Азмак порошок 400мг/57мг

5 мл суспензия құрамында белсенді заттар: Амоксициллин (амоксициллин тригидраты түрінде) 200 мг клавулан қышқылы (калий клавуланаты түрінде) 28.5 мг қосымша заттар: кремнийдің қостотығы (Syloid AL-1-FP), гидроксипропилметилцеллюза (Metosel E-3(3cps), коллоидты кремнийдің қостотығы (Aerosil 200), натрий сахарині, метилпарабен, ксантум Гум, янтарь қышқылы, алтын түстес шәрбаттың хош иісі, ұнтақты апельсин хош иістендіргіші. 5 мл суспензия құрамында белсенді заттар: Амоксициллин (амоксициллин тригидраты түрінде) 400 мг клавулан қышқылы (калий клавуланаты түрінде) 57 мг қосымша заттар: кремнийдің қостотығы (Syloid AL-1-FP), гидроксипропилметилцеллюза (Metosel E-3(3cps), коллоидты кремнийдің қостотығы (Aerosil 200), натрий сахарині, метилпарабен, ксантум Гум, янтарь қышқылы, алтын түстес шәрбаттың хош иісі, ұнтақты апельсин хош иістендіргіші. Сыртқы түрінің, иісінің, дәмінің сипаттамасы Ақтан крем түске дейінгі біртекті ұнтақ, қызғылт-сары алтын түстес шәрбат.

- жедел бактериялық синусит (диагноз расталғанда) - жедел ортаңғы отит - созылмалы бронхиттің өршуі (диагноз расталғанда) - ауруханадан тыс пневмония - цистит - пиелонефрит - терінің және жұмсақ тіндердің инфекциялары (атап айтқанда, тері асты шелінің қабынуы – целлюлит, жәндіктер шағып алғанда, жедел абсцестер мен жақсүйек-бет аумағының флегмоналары) - сүйек және буын инфекциялары (атап айтқанда, остеомиелит)

Жүйелі қолдануға арналған бактерияға қарсы препараттар. Бактерияға қарсы бета-лактамды препараттар, пенициллиндер. Бета-лактамаза тежегіштерімен біріктірілген пенициллиндер. Амоксициллин және бета-лактамаза тежегіші. АТХ коды J01CR02 Фармакодинамикасы Азмак – бұл құрамында амоксициллин мен клавулан қышқылы бар, бактерицидті әсер ету ауқымы кең, бета-лактамазаға төзімді біріктірілген антибиотик. Амоксициллин – көптеген грам-оң және грам-теріс микроорганизмдерге қатысты белсенді, кең ауқымды әсер ететін жартылай синтетикалық (бета-лактамды) антибиотик. Амоксициллин бета-лактамазалардың әсер етуімен ыдырайды және осы фермент өндіретін микроорганизмдерге әсер етпейді. 5.1.1. Амоксициллиннің әсер ету механизмі бактериялардың жасушалық жақтау пептидогликандарының биосинтезін тежеумен жүзеге асады, әдетте, бұл жасушалар лизисіне және өліміне әкеледі. Клавулан қышқылы – бұл микроорганизмдердің бета-лактамазалар энзимдерін белсенділіктен айыруға қабілетті, пенициллиндер мен цефалоспориндерге төзімділік таныта отырып, сол арқылы амоксициллин белсенділігінің жойылуына жол бермейтін химиялық құрылымы жағынан пенициллиндерге жақын бета-лактамат. Бета-лактамазаларды көптеген грам-оң және грам-теріс бактериялар өндіреді. Бета-лактамазалардың әсері олардың патогендерге әсер етуінің басталуына дейін-ақ кейбір бактерияға қарсы препараттардың ыдырауына әкелуі мүмкін. Клавулан қышқылы бактериялардың амоксициллинге сезімталдығын қалпына келтіре отырып, ферменттер әсерін бөгейді. Атап айтқанда, ол дәрілік төзімділікпен жиі байланысты болатын плазмидті бета-лактамазаларға қатысты жоғары белсенділік иеленеді, бірақ 1 типті хромосомалық бета-лактамазаларға қатысты тиімділігі аз. Азмак құрамында клавулан қышқылының болуы амоксициллинді бета-лактамазалардың ыдырату әсерінен қорғайды және оған микроорганизмдерді, әдетте, басқа пенициллиндер мен цефалоспориндерге төзімді түрлерін қоса отырып, оның бактерияға қарсы белсенділік ауқымын кеңейтеді. Клавулан қышқылы монопрепарат түрінде бактерияға қарсы клиникалық