Азитро® таблетки 500 мг

Бір таблетканың құрамында белсенді зат – азитромицин дигидраты 524.0 мг (азитромицинге шаққанда) 500.0 мг қосымша заттар: микрокристалды целлюлоза, повидон, натрий крахмалы гликоляты, коллоидты кремнийдің қостотығы, кальций стеараты қабықтың құрамы: гипромеллоза, титанның қостотығы (Е 171), триацетин, вазелин майы. Сыртқы түрінің, иісінің, дәмінің сипаттамасы Қабықпен қапталған, сопақша пішінді, екі беті дөңес, ақ немесе сұрғылт реңді ақ түсті, бір жағында сызығы бар таблеткалар.

Азитро® азитромицинге сезімтал микроорганизмдер туындатқан кезінде ересектерде, егде жастағы адамдарда және балаларда қолдануға көрсетілген: ‒ жоғарғы тыныс алу жолдарының инфекциялары: фарингит/тонзиллит, синусит, ортаңғы отит, • төменгі тыныс алу жолдарының инфекциялары: созылмалы бронхит өршуі, ауруханадан тыс пневмония ‒ тері және теріасты шелінің инфекциялары: кәдімгі безеулердің орташа ауыр түрі, көшпелі эритема (Лайм ауруының алғашқы сатысы), тілмелік қабыну, импетиго және пиодермия • жыныстық жолмен берілетін аурулар: Chlamydia trachomatis туындататын асқынбаған уретрит/цервицит • Helicobacter pylori туындататын асқазан мен он екі елі ішектің инфекциялары • Chlamydia trachomatis туындататын созылмалы простатит кезінде Бактерияларға қарсы дәрілік препараттарды тиісінше қолдануға қатысты ресми ұсынымдарды ескеру қажет.

Жүйелі қолдануға арналған инфекцияға қарсы препараттар. Жүйелі қолдануға арналған бактерияға қарсы препараттар. Макролидтер, линкозамидтер және стрептограминдер. Макролидтер. Азитромицин. АТХ коды J01FA10 Әсер ету механизмі Азитро макролидті антибиотиктер қосалқы тобының - азалидтердің өкілі болып табылады, бактерияларға қарсы әсер ету ауқымы кең. Молекуласы эритромицин А лактон сақинасына азот атомын қосу арқылы құрылған. Азитромициннің химиялық атауы — 9-дезокси-9а-аза-9а-метил-9а-гомоэритромицин А. Молекулалық салмағы — 749,0. Азитромициннің әсер ету механизмі рибосоманың 50 S-суббірлігімен байланысуы және пептидтер транслокациясының тежелуі нәтижесінде бактериялық ақуыз синтезінің бәсеңдеуіне негізделген.. Резистенттілік механизмі. Толық айқаспалы резистенттілік Streptococcus pneumoniae, А тобының β-гемолитиктік стрептококкты, Enterococcus faecalis және Staphylococcus aureus, метициллинге резистентті алтын түстес стафилококкты (MRSA) қосқанда, эритромицинге, азитромицинге, басқа да макролидтерге және линкозамидтерге бар. Азитромициннің микробқа қарсы әсер ету ауқымына әртүрлі грамоң және грамтеріс микроорганизмдер, анаэробтар, сондай-ақ жасушаішілік және клиникалық атипті қоздырғыштар кіреді. (Ең төменгі тежегіш концентрациясы) ЕТТК 90 ≤ 0.01 мкг/мл Mycoplasma pneumoniae — Haemophilus ducreyi ЕТТК 90 0.01 - 0.1 мкг/мл Moraxella catarrhalis — Propionibacterium acnes Gardnerella vaginalis — Actinomyces species Bordetella pertussis — Borrelia burgdorferi Mobiluncus species ЕТТК 90 0.1 – 2.0 мкг/мл Haemophilus influenzae — Streptococcus pyogenes Haemophilus parainfluenzae — Streptococcus pneumoniae Legionella pneumophila — Streptococcus agalactiae Neisseria meningitidis — Streptococcus viridans Neisseria gonorrhoeae — Streptococcus group C, F, G Helicobacter pylori — Peptococcus species Campylobacter jejuni — Peptostreptococcus species Pasteurella multocida — Fusobacterium necrophorum Pasteurella haemolytica — Clostridium perfringens Brucella melitensis — Bacteroides bivius Bordetella parapertussis — Chlamydia trachomatis Vibrio cholerae — Chlamydia pneumoniae Vibrio parahaemolyticus — Ureaplasma urealyticum Plesiomonas shigelloides — Listeria monocytogenes Staphylococcus epidermidis Staphylococcus aureus* ЕТТК 90 0.2 – 8.0 мкг/мл Escherichia coli — Bacteroides fragilis Salmonella enteritidis — Bacteroides oralis Salmonella typhi — Clostridium difficile Shigella sonnei — Eubacterium lentum Yersinia enterocolitica — Fusobacterium nucleatum Acinetobacter calcoaceticus — Aeromonas hydrophilia ** Эритромицин - сезімтал штамм. Сезімталдық Жүре пайда болған резистенттіліктің таралуы белгіленген түрлер үшін жергілікті және уақытқа байланысты әр түрлі болуы мүмкін, сондықтан резистенттілік туралы жергілікті ақпарат әсіресе ауыр инфекцияларды емдеу кезінде талап етіледі. Қажет жағдайда, егер резистенттіліктің жергілікті таралуы инфекциялардың ең болмағанда кейбір түрлерін емдеуде препараттың тиімділігі күмәнді болғанда, білікті кеңес алу үшін жүгінуге болады. Азитромициннің микробқа қарсы әсерінің ауқымы Әдетте сезімтал түрлері Аэробты грамоң бактериялар Staphylococcus aureus метициллинге сезімтал Streptococcus pneumoniae пенициллинге сезімтал Streptococcus pyogenes (А тобы) Аэробты грамтеріс бактериялар Haemophilus influenzae Haemophilus parainfluenzae Legionella pneumophila Moraxella catarrhalis Pasteurella multocida Анаэробты бактериялар Clostridium perfringens Fusobacterium spp. Prevotella spp. Porphyromonas spp. Басқа микроорганизмдер Chlamydia trachomatis Пайда болған резистенттілік проблема болуы мүмкін түрлері Аэробты грамоңды бактериялар Пенициллинге аралық сезімталдығы бар және пенициллинге резистентті Streptococcus pneumoniae Туа біткен резистентті организмдер Аэробты грамоңды бактериялар Enterococcus faecalis MRSA, MRSE (Methicillin-resistant Staphylococcus epidermidis)* стафилококтар Анаэробты бактериялар Bacteroides fragilis бактероидтары тобы *Метициллинге резистентті алтын түстес стафилококктың макролидтерге жүре пайда болған төзімділігі өте жоғары таралғыштыққа ие және мұнда азитромицинге сирек сезімталдығына байланысты көрсетілген.

Дозалау режимі Дене салмағы >45 кг балалар мен ересектер, соның ішінде егде жастағы адамдар: Жоғарғы және төменгі тыныс алу жолдарының инфекцияларын, тері мен жұмсақ тіндердің инфекцияларын (көшпелі эритемадан басқа) емдеу кезінде тәуліктік доза 3 күн ішінде (жалпы дозасы 1500 мг) бір қабылдағанда тәулігіне 500 мг құрайды. Орташа ауыр түрдегі кәдімгі безеуді емдеу кезінде жалпы 6 г дозаны келесідей тағайындау ұсынылады: 3 күн ішінде күніне бір рет 500 мг, содан кейін келесі 9 апта бойы аптасына бір рет 500 мг-ден емдеуді жалғастыру керек. Емдеудің екінші аптасында дозаны бірінші таблетканы қабылдағаннан кейін бір аптадан соң қабылдау керек, ал келесі 8 дозаны 7 күн аралықпен қабылдау керек. Көшпелі эритеманы емдеу кезінде