Азитромицин таблетки 500 мг

Бір таблетканың құрамында белсенді зат – азитромицин 500 мг; қосымша заттар: кальций гидрофосфаты дигидраты, гипромеллоза, жүгері крахмалы, крахмал 1500, ішінара желатинделген жүгері крахмалы, натрий лаурилсульфаты, магний стеараты, микрокристалды целлюлоза; қабықтың құрамы: Опадрай II (құрамында: поливинил спирті, ішінара гидролизденген, тальк, макрогол 3350 (полиэтиленгликоль 3350), лецитин (соялық), көгілдір түсті бояу пигменті (құрамында: титанның қостотығы (Е171), темірдің сары тотығы (Е172), индигокармин негізіндегі алюминий лагы (Е132)). Сыртқы түрінің, иісінің, дәмінің сипаттамасы Үлбірлі қабықпен қапталған, көгілдір түсті, дөңгелек, екі беті дөңес, сызығы бар таблеткалар. Көлденең кесіндісінде екі қабат көрінеді.

Азитромицинге сезімтал микроорганизмдерден туындаған келесі жұқпалы ауруларда: - фарингит/тонзиллит, синусит, ортаңғы отитті қоса, жоғарғы тыныс алу жолдарының инфекцияларында; - созылмалы бронхиттің жедел өршуін, ауруханадан тыс пневмонияны қоса, төменгі тыныс жолдарының инфекцияларында; - тері және жұмсақ тіндер инфекцияларында: - Chlamydia trachomatis және Neisseria gonorrhoeae туындатқан жыныс мүшелерінің асқынбаған инфекциялары. Препаратты тағайындау кезінде бактерияға қарсы препараттарды тиісінше қолдану жөніндегі ресми ережелерді назарға алған жөн. Қолдану басталғанға дейін қажетті мәліметтер тізбесі

Әсер ету механизмі Азитромицин әсер ету ауқымы кең антибиотик, макролидті антибиотиктер азалидтердің жаңа қосалқы тобының алғашқы өкілі. Молекула эритромицин А лактон сақинасына оттегі атомын қосу арқылы құрылған. Азитромициннің химиялық атауы: 9-деокси-9а-аза-9а-метил-9а-гомоэритромици А. Молекулалық салмағы - 749,0. Азитромициннің әсер ету механизмі - бактерицидті ақуыздар синтезіне және пептидтердің транслокациясына кедергі келтіретін 50 S рибосома бірлігімен байланыстыру. Тұрақтылық механизмі Азитромицинге тұрақтылық табиғи немесе жүре пайда болған болуы мүмкін. Бактерияларға резистенттіліктің үш негізгі механизмі бар: мақсатты аймақтың өзгеруі, антибиотиктің тасымалдануының және антибиотиктің модификациясының өзгеруі. Азитромицинге резистенттілік эритромицинге резистентті грамоң изоляттарға айқаспалы резистенттілікті көрсетеді. Макролидтерге сезімталдықтың төмендеуі уақыт өте байқалды, атап айтқанда Streptococcus pneumoniae және Staphylococcus aureus үшін. Сол сияқты Streptococcus viridans және Streptococcus agalactiae (B тобы) үшін басқа макролидтер мен линкозамидтерге сезімталдықтың төмендеуі байқалды. Шектік мәндер EUCAST (микробқа қарсы препараттарға сезімталдықты сынау жөніндегі Еуропалық комитет) жариялаған типтік бактериялық қоздырғыштар үшін азитромицинге сезімталдықтың шектік мәндері: Микроорганизм — МПК шекті мәндері (мг/л) Сезімтал (S≤) — Резистентті (R>) Staphylococcus spp. — 1 — 2 А, В, С және G тобындағы Streptococcus — 0,25 — 0,5 Streptococcus pneumoniae — 0,25 — 0,5 Haemophilus influenzae — 0,12 — 4 Moraxella catarrhalis — 0,25 — 0,5 Neisseria gonorrhoeae — 0,25 — 0,5 Сезімталдық Жүре пайда болған резистенттіліктің таралуы таңдалған