Акридерм мазь 0.05 %

100 г жақпамайдың құрамында: белсенді зат: бетаметазон дипропионаты (микрондалған бетаметазон дипропионаты) 100 % затқа шаққанда 0.064 г, бұл 0.05 г бетаметазонға баламалы. қосымша заттар: пропилпарагидроксибензоат (нипазол), сұйық парафин (вазелин майы), изопропилмиристат, вазелин. Сыртқы түрінің, иісінің, дәмінің сипаттамасы Ақ түстен сарғыш реңкті ақ түске дейін жартылай мөлдір жақпамай.

Препарат жергілікті қолданған кезде белсенді және экзема мен дерматиттің барлық типтеріне тез және күшті әсер етеді, оның ішінде: - атопиялық экзема - фотодерматит - қызыл жалпақ теміреткі, қарапайым теміреткі - түйінді қышыма - дискоидті қызыл жегі - липоидты некробиоз - претибиальді миксодема - эритродермия Препарат сонымен қатар кең таралған түйіндақты псориазды қоспағанда, бастың шашты бөлігінің псориазы және қол ұшы мен табанның созылмалы түйіндақты псориазы сияқты азырақ айқын емдік жағдайларда тиімді.

Акридерм - сыртқа қолдануға арналған глюкокортикостероид. Әсер ету механизмі Қабынуға қарсы, аллергияға қарсы, экссудацияға қарсы, тамыр тарылтатын, қышынуға қарсы және пролиферацияға қарсы әсер етеді. Фармакодинамикалық әсерлері Лейкоциттердің жиналуын, қабыну ошағында лизосомалық ферменттер мен қабынуға қарсы медиаторлардың босап шығуын тежейді, фагоцитозды бәсеңдетеді, тамыр-тін өткізгіштігін төмендетеді, қабыну ісінуінің түзілуіне кедергі келтіреді. Тері беткейіне жаққан кезде препарат қабыну ошағында тез және күшті әсер көрсетеді, объективті симптомдардың (эритема, ісіну, лихенификация) және субъективті сезімдердің (қышыну, тітіркену, ауыру) айқындылығын азайтады.

Дозалау режимі және емдеу ұзақтығы Ересектер мен балаларға Акридерм жақпамайын терінің зақымданған бөлігіне күніне 2 рет - таңертең және кешке жұқа қабатпен жеңіл ысқылай отырып жағады. Кейбір пациенттерде сирек жаққан кезде талапқа сай демеуші емге қол жеткізуге болады. Терінің тығызырақ аймақтарына (мысалы, шынтақ, алақан және табан), сондай-ақ препарат оңай сүртілетін жерлерге Акридерм жақпамайын жиі жағуға болады. Емдеу ұзақтығы емнің тиімділігі мен жағымдылығына байланысты және әдетте 4 аптадан аспайтынды құрайды. Бір жыл ішінде емді бірнеше рет қайталауға болады. Балалар 12 жастан кіші балаларда препаратты дәрігердің бақылауымен қолданыңыз. Енгізу әдісі мен жолы Сыртқа. Емдеу ұзақтығы Емдеу ұзақтығы емнің тиімділігі мен жағымдылығына байланысты және әдетте 4 аптадан аспайтынды құрайды. Бір жыл ішінде емді бірнеше рет қайталауға болады. Бет терісі зақымданған балалар мен науқастарда емдеу курсы 5 күннен аспауы тиіс. Дәрілік препараттың бір немесе бірнеше дозасын өткізіп алу кезіндегі қажетті шаралар Егер сіз дозаны қабылдауды өткізіп алсаңыз, оны есіңізге түскен кезде бірден қабылдаңыз. Егер бұл туралы сіз келесі дозаны қабылдағанға дейін есіңізге түспесе, өткізіп алған дозаны қабылдамаңыз және өзіңіздің әдеттегі қабылдау кестесіне оралыңыз. Препараттың қосарлы дозасын қабылдамаңыз. Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар Қажет болған кезде дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну ұсынылады

- бетаметазонға немесе қосымша заттардың кез келгеніне аса жоғары сезімталдық - тері туберкулезі, мерездің тері көріністері, бактериялық, зеңдік, вирустық (желшешек, қарапайым герпес) тері аурулары - вакцинациядан кейінгі тері реакциялары - ашық жаралар, сирақтың трофикалық ойық жаралары - розацеа, тұрпайы безеулер - тері обыры, невус, атерома, меланома - гемангиома, ксантома, саркома - лактация кезеңі - 1 жасқа дейінгі балалар.

