гепатит жағдайлары туралы хабарланды. Кейбір пациенттерде бұрын бауыр ауруы болған немесе олар басқа гепатоуытты дәрілік заттарды қабылдаған болуы мүмкін. Сарғаюмен байланысты тез дамитын астения, несептің күңгірт түсі, қан кетуге бейімділік немесе бауыр энцефалопатиясы сияқты бауыр дисфункциясының белгілері мен симптомдары пайда болған кезде бауыр функциясына дереу талдау/зерттеу жүргізу қажет. Бауыр функциясы бұзылған жағдайда азитромицинді қолдануды тоқтату керек. Қастауыш алкалоидтарының туындылары Қастауыш алкалоидтарының туындыларын қабылдайтын пациенттерде эрготизмнің пайда болуы кейбір макролидті антибиотиктерді бірге қолданудан туындайды. Қастауыш алкалоидтарының туындылары мен азитромицинның өзара әрекеттесу мүмкіндігі туралы деректер жоқ. Алайда, эрготизмнің теориялық тұрғыдан даму мүмкіндігіне байланысты азитромицин мен қастауыш алкалоидтарының туындыларын бір уақытта қолданбаған жөн. Суперинфекция Кез-келген антибиотикті қолданған кездегі сияқты, зеңдерді қоса, резистентті микроорганизмдерден туындаған суперинфекция белгілерін бақылау ұсынылады. Clostridium difficile (CDAD) туындатқан диарея Азитромицинді қоса, барлық дерлік бактерияға қарсы дәрілерді қолданған кезде ауырлық деңгейі жеңіл диареядан өліммен аяқталатын колитке дейін ауытқуы мүмкін Clostridium difficile байланысты диарея (CDAD) туралы хабарланды. А және В гипертоксинін өндіретін C. difficile штамдары CDAD дамуына ықпал етеді. C. difficile штамдары өндіретін гипертоксиндер ауру мен өлімнің жоғарылауының себебі болып табылады, өйткені бұл инфекция микробқа қарсы емге резистентті болуы мүмкін және колэктомия қажет болуы мүмкін. Сондықтан кез-келген антибиотиктерді қолдану кезінде немесе одан кейін диареяның пайда болуы CDAD ретінде қарастырылуы керек. Бактерияға қарсы дәрілерді қолданғаннан кейін 2 айдан кейін орын алған CDAD жағдайлары туралы хабарланды, бұл пациенттің толық анамнезін жинауды талап етеді. Диарея симптомдары пайда болган кезде, азитромицинмен емдеуді тоқтату және C. difficile спецификалық емдеуді тағайындау туралы мәселені қарастыру керек. Стрептококкты инфекциялар Пенициллин әдетте Streptococcus pyogenes туындатқан фарингит/тонзиллитті емдеу, сондай-ақ жедел ревматизмдік қызбаның профилактикасы үшін бірінші қатардағы ем болып табылады. Азитромицин жалпы мұрын жұтқыншақтағы стрептококкқа қарсы тиімді, бірақ жедел ревматизмдік қызбаның профилактикасында азитромициннің тиімділігін растайтын деректер жоқ. Бүйрек функциясының бұзылуы Бүйрек функциясының ауыр бұзылулары бар пациенттерде (ШСЖ <10 мл/мин) азитромициннің жүйелік әсерінің 33% артуы байқалды. QT аралығының ұзаруы Басқа макролидтермен емдеу кезінде жүрек аритмиясы мен екі бағытты қарыншалық тахикардияның даму қаупіне әкелетін ұзартылған жүрек реполяризациясы және QT аралығының ұзаруы байқалды. Азитромицинді қолданған кезде мұндай әсерді жүрек реполяризациясының ұзартылған қаупі жоғары пациенттерде толығымен жоққа шығаруға болмайды, сондықтан төмендегі пациенттерді емдеу кезінде сақ болу керек: • QT аралығының туа біткен немесе құжатталған ұзаруымен; • қазіргі уақытта Ia және III класты аритмияға қарсы препараттар, цизаприд және терфенадин сияқты QT аралығын ұзартатын ретінде белгілі басқа белсенді заттармен ем қабылдайтын; • электролит теңгерімінің бұзылуымен, әсіресе гипокалиемия мен гипомагниемия кезінде; • клиникалық елеулі брадикардиямен, аритмиямен немесе жүректің ауыр жеткіліксіздігімен. Гравис миастениясы Азитромицинмен ем қабылдайтын пациенттерде симптомдардың өршу жағдайлары және жаңа миастения синдромының көрінісі байқалды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Азимак көлік құралдарын басқару және басқа механизмдермен жұмыс істеу кезінде реакция жылдамдығына әсер етпейді.