азитромициннің жалпы дозасы 3 г құрайды, оны келесі қағидат бойынша тағайындау керек: бірінші күні 1 г (бір рет 500 мг-ден 2 таблетка) және екіншіден бесінші күнге дейін тәулігіне 1 рет 500 мг. Жыныс мүшелерінің Chlamydia trachomatis туындаған асқынбаған инфекцияларында, тәулігіне бір рет 1000 мг тағайындайды. H. pylori туындатқан асқазан мен он екі елі ішектің инфекциясын емдеу кезінде доза тәулігіне 1000 мг құрайды, антисекреторлық препаратпен және дәрігердің тағайындауы бойынша басқа препараттармен бірге. Chlamydia trachomatis туындатқан созылмалы простатитті емдеу кезінде азитромициннің жалпы дозасы 4,5 г құрайды, оны 3 күн қатарынан күніне бір рет 500 мг-ден тағайындау керек, оны 3 апта қатарынан қайталау керек (аптасына 1,5 г, яғни 3 апта ішінде 4,5 г жалпы доза). Пациенттердің ерекше топтары Бүйрек жеткіліксіздігі бар пациенттер Жеңіл және орташа бүйрек жеткіліксіздігі (шумақтық сүзіліс жылдамдығы 10 - 80 мл/мин) бар пациенттер үшін доза түзету талап етілмейді. Бүйректің ауыр жеткіліксіздігі (ШСЖ <10 мл / мин) бар пациенттерге азитромицин тағайындағанда сақ болу керек . Бауыр жеткіліксіздігі бар пациенттер Азитромицин бауырда метаболизденіп және өтпен шығарылатындықтан, препаратты бауырдың ауыр ауруларынан зардап шегетін пациенттерге тағайындауға болмайды, бұл пациенттерде азитромицинмен емдеу зерттелмеген. Егде жастағы пациенттер Егде жастағы пациенттерде дозаны түзету қажет емес. Жүрек-қантамыр аурулары бар пациенттерде жүрек аритмияларының және екі бағытты тахикардияның даму қаупіне байланысты ерекше сақ болу ұсынылады. Балалар Таблеткадағы Азитро® препараты дене салмағы 45 кг-нан кем пациенттерге арналмаған. Енгізу әдісі және жолы Азитро® препаратын тамақтанудан бір сағат бұрын немесе тамақтанудан 2 сағаттан кейін қабылдау керек. Препаратты тәулігіне 1 рет қабылдайды. Таблеткаларды тұтастай жұту керек. Дәрілік препараттың бір немесе бірнеше дозасын өткізіп алу кезіндегі қажетті шаралар Қабылданбай қалған дозаның орнын толтыру үшін қосарлы дозаны қабылдамаңыз. Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар Дәрілік препаратты қабылдар алдында кеңес алу үшін дәрігерге немесе фармацевтке жүгініңіз. Дәрілік препарат стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар Өте жиі • диарея Жиі • бас ауыруы • жүрек айнуы, құсу, іштің ауыруы • лимфоциттер санының төмендеуі, эозинофилдер санының артуы, қандағы бикарбонат көрсеткіштерінің төмендеуі, базофилдер санының артуы, моноциттер санының артуы, нейтрофилдер санының артуы Жиі емес • кандидоз, қынап инфекциясы, пневмония, зең инфекциясы, бактериялық инфекция, фарингит, гастроэнтерит, тыныс алудың бұзылуы, ринит, ауыз қуысының кандидозы, лейкопения, нейтропения, эозинофилия • лейкопения, нейтропения, эозинофилия • ангионевроздық ісіну, аса жоғары сезімталдық • анорексия • күйгелектік, ұйқысыздық • бас айналу, ұйқышылдық, дисгевзия, парестезия • көрудің бұзылуы • құлақ аурулары, бас айналу • жүректің қағуы • ысыну • ентігу, мұрыннан қан кету • іш қату, метеоризм, диспепсия, гастрит, дисфагия, іштің кебуі, ауыздың құрғауы, кекіру, ауыз қуысындағы ойық жаралар, сілекей бездерінің