түрлер үшін жергілікті жері мен уақытына байланысты әртүрлі болуы мүмкін, сондықтан жергілікті резистенттілік туралы ақпарат әсіресе ауыр инфекцияларды емдеуде қажет. Қажет болса, резистенттіліктің жергілікті таралуы препараттың пайдалылығы, кем дегенде, инфекциялардың кейбір түрлерінде күмән тудыратын кезде маманнан кеңес алу керек. Кесте: Азитромициннің микробқа қарсы әсер ету ауқымы Әдеттегі сезімтал түрлері Аэробты грамоң микроорганизмдер Staphylococcus aureus Метициллинге сезімтал Streptococcus pneumoniae Пенициллинге сезімтал Streptococcus pyogenes (А тобы) Аэробты грамтеріс микроорганизмдер Haemophilus influenzae Haemophilus parainfluenzae Legionella pneumophila Moraxella catarrhalis Neisseria gonorrhoeae Pasteurella multocida Анаэробты микроорганизмдер Clostridium perfringens Fusobacterium spp. Prevotella spp. Porphyromonas spp. Басқа микроорганизмдер Chlamydia trachomatis Жүре пайда болған резистенттілік қиындық тудыруы мүмкін түрлер Аэробты грамоң микроорганизмдер Streptococcus pneumoniae Пенициллинге аралық сезімталдығы бар Пенициллинге тұрақты Туа біткен резистентті түрлер Аэробты грамоң микроорганизмдер Стафилококктар MRSA, MRSE* Анаэробты микроорганизмдер Bacteroides fragilis * Метициллинге резистентті стафилококктар макролидтерге жүре пайда болған резистенттіліктің өте жоғары таралуына ие және олар азитромицинге сирек сезімтал болғандықтан осында аталған. Бала жастағы пациенттер Балаларда жүргізілген зерттеулерді бағалағаннан кейін, азитромицинді безгекті емдеу үшін монотерапия түрінде де, хлорохин немесе артемизинин негізіндегі препараттармен біріктіріп қолдану ұсынылмайды, өйткені асқынбаған безгекті емдеу үшін ұсынылатын безгекке қарсы препараттардан кем еместігі анықталмаған.

Дозалау режимі Азитромицин препаратын бір реттік тәуліктік доза ретінде қолдану керек. Әртүрлі инфекциялық ауруларды емдеу ұзақтығы төменде келтірілген. Егде жастағы пациенттерді қоса, ересектер Жалпы курстық дозасы 1500 мг, тәуліктік дозасы - 3 күн бойы күніне бір рет 500 мг. Chlamydia trachomatis туындаған асқынбаған жыныстық жолмен берілетін ауруларды емдеуде 1000 мг-ға тең бір реттік доза тағайындалады. Сезімтал Neisseria gonorrhoeae үшін ұсынылатын доза клиникалық емдеу бойынша жергілікті ұсынымдарға сәйкес 250 мг немесе 500 мг цефтриаксонмен біріктірілімдегі 1000 мг немесе 2000 мг азитромицинді құрайды. Пенициллинге және/немесе цефалоспориндерге аллергиядан зардап шегетін пациенттер үшін дәрілік препаратты тағайындайтын дәрігерлер емдеу бойынша жергілікті ұсынымдарға жүгінуі керек. Енгізу әдісі мен жолы Азитромицин препаратын тамақтануға қарамастан, тәулігіне 1 рет ішке, стақан сумен ішіп қабылдау керек. Таблеткадағы сызық теңдей екі дозаға бөлуге арналмаған.

• азитромицинге, эритромицинге, макролидті антибиотиктерге, кетолидті антибиотиктерге немесе қосымша заттардың кез келгеніне аса жоғары сезімталдық; • бауыр және бүйрек функциясының ауыр бұзылулары; • жүктілік және лактация кезеңі; • балалар мен 18 жасқа дейінгі жасөспірімдер. Сақтықпен: • аритмияда (қарыншалық аритмия, аралықтың (QT) ұзаруы болуы мүмкін).

