Аксен Форт® таблетки 550 мг

Бір таблетканың құрамында: белсенді зат - натрий напроксені 550.00 мг қосымша заттар: Авицел рН 101, жүгері крахмалы, натрий кроскармеллозасы, поливинилпирролидон К30, магний стеараты, этанол**; ** Дайын өнімде жоқ Сыртқы түрінің, иісінің, дәмінің сипаттамасы Сопақша пішінді, таблетканың бір жағында бөлу сызығы бар, екінші жағы тегіс, ақ түсті таблеткалар.

16 жастан асқан балалар мен ересектер үшін • қабынумен жүретін және дегенерациялық ревматизмдік типті ауруларда (ревматоидтық артрит, артроз, шорбуынданатын спондилит) • буыннан тыс ревматизмде (бурсит, тендинит, люмбаго және т.б.) • дисменорея кезіндегі ауырсынуда • операциядан кейінгі және жарақаттан кейінгі ауыруларда • жедел подагра ұстамасында

Әсер ету механизмі Аксен Форт-қабынуға қарсы стероидты емес препарат (ҚҚСП) болып табылады. Қабынуға қарсы, ауыруды басатын және қызуды басатын қасиеттері бар. Негізгі әсер ету механизмі простагландиндердің түзілуіне қатысатын фермент - циклооксигеназаны тежеу болып табылады. Нәтижесінде организмнің әртүрлі сұйықтықтары мен тіндеріндегі простагландин деңгейі төмендейді. Натрий напроксені орталық жүйке жүйесінің депрессанты болып табылмайды және метаболизм ферменттерін белсендірмейді. Фармакодинамикалық әсерлері Басқа ҚҚСП сияқты напроксен асқазан-ішектен шамалы қан кету мен эндоскопиялық расталған ас қорыту жолдарының зақымдануын туындатуы мүмкін. Алайда, напроксеннің ацетилсалицил қышқылы мен индометацинге қарағанда және дифлунизал, этодолак, набуметон және сулиндакқа қарағанда аз зиян келтіретіні анықталды. Басқа ҚҚСП сияқты напроксен тромбоциттердің агрегациясын тежейді, бірақ емдік дозаларда қолданғанда қан кету уақытына болмашы әсер етеді. Напроксен сау бүйректің жұмысына әсер етпейді.

Дозалану режимі 16 жастан асқан балаларға және ересектерге Қабынумен жүретін және дегенерациялық ревматизмдік типті аурулар (ревматоидтық артрит, артроз, шорбуынданатын спондилит) Бастапқы дозасы 550 мг (1 таблетка), келесі дозасы - қабылдаулар арасындағы 12 сағат аралықпен 550 мг, немесе 6-8 сағат аралықпен 275 мг (½ таблетка). Бастапқы тәуліктік дозасы 1375 мг аспауы тиіс. Тәуліктік демеуші дозасы 550 мг-ден 1100 мг дейін (ауырудың қарқындылығына байланысты). Буыннан тыс ревматизм (бурсит, тендинит, люмбаго және т.б.), операциядан кейінгі және жарақаттан кейінгі ауырулар Дозасы жекелей, ауырудың қарқындылығына байланысты белгіленеді. Орташа тәуліктік дозасы 1100 мг (2 таблетка). Тәулігіне 1 рет (кешкілік) қабылданады немесе 12 сағат аралықпен 2 қабылдауға (1 таблеткадан) бөлінеді. Ең жоғарғы тәуліктік дозасы 1375 мг аспауы тиіс. Дисменорея Ұсынылатын бастапқы доза сы 550 мг (1 таблетка), содан соң 3-4 күн бойы әр 6-8 сағат сайын 275 мг-ден (½ таблетка). Жедел подагра ұстамасы – бастапқыда 825 мг-ден (1½ таблетка), с артынан 275 мг-ден (½ таблетка) қабылдайды, қабылдаулар аралығы 8 сағат. Пациенттердің ерекше топтары Бүйрек/бауыр жеткіліксіздігі бар пациенттер Бүйрек жеткіліксіздігі бар пациенттерде (креатинин клиренсі 30 мл/мин кем болғанда) препаратты қолдануға болмайды. Бауыр жеткіліксіздігі бар пациенттерде препаратты сақтықпен қолдану керек. Балалар 6 жастан асқан балаларға тәулігіне 10 мг/кг дозада, қабылдау арасы 12 сағат аралықпен қолданылатын ювенальді ревматоидты артритті қоспағанда, 16 жастан кіші балаларда қолданылмайды. Егде жастағы пациенттер Егде жастағы пациенттерде шығарылу функциясының төмендеуіне байланысты дозаны есептеу кезінде сақ болу және ең төмен тиімді дозаны пайдалану ұсынылады. Бұл пациенттерге ауырсыну синдромын емдеу кезінде асқазан-ішек жолынан қан кету үшін медициналық бақылау қажет. Енгізу әдісі мен жолы Ішке қабылдауға арналған. Препаратты тамақтанғаннан кейін жеткілікті мөлшерде сумен ішу ұсынылады. Қабылдау уақыты көрсетілген қолдану жиілігі «Дозалау режимі» бөлімін қараңыз. Емдеу ұзақтығы Емдеу курсының ұзақтығын емдеуші дәрігер «Қажетті сақтық шаралары» және «Арнайы ескертулер» бөлімдерінде берілген ақпаратты ескере отырып анықтайды. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну жөніндегі ұсынымдар Препаратты қолдану туралы сұрақтар туындаған жағдайда емдеуші дәрігерге немесе дәріхана қызметкеріне хабарласыңыз.