гиперсекрециясы • бөртпе, қышыну, есекжем, дерматит, құрғақ тері, гипергидроз • остеоартрит, миалгия, арқаның ауыруы, мойынның ауруы • дизурия, бүйрек аумағындағы ауырсыну • метроррагия, аталық бездердің зақымдануы • ісіну, астения, дімкәстану, қажу, беттің ісінуі, кеуденің ауыруы, пирексия, ауырсыну, шеткері ісінулер • аспартатаминотрансфераза деңгейінің жоғарылауы, аланинаминотрансфераза деңгейінің жоғарылауы, қандағы билирубиннің жоғарылауы, қандағы мочевина деңгейінің жоғарылауы, қандағы креатининнің жоғарылауы, қандағы калийдің аномальді деңгейі, сілтілі фосфатаза деңгейінің жоғарылауы, хлоридтер деңгейінің жоғарылауы, глюкоза деңгейінің жоғарылауы, тромбоциттер деңгейінің жоғарылауы, гематокриттің төмендеуі, бикарбонат деңгейінің жоғарылауы, натрийдің аномальді деңгейі • емшарадан кейінгі асқынулар Сирек • қозу (ажитация) • бауыр функциясының бұзылуы, холестаздық сарғаю • фотосезімталдық реакциялары, жедел жайылған экзантематозды пустулез (AGEP) Белгісіз • жалған жарғақшалы колит • тромбоцитопения, гемолиздік анемия • анафилаксиялық реакция • озбырлық, мазасыздық, сандырақтау, елестеулер • естен тану, құрысулар, психомоторлы аса жоғары белсенділік, аносмия, агевзия, паросмия, миастения gravis • естудің бұзылуы, соның ішінде кереңдік және / немесе құлақтағы шуыл • екі бағытты (пируэтті) тахикардия, аритмия, соның ішінде қарыншалық тахикардия, электрокардиограммадағы QT аралығының ұзаруы • гипотензия • панкреатит, тіл түсінің өзгеруі • бауыр жеткіліксіздігі (сирек жағдайларда өліммен аяқталады), шұғыл дамыған гепатит, бауыр некрозы • Стивенс-Джонсон синдромы, уытты эпидермальді некролиз, көпформды эритема, эозинофилиямен және жүйелік симптомдармен дәрілік реакция (DRESS-синдром) • артралгия • жедел бүйрек жеткіліксіздігі, интерстициальді нефрит Mycobacterium Avium Complex инфекцияларының профилактикамен және емдеумен байланысты болуы мүмкін немесе ықтимал жағымсыз әсерлер клиникалық зерттеулер мен маркетингтен кейінгі бақылау деректеріне негізделген. Бұл жағымсыз әсерлер типі бойынша да, жиілігі бойынша да дереу немесе босап шығуы ұзаққа созылған препараттарды қолданғанда байқалған жағымсыз әсерлерден ерекшеленеді: Өте жиі ‒ диарея, іштің ауыруы, жүрек айнуы, метеоризм, іштегі жайсыздық, жұмсақ нәжіс Жиі • анорексия • бас айналу, бас ауыруы, парестезия, дисгевзия • көрудің бұзылуы • кереңдік • бөртпе, қышыну • артралгия • шаршау Жиі емес • гипестезия • естудің нашарлауы, құлақтағы шуыл • жүрек қағуы • гепатит • Стивенс-Джонсон синдромы, фотосезімталдық реакциялары • астения, дімкәстану Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

• әсер етуші зат азитромицинге, эритромицинге және макролидтер/кетолидтер тобына немесе қосымша заттарына аса жоғары сезімталдық • алкалоидтармен (дигидроэрготамин, эрготамин) бірге қабылдау • бауыр функциясының ауыр бұзылуы • бүйрек функциясының ауыр бұзылуы • жүктілік және лактация кезеңі • дене салмағы 45 кг-ден кем балалар

Нұсқаулықта көрсетілмеген.

Симптомдары: уақытша естімей қалу, қатты жүрек айнуы, құсу және диарея. Емі: жалпы симптоматикалық және демеуші ем, қажет болғанда белсендірілген көмір.