Өте жиі: - диарея, іштің ауыруы, жүрек айнуы, метеоризм. Жиі: - анорексия; - бас айналуы, бас ауыруы, парестезия, дисгевзия; - көру қабілетінің бұзылуы; - естімей қалу; - құсу, диспепсия; - қышыну және бөртпе; - артралгия; - шаршау; - қандағы лимфоциттер санының төмендеуі, эозинофилдер санының көбеюі, бикарбонат деңгейінің төмендеуі. Жиі емес: - кандидоз, ауыз қуысының кандидозы, қынаптық инфекция; - лейкопения, нейтропения; - аса жоғары сезімталдық, ангионевроздық ісіну; - күйгелектік; - гипестезия, ұйқышылдық, ұйқысыздық; - естудің бұзылуы, құлақтың шыңылдауы; - жүрек қағуының жиілеуі; - гастрит, іш қату; - гепатит; - Стивенс-Джонсон синдромы, фотосезімталдық реакциясы, есекжем; - кеуде қуысының ауыруы, ісіну, дімкәстік, астения; - қандағы аспартатаминотрансфераза деңгейінің жоғарылауы, қандағы аланинаминотрансфераза деңгейінің жоғарылауы, қандағы билирубин деңгейінің жоғарылауы, қандағы мочевина деңгейінің жоғарылауы, қандағы креатинин деңгейінің жоғарылауы, қандағы калий деңгейінің қалыптан ауытқуы. Сирек: - үрейлі қозу жағдайы; - бас айналуы; - бауыр функциясының бұзылуы; - жедел жайылған экзантематозды пустулез (ЖЖЭП)*. - эозинофилиямен және жүйелі симптомдармен дәрілік бөртпе (DRESS)*. Белгісіз - жалған жарғақшалы колит; - тромбоцитопения, гемолиздік анемия; - анафилаксиялық реакция; - озбырлық, үрейлену; - естен тану, құрысулар, психомоторлық аса жоғары белсенділік, аносмия, агевзия, паросмия, миастения гравис; - «пируэт» типті полиморфты қарыншалық тахикардия, қарыншалық тахикардияны қоса, аритмия; - гипотения; - панкреатит, тілдің түсінің өзгеруі; - сирек жағдайларда өлімге әкелетін бауыр жеткіліксіздігі, шұғыл дамитын гепатит, бауыр некрозы, холестаздық сарғаю; - уытты эпидермалық некролиз, мультиформалы эритема; - бүйрек жеткіліксіздігі, жедел интерстициялық нефрит; - электрокардиограммада QT аралығының ұзаруы. * Тіркеуден кейінгі кезеңде анықталған жағымсыз дәрілік реакциялар. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Дәрілік препаратты ұсынылғаннан асатын дозасында қолданған кезде пайда болатын жағымсыз реакциялар оны ұсынылған дозаларда қабылдаған кезде байқалатындарға ұқсас. Симптомдары Макролидті антибиотикпен артық дозаланудың типтік симптомдарына есту қабілетінің қайтымды жоғалуы, айқын білінетін жүрек айнуы, құсу және диарея жатады. Емі Артық дозаланған жағдайда, қажет болған жағдайда өмірлік маңызды функцияларды сақтау, белсендірілген көмірді қолдану және жалпы симптоматикалық емдеу жүргізілуі керек.

Аса жоғары сезімталдық Эритромицинмен және басқа макролидтермен жағдайдағы сияқты, ангионевроздық ісінуді және анафилаксияны (сирек жағдайларда өліммен аяқталатын), жедел жайылған экзентематоздық пустулезді (AGEP) және эозинофилиямен және жүйелі белгілермен дәрілік реакцияны (DRESS) қоса, күрделі аллергиялық реакциялар туралы хабарланды. Азитромицинге туындаған осы реакциялардың кейбіреулері қайталанатын симптомдар дамуына алып келеді және бақылау мен емдеудің ұзағырақ кезеңін талап етеді. Гепатоуыттылық Бауыр азитромицин шығарылуы үшін негізгі ағза болып табылатындықтан, оны қолдануды айқын бауыр аурулары бар пациенттерде сақтықпен жүргізу керек. Өмірге қауіпті бауыр жеткіліксіздігіне әкелу ықтималдығы зор шұғыл сипатты гепатит жағдайлары хабарланған. Кейбір пациенттерде бауыр