мәнді әсерін көрсетпейді. Төзімділіктің даму механизмі Азмак төзімділіктің 2 даму механизмі бар - B, C, D кластарын қоса, клавулан қышқылының әсеріне сезімтал емес бактериялық бета-лактамазалармен белсенділікті жою - антибиотиктің микроорганизмге қатысты аффинділігін азайтуға алып келетін пенициллин-байланыстырушы ақуыз деформациясы Бактериялық жақтаудың өткізбеуі, сондай-ақ помпа механизмдері, әсіресе, грам-теріс микроорганизмдерде төзімділікті тудыруы немесе оның дамуына ықпал етуі мүмкін. Азмак сезімталдық географиялық орналасқан жері мен уақытқа қарай ауытқуы мүмкін. Препаратты тағайындау алдында жергілікті деректерге сәйкес мүмкіндігінше штаммдар сезімталдығын бағалау және, әсіресе, ауыр инфекциялар жағдайында нақты пациентте үлгілерді жинап алу және талдау арқылы сезімталдығын айқындау қажет. Сезімталдығы жоғары қоздырғыштар Грам-оң аэробтар Enterococcus faecalis Gardnerella vaginalis Staphylococcus aureus (метициллинге сезімтал)£ Коагулаза-теріс стафилококктар (метициллинге сезімтал) Streptococcus agalactiae Streptococcus pneumoniae1 Streptococcus pyogenes және басқа бета-гемолиздік стрептококктар Streptococcus viridans тобы Грам-теріс аэробтар Capnocytophaga spp. Eikenella corrodens Haemophilus influenza Moraxella catarrhalis Neisseria gonorrhoeae Pasteurella multocida Анаэробты микроорганизмдер Bacteroides fragilis Fusobacterium nucleatum Prevotella spp. Жүре пайда болған төзімділігі болуы мүмкін микроорганизмдер Грам-оң аэробтар Enterococcus faecium* Грам-теріс аэробтар Escherichia coli Klebsiella oxytoca Klebsiella pneumonia Proteus mirabilis Proteus vulgaris Табиғи төзімділігі бар микроорганизмдер: Грам-теріс аэробтар Acinetobacter species Citrobacter freundii Enterobacter species Legionella pneumophila Morganella morganii Providencia species Pseudomonas species Serratia species Stenotrophomonas maltophilia Басқа да: Chlamydia trachomatis Chlamydophila pneumoniae Chlamydophila psittaci Coxiella burnetti Mycoplasma pneumoniae. £ Барлық метициллинге төзімді стафилококктар амоксициллин / клавулан қышқылына төзімді 1 Пенициллиндерге төзімді Streptococcus pneumoniae штаммдарын қоспағанда * Жүре пайда болған төзімділік болмаған кездегі табиғи сезімталдық

Дозалау режимі Дозасы әрбір компонент үшін жеке көрсетілетін жағдайларды қоспағанда, доза біріктірілімдегі амоксициллин мен клавулан қышқылының мөлшеріне қатысты көрсетіледі. Жеке инфекцияны емдеу үшін таңдалған Азмак препаратының дозасын таңдау кезінде назарға алу қажет: - Күтілетін патогендер және олардың бактерияға қарсы агенттерге ықтимал сезімталдығы - Ауырлығы және жұқтыру орны - Төменде көрсетілгендей пациенттің жасы, салмағы және бүйрек функциясы. Азмак препаратын шығарудың баламалы түрлерін (мысалы, амоксициллиннің неғұрлым жоғары дозаларын және/немесе амоксициллиннің клавулан қышқылына әртүрлі арақатынасын қамтамасыз ететіндерді) қажетіне қарай қарастыру керек. Ересектер мен балалар > 40 кг ересектерге арналған Азмак препаратының дозасымен емделуі тиіс. Пациенттердің ерекше топтары Салмағы 40 кг-ден кем балалар үшін Азмак препаратының бұл құрамы төменде ұсынылғандай енгізу кезінде 1000-2800 мг амоксициллин/143-400 мг клавулан қышқылының ең жоғары тәуліктік дозасын қамтамасыз етеді. Егер амоксициллиннің неғұрлым жоғары тәуліктік дозасы талап етілсе, клавулан қышқылының тым жоғары тәуліктік дозасын енгізуді болдырмау үшін басқа Азмак препаратын таңдау ұсынылады. ˂ 40 кг балалар: балаларды