Алгис таблетки 5 мг

Бір таблетканың құрамында белсенді зат - дезлоратадин 5.000 мг, қосымша заттар: изомальт, желатинделген крахмал (жүгері), микрокристалды целлюлоза, магнийдің ауыр тотығы, гидроксипропилцеллюлоза, кросповидон (А түрі), магний стеараты, үлбірлі қабықтың құрамы опадрай II көк 85F30605: поливинил спирті, титанның қостотығы (Е 171), макрогол/PEG3350, тальк, FD&C көк#2/индигокармин алюминий лагы (E132). Сипаттамасы Дөңгелек пішінді, екі беті дөңес, көк түсті үлбірлі қабықпен қапталған таблеткалар.

- 18 жастан асқан адамдарда аллергиялық ринитпен байланысты симптомдарды жеңілдету - 18 жастан асқан адамдарда есекжеммен байланысты симптомдарды жеңілдету. Қолдану басталғанға дейін қажетті мәліметтер тізбесі

Әсер ету механизмі Дезлоратадин шеткері Н1-рецепторларға селективті бәсеңдету әсері бар ұзақ әсер ететін гистаминнің седативті емес антагонисі болып табылады. Пероральді қабылдағаннан кейін дезлоратадин орталық жүйке жүйесіне енбейтіндіктен, шеткері Н1-гистаминдік рецепторларды селективті бөгейді. Дезлоратадин аллергияға қарсы қасиеттерін көрсетті. Мұндай қасиеттерге мыналар жатады: адамның жуан жасушаларынан/базофилдерінен IL-4, IL-6, IL-8 және IL-13 қоса, қабынуға қарсы цитокиндердің босап шығуын тежеу; эндотелий жасушаларында Р-селектин молекулалары адгезиясының экспрессиясын тежеу. Мұндай әсерлердің клиникалық маңыздылығын растау қажет. Клиникалық тиімділігі мен қауіпсіздігі Дезлоратадиннің 20 мг қайталама дозаларын 14 күн бойы күнделікті қабылдайтын клиникалық зерттеулерде статистикалық немесе клиникалық маңызды жүрек-қантамыр әсері байқалған жоқ. Дезлоратадин дозасы күн сайын он күн бойы 45 мг болатын (клиникалық дозадан тоғыз есе көп) клиникаға дейінгі фармакологиялық зерттеуде QTc аралығының ұзаруы байқалмады. Кетоконазол мен эритромициннің бірнеше дозаларының өзара әрекеттесуі зерттеулерінде плазмадағы дезлоратадин концентрациясының клиникалық маңызды өзгерістері байқалған жоқ. Дезлоратадин орталық жүйке жүйесіне әлсіз өтеді. Бақыланатын клиникалық зерттеулерде ұсынылатын 5 мг күндізгі дозада плацебомен салыстырғанда ұйқышылдық жиілігінің жоғарылауы байқалған жоқ. Клиникалық зерттеулерде дезлоратадиннің 7,5 мг бір реттік тәуліктік дозасы психомоторлық функцияларға әсер етпеді. Дозаны бір рет қабылдаумен ересектерге жүргізілген зерттеуде дезлоратадиннің 5 мг дозасы субъективті ұйқышылдықтың өршуін немесе жүргізуге байланысты міндеттерді қамтитын жұмыстағы өнімділіктің стандартты көрсеткіштеріне әсер етпеді. Клиникалық фармакологиялық зерттеулерде алкогольмен бір мезгілде қолдану жұмыс қабілеттілігінің нашарлауына немесе ұйқышылдықтың жоғарылауына әкелмеген. Дезлоратадин мен плацебо топтары арасында психомоторлық сынақтардың нәтижелерінде бөлек немесе алкогольмен бірге айтарлықтай айырмашылықтар табылған жоқ. Дезлоратадин аллергиялық ринитпен ауыратын пациенттерде түшкіру, мұрыннан бөліністің ағуы және қышу, көздің қышуы, көзден жас ағу және қызару, сондай-ақ таңдайдың қышуы сияқты симптомдарды жеңілдетуде тиімді болды. Дезлоратадин симптомдарды 24 сағат бойы тиімді бақылайды.

Дозалау режимі Ересектерге: 1 таблеткадан (5 мг) тәулігіне 1 рет. Интермиттирлеуші аллергиялық ринит терапиясын (симптомдардың аптасына 4 күннен аз немесе 4 аптадан аз болуы) ауру анамнезін ескере отырып жүргізу, ал емдеуді симптомдар жоғалғаннан кейін тоқтату және олар қайта пайда болғаннан кейін қайта жалғастыру қажет. Тұрақты аллергиялық ринит кезінде (симптомдардың аптасына 4 және одан да көп күн немесе 4 аптадан астам болуы ) аллергенмен жанасудың барлық кезеңінде емдеуді жалғастыру қажет. Енгізу әдісі мен жолы Алгис тамақтануға байлныссыз, аз мөлшерде сумен ішіледі. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар Препаратты қолдану дәрігердің бақылауымен жүргізілуі керек.

