Алево таблетки 500 мг

Бір таблетканың құрамында белсенді зат – левофлоксацин гемигидраты 515.46 мг (500.00 мглевофлоксацинге баламалы) қосымша заттар: микрокристалды целлюлоза, крахмал,коллоидты кремнийдің қостотығы (Аэросил 200), тальк, магний стеараты, натрий кроскармелоза, кросповидон, үлбір қабық: instacoat Aqua-III IA-III-40521, гидроксипропилметилцеллюлоза 2910/ гипромеллоза 6сР, титанның қостотығы (Е 171), макрогол (PEG 400), темірдің (III) сары тотығы (Е 172), темірдің (III) қызыл тотығы (Е 172). Сыртқы түрінің, иісінің, дәмінің сипаттамасы Беткейі капсула тәріздес, екі беті дөңес, бір жағында сызығы бар, ашық шабдалы түсті, үлбірлі қабықпен қапталған таблеткалар.

Алево препараты ересек пациенттерде келесі инфекцияларды емдеу үшін қолданылады: - пиелонефрит және несеп шығару жолдарының асқынған инфекциялары - созылмалы бактериялық простатит - сібір ойық жарасының өкпелік түрі: жанасудан кейінгі профилактика және емдеу Жоғарыда аталған инфекциялар үшін, әдетте, осы инфекциялардың старттық емі ретінде ұсынылатын бактерияға қарсы дәрілер пайдаланудың мүмкін еместігі негізделген жағдайларда ғана Алево препаратын қолдану керек: - жедел бактериялық синусит - созылмалы бронхитті қоса, өкпенің созылмалы обструкциялық ауруының асқынуы - ауруханадан тыс пневмония - терінің және жұмсақ тіндердің асқынған инфекциялары - асқынбаған цистит Таблеткалардағы Алево препаратын сондай-ақ левофлоксацинді венаішілік енгізумен старттық ем жүргізгеннен кейін жақсаруы байқалған пациенттерде емдеу курсын аяқтау үшін қолдануға болады. Бактерияға қарсы дәрілерді тиісінше қолдануға қатысты ресми нұсқаулықтарды қадағалау қажет.

Жүйелі қолдануға арналған бактерияға қарсы препараттар. Микробқа қарсы препараттар - хинолон туындылары.Фторхинолондар. Левофлоксацин АТХкоды J01MA12 Левофлоксацин фторхинолондар класының бактерияға қарсы синтетикалық препараты, офлоксациннің рацемиялық белсенді затының S (-) энантиомері түрінде болады. Әсер ету механизмі Фторхинолондар тобының бактерияға қарсы дәрісі бола отырып, левофлоксацин ДНҚ-ДНҚ-гираза және топоизомераза IV кешеніне әсер етеді. ФК/ФД арақатынасы Левофлоксациннің бактерицидті белсенділік дәрежесі сарысудағы ең жоғары концентрациясының (Cmax) немесе фармакокинетикалық қисық астындағы ауданының (AUC) және ең төмен тежегіш концентрациясының (ЕТТК) арасындағы арақатынасқа тәуелді. Төзімділік механизмі Левофлоксацинге төзімділік II типті топоизомеразаларда, ДНҚ-гираза және IV топоизомеразада нысана-сайт мутациясы арқылы біртіндеп жүре пайда болады. Өткізгіштік бөгеттері (жиі Pseudomonas aeruginosa) және жасушадан заттардың ағып кетуі сияқты басқа да төзімділік механизмдері левофлоксацинге сезімталдыққа ықпал етуі де мүмкін. Левофлоксацин мен басқа да фторхинолондар арасында айқаспалы төзімділік байқалады. Әсер ету механизмінің ерекшеліктеріне орай, жалпы, левофлоксацин мен бактерияға қарсы препараттардың басқа кластары арасында айқаспалы төзімділік болмайды. Шектік мәндері Микробқа қарсы препараттарға сезімталдықты тестілеу жөніндегі Еуропалық комитет (EUCAST) ұсынған левофлоксацин үшін ЕТК шектік мәндері, сезімтал және сезімталдығы орташа микроорганизмдер, сондай-ақ орташа сезімтал және төзімді микроорганизмдер арасында айырма жүргізумен ЕТК тестілеуге (мг/л) арналған төмендегі кестеде берілген. Левофлоксацин үшін ЕТК клиникалық шектік мәндері (2.0, 01.01.2012 ж. нұсқасы): Патоген — Сезімталдығы — Төзімділігі Энтеробактериялар — ≤0.5 мг/л — >1 мг/л Pseudomonasspp. — ≤0.001 мг/л — >1 мг/л Acinetobacterspp. — ≤0.5 мг/л — >1 мг/л Staphylococcusaureus Staphylococcusкоагулаза теріс — ≤0.001 мг/л — >1 мг/л Enteroccus spp.1 — ≤4 мг/л — >4 мг/л S. pneumoniae — ≤0.001 мг/л — >2 мг/л Streptococcus A, B, C, G — ≤0.001 мг/л — >2 мг/л H. influenzae — ≤0.06 мг/л — >0.06 мг/л M. catarrhalis — ≤0.125 мг/л — >0.125 мг/л Helicobacter pylori — ≤1 мг/л — >1 мг/л Aerococcussanguinicola and urinae2 — ≤2 мг/л — >2 мг/л Aeromonas spp. — ≤0.5 мг/л — >1 мг/л Шектікмәндері) ПК-ПД (түрлеріне қатысты емес) — ≤0.5 мг/л — >1 мг/л 1. Тек асқынбаған несеп шығару жолдарының инфекциялары. 