Азитро® капсулы 250 мг

Бір капсуласының құрамында белсенді зат - азитромицин дигидраты 262.0 мг (азитромицинге шаққанда) 250.0 мг қосымша заттар: лактоза моногидраты, картоп крахмалы, полисорбат-80, кальций стеараты желатиндi капсулалардың құрамы: желатин, натрий лаурилсульфаты, макрогол 6000, мұзды сірке қышқылы, титанның қостотығы (Е 171) Сыртқы түрінің, иісінің, дәмінің сипаттамасы Ақ түсті қатты желатин капсулалар. Капсуланың өлшемі № 1. Капсуланың ішінде – ақ немесе ақ дерлік түсті түйіршіктер

Азитро® ересектерде, егде жастағы адамдарда және балаларда азитромицинге сезімтал микроорганизмдер туындатқан: ‒ жоғарғы тыныс алу жолдарының инфекциялары: фарингит/ тонзиллит, синусит, ортаңғы отит • төменгі тыныс алу жолдарының инфекциялары: созылмалы бронхит пен ауруханадан тыс пневмонияның өршуі • терінің және жұмсақ тіндердің инфекциялары: көшпелі эритема (Лайм ауруының алғашқы сатысы), тілмелі қабыну, импетиго және салдарлы пиодермия • Chlamydia trachomatis туындататын асқынбаған жыныстық мүшелер инфекциялары • Helicobacter pylori туындататын асқазан мен он екі елі ішектің инфекциялары кезінде қолданылады Бактерияларға қарсы дәрілік препараттарды тиісінше қолдану жөніндегі ресми ұсынымдарды ескеру керек.

Әсер ету механизмі Азитро макролидтік антибиотиктер қосалқы тобының - азалидтердің өкілі болып табылады, бактерияларға қарсы әсер ету ауқымы кең. Молекула азот атомын А эритромициннің лактонды сақинасына қосу жолымен құрылған. Азитромициннің химиялық атауы — 9-дезокси-9а-аза-9а-метил-9а-гомоэритромицин А. Молекулалық салмағы — 749,0. Азитромициннің әсер ету механизмі рибосоманың 50 S-суббірлігімен байланысуға негізделеді, бұл бактериялық ақуыздың синтезін және пептидтердің транслокациясын бұзады. Резистенттілік механизмі. Азитромицинге төзімділік туа біткен немесе жүре пайда болған болуы мүмкін. Бактерияларда резистенттіліктің дамуының үш негізгі механизмі бар: нысана-учаскесінің өзгеруі, антибиотиктердің тасымалдануының өзгеруі және антибиотиктің модификациясы. Толық айқаспалы резистенттілік Streptococcus pneumoniae, А тобының β-гемолиздік стрептококкында, Enterococcus faecalis және метициллинге резистентті алтын түстес стафилококкты (MRSA) қоса, Staphylococcus aureus-те эритромицинге, азитромицинге, басқа макролидтерге және линкозамидтерге бар. Азитромициннің микробқа қарсы әсер ету ауқымына әртүрлі грамоң және грамтеріс микроорганизмдер, анаэробтар, сондай-ақ жасушаішілік және клиникалық атипті қоздырғыштар кіреді. ЕТТК 90 ≤ 0.01 мкг/мл Mycoplasma pneumoniae — Haemophilus ducreyi ЕТТК 90 0.01 - 0.1 мкг/мл Moraxella catarrhalis — Propionibacterium acnes Gardnerella vaginalis — Actinomyces species Bordetella pertussis — Borrelia burgdorferi Mobiluncus species ЕТТК 90 0.1 – 2.0 мкг/мл Haemophilus influenzae — Streptococcus pyogenes Haemophilus parainfluenzae — Streptococcus pneumoniae