аурулары бұрын болған немесе олар гепатоуытты дәрілік препараттар қабылдаған болуы мүмкін. Сарғаюмен байланысты тез дамитын астения, несеп түсінің күңгірттенуі, қан кетуге бейімділік немесе бауыр энцефалопатиясы сияқты бауыр дисфункциясының белгілері мен симптомдары пайда болған кезде бауыр функциясына дереу талдау/зерттеу жүргізу қажет. Бауыр функциясы бұзылған жағдайда азитромицин қолдануды тоқтату керек. Инфантильді гипертрофиялық пилориялық стеноз (ИГПС) Жаңа туылған нәрестелерде азитромицинді қолданғаннан кейін (өмірінің 42 күніне дейін емдеу) инфантильді гипертрофиялық пилориялық стеноз (ИГПС) туралы хабарланды. Тамақтандыру кезінде құсу немесе тітіркену пайда болса, ата-аналар мен қамқоршылар медициналық көмекке жүгіну қажеттілігі туралы хабардар болулары керек. Қастауыш алкалоидтарының туындылары Қастауыш алкалоидтарының туындыларын қабылдайтын пациенттерде эрготизм пайда болуы кейбір макролидті антибиотиктерді бір мезгілде қолданудан туындайды. Қастауыш алкалоидтары туындылары мен азитромициннің өзара әрекеттесу мүмкіндігі туралы мәліметтер жоқ. Дегенмен, эрготизм дамуының теориялық мүмкіндігінен азитромицин және қастауыш алколоидтарының туындыларын бір уақытта қолданбаған жөн. QT аралығының ұзаруы Жүрек аритмиясы мен екі бағытты қарыншалық тахикардияның даму қаупіне әкелетін ұзартылған жүрек реполяризациясы мен QT аралығының ұзаруы басқа макролидтермен емдеу кезінде байқалды. Азитромицинді қолдану кезіндегі осындай әсерді ұзаққа созылатын жүрек реполяризациясының жоғарғы қаупі бар пациенттерде толығымен жоққа шығару мүмкін емес, сондықтан мына пациенттерді емдегенде сақ болу қажет: • QT аралығының туа біткен немесе құжатпен расталған ұзаруы бар; • қазіргі уақытта Ia және III класты аритмияға қарсы препараттар, цизаприд және терфенадин сияқты QT аралығын ұзартатыны белгілі басқа белсенді заттармен ем қабылдап жүргендер; • электролиттік теңгерімнің бұзылуымен, әсіресе гипокалиемия және гипомагнеземия кезінде; • клиникалық маңызды брадикардиямен, аритмиямен немесе жүректің ауыр жеткіліксіздігімен. Суперинфекция Кез келген антибиотиктерді қабылдағандағыдай, зеңдерді қоса, сезімтал емес микроорганизмдерден туындаған суперинфекция белгілерін бақылау ұсынылады. Clostridium difficile байланысты диарея Азитромицинді қоса, барлық бактерияға қарсы дәрілерді дерлік қолданғанда Clostridium difficile байланысты диарея (CDAD) туралы хабарланды және ауырлық дәрежесі жеңіл диареядан фатальді колитке дейін ауытқуы мүмкін. A және B гипертоксинін өндіретін C. difficile штаммдары CDAD дамуына ықпал етеді. C. difficile штаммымен өндірілетін гипертоксиндер жоғарғы дәрежеде аурушаңдықтың және өлімнің себебі болып табылады, өйткені бұл инфекция микробқа қарсы емге резистентті болуы мүмкін және колэктомия талап етілуі мүмкін. Сондықтан кез келген антибиотиктерді қолдану кезінде немесе одан кейін диареяның пайда болуын CDAD ретінде қарау керек. Бактерияға қарсы дәрілерді қолданғаннан кейін 2 айдан кейін орын алған CDAD жағдайлары туралы хабарланды, бұл пациенттің анамнезін толық жинауды талап етеді. Диарея симптомдары пайда болған кезде азитромицинмен емді тоқтату және C. difficile үшін спецификалық ем тағайындау туралы мәселені қарастыру керек. Стрептококктық инфекциялар Пенициллин, әдетте, Streptococcus pyogenes туындатқан