АЛЗАНСЕР® таблетки 5 мг

Бір таблетканың құрамында белсенді зат – 5 мг және 10 мг донепезил гидрохлориді (сәйкесінше 4,56 мг немесе 9,12 мг донепезилге баламалы), қосымша зат – лактоза моногидраты, жүгері крахмалы, Фаст Фло Лактоза (Құрғақ спрей 250), гидроксипропилцеллюлоза (Kлуцел LF), микрокристалды целлюлоза РН 102, магний стеараты, Opadry White YS-1-7003 қабығының құрамы: титанның қостотығы (Е 171), гидроксипропилметилцеллюлоза 3 сР (Methocel E6-LV), гидроксипропилметилцеллюлоза 6 сР (Methocel E6-LV), полиэтиленгликоль (PEG 400), полисорбат 80. Сыртқы түрінің, иісінің, дәмінің сипаттамасы Сопақша пішінді, екі беті дөңес және бір жағында сызығы бар, ақ түсті үлбірлі қабықпен қапталған таблеткалар (5 мг дозасы үшін). Дөңгелек пішінді, екі беті дөңес және бір жағында сызығы бар, ақ түсті үлбірлі қабықпен қапталған таблеткалар (10 мг дозасы үшін).

- ауырлығы жеңіл және орташа дәрежелі Альцгеймер ауруын симптоматикалық емдеу

Әсер ету механизмі Донепезил гидрохлориді – мида басым болатын холинэстераза ацетилхолинэстеразаның спецификалық және қайтымды тежегіші. Донепезил гидрохлориді, негізінен орталық жүйке жүйесінен тыс кездесетін фермент бутирилхолинэстеразаға қарағанда, in vitro бұл ферменттің 1000 еседен артық күштірек тежегіші. Альцгеймер деменциясы Клиникалық сынақтарға қатысқан Альцгеймер деменциясы бар пациентерде донепезил гидрохлоридінің бір реттік тәуліктік 5 мг немесе 10 мг дозаларын енгізу ацетилхолинэстераза белсенділігінің (эритроциттер жарғақшаларында өлшенген) дозасын енгізгеннен кейін өлшеген кезде сәйкесінше 63,6% және 77,3%-ға тұрақты тежелуіне алып келген. Донепезил гидрохлоридінің эритроциттердегі ацетилхолинэстеразаны (AChE) тежеуі сананың жекелеген аспектілерін зерттейтін шкалаға сезімтал ADAS-cog өзгерістерімен өзара байланысты екендігі көрсетілді. Донепезил гидрохлоридінің негізгі невропатология ағымын өзгерту ықтималдылығы зерттелмеген. Сол себепті, донепезил аурудың дамуына қандай-да бір жолмен әсер етеді деп есептеуге болмайды. Фармакодинамикалық әсерлері Альцгеймер деменциясын донепезилдің көмегімен емдеудің тиімділігі төрт плацебо-бақыланатын сынақта, 6 айға созылған 2 сынақта және 1 жылға созылған 2 сынақта зерттелді. Клиникалық тиімділігі және қауіпсіздігі 6 айлық клиникалық сынақта донепезилмен емдеу аяқталған кезде іріктірілімін тиімділіктің үш критерийін пайдаланып талдау жүргізілді: ADAS-Cog (когнитивтік қызмет көрсеткіші), қамқоршының қатысуымен жүргізілген сұхбатқа негізделген, клиникалық өзгерістерден алған әсер (жаһандық функция көрсеткіші) және күнделікті тіршіліктің қосалқы шкалалары - клиникалық деменцияны бағалау шкаласы (қоғамдық істерге, үйдегі қабілеттілік, хобби және жеке бас гигиенасы шаралары). Төменде атап келтірілген критерийлерге сәйкес келген пациенттер емдеуге жауап бергендер болып есептелді. Жауап — ADAS-Cog жақсаруы 4 балдан кем емес CIBIC + нашарлауы жоқ Күнделікті тіршілік белсенділігі нашарлауының болмауы, клиникалық деменцияны бағалау шкаласы Қатысқан пациенттердің %-ы Емдеу қабылдап жатқан пациенттер n= 365 — Емдеуді бағалаған пациенттер n = 352 Плацебо тобы — 10% — 10% Донепезил гидрохлориді тобы, 5 мг таблеткалар — 18%* — 18%* Донепезил гидрохлориді тобы, 10 мг таблеткалар — 21%* — 22%** * Р <0,05 ** р <0,01 Донепезил емге жауап берген пациенттер пайызының статистикалық тұрғыдан маңызды, дозаға тәуелді жоғарылауын туғызған.