Legionella pneumophila — Streptococcus agalactiae Neisseria meningitidis — Streptococcus viridans Neisseria gonorrhoeae — Streptococcus group C, F, G Helicobacter pylori — Peptococcus species Campylobacter jejuni — Peptostreptococcus species Pasteurella multocida — Fusobacterium necrophorum Pasteurella haemolytica — Clostridium perfringens Brucella melitensis — Bacteroides bivius Bordetella parapertussis — Chlamydia trachomatis Vibrio cholerae — Chlamydia pneumoniae Vibrio parahaemolyticus — Ureaplasma urealyticum Plesiomonas shigelloides — Listeria monocytogenes Staphylococcus epidermidis Staphylococcus aureus* ЕТТК 90 0.2 – 8.0 мкг/мл Escherichia coli — Bacteroides fragilis Salmonella enteritidis — Bacteroides oralis Salmonella typhi — Clostridium difficile Shigella sonnei — Eubacterium lentum Yersinia enterocolitica — Fusobacterium nucleatum Acinetobacter calcoaceticus — Aeromonas hydrophilia ** Эритромицин – сезімтал штамм. Сезімталдық Жүре пайда болған резистенттіліктің таралуы бөліп алынған түрлер үшін жергілікті және уақытқа байланысты әртүрлі болуы мүмкін, сондықтан резистенттілік туралы жергілікті ақпарат әсіресе ауыр инфекцияларды емдеу кезінде талап етіледі. Қажет болған жағдайда, егер резистенттіліктің жергілікті таралуы инфекциялардың ең болмағанда кейбір түрлерін емдеуде препараттың тиімділігі күмәнді болса, білікті кеңес алу үшін жүгінуге болады. Азитромициннің микробқа қарсы әсерінің ауқымы Әдетте сезімтал түрлері Аэробты грамоң бактериялар Staphylococcus aureus метициллинге сезімтал Streptococcus pneumoniae пенициллинге сезімтал Streptococcus pyogenes (А тобы) Аэробты грамтеріс бактериялар Haemophilus influenzae Haemophilus parainfluenzae Legionella pneumophila Moraxella catarrhalis Pasteurella multocida Анаэробты бактериялар Clostridium perfringens Fusobacterium spp. Prevotella spp. Porphyromonas spp. Басқа микроорганизмдер Chlamydia trachomatis Пайда болған резистенттілік проблема болуы мүмкін түрлері Аэробты грамоң бактериялар Пенициллинге аралық сезімталдығы бар және пенициллинге резистентті Streptococcus pneumoniae Туа біткен резистентті организмдер Аэробты грамоң бактериялар Enterococcus faecalis MRSA, MRSE (Methicillin-resistant Staphylococcus epidermidis)* стафилококктар Анаэробты бактериялар Bacteroides fragilis бактероидтары тобы *Метициллинге резистентті алтын түстес стафилококк макролидтерге пайда болған төзімділіктің өте жоғары таралуына ие және мұнда азитромицинге сирек сезімталдығына байланысты көрсетілген. Балаларға жүргізілген зерттеулерді бағалағаннан кейін азитромицинді безгекті емдеу үшін қолдану монотерапия ретінде де, сондай-ақ хлорохинге немесе артемизининге негізделген препараттармен біріктіріп қолдану ретінде де ұсынылмайды, өйткені оның асқынбаған безгекті емдеуге ұсынылатын басқа безгекке қарсы препараттармен салыстырғанда жоғары тиімділігі анықталмаған.