фарингитті/тонзиллитті емдеу үшін, сондай-ақ жедел ревматизмдік қызбаның профилактикасы үшін бірінші қатардағы ем болып табылады. Азитромицин жалпы алғанда, ауыз жұтқыншақтағы стрептококқа қарсы тиімді, бірақ жедел ревматизмдік қызбаның профилактикасында азитромициннің тиімділігін растайтын деректер жоқ. Бүйрек жеткіліксіздігі Бүйрек функциясының ауыр жеткіліксіздігі бар пациенттерде (ШСЖ <10 мл/мин) азитромициннің жүйелік әсерінің 33% артқаны бақыланды. Миастения гравис Азитромицинмен ем қабылдайтын пациенттерде миастения симптомдардың асқыну жағдайлары және миастенияның жаңа көріністері туралы хабарланды. Гидроксихлорохинмен және хлорохинмен бірге қолдану Гидроксихлорохин немесе хлорохин қабылдайтын барлық пациенттерге азитромицинді тағайындамас бұрын жүрек-қантамырлық асқыну жағдайлары мен жүрек-қантамырдан болатын өлім қаупінің жоғарылауына байланысты пайда мен қауіптің арақатынасын мұқият саралаған жөн. Арнайы ескертулер Егде жастағы пациенттер Егде жастағы адамдар үшін ересектердегідей доза қолданылады. Егде жастағы пациенттер арасында жүрек аритмиясына бейімділік жиі байқалатындықтан, жүрек аритмиясы және «пируэт» типі қарыншалық тахикардияның пайда болу қаупіне байланысты ерекше сақ болу қажет. Бауыр функциясының бұзылулары: Бауыр функциясының жеңіл немесе орташа дәрежедегі бұзылулары бар пациенттерде (Чайлд–Пью шкаласы бойынша А немесе В класы) дозаны түзету талап етілмейді. Азитромицин бауырда метаболизденетіндіктен және өтпен шығарылатындықтан, бауырдың ауыр ауруы бар пациенттерде препаратты қолдануға болмайды. Пациенттердің осы санаттарында азитромицинді қолдану бойынша зерттеулер жүргізілген жоқ. Бүйрек функциясының бұзылулары Жеңіл немесе орташа дәрежелі бүйрек функциясы бұзылған пациенттерде (ШСЖ 10-80 мл/мин) дозаны түзету қажет емес. Бүйрек функциясының ауыр бұзылулары бар пациенттерге азитромицинді тағайындау кезінде сақ болу керек (ШСЖ <10 мл/мин). Педиатрияда қолданылуы 18 жасқа дейінгі балалар мен жасөспірімдерде қолдануға болмайды. Қосымша заттар туралы мәліметтер Препараттың құрамында дозаға шаққанда 1 ммольден аз натрий (23 мг) бар, яғни шын мәнінде «натрийсіз». Препараттың көлік құралдарын немесе қауіптілігі зор механизмдерді басқару қабілетіне әсері Препараттың автокөлікті басқару және механикалық құрылғыларға қызмет көрсету қабілетіне әсері туралы деректер жоқ.

Жануарларда жүргізілетін ұрпақ өрбіту функциясын зерттеулерде мөлшері аналығы үшін орташа уытты концентрацияға дейінгі дозалар қолданылды. Бұл зерттеулерде азитромициннің ұрыққа тигізетін зияны туралы ешқандай дәлел табылған жоқ. Алайда, жүкті әйелдердің қатысуымен талапқа сай және жақсы бақыланатын зерттеулер жүргізілген жоқ. Жануарларда ұрпақ өрбіту функциясына жүргізілген зерттеудің әрдайым адамдағы реакцияларды болжай бермейтіндіктен, азитромицинді жүктілік кезінде тек қажеттілік болған жағдайда ғана қолдану керек. Бала емізу Жарияланған шектеулі деректер азитромициннің емшек сүтімен бөлінетінін көрсетеді, болжамды ең жоғары доза орташа есеппен тәулігіне 0,1-ден 0,7 мг/кг дейінді құрайды. Азитромицин емшек сүтімен қоректенетін балаларда ауыр жағымсыз реакциялар тудырмаған. Бала емізу кезеңінде азитромицинді қолдану анаға күтілетін пайдасы нәрестеге төнетін ықтимал қауіптен жоғары болған жағдайда ғана мүмкін болады.