2. Сезімталдықты ципрофлоксацинге сезімталдық арқылы бағалауға болады. Кейбір түрлер үшін резистенттіліктің таралуы географиялық және уақыт өте келе өзгеруі мүмкін. Жергілікті резистенттіліктің таралуы туралы ақпараттың болуы пайдалы, әсіресе ауыр инфекцияларды емдеу үшін. Қажет болған жағдайда, негізінен жергілікті резистенттіліктің таралуына байланысты белгілі бір инфекциялар кезінде препараттың пайдалылығы күмән тудыруы мүмкін болса, маманның кеңесіне жүгінген жөн. Микроорганизмдердің әдеттегі сезімтал түрлері Аэробты грамоң бактериялар Bacillus anthracis Метициллинге сезімтал Staphylococcus aureus Staphylococcus saprophyticus Streptococci, C және G тобы Streptococcus agalactiae Streptococcus pneumoniae Streptococcus pyogenes Аэробтыграмтеріс бактериялар Eikenellacorrodens Haemophilus influenzae Haemophilus para-influenzae Klebsiella oxytoca Moraxella catarrhalis Pasteurella multocida Proteus vulgaris Providencia rettgeri Анаэробтыбактериялар Peptostreptococcus Басқалары Chlamydophila pneumoniae Chlamydophila psittaci Chlamydia trachomatis Legionella pneumophila Mycoplasma pneumoniae Mycoplasma hominis Ureaplasmaurealyticum Жүре пайда болған төзімділік қиындық тудыруы мүмкін түрлері Аэробты грамоң бактериялар Enterococcus faecalis Метициллинге төзімді # Staphylococcus aureus Коагулазаға теріс Staphylococcus spp Аэробты грамтеріс бактериялар Acinetobacter baumannii Citrobacter freundii Enterobacter aerogenes Enterobacter cloacae Escherichia coli Klebsiella pneumonia Morganella morganii Proteus mirabilis Providencia stuartii Pseudomonas aeruginosa Serratia marcescens Анаэробтыбактериялар Bacteroides fragilis Табиғи төзімділігі бар штаммдар Аэробты грамоң бактериялар Enterococcus faecium #Метициллинге төзімді S. aureus-тің,левофлоксацинді қоса, фторхинолондарға ко-төзімділігінің болу ықтималдығының үлесі үлкен.

Дозалау режимі Таблеткаларды тәулігіне 1 немесе 2 рет ішке қабылдайды. Дозалау инфекцияның типі мен ауырлығына, сондай-ақ болжамды қоздырғыштың сезімталдығына байланысты. Алево препараты келесі дозаларда қолдануға ұсынылады: Бүйрек функциясы қалыпты пациенттерде дозалануы (креатинин клиренсі > 50 мл/мин) Қолданылуы — Тәуліктік дозасы (аурудың ауырлығына қарай) — Ем ұзақтығы (аурудың ауырлығына қарай) Жедел бактериялық синусит — 500 мг тәулігіне 1 рет аз в сутки — 10 - 14 күн Созылмалы бронхитті қоса, өкпенің созылмалы обструкциялық ауруының асқынуы — 500 мг тәулігіне 1 рет — 7 - 10 күн Ауруханадан тыс пневмония — 500 мг тәулігіне 1 немесе 2 рет — 7 - 14 күн Жедел пиелонефрит — 500 мг тәулігіне 1 рет — 7 - 10 күн Несеп шығару жолдарының асқынған инфекциялары — 500 мг тәулігіне 1 рет — 7 - 14 күн Асқынбаған цистит — 250 мг тәулігіне 1 рет — 3 күн Созылмалы бактериялық простатит — 500 мг тәулігіне 1 рет — 28 күн Терінің және жұмсақ тіндердің асқынған инфекциялары — 500 мг тәулігіне 1 немесе 2 рет — 7 - 14 күн Сібір ойық жарасының өкпелік түрі — 500 мг тәулігіне 1 рет — 8 апта Пациенттердің ерекше топтары Балалар Алево препаратын балалар мен жасөспірімдерге қолдануға болмайды. Егде жастағы пациенттер Бүйрек функциясымен байланысты жағдайлардан бөлек, егде жастағы пациенттерде препарат дозасын түзету қажет емес. Бауыр жеткіліксіздігі бар пациенттер Препарат дозасын түзету талап етілмейді, себебі левофлоксацин бауырда елеусіз дәрежеде метаболизденеді және негізінен бүйрек арқылы шығарылады. Бүйрек жеткіліксіздігі бар пациенттер (креатинин клиренсі ≤ 50 мл/мин) Дозалау режимі 250 мг / 24 сағ — 500 мг / 24 сағ — 500 мг / 12 сағ Креатинин клиренсі — Бастапқы доза:250 мг — Бастапқы доза:500 мг — Бастапқы доза:500 мг 50-20 мл/мин — Содан кейін:125 мг/24 сағ. — Содан кейін:250 мг/24 сағ. — Содан кейін:250 мг/12 сағ. 19-10 мл/мин — Содан кейін:125 мг/48 сағ. — Содан кейін:125 мг/24 сағ. — Содан кейін:125 мг/12 сағ. <10 мл/мин (соның ішінде гемодиализ және ТАПД) 1 — Содан кейін:125 мг/48 сағ. — Содан кейін:125 мг/24 сағ. — Содан кейін:125 мг/24 сағ. 1 Гемодиализден немесе тұрақты амбулаторлық перитонеальді диализден (ТАПД) кейінпрепараттың қосымша дозаларын енгізу қажет емес. Енгізу әдісі және жолы Үлбірлі қабықпен қапталған таблеткаларды шайнамай және жеткілікті сұйықтық мөлшерімен ішіп, бүтіндей жұтқан жөн. Дозаларды таңдауда таблеткаларды бөлетін сызығы бойынша сындыруға болады.Препаратты ас ішу кезінде немесе тамақтанулар арасында қабылдауға болады. Алево таблеткаларын темір, мырыш тұздарын, құрамында магний немесе алюминий бар антацидті препараттарды немесе диданозин (құрамында алюминий және магний қосылыстары бар буферлік заттары бар диданозин дәрілік түрлерін ғана) қабылдаудан, сондай-ақ сукральфаттан кейін кемінде 2 сағат бұрын немесе одан кейін 2 сағаттан соң қабылдау керек, өйткені осы орайда препарат сіңуінің төмендеуін байқауға болады.

