АКВАДЕТРИМ Д3 дәрумені капли 15 000 ME/мл

Бір мл құрамында белсенді зат – 0.375 мг (15000 ХБ), колекальциферол қосымша заттар: макроголглицерол рицинолеаты, сахароза, динатрий фосфаты додекагидраты, лимон қышқылы моногидраты, «Анис» хош иістендіргіші, бензил спирті, тазартылған су Сыртқы түрінің, иісінің, дәмінің сипаттамасы Түссіз мөлдір немесе анис иісі бар, сәл бозаңданатын сұйықтық

Профилактика және емдеуде • балалар мен ересектердегі рахит пен остеомаляцияның профилактикасы және емдеу • шала туылған нәрестелердегі рахиттің профилактикасы • ішекте сіңу патологиясынсыз осындай жай-күй қаупі бар балалар мен ересектерде Д дәрумені тапшылығының профилактикасы • балалар мен ересектерде мальабсорция кезіндегі Д дәрумені тапшылығының профилактикасы • ересектердегі гипопаратиреозды емдеу Кешенді ем құрамында • остеопороз

Аквадетрим Д3 дәрумені – рахитке қарсы препарат. Аквадетрим Д3 дәруменінің ең маңызды функциясы кальций және фосфат метаболизмін реттеу болып табылады, бұл қаңқаның минералдануы мен өсуіне ықпал етеді. Д3 дәрумені – адам терісінде күн сәулелерінің әсер етуімен түзілетін Д дәруменінің табиғи түрі. Кальций мен фосфаттардың ішектен сіңірілуінде, минералды тұздар тасымалдануында және сүйектердің кальцификация үдерісінде елеулі рөл атқарады, сондай-ақ кальций мен фосфаттардың бүйрекпен қайта сіңірілуін реттейді. Кальций иондары қаңқа бұлшықеттерінің тонусын, жүйке қозуының өтуін демейтін бірқатар маңызды биохимиялық үдерістерге, қан ұю үдерісіне қатысады. Аквадетрим Д3 дәрумені лимфокиндер өнімін стимуляциялайды.

Дозалау режимі Препарат дозасын жалпы кальций қолданылуын (күнделікті тамақтану рационында да, дәрілік препараттар түрінде де) ескеріп, әркімге жеке белгілеген жөн. Препарат қасықпен аздаған сұйықтық мөлшерінде ішке қабылданады. 1 тамшы құрамында шамамен 500 ХБ Д3 дәрумені бар. Препарат дозасын дәл өлшеп алу үшін тамшыны есептеу кезінде құтыны 45° бұрыштап ұстау керек. Д дәрумені тапшылығының профилактикасы Балаларға өмірінің 2-ші аптасынан бастап және ересектерге тәулігіне 500 ХБ (1 тамшы), бұл тек дәрігердің ұсынымы бойынша. Д дәрумені тапшылығын емдеу Препарат дозасын Д дәруменінің жеткіліксіздік дәрежесіне қарай дәрігер әркімге жеке белгілейді. Рахитке тәуелді Д дәрумені Балаларға тәулігіне 3000 ХБ-дан 10000 ХБ дейін (6-20 тамшы) Құрысуға қарсы дәрілер қолданумен байланысты остеомаляция Балалар – тәулігіне 1000 ХБ (2 тамшы) Ересектер – тәулігіне 1000-4000 ХБ (2-8 тамшы) Остеомаляция және остеопорозда кешенді ем құрамында – тәулігіне 500-1000 ХБ (1-2 тамшы). Дозаны дәрігер аурудың себебі мен ауырлығына қарай әркімге жеке белгілейді. Енгізу әдісі және жолы Ішуге қабылдауға арналған. Дәрілік препараттың бір немесе бірнеше дозасын өткізіп алған жағдайда қажетті шаралар Өткізіп алған дозаның орнын толтыру үшін препараттың екі есе дозасын қабылдамаңыз. Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар Дәрілік препаратты қолданар алдында кеңес алу үшін дәрігерге немесе фармацевтке жүгініңіз.

