Алка-Зельтцер® таблетки

Бір таблетканың құрамында белсенді заттар- 324 мг ацетилсалицил қышқылы, 965 мг сусыз лимон қышқылы, 1743,87 мг натрий гидрокарбонаты; қосымша заттар - повидон 25, кальций силикаты, диметикон, натрий докузаты, натрий бензоаты, натрий сахаринаты, лимон хош иістендіргіші, лайм хош иістендіргіші. Сыртқы түрінің, иісінің, дәмінің сипаттамасы Бір жағында «ALKA SELTZER» таңбасы бар, екінші жағында - біржақты ойығы бар, тегіс, дөңгелек ақ таблеткалар.

Әлсізден орташа қаттыға дейінгі ауырсынуда (мысалы, бас ауыруы, тамақтың ауыруы және дененің сырқырауы (бұлшықеттер мен буындардың ауыруы). Дене температурасының жоғарылауы (суық тию және тұмау кезінде).

Анальгетиктер. Басқа анальгетиктер және антипиретиктер. Салицил қышқылы және оның туындылары. Басқа препараттармен біріктірілген ацетилсалицил қышқылы. АТХ коды N02BА01 Фармакодинамикалық әсерлер және әсер ету механизмі: Ацетилсалицил қышқылы ауыруды басатын, қызуды түсіретін және қабынуға қарсы әсері бар қабынуға қарсы стероидты емес қышқыл түзетін заттар тобына жатады. Оның әсер ету механизмі простагландиндер синтезіне қатысатын циклооксигеназа энзимдерінің қайтымсыз тежелуіне байланысты. Ацетилсалицил қышқылы 0,3 және 1,0 г аралығында ішке қабылдауға арналған дозада жеңілден орташа қатты бас ауыруларын емдеу үшін және дене температурасының жоғарылауы үшін қолданылады, мысалы: суық тию және тұмау кезінде, температураны төмендету үшін және бұлшықет және буын ауыруларын емдеу үшін. Ол ревматоидты артрит, остеоартроз және шорбуынданатын спондилоартрит сияқты жедел және созылмалы қабыну ауруларын емдеу үшін бірдей қолданылады. Ацетилсалицил қышқылы тромбоциттердегі А2 тромбоксанның синтезін бөгей отырып, тромбоциттер агрегациясын тежейді. Сондықтан жүрек-қантамыр ауруларының әртүрлі белгілері үшін күніне 75-тен 300 мг-ге дейін тағайындалады.

Дозалау режимі Қабылдар алдында таблетканы/таблеткаларды бір стақан суда (200 мл) еріту керек. Ішке, тамақтанудан кейін, тәулігіне 3 ретке дейін, 4-тен 8 сағатқа дейінгі аралықта 1-2 таблеткадан. Қатты ауыру мен жоғары температурада 2 таблеткадан; ең жоғарғы тәуліктік дозасы 8 таблеткадан аспауы тиіс (2,5 г). Қабылдау жиілігі мен уақыты: препаратты қабылдаулардың аралығы кемінде 4 сағатты құрауы тиіс. Препаратты қабылдау режимінің жүйелі сақталуы температураның күрт жоғарылауын болдырмауға және ауыру синдромының қарқындылығын азайтуға мүмкіндік береді. Пациенттердің ерекше топтары Егде жастағы адамдар үшін: әдеттегі доза 1 таблетканы құрайды, анағұрлым қатты ауырған жағдайда және қызбада 2 таблетка қабылдайды. Екі жағдайда да қажет болғанда қабылдауды қайталауға болады, бірақ 4 сағаттан ерте болмауы керек. Ең жоғары тәуліктік доза 4 таблетканы құрайды. Енгізу әдісі мен жолы Ішке қабылдауға арналған. Қабылдау уақыты көрсетілген қолдану жиілігі Препаратты қабылдау арасындағы аралық 4 сағаттан кем болмауы тиіс. Препаратты қабылдау режимінің жүйелі сақталуы температураның күрт жоғарылауын болдырмауға және ауыру синдромының қарқындылығын азайтуға мүмкіндік береді. Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар «Қолдану тәсілі бойынша сұрақ туындаған жағдайда медициналық қызметкерге жүгініңіз».