Аса жоғары сезімталдық Эритромицинмен және басқа да макролидтермен жағдайдағы секілді, сирек күрделі аллергиялық реакциялар, оның ішінде Квинке ісінуі мен анафилаксия (сирек жағдайларда өліммен аяқталатын), эозинофилиямен, жедел жайылған экзантематозды пустулезді (AGEP) эксфолиативті дерматит, Стивенс-Джонсон синдромы және уытты эпидермальді некролиз (сирек жағдайларда өліммен аяқталатын) сияқты ауыр тері реакциялары және жүйелі симптомдарды (DRESS-синдром) қоса алғанда дәрілік реакциялар туралы хабарланған. Азитромицинге болатын осы реакциялардың кейбірі қайталанатын симптомдардың дамуына әкеледі және бақылау мен емдеудің ұзақ кезеңін талап етеді. Гепатоуыттылық Бауыр азитромицинді шығару үшін негізгі ағза болып табылады, сондықтан азитромицинді айқын бауыр ауруы бар пациенттерге сақтықпен тағайындау керек. Өмірге қауіпті бауыр жеткіліксіздігіне әкелу ықтималдығы бар шұғыл дамитын гепатит жағдайлары хабарланған. Кейбір пациенттерде бұрыннан бауыр ауруларының болуы немесе олар басқа гепатоуытты дәрілік заттарды қабылдаулары мүмкін. Сарғаюмен қатар жүретін жылдам дамитын астения, несеп түсінің өзгеруі, қан кетуге немесе бауыр энцефалопатиясына бейімділік сияқты бауыр дисфункциясы белгілері мен симптомдары пайда болған жағдайда, дереу бауырдың функциялық сынамасын, талдауларын жүргізу керек. Бауыр дисфункциясы дамығанда азитромицин қабылдауды тоқтату керек. Қастауыш алкалоидтарының туындылары Эрготамин туындыларын қабылдайтын пациенттерде эрготизмнің пайда болуына кейбір макролидті антибиотиктерді бір мезгілде қабылдау түрткі болады. Қастауыш және азитромицин арасындағы өзара әрекеттесу мүмкіндігіне қатысты деректер жоқ. Дегенмен, эрготизм дамуының теориялық мүмкіндігіне байланысты азитромицин және қастауыш туындылары бөлек қабылданады. Суперинфекциялар Кез келген антибиотиктерді қабылдаған кездегі сияқты, зеңдерді қоса, төзімді микроорганизмдер туындатқан суперинфекция белгілерін бақылау ұсынылады. Clostridium difficile-астасқан диарея Clostridium difficile туындатқан диарея азитромицинді қоса, бактерияға қарсы агенттерді пайдаланудың барлық жағдайларында хабарланған және ауырлық дәрежесі бойынша жеңіл диареядан бастап өлімге соқтыратын колитке дейін ауытқып тұруы мүмкін. Бактерияға қарсы дәрілермен емдеу ішектің қалыпты флорасын өзгертеді, бұл C. difficile шамадан тыс көбеюіне әкеледі. C. difficile астасқан диарея (CDAD) дамуына ықпал ететін A және B токсиндерін C. difficile өндіреді. C. difficile гипертоксиндерін өндіретін штамм аурушаңдық пен өлімнің жоғарылауына әкеп соқтырады, өйткені бұл инфекциялар микробқа қарсы емге төзімді болуы және колэктомия жүргізуді қажет етуі мүмкін. Антибиотиктер пайдаланғаннан кейін диареяға шағымданған науқастардың барлығында CDAD ескерілуі тиіс. CDAD бактерияға қарсы агенттер енгізгеннен кейін екі айдан соң дамуы мүмкін болғандықтан, мұқият анамнез қажет. Бүйрек жеткіліксіздігі Бүйректің ауыр жеткіліксіздігі бар (ШСЖ <10 мл / мин) пациенттерде азитромициннің жүйелік әсерінің 33% ұлғаюы байқалған . QT аралығының ұзаруы Жүрек аритмиясы және екі бағытты тахикардияның