Антацидтер: қан плазмасындағы азитромициннің ең жоғары концентрациясы 24%-ға төмендегенімен, антацидтерді бір мезгілде қолданудың азитромицин фармакокинетикасына әсерін зерттеу кезінде биожетімділікте өзгерістер байқалмады. Пациенттерге азитромицин мен антацидтерді бір мезгілде қабылдауға болмайды. Цетиризин: дені сау еріктілерде азитромицинді 20 мг цетиризинмен 5 күн бойы бірге қолдану фармакокинетикалық өзара әрекеттесуге және QT аралығының елеулі өзгеруіне әкелген жоқ. Диданозин (дидезоксинозин): АИТВ-оң пациенттерде азитромицинді тәулігіне 1200 мг және тәулігіне 400 мг диданозинді бірге қолдану плацебомен салыстырғанда диданозин фармакокинетикасына айқын әсер еткен жоқ. Дигоксин және колхицин (Р-гликопротеин субстраты): макролидтер тобының кейбір антибиотиктері, оның ішінде азитромицин, дигоксин және колхицин сияқты P-гликопротеин субстраттарымен бірге сарысудағы P-гликопротеин субстраттары деңгейінің ұлғаюына әкеледі. Сондықтан, егер азитромицин мен дигоксин сияқты P-гликопротеин субстраттары бір уақытта енгізілсе, сарысудағы дигоксин концентрациясының ұлғаюы ықтималдығын ескеру керек. Азитромицинмен емдеу кезінде және емдеуден кейін пациентті клиникалық бақылау және қажет болған жағдайда сарысудағы дигоксин концентрациясын анықтау қажет. Зидовудин: 1000 мг бір рет қолданғанда және 1200 мг немесе 600 мг азитромицинді көп рет қолданғанда зидовудиннің немесе оның глюкуронидтік метаболиттерінің метаболизміне немесе несеппен шығарылуына болмашы әсері анықталды. Алайда, азитромицин қабылдау шеткері қанның мононуклеарларында фосфорланған зидовудин (клиникалық белсенді метаболит) концентрациясын арттырды. Азитромицин бауырдың Р450 цитохромы жүйесімен өзара әрекеттеспейді. Азитромицин цитохром-метаболит кешенінің көмегімен P450 цитохромын индукцияламайды немесе белсенділігін жоймайды. Эрготамин туындылары: эрготизм дамуының теориялық мүмкіндігіне байланысты азитромицинді қастауыш туындыларымен бір уақытта қолдану ұсынылмайды. Фармакокинетикалық зерттеулер азитромицинмен және белгілі цитохром Р450 метаболизмі бар келесі препараттармен жүргізілді. Аторвастатин: аторвастатинді (күнделікті 10 мг) және азитромицинді (күнделікті 500 мг) бірге қолдану қан плазмасындағы аторвастатиннің концентрациясын өзгертпеді (HMG CoA-редуктаза талдауы негізінде). Карбамазепин: азитромициннің дені сау еріктілерге фармакокинетикалық өзара әрекеттесуін зерттеуде препарат қан плазмасындағы карбамазепиннің деңгейіне немесе оның белсенді метаболиттеріне елеулі әсер еткен жоқ. Циметидин: азитромицин фармакокинетикасының өзгеруі азитромициннің фармакокинетикасына азитромициннен 2 сағат бұрын қабылданған циметидиннің бір реттік дозасының әсерін зерттейтін фармакокинетикалық зерттеуде байқалмады. Пероральді кумариндік антикоагулянттар: өзара әрекеттесудің фармакокинетикалық зерттеулерінде азитромицин дені сау еріктілерге енгізілген варфариннің 15 мг бір реттік дозасының антикоагулянттық әсерін өзгертпейді. Маркетингтен кейінгі кезеңде азитромицинді және пероральді кумариндік антикоагулянттарды бірге қабылдағаннан кейін антикоагуляцияның күшеюі туралы хабарламалар алынды, бірақ себеп-салдарлық байланысы анықталмаған, кумарин типті пероральді антикоагулянттарды қабылдайтын пациенттерге азитромицин тағайындау кезінде протромбин уақытын бақылау қажет. Циклоспорин: фармакокинетикалық зерттеуде 3 күн ішінде пероральді тәулігіне/500 мг азитромицин, содан кейін бір рет пероральді 10 мг/кг циклоспорин қабылдаған дені сау еріктілерде циклоспориннің Cmax және AUC0-5 айтарлықтай жоғарылаған. Сондықтан осы препараттарды бір мезгілде қабылдауды қарастырмас бұрын абай болу керек. Егер осы препараттарды бірге қабылдау қажет болса, циклоспориннің деңгейін бақылау және дозаны тиісінше түзету керек . Эфавиренз: 7 күн ішінде күніне 600 мг азитромицин мен 400 мг