- препараттың белсенді затына және басқа компоненттеріне, салицилаттарға, сондай-ақ қабынуға қарсы стероидты емес басқа препараттарға (ҚҚСП) аса жоғары сезімталдық - анамнезінде бронх түйілуі, бронх демікпесі, мұрын полиптері, ринит, есекжем, анафилаксиялық шок немесе ацетилсалицил қышқылымен, ибупрофенмен немесе басқа ҚҚСП-мен байланысты анафилактоидтық реакциялар - циклооксигкназа 2 спецификалық тежегіштерін қоса алғанда, қатарлас ҚҚСП қолдану - асқазанның немесе он екі елі ішектің белсенді (немесе анамнездегі) ойық жарасы, асқазан-ішектен белсенді қан кету (дәлелденген ойық жара немесе қан кетудің екі немесе одан да көп жеке эпизоды) - коронарлық шунттау операциясынан (немесе жасанды қанайналым аппаратын пайдаланудан) соң операциядан кейінгі ауыруларды емдеу - ішектің қабыну аурулары (мысалы, Крон ауруы, ойық жаралы колит) - бауырдың, бүйректің немесе жүректің ауыр жеткіліксіздігі - жүктіліктің үшінші триместрі, лактация кезеңі - балалар мен 16 жасқа дейінгі жасөспірімдер (6 жастан асқан балаларға қолданылатын ювенальді ревматоидты артритті қоспағанда)

• Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥1/100 - < 1/10 дейін), жиі емес (≥1/1000 - < 1/100 дейін), сирек (≥1/10000 - < 1/1000 дейін), өте сирек (< 1/10000), белгісіз (қолда бар деректердің негізінде бағалау мүмкін емес). Әр топта жағымсыз әсерлер ауырлығының азаю тәртібімен атап келтірілген. • Өте жиі - бас ауыруы - диспепсия • Жиі - ұйқышылдық, бас айналуы - көру өткірлігінің төмендеуі - құлақтағы шуыл, естудің бұзылуы - жүрек соғуының жиілеуі - іш ауыруы, іш қату, қыжыл, жүрек айнуы, диарея, стоматит - экхимоздар (теріге қан құйылулар), қышыну, дерматит, пурпура, тершеңдік - бүйрек функциясының бұзылуы - ісінулер, шөлдеу сезімі Жиі емес - агранулоцитоз, аплазиялық анемия, эозинофилия, гемолиздік анемия, лейкопения, тромбоцитопения - гиперкалиемия - депрессия, ұйқысыздық, әдеттен тыс түс көрулер - асептикалық менингит, когнитивтік бұзылыстар, зейін қоюдың бұзылуы, бұлшықет әлсіздігі - мөлдір қабықтың бұлыңғырлануы, папиллит және папиллоэдема, ретробульбарлық неврит және көру жүйкесі дискісінің ісінуі - естудің нашарлауы - жүректің іркілісті жеткіліксіздігі, өкпенің ісінуі - артериялық гипертензия, васкулит - ентігу, демікпе, эозинофильді пневмония - бауырдың функционалдық сынамалары көрсеткіштерінің өзгеруі, колит, эзофагит, асқазан-ішектен қан кету және/немесе перфорация (егде жастағы адамдарда өлімге соқтыруы мүмкін), гематемезис (қан құсу), гепатит (өлімге соқтыруы мүмкін), сарғаю, мелена, асқазан-ішек жолының пептидік емес ойық жарасы, панкреатит, ойық жара ауруы, ойық жаралы стоматит - алопеция, уытты эпидермалық некролиз, мультиформалы эритема, түйінді эритема, қызыл жалпақ теміреткі, пустулалық реакция, бөртпе, висцеральді қызыл жегі, Стивенс-Джонсон синдромы, есекжем, жарыққа сезімталдық реакциясы, соның ішінде (сирек жағдайларда), жалған порфирия немесе буллездік эпидермолиз - құрысулар, миалгия - гематурия, интерстициальді нефрит, нефроздық синдром, нефропатия, бүйрек жеткіліксіздігі, бүйректің папиллярлық некрозы, қан сарысуындағы креатинин деңгейінің жоғарылауы - анафилактоидтық реакциялар, ангионевроздық ісіну, гипертермия (қалтырау, қызба), дімкәстану. Терінің сезімталдығы күшейген, күлбреуіктер немесе жалған порфирияны білдіретін басқа симптомдар пайда болған жағдайда, емдеуді тоқтату керек. Дәрігердің қадағалауында болу қажет. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) бойынша ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: бас ауыруы, қыжыл, іш ауыруы, жүрек айнуы, құсу, асқазан-ішектен қан кету (қан құсу, мелена), сирек диарея, қозу, бағдардан адасу, ұйқышылдық, бас айналуы, құлақтағы шуыл, естен тану. Анағұрлым ауыр жағдайларда жедел бүйрек жеткіліксіздігі мен бауырдың зақымдануы, құрысулар болуы мүмкін. Сирек жағдайларда - тыныстың тарылуы, кома. Гипотромбинемияға байланысты протромбиндік уақыттың транзиторлы ұзаруы К дәруменіне тәуелді қан ұю факторларының селективті тежелуінен туындауы мүмкін. Емі: бірінші сағат ішінде асқазанды шаю, белсендірілген көмір қабылдау, кейінірек – симптоматикалық емдеу, қарқынды диурезді қамтамасыз ету, пациенттің дәрігердің бақылауында кемінде 4 сағат болу; жиі және ұзақ құрысулар кезінде - диазепамды вена ішіне енгізу. Гемодиализ тиімсіз, бірақ бүйрек жеткіліксіздігі бар науқастарда артық дозаланғанда қолданылуы мүмкін.

Жағымсыз әсерлері симптомдарды бақылау үшін қажетті емдеудің ең қысқа курсы ішінде ең төмен тиімді дозаны қолданғанда барынша азайтылуы мүмкін. Жүрек-қантамырлық және цереброваскулярлық бұзылулар Артериялық гипертензиясы бар және/немесе анамнезінде жеңіл және орташа ауырлық дәрежесіндегі іркілісті жүрек жеткіліксіздігі бар пациенттерде ҚҚСП тағайындау кезінде сақ болу қажет. Басқа селективті емес ҚҚСП емдеу кезінде хабарланған сұйықтықтың іркілуі, гипертензия және ісіну сияқты симптомдар жүрек-қантамырлық және цереброваскулярлық бұзылулардың дамуына әкелуі мүмкін. Коксибтерді және кейбір ҚҚСП қолдану (әсіресе жоғары дозаларда және ұзақ емдеген кезде) артериялық тромбоз қаупінің шамалы ұлғаюымен (мысалы, миокард инфарктісінің немесе инсульттің даму қаупімен) байланысты болуы мүмкін екендігі хабарланды. Деректер напроксенді (тәулігіне 1000 мг) қолдану төмен қауіппен байланысты болуы мүмкін екенін көрсетсе де, оны толығымен жоққа шығаруға болмайды. Бақыланбайтын артериялық гипертензиясы, жүректің ишемиялық ауруымен (ЖИА) анықталған іркілісті жүрек жеткіліксіздігі, шеткері артерия аурулары және/немесе цереброваскулярлық аурулары бар пациенттерге напроксенді қолданар алдында барлық қауіптерді бағалау қажет. Напроксенмен ұзақ мерзімді емдеуді бастар алдында жүрек-қантамыр патологиясы дамуының қауіп факторлары бар пациенттерге (мысалы, артериялық гипертензия, гиперлипидемия, қант диабеті, шылым шегу) ерекше назар аударылуға тиіс. Асқазан-ішектен қан кету, ойық жаралар және тесілу Кез келген емдеу кезеңінде ҚҚСП қолданумен байланысты, алдын алу симптомдары бар немесе жоқ, немесе анамнезінде елеулі асқазан-ішектен қан кетулер болған кезде өлімге әкелуі мүмкін, асқазан-ішектен қан кетулер, ойық жаралар, тесілулер туралы деректер бар. Бұл асқынулардың қаупі анамнездегі ойық жара ауруы бар пациенттерде, әсіресе, ойық жараның қан кетуімен немесе тесілуімен қатар жүретін асқынулар болған кезде, сондай-ақ егде жастағы пациенттерде ҚҚСП дозасының жоғарылауымен артады. Бұл пациенттер емді ең төменгі тиімді дозадан бастауы тиіс. Пациенттердің осы тобы үшін, сондай-ақ төмен дозаларда аспиринмен қатар емдеуді қажет ететін пациенттер үшін немесе асқазан-ішек бұзылыстарының қаупін арттыратын басқа да препараттар үшін гастропротекторлармен (мысалы, мизопростолмен немесе протонды помпаның тежегіштерімен) біріктірілген емді қолдануға болады. Анамнезінде асқазан-ішек аурулары бар пациенттер, әсіресе егде жастағы пациенттер кез келген әдеттен тыс абдоминальді симптомдар (әсіресе асқазан-ішектен қан кету) туралы және әсіресе емдеудің бастапқы кезеңдерінде хабарлауы тиіс. Пероральді кортикостероидтар, антикоагулянттар (варфарин сияқты), серотонинді кері қармаудың селективті тежегіштері немесе антитромбоцитарлық дәрілер (мысалы, ацетилсалицил қышқылы) сияқты ойық жараның немесе қан кетудің даму қаупін арттыратын препараттармен бір мезгілде ем алатын пациенттерде сақ болу керек. Асқазан-ішектен қан кету пайда болған кезде Аксен Форт® препаратымен емдеу тоқтатылуы тиіс. АІЖ тарапынан ауыр жағымсыз әсерлер қандай-да бір ескерту симптомдарынсыз дамуы мүмкін. Басқа ҚҚСП сияқты, ауыр жағымсыз әсерлердің, асқазан-ішектен қан кетулердің немесе тесілудің кумулятивті жиілігі емдеу ұзақтығына және препараттың үлкен дозаларын қолдануға байланысты тәуелді түрде артады. Напроксеннің қабынуға қарсы және қызуды басатын әсерін инфекциялық аурулар кезінде ескеру қажет, өйткені осы аурулардың клиникалық симптомымен бүркемеленуі мүмкін. Бүйрек функциясының бұзылуы Аксен Форт® бүйрек функциясы бұзылған пациенттерде аса сақтықпен қолданылуы керек, себебі ол едәуір дәрежеде (95%) шумақтық сүзілу жолымен шығарылады; мұндай пациенттерде сарысулық креатининнің және/немесе креатинин клиренсінің мониторингі қажет. Сондай-ақ, пациенттер сұйықтықтың жеткілікті мөлшерін алуы керек. Аксен Форт® препаратын базалық креатинин клиренсі кемінде 30 мл/мин пациенттерде қолдану ұсынылмайды. Бүйрек қан ағымы бұзылған пациенттерде жасушадан тыс көлемнің төмендеуіне, бауыр циррозына, натрийдің шектелуіне, іркілісті жүрек жеткіліксіздігінің және бұрын болған бүйрек ауруларына байланысты бүйрек функциясын препаратпен емдеудің алдында және кезеңінде бағалау қажет. Бүйрек функциясының бұзылу қаупі бар егде жастағы пациенттер, сондай-ақ диуретиктермен емделіп жатқан пациенттер де осы санатқа жатады. Напроксен метаболиттерінің айқын жинақталуын болдырмау үшін пациенттердің осы тобында тәуліктік дозаны азайту мүмкіндігін қарастыру қажет. Гемодиализ плазма ақуыздарымен жоғары байланысу дәрежесіне байланысты қан плазмасындағы напроксен концентрациясын төмендетпейді. Бауыр функциясының бұзылуы Бауырдың созылмалы алкогольдік ауруы және цирроздың басқа түрлері напроксеннің плазмадағы жалпы концентрациясының төмендеуіне әкеледі, бірақ байланысты емес напроксеннің плазмадағы концентрациясының жоғарылауымен бірге жүреді. Напроксенді дозалау үшін бұл құбылыстың механизмі анықталмаған, бірақ ең төмен тиімді дозаны қолданған дұрыс. Препарат анамнезінде бауыр функциясы бұзылған пациенттерде сақтықпен қолданылуы тиіс. Тыныс алу жүйесі функциясының