Әдетте, жағымсыз реакциялар әлсіз айқын сипатты иеленген. Бетаметазон дипропионатының жүйелі сіңуі дененің кең аумақтарында немесе тері қатпарларында ұзақ уақыт қолданған кезде немесе стероидтардың артық дозаларын қолданған кезде артуы мүмкін. Мұндай жағдайларда, әсіресе сәбилер мен балаларда тиісті сақтық шараларын қолдану керек. Глюкокортикостероидтарды сыртқа қолданған кезде байқалуы мүмкін: - салдарлы инфекция - аллергиялық жанаспалы дерматит глюкокортикостероидтардың жүйелі жағымсыз әсерлері (гипергликемия, глюкозурия, бүйрекүсті безі қыртысы функциясының қайтымды бәсеңдеуі, Иценко-Кушинг синдромының білінуі) пайда болуы мүмкін - бұлыңғыр көру - терінің қышынуы, күйдіру, тітіркену, терінің құрғауы - фолликулит, гипертрихоз, стриялар - акне тәрізді бөртпелер («стероидты» безеулер), гипопигментация - периоральді дерматит Үздіксіз қолдану терінің жергілікті атрофиясына, стрияларға және беткейлік тамырлардың, әсіресе бетте кеңеюіне әкелуі мүмкін. Ұзақ уақыт қолданған, сондай-ақ окклюзиялық таңғыштарды пайдаланған кезде: - тері мацерациясы, салдарлы инфекция, тері атрофиясы, жергілікті гирсутизм, телеангиэктазия, тербөртпе, пурпура - бастапқы зақымдану аймағынан тыс жерлерге таралуы мүмкін терінің қызаруын, күйдіру немесе шаншу, қышыну, терінің қабыршақтануы, сулы пустулалар қамтылатын тоқтату синдромы. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Жедел артық дозалану ықтималдығы аз, алайда препаратты шамадан тыс немесе ұзақ уақыт қолданғанда гиперкортицизм белгілерімен қоса жүретін артық дозалану мүмкін: гипергликемия, глюкозурия, бүйрекүсті безі қыртысы функциясының қайтымды бәсеңдеуі, Иценко­Кушинг синдромының көріністелуі. Симптоматикалық ем, препаратты біртіндеп тоқтату. Қажет болған кезде, электролит теңгерімін түзету.