суспензиялар немесе педиатриялық саше түрінде шығарылатын дәрілік түрлерімен емдеуге болады. Ұсынылатын дозалар: - тәулігіне 25 мг/ 3,6 мг/кг –ден тәулігіне 45 мг/ 6,4 мг/кг дейін, жеке бөлінген екі доза түрінде қабылданатын (тері және жұмсақ тіндер инфекциялары, сондай-ақ қайталанатын тонзиллит); - күніне 70 мг/10 мг/кг дейін, кейбір инфекциялар үшін (ортаңғы отит, синусит және төменгі тыныс алу жолдарының, несеп шығару жолдарының инфекциясы, сүйек және буын инфекциясы сияқты) қабылданатын жеке бөлінген екі доза ретінде. Амоксициллиннің клавулан қышқылына арақатынасы 7:1 болатын Азмак препаратын 2 жасқа дейінгі балаларда күніне кг-ге 45 мг/ 6,4 мг-ден жоғары дозаларға қатысты қолдануды ұсыну үшін клиникалық деректер жеткіліксіз. Азмак 7:1 препаратының құрамы үшін 2 айлық жасқа дейінгі пациенттер үшін ешқандай деректер жоқ. Сондықтан пациенттердің осы тобында дозалау бойынша ұсыныстар жоқ. Егде жастағы пациенттер Дозалау режимін түзету талап етілмейді, ересек пациенттердегідей дозалау режимі қолданылады. Бүйрек функциясы бұзылған егде жастағы пациенттерде бүйрек функциясы бұзылған ересек пациенттер үшін тиісті дозалар тағайындалады. Бауыр жеткіліксіздігі бар пациенттер Сақтықпен дозалау және бауыр функциясын үнемі бақылау. Бүйрек жеткіліксіздігі бар пациенттер Креатинин клиренсі (CrCl) 30 мл/мин астам пациенттерде дозаны түзету талап етілмейді. Креатинин клиренсі 30 мл/мин төмен пациенттерде амоксициллиннің клавулан қышқылына қатынасы 7:1 Азмак препаратының дәрілік түрін қолдану ұсынылмайды, өйткені дозаны түзету бойынша ешқандай ұсынымдар жоқ. Қолдану тәсілі Азмак препараты пероральді қолдануға арналған. Потенциалды асқазан-ішек жақпаушылығын азайту үшін Азмак препаратын тамақтану кезінде қабылдау керек. Дәрілік затты енгізер алдында қалпына келтіру жөніндегі нұсқаулық: Суспензия тікелей алғашқы қолданар алдында сұйылтылады. Қолданар алдында қақпақтың тығыз жабылғандығын тексеріңіз. Ұнтақты босату үшін бөтелкені жақсылап шайқаңыз. Су қосыңыз (төменде көрсетілгендей). Ұнтақты бөлме температурасына дейін салқындатылған 87 мл қайнаған суда ерітіп, біртіндеп шайқап, құтыдағы белгіге дейін су қосу керек. Суспензияның дайын көлемі 100 мл тең. Құтыны төңкеріп, толық ерігенше мұқият шайқау керек. Дайындалған суспензия ақ немесе ақ дерлік түсті болады; тұрып қалған кезде ақ немесе ақ дерлік түсті тұнба пайда болады. Құтыны әр қолданар алдында жақсылап шайқау керек. Препаратты дәл дозалау үшін өлшегіш қасықты пайдалану керек, оны әрбір қолданғаннан кейін сумен жақсылап шайып тастау қажет. Суспензияның аз көлемін, әсіресе 3 айдан кіші балаларда барынша дәл дозалау үшін стандартты бір реттік медициналық шприцті пайдалану қажет. 2 жасқа дейінгі балаларды емдеу кезінде Азмак препаратының дайын суспензиясын жартылай сумен сұйылтуға болады (1:1). Балама ретінде, бөтелкені сумен бөтелкедегі немесе заттаңбадағы сызықтан сәл төмен етіп толтырыңыз. Төңкеріп, жақсылап шайқаңыз, содан кейін суды дәл сызыққа дейін қосыңыз. Төңкеріп, тағы да жақсылап шайқаңыз. Дозалануы — Қалпына келтіру кезінде қосылатын су көлемі (мл) — Қалпына келтірілген пероральді суспензияның соңғы көлемі (мл) 200 мг / 28,5 мг / 5 мл — 87 — 100 400 мг/ 57 мг/ 5 мл — 87 — 100 Емдеу ұзақтығы Емдеу клиникалық жағдайды қайта қарастырусыз 14 тәуліктен артық жалғаспауы тиіс. Емнің ұзақтығы пациенттің жүргізілген емге реакциясымен анықталуы тиіс. Кейбір патологиялар (атап айтқанда, остеомиелит) ұзақ курсты қажет етуі мүмкін.