даму қаупіне әкелетін ұзаққа созылатын жүрек реполяризациясы мен QT аралығының ұзаруы азитромицинді қоса, басқа макролидтермен емдеу кезінде анықталған. Келесі жағдайлар қарыншалық аритмияның (оның ішінде екі бағыттағы тахикардия) даму қаупін арттырады, олар жүректің тоқтап қалуына әкелуі мүмкін, сондықтан азитромицинді ағымдағы проаритмогендік жағдаймен (әсіресе әйелдер мен егде пациенттер) пациенттерде сақтықпен қолданған жөн, мысалы: • туа біткен немесе құжатпен деректі расталған QT аралығының ұзаруы бар • қазіргі кезде QT аралығын ұзартушы ретінде белгілі басқа белсенді заттармен, мысалы аритмияға қарсы IA класс (хинидин және прокаинамид) және III класс (дофетилид, амиодарон және соталол) дәрілері, цизаприд және терфенадин; пимозид сияқты психозға қарсы дәрілер; циталопрам сияқты антидепрессанттар; моксифлоксацин және левофлоксацин сияқты фторхинолондармен емделіп жүрген науқастар • әсіресе гипокалиемия және гипомагниемия жағдайларындағы электролиттік теңгерімнің бұзылуы бар • клиникалық елеулі брадикардиямен, жүрек аритмиясы немесе ауыр жүрек жеткіліксіздігімен. Миастения гравис Миастения симптомдарының өршуі және миастения синдромының жаңадан басталуы азитромицин қабылдайтын пациенттерде тіркелген. Стрептококктық инфекциялар Пенициллин, әдетте Streptococcus pyogenes туындатқан ларингит /тонзиллитті емдеуде таңдалатын препарат болып табылады, жедел ревматизм қызбасында профилактика үшін пайдаланылады. Азитромицин, әдетте стрептококкты фарингитке қарсы тиімді, бірақ оның жедел ревматизм қызбасын болдырмауға тиімділігіне қатысты ақпарат жоқ. Балалар Балаларда инфекцияларды емдеу үшін вена ішіне арналған азитромицин қолданудың қауіпсіздігі мен тиімділігі анықталмаған.Балаларда Mycobacterium Avium Complex қоздырғышпен туындатқан инфекциялардың профилактикасы немесе емдеу үшін вена ішіне арналған азитромициннің қауіпсіздігі мен тиімділігі анықталмаған. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Делирий, елестеулер, ұйқышылдық, естен тану, бас айналу және құрысу сияқты жағымсыз әсерлерінің туындау мүмкіндігіне байланысты автокөлік жүргізгенде және қауіпті механизмдермен айналысқанда сақ болу керек.

Азитромицинді жүкті әйелдерде қолдану туралы талапқа сай деректер жоқ. Жануарларға жасалған репродуктивтілік уыттылығының зерттеулерінде азитромициннің төлге зиянды тератогенді әсері анықталмады, алайда препарат плацента арқылы өтті. Азитромицинді жүктілік уақытында қолдану қауіпсіздігі расталмаған, сондықтан азитромицинді бұл кезеңде болжамды пайда қауіптен гөрі басым жағдайда ғана тағайындайды. Азитромицин емшек сүтіне өтетіні хабарланған, бірақ азитромициннің емшек сүтіне шығарылу фармакокинетикасын сипаттау мүмкіндігін беретіндей тиісті және тиісінше бақыланатын клиникалық зерттеулер жүргізілмеді. Азитромицинді емшек емізу кезеңінде, анасы үшін күтілетін пайда сәби үшін потенциалды қауіптен басым жағдайларда ғана қолдануға болады. Фертильділік зерттеулері егеуқұйрықтарда жүргізілді; жүктілік көрсеткіші азитромицинді енгізгеннен кейін төмендеді. Осы деректердің адамға қатысты орындылығы белгісіз.