бұзылуы Препаратты анамнезінде бронх демікпесі бар немесе шаңға аллергиялық реакциясы бар пациенттерге қолданғанда сақ болу керек, өйткені ҚҚСП бронх түйілуін туындатуы мүмкін. ЖҚЖ және дәнекер тінінің жүйелік аурулары Жүйелі қызыл жегі (ЖҚЖ) және дәнекер тіннің жүйелі аурулары бар пациенттерде асептикалық менингиттің пайда болу қаупі жоғары болады. Тері реакциялары Эксфолиативті дерматитті, Стивенс-Джонсон синдромын және уытты эпидермальді некролизді қамтитын ҚҚСП (кейбіреулері өліммен аяқталатын) қолдануға байланысты ауыр тері реакцияларының дамуы туралы өте сирек хабарламалар бар. Емдеу басында бұл реакциялардың даму қаупі жоғары. Көп жағдайда олардың алғашқы белгілері емдеудің бірінші айында пайда болады. Тері бөртпесі, шырышты зақымдану немесе аса жоғары сезімталдықтың кез-келген басқа белгілері пайда болған кезде Аксен Форт® препаратын қабылдауды тоқтату керек. Әйел фертильділігінің бұзылуы Напроксен әйелдердің фертильділігіне әсер етуі мүмкін, сондықтан препаратты жүктілікті жоспарлаған әйелдерге қолдану ұсынылмайды. Бала бітуде кінәраты бар немесе бедеулікке байланысты тексеруден өтіп жатқан әйелдер препаратты қабылдауды тоқтатуы керек. Анафилаксиялық (анафилактоидтық) реакциялар • Анафилаксия секілді анафилактоидты реакциялар өліммен аяқталған жағдайға әкелуі мүмкін. • Напроксен, басқа ҚҚСП сияқты, тромбоциттердің агрегациясын азайтады және коагуляция уақытын ұзартады, мұны коагуляция уақытын анықтау кезінде ескеру қажет. Коагуляция бұзылулары бар немесе гемостазға әсер ететін препараттармен ем қабылдайтын пациенттерге напроксенді қолданған кезде дәрігердің мұқият бақылауы қажет. • Антикоагулянттық емнің толық курсынан (мысалы, гепаринмен немесе варфаринмен) өтетін пациенттерде напроксенмен бір мезгілде қолданғанда қан кетудің пайда болу қаупі жоғары болады. Сондықтан осы емдеудің пайдасы мен қауіптерін саралау қажет. Стероидтар • Егер емдеу үдерісінде дозаны азайту немесе стероидты препаратты тоқтату қажет болса, онда дозаны біртіндеп төмендету керек. Пациенттер ықтимал жағымсыз реакциялардың, оның ішінде бүйрекүсті безінің жеткіліксіздігінің дамуына және артрит симптомдарының өршуіне мұқият бақылауда болуы тиіс. Көру жітілігіне әсері Сирек жағдайларда, себеп-салдарлық байланыстылығы анықталмаса да, напроксенді қоса, ҚҚСП қабылдаған пациенттерде папиллитті, ретробульбарлық невритті және көру жүйкесі дискісінің ісінуін қоса, көру мүшелері тарапынан жағымсыз құбылыстар тіркелді. Дегенмен, напроксенмен емдеу кезінде аталған бұзылулар анықталған пациенттер офтальмологиялық тексеруден өтуі тиіс. Басқа ҚҚСП-мен біріктірілімі Напроксен мен басқа да ҚҚСП біріктірілімі ҚҚСП-ның елеулі жағымсыз әсерлерін туындататын жиынтық қауіптерге байланысты ұсынылмайды. Напроксенді циклооксигеназа-2 селективті тежегіштерін қоса, басқа ҚҚСП-мен бір мезгілде қолданудан аулақ болу керек. Зертханалық көрсеткіштер Бүйрекүсті бездерінің функционалдық тестілерін жүргізу қажет болған жағдайда, Аксен Форт® препаратын қабылдауды зерттеуге дейін 48 сағат бұрын тоқтату ұсынылады. Өйткені напроксен 17 кетогенді стероидттарға арналған кейбір тестілерге әсер етуі мүмкін. Осы сияқты әсерін