• әсер етуші затқа немесе қосымша заттардың кез келгеніне, әсіресе бензил спиртіне аса жоғары сезімталдық • Д дәруменінің гипервитаминозы • бүйрек жеткіліксіздігі • қанда және несепте кальций мен фосфор деңгейінің жоғарылауы • кальцийлі бүйрек тастары • саркоидоз.

Ұсынылатын дозаларда қолданылғанда білінбейді. Д3 дәруменіне сирек білінетін жекеше жоғары сезімталдық жағдайында немесе ұзаққа созылатын кезең бойына аса жоғары дозаларын қолдану нәтижесінде Д3 дәруменінің артық дозалануы, Д3 дәруменінің гипервитаминозы келесі білінулермен туындауы мүмкін: • гиперкальциемия және гиперкальциурия • аллергиялық реакциялар (қышыну, бөртпе, есекжем) • асқазан-ішек жолының бұзылыстары (іш қату, метеоризм, жүрек айну, іштің ауыруы немесе диарея). Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Д3 дәруменінің ұзақ уақыт қолданылатын аса жоғары дозалары немесе екпінді дозалары созылмалы Д гипервитаминозына себеп болуы мүмкін. Баланың Д дәруменіне тәуліктік қажеттілігін анықтауды және оны қолдану тәсілін дәрігер әркімге жеке белгілеп, әсіресе өмірінің алғашқы айларында мезгіл-мезгіл тексеру кезінде әр жолы түзетіп отыруы тиіс. Иммобилизацияланған пациенттерде, тиазидті диуретиктер қабылдайтын пациенттерде, несеп-тас ауруы бар пациенттерде, сондай-ақ жүрек ауруына шалдыққан және жүрек гликозидтерін қабылдайтын пациенттерге сақтықпен қолдану керек. Д3 дәруменімен бір мезгілде жоғары дозалардағы кальций препараттарын қолданбау керек. Д дәруменін жалған гипопаратиреозда қабылдауға болмайды, өйткені осы ауру тұсында Д дәруменіне қажеттілік төмендеп, бұл ұзаққа созылатын артық дозалану қаупіне әкелуі мүмкін. 1 000 ХБ асатын тәуліктік дозада Д3 дәруменін ұзақ қабылдаған кезде қан мен несеп сарысуындағы кальций деңгейін бақылау керек. Құрамындағы сахарозаға байланысты, тұқым қуалайтын фруктоза жақпаушылығы, глюкоза-галактозаның мальабсорбциясы, сукраза-изомальтаза ферментінің тапшылығы бар адамдарға қарсы көрсетілімде. Ұзақ уақыт қолданған кезде тіске зақым келтіретін әсері бар. Д дәрумені алдыңғы еңбегінің көлемі кішкентай жаңа туған нәрестелерге аса сақтықпен тағайындалуы тиіс. Басқа дәрілік препараттармен өзара әрекеттесуі Эпилепсияға қарсы дәрілер (әсіресе, фенитоин және фенобарбитал), рифампицин Д3 дәруменінің қайта сіңірілуін төмендетеді. Д3 дәруменін тиазидті диуретиктермен бір мезгілде қолдану гиперкальциемияның даму қаупін арттырады. Д3 дәруменін жүрек гликозидтерімен бір мезгілде қолдану олардың уытты әсерін күшейтуі мүмкін (жүрек ырғағы бұзылуының көрініс беру қаупін арттырады). Құрамында алюминий және магний бар антацидті дәрілерді Д3 дәруменімен біріктіріп ұзақ уақыт қолдану қандағы алюминий концентрациясының жоғарылауына және соның салдарынан бүйрек жеткіліксіздігі бар пациенттерде алюминийдің сүйек тініне уытты әсер етуі мен гипермагниемияға ықпал етуі мүмкін. Құрамында кальций мен фосфордың жоғары концентрациялары бар препараттар гиперфосфатемияның даму қаупін арттырады. Д дәруменін басқа аналогтарымен бір мезгілде қолдану Д дәрумені гипервитаминозының даму қаупін арттырады. Кетоконазол 1,25(ОН)2-колекальциферол биосинтезін де, катаболизмін де бәсеңдетуі