АкваДетрим Оил капли 15000 МЕ/мл

Бір мл препарат құрамында белсенді зат –колекальциферол 15 000 ХБ қосымша заттар: орта тізбекті триглицеридтер. Сыртқы түрін, иісін, дәмін сипаттау Түссізден ашық сары түске дейінгі мөлдір майлы ерітінді.

Алдын алу және емдеу • балалар мен ересектердегі рахит пен остеомаляцияны алдын алу және емдеу • шала туылған нәрестелердегі рахитті алдын алу • ішекте сіңу патологиясынсыз осы жағдайдың қаупі бар балалар мен ересектерде Д дәруменінің тапшылығын алдын алу • мальабсорбция кезінде балалар мен ересектерде Д дәруменінің тапшылығын алдын алу • ересектердегі гипопаратиреозды емдеу Кешенді терапия құрамында • остеопороз Қолдану басталғанға дейін қажетті мәліметтер тізбесі

ATХ коды A11CC05 Аквадетрим Оил рахитке қарсы препарат болып табылады. Аквадетрим Оил ең маңызды қызметі кальций мен фосфат метаболизмін реттеу болып табылады, бұл қаңқаның минералдануы мен өсуіне ықпал етеді. Д дәрумені адамда күн сәулесінің әсерінен теріде пайда болатын Д дәруменінің табиғи түрі болып табылады. Ішектен кальций мен фосфаттардың сіңуінде, минералды тұздардың тасымалдануында және сүйектердің кальцийлену процесінде маңызды роль атқарады, сондай-ақ бүйректермен кальций мен фосфаттардың реабсорбциясын реттейді. Кальций иондары қаңқа бұлшық еттерінің тонусын сақтауды, жүйке қозуын, қанның ұю процесінде анықтайтын бірқатар маңызды биохимиялық процестерге қатысады. Аквадетрим Оил лимфокиндер өндірісін стимуляциялайды.

Дозалау режимі Кальцийдің жалпы қолданылуын ескере отырып, препараттың дозасын жеке-жеке белгілеу керек (күнделікті тамақтану рационында да, дәрілік препараттар түрінде де). Д дәруменінің тапшылығын алдын алу: Өмірінің 2-ші аптасынан бастап балаларға және ересектерге тәулігіне 500 ХБ (1 тамшы). Д дәруменінің тапшылығын емдеу: Препараттың дозасын дәрігер Д дәруменінің тапшылық дәрежесіне байланысты жеке белгілейді. Д дәрумені тәуелді рахит: Балаларға тәулігіне 3000 ХБ-дан 10000 ХБ-ға дейін (6-20 тамшы). Құрысуға қарсы дәрілер қолданумен байланысты остеомаляция: Балалар – тәулігіне 1000 ХБ (2 тамшы). Ересектер – тәулігіне 1000-4000 ХБ (2-8 тамшы). Кешенді терапия құрамында остеомаляция және остеопороз кезінде: Тәулігіне 500-1000 ХБ (1-2 тамшы). Дозаны дәрігер аурудың себебі мен ауырлығына байланысты жеке анықтайды. Енгізу әдісі мен жолы Препарат шағын мөлшерде сұйықтығы бар қасықпен ауызша қабылданады. Дәрілік препараттың бір немесе бірнеше дозасын өткізіп алған кезде қажетті шаралар Өткізіп алған дозаны өтеу үшін қос дозаны қабылдауға болмайды. Дәрілік препаратты қолдану тәсілін түсіндіру үшін, медицина қызметкерінен кеңес алу үшін жүгіну жөніндегі ұсынымдар • Егер осы препаратты қолдану туралы қандай да бір қосымша сұрақтар туындаса, емдеуші дәрігерге, провизорға немесе медбикеге хабарласу керек.

• белсенді затқа немесе кез келген қосымша заттарға жоғары сезімталдық • Д дәруменінің гипервитаминозы • бүйрек жеткіліксіздігі • қандағы және несептегі кальций мен фосфордың жоғары деңгейі • кальцийлі бүйрек тастары • саркоидоз

Ұсынылған дозаларда қолданған кезде байқалмайды. Д дәруменіне сирек байқалатын жеке жоғары сезімталдық жағдайында немесе ұзақ уақыт бойы тым жоғары дозаларды қолдану нәтижесінде, төмендегілердей байқалатын Д дәруменінің артық дозалануы, Д дәруменінің гипервитаминозы пайда болуы мүмкін: • гиперкальциемия және гиперкальциурия • аллергиялық реакциялар (қышу, бөртпе, есекжем) • асқазан-ішек жолдарының бұзылыстары (іш қату, метеоризм, жүрек айну, іштің ауыруы немесе диарея). Жағымсыз дәрілік реакциялар туындаған кезде медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (іс-қимылдар) жөніндегі ақпараттық дерекқорға тікелей жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті "Дәрілік заттар мен медициналық бұйымдарды сараптау ұлттық орталығы" ШЖҚ РМК http://www.ndda.kz