• левофлоксацинге немесе басқа хинолондарға, немесе препараттың кез келген қосымша заттарына аса жоғары сезімталдық • алдында хинолондарды қабылдау кезінде байқалған сіңірлер зақымданулары • эпилепсия • 18 жасқа дейінгі балалар және жасөспірімдер • жүктілік, лактация кезеңі

Жиі - ұйқысыздық* - бас ауыру*, жеңіл бас айналу* - флебит (тек вена ішіне енгізгеннен кейін)** - диарея, жүрек айну, құсу - бауыр ферменттері (АЛТ/АСТ, сілтілік фосфатаза, ГГТ) деңгейінің жоғарылауы - инъекция орнының жергілікті реакциялары (ауыру, қызаруы) (тек вена ішіне енгізгеннен кейін)* Жиі емес - зеңді инфекция, Candida инфекциясын қоса - патогенді микроорганизмдердің төзімділігінің дамуы - лейкопения, эозинофилия - анорексия, үрейлену*, сананың шатасуы*, күйгелектік* - ұйқышылдық*, тремор*, дисгевзия* - вертиго* - ентігу - іштің ауыруы, диспепсия, метеоризм, іш қату - қандағы билирубин деңгейінің жоғарылауы - бөртпеb, қышынуb, есекжемb, гипергидрозb - артралгия*, миалгия* - қандағы креатинин деңгейінің жоғарылауы - астения* Сирек - тромбоцитопения, нейтропения - ангионевроздық ісіну, аса жоғары сезімталдық - антидиурездік гормонның талапқа сай емес секрециясы синдромы (АГТСЕСС) - гипогликемия, әсіресе диабеті бар пациенттерде, гипогликемиялық кома - психоздық реакциялар (мысалы, елестеулермен, паранойямен)* - депрессия*, ажитация* - әдеттен тыс түстер көру*, қорқынышты түстер*, сандырақтау* - құрысулар*, парестезия*, жадының нашарлауы* - анық көрмеу сияқты көрудің бұзылуы* - тиннитус* - тахикардия**, жүректің жиі соғуы** - гипотензия** - эозинофилиямен және жүйелік көріністермен дәрілік бөртпе (DRESS) b, бекітілген токсидермияb - тендинитті қоса сіңір аурулары* (мысалы, ахилл сіңірі)* - миастения грависпен ауыратын пациенттерде ерекше маңызды болуы мүмкін бұлшықет әлсіздігі* - жедел бүйрек жеткіліксіздігі (мысалы, интерстициальді нефрит салдарынан) - пирексия* Белгісіз - сүйек кемігінің жеткіліксіздігі, оның ішінде апластикалық анемия, панцитопения, агранулоцитоз, гемолитикалық анемия - анафилаксиялық шок, анафилактоидтық шок(анафилаксиялық және анафилактоидтық реакциялар кейде тіпті препараттың бірінші дозасын енгізуден кейін туындауы мүмкін) - гипергликемия - мания, пациенттің өзіне қауіп төндіретін мінез-құлықпен психоздық бұзылыстар, суицидтік ойлауды немесе мінез-құлықпен қоса - миоклонус, шеткері сенсорлы нейропатия*, шеткері сенсомоторлы нейропатия*, аносмияны* қоса паросмия*, дискинезия*, экстрапирамидалық бұзылыс*, агевзия (дәм сезу жоғалуы)*, естен тану*, қатерсіз бассүйекішілік гипертензия* - уақытша көрмей қалу*, увеит* - естімей қалу*, естудің бұзылуы* - жүректің тоқтап қалуына әкелуі мүмкін қарыншалық тахикардия**, қарыншалық аритмия және "пируэт" типті қарыншалық тахикардия (негізінен QT аралығы ұзаруының қауіп факторлары бар пациенттерде байқалады), ЭКГ-да QT аралығының ұзаруы** - бронх түйілуі, аллергиялық пневмонит - геморрагиялық диарея, өте сирек жағдайларда жалған жарғақшалы колитті қоса, энтероколиттің бар екенін көрсетуі мүмкін, панкреатит - сарғаю және бауырдың ауыр зақымдануы, әсіресе, негізгі ауру ағымы ауыр пациенттерде өліммен аяқталатын жедел бауыр жеткіліксіздігі жағдайларын қоса, гепатит - терінің гиперпигментациясы, уытты эпидермалық некролизb, Стивенс-Джонсон синдромыb, полиморфты эритемаb, фотосезімталдық реакциясыb, лейкоцитокласты васкулитb, стоматитb - рабдомиолиз*, сіңірлердің (мысалы, ахилл сіңірі)*, байламдардың үзілуі*, бұлшықеттердің жыртылуы* - артрит - ауыру (арқаның, кеуденің және аяқ-қолдың ауыруын қоса)*. Фторхинолондарды қолданумен байланысты басқа да жағымсыз әсерлерге порфириясы бар пациенттерде порфирия ұстамалары жатады. b тері-шырышты реакциялар кейде препараттың бірінші дозасын қабылдағаннан кейін де пайда болуы мүмкін. * Хинолондар мен фторхинолондарды қолданумен байланысты кейбір жағдайларда ұзаққа созылатын (бірнеше айға немесе жылдарға дейін), ағзалар жүйесінің және сезім мүшелерінің әртүрлі, кейде бірнеше кластарына әсер ететін мүгедектікке әкелетін және әлеуетті қайтымсыз ауыр дәрілік реакциялар (тендинит, сіңірдің үзілуі, артралгия, аяқ-қолдың ауыруы, жүріс-тұрыстың бұзылуы, парестезиямен байланысты нейропатия, депрессия, шаршау, есте сақтау қабілетінің бұзылуы, ұйқының бұзылуы және есту, көру, дәм мен иіс сезудің бұзылуы сияқты реакцияларды қоса) өте сирек байқалады, олар бұрын болған қауіп факторларына қарамастан хинолондарды және фторхинолондарды қолданумен байланысты болды. ** Фторхинолондарды қабылдайтын пациенттерде кейде жыртылумен асқынған аневризма мен аорта қатпарлануы (соның ішінде өліммен аяқталған), сондай-ақ регургитация / жүрек клапандарының кез келгенінің жеткіліксіздігі жағдайлары тіркелген. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: препараттың аса жоғары емдік дозаларын қолданумен жүргізілетін клиникаға дейінгі уыттылығына зерттеулердің немесе клиникалық фармакология зерттеулерінің нәтижелеріне сай, Алево препаратымен жедел артық дозаланудан кейін пайда болуы күтілетін аса маңызды белгілерге сананың шатасуы, бас айналу, сананың бұзылуы және құрысулар, QT аралығының ұзаруы сияқты жүйке жүйесі тарапынан болатын симптомдар, сондай-ақ жүрек айну және шырышты қабығының эрозиясы сияқты асқазан-ішек жолының бұзылулары жатады. Постмаркетингтік кезеңде сананың шатасуы, құрысулар, миоклония, галлюцинация және треморды қоса алғанда, ОЖЖ тарапынан жағымсыз реакциялар байқалды. Емі: симптоматикалық ем жүргізген жөн. QT аралығының ұзару мүмкіндігіне орай, ЭКГ-мониторинг жасау қажет. Асқазанның шырышты қабығын қорғау үшін антацидті дәрілер қолдануға болады. Гемодиализ, перитонеальді диализ және ТАПД қоса, левофлоксацинді организмнен шығаруда тиімсіз. Спецификалық антидоты жоқ.

Бұрын хинолон немесе құрамында фторхинолон бар дәрілік заттарды қабылдаумен байланысты күрделі жағымсыз реакциялар болған пациенттерде левофлоксацин қолданудан аулақ болу керек. Мұндай пациенттерді левофлоксацинмен емдеуді емнің баламалы нұсқалары болмаған кезде және пайда/қауіп арақатынасын мұқият бағалағаннан кейін ғана бастау керек. • Егер сізде кенеттен еріксіз құрысулар, бұлшықеттердің тартылуы немесе бұлшықеттердің жиырылуы байқалса, дереу дәрігерге қаралыңыз, себебі бұл миоклонустың белгісі болуы мүмкін. Дәрігеріңіз левофлоксацинді тоқтатуы және тиісті емдеуді бастауы қажет болуы мүмкін. • Егер жүрек айну, жалпы әлсіздік, қатты жайсыздық немесе тұрақты ауырсыну, асқазан аймағында ауырсынудың күшеюі немесе құсу пайда болса, дереу дәрігерге қаралыңыз, себебі бұл ұйқы безінің қабынуының (жедел панкреатит) белгісі болуы мүмкін. • Егер сізде шаршау, терінің бозаруы, көгеру, бақылаусыз қан кету, қызба, тамақ ауруы немесе жалпы жағдайыңыздың күрт нашарлауы байқалса немесе инфекцияға төзімділігіңіз төмендегенін сезсеңіз, дереу дәрігерге қаралыңыз, себебі бұл қан ауруының белгісі болуы мүмкін. Дәрігеріңіз қан анализі арқылы қан көрсеткіштеріңізді бақылауы керек. Егер қан көрсеткіштеріңіз қалыптан тыс болса, дәрігеріңіз емдеуді тоқтатуы мүмкін. Арнайы ескертулер Резистенттілік қаупі Метициллинге төзімді S.aureus левофлоксацинді қоса, фторхинолондарға төзімді болуы ықтималдығы жоғары. Демек, левофлоксацинді метициллинге төзімді алтын түстес стафилококк туындатқан инфекцияларды емдеуде немесе зертханалық талдаулар микроорганизмнің левофлоксацинге сезімталдығын растаған жағдайлардан басқа кезде (сондай-ақ, егер метициллинге төзімді стафилококк туындатқан инфекцияларды емдеу кезінде әдетте тағайындалатын бактерияға қарсы дәрілерді қолдану орынсыз деп саналса), осындай болжамдар болса, қолдану ұсынылмайды. Левофлоксацинді жедел бактериялық синуситті және созылмалы бронхиттің өршуін емдеуде, егер маман осы инфекцияларға диагноз қойса, қолдануға болады. Несеп шығару жолдарының инфекциясын туындататын неғұрлым кең таралған патоген E. coli-дің фторхинолондарға төзімділігі Еуропалық Одақ елдерінде ауытқып отырады. Осы препараттарды тағайындау кезінде фторхинолондарға E. coli резистенттілігінің жергілікті таралуын ескеру ұсынылады. Сібір ойық жарасының өкпедегі түрі: адамда қолданылуы Bacillus anthracis-ге сезімталдығы жөнінде in vitro деректерге, және мөлшері шектеулі клиникалық деректермен қатар, клиникаға дейінгі зерттеулер деректеріне негізделген.