- пенициллиндерге немесе препараттың кез келген компонентіне аса жоғары сезімталдық - басқа бета-лактамды антибиотиктерге (цефалоспориндер, карбапенемдер, монобактамдар) белгілі аса жоғары сезімталдық - амоксициллин/клавулан қышқылы біріктірілімін қабылдау аясында дамыған сарғаю немесе бауыр функциясының бұзылуы - фенилкетонурия (препарат құрамында аспартам болуына байланысты)

Азмак қолдану кезіндегі тіркелген жағымсыз әсерлер, көрініс беру жиілігі бойынша былайша жіктелген: жиі (≥ 1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥ 1/10 000-нан < 1/1000-ға дейін), өте сирек (< 1/10 000) және жиілігі белгісіз (қолда бар деректер негізінде анықтау мүмкін емес) Жиі - тері және шырышты жабындар кандидозы - жүрек айну, құсу, диарея Жүрек айну препараттың жоғары дозаларын қолданғанда жиірек кездеседі. Көрініс беру дәрежесін төмендету үшін суспензияны ас ішудің басында қабылдау ұсынылады. Жиі емес - бас айналу, бас ауыру - диспепсия - АЛТ/АСТ бауыр ферменттері деңгейінің орташа жоғарылауы - тері бөртпесі, қышыну, есекжем Cирек - қайтымды лейкопения (нейтропенияны қоса), тромбоцитопения - мультиформалы эритема Өте сирек - антибиотикпен астасқан колит (жалған жарғақшалы және геморрагиялық түрін қоса) - қара түкті тіл (тілдің жіп тәрізді бүртіктерінің созылмалы гиперплазиясы) - балаларда тіс эмалінің қайтымды беткейлік боялуы (қылшақпен тазалағанда оңай кетеді). Ауыз қуысы гигиенасын қадағалау тіс эмалі боялуының алдын алуға көмектеседі. Белгісіз - асептикалық менингит - сезімтал емес микроорганизмдердің тез көбеюі - қайтымды агранулоцитоз және гемолиздік анемия - қан кету уақытының ұзаруы және протромбиндік уақыт индексінің артуы - ангионевроздық ісіну, анафилаксия; сарысу құю ауруына ұқсас синдром, аллергиялық васкулит - қайтымды жоғары белсенділік және құрысулар - гепатит, холестаздық сарғаю - Стивенс-Джонсон синдромы - уытты эпидермалық некролиз - буллёздік эксфолиативті дерматит, жедел жайылған экзантематозды пустулёз. Осы симптомдар дамуында препарат тоқтатылуы тиіс. - интерстициальді нефрит, кристаллурия - эозинофилиямен және жүйелік симптомдармен болатын дәрілік реакция (Drug reaction with eosinophilia and systemic symptoms – DRESS-синдром). Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: асқазан-ішек бұзылыстары және су-электролит теңгерімінің бұзылуы мүмкін. Кейбір жағдайларда бүйрек жеткіліксіздігінің дамуына әкелетін амоксициллиндік кристаллурия сипатталған. Азмак препаратын бүйрек функциясы төмендеген пациенттерге тағайындаған кезде немесе жоғары дозаларды пайдаланған кезде құрысулар дамуы мүмкін. Шұғыл емшаралар: симптоматикалық ем жүргізу, су-электролит теңгерімін түзету. Азмак препараты қаннан гемодиализдің көмегімен шығарылады.