Ұзақ уақыт бойы қолданылатын Д дәруменінің тым жоғары дозалары немесе екпінді дозалар созылмалы Д гипервитаминозының себебі болуы мүмкін. Баланың Д дәруменіне тәуліктік қажеттілігін және оны қолдану тәсілін дәрігер жеке анықтауы және әр уақытта мерзімді тексерулер кезінде, әсіресе өмірдің алғашқы айларында түзетілуі керек. Иммобилизацияланған пациенттерде, тиазидті диуретиктерді қабылдайтын пациенттерде, несеп-тас ауруымен ауыратын пациенттерде, сондай-ақ жүрек ауруы бар және жүрек гликозидтерін қабылдайтын пациенттерде сақтықпен қолдану. Д дәруменімен бір мезгілде кальций препараттарын жоғары дозада қолдануға болмайды. Псевдогипопаратиреоз кезінде Д дәруменін қабылдауға болмайды, өйткені бұл ауруда Д дәруменіне деген қажеттілік төмендеуі мүмкін, бұл ұзақ мерзімді артық дозалану қаупіне әкелуі мүмкін. Тәуліктік дозалануда 1000 ХБ асатын Д дәруменін ұзақ уақыт қабылдаған кезде қан сарысуындағы және несептегі кальций деңгейін бақылау керек. Басқа дәрілік препараттармен өзара әрекеттесу Эпилепсияға қарсы дәрілер (әсіресе фенитоин және фенобарбитал), рифампицин Д дәруменінің реабсорбциясын төмендетеді. Д дәруменін тиазидті диуретиктермен бір мезгілде қолдану гиперкальциемияның даму қаупін арттырады. Д дәруменін жүрек гликозидтерімен бір мезгілде қолдану олардың уытты әсерін күшейтуі мүмкін (жүрек ырғағының бұзылу қаупі артады). Құрамында алюминий және магний бар антацидті дәрілерді Д3 дәруменімен біріктіріп ұзақ уақыт қолдану қандағы алюминий концентрациясының жоғарылауына және соның салдарынан бүйрек жеткіліксіздігі бар пациенттерде алюминийдің сүйек тініне уытты әсер етуі мен гипермагниемияға ықпал етуі мүмкін. Құрамында кальций мен фосфордың жоғары концентрациясы бар препараттар гиперфосфатемияның даму қаупін арттырады. Д дәруменінің басқа аналогтарымен бір мезгілде қолдану Д дәрумені гипервитаминозының даму қаупін арттырады. Кетоконазол колекальциферолдың биосинтезін де, 1,25(ОН)2катаболизмін де тежеуі мүмкін. Арнайы ескертулер Педиатрияда қолдану Д дәрумені алдыңғы еңбек мөлшері шағын жаңа туған нәрестелерде өте сақтықпен тағайындалуы керек. Жүктілік немесе лактация кезінде Артық дозаланған жағдайда ықтимал тератогендік әсерге байланысты, жүкті әйелдерде жоғары дозада қолдануға болмайды (жүктілік кезінде өте жоғары дозаларды қабылдау балалардағы ақыл-естің кемуі мен туа біткен жүрек ақауларының себебі болуы мүмкін). Лактация кезеңінде Д дәруменін сақтықпен тағайындау керек, өйткені анасы жоғары дозада қабылдаған препарат балада артық дозалану симптомдарын тудыруы мүмкін. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Әсер етпейді. Артық дозалануды болдырмау үшін препаратты баланың ауыз қуысына тікелей тамызуға болмайды 1 тамшыда шамамен 500 ХБ Д дәрумені бар. Артық дозаланған жағдайда қабылдануы қажет шаралар Д дәруменінің артық дозалануы препараттың жоғары дозаларын қолдану нәтижесінде байқалуы мүмкін. Симптомдары: гиперкальциемия, гиперкальциурия, бүйректің кальцификациясы, сүйектің зақымдануы, жүрек-тамыр жүйесі тарапынан бұзылыстар. Гиперкальциемия Д дәруменін тәулігіне 50000-100000 ХБ дозада ұзақ қолданғаннан кейін пайда болады. Препараттың артық дозалануы кезінде мыналар дамиды: бұлшықет әлсіздігі, тәбеттің болмауы, жүрек айнуы, құсу, іш қату, қатты шөлдеу, ауыздың құрғауы, полиурия, летаргия, конъюнктивит, көз қарығуы, панкреатит, дене салмағының жоғалуы, қатты терлеу, терінің қышуы, мұрыннан сулы бөліністер, гипертермия, либидоның төмендеуі, депрессия, психоздық бұзылыстар, гиперхолестеринемия, трансаминазалар белсенділігінің жоғарылауы, артериялық гипертензия, жүрек ырғағының бұзылуы, уремия, бас ауыруы, бұлшықет және буын ауырулары, дене салмағының төмендеуі, бүйрек функциясының бұзылуы, нефролитиаз. Емі: препаратты қабылдауды тоқтату, көп ішу, симптоматикалық терапия. Спецификалық антидот жоқ.

Нұсқаулықта көрсетілмеген.

Нұсқаулықта көрсетілмеген.

Нұсқаулықта көрсетілмеген.

Сақтау мерзімі 2 жыл Алғашқы ашылғаннан кейінгі қолдану кезеңі – 12 ай. Жарамдылық мерзімі өткеннен кейін қолдануға болмайды! Сақтау шарттары 25 °C-ден аспайтын температурада сақтау керек. Жарықтан қорғау мақсатында түпнұсқалық қаптамада сақтау керек. Балалардың қолы жетпейтін жерде сақтау керек!