• әсер етуші затқа немесе лоратадинге және қосымша заттардың кез келгеніне жоғары сезімталдық • тұқым қуалайтын фруктоза жақпаушылығы • 18 жасқа дейінгі балалар мен жасөспірімдер • жүктілік және лактация кезеңі.

Жиі • қатты қажу • ауыздың құрғауы • бас ауыруы Өте сирек • елестеулер • бас айналу, ұйқышылдық, ұйқысыздық, психомоторлық аса жоғары сезімталдық, құрысулар • тахикардия, жүректің соғуы • іштің ауыруы, жүрек айну, құсу, диспепсия, диарея • қан сарысуындағы билирубиннің, бауыр ферменттерінің, гепатиттің жоғарылауы • миалгия • аса жоғары сезімталдық реакциялары (анафилаксия, ангионевроздық ісіну, ентігу, терінің қышуы, бөртпе, есекжем). Белгісіз – тәбеттің артуы – қалыпсыз мінез-құлық, агрессия, депрессиялық жағдай – көздің құрғауы – QT аралығының ұзаруы – сарғаю – фотосезімталдық – астения – салмақтың артуы Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалау кезіндегі жағымсыз реакциялардың бейіні емдік дозаларды қолдану кезіндегі реакцияларға ұқсас, бірақ әсердің айқындылығы күшті болуы мүмкін. Симптомдары: жағымсыз реакциялар айқындылығының күшеюі. Емі– кейіннен белсендірілген көмірді қабылдай отырып, асқазанды шаю, қажет болған жағдайда – симптоматикалық ем. Гемодиализ тиімсіз. Перитонеальді диализдің тиімділігі анықталмаған.

Бүйректің ауыр жеткіліксіздігі бар пациенттерде сақтықпен қолдану керек. Дезлоратадинді қазіргі уақытта құрысулары бар немесе отбасылық анамнезінде құрысулары бар пациенттерде сақтықпен тағайындау керек. Жасы кіші балалар дезлоратадинмен емдеу кезінде құрысу ұстамаларының дамуына неғұрлым сезімтал болуы мүмкін. Дәрігер емдеу кезінде ұстамасы бар пациенттерде дезлоратадин қолдануды тоқтату қажеттілігі туралы мәселені қарауы тиіс. Арнайы ескертулер Жүктілік Жүкті әйелдерге қатысты қолда бар деректердің санының көпшілігі (жүктіліктің 1000-нан астам нәтижесі) дезлоратадин мальформациясының немесе фетальді/неонатальді уыттылығының жоқтығын көрсетеді. Сақтық шарасы ретінде жүктілік кезінде дезлоратадинді қолданудан аулақ болған жөн. Лактация кезеңі Дезлоратадин препаратпен ем қабылдаған әйелдер емшек сүтімен қоректендіретін жаңа туған нәрестелердің/сәбилердің ағзасында анықталды. Дезлоратадиннің жаңа туған нәрестелерге/сәбилерге әсері белгісіз. Бала емізуді тоқтату туралы немесе дезлоратадинмен тоқтата тұру туралы шешім бала үшін емшек емізудің пайдасы мен ана үшін емдеудің артықшылықтарын ескере отырып қабылдануы тиіс. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Автокөлікті басқару немесе басқа механизмдермен жұмыс істеу кезінде препараттың пациенттің реакция жылдамдығына әсері байқалмады (немесе елеусіз ғана байқалды). Алайда пациенттерге адамдардың көпшілігінде ұйқышылдық болмайтындығы туралы хабарлау керек; дегенмен, барлық дәрілік заттарға жеке реакциялардың әртүрлілігін ескере отырып, пациенттің осы препаратқа реакциясы анықталғанға дейінзейін қоюды талап ететін белсенділіктен (мысалы, автокөлікті немесе механизмдерді басқару) аулақ болу ұсынылады.

Нұсқаулықта көрсетілмеген.

Дезлоратадинді (таблетканы) эритромицинмен немесе кетоконазолмен бір мезгілде қолданғанда клиникалық маңызды өзара әрекеттесулер байқалған жоқ. Алкогольмен бір уақытта қабылданатын дезлоратадин таблеткалары алкогольдің теріс әсерін күшейтпеген. Алкоголь жақпаушылығы мен интоксикация жағдайлары туралы хабарланды. Сондықтан алкогольді бір уақытта қабылдаған кезде абай болу керек.

25 °C-ден аспайтын температурада ылғалдан қорғау үшін түпнұсқалық қаптамасында сақтау керек. Балалардың қолы жетпейтін жерде сақтау керек.