• ацетилсалицил қышқылына, басқа салицилаттарға немесе қосымша заттардың кез келгеніне аса жоғары сезімталдық; • ацетилсалицил қышқылын немесе оның туындыларын және қабынуға қарсы стероидты емес препараттарды қабылдаудан туындаған демікпе; • асқазан-ішек жолының эрозиялы-ойық жаралы зақымданулары (өршу фазасында); • геморрагиялық диатез; • бүйрек және/немесе бауыр жеткіліксіздігі; • жүректің ауыр созылмалы жеткіліксіздігі; • аптасына 15 мг және одан көп дозада метотрексатпен біріктіріп қолдану; • жүктілік (жүктіліктің 20-шы аптасынан бастап; • 12 жасқа дейінгі балалар.

Жиі емес: • тері реакциялары түріндегі аллергиялық реакциялар. Сирек: • қыжыл; жүрек айнуы; құсу; іштің ауыруы, сирек жағдайларда тесілуге әкелуі мүмкін асқазанның ойық жарасы; сирек жағдайларда темір тапшылығы анемиясына әкелуі мүмкін асқазан-ішектен қан кетулер; • тыныс алу жолдарының, асқазан-ішек жолдарының және жүрек-қантамыр жүйесінің аллергиялық реакциялары, ең алдымен демікпесі бар пациенттерде. Симптомдар келесілер болуы мүмкін: артериялық қысымның төмендеуі, тұншығу ұстамасы, ринит, мұрынның бітелуі, анафилаксиялық шок немесе Квинке ісінуі; • мұрыннан қан кету, қызыл иектің қанағыштығы, теріден қан кету немесе қан ұюы ұзақ болуы мүмкін урогенитальді жолдан қан кету (әсері препаратты қабылдауды тоқтатқаннан кейін 4-8 күннен кейін тоқтатылады); • бас ауыруы, бас айналуы, есту қабілетінің бұзылуы, құлақтың шуылдауы (тиннитус) және сананың шатасуы артық дозаланудың белгілері болуы мүмкін («Артық дозалану» бөлімін қараңыз); Өте сирек: • терінің ауыр реакциялары түріндегі аллергиялық реакциялар (көп формалы экссудативті эритемаға дейін); • күрделі қан кетулер, мысалы, церебральді қан құйылулар, әсіресе қан қысымының жоғарлауы анықталмаған пациенттерде және/немесе антикоагулянттармен бір мезгілде емдегенде, бұл жекелеген жағдайларда өлімге әкелуі мүмкін. Глюкоза-6-фосфат дегидрогеназасының елеулі тапшылығы бар пациенттерде гемолиз және гемолиздік анемия туралы хабарланады; • бауыр көрсеткіштері деңгейінің жоғарылауы; • бүйректің функционалды бұзылуы және бүйректің жедел жеткіліксіздігі. Белгісіз: жіңішке ішек диафрагмасы ауруы (әсіресе ұзақ емдеу кезінде). Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: Салицилатпен созылмалы улануды диагностикалау қиын, өйткені белгілері мен симптомдары спецификалық емес. Әдетте жоғары дозаларды қайта қабылдағаннан кейін салицилатпен жеңіл уыттану пайда болады (тәулігіне > 100 мг / кг 2 күн ішінде уытты болуы мүмкін). Симптомдарға ұйқышылдық, бас айналу, құлақтағы шуыл, есту қабілетінің жоғалуы, терлеу, жүрек айнуы және құсу, бас ауыруы және сананың шатасуы жатады. Дозаны азайту арқылы бақылауға болады. Ауырлық дәрежесі жеңіл және орташа артық дозалану симптомдары: жүрек айну, құсу, үстірт жиі дем алу, алкалоз, терлеу. Бұл симптомдар препараттың дозасын төмендеткенде басылады. Ауыр артық дозалануы: қызба, гипервентиляция, кетоз, респираторлық алкалоз, метаболизмдік ацидоз, кома, кардиогендік шок, тыныс алу жеткіліксіздігі, айқын гипогликемия. Емі: лаваж, белсендірілген көмір қабылдау, қышқыл-сілтілік теңгерімді мониторингтеу, несепте рН 7,5-8 аралығында болуы үшін, сілтілі диурез (егер қан плазмасындағы салицилат концентрациясы, ересектерде 500 мг/л асатын болса (3,6 ммоль/л) немесе балаларда 300 мг/л (2,2 ммоль/л) құраса қарқынды сілтілік диурез қолжетімді болып саналады), гемодиализ, жоғалған сұйықтықтың орнын толтыру, симптоматикалық ем.