Емдеуші дәрігерлер сібір ойық жарасын емдеуге қатысты ұлттық және/немесе халықаралық келісілген құжаттарға жүгінуі керек. Ұзақ, мүгедектікке ұшырататын және әлеуетті қайтымсыз күрделі жағымсыз реакциялар Хинолондар мен фторхинолондар қабылдаған пациенттерде, олардың жасына және бұрын болған қауіп факторларына қарамастан, әртүрлі, кейде көптеген организм жүйелеріне (тірек-қимыл аппараты, жүйке жүйесі, психика және сезім мүшелері тарапынан) әсер ететін ұзақ (бірнеше айға немесе жылға созылатын), мүгедектікке ұшырататын және әлеуетті қайтымсыз күрделі жағымсыз реакциялардың өте сирек жағдайлары туралы хабарланды. Левофлоксацин қолдануды кез келген күрделі жағымсыз реакцияның алғашқы белгілерінде немесе симптомдарында дереу тоқтату керек және пациенттерге кеңес алу үшін өзіңіздің дәрігеріңізге хабарласу ұсынылады. Тендинит және сіңірдің үзілуі Тендинит және сіңірдің үзілуі (әсіресе ахилл сіңірі, бірақ тек ол емес), кейбір жағдайларда екіжақты, хинолондармен немесе фторхинолондармен емдеуді бастағаннан кейін 48 сағат ішінде туындауы мүмкін, сондай-ақ емдеуді тоқтатқаннан кейін бірнеше ай ішінде осы патологиялардың туындау жағдайлары туралы хабарланды. Егде жастағы пациенттерде, бүйрек жеткіліксіздігі бар пациенттерде, тығыз ағзалар трансплантациясы бар пациенттерде, 1000 мг левофлоксациннің тәуліктік дозаларын қабылдайтын пациенттерде, сондай-ақ кортикостероидтарды бір мезгілде қабылдаған пациенттерде тендиниттің даму қаупі және сіңірлердің үзілуі артады. Сондықтан кортикостероидтар мен фторхинолондарды бір мезгілде қолданудан аулақ болу керек. Тендинит симптомдары туындағанда (мысалы, ауыртатын ісіну, қабыну кезінде) левофлоксацин қабылдауды тоқтатып, баламалы емдеу мүмкіндігін қарастыру керек.Зақымдалған аяқ-қолды тиісінше емдеуді бастау қажет (мысалы, иммобилизация). Тендинопатия белгілері пайда болған кезде кортикостероидтарды пайдалануға болмайды. Миоклонус Левофлоксацин қабылдап жүрген емделушілер демиоклония жағдайлары хабарланған (4.8 тараудықараңыз). Егер левофлоксациннің дозасы креатинин клиренсіне сәйкес түзетілмесе, егде жастағы емделушілерде және бүйрек қызметі бұзылған емделушілер демиоклонустың даму қаупіартады. Миоклонус алғаш рет пайда болған кезде левофлоксацинді дереу тоқтатып, тиісті емді бастау керек. Жедел панкреатит Қан аурулары Левофлоксацинмен емдеукезінде лейкопения, нейтропения, панцитопения, гемолитикалық анемия, тромбоцитопения, апластикалық анемия немесе агранулоцитозды қоса, сүйек кемігінің жеткіліксіздігі дамуы мүмкін («Арнайынұсқаулар» бөлімінқараңыз). Осы қан бұзылыстарының кез келгеніне күдік болса, қан көрсеткіштерін бақылау керек. Егер нәтижелер қалыпты диапазоннан ауытқыса, левофлоксацинмен емдеуді тоқтату мүмкіндігін қарастыру керек. Clostridium difficile тудырған диарея Левофлоксацинмен емдеу кезінде немесе одан кейін (емдеу аяқталғаннан кейін бірнеше аптаны қоса) диарея, әсіресе ауыр, тұрақты және/немесе қан қоспасы бар Clostridium difficile астасқан аурудың (CDAD) симптомы болуы мүмкін. CDAD ауырлығы жеңілден өмірге қауіп төндіретін ауыр түрге, мысалы, жалған жарғақшалы колитке дейін құбылуы мүмкін. Осылайша, егер пациенттерде левофлоксацин қолданумен емдеу кезінде немесе одан кейін ауыр диарея дамыса, осы диагнозды ескеру маңызды. Clostridium difficile астасқан ауруға күдік туындағанда немесе расталғанда левофлоксацин қолдануды дереу тоқтату және тиісті емді кідіріссіз бастау керек. Осы клиникалық жағдайда перистальтикаға қарсы препараттарды қолдануға болмайды. Құрысудың туындауына бейім пациенттер Хинолондар құрысу шегіне дайындықты төмендетуі және құрысуларға түрткі болуы мүмкін. Левофлоксацинді анамнезінде эпилепсиясыбар пациенттерге қолдануға болмайды, және басқа да хинолондар сияқты бұл препаратты эпилепсиялық құрысудың туындауына бейімділігі бар пациенттергенемесе белсенді заттары (мысалы, теофиллин) құрысуға дайындық шегін төмендететін дәрілік заттарды қолданып қатар ем жүргізгенде ерекше сақ болу керек. Конвульсиялық құрысулартуындаған жағдайда левофлоксацинді қолданумен жүргізілетін емді тоқтату керек. Глюкоза-6-фосфатдегидрогеназа жеткіліксіздігі бар пациенттер Глюкоза-6-фосфатдегидрогеназа белсенділігінің жасырын немесе айқын бұзылуы бар пациенттерде хинолонды бактерияға қарсы препараттармен ем жүргізгенде гемолиздік реакцияларға бейімділік байқалуы мүмкін. Осылайша, левофлоксацинді мұндай пациенттерде қолдану қажеттілігінде оларды гемолиздің туындауына бақылау керек. Бүйрек функциясы бұзылған пациенттер Левофлоксацин негізінен бүйрек арқылы экскрецияланатын болғандықтан, оның функциясы бұзылған пациенттерде Алево препаратының дозасын түзету керек. Аса жоғары сезімталдық реакциялары Левофлоксацин ауыр және потенциалды өмірге қауіп төндіретін өлімге әкеп соғатын аса жоғары сезімталдықреакцияларын (мысалы, анафилаксиялық шокқа дейін болатын ангионевроздық ісінуді) туындатуы мүмкін, ол кейде препараттың бірінші дозасын енгізгеннен кейін-ақ туындайды. Пациенттер емді дереу тоқтатуы тиіс және емдеуші дәрігермен