Акридоферон раствор 125 мг/мл

Бір мл ерітінді құрамында белсенді зат – акридонсіркесу қышқылы 125 мг қосымша заттар: меглюмин, меглюмин 10 % ерітіндісі (рН түзету үшін), инъекцияға арналған су. Сыртқы түрінің, иісінің, дәмінің сипаттамасы Жасылдау-сары түсті мөлдір ерітінді.

Ересектерде кешенді ем құрамында • герпестік және цитомегаловирусты инфекцияда • созылмалы бактериялық және зеңдік инфекциялармен астасқан, салдарлы иммунитет тапшылығында • хламидия инфекциясында 4 жастағы балаларда кешенді ем құрамында • герпестік инфекцияларда.

Әсер ету механизмі және фармакодинамикалық әсерлері Акридоферон бастапқы интерферонның төмен молекулалық индукторы болып табылады, бұл оның енгізілген сәтінен бастап тәулік ішінде альфа- және гамма-интерферон өндірілуін туындата отырып, вирусқа қарсы, иммунмодуляциялайтын, қабынуға қарсы және т.б. биологиялық әсерінің ауқымын анықтайды. Препаратпен интерферон синтезінің стимуляциясы сәйкес геннің транскрипциясы деңгейінде жүреді және трансляция жылдамдығының жоғарылауы, мРНҚ IFNα немесе мРНҚ – рибосома кешенінің тұрақтануы, сондай-ақ бұрын синтезделген интерферонның лықсуы сияқты оның посттранскрипциялық үдерістерінің әсеріне байланысты емес. Препараттың иммунорегуляциялық қасиеттері көбінесе интерферондар жүйесі арқылы, нақтырақ альфа- және гамма-интерферонды белсендіру арқылы жүреді. Акридоферон оның өндірілуі жоғарылағанда иммунитеттің Т-жасушалы тізбегі: СD3+ (Т-лимфоциттер), СD4+ (Т-хелперлер) субпопуляциясы деңгейін, сондай - ақ СD16+ (NK-жасушалар), CD8+, CD72+ мөлшерін және иммунорегуляциялық индексті қалпына келтіруге ықпал етеді. Препараттың вирусты инфекциялар кезінде тікелей әсері вирус репликациясын бұзуға, вирустық ДНҚ немесе РНҚ - ның капсидтерге инкорпорациясын бөгеуге, ақаулы вирус бөлшектерінің мөлшерінің артуына, жасушалардағы вирус индукцияланған ақуыздар синтезін төмендетуге байланысты. Клиникалық тиімділігі мен қауіпсіздігі Акридоферон тұмаудың, герпестің, цитомегаловирустың, папиллома вирусының және басқа вирустардың қоздырғыштарына қатысты вирусқа қарсы белсенділікті көрсетеді. Препарат иммунотерапияның компоненті ретінде жедел және созылмалы бактериялық инфекциялардың (хламидиоз) кешенді терапиясында жоғары тиімділік көрсетті.

Препаратты әрқашан емдеуші дәрігердің ұсынымдарына толықтай сәйкес қабылдаңыз. Күдік пайда болған кезде емдеуші дәрігермен кеңесіңіз. Дозалау режимі Ересектерде • Герпестік және цитомегаловирустық инфекцияларда кезінде емдеу курсы 250 мг-ден препараттың 10 инъекциясынан тұрады, инъекциялар аралығы 48 сағат (күнара). Бір реттік доза – 250 мг (1 ампула), курстық доза – 2,5 г құрайды. Ауру басталғанда емдеу едәуір тиімдірек. • Созылмалы бактериялық және зеңдік инфекциялармен астасқан салдарлы иммунитет тапшылығы кезінде емдеу курсы 250 мг-ден препараттың 10 бұлшықетішілік инъекциясынан тұрады, инъекциялар арасындағы аралық 48 сағат (күнара). Бір реттік доза 250 мг (1 ампула), курстық доза 2,5 г құрайды. Қайта емдеу курстары 6–12 айдан кейін жүргізіледі. • Хламидия инфекциясы кезінде емдеу курсы 250 мг-ден препараттың 10 инъекциясынан тұрады, инъекциялар аралығы 48 сағат (күнара). Бір реттік доза 250 мг (1 ампула), курстық доза 2,5 г құрайды. Қайта емдеу курсы 10-14 күннен кейін жүргізіледі. Акридоферон препаратын антибиотиктермен біріктірген жөн. 4 жастан асқан балалар Бір реттік доза дене салмағының 1 кг-на 6–10 мг құрайды. – Герпестік инфекция кезінде емдеу курсы препараттың 10 инъекциясынан тұрады, инъекциялар арасындағы аралық 48 сағат (күнара). Вирустың репликациялық белсенділігі сақталған кезде, емдеу демеуші сызба бойынша жалғасады: препаратты төрт апта бойы үш күнде бір рет енгізу. Енгізу әдісі және жолы Препарат вена ішіне немесе бұлшықет ішіне қолданылады. Дәрілік препараттың қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар Егер Сізде осы препаратты қолдану туралы қосымша сұрақтарыңыз болса, дәрігермен кеңесіңіз.

– әсер етуші затқа немесе қосымша заттардың кез келгеніне аса жоғары сезімталдық – жүктілік және бала емізу кезеңі – 4 жасқа дейінгі балалар – декомпенсация сатысындағы бауыр циррозы

Өте сирек: • қалтырау; • дене температурасының жоғарылауы; • енгізу орнының ауыруы; • енгізу орнының қызаруы; • бөртпе; • есекжем (аллергиялық сипаттағы тері бөртпелері); • қышыну; • эритема (капиллярларға қан кернеуінен туындайтын терінің спецификалық қызаруы). Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Препараттың артық дозалануы туралы мәліметтер жоқ.

Акридоферон препаратын қолдануды бастамас бұрын, егер сізде қалқанша безі ауруы болса, эндокринологпен кеңесіңіз. Арнайы ескертулер Несеп күлгін-көк түске боялуы мүмкін (люминесценция). Педиатрияда қолдану Акридоферон препаратын пациенттердің осы тобында клиникалық зерттеулердің болмауына байланысты 4 жасқа дейінгі балаларға қолдануға болмайды Жүктілік кезінде немесе лактация кезінде Егер сіз жүкті болсаңыз, бала емізетін болсаңыз, жүктілікті жоспарласаңыз немесе жүктімін деп ойласаңыз препаратты қолданар алдында емдеуші дәрігермен кеңесіңіз. Акридоферон препаратын жүктілік кезінде және бала емізу кезеңінде қолдану пациенттердің осы топтарында клиникалық зерттеулердің болмауына байланысты қарсы көрсетілген. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Акридоферон көлік құралын басқару және қауіптілігі зор механизмдермен жұмыс істеу қабілетіне әсер етпейді.

Нұсқаулықта көрсетілмеген.

Акридоферон барлық дәрілік препараттармен оның ішінде интерферондар, химиотерапиялық дәрілік заттар және т.б., аталған ауруларды емдеуде дәстүрлі қолданылатын препараттармен үйлесімді және жақсы біріктіріледі. Интерферондар мен нуклеозидтердің аналогтарының әсерін күшейтеді. Химиотерапияның, интерферонотерапияның жағымсыз әсерлерін азайтады.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамасында 25ºС-ден аспайтын температурада сақтау керек. Балалардың қолы жетпейтін жерде сақтау керек!