Антацидтер: антацидтерді бір мезгілде қолданудың азитромицин фармакокинетикасына әсерін зерттегенде биожетімділіктің өзгеруі байқалмаған, дегенмен қан плазмасында азитромициннің ең жоғары концентрациясы 25%-ға төмендеген. Пациенттер азитромицин мен антацидті бір мезгілде қолданбағандары жөн. Цетиризин: дені сау еріктілерде азитромициннің 5 күндік курсын 20 мг цетиризинмен бірге қабылдау тепе-тең күйде фармакокинетикалық өзара әрекеттесуге және QT аралығының елеулі өзгеруіне әкелмеген. Диданозин (дидезоксиинозин): тәулігіне 1200 мг азитромицинді тәулігіне 400 мг диданозинмен АИТВ-оң науқаста бірге қабылдау плацебомен салыстырғанда, диданозин фармакокинетикасының тепе-теңдік жағдайына әсер етпейді. Дигоксин және колхицин (Р-гликопротеин субстраттары): Макролидті антибиотик-терді, оның ішінде азитромицинді дигоксин және колхицин сияқты Р-гликопротеин субстраттарымен бір мезгілде қолдану қан сарысуындағы Р-гликопротеин субстратының концентрациясының жоғарылауына әкеледі. Осылайша, азитромицин мен дигоксинді бір мезгілде қолданғанда, қан сарысуындағы дигоксин концентрациясының артуы мүмкіндігін ескеру қажет. Азитромицинмен емдеу кезінде және одан кейін клиникалық мониторинг және қажет болған жағдайда сарысулық дигоксин деңгейін мониторингілеу қажет. Зидовудин: бір рет 1000 мг қолданғанда және 1200 мг немесе 600 мг азитромицинді көп рет қолданғанда плазмалық фармакокинетикасына елеусіз әсері немесе зидовудин немесе оның глюкуронидты метаболиттерінің несеппен шығарылуы анықталған. Алайда азитромицинді қабылдау шеткері қандағы мононуклеарларда фосфорланған зидовудиннің (клиникалық белсенді метаболиттің) концентрациясын жоғарылатқан. Бұл көрсеткіштердің клиникалық мәнділігі белгісіз боп қалып отыр, бірақ олардың пациенттер қажетіне жарауы мүмкін. Азитромицин бауырдың Р450 цитохром жүйесімен өзара әрекеттеспейді. Ол эритромицин және басқа макролидтер сияқты фармакокинетикалық дәрілік өзара әрекеттесулерге қатыспайды. Азитромицин P450 цитохромын индукцияламайды немесе цитохром-метаболит кешенінің көмегімен белсенділігін жояды. Эрготамин туындылары: эрготизм дамуының теориялық мүмкіндігінен, азитромицинді қастауыш туындыларымен бір мезгілде пайдалану ұсынылмайды . Фармакокинетикалық зерттеулер азитромицинмен және метаболизмі Р450-цитохромы арқылы болатыны белгілі келесі препараттармен жүргізілген. Аторвастатин: аторвастатинді (10 мг күнделікті) және азитромицинді (500 мг күнделікті) бірге енгізу қан плазмасында аторвастатин концентрациясын (HMG CoA-редуктаза талдауы негізінде) өзгертпеген. Дегенмен, азитромицинді статиндермен қабылдайтын пациенттерде рабдомиолиздің маркетингтен кейінгі жағдайлары тіркелген. Карбамазепин: дені сау еріктілерде азитромициннің фармакокинетикалық өзара әрекеттесуін зерттеуде препарат қан плазмасында карбамазепин деңгейіне немесе оның белсенді метаболиттеріне елеулі әсер етпеген. Циметидин: азитромицин фармакокинетикасының өзгеруі азитромицинге дейін 2 сағат бұрын қабылданған циметидиннің бір реттік дозасының азитромицин фармакокинетикасына әсерін зерттейтін фармакокинетикалық зерттеуде байқалмаған. Кумаринді пероральді антикоагулянттар: өзара әрекеттесудің фармакокинетикалық зерттеулерінде, азитромицин дені сау еріктілерге енгізген 15 мг варфариннің бір реттік дозасының антикоагулянттық әсерін өзгертпейді. Маркетингтен кейінгі кезеңде азитромицин мен пероральді кумаринді антикоагулянттарды бірге қабылдаудан кейін антикоагуляцияның күшейгені туралы хабарлар алынған. Себеп-салдарлы байланысы анықталмағанмен, кумарин типті пероральді антикоагулянттар қабылдайтын науқастарға азитромицинді тағайындағанда, протромбиндік уақыттың