немесе тиісті шұғыл көмек көрсету үшін жедел жәрдем дәрігерімен байланысуы керек. Терінің ауыр жағымсыз реакциялары Левофлоксацинді қолданғанда уытты эпидермальді некролизді (УЭН: Лайелл синдромы деп те аталады), Стивенс-Джонсон синдромын (СДС) және эозинофилиямен және жүйелі көріністермен дәрілік бөртпені (DRESS) қоса, терінің ауыр жағымсыз реакциялары туралы хабарланды, олар өмірге қауіп төндіруі немесе өлімге әкелуі мүмкін. Препаратты тағайындау кезінде пациенттер ауыр тері реакцияларының белгілері мен симптомдары туралы хабардар болуы және мұқият бақылауда болуы тиіс. Осы реакцияларды көрсететін белгілер мен симптомдар пайда болғанда левофлоксацин қабылдауды дереу тоқтатып, баламалы емдеу туралы мәселені қарау керек. Егер пациентте левофлоксацин қолданғанда СДС, УЭН немесе DRESS сияқты күрделі реакция дамыған болса, бұл пациентте левофлоксацинмен емдеуді ешқашан қайта бастауға болмайды. Дисгликемия Барлық хинолондарды қолданғандағыдай, пероральді гипогликемиялық препараттарды (мысалы, глибенкламид) немесе инсулинді қолданумен қатар ем алатын егде жастағы пациенттерде және диабетпен ауыратын пациенттерде жиі байқалған гипо-және гипергликемияны қоса, қандағы глюкоза деңгейінің бұзылуының туындауы туралы хабарланды. Гипогликемиялық кома жағдайлары туралы хабарланды. Қант диабетімен ауыратын пациенттерде қандағы глюкоза деңгейін мұқият бақылау ұсынылады. Егер пациентте қандағы глюкоза деңгейінің бұзылуы байқалса, Алево препаратымен емдеуді дереу тоқтату керек және фторхинолондық емес препараттармен балама бактерияға қарсы емді қарастыру керек. Фотосенсибилизация профилактикасы Левофлоксацинді қолданғанда фотосенсибилизацияның туындағаны жөнінде мәлімделді. Фотосенсибилизацияның дамуына жол бермеу үшін пациенттерге емделу кезінде және оны тоқтатқаннан кейін 48 сағат бойына, күшті күн сәулесінің немесе жасанды УК сәулелену (мысалы, УК шамы, солярий ) әсеріне жол бермеу ұсынылады. К дәрумені антагонистерімен ем алатын пациенттер Левофлоксацинді К дәрумені антагонистерімен біріктіріп (мысалы, варфарин) қабылдайтын пациенттерде коагуляциялық сынамалар көрсеткіштерінің (ПВ/ХҚҚ) ықтимал артуына және/немесе осы препараттарды бір мезгілде қабылдайтын пациенттерде қан кетудің туындауына байланысты коагуляциялық сынамалар көрсеткіштеріне мониторинг жүргізу қажет. Психоздық реакциялар Левофлоксацинді қоса, хинолондарды қабылдаған пациенттерде психоздық реакциялардың пайда болу жағдайлары туралы хабарланды. Өте сирек жағдайларда, кейде левофлоксацин дозасын бір рет қабылдағаннан кейін де, мұндай реакциялар пациенттің өзіне қауіп төндіретін суицидтік ойлар мен мінез-құлықтар пайда болғанға дейін өршіді. Осындай реакциялар пайда болған жағдайда левофлоксацинді қабылдауды дереу тоқтату керек және пациенттерге кеңес алу үшін осы препаратты тағайындаған дәрігермен байланысу ұсынылады. Фторхинолондар тобы емес препараттармен бактерияға қарсы басқа терапияны қарастыру және тиісті шаралар қабылдау қажет. Левофлоксацинді психозбен ауыратын науқастарда немесе анамнезінде психикалық аурулар болған кезде сақтықпен қолдану керек. QT аралығының ұзаруы Левофлоксацинді қоса, фторхинолондарды төмендегідей QT аралығының ұзару қаупінің белгілі бір факторлары бар пациенттерде сақтықпен қолданған жөн: - QT аралығы ұзаруының туа біткен синдромы - QT аралығы ұзаруын туындататын дәрілік заттарды (мысалы аритмияға қарсы, IA және III класқа жататын препараттар, трициклдік антидепрессанттар, макролидтер, нейролептиктер) қатар қолдану - электролиттер теңгерімінің түзетілмеген бұзылулары (мысалы, гипокалиемия, гипомагниемия) - жүрек аурулары (мысалы, жүрек функциясының жеткіліксіздігі, миокард инфарктісі, брадикардия). Егде жастағы пациенттер және әйелдер QTс аралығы ұзаруын туындататын препараттарға сезімталдау болуы мүмкін (QT түзетілген). Левофлоксацинді қоса, фторхинолондарды осындай пациенттерде сақтықпен қолдану керек. Шеткері нейропатия Хинолондар мен фторхинолондар қабылдаған пациенттерде парестезияға, гипестезияға, дизестезияға немесе әлсіздікке әкелетін сенсорлық немесе сенсомоторлы полинейропатия жағдайлары хабарланды. Левофлоксацинмен емдеу курсынан өтіп жүрген пациенттерге емдеуді жалғастырар алдында, ауыру, күйдіру, шаншу, ұю немесе әлсіздік сияқты нейропатия симптомдары пайда болғаны туралы қайтымсыз бұзылулардың дамуын болдырмау мақсатында өз дәрігеріне хабарлау ұсынылады. Бауыр және өт шығару