Дозалану режимі Дене салмағы >45 кг балалар мен ересектерге, егде жастағы пациенттерді қоса: Жоғарғы және төменгі тыныс алу жолдарының инфекцияларын, тері мен жұмсақ тіндердің инфекцияларын (көшпелі эритемадан басқа) емдеу кезінде тәуліктік доза 3 күн ішінде бір қабылдауға тәулігіне 500 мг құрайды (жалпы дозасы 1500 мг). Көшпелі эритеманы емдеу кезінде азитромициннің жалпы дозасы 3000 мг құрайды, оны былай тағайындау керек: бірінші күні 1000 мг (4 капсула) және екіншіден бесінші күнге дейін күніне бір рет 500 мг (екі капсула). Жыныстық мүшелердің Chlamydia trachomatis туындатқан асқынбаған инфекцияларында тәулігіне бір рет 1000 мг тағайындайды (4 капсула). H. pylori туындатқан асқазан мен он екі елі ішектің инфекцияларын емдеу кезінде доза антисекреторлық және емдеуші дәрігер ұсынған басқа препараттармен бірге тәулігіне 1000 мг құрайды. Пациенттердің ерекше топтары Бүйрек жеткіліксіздігі бар пациенттер Бүйректің жеңіл және орташа жеткіліксіздігі (шумақшалық сүзілу жылдамдығы 10 - 80 мл/мин) бар пациенттер үшін дозаны түзету талап етілмейді. Бүйректің ауыр жеткіліксіздігі бар (шумақшалық сүзілу жылдамдығы (ШСЖ) <10 мл / мин) пациенттерге азитромицинді тағайындағанда сақ болу керек. Бауыр жеткіліксіздігі бар пациенттер Азитромицин бауырда метаболизденіп және өтпен шығарылатындықтан, препаратты бауырдың ауыр ауруларынан зардап шегетін пациенттерге тағайындауға болмайды. Азитромицинді мұндай пациенттерде қолдануды зерттеулер жүргізілмеген. Егде жастағы пациенттер Егде жастағы пациенттерде дозаны түзету қажет емес. Жүрек-қантамыр аурулары бар пациенттерде жүрек аритмияларының және «пируэт» типті екі бағытты тахикардияның даму қаупіне байланысты ерекше сақ болу ұсынылады. Балалар Капсулалардағы Азитро® препараты дене салмағы 45 кг-ден кем пациенттерге арналмаған. Енгізу әдісі және жолы Препаратты тәулігіне 1 рет қабылдайды. Капсулаларды тұтастай жұту керек. Азитро® препаратын тамақтанудан кемінде 1 сағат бұрын немесе тамақтанудан 2 сағаттан кейін қабылдау керек. Дәрілік препараттың бір немесе бірнеше дозасын өткізіп алу кезіндегі қажетті шаралар Ұмытып қабылданбай қалған дозаның орнын толтыру үшін екі есе дозаны қабылдамаңыз. Дәрілік препаратты қолдану тәсілін түсіндіру үшін медицина қызметкерінен кеңес алуға жүгіну бойынша ұсынымдар Дәрілік препаратты қолданар алдында кеңес алу үшін дәрігерге жүгініңіз.

• әсер етуші зат азитромицинге, эритромицинге және макролидтер/ кетолидтер тобына немесе қосымша заттарына аса жоғары сезімталдық • алкалоидтармен (дигидроэрготамин, эрготамин) бірге қабылдау • бауыр функциясының ауыр бұзылуы • бүйрек функциясының ауыр бұзылуы • жүктілік және лактация кезеңі • дене салмағы 45 кг-ден кем балалар

Өте жиі • диарея Жиі • бас ауыруы • жүрек айнуы, құсу, іштің ауыруы • лимфоциттер санының төмендеуі, эозинофилдер санының артуы, қандағы бикарбонат көрсеткіштерінің төмендеуі, базофилдер санының артуы, моноциттер санының артуы, нейтрофилдер санының артуы Жиі емес • кандидоз, қынап инфекциясы, пневмония, зеңдік инфекция, бактериялық инфекция, фарингит, гастроэнтерит, тыныс алудың бұзылуы, ринит, ауыз қуысының кандидозы • лейкопения, нейтропения, эозинофилия • ангионевроздық ісіну, аса жоғары сезімталдық • анорексия • күйгелектік, ұйқысыздық • бас айналуы, ұйқышылдық, дисгевзия, парестезия • көрудің бұзылуы • құлақ аурулары, бас айналуы • жүректің қағуы • ысыну • ентігу, мұрыннан қан кету • іш қату, метеоризм, диспепсия, гастрит, дисфагия, іштің кебуі, ауыздың құрғауы, кекіру, ауыз қуысындағы ойықжаралар, сілекей бездерінің гиперсекрециясы • бөртпе, қышыну, есекжем, дерматит, құрғақ тері, гипергидроз • остеоартрит, миалгия, арқаның ауыруы, мойынның ауруы • дизурия, бүйрек аумағындағы ауырсыну • метроррагия, аталық бездердің зақымдануы • ісіну, астения, дімкәстану, шаршағыштық, беттің ісінуі, кеуденің ауыруы, пирексия, ауырсыну, шеткері ісінулер • аспартатаминотрансфераза деңгейінің жоғарылауы, аланинаминотрансфераза деңгейінің жоғарылауы, қандағы билирубиннің жоғарылауы, қандағы мочевина деңгейінің жоғарылауы, қандағы креатининнің жоғарылауы, қандағы калийдің аномальді деңгейі, сілтілі фосфатаза деңгейінің жоғарылауы, хлоридтер деңгейінің жоғарылауы, глюкоза деңгейінің жоғарылауы, тромбоциттер деңгейінің жоғарылауы, гематокриттің төмендеуі, бикарбонат деңгейінің жоғарылауы, натрийдің аномальді деңгейі • емшарадан кейінгі асқынулар Сирек • қозу (ажитация) • бауыр функциясының бұзылуы, холестаздық сарғаю • фотосезімталдық реакциялары, жедел жайылған экзантематозды пустулез (AGEP) Белгісіз • жалған жарғақшалы колит • тромбоцитопения, гемолиздік анемия • анафилаксиялық реакция • озбырлық, мазасыздық, сандырақтау, елестеулер • естен тану, құрысулар, гипостезия, психомоторлы аса жоғары белсенділік, аносмия, агевзия, паросмия, миастения gravis • естудің бұзылуы, соның ішінде кереңдік және / немесе құлақтағы шуыл • екі бағытты (пируэтті) тахикардия, аритмия, соның ішінде қарыншалық тахикардия, электрокардиограммадағы QT аралығының ұзаруы • гипотензия • панкреатит, тіл түсінің өзгеруі • бауыр жеткіліксіздігі (сирек жағдайларда өліммен аяқталады), шұғыл дамыған гепатит, бауыр некрозы • Стивенс-Джонсон синдромы, уытты эпидермалық некролиз, мультиформалы эритема, эозинофилиямен және жүйелі симптомдармен дәрілік реакция (DRESS-синдром) • артралгия • бүйректің жедел жеткіліксіздігі, интерстициальді нефрит Mycobacterium Avium Complex туындатқан инфекциялардың профилактикасымен және емдеумен байланысты немесе байланысты болуы мүмкін жағымсыз әсерлер клиникалық зерттеулер мен маркетингтен кейінгі бақылау деректеріне негізделген. Бұл жағымсыз әсерлер типі бойынша да, жиілігі бойынша да дереу немесе босап шығуы ұзаққа созылған препараттарды қолданғанда байқалған жағымсыз әсерлерден ерекшеленеді: Өте жиі – 10 адамның 1-нен көбінде туындауы мүмкін ‒ диарея, іштің ауыруы, жүрек айнуы, метеоризм, іштегі жайсыздық, жұмсақ нәжіс Жиі –10 адамның, көп дегенде, 1-де туындауы мүмкін • анорексия • бас айналуы, бас ауыруы, парестезия, дисгевзия • кереңдік • бөртпе, қышыну • шаршау Жиі емес – 100 адамның, көп дегенде, 1-де туындауы мүмкін • гипостезия • көрудің бұзылуы • естудің нашарлауы, құлақтағы шуыл • жүрек қағуы • гепатит • Стивенс-Джонсон синдромы, фотосезімталдық реакциялары • астения, дімкәстану Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: уақытша естімей қалу, қатты жүрек айнуы, құсу және диарея. Емі: жалпы симптоматикалық және демеуші ем, қажет болғанда белсендірілген көмір.