мүмкін. Арнайы ескертулер Қосымша заттар Құрамында сахароза болуына байланысты, сирек кездесетін тұқым қуалайтын фруктоза жақпаушылығы, глюкоза-галактозаның мальабсорбциясы немесе сахараза-изомальтаза тапшылығы бар пациенттерге бұл препаратты қабылдауға болмайды. Препарат дозасы құрамындағы натрий 1 ммольден аз (23 мг), яғни құрамында натрий жоқ дерлік. Бұл дәрілік препараттың әр миллилитрінде 15 мг бензил спирті болады. Бензил спирті аллергиялық реакциялар тудыруы мүмкін. Бензил спиртінің кішкентай балалардағы тыныс алу қиналысын («гаспинг-синдромы» деп аталатын) қоса, ауыр жағымсыз реакциялар қаупімен байланысы анықталды. Оны дәрігердің ұсынуынсыз жаңа туған нәрестелерге (4 аптаға дейінгі) бермеңіз. Егер мұны дәрігер немесе фармацевт ұсынбаса, препаратты кішкентай балаларда (3 жасқа жетпеген) бір аптадан астам қолданбаңыз. Кішкентай балаларда бензил спиртінің жинақталуының қаупі жоғары болады. Жүкті немесе бала емізетін адамдарда организмде бензил спиртінің көп мөлшері жиналып, «метаболизмдік ацидоз» деп аталатын жағымсыз реакция тудыруы мүмкін. Бауыр немесе бүйрек аурулары бар пациенттерде организмде бензил спиртінің көп мөлшері жиналып, «метаболизмдік ацидоз» деп аталатын жағымсыз реакция тудыруы мүмкін. Жүктілік немесе лактация кезеңінде Артық дозаланған жағдайда тератогенді әсері болуы мүмкіндігіне байланысты, жүкті әйелдерде жоғары дозаларда қолдануға болмайды (өте жоғары дозалары жүктілік кезінде балаларда ақыл-ой кемістігі мен жүректің туа біткен даму ақауларына себеп болуы ықтимал). Д3 дәруменін лактация кезеңінде сақтықпен тағайындау керек, өйткені анасы жоғары дозаларда қабылдаған препарат балада артық дозалану симптомдарын туындатуы мүмкін. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Әсер етпейді Артық дозалану жағдайында қабылдау қажет болатын шаралар Д3 дәруменінің артық дозалануы препараттың жоғары дозаларын қолдану нәтижесінде білінуі мүмкін. Симптомдары: гиперкальциемия, гиперкальциурия, бүйрек гиперкальцификациясы, сүйектердің зақымдануы, жүрек-қантамыр жүйесі тарапынан бұзылулар. Гиперкальциемия Д дәруменін тәулігіне 50000-100000 ХБ дозаларда ұзақ уақыт қолданудан кейін басталады. Препарат артық дозаланғанда: бұлшықет әлсіздігі, тәбеттің болмауы, жүрек айну, құсу, іш қату, қатты шөлдеу, ауыздың кеберсуі, полиурия, летаргия, конъюнктивит, көздің қарығуы, панкреатит, дене салмағын жоғалту, қатты терлеу, тері қышынуы, мұрыннан сулы бөліністер, гипертермия, либидо төмендеуі, депрессия, психоздық бұзылыстар, гиперхолестеринемия, трансаминазалар белсенділігінің жоғарылауы, артериялық гипертензия, жүрек ырғағының бұзылуы, уремия, бас ауыру, бұлшықеттер мен буындардың ауыруы, дене салмағының кемуі, бүйрек функциясының бұзылуы, нефролитиаз. Емі: препаратты тоқтату, мол сұйықтық ішу, симптоматикалық ем. Арнайы антидоты жоқ.

Нұсқаулықта көрсетілмеген.

Нұсқаулықта көрсетілмеген.

Нұсқаулықта көрсетілмеген.

Сақтау мерзімі 2 жыл Қаптаманы алғашқы ашқаннан кейін сақтау мерзімі 6 ай. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 25 °С-ден аспайтын температурада сақтау керек. Балалардың қолы жетпейтін жерде сақтау керек !