Амоксициллин/клавулан қышқылымен емдеуді бастар алдында пенициллиндерге, цефалоспориндерге немесе басқа бета-лактамдық агенттерге аса жоғары сезімталдықтың алдыңғы реакцияларына қатысты егжей-тегжейлі анамнез жинау қажет. Аллергиялық реакциялар кезінде назар аудару керек жағдайлар: - тері бөртпесі - қан тамырларының қабынуы (васкулит), ол теріде қызыл немесе күлгін дөңес дақтар түрінде көрінуі мүмкін, бірақ дененің басқа бөліктеріне де әсер етуі мүмкін - қызба, буын ауыруы, мойын, қолтық немесе шап бездерінің ісінуі - тыныс алуды қиындататын, кейде бет немесе тамақтың ісінуі (ангионевроздық ісіну) - коллапс -аллергиялық реакциялар аясында кеудедегі ауырсыну, бұл аллергиядан туындаған миокард инфарктісінің симптомы болуы мүмкін (Кунис синдромы) Егер сізде осы симптомдар пайда болса, дереу дәрігерге қаралыңыз. [Азмак] <қабылдауды><пайдалануды тоқтатыңыз. Жуан ішектің қабынуы - Сулы диареяны тудыратын жуан ішектің қабынуы, әдетте шырыш пен қан араласқан, іштің ауыруы және / немесе қызба. - Ұйқы безінің жедел қабынуы (жедел панкреатит) Егер сізде асқазан аймағында қатты және тұрақты ауырсыну болса, бұл жедел панкреатиттің белгісі болуы мүмкін. Дәрілік индукцияланған энтероколит синдромы (DIES): DIES жағдайлары негізінен амоксициллин/клавуланатпен емделген балаларда байқалды. Бұл жетекші симптомы қайталанатын құсу болатын аллергиялық реакцияның бір түрі (препаратты <қабылдаудан> <енгізуден> <қолданудан> кейін 1-4 сағаттан кейін). Басқа симптомдарға іштің ауыруы, енжарлық, диарея және төмен қан қысымы кіруі мүмкін. — Егер сізде осы симптомдар пайда болса, мүмкіндігінше тезірек дәрігерден кеңес сұраңыз. Жиілігі белгісіз (жиілікті қолда бар мәліметтер негізінде бағалау мүмкін емес) Несептегі кристалдар жедел бүйрек жеткіліксіздігіне әкеледі Ортасында қабыршағы бар айнала орналасқан сулы бөртпе немесе інжу тізбегі (IgA желілі ауруы) Ми мен жұлынның айналасындағы жарғақшалардың қабынуы (асептикалық менингит) Арнайы сақтандырулар Күрделі және кейде өлімге әкелетін аса жоғары сезімталдық реакциялары (оның ішінде анафилактоидты және терінің күрделі жағымсыз реакциялары) пенициллинмен емделген пациенттерде тіркелген. Бұл реакциялар пенициллинге аса жоғары сезімталдық тарихы бар адамдарда және атопиялық индивидумдарда болуы мүмкін. Егер аллергиялық реакция пайда болса, амоксициллин/клавулан қышқылымен емдеуді тоқтатып, тиісті баламалы ем тағайындау керек. Күрделі анафилаксиялық реакциялар кезінде пациентке дереу эпинефрин енгізу керек. Сондай-ақ, оксигенотерапия, глюкокортикостероидтарды вена ішіне енгізу және интубацияны қамтитын тыныс алу жолдарының өткізгіштігін қамтамасыз ету қажет болуы мүмкін. Терінің аллергиялық реакциялары пайда болған жағдайда Азмак препаратымен емдеуді тоқтату қажет. Инфекциялық мононуклеозға күдік туындаған кезде амоксициллин/клавулан қышқылынан аулақ болу керек, өйткені амоксициллинді пайдаланғаннан кейін қызылша тәрізді бөртпелер пайда болды. Азмак препаратының бұл дәрілік түрі жоғары қауіп бар кезде, болжамды патогендердің бета-лактамдық агенттерге төзімділігі болғанда, яғни клавулан қышқылымен тежелуге сезімтал бета-лактамазалар арқылы емес болғанда, пайдалануға жарамсыз. Препараттың бұл түрі пенициллинге төзімді S. pneumoniae емдеу үшін пайдаланылмауы тиіс. Ұзақ мерзімді пайдалану кейде сезімтал емес микроорганизмдердің шамадан тыс өсуіне әкелуі мүмкін. Азмак препаратын қабылдау аясында антибиотикпен астасқан колиттің даму жағдайлары хабарланды, оның дәрежесі елеусізден