Актовегин® таблетки 200 мг

Қабықпен қапталған бір таблетканың құрамында белсенді зат: Бұзау қанының депротеинделген гемодериваты Актовегин® гранулят түрінде1 - 200,00 мг Қосымша заттар: Магний стеараты Тальк Қабықтың құрамы: Сахароза Титанның қостотығы (Е 171) Хинолинді сары алюминий лагы бояғышы (Е 104) Гликолий тау балауызы Повидон (К-30) Макрогол-6000 Акация шайыры Гипромеллоза фталаты Диэтилфталат Тальк 1Актовегин® грануляттың құрамында: Белсенді зат: Қан компоненттері: Бұзау қанының депротеинделген гемодериваты Қосымша заттар: Повидон К-90 Микрокристалды целлюлоза Сыртқы түрінің, иісінің, дәмінің сипаттамасы Дөңгелек, екі беті дөңес, жасылдау-сары түсті, жылтыр қабықпен қапталған таблеткалар.

Кешенді ем құрамында: • инсульттен кейінгі когнитивті бұзылулар мен деменцияны қоса, когнитивті бұзылуларды симптоматикалық емдеу • шеткері қан айналымның бұзылулары және олардың салдарын симптоматикалық емдеу • диабеттік полинейропатияны (ДПН) симптоматикалық емдеу

Әсер ету механизмі Актовегин диализ және ультрафильтрация (молекулалық салмағы 5000 дальтоннан аз қосылыстар өтеді) арқылы алынатын гемодериват болып табылады. Актовегин – үш түрлі әсер ететін антигипоксант: метаболизмдік, нейропротекторлық және микроциркуляциялық. Актовегин оттегінің сіңуін және утилизациялануын арттырады; препараттың құрамына кіретін инозитол фосфо-олигосахаридтер глюкозаның тасымалдануына және утилизациялануына оң әсер етеді, бұл жасушалардың энергетикалық метаболизмінің жақсаруына және ишемия жағдайында лактат түзілуінің төмендеуіне алып келеді. Актовегин препаратының белсенділігі глюкоза мен оттегінің сіңуінің жоғарылауын және утилизацияланудың жоғарылауын өлшеу арқылы расталады. Препараттың нейропротекторлық механизмін іске асырудың бірнеше жолдары қарастырылады. Актовегин пептидпен индукцияланған бета-амилоид апоптозының (Aβ25-35) дамуына кедергі келтіреді. Актовегин орталық және шеткері жүйке жүйесіндегі апоптоз және қабыну процестерін реттеуде маңызды рөл атқаратын каппа В (NF-kB) ядролық факторының белсенділігін модуляциялайды. Тағы бір әсер ету механизмі ядролық поли (АДФ-рибоза)-полимераза (PARP) ферментімен байланысты. PARP бір тізбекті ДНҚ зақымдануын анықтауда және репарацияда маңызды рөл атқарады, алайда ферменттің шамадан тыс белсенділігі цереброваскулярлық аурулар және диабеттік полинейропатия сияқты жағдайларда жасушаның қырылу процестерін іске қосуы мүмкін. Актовегин PARP белсенділігін тежейді, бұл орталық және шеткері жүйке жүйесінің функциялық және морфологиялық күйінің жақсаруына әкеледі. Актовегин препаратының микроциркуляция процестеріне және эндотелийге оң әсері капиллярлық қан ағысы жылдамдығының артуы, перикапиллярлық аймақтың азаюы, прекапиллярлық артериолалар мен капиллярлық сфинктердің миогендік тонусының төмендеуі, капиллярлық арнада басым қан айналымымен артериоловенулалық шунттайтын қан ағысы дәрежесінің төмендеуі және микроциркуляциялық арнаға әсер ететін азот тотығының эндотелий синтазаның функциясын стимуляциялау болып табылады. Фармакодинамикалық әсерлері Әртүрлі зерттеулер барысында Актовегин препаратының әсері оны қабылдағаннан кейін 30 минуттан кешіктірмей пайда болатыны анықталды. Ең жоғары әсері парентералды қолданғаннан кейін 3 сағаттан соң және пероральді қолданғаннан кейін 2-6 сағаттан соң байқалады. Ишемиялық инсультпен ауыратын 503 пациентте когнитивті бұзылуларға қатысты Актовегин препаратының емдік әсерін зерттеу мақсатындағы ARTEMIDA (NCT01582854) зерттеуі көрсеткендей, препаратты қолданудың терапиялық әсері препаратты қолдану тоқтатылғаннан кейін де кемінде 6 ай сақталады. Фонтейн жіктемесі бойынша ІІВ кезеңдегі аяқ артерияларының созылмалы облитерациялаушы ауруларымен ауыратын 366 пациентте ауырсынбай жүру қашықтығына қатысты Актовегин препаратының емдік әсерін зерттеу мақсатындағы APOLLO (NCT03469349) зерттеуі көрсеткендей, препаратты қолданудың терапиялық әсері препаратты қолдану тоқтатылғаннан кейін де кемінде 3 ай сақталады. Актовегин препаратының оттегінің сіңуіне және утилизациялануына әсері, сондай-ақ глюкозаның тасымалдануы мен тотығуын стимуляциялайтын инсулин тәрізді белсенділік диабеттік полинейропатияны (ДПН) емдеуде маңызды болып табылады. Қант диабеті және диабеттік полинейропатиясы бар пациенттерде Актовегин полинейропатия симптомдарын (шаншу ауыруы, ашытып күйдіру сезімі, парастезия, аяқтың ұюы) сенімді түрде азайтады. Сезімталдықтың бұзылысы объективті түрде азаяды, пациенттердің психикалық әл-ауқаты жақсарады. Клиникалық тиімділігі және қауіпсіздігі Инсульттан кейінгі когнитивті бұзылуларды зерттейтін зерттеуде қайталанатын ишемиялық инсульт жиілігі пациенттердің белгілі бір популяциясында күтілетін шектерде болды, плацебо тобымен салыстырғанда Актовегин препаратын қабылдаған топтағы жағдайлардың көбірек саны тіркелді, бірақ бұл айырмашылық статистикалық тұрғыдан шамалы болды. Қайталанатын инсульт жағдайлары мен зерттелетін препарат арасында ешқандай байланыс жоқ.