напроксен несептегі 5-гидроксииндолуксус қышқылын анықтаудың кейбір нәтижелеріне де тигізеді. Арнайы ескертулер Егде жастағы және / немесе әлсіреген пациенттер Егде жастағы пациенттерде ҚҚСП-ға жағымсыз реакциялар жиілігінің жоғарылауы, әсіресе, өлімге әкелуі мүмкін асқазан-ішектен қан кету мен тесілудің туындау қаупі жоғары. Осы пациенттерде ҚҚСП ұзақ қолдану ұсынылмайды. ҚҚСП емінің барлық кезеңінде АІЖ-дан қан кету мәніне симптомдарды бақылау қажет. Педиатрияда қолдану Напроксен 6 жастан асқан балаларға тәулігіне 10 мг/кг дозада, қабылдау арасы 12 сағат аралықпен қолданылатын ювенальді ревматоидты артритті қоспағанда, 16 жастан кіші балаларда қолданылмайды.

Ана үшін ықтимал пайда шарана үшін ықтимал қауіптен асып түсетін аса қажет жағдайларды қоспағанда, препаратты жүктіліктің немесе босанудың алғашқы екі триместрінде қолдануға болмайды. Препаратты қолданған жағдайда доза ең аз, емдеу курсы барынша қысқа болуы тиіс. Жүктіліктің үшінші триместрінде напроксен жүктілікке және/немесе шаранаға/жаңа туған нәрестеге зиянды фармакологиялық әсер етеді. Осы топтың басқа препараттары сияқты, напроксен босанудың кешеуілдеуін туындатады, сондай-ақ, шарананың жүрек-қантамыр жүйесіне әсер етеді (артериялық түтікшенің бітелуі, өкпе гипертензиясы). Сонымен қатар, шаранада олигогидрамниозбен жүретін бүйрек жеткіліксіздігіне дейін үдейтін бүйрек дисфункциясының туындау қаупі болуы мүмкін. Напроксен қан плазмасындағы концентрациядан шамамен 1% концентрацияда емшек сүтіне өтеді. Жаңа туған нәрестелерге жағымсыз әсер етуі ықтимал болғандықтан, простагландиндерді тежейтін препараттарды лактация кезеңінде қолдану ұсынылмайды.. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Бас айналу, ұйқышылдық, шаршау, көрудің бұзылуы сияқты жағымсыз әсерлердің даму мүмкіндігін ескере отырып, сақ болу керек, ал осы симптомдар пайда болған жағдайда көлік құралын немесе қауіптілігі зор механизмдерді басқарудан бас тарту керек.

Циклооксигеназа-2 селективті тежегіштерін қоса, басқа да анальгетиктер Екі немесе одан да көп ҚҚСП (аспиринді қоса) бір мезгілде қабылдаудан аулақ болу керек, өйткені жағымсыз әсерлердің қаупі артады. Гипертензияға қарсы дәрілер Напроксен және басқа да ҚҚСП пропранололды және басқа бета-блокаторларды қоса, гипертензияға қарсы препараттардың әсерін төмендетеді. ҚҚСП-ны ангиотензин-өзгертетін фермент тежегіштерімен (АӨФ) немесе ангиотензин-II рецепторларының антагонистерімен бір мезгілде қабылдау, әсіресе бүйрек функциясының бұзылуы бар пациенттерде бүйрек жеткіліксіздігінің туындау қаупін арттырады. Диуретиктер Несеп айдайтын әсері төмендейді, сондай-ақ, диуретиктер ҚҚСП-ның нефроуыттылық қаупін арттыруы мүмкін. Фуросемидтің натрийуретикалық әсерін кейбір ҚҚСП басатыны хабарланды. Пробенецид Пробенецидпен бір мезгілде қабылдау напроксеннің жартылай шығарылу кезеңін арттырады, бұл қан плазмасында напроксен концентрациясының ұлғаюына әкеледі. Жүрек гликозидтері ҚҚСП жүрек жеткіліксіздігін күшейтіп, шумақтық сүзілу жылдамдығын төмендетіп, плазмадағы гликозидтер деңгейін жоғарылатуы мүмкін. Литий Напроксенді қоса, ҚҚСП-ны литий препараттарымен бір мезгілде қабылдаған кезде литийдің бүйрек