Алка-Зельтцердің бір көпіршитін таблеткасында 477 мг натрий бар, оны натрий тұтыну бақыланатын диета кезінде ескеру керек (тамақ арқылы натрийдің ең көп тәуліктік қажеттілігі 2 г). Арнайы ескертулер Препаратты мынадай жағдайларда аса сақтықпен қабылдау керек: • басқа анальгетиктерге/қабынуға қарсы/ ревматизмге қарсы дәрілерге немесе басқа да аллергенді заттарға жоғары сезімталдық; • аллергияда (мысалы, тері реакциялары, қышыну, есекжем), демікпе, пішен қызбасы, мұрын полипозы немесе созылмалы респираторлық ауруларда; • антикоагулянттармен бір мезгілде емдеу кезінде; • анамнездегі асқазан ойық жарасы немесе асқазан-ішектен қан кетуде; • бауыр функциясының бұзылуында; • бүйрек функциясының бұзылуы бар немесе жүрек-қантамыр қан айналымы төмен пациенттерде (мысалы, бүйрек тамырларының ауруы, жүректің іркілісті жеткіліксіздігі, гиповолемия, ауқымды хирургиялық араласу, сепсис немесе ауыр қан кету): АСҚ бүйректің функционалдық бұзылуы немесе бүйректің жедел жеткіліксіздігінің қаупін арттыруы мүмкін; • операцияға дейін (сондай-ақ тіс жұлу сияқты шағын араласуларда) қанағыштыққа бейімділікті арттыруы мүмкін; • глюкоза-6-фосфатдегидрогеназа тапшылығы жоғары пациенттерде: АСҚ гемолизге немесе гемолиздік анемияға әкелуі мүмкін. Гемолиз қаупі жоғары дозада, жоғары температурада немесе жедел инфекцияларда жоғарылайды. Ауыруды басатын дәрілерді ұзақ уақыт қабылдаған кезде бас ауыруы пайда болуы мүмкін, бұл препаратты қайта қабылдауға әкеледі және қайтадан ұзаққа созылған бас ауыруын тудыруы мүмкін. Ауыруды басатын дәрілерді қабылдау бүйрек жеткіліксіздігі (анальгетикалық нефропатия) қаупімен бүйрек тарапынан ұзақ мерзімді бұзылуларға әкелуі мүмкін. Осы қауіп әсіресе әртүрлі ауыруды басатын дәрілерді біріктіріп қабылдаған кезде артады. Аз дозада АСҚ несеп қышқылының шығарылуын азайтады. Диурездің төмендеуіне бейім пациенттерде подагра өршуі мүмкін. 12 жастан асқан балалар АСҚ-ны тек дәрігердің бақылауымен және басқа препараттар тиімсіз болған кезде ғана қабылдауы керек. Балалар мен жасөспірімдерде вирустық ауруларда АСҚ қабылдаған кезде Рейе синдромының даму қаупі бар. Рейе синдромының симптомдары ұзаққа созылған құсу, жедел энцефалопатия, бауырдың ұлғаюы болып табылады. Алка-Зельтцердің бір таблеткасында 477 мг натрий бар, оны натрий тұтыну бақыланатын диета кезінде ескеру керек (тамақ арқылы натрийдің ең көп тәуліктік қажеттілігі 2 г). Бейімділігі бар тиісті пациенттерде натрий бензоатының құрамы тері және шырышты қабықтарда тітіркену түріндегі аллергиялық реакцияларға әкелуі мүмкін.