Дозалау режимі Дозасы мен қолдану тәсілі нозологиялық түріне және аурудың ағымының ауырлығына байланысты болады. Инсульттан кейінгі когнитивті бұзылулар Ишемиялық инсульттің жедел кезеңінде, 5 – 7 күнінен бастап, тәулігіне 2000 мг вена ішіне тамшылатып 20 инфузияға дейін, кейіннен 2 таблеткадан күніне 3 рет (1200 мг/күніне) таблетка түрінде қабылдауға көшіреді. Жалпы емдеу ұзақтығы 6 ай. Деменция 2 таблеткадан күніне 3 рет (1200 мг/күніне). Жалпы емдеу ұзақтығы 20 апта. Шеткері қан айналымның бұзылулары мен олардың салдары 1-2 таблеткадан күніне 3 рет (600 – 1200 мг/күніне). Емдеу ұзақтығы 4-тен 6 аптаға дейін. Диабеттік полинейропатия Тәулігіне 2000 мг вена ішіне тамшылатып 20 инфузия, кейіннен таблетка түрінде 3 таблеткадан күніне 3 рет қабылдауға көшіреді (күніне 1800 мг) ұзақтығы 4-тен 5 айға дейін. Енгізу әдісі мен жолы Таблеткаларды шайнамайды және тамақтың алдында аздаған мөлшердегі сумен ішеді Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар Осы препаратты қолдану бойынша сұрақтар туындаған жағдайда емдеуші дәрігерге жүгініңіз.

• Актовегин® препаратына және ұқсас препараттарға немесе қосымша заттарға аса жоғары сезімталдық. • фруктоза жақпаушылығы, глюкоза-галактоза мальабсорбциясы немесе сахараза-изомальтаза жеткіліксіздігі • 18 жасқа дейінгі балалар • фенилкетонуриясы бар пациенттерге

Сирек (пациенттердің 0,01%-дан астамында, бірақ 0,1%-дан азында кездеседі) • аллергиялық реакциялар (дәрілік қызба, шок симптомдары). • есекжем, кенеттен қызару. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Актовегин® препаратымен артық дозалану жағдайлары болған жоқ.

Белгілі әсері бар қосымша заттар Фенилаланин Бұл дәрілік препараттың құрамында фенилаланин бар. Фенилаланин фенилкетонуриямен (ФКУ) ауыратын пациенттер үшін зиянды болуы мүмкін. Натрий Бұл дәрілік препараттың құрамында натрий бар. Тұз (натрий) мөлшері аз диетаны ұстанатын пациенттер мұны есте ұстағандары жөн. Калий Бұл дәрілік препараттың құрамында калий бар. Бүйрек функциясы төмендеген пациенттер немесе калий мөлшерін бақылауда ұстайтын диетадағы пациенттер осыны естерінде ұстағандары жөн. Арнайы ескертулер Бала пациенттерде қолдану Қазіргі уақытта Актовегин® препаратын балаларда қолданылуы туралы деректер жоқ, сондықтан препаратты осы адамдар тобына қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Актовегин® препаратының көлік құралдарын басқару қабілетіне және механизмдермен жұмыс істеу қабілетіне әсері анықталмаған.

Актовегин® емдік пайдасы шаранаға немесе балаға ықтимал қауіптен асып кеткен жағдайда ғана қолдану керек.

Анықталмаған

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде 25 ºС-ден аспайтын температурада сақтау керек. Балалардың қолы жетпейтін жерде сақтау керек!