жолдары тарапынан бұзылулар Ауыр негізгі/қатар жүретін ауруы бар, мысалы сепсис сияқты, пациенттерде левофлоксацинді қолданғанда өліммен аяқталатын бауыр функциясының жеткіліксіздігіне дейін болатын бауыр некрозы жағдайлары жөнінде мәлімделді. Пациенттерге анорексия, сарғаю, несеп күңгірттенуі, қышыну және іштің ауыруы сияқты бауыр ауруларының симптомдары мен белгілері пайда болғанда емдеуді тоқтатып және емдеуші дәрігермен кеңесу ұсынылады. Миастения гравистің асқынуы Левофлоксацинді қоса, фторхинолондар нейробұлшықет блокадасын қоздыруы және миастения гравистан зардап шегетін пациенттерде бұлшықет әлсіздігін күшейтуі мүмкін. Постмаркетингтік бақылау кезеңінде туындаған өлім жағдайлары мен өкпені қосымша жасанды желдету қажеттілігін қоса, күрделі жағымсыз реакциялар миастения гравистан зардап шегетін пациенттерде фторхинолондарды қолданумен байланысты болды. Сондықтан миастения гравистен зардап шегетін пациенттер үшін левофлоксацин қолдану ұсынылмайды. Көру қабілетінің бұзылуы Көру қабілеті бұзылған кезде немесе көзге әсер ететін басқа да факторлар пайда болғанда, дереу офтальмологқа қаралу керек. Суперинфекция Левофлоксацинді ұзақ уақыт қолдану сезімтал емес микроорганизмдердің шамадан тыс өсуіне әкелуі мүмкін. Суперинфекция пайда болған кезде тиісті шаралар қабылдау керек. Зертханалық зерттеулер нәтижелеріне әсері Левофлоксацинді қолданумен ем қабылдайтын пациенттерде несептегі апиындарды анықтауға талдау жалған оң нәтижелер беруі мүмкін. Апиындардың болуына талдау нәтижелерін неғұрлым нақты әдісті қолдана отырып растау қажет болуы мүмкін. Левофлоксацин Mycobacterium tuberculosis өсуін тежеуі мүмкін, демек, туберкулездің бактериологиялық диагностикасының жалған теріс нәтижелерінің себебі болуы мүмкін. Аорта аневризмасы және диссекциясы, сондай-ақ жүрек қақпақшаларының регургитациясы/жеткіліксіздігі Эпидемиологиялық зерттеулерде, әсіресе егде жастағы пациенттерде аневризманың және аорта қатпарлануының, сондай-ақ фторхинолондарды қабылдағаннан кейін аорта және митральды клапандардың регургитациясы қаупінің жоғарылауы туралы хабарланды. Фторхинолондарды қабылдау кезінде, аневризма және аорта қатпарлануының кейде жыртылуымен асқынған (оның ішінде өліммен аяқталатын), сондай-ақ жүрек клапандарының кез келген регургитациясы / жеткіліксіздігі жағдайлары тіркелген. Демек, фторхинолондарды жүрек клапандарының аневризмасына немесе туа біткен ақауына қатысты ауыр отбасылық анамнезі бар пациенттерде, аневризмасы және / немесе аортаның қатпарлануы немесе анамнезінде жүрек клапандарының жеткіліксіздігі бар пациенттерде, сондай-ақ басқа қауіп факторлары немесе осыған бейім жай-күйі болған кезде тек пайда мен қауіп арақатынасын мұқият бағалағаннан кейін және басқа емдік мүмкіндіктерді қарастырғаннан кейін ғана пайдалану керек: - аневризмасы және аортаның қатпарлануы кезіндегі жағдайдада, сондай-ақ регургитация / жүрек клапандарының жеткіліксіздігі кезінде (мысалы, Марфан синдромы немесе Элерс-Данлос синдромы, Тернер синдромы, Бехчет ауруы, гипертензия, ревматоидты артрит сияқты дәнекер тіндер тарапынан бұзылыстар) - аорта аневризмасы мен қатпарлану (мысалы, Такаясу артериті немесе алып жасушалы артерит сияқты тамыр аурулары немесе белгілі атеросклероз немесе Шегрен синдромы) - регургитация / жүрек клапандарының жеткіліксіздігі (мысалы, инфекциялық эндокардит). Жүйелі кортикостероидтармен бір мезгілде ем қабылдайтын пациенттерде де аневризма және аортаның қатпарлану, сондай-ақ жыртылу қаупі артуы мүмкін. Іште, кеудеде немесе арқада күтпеген ауыру пайда болған жағдайда пациент дереу жедел жәрдем дәрігеріне жүгінуі керек. Пациенттерде қатты ентігу, алғаш рет жүрек соғысының жиілеуі туындаған жағдайда, сондай-ақ құрсақ қуысының немесе аяқ-қолдардың ісінуі дамыған жағдайда дереу медициналық көмекке жүгіну ұсынылады. Натрий Препараттың құрамында бір таблеткада 1 ммоль (23 мг) аз натрий бар, іс жүзінде натрий жоқ. Жедел панкреатит Левофлоксацин қабылдаған пациенттерде жедел панкреатит пайда болуы мүмкін. Пациенттерді жедел панкреатитке тән белгілер туралы хабардар ету керек. Жүрек айнуы, әлсіздік, іштің жайсыздығы, құсу немесе іштің қатты ауыруы бар пациенттер дереу дәрігерге қаралуы керек. Жедел панкреатитке күдік туындаған жағдайда левофлоксацинді қабылдауды тоқтату керек, расталған жағдайда левофлоксацинді қайта бастауға болмайды. Анамнезінде панкреатиті бар пациенттерге сақтық танытқан жөн.