өмірге қауіп төндіретін дәрежеге дейін болды. Осыған байланысты антибиотиктерді қабылдау кезінде немесе одан кейін дамыған диареясы бар пациенттерде колиттің даму мүмкіндігін қарастыру қажет. Колит диагнозы расталған кезде Азмак препараты дереу тоқтатылуы тиіс; пациент қажетті ем жүргізу үшін дәрігермен кеңесуі тиіс. Бұл жағдайда антиперистальтикалық препараттар қарсы көрсетілген. Емдеудің басында пустуламен байланысты қызбалық жайылған эритеманың пайда болуы жедел жайылған экзантематозды пустулездің (AGEP) симптомы болуы мүмкін. Бұл реакция Азмак препаратын енгізуді тоқтатуды талап етеді және амоксициллиннің кез келген кейінгі енгізілуіне қарсылықты көрсетеді. Амоксициллин/клавулан қышқылын қабылдаған, кейінірек Aspergillus инфекциясы анықталмаған пациенттерде Platelia Aspergillus EIA Bio-Rad Laboratories тестісі қолданылған сынақтың оң нәтижелері туралы есептер болды. Aspergillus емес полисахаридтермен және Рlateia Aspergillus EIA био-Rad Laboratories тестімен полифураноздармен айқаспалы реакциялар туралы хабарламалар болды. Демек, амоксициллин/клавулан қышқылын қабылдайтын пациенттерде тесттің оң нәтижелерін абайлап түсіндіру және басқа диагностикалық әдістермен растау керек. Қанайналымның бұзылуы Бүйрек, бауыр және қан түзу функцияларын қоса, ағзалар жүйесінің функцияларын мерзімді бағалау ұзақ ем кезінде ұсынылады. Протромбин уақытын ұзарту амоксициллин/клавулан қышқылын қабылдаған пациенттерде сирек хабарланды. Антикоагулянттар бір уақытта тағайындалған кезде тиісті мониторинг қажет. Пероральді антикоагулянттардың дозасын түзету антикоагуляцияның қажетті деңгейін демеу үшін қажет болуы мүмкін. Азмак препаратында клавулан қышқылының болуы IgG мен альбуминді эритроциттер жарғақшаларымен спецификалық емес байланысуды туындатуы мүмкін, бұл жалған оң Кумбс тестін беруі мүмкін. Бауыр жеткіліксіздігі Бауыр функциясы бұзылған пациенттерде дозаны сақтықпен тағайындау, сондай-ақ бауыр функциясын тұрақты бақылау керек. Амоксициллин/клавулан қышқылын бауыр жеткіліксіздігі белгілері бар пациенттерде сақтықпен пайдалану керек. Бауыр зақымдануының белгілері мен симптомдары әдетте емдеу басталған кезде немесе одан кейін бірден пайда болады, бірақ кейбір жағдайларда ем тоқтатылғаннан кейін бірнеше апта ішінде байқалмауы мүмкін. Әдетте, олар қайтымды. Бауырдың бұзылуы өте күрделі болуы мүмкін және өте сирек жағдайларда өліммен аяқталу туралы хабарланды. Олар әрдайым дерлік күрделі негізгі ауруы бар пациенттерде немесе бауырға әсер етуі мүмкін препараттарды бір уақытта қабылдаған адамдарда тіркелді. Бауыр оқиғалары негізінен ерлер мен егде жастағы пациенттерде тіркелген және ұзақ емделумен байланысты болуы мүмкін. Бұл оқиғалар балаларда өте сирек болды. Бүйрек жеткіліксіздігі Бүйрек жеткіліксіздігі бар пациенттерде доза бұзылу дәрежесіне сәйкес түзетілуі тиіс. Несеп бөлінуі төмендеген пациенттерде кристаллурия өте сирек, негізінен парентеральді еммен бірге байқалды. Амоксициллиннің жоғары дозаларын енгізген кезде амоксициллин кристаллуриясы мүмкіндігін азайту мақсатында сұйықтықты талапқа сай қабылдауды және несеп шығаруды сақтаған жөн. Қуығына катетер қойылған пациенттерде өткізгіштігін үнемі тексеріп отыру керек. Амоксициллинмен емдеу кезінде несептегі глюкозаның бар-жоғын тексеру үшін ферментативті глюкоза оксидазалық әдістерін қолдану керек, өйткені ферментативті емес әдістермен жалған оң нәтиже алуға болады. Бүйрек функциясы бұзылған пациенттерде немесе жоғары дозаларды қабылдағанда құрысулар пайда болуы