Аса жоғары сезімталдық Эритромицин және басқа да макролидтер жағдайындағы секілді, сирек күрделі аллергиялық реакциялар, оның ішінде Квинке ісінуі мен анафилаксия (сирек жағдайларда өліммен аяқталатын), эозинофилиямен және жүйелі симптомдармен дәрілік реакциялар (DRESS-синдром), жедел жайылған экзантематозды пустулез (AGEP), Стивенс-Джонсон синдромы (SJS) және уытты эпидермалық некролиз (TEN) (сирек жағдайларда өліммен аяқталатын) туралы хабарланған. Азитромицинге осы реакциялардың кейбірі қайталанатын симптомдардың дамуына әкеледі және бақылау мен емдеудің ұзағырақ кезеңін қажет етеді. Гепатоуыттылық Бауыр азитромицинді шығару үшін негізгі ағза болып табылады, сондықтан азитромицинді бауыр аурулары бар пациенттерге сақтықпен тағайындау керек. Өмірге қауіпті бауыр жеткіліксіздігіне әкелу ықтималдығы бар шұғыл дамитын гепатит жағдайлары туралы хабарланған. Кейбір пациенттерде бұрыннан бауыр ауруларының болуы немесе олар басқа гепатоуытты дәрілік заттарды қабылдаулары мүмкін. Сарғаюмен, несеп түсінің өзгеруімен, қан кетуге бейімділікпен немесе бауыр энцефалопатиясымен қатар жүретін жылдам дамитын астения сияқты бауыр дисфункциясы белгілері мен симптомдары пайда болған жағдайда бауыр функциясына зерттеу жүргізу керек. Бауыр дисфункциясы дамығанда азитромицин қабылдауды тоқтату керек. Қастауыш алкалоидтарының туындылары Эрготамин туындыларын қабылдайтын пациенттерде эрготизмнің пайда болуына кейбір макролидтік антибиотиктерді бір мезгілде қабылдау түрткі болады. Қастауыш және азитромицин арасындағы өзара әрекеттесу мүмкіндігіне қатысты деректер жоқ. Дегенмен, эрготизм дамуының теориялық мүмкіндігіне байланысты, азитромицин және қастауыш туындылары бөлек қабылданады. Суперинфекциялар Кез келген антибиотиктерді қабылдаған кездегі сияқты, зеңдерді қоса, төзімді микроорганизмдер туындатқан суперинфекция белгілерін бақылау ұсынылады. Clostridium difficile-астасқан диарея Clostridium difficile туындатқан диарея азитромицинді қоса, бактерияға қарсы агенттерді пайдаланудың барлық жағдайларында хабарланған және ауырлық дәрежесі бойынша жеңіл диареядан бастап өлімге соқтыратын колитке дейін ауытқып тұруы мүмкін. Бактерияға қарсы дәрілермен емдеу ішектің қалыпты флорасын өзгертеді, бұл C. difficile шамадан тыс көбеюіне әкеледі. C. difficile астасқан диареяның (CDAD) дамуына ықпал ететін A және B токсиндерін C. difficile өндіреді. C. difficile гипертоксиндерін өндіретін штамм аурушаңдық пен өлімнің жоғарылауына әкеліп соқтырады, өйткені бұл инфекциялар микробқа қарсы емге төзімді болуы және колэктомия жүргізуді қажет етуі мүмкін. Антибиотиктерді пайдаланғаннан кейін диареяға шағымданған пациенттердің барлығында CDAD ескерілуі тиіс. CDAD бактерияға қарсы агенттер енгізілгеннен кейін екі айдан соң дамуы мүмкін болғандықтан, мұқият анамнез қажет. Бүйрек жеткіліксіздігі Бүйректің ауыр жеткіліксіздігі бар (ШСЖ <10 мл / мин) пациенттерде азитромициннің жүйелі әсерінің 33% ұлғаюы байқалған. QT аралығының ұзаруы Жүрек аритмиясы және екі бағытты