Айкрол капли 4 %

1 мл препараттың құрамында белсенді зат - 40 мг натрий кромогликаты, қосымша заттар: 50 % бензалконий хлориді, динатрий эдетаты, полисорбат 80, хлорсутек қышқылы немесе натрий гидроксиді, инъекцияға арналған су. Сыртқы түрінің, иісінің, дәмінің сипаттамасы Түссізден әлсіз-сары түске дейінгі мөлдір сұйықтық.

- жедел, маусымдық және жыл бойғы аллергиялық конъюнктивит профилактикасы және емдеу.

Офтальмологиялық препараттар. Деконгестанттар және аллергияға қарсы препараттар. Аллергияға қарсы басқа препараттар. Кромоглиций қышқылы. АТХ коды S01GX01 Әсер ету механизмі Айкрол – құрамына кромоглиций қышқылының динатрий тұзы кіретін аллергияға қарсы дәрі. Емдік әсері жуан жасушалардың дегрануляциясына, және олардан гистаминнің, брадикининнің, лейкотриендердің (оның ішінде, баяу әсер ететін субстанцияның) және басқа биологиялық белсенді заттардың бөлініп шығуына кедергі жасайтын кромоглиций қышқылының жарғақша тұрақтандыратынын әсер беруіне негізделген. Айкрол препараты профилактикалық қолдануда тиімді, өйткені ол аллергиялық және қабыну реакцияларының дамуына жол бермейді. Көздің аллергиялық ауруларына толық клиникалық әсері бірнеше күн немесе апта ішінде болады.

Дозалау режимі Ересектерге және 8 жастан асқан балаларға бірдей уақыт аралықтарында тәулігіне 3-4 рет екі көзге де 4% ерітіндіні 1-2 тамшыдан тамызады (клиникалық әсерге қол жеткізгеннен кейін қолданулар арасындағы аралықтарды біртіндеп ұзартады). Енгізу әдісі мен жолы Офтальмологияда тек жергілікті қолдануға арналған. Емдеу ұзақтығы Тек дәрігердің тағайындауы бойынша. Емдеу курсын емдеуші дәрігер анықтайды.

- белсенді затқа немесе қосымша заттардың кез келгеніне аса жоғары сезімталдық - 8 жасқа дейінгі балалар

Жергілікті қолданғанда, Айкрол әдетте жағымдылығы жақсы және ентігу, ісіну және бөртпелерді қоса, жедел типті аса жоғары сезімталдық реакциялары сирек кездеседі. Жиі - қысқа мерзімді ашыту немесе шаншу сезімі, анық көру қабілетінің бұлыңғырлануы Өте сирек - конъюнктиваның ісінуі, көзден жас ағуы, көздің қышуы, көз айналасындағы терінің құрғауы, көз айналасының домбығуы, көздің тітіркенуі, гордеолум (теріскен) Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жағымсыз әсерінің күшеюі Емі: симптоматикалық.

Арнайы ескертулер Айкрол тек қана жергілікті қолдануға арналған. Айкролды ұсынылғаннан асатын дозада пайдалануға болмайды. Егер көзге тамызатын дәріні қолданғаннан кейін конъюнктивалық гиперемия ұзақ уақыт жалғасса немесе өрши бастаса, онда препаратты пайдалануды тоқтатып, дәрігерге қаралған жөн. Айкрол құрамында бензалконий хлориді консерванты бар, ол, әсіресе көздің құрғақтық синдромы немесе мөлдір қабақтың зақымдануы бар пациенттерде көздің тітіркенуін тудыруы мүмкін. Бензалконий хлориді нүктелік кератопатияның және/немесе уытты ойық жаралы кератопатияның дамуына себепші болуы мүмкін. Осыған байланысты Айкролды жиі немесе ұзақ уақыт пайдаланатын "құрғақ көз" синдромы және мөлдір қабықтың зақымдануы бар пациенттерді мұқият бақылау ұсынылады. Бензалконий хлориді жұмсақ жанаспалы линзалармен сіңіріліп, жанаспалы линзалардың түсін өзгерте алады. Препаратты пайдаланар алдында жанаспалы линзаларды шешіп алу керек және инстилляциядан кейін оларды тағар алдында кемінде 15 минут күту керек. Ерітіндінің ластануын болдырмау үшін тамшылатқыш ұшының көзге, саусақтарға немесе басқа беткейлерге жанасуына жол бермеңіз. Құтыны әр пайдаланғаннан кейін жауып отыру қажет. Ерітіндіні тікелей мөлдір қабыққа (қарашықтың үстіндегі аймаққа) қолдануға болмайды, өйткені ол ерекше сезімтал; препаратты тікелей төменгі қабаққа тамызу керек. Басқа офтальмологиялық препараттармен бірге пайдалану тек емдеуші дәрігердің нұсқауы бойынша мүмкін болады. Педиатрияда қолдану 8 жасқа дейінгі балаларда Айкролды қолданудың тиімділігі мен қауіпсіздігі зерттелмеген.

Айкрол көзге тамызатын дәрісін жүктілік кезеңінде қолдану анасы үшін пайдасы шарана үшін ықтимал қауіптен асып кеткен жағдайларда ғана мүмкін болады. Натрий кромогликатының адамда емшек сүтімен бөлінетіні белгісіз, сондықтан оны лактация кезеңінде көзге тамызатын дәрі түрінде пайдаланған кезде абай болу керек. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Ерітіндіні көзге тамызғаннан кейін уақытша шаншу сезімі немесе көру қабілетінің нашарлауы мүмкін. Мұндай симптомдар дамыған жағдайда көру толық қалпына келгенше көлікті немесе механизмдерді басқаруға болмайды.

Натрий кромогликатының басқа препараттармен өзара әрекеттесуі туралы хабарламалар жоқ. Натрий кромогликатының фармакокинетикалық қасиеттеріне (метаболизмнің болмауы, қан плазмасы ақуыздарымен байланыстың орташа дәрежесі, қан плазмасындағы төмен концентрациясы) және оның жоғары қауіпсіздік бейініне байланысты дәрілік өзара әрекеттесу күтілмейді.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек. Құтыны ашқаннан кейінгі қолдану кезеңі 4 апта ішінде.