Жүктілік Жүкті әйелдерде левофлоксацин қолдану жөніндегі деректер саны шектеулі. Ұрпақ өрбітуге уыттылығы тұрғысынан тікелей немесе жанама зиянды әсерлері анықталмаған. Алайда клиникалық деректердің болмауына, сондай-ақ тәжірибелік деректерде өсімтал организмде салмақ жүктемесін көтеретін сіңірлердің фторхинолондармен зақымдану қаупінің расталуына орай, жүкті әйелдерде левофлоксацин қолдануға болмайды. Лактация кезеңі Алево препаратын бала емізу кезеңіндегі әйелдерге қолдануға болмайды. Қазіргі таңда левофлоксациннің емшек сүтімен бөлінуіне қатысты ақпарат жеткіліксіз; алайда басқа фторхинолондардың емшек сүтімен бөлініп шығатыны белгілі. Клиникалық деректердің болмауына, тәжірибелік деректерде өсімтал организмде салмақ жүктемесін көтеретін сіңірлердің фторхинолондармен зақымдану қаупінің расталуына орай, бала емізу кезеңінде әйелдерге левофлоксацин қолдануға болмайды. Фертильділігі Левофлоксацин фертильділіктің немесе ұрпақ өрбіту функциясының бұзылуын туындатпайды. Көлік құралын немесе қауіптілігі зор механизмдерді басқару қабілетіне әсер ету ерекшеліктері Кейбір жағымсыз әсерлер (мысалы, бас айналу/вертиго, ұйқышылдық, көрудің нашарлауы) пациенттің зейін қою қабілетін нашарлатып және реакциясын төмендетіп, соған сәйкес, бұл сапалар (автокөлікті басқару немесе жабдықпен жұмыс істеу) аса маңызды болатын жағдайларда қауіп төндіруі мүмкін.

Темір, мырыш тұздары, құрамында магний немесе алюминий бар антацидті препараттар, диданозин Таблеткалардағы Алево препаратымен темір, мырыш тұздарын, құрамында магний немесе алюминий бар антацидті препараттарды немесе диданозинді (құрамында алюминий немесе магний бар буферлік заттары болатын диданозин түрлерін ғана) бір мезгілде қолданған кезде левофлоксацин сіңуі едәуір төмендейді. Фторхинолондарды және құрамында мырыш бар полидәруменді препараттарды бір мезгілде қолдану пероральді қабылдағанда олардың сіңуін төмендетеді. Таблеткалардағы Алево препаратын қабылдаудан 2 сағат бұрын немесе одан кейін 2 сағаттан соң темір, мырыш тұздары, құрамында магний немесе алюминий бар антацидті препараттар немесе диданозин (құрамында алюминий немесе магний бар буферлік заттары болатын дәрілік түрлерін ғана) сияқты екі немесе үш валентті катионы бар препараттарды қабылдауға кеңес берілмейді. Сукральфат Таблеткалардағы Левофлоксацинпрепаратының биожетімділігі оны сукральфатпен бір мезгілде қолданғанда едәуір төмендейді. Сукральфатты таблеткалардағы Левофлоксацин препаратын қабылдағаннан кейін 2 сағаттан соң қабылдаған дұрыс. Теофиллин, фенбуфен немесе осыған ұқсас қабынуға қарсы стероидты емес препараттар Хинолондар мен теофиллинді, қабынуға қарсы стероидты емес препараттарды немесе құрысуға дайындық шегін төмендететін басқа да дәрілік заттарды бір мезгілде қолданғанда эпилепсияға дайындық шегінің едәуір төмендеуін байқауға болады. Фенбуфен болғанда левофлоксацин концентрациясы тек левофлоксацинді қабылдау кезіндегіден шамамен 13% жоғары болды. Пробенецид және циметидин Пробенецид жәнециметидин левофлоксациннің шығарылуына статистикалық тұрғыдан елеулі әсерін тигізді. Левофлоксациннің бүйректік клиренсі циметидин (24%) және пробенецид (34%) препараттарын қолданғанда төмендеген. Бұл екі дәрілік препараттың да левофлоксациннің өзекшелік секрециясын бөгеу қабілетімен түсіндіріледі. Левофлоксацинді пробенецид және циметидин сияқты өзекшелік секрецияға ықпалын тигізетін препараттармен бірге, әсіресе, бүйрек функциясы бұзылуымен пациенттерде сақтықпен қолдану керек. Басқа маңызды ақпарат Клиникалық фармакология зерттеулері аталған препаратты келесі: кальций карбонаты, дигоксин, глибенкламид, ранитидин сияқты дәрілік заттармен бірге қолданудың левофлоксацин фармакокинетикасына ешқандай клиникалық мәнді әсер етпейтінін көрсетті. Циклоспорин Циклоспориннің жартылай шығарылу кезеңі левофлоксацинмен бірге қолданғанда 33% ұзарған. K дәрумені антагонистері Левофлоксацин мен K дәрумені антагонисінің (мысалы, варфарин) біріктірілімі қолданылатын емнен өтетін пациенттерде коагуляциялық сынамалар көрсеткіштері жоғарылаған (ПУ/ХҚҚ) және/немесе ауыр болуы мүмкін қан кету туындаған жағдайлар хабарланды. Осылайша, K дәрумені антагонистері қолданылатын емнен өтетін пациенттерде коагуляциялық сынамалар нәтижелеріне мониторинг жасау қажет. QT аралығының ұзаруын туындататын дәрілік заттар Левофлоксацинді, басқа да фторхинолондар сияқты, QT аралығының ұзаруын туындататын препараттар (мысалы, аритмияға қарсы IA және III класс препараттары, трициклді антидепрессанттар, макролидтер, нейролептиктер) қабылдайтын пациенттерде абайлап қолдану керек Тағам Тағаммен клиникалық мәнді өзара әрекеттесуі білінбеген. Осылайша, таблеткалардағы Алево препаратын ас ішуге байланыссыз қабылдауға болады.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары Құрғақ, жарықтан қорғалған жерде, 25°C-ден аспайтын температурада сақтау керек. Балалардың қолы жетпейтін жерде сақтау керек!