тахикардияның даму қаупіне әкелетін ұзақ уақытқа созылған жүрек реполяризациясы мен QT аралығының ұзаруы азитромицинді қоса, басқа макролидтермен емдеу кезінде байқалған. Мынадай жағдайлар қарыншалық аритмиялардың (оның ішінде «пируэт» типті екі бағыттағы тахикардияның) даму қаупін арттырады, олар жүректің тоқтап қалуына әкелуі мүмкін, сондықтан азитромицинді ағымдағы проаритмогендік жағдайлары бар пациенттерде (әсіресе әйелдер мен егде пациенттер) сақтықпен қолданған жөн, мысалы: • туа біткен немесе құжатпен расталған QT аралығының ұзаруы бар • қазіргі кезде QT аралығын ұзартушы ретінде белгілі басқа белсенді заттармен, мысалы аритмияға қарсы IA класс (хинидин және новокаинамид) және III класс (дофетилид, амиодарон және соталол) дәрілері, цизаприд және терфенадин; пимозид сияқты психозға қарсы дәрілер; циталопрам сияқты антидепрессанттар; моксифлоксацин және левофлоксацин сияқты фторхинолондармен емделіп жүрген пациенттер • әсіресе гипокалиемия және гипомагниемия жағдайларындағы электролиттік теңгерімнің бұзылуы бар • клиникалық елеулі брадикардиямен, жүрек аритмиясымен немесе жүректің ауыр жеткіліксіздігімен. Миастения гравис Азитромицин қабылдайтын пациенттерде миастения симптомдарының өршуі және миастения синдромының жаңадан басталуы тіркелген Стрептококктық инфекциялар Пенициллин, әдетте, Streptococcus pyogenes туындатқан фарингит /тонзиллитті емдеуде таңдалатын препарат болып табылады, жедел ревматизм қызбасында профилактика ретінде пайдаланылады. Азитромицин, әдетте, стрептококкты фарингитке қарсы тиімді, бірақ оның жедел ревматизм қызбасын болдырмау үшін тиімділігіне қатысты ақпарат жоқ. Балалар Балалардағы Mycobacterium Avium Complex туындатқан инфекциялардың профилактикасы немесе емдеу үшін қолдану қауіпсіздігі мен тиімділігі анықталмаған. Арнайы сақтандырулар Қосымша заттардың құрамына лактоза кіреді, сондықтан тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза-мальабсорбциясы бар адамдарға қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Бас айналуы, делирий, елестеулер, ұйқышылдық, естен тану және құрысу сияқты жағымсыз әсерлерінің туындау мүмкіндігіне байланысты, автокөлікті басқаруда және қауіпті механизмдермен айналысқанда сақ болу керек.

Азитромицинді жүктілерде қолдану туралы талапқа сай деректер жоқ. Жануарлардағы репродуктивтілік уыттылығының зерттеулерінде азитромициннің шаранаға зиянды тератогенді әсері анықталмады, алайда препарат плацента арқылы өтті. Азитромицинді жүктілік уақытында қолдану қауіпсіздігі расталмаған, сондықтан азитромицинді бұл кезеңде болжамды пайда қауіптен гөрі басым болған жағдайда ғана тағайындайды. Азитромицин емшек сүтіне өтетіні хабарланған, бірақ азитромициннің емшек сүтіне шығарылу фармакокинетикасын сипаттау мүмкіндігін беретіндей сәйкес және тиісті түрде бақыланатын клиникалық зерттеулер жүргізілмеді. Фертильділік зерттеулері егеуқұйрықтарда жүргізілді; жүктілік көрсеткіші азитромицинді енгізгеннен кейін төмендеді. Осы деректердің адамға қатысты орындылығы белгісіз.

Антацидтер: антацидтерді бір мезгілде қолданудың азитромицин фармакокинетикасына әсерін зерттегенде биожетімділіктің өзгеруі байқалмаған, дегенмен қан плазмасында азитромициннің ең жоғары концентрациясы 25%-ға төмендеген. Пациенттер азитромицин мен антацидті бір мезгілде қолданбағандары жөн. Цетиризин: дені сау еріктілерде азитромициннің 5 күндік курсын 20 мг цетиризинмен бірге қабылдау тепе-тең күйде фармакокинетикалық өзара әрекеттесуге және QT аралығының елеулі өзгеруіне әкелмеген. Диданозин (дидезоксиинозин): тәулігіне 1200 мг азитромицинді тәулігіне 400 мг диданозинмен АИТВ-оң пациенттерде бірге қабылдау плацебомен салыстырғанда, диданозин фармакокинетикасының тепе-теңдік жағдайына әсер етпейді. Дигоксин және колхицин (Р-гликопротеин субстраттары): Макролидті антибиотиктерді, оның ішінде азитромицинді дигоксин және колхицин сияқты Р-гликопротеин субстраттарымен бір мезгілде қолдану қан сарысуындағы Р-гликопротеин субстратының концентрациясының жоғарылауына әкеледі. Сондықтан азитромицин мен дигоксин сияқты P-гликопротеин субстраттары бір мезгілде қолданылған жағдайда, қандағы дигоксиннің сарысулық концентрациясының жоғарылау мүмкіндігін ескеру қажет.Осылайша, азитромицин мен дигоксинді бір мезгілде қолданғанда, қан сарысуындағы дигоксин концентрациясының жоғарылауы мүмкіндігін ескеру қажет. Зидовудин: азитромицинді бір рет 1000 мг қолданғанда және 1200 мг немесе 600 мг көп рет қолданғанда плазмалық фармакокинетикасына елеусіз әсері немесе зидовудиннің немесе оның глюкуронидты метаболиттерінің несеппен шығарылуы анықталған. Алайда азитромицинді қабылдау шеткері қандағы мононуклеарларда фосфорланған зидовудиннің (клиникалық белсенді метаболиттің) концентрациясын жоғарылатқан. Бұл көрсеткіштердің клиникалық мәнділігі белгісіз болып қалып отыр, бірақ олар пациенттердің қажетіне жарауы мүмкін. Азитромицин бауырдың Р450 цитохром жүйесімен өзара әрекеттеспейді. Ол эритромицин және басқа макролидтер сияқты фармакокинетикалық дәрілік өзара әрекеттесулерге қатыспайды. Азитромицин P450 цитохромын индукцияламайды немесе цитохром-метаболит кешенінің көмегімен белсенділігін жояды. Эрготамин туындылары: эрготизм дамуының теориялық мүмкіндігіне байланысты, азитромицинді қастауыш туындыларымен бір мезгілде пайдалану ұсынылмайды. Фармакокинетикалық зерттеулер азитромицин және метаболизмі Р450 цитохромы арқылы болатыны белгілі келесі препараттармен жүргізілген. Аторвастатин: аторвастатинді (10 мг күнделікті) және азитромицинді (500 мг күнделікті) бірге енгізу қан плазмасында аторвастатин концентрациясын (HMG CoA-редуктаза талдауы негізінде) өзгертпеген. Дегенмен, азитромицинді статиндермен қабылдайтын пациенттерде рабдомиолиздің маркетингтен кейінгі жағдайлары тіркелген. Карбамазепин: дені сау еріктілерде азитромициннің фармакокинетикалық өзара әрекеттесуін зерттеуде препарат қан плазмасында карбамазепин деңгейіне немесе оның белсенді метаболиттеріне елеулі әсер етпеген. Циметидин: азитромицин фармакокинетикасының өзгеруі азитромицинге дейін 2 сағат бұрын қабылданған циметидиннің бір реттік дозасының азитромицин фармакокинетикасына әсерін зерттейтін фармакокинетикалық зерттеуде байқалмаған. Пероральді кумариндік антикоагулянттар: өзара әрекеттесудің фармакокинетикалық зерттеулерінде, азитромицин дені сау еріктілерге енгізген 15 мг варфариннің бір реттік дозасының антикоагулянттық әсерін өзгертпейді. Маркетингтен кейінгі кезеңде азитромицин мен пероральді кумариндік антикоагулянттарды бірге қабылдаудан кейін антикоагуляцияның күшейгені туралы хабарлар алынған. Себеп-салдарлық байланысы анықталмағанмен, кумарин типті пероральді антикоагулянттар қабылдайтын пациенттерге азитромицинді тағайындағанда, протромбиндік уақыттың мониторингінің жиілігін ескерген жөн. Циклоспорин: фармакокинетикалық зерттеуде 3 күн бойы күніне пероральді 500 мг азитромицин, содан соң бір рет пероральді 10 мг/кг циклоспорин қабылдаған дені сау еріктілерде, циклоспориннің Cmax және AUC0-5 едәуір жоғарылау болған. Демек, бұл препараттарды бір мезгілде енгізуді қарастырудан бұрын сақтық танытқан жөн. Егер бұл препараттарды бір мезгілде енгізу қажет болса, циклоспорин деңгейін бақылап, тиісінше дозаны түзету керек. Эфавиренз: азитромициннің 600 мг бір реттік дозасы мен күніне 400 мг эфавирензді 7 күн бойы бірге қабылдау клиникалық мәнді фармакокинетикалық өзара әрекеттесуге әкелмейді. Флуконазол: азитромициннің 1200 мг бір реттік дозасын бірге қабылдау флуконазолдың 800 мг бір реттік дозасының фармакокинетикасын өзгертпейді. Азитромициннің жалпы әсер етуі мен жартылай шығарылу кезеңі флуконазолмен бірге енгізгенде өзгермеген, алайда азитромициннің Cmax (18%) клиникалық елеусіз төмендеуі байқалған. Индинавир: азитромициннің 1200 мг бір реттік дозасын бірге қабылдау 5 күн бойы күніне үш рет 800 мг дозада енгізілген индинавир фармакокинетикасына статистикалық мәнді әсер етпеген. Метилпреднизолон: Фармакокинетикалық өзара әрекеттесуін зерттеуде дені сау еріктілерде азитромицин метилпреднизолон фармакокинетикасына айтарлықтай әсерін көрсетпеген. Мидазолам: дені сау еріктілерге тәулігіне 500 мг азитромицинмен бірге 3 күн бойы енгізу 15 мг мидазоламның бір реттік дозасының фармакокинетикасында және фармакодинамикасында клиникалық мәнді өзгерістер туғызбайды. Нелфинавир: тепе-теңдік жағдайда азитромицинді (1200 мг) және нелфинавирді (750 мг күніне үш рет) бірге енгізу азитромицин концентрациясының артуына әкелген. Клиникалық мәнді жағымсыз реакциялары байқалмаған және дозаны түзету қажет етілмейді. Рифабутин: азитромицин мен рифабутинді бір мезгілде қабылдау қан плазмасында бұл препараттардың концентрациясына әсер етпеген. Азитромицин мен рифабутинді бір мезгілде қолданғанда нейтропения айқындалған. Нейтропения рифабутинді қолданумен байланысты болғанымен, азитромицинді бір мезгілде қабылдаумен себептік байланыс анықталмаған. Силденафил: қалыпты дені сау ерікті еркектерде азитромициннің (3 күн бойы күн сайын 500 мг) силденафилдің немесе оның негізгі айналымдағы метаболитінің AUC және Cmax әсер етуіне дәлелдер алынған жоқ. Терфенадин: фармакокинетикалық зерттеулерде азитромицин және терфенадин арасындағы өзара әрекеттесулер туралы хабарланбаған. Кейбір жағдайларда өзара әрекеттесу ықтималдығын толық жоққа шығару мүмкін емес. Дегенмен, мұндай өзара әрекеттесу орын алғанына нақты дәлелдер алынған жоқ. Теофиллин: азитромицин және теофиллин арасындағы клиникалық мәнді фармакокинетикалық өзара әрекеттесудің дәлелдері оларды дені сау еріктілер бір мезгілде қолданғанда алынбаған. Триазолам: 14 дені сау еріктілерде триазолам және плацебоны бірге енгізумен салыстырғанда, 1 күні 500 мг және 2 күні 250 мг азитромицинді 0,125 мг триазоламмен бірге енгізу 2 күні триазолам үшін фармакокинетикалық айнымалылардың кез келгеніне елеулі әсер етпеген. Триметоприм/сульфаметоксазол: триметоприм/сульфаметоксазол DS (160 мг / 800 мг) 7 күн бойы 1200 мг азитромицинмен бірге енгізу 7 күні ең жоғары концентрацияға, триметоприм немесе сульфаметоксазолдың ортақ әсеріне немесе шығарылуына елеулі ықпал етпеген. Сарысудағы азитромициннің концентрациясы басқа зерттеулердегі осындай байқалатындарға ұқсас болған. Гидроксихлорохин: азитромицинді QT аралығының ұзаруына ықпал ететін және жүрек аритмиясын туындатуы ықтимал гидроксихлорохинді қабылдаған пациенттерде сақтықпен қолдану керек.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!