Простагландин синтезінің тежегіштері жүктіліктің ағымына және/ немесе эмбрионның/ ұрықтың дамуына теріс әсер етуі мүмкін. Жүктіліктің ерте кезеңдерінде түсік тастау және даму ақауларының қаупі дозаның жоғарылауымен және препаратты қабылдау ұзақтығымен бірге артады. Жүктіліктің 20-шы аптасынан бастап ацетилсалицил қышқылын қолдану шарананың бүйрек функциясының бұзылуына байланысты қағанақ суының аздығын тудыруы мүмкін. Бұл емдеуді бастағаннан кейін көп ұзамай болуы мүмкін және әдетте емдеуді тоқтатқаннан кейін қайтымды болады. Сонымен қатар, жүктіліктің екінші триместрінде емдеуден кейін артериялық түтіктің тарылуы туралы хабарланды, дегенмен бұл көп жағдайда емдеуді тоқтатқаннан кейін басылды. Осылайша, ацетилсалицил қышқылын аса қажет болмаса, жүктіліктің бірінші немесе екінші триместрлерінде тағайындамау керек. Балалы болғысы келетін немесе жүктіліктің 1 және 2 триместрінде жүрген әйелдер ацетилсалицил қышқылы препаратын қабылдаған кезде төмен дозаны сақтауы, ал емдеу курсын мүмкіндігінше ең азға дейін азайтуы тиіс. Жүктіліктің 20-шы аптасынан бастап бірнеше күн бойы ацетилсалицил қышқылын қабылдағаннан кейін, қағанақ суының аздығы мен артериялық түтіктің тарылуының пренаталды қадағалау мүмкіндігін қарастыру керек. Қағанақ суының аздығы немесе артериялық түтіктің тарылуы анықталған кезде ацетилсалицил қышқылын қабылдауды тоқтату керек. Жүктіліктің 3-ші триместрі ішінде келесі қауіптер болуы мүмкін: бүйрек дисфункциясы, ол кейіннен бүйрек жеткіліксіздігіне және қағанақ суының аздығына әкелуі мүмкін; шаранада – жүрек-өкпе уыттылығы (артериялық түтіктің мерзімінен бұрын жабылуымен және өкпе гипертензиясымен). Жүктіліктің соңғы айларында ана мен балада – қан ұюы жоғарылауы мүмкін; антиагрегациялық әсер; толғақтың әлсіреуі. Сондықтан ацетилсалицил қышқылын жүктіліктің 3 триместрінде қолдануға болмайды. Салицилаттар мен олардың метаболиттері емшек сүтіне аз мөлшерде енеді, бұл тромбоциттер функциясының бұзылуына байланысты балада қан кету қаупін тудырады. Бүгінгі күні препаратты кездейсоқ (бір рет) қабылдағаннан кейін сәбиде жағымсыз әсер ету жағдайлары тіркелмегендіктен, бала емізуді тоқтатудың қажеті жоқ. Алайда, үнемі қабылдау немесе үлкен дозаларды қабылдау кезінде бала емізуді тоқтату керек. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат көлік құралдарын және қауіптілігі зор механизмдерді басқару қабілетіне әсер етпейді.

Жағымсыз әсерлер қаупінің жоғарылауына дейінгі әсерді күшейтеді. Ацетилсалицил қышқылын (АСҚ) бірге қолданғанда: - антикоагулянттармен, тромболитиктермен, тромбоциттер агрегациясының тежегіштерімен (тиклопидин, клопидогрель) қан кету қаупі артады; - басқа қабынуға қарсы стероидты емес препараттармен, сондай-ақ синергиялық өзара әрекеттесу нәтижесінде салицилаттардың үлкен дозаларымен (күніне 3 г немесе одан да көп) ойық жара және қан кету қаупі артады; - жүйелі глюкокортикостероидтармен (Аддисон ауыруында орын басу емі ретінде пайдаланылатын гидрокортизонды қоспағанда): асқазан-ішек жағымсыз әсерлерінің даму қаупінің жоғарылауы; - Алкоголь АІЖ шырышты қабығына зақымдайтын әсерін арттырады, асқазан-ішек ойық жарасының және қан кетудің туындау қаупін арттырады; - қан плазмасындағы дигоксин концентрациясы бүйрек экскрециясының төмендеуіне байланысты жоғарылайды; - диабетке қарсы препараттармен бірге диабетке қарсы препараттардың гипогликемиялық әсері жоғарлайды; - метотрексаттың қабынуға қарсы дәрілермен бүйрек клиренсінің төмендеуіне және оның қан плазмасы ақуыздарымен байланысты ығысуына байланысты метотрексаттың гепатоуыттылығын күшейтеді; - вальпрой қышқылының уыттылығы оны қан плазмасы ақуыздарымен байланысты ығыстыру нәтижесінде жоғарылайды; - жоғары дозаларда серотонинді кері қармаудың селективті тежегіштері синергия әсеріне байланысты ойық жаралы зақымданулардың және асқазан-ішектен қан кетудің даму қаупін арттырады. AСҚ әсерлерін төмендетеді: - диуретиктер (күніне және одан көп ацетилсалицил қышқылының 3 г дозасында); - ангиотензин өзгертуші ферменттің тежегіштері (күніне және одан да көп 3 г дозада); - урикозуриялық препараттар (мысалы, бензбромарон, пробенецид).

Сақтау мерзімі 3 жыл. Жарамдылық мерзімі өткеннен кейін қолдануға болмайды. Сақтау шарттары 25C-ден аспайтын температурада сақтау керек. Балалардың қолы жетпейтін жерде сақтау керек!