Аллергостоп® капли 4%

1 мл ерітіндінің құрамында белсенді зат - натрий кромогликаты 40.00 мг, қосымша заттар: бензалконий хлориді, инъекцияға арналған су. Сыртқы түрінің, иісінің, дәмінің сипаттамасы Мөлдір немесе сәл бозаңданатын, түссізден сарғыш түске дейінгі ерітінді.

- жедел, маусымдық немесе жыл бойғы аллергиялық конъюнктивиттің профилактикасында және емдеуде - жедел, маусымдық немесе жыл бойғы аллергиялық риниттің, поллиноздың («пішен қызбасының») профилактикасында және емдеуде

Әсер ету механизмі Аллергостоп аллергияға қарсы дәрі болып табылады. Жасушалық жарғақшаны тұрақтандыру жолымен жуан жасушалардың дегрануляциясын бәсеңдете отырып, натрий кромогликаты аллергия медиаторлары - гистаминнің, брадикининнің, простагландиндердің, лейкотриендердің, соның ішінде «баяу белгі беретін субстанциялардың» және басқа биологиялық белсенді заттардың бөлініп шығуын болдырмайды. Фосфодиэстеразаның белсенділігін бәсеңдетеді және жасуша ішіндегі цАМФ концентрациясын арттырып, кальций иондарының цитозольдарға енуін бөгейді. Бұл әсер ету механизмі барлық шырышты қабықтар (мұрын, көз) үшін әмбебап болып табылады. Ең көп емдік тиімділігіне тамшыларды профилактикалық түрде қолданғанда қол жеткізіледі. Сондықтан оны аллергия нышандары білінуінен біраз бұрын (бұл маусымдық аллергия жағдайларына қатысты) қолдана бастаған дұрыс. Клиникалық әсері бірнеше күннен кейін, ал ең жоғары әсері – қабылдағаннан кейін 15 күн өткен соң байқала бастайды.

Дозалану режимі Ересектер мен 8 жастан асқан балаларға: - көзге тамызатын дәрі түрінде конъюнктивальді қапшыққа күніне 4 ретке дейін 1-2 тамшыдан тамызады. - ринит кезінде мұрынға тамызатын дәрі түрінде күніне 4 ретке дейін әрбір мұрын жолына 1-2 тамшы препараттан тамызады. Тамызу жиілігін күніне 6 ретке дейін арттыруға болады. Пациенттердің ерекше топтары Балалар 8 жасқа дейінгі балаларда дәрілік заттың тиімділігі мен қауіпсіздігі жөнінде деректер жоқ. Егде жастағы пациенттер Дозаны түзету қажет емес. Бауыр/бүйрек жеткіліксіздігі бар пациенттер Деректер жоқ. Енгізу әдісі және жолы Жергілікті қолдануға арналған. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі ұсынымдар Осы дәрілік препаратты қолдану бойынша қосымша сұрақтар туындаған жағдайда кеңес алу үшін дәрігерге немесе фармацевтке жүгіну керек.

- әсер етуші заттарға немесе қосымша заттардың