мүмкін. Фертильділік, жүктілік және лактация Жүктілік Жануарларға жүргізілген зерттеулер жүктіліктің, эмбрион/шарананың дамуына, босануларға немесе босанудан кейінгі дамуға тікелей немесе жанама зиянды әсерін көрсетпеді. Адамдардағы жүктілік кезінде амоксициллин/ клавулан қышқылы біріктірілімін пайдалану туралы шектеулі деректер туа біткен даму ақауларының жоғарылау қаупін көрсетпейді. Шарана қабығы мезгілінен бұрын жарылып кеткен әйелдерде жүргізілген дара зерттеулерде амоксициллин/клавулан қышқылымен профилактикалық емнің жаңа туған нәрестелерде некрозданатын энтероколиттің даму қаупінің жоғарылауымен байланысты болуы мүмкін екені анықталды. Дәрігер тағайындаған жағдайларды қоспағанда, препаратты жүктілік кезінде қолдануға болмайды. Лактация Екі зат та емшек сүтіне бөлінеді (клавулан қышқылының емшекпен қоректеніп жүрген сәбиге әсер ету деректері жоқ). Сондықтан анасын еміп жүрген сәбиде диарея немесе шырышты қабықтардың зеңді инфекциясы дамуы мүмкін. Бала емізу кезінде амоксициллин/ клавулан қышқылының біріктірілімін емдеуші дәрігердің пайда/қауіп бағалауынан кейін ғана пайдалану керек. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Деректер жоқ; алайда жағымсыз реакциялардың (аллергия, бас айналу, құрысулар) даму мүмкіндігіне байланысты сақ болу қажет.

Нұсқаулықта көрсетілмеген.

Пробенецид Пробенецидпен бір мезгілде қолдану ұсынылмайды. Пробенецид амоксициллиннің бүйректік өзекшелік секрециясын төмендетеді. Пробенецидті бір мезгілде қолдану қандағы амоксициллин деңгейінің жоғарылауына әкелуі мүмкін, бірақ клавулан қышқылының емес. Аллопуринол Амоксициллинмен емдеу кезінде Аллопуринолды бір мезгілде қолдану терінің аллергиялық реакцияларының даму ықтималдығын арттыруы мүмкін. Аллопуринол мен Азмакты бір мезгілде қолдану туралы деректер жоқ. Оральді контрацептивтер Басқа антибиотиктер сияқты, Азмак ішек микрофлорасына әсер етуі мүмкін, бұл эстроген реабсорбциясының төмендеуіне және біріктірілген оральді контрацептивтердің тиімділігінің төмендеуіне әкеледі. Пероральді антикоагулянттар Пероральді антикоагулянттар мен пенициллинді антибиотиктер іс жүзінде өзара әрекеттесу туралы хабарламаларсыз кеңінен қолданылады. Алайда, әдебиетте аценокумарол немесе варфарин қабылдаған және амоксициллин курсын тағайындаған пациенттерде халықаралық қалыптасқан қатынастардың жоғарылауы жағдайлары бар. Бірге қолдану қажет болған жағдайда протромбин уақытын немесе амоксициллинді қосумен немесе тоқтатумен халықаралық қалыптасқан қатынасты мұқият бақылау керек. Сонымен қатар, пероральді антикоагулянттардың дозасын түзету қажет болуы мүмкін. Метотрексат Пенициллиндер метотрексаттың шығарылуын төмендетуі мүмкін, бұл уыттылықтың жоғарылауына әкеледі. Микофенолат мофетил Микофенолат мофетилін қабылдаған пациенттерде пероральді амоксициллин плюс клавулан қышқылын қабылдау басталғаннан кейін Микофенол қышқылының (МПА) белсенді метаболиті концентрациясының шамамен 50% төмендегені туралы хабарланды. Алдын ала доза деңгейінің өзгеруі МПА жалпы әсеріндегі өзгерістерді дәл көрсетпеуі мүмкін.

Сақтау мерзімі 2 жыл Жарамдылық мерзімі өткеннен кейін қолдануға болмайды. Сақтау шарттары Құрғақ жерде, 25° С-ден аспайтын температурада сақтау керек. Дайындалған суспензияны тоңазытқышта 2 С-ден 8 С-ге дейінгі температурада сақтау және 10 күн ішінде пайдалану керек. Ылғалдан қорғаңыз. Құтыны препаратты қабылдағаннан кейін бірден тығыз жабу керек. Мұздатқыш камерада сақтамаған жөн. Балалардың қолы жетпейтін жерде сақтау керек!