Дозалау режимі Емдеуді күніне 5 мг-ден бастайды (күніне бір рет қабылдайды). Емге ең алғашқы клиникалық реакцияларды бағалауға мүмкіндік болуы және донепезил гидрохлоридінің тұрақты концентрацияларына қол жеткізу үшін, күніне 5 мг дозасын кемінде бір ай бойы ұстау керек. Күніне 5 мг дозасында бір айлық клиникалық бағалаудан кейін АЛЗАНСЕР® препаратының дозасын күніне 10 мг дейін арттыруға болады (күніне бір рет қабылдайды). Ұсынылатын ең жоғарғы тәуліктік дозасы - 10 мг. Күніне 10 мг асатын дозалары клиникалық сынақтарда зерттелмеген. Емдеуді Альцгеймер деменциясы диагностикасы мен емдеуде тәжірибесі бар дәрігер бастауы және бақылап отыруы тиіс. Диагнозды қолданыстағы нұсқауларға (мысалы, DSM IV, ICD 10) сәйкес қою керек. Донепезилмен емдеуді тек, пациенттің дәрілерді қабылдауын жүйелі түрде бақылап отыратын, күтім жасайтын адам бар болған жағдайда ғана бастау керек. Демеуші емін пациент үшін емдік әсері сақталып тұрған кезге дейін жалғастыра беруге болады. Осылайша, донепезилдің клиникалық пайдасын жүйелі түрде бағалап отыру керек. Емдік әсерінің ары қарайғы дәлелдері болмаған жағдайда, қабылдауды тоқтату туралы мәселені қарастыру керек. Донепезилге жекелей жауапты болжап білу мүмкін емес. Емдеуді тоқтатқаннан кейін АЛЗАНСЕР® препаратының оң әсерлерінің біртіндеп әлсірегені байқалады. Пациенттердің ерекше топтары Балалар АЛЗАНСЕР® препаратын балалар мен 18 жасқа дейінгі жасөспірімдерге қолдану ұсынылмайды. Бауыр жеткіліксіздігі бар пациенттер Бауыр жеткіліксіздігі жеңіл және орташа деңгейдегі пациенттерге жоғары әсер ету ықтималдығына байланысты дозаны жеке көтерімділігін ескере отырып арттыру керек. Бауырдың ауыр жеткіліксіздігі бар пациенттерді емдеу туралы деректер жоқ. Бүйрек жеткіліксіздігі бар пациенттер Бүйрек жеткіліксіздігі бар пациенттерде де осы сияқты дозалау режимін қолдануға болады, өйткені бұл жағдай донепезил гидрохлоридінің клиренсіне әсер етпейді. Енгізу әдісі мен жолы АЛЗАНСЕР® препаратын кешке, тікелей ұйықтар алдында ішке қабылдау керек. Әдеттен тыс түс көру, шым-шытырық түстер көру немесе ұйқысыздықты қоса, ұйқының бұзылулары болған жағдайда, АЛЗАНСЕР® препаратын таңертең қабылдау мүмкіндігін қарастыруға болады.

• донепезил гидрохлоридіне, пиперидин туындыларына немесе қосымша заттардың кез келгеніне жоғары сезімталдық.