клиренсінің тежелуі салдарынан плазмадағы литийдің концентрациясы артады, бұл оның шығарылуының төмендеуіне әкеледі. Емдеу алдында, напроксенді қабылдау үдерісінде және тоқтатқаннан кейін литий деңгейін бақылау ұсынылады. Метотрексат Метотрексатпен бір мезгілде қолданған кезде метотрексат әсерінің ықтимал күшеюіне байланысты сақ болу ұсынылады, өйткені напроксен оның өзекшелік секрециясын төмендетеді. Циклоспорин Циклоспоринмен, басқа ҚҚСП-мен, әсіресе, АӨФ тежегіштерін қабылдайтын пациенттерде нефроуыттылық қаупі артады. Мифепристон ҚҚСП мифепристонды қабылдағаннан кейін 8-12 күн ішінде қолданбаған жөн, өйткені ҚҚСП мифепристонның әсерін төмендетуі мүмкін. Кортикостероидтар ҚҚСП мен кортикостероидтарды бірге қолданған кезде асқазан-ішектен қан кетудің немесе асқазан-ішек жолының ойық жарасының пайда болу қаупі артады. Антикоагулянттар Пациент тікелей медициналық бақылауда болатын жағдайларды қоспағанда, ҚҚСП-ны (варфарин, гепарин сияқты) антикоагулянттармен біріктіріп қабылдау қауіпті болып саналады, өйткені ҚҚСП антикоагулянттардың әсерін күшейтеді. Бактерияға қарсы хинолонды препараттар ҚҚСП мен хинолондарды қабылдайтын пациенттерде құрысулардың пайда болу қаупі жоғары. Такролимус Такролимуспен ҚҚСП тағайындау кезінде нефроуыттылық қаупі жоғары болады. Сульфонамидтер және гидантоиндер Напроксеннің плазма ақуыздарымен жоғары байланысуына байланысты, бір мезгілде гидантоиндер, антикоагулянттар, басқа ҚҚСП, аспирин немесе сульфонамид қабылдайтын пациенттерде осы препараттармен артық дозалану симптомдарын сақ болу және мұқият бақылау қажет. Осы препараттарды бір мезгілде алатын пациенттер, егер бұл қажет болса, дозаны түзету үшін дәрігердің бақылауында болуы тиіс. Напроксенмен және антикоагулянттармен немесе сульфонилмочевинамен (мысалы, глимепирид немесе глипизид) клиникалық зерттеулерде ешқандай өзара әрекеттесу байқалған жоқ, алайда, сақтық таныту ұсынылады, себебі осы класстағы басқа стероидты емес препараттармен өзара әрекеттесу байқалды. Антиагреганттар және серотонинді кері қармаудың селективті тежегіштері (SSRI) Напроксен мен антиагреганттарды бірге қабылдаған кезде, СКҚСТ асқазан-ішектен қан кету қаупін арттырады. Зидовудин және Ибупрофен Зидовудинмен ҚҚСП тағайындау кезінде гематологиялық уыттылықтың жоғары қаупі туралы деректер бар. Бір мезгілде зидовудин мен ибупрофен қабылдаған гемофилия жұқтырған (+) науқастарда гемартроз және гематомалардың жоғары қаупі туралы хабарланды. Ацетилсалицил қышқылы Клиникалық фармакодинамикалық деректер напроксенді қатарынан 1 күннен артық бір мезгілде қолдану ацетилсалицил қышқылының төмен дозаларының тромбоциттер белсенділігіне әсерін бәсеңдетуі мүмкін екендігін көрсетеді. Бұл тежеу напроксен емін тоқтатқаннан кейін бірнеше күнге дейін созылуы мүмкін. Бұл өзара әрекеттесудің клиникалық маңызы белгісіз. Антацидтер немесе колестирамин Напроксенді және антацидтерді немесе колестираминді бір мезгілде қабылдау напроксеннің сіңуін баяулатуы мүмкін, бірақ оның әсер ету дәрежесіне әсер етпейді.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 25°С-ден аспайтын температурада сақтау керек. Балалардың қолы жетпейтін жерде сақтау керек!