Арнайы ескертулер Жергілікті және жүйелі уыттылық, әсіресе зақымданған терінің кең аумақтарында, бүгілу аймақтарында немесе полиэтиленді окклюзиялық таңғышпен ұзақ уақыт үздіксіз қолданған кезде жиі кездеседі. Бет терісіне препаратты ұзақ уақыт бойы сыртқа қолдану ұсынылмайды, өйткені розацеа, периоральді дерматит және акне дамуы мүмкін. Бет терісі зақымданған балалар мен науқастарда емдеу курсы 5 күннен аспауы тиіс. Жасына қарамастан барлық пациенттер ұзақ мерзімді үздіксіз емнен аулақ болу керек. Жергілікті кортикостероидтарды қолдану псориаз кезінде бірқатар себептерге байланысты, оның ішінде төзімділік дамығаннан кейінгі қайталанулар, жайылған пустулезді псориаз қаупі және терінің бөгеттік функциясының бұзылуына байланысты жергілікті жүйелі уыттылық қауіпті болуы мүмкін. Пациентті мұқият бақылау маңызды. Жалпы мәліметтер Жергілікті кортикостероидтардың жүйелі сіңуі емдеуді тоқтатқаннан кейін глюкокортикостероидтық жеткіліксіздіктің даму потенциалы бар HPA (гипоталамус-гипофиз-бүйрекүсті жүйесі) жүйесінің қайтымды басылуын тудыруы мүмкін. Кейбір пациенттерде емдеу кезінде жергілікті кортикостероидтардың жүйелі сіңуі Кушинг синдромының көріністерін тудыруы мүмкін. Үлкен беткей аумағына жағылған күшті әсер ететін жергілікті стероидтың үлкен дозаларын алатын пациенттерді HPA жүйесін басу үшін мезгіл-мезгіл тексеріп отыру керек. HPA жүйесінің тежелуі анықталған кезде, препаратты тоқтатуға, қолдану жиілігін азайтуға немесе оны азырақ белсенді кортикостероидпен алмастыруға тырысу керек. HPA жүйесінің функциясын қалпына келтіру, әдетте, препаратты тоқтатқаннан кейін тез және толығымен жүреді. Сирек жағдайларда жүйелі кортикостероидтарды қосымша тағайындауды талап ететін стероидтарды тоқтату белгілері мен симптомдары туындауы мүмкін. Кортикостероидтарды жүйелі қолдану кезінде сипатталған кез келген жағымсыз әсерлер, оның ішінде бүйрекүсті безі функциясының басылуы, әсіресе сәбилер мен балаларда жергілікті кортикостероидтарды қолдану кезінде де байқалуы мүмкін. Акридерм офтальмологиялық қолдануға арналмаған. Кортикостероидтарды жүйелі және жергілікті (оның ішінде интраназальді, ингаляциялық және көзішілік) қолдану кезінде көрудің бұзылуы байқалуы мүмкін. Егер пациентте көрудің бұлыңғырлануы сияқты немесе басқа көрудің бұзылу симптомдары байқалса, көрудің бұзылуының ықтимал себептерін бағалау үшін пациентті офтальмологқа жіберу мүмкіндігін қарастыру керек, оларға катаракта, глаукома немесе орталық серозды хориоретинопатия (ОСХ) сияқты кортикостероидтарды жүйелі және жергілікті қолданғаннан кейін хабарланған сирек кездесетін аурулар жатуы мүмкін. Жергілікті стероидтарды ұзақ уақыт қолдану емді тоқтатқаннан кейін қайталанудың дамуына әкелуі мүмкін (жергілікті стероидты тоқтату синдромы). Бастапқы емдеу аумағынан тыс таралуы мүмкін қарқынды қызарумен, күйдірумен және шаншумен дерматит пішінін қабылдайтын қайталанудың ауыр түрі дамуы мүмкін. Бұл бет пен бүгілген жер сияқты сезімтал тері аймақтарын өңдеу кезінде дамуы ықтимал. Егер ауру сәтті емделгеннен кейін бірнеше күн немесе апта ішінде қайта туындаса, тоқтату реакциясына күмәндану керек. Қайта қолдану сақтықпен жүргізілуі керек және мұндай жағдайларда маманмен кеңесу ұсынылады немесе емдеудің басқа нұсқаларын қарастыру керек. Педиатрияда қолдану Балалар жергілікті кортикостероидтар туындатқан HPA жүйесінің басылуына, сондай-ақ экзогенді кортикостероидтар туындатқан HPA жүйесінің басылуына және ересектерге қарағанда кортикостероидтардың экзогенді әсеріне көбірек сезімтал болуы мүмкін, бұл тері беткейінің дене салмағына арақатынасының жоғарылауымен байланысты. Жергілікті кортикостероидтар алған балаларда HPA жүйесінің басылуы, Кушинг синдромы және бассүйекішілік гипертензия байқалды. Балаларда бүйрекүсті безінің функциясының басылу көріністеріне бой өсудің тежелуі, салмақ қосудың тежелуі, плазмадағы кортизолдың төмен деңгейі және АКТГ стимуляциясына реакцияның болмауы жатады. Бассүйекішілік гипертензияның көріністеріне еңбектің дүмпиуі, бас ауыруы және көру жүйкесі дискілерінің екі жақты ісінуі жатады. Препаратпен жанасқан мата (киім, төсек-орын жабдығы, таңғыш материалдар және т.б.) тез тұтанады және жанудың үлкен қауіпін төндіреді. Киім мен төсек-орын жабдықтарын жуу препараттың жиналуын азайтуы мүмкін, бірақ оны толығымен жоя алмайды. Қосымша заттар Акридерм препараты құрамында баяулаған типті аллергиялық реакциялар тудыруы мүмкін пропилпарагидроксибензоат бар Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Деректер жоқ.

Жүктілік Жүкті әйелдерде глюкокортикостероидтарды сыртқа қолдану қауіпсіздігі анықталмаған; жүктілік кезеңінде осы топтың дәрілік препараттарын тағайындау егер анасы үшін потенциалды пайдасы шаранаға төнетін ықтимал қауіптен асып түскен жағдайда ғана ақталған. Жүктілік кезінде осы топтың препараттарын жоғары дозаларда немесе ұзақ уақыт қолдануға болмайды. Лактация Кортикостероидтарды жергілікті қолдану емшек сүтінде анықталатын мөлшерді қалыптастыру үшін жеткілікті жүйелі сіңіруге әкелетін-әкелмейтіні белгісіз. Жүйелі түрде қолданған кезде кортикостероидтар емшек сүтіне сәбиге зиянды әсер көрсетпейтін мөлшерде секрецияланады. Дегенмен, препаратты ана үшін оның маңыздылығын ескере отырып, оны қабылдауды тоқтату туралы шешім қабылдау керек. Жергілікті кортикостероидтарды бала емізудің алдында кеудеге/емшек ұшына жағуға болмайды.

Препараттың басқа дәрілік заттармен өзара әрекеттесуі анықталған жоқ.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары 15 °С-ден 25 °C-ге дейінгі температурада. Балалардың қолы жетпейтін жерде сақтау керек!