эфавиренздің бір реттік дозасын бірге қабылдау клиникалық маңызды фармакокинетикалық өзара әрекеттесулерге әкелген жоқ. Флуконазол: 1200 мг азитромициннің бір реттік дозасын бірге қабылдау флуконазолдың 800 мг бір реттік дозасының фармакокинетикасын өзгертпейді. Азитромициннің жалпы әсері мен жартылай шығарылу кезеңі флуконазолмен бірге енгізген кезде өзгерген жоқ, алайда, азитромициннің Cmax (18%) клиникалық елеусіз төмендеуі байқалды. Индинавир: 1200 мг азитромициннің бір реттік дозасын бірге қабылдау 5 күн бойы күніне үш рет 800 мг дозада енгізілетін индинавирдің фармакокинетикасына статистикалық маңызды әсер еткен жоқ. Метилпреднизолон: дені сау еріктілердегі фармакокинетикалық өзара әрекеттесуді зерттеуде азитромицин метилпреднизолонның фармакокинетикасына айтарлықтай әсер көрсеткен жоқ. Мидазолам: дені сау еріктілерде 3 күн бойы тәулігіне 500 мг азитромицинмен бірге қабылдау 15 мг мидазоламның бір реттік дозасының фармакокинетикасы мен фармакодинамикасында клиникалық маңызды өзгерістер туғызбайды. Нелфинавир: азитромицинді (1200 мг) және нелфинавирді (күніне үш рет 750 мг) бір мезгілде қолдану азитромицин концентрациясының артуына әкелді. Клиникалық маңызды жағымсыз реакциялар байқалмады, және дозаны түзету қажет емес. Рифабутин: азитромицин мен рифабутинді бір мезгілде қолдану осы препараттардың қан плазмасындағы концентрациясына әсер етпеді. Нейтропения азитромицинмен және рифабутинмен қатар ем қабылдаған пациенттерде байқалды. Нейтропения рифабутинді қолданумен байланысты болса да, азитромицинмен біріктірілімнің себептік байланысы анықталған жоқ. Силденафил: дені сау ер еріктілерде азитромициннің (3 күн бойы күнделікті 500 мг) силденафилдің AUC және Cmax немесе оның негізгі айналымдағы метаболитіне әсері туралы дәлелдер алынған жоқ. Терфенадин: фармакокинетикалық зерттеулерде азитромицин мен терфенадин арасындағы өзара әрекеттесу туралы хабарланған жоқ. Кейбір жағдайларда өзара әрекеттесу ықтималдығын толығымен жоққа шығару мүмкін емес. Алайда, мұндай өзара әрекеттесудің орын алғаны туралы нақты дәлелдер алынған жоқ. Теофиллин: дені сау еріктілерге бір мезгілде қолданған кезде азитромицин мен теофиллин арасындағы клиникалық маңызды фармакокинетикалық өзара әрекеттесуге дәлелдер алынған жоқ. Триазолам: 1-ші күні азитромицинді 500 мг және 2-күні 250 мг азитромицинді 2-күні 0,125 мг дозада триазоламмен бірге қолдану триазоламның қандай да бір фармакокинетикалық параметрлеріне елеулі әсер еткен жоқ. Триметоприм/сульфаметоксазол: триметоприм/сульфаметоксазол DS (160 мг/800 мг) және 1200 мг азитромицинді 7 күн ішінде бірге қолдану триметопримнің де, сульфаметоксазолдың да шектік концентрациясына, жиынтық әсеріне немесе несеппен шығарылуына елеулі әсер еткен жоқ. Қан сарысуындағы азитромицин концентрациясы басқа зерттеулерде байқалған концентрацияларға ұқсас болды. Гидроксихлорохин немесе хлорохин Бақылау деректері ревматоидты артритпен ауыратын пациенттерде азитромицинді гидроксихлорохинмен бірге қолдану жүрек-қантамырлық асқынулар мен жүрек-қантамырдан болатын өлім қаупінің жоғарылау қаупімен байланысты екенін көрсетті. Гидроксихлорохинмен немесе хлорохинмен біріктірілген басқа макролидтерді қолданудың ықтимал ұқсас қаупіне байланысты гидроксихлорохин немесе хлорохин қабылдайтын пациенттерге азитромицинді тағайындамас бұрын пайда мен қауіптің арақатынасын мұқият саралау керек. QT аралығын ұзартатыны белгілі дәрілік препараттар («Қолдануға болмайтын жағдайлар» бөлімін қараңыз). Азитромицин сияқты QT аралығын ұзартатын және жүрек аритмиясын тудыруы мүмкін дәрілік препараттарды, мысалы гидроксихлорохин қабылдайтын пациенттерге сақтықпен тағайындау керек.

Сақтау мерзімі 2 жыл. Жарамдылық мерзімі өткеннен кейін қолдануға болмайды. Сақтау шарттары Құрғақ, жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!