мониторингінің жиілігін ескерген жөн. Циклоспорин: : фармакокинетикалық зерттеулерде 3 күн бойы күніне пероральді 500 мг азитромицин, содан соң бір рет пероральді 10 мг/кг циклоспорин қабылдайтын дені сау еріктілерде, циклоспориннің Cmax және AUC0-5 едәуір жоғары болған. Демек, бұл препараттарды бір мезгілде енгізуді қарастырудан бұрын сақтық танытқан жөн. Егер бұл препараттарды бір мезгілде енгізу қажет болса, циклоспорин деңгейін бақылап, тиісінше дозаны түзету керек. Эфавиренз: азитромициннің 600 мг бір реттік дозасы мен күніне 400 мг эфавирензді 7 күн бойы бірге қабылдау клиникалық мәнді фармакокинетикалық өзара әрекеттесуге әкелмейді. Флуконазол: азитромициннің 1200 мг бір реттік дозасын бірге қабылдау флуконазолдың 800 мг бір реттік дозасының фармакокинетикасын өзгертпейді. Азитромициннің жалпы әсер етуі мен жартылай шығару кезеңі флуконазолмен бірге енгізгенде өзгермеген, алайда азитромициннің Cmax (18%) клиникалық елеусіз төмендеуі байқалған. Индинавир: 5 күн бойы күніне үш рет 800 мг дозада енгізілген азитромициннің 1200 мг бір реттік дозасын бірге қабылдау, индинавир фармакокинетикасына статистикалық мәнді әсер етпеген. Метилпреднизолон: Фармакокинетикалық өзара әрекеттесуін зерттеуде дені сау еріктілерде азитромицин метилпреднизолон фармакокинетикасына айтарлықтай әсерін көрсетпеген. Мидазолам: дені сау еріктілерге тәулігіне 500 мг азитромицинмен бірге 3 күн бойы енгізу фармакокинетикасында және 15 мг мидазоламның бір реттік дозасының фармакодинамикасында клиникалық мәнді өзгерістер туғызбайды. Нелфинавир: тепе-теңдік жағдайда азитромицинді (1200 мг) және нелфинавирді (750 мг күніне үш рет) бірге енгізу азитромицин концентрациясының артуына әкелген. Клиникалық мәнді жағымсыз әсерлері байқалмаған және дозаны түзету қажет етілмейді. Рифабутин: азитромицин мен рифабутинді бір мезгілде қабылдау қан плазмасында бұл препараттардың концентрациясына әсер етпеген. Азитромицин мен рифабутинді бір мезгілде қолданғанда нейтропения айқындалған. Нейтропения рифабутин қолдану салдарынан болғанымен, азитромицинмен бір мезгілде қолдануда себептік байланыс анықталмаған. Силденафил: қалыпты дені сау ерікті еркектерде азитромициннің (3 күн бойы күн сайын 500 мг) силденафил немесе оның негізгі айналымдағы метаболитінің AUC және Cmax әсер етуіне дәлелдер алынған жоқ. Терфенадин: фармакокинетикалық зерттеулерде азитромицин және терфенадин арасындағы өзара әрекеттесулер туралы хабарланбаған. Кейбір жағдайларда өзара әрекеттесу ықтималдығын жоққа шығару мүмкін емес. Дегенмен, мұндай өзара әрекеттесу орын алғанына нақты дәлелдер болған жоқ. Теофиллин: азитромицин және теофиллин арасындағы клиникалық мәнді фармакокинетикалық өзара әрекеттесудің дәлелдері оларды дені сау еріктілер бір мезгілде қолданғанда алынбаған. Триазолам: 14 дені сау еріктілерде 1 күнге 500 мг және 2 күнге 250 мг азитромицинді 0,125 мг триазоламмен 2 күнге бірге енгізу триазолам үшін фармакокинетикалық тұрақсыз шаманың кез келгеніне триазолам және плацебоны бірге енгізумен салыстырғанда, елеулі әсер етпеген. Триметоприм/сульфаметоксазол: триметоприм/сульфаметоксазол DS (160 мг / 800 мг) 7 күн бойы 1200 мг азитромицинмен бірге енгізу 7 күні ең жоғары концентрацияға, триметоприм немесе сульфаметоксазолдың ортақ әсеріне немесе шығарылуына елеулі ықпал етпеген. Сарысудағы азитромициннің концентрациясы басқа зерттеулердегі осындай байқалатындарға ұқсас болған. Гидроксихлорохин: азитромицинді QT аралығының ұзаруына ықпал ететін және жүрек аритмиясын туындататын мүмкін гидроксихлорохин қабылдаған пациенттерде сақтықпен қолдану керек.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!