Өте жиі: - диарея, жүрек айнуы - бас ауыруы Жиі: - суық тию - анорексия - елестеулер, қозу, озбыр мінез-құлық, әдеттен тыс тыс түстер көру мен қорқыныштар - естен тану, бас айналуы, ұйқысыздық - құсу, асқазандағы жайсыздық - бөртпе, қышыну - бұлшықет түйілулері - несепті ұстай алмау - қажу, ауыру - жазатайым жағдайлар, құлауды қоса Жиі емес: - құрысулар - брадикардия - асқазан-ішектен қан кету, асқазан мен он екі елі ішектің ойық жаралары, сілекей гиперсекрециясы - қан сарысуындағы бұлшықет креатинкиназасы концентрациясының болар-болмас жоғарылауы Сирек: - экстрапирамидалық симптомдар - сино-жүрек алды блокадасы, атриовентрикулярлық блокада - гепатитті қоса, бауыр функциясының бұзылуы Өте сирек: - қатерлі нейролептикалық синдром - рабдомиолиз Жиілігі белгісіз: - либидоның артуы, гиперсексуалдық - плеврототонус (Пиза синдромы) - полиморфты қарыншалық тахикардия, "пируэт" типті қарыншалық тахикардияны қоса, электрокардиограммада (ЭКГ) QT аралығының ұзаруы Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті "Дәрілік заттарды және медициналық бұйымдарды сараптау ұлттық орталығы" ШЖҚ РМК http://www.ndda.kz

Холинэстераза тежегіштерімен артық дозалану қатты жүрек айнуымен, құсумен, сілекей бөлінуімен, терлеумен, брадикардиямен, гипотониямен, тыныстың тарылуымен, коллапспен және құрысулармен сипатталатын холинергиялық кризге әкеп соқтыруы мүмкін. Бұлшықет әлсіздігі үдей түсуі, егер ол тыныс алу бұлшықеттерін қамтыса, өлімге әкеп соқтыруы мүмкін. Кез келген артық дозалану жағдайындағы сияқты, жалпы демеуші шараларды пайдалану керек. АЛЗАНСЕР® препаратымен артық дозаланған кезде, атропин сияқты үшіншілік холинолитиктерді у қайтарғы ретінде пайдалануға болады. Әсеріне қол жеткізгенге дейін титрленетін атропин сульфатын вена ішіне енгізу ұсынылады: бастапқы дозасы 1,0-ден 2,0 мг дейін вена ішіне, ары қарайғы дозалары клиникалық жауапқа тәуелді. Басқа холиномиметиктермен және гликопирролат сияқты төртіншілік холинолитиктермен бір мезгілде қолданғанда қан қысымына және жүректің жиырылу жиілігіне әдеттен тыс реакциялар туралы хабарланған. Донепезил гидрохлоридін және / немесе оның метаболиттерін диализдің (гемодиализ, перитонеальді диализ немесе гемофильтрацияның) көмегімен шығаруға болатын-болмайтындығы белгісіз.