Препаратты жүктілік кезінде қолдану, егер күтілетін пайда шарана үшін потенциалды қауіптен болса ғана мүмкін болады.

Антацидтер: антацидтерді азитромицинмен бір мезгілде қолдану жалпы биожетімділікке әсер етпейді, бірақ қан сарысуындағы азитромициннің шекті концентрациясы шамамен 24% төмендеді. Азитромицинді де, антацидтерді де қабылдайтын пациенттерге оларды бір мезгілде қабылдамаған жөн. Цетиризин: дені сау еріктілерде азитромицинді 20 мг цетиризинмен 5 күн бірге қолдану фармакокинетикалық өзара әрекеттесуге және QT аралығының елеулі өзгеруіне әкелмеді. Диданозин (дидезоксиинозин): АИТВ-оң пациенттерде азитромицинді тәулігіне 1200 мг және тәулігіне 400 мг диданозинді бірге қолдану диданозиннің плацебомен салыстырғанда фармакокинетикасына айтарлықтай әсер еткен жоқ. Дигоксин және колхицин: азитромицинді қоса, макролидті антибиотиктерді дигоксин және колхицин сияқты Р-гликопротеин субстраттарымен бірге қолдану қан сарысуындағы Р-гликопротеин субстраттарының деңгейінің жоғарылауына әкеледі. Сондықтан, егер азитромицин мен дигоксин сияқты Р-гликопротеин субстраттары бір мезгілде қолданылса, қан сарысуындағы дигоксин концентрациясының жоғарылау мүмкіндігін ескеру қажет. Азитромицинмен емдеу кезінде және оны тоқтатқаннан кейін қан сарысуындағы дигоксин деңгейін клиникалық мониторингілеуді және бақылауды қамтамасыз ету қажет болуы мүмкін. Зидовудин: бірге қолданған кезде азитромицин шеткері қанның мононуклеарларында фосфорланған зидовудин (клиникалық белсенді метаболит) концентрациясын арттырады. Азитромицин Р450 бауыр цитохромы жүйесіне айтарлықтай әсер етпейді. Ол эритромицин мен басқа макролидтер үшін байқалғандай фармакокинетикалық дәрілік өзара әрекеттесуге ұшырамайды деп саналады. Метаболит-цитохром кешені арқылы бауыр цитохромы Р450 индукциясы немесе белсенділігінің жойылуы азитромицинді қолданған кезде орын алмайды. Эрготамин туындылары: эрготизм дамуының теориялық тұрғыдан мүмкіндігіне байланысты азитромицинді қастауыш алкалоидтарының туындыларымен бір мезгілде қолдану ұсынылмайды. Қастауыш алкалоидтарының туындылары: эрготизмнің теориялық тұрғыдан мүмкіндігіне байланысты азитромицинді қастауыш алкалоидтарының туындыларымен бір мезгілде қолдану ұсынылмайды. Аторвастатин: аторвастатинді (күнделікті 10 мг) және азитромицинді (тәулігіне 500 мг) бірге қолдану қан плазмасындағы (HMG CoA-редуктаза талдауы негізінде) аторвастатин концентрациясын өзгертпейді. Алайда, азитромицинді статиндермен қабылдайтын пациенттерде рабдомиолиздің маркетингтен кейінгі жағдайлары тіркелген. Карбамазепин: азитромицин карбамазепин мен оның плазмадағы белсенді метаболиттерінің деңгейіне айтарлықтай әсер етпейді. Циметидин: азитромицинді енгізуден 2 сағат бұрын циметидиннің бір реттік дозасының фармакокинетикасын зерттеу азитромициннің фармакокинетикасында ешқандай өзгеріс таппады. Кумаринді пероральді антикоагулянттар: фармакокинетикалық өзара әрекеттесуді зерттеу кезінде азитромицин дені сау еріктілерге енгізілетін варфариннің 15 мг бір дозасының антикоагулянтты әсерін өзгерткен жоқ. Азитромицин мен кумарин типті пероральді антикоагулянттарды бірге енгізгеннен кейін потенциалды антикоагуляцияға қатысты тіркеуден кейінгі кезеңде алынған хабарламалар бар. Себеп-салдарлық байланыс анықталмағанымен, кумарин типті пероральді антикоагулянттарды қабылдайтын пациенттерде азитромицин қолданылған кезде протромбин уақытын жиі мониторингілеу қажеттілігін қарастыру керек. Циклоспорин: азитромицинді 3 күн бойы тәулігіне 500 мг дозада ішке қабылдағанда, содан кейін циклоспоринді 10 мг/кг дозада ішке қабылдағанда циклоспориннің (тиісінше 24 және 21%-ға) Cmax және AUC0-5 елеулі ұлғаюы анықталды. Бұл жағдайда AUC параметрі бойынша айтарлықтай өзгерістер байқалмады. Сондықтан осы препараттарды бір мезгілде қолдануды шешпес бұрын абай болу керек. Егер циклоспорин мен азитромицинді бірге қолдану қажет болса, циклоспорин деңгейін бақылап, соңғысының дозасын сәйкесінше түзету керек. Эфавиренз: 7 күн бойы күніне 600 мг азитромицин мен 400 мг эфавиренздің бір реттік дозасын бірге қабылдау клиникалық елеулі фармакокинетикалық өзара әрекеттесулерге әкелмейді. Флуконазол: 1200 мг азитромициннің бір реттік дозасын бірлесіп қолдану флуконазолдың 800 мг бір реттік дозасының фармакокинетикасын өзгерткен жоқ. Азитромициннің жалпы әсері мен жартылай шығарылу кезеңі флуконазолмен бір мезгілде қолданғанда өзгерген жоқ, бірақ азитромициннің Cmax (18%) клиникалық елеусіз төмендеуі байқалды. Индинавир: 1200 мг азитромициннің бір реттік дозасын бірге қолдану 5 күн бойы күніне үш рет 800 мг дозада енгізілетін индинавирдің фармакокинетикасына статистикалық елеулі әсер еткен жоқ. Метилпреднизолон: дені сау еріктілердегі зерттеулерде азитромицин метилпреднизолонның фармакокинетикасына айтарлықтай әсер еткен жоқ. Мидазолам: азитромицинмен тәулігіне 500 мг 3 күн бойы бірге қолдану 15 мг мидазоламның бір реттік дозасының фармакокинетикасы мен фармакодинамикасында клиникалық елеулі өзгерістер туындатпайды. Нельфинавир: азитромицинді (1200 мг) және нелфинавирді (тәулігіне үш рет 750 мг) бірге қолдану азитромицин концентрациясының жоғарылауына әкелді. Қандай да бір клиникалық елеулі жағымсыз әсерлер байқалмады және дозаны түзету қажет болмады. Рифабутин: азитромицин мен рифабутинді бірге қолдану қан сарысуындағы препараттардың қайсысының да концентрациясына әсер етпеді. Нейтропения азитромицин мен рифабутинмен қатарлас ем қабылдаған пациенттерде байқалды. Нейтропения рифабутинді пайдаланумен байланысты болғанымен, азитромицинмен біріктірілімнің себеп-салдарлық байланысы анықталмаған. Силденафил: азитромициннің (3 күн бойы күніне 500 мг) силденафилдің AUC және Cmax немесе оның негізгі айналымдағы метаболитіне әсері туралы ешқандай дәлел жоқ. Терфенадин: азитромицин мен терфенадиннің өзара әрекеттесуінің дәлелі табылған жоқ. Мұндай өзара әрекеттесу мүмкіндігін толығымен жоққа шығаруға болмайтын сирек жағдайлар тіркелді; дегенмен, мұндай өзара әрекеттесудің орын алғаны туралы қандай да бір дәлелдер алынған жоқ. Триазолам: 1-ші күні 500 мг және 2-ші күні 250 мг азитромицинді 2-ші күні 0.125 мг дозада триазоламмен бірге қолдану триазоламның кез келген фармакокинетикалық айнымалыларына айтарлықтай әсер еткен жоқ. Триметоприм/сульфаметоксазол: триметоприм/сульфаметоксазол DS (160 мг/800 мг) және 1200 мг азитромицинді 7 күн бойы бірге қолдану триметопримнің де, сульфаметоксазолдың да шекті концентрациясына, жалпы әсеріне немесе несеппен шығарылуына айтарлықтай әсер етпеді. Қан сарысуындағы азитромицин концентрациясы басқа зерттеулерде байқалған концентрацияларға ұқсас болды.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 100С-ден 250С-ге дейінгі температурада сақтау керек. Балалардың қолы жетпейтін жерде сақтау керек!