Альцгеймер ауыр деменциясы, деменцияның басқа типтері немесе жады бұзылуларының басқа типтері (мысалы, жас шамасына байланысты когнитивтік төмендеу) бар пациенттерде донепезилдің қолданылуы зерттелмеген. Анестезия Донепезил, холинэстераза тежегіші ретінде, анестезия кезінде сукцинилхолиндік типті бұлшықеттердің босаңсуын күшейтуі мүмкін. Жүрек-қантамыр аурулары Өзінің фармакологиялық әсеріне байланысты, холинэстераза тежегіштері жүректің жиырылу жиілігіне ваготониялық әсер беруі (мысалы, брадикардия) мүмкін. Бұл әсерінің ықтималдылығы әсіресе, «синустық түйін әлсіздігі синдромы» немесе синоатриальді немесе атриовентрикулярлық блокада сияқты қарыншаүстілік жүрек өткізгіштігінің басқа бұзылулары, пациенттер үшін маңызды болуы мүмкін. Естен танулар мен құрысулар туралы хабарламалар келіп түсті. Ондай пациенттерді тексергенде жүрек блокадасы немесе ұзаққа созылатын синустық үзілістер мүмкіндігін ескеру керек. QTc аралығының ұзаруы және "пируэт" типті полиморфты қарыншалық тахикардия туралы постмаркетингтік хабарламалар алынды. Бұрын анықталған QTc аралығының ұзаруы бар немесе осы бұзылыс отбасылық анамнезінде бар пациенттерде; QTc аралығына әсер ететін препараттарды қабылдаған пациенттерде, бұрын анықталған жүрек аурулары (мысалы, компенсацияланбаған жүрек жеткіліксіздігі, жақында болған миокард инфарктісі, брадиаритмия) немесе электролиттік теңгерімнің бұзылыстары (гипокалиемия, гипомагниемия) бар пациенттерде препаратты қолданған кезде сақтық таныту ұсынылады. Клиникалық бақылау (ЭКГ) қажет болуы мүмкін. Асқазан-ішек аурулары Ойық жаралардың даму қаупі жоғары пациенттер, мысалы, анамнезінде ойық жара ауруы болған немесе қабынуға қарсы стероидты емес препараттарды (ҚҚСП) бір мезгілде қабылдап жүрген пациенттерде симптомдары қадағаланып отыруы тиіс. Алайда, донепезилдің клиникалық зерттеулері плацебомен салыстырғанда, ойық жара ауруы немесе асқазан-ішектен қан кетулер жағдайларының артқанын көрсетпеді. Несеп-жыныс жүйесінің бұзылуы Холиномиметиктер донепезилдің клиникалық сынақтарында қадағаланбаса да, олар қуықтың ағып шығу жолының обструкциясын туғызуы мүмкін. Неврологиялық жағдайлар Құрысулар: холиномиметиктер жайылған құрысуларды туғызуы мүмкін деп есептеледі. Алайда, құрысу белсенділігі де Альцгеймер ауруының көрінісі болуы мүмкін. Холиномиметиктер экстрапирамидалық симптомдарды күшейтуі немесе туғызуы мүмкін. Қатерлі нейролептикалық синдром (ҚНС) Гипертермиямен, бұлшықеттердің сіресуімен, вегетативтік тұрақсыздықпен, сананың өзгеруімен және сарысудағы креатинфосфокиназа деңгейінің жоғрылауымен сипатталатын, өмірге қауіп төндіруі ықтимал жағдай ҚНС, донепезилмен біріккенде, әсіресе, антипсихотиктерді де қатарлас қабылдап жүрген пациенттерде сирек туындайтыны хабарланған. Қосымша белгілеріне миоглобинурияны (рабдомиолиз) және бүйректің жедел жеткіліксіздігін жатқызуға болады. Егер пациентте ҚНС білдіретін белгілер мен симптомдар пайда болса, немесе онда ҚНС қосымша клиникалық көріністерінсіз, температураның түсініксіз жоғарылауы пайда болса, емдеуді тоқтату керек. Өкпе аурулары Холиномиметиктік әсеріне байланысты, холинэстераза тежегішінің әсерлерін, анамнезінде демікпе немесе өкпенің обструкциялық ауруы болған пациенттерге сақтықпен тағайындау керек. АЛЗАНСЕР® препаратын ацетилхолинэстеразаның басқа тежегіштерімен, холинергиялық жүйенің агонистерімен немесе антагонистерімен бір мезгілде қабылдамау керек. Бауырдың ауыр жеткіліксіздігі Бауырдың ауыр жеткіліксіздігі бар пациенттер туралы деректер жоқ. Толтырғыштар Бұл дәрілік препараттың құрамында лактоза бар. Галактоза жақпаушылығының сирек тұқым қуалайтын қиындықтары, Лапп лактаза ферменті тапшылығы немесе глюкоза-галактоза мальабсорбциясы бар пациенттер бұл дәріні қабылдамауы керек. Арнайы сақтандырулар Жүктілік Донепезилдің жүкті әйелдерде қолданылуы жөнінде талапқа сай деректер жоқ. Егер айқын қажеттілігі болмаса, АЛЗАНСЕР® препаратын жүктілік кезінде пайдаланбаған дұрыс. Бала емізу АЛЗАНСЕР® препаратын бала емізу кезінде қабылдауға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Донепезил автомобиль және машиналарды басқару қабілетіне болар-болмас немесе орташа әсер етеді. Деменция басқаруға қабілеттіліктің нашарлауына немесе механизмдерді пайдалануға қабілеттіктің төмендеуіне әкеп соқтыруы мүмкін. Бұдан өзге, донепезил негізінен тағайындалған немесе дозасын арттырған кезде қажуды, бас айналуын және бұлшықет құрысуларын туғызуы мүмкін. Емдеуші дәрігер донепезилді қабылдап жүрген пациенттердің автомобильді басқаруды жалғастыруға немесе күрделі механизмдермен жұмыс істеуге қабілеттілігін жүйелі түрде бағалап отыруы тиіс.

Нұсқаулықта көрсетілмеген.

Донепезил гидрохлориді және/немесе оның метаболиттерінің кез келгені балаларда теофиллиннің, варфариннің, циметидиннің немесе дигоксиннің метаболизмін бәсеңдетпейді. Дигоксинді немесе циметидинді бір мезгілде қабылдау донепезил гидрохлоридінің метаболизміне әсер етпейді. Іn vitro зерттеулер, донепезил метаболизміне P450 цитохромының 3A4 және азғантай дәрежеде 2D6 изоферменттері қатысатындығын көрсетті. Дәрілермен өзара әрекеттесуіне in vitro жүргізілген зерттеулер, CYP3A4 пен 2D6 сәйкесінше тежегіштері кетоконазол мен хинидиннің, донепезил метаболизмін бәсеңдететінін көрсетіп отыр. Соған орай, CYP3A4 осы және итраконазол мен эритромицин сияқты басқа тежегіштері, және флуоксетин сияқты CYP2D6 тежегіштері донепезилдің метаболизмін тежеуі мүмкін. Дені сау еріктілерге жүргізілген зерттеуде кетоконазол донепезилдің орташа концентрациясын шамамен 30%-ға арттырды. Рифампицин, фенитоин, карбамазепин сияқты ферменттер индукторлары мен алкоголь донепезилдің деңгейін төмендетуі мүмкін. Тежегіштік немесе индукциялайтын әсерінің шамасы белгісіз болғандықтан, препараттардың мұндай біріктірілмдерін сақтықпен пайдалану керек. Донепезил гидрохлориді холинолитиктік белсенділікке ие дәрілердің әсеріне ықпал етуі мүмкін. Сонымен қатар, сукцинилхолин, басқа нейробұлшықеттік блокаторлар, холинергиялық агонистер немесе жүрек өткізгіштігіне әсер ететін бета-блокаторлар сияқты дәрілерді қамтитын қатарлас еммен синергиялық әсер беруі мүмкін. Донепезилді қабылдаған кезде QTc аралығының ұзаруы және "пируэт" типті полиморфты қарыншалық тахикардия жағдайлары сипатталды. Донепезилді QTc аралығының ұзақтығын арттыратын белгілі қабілеті бар басқа дәрілік заттармен біріктіріп қолданған кезде сақтық таныту ұсынылады; клиникалық бақылау (ЭКГ) қажет болуы мүмкін. Осындай препараттарға жатады: • IA класты аритмияға қарсы дәрілік заттар (мысалы, хинидин) • III класты аритмияға қарсы дәрілік заттар (мысалы, амиодарон, соталол) • кейбір антидепрессанттар (мысалы, циталопрам, эсциталопрам, амитриптилин) • басқа антипсихоздық дәрілік заттар (мысалы, фенотиазин туындылары, сертиндол, пимозид, зипрасидон) • кейбір антибиотиктер (мысалы, кларитромицин, эритромицин, левофлоксацин, моксифлоксацин).

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25ºС-ден аспайтын температурада сақтау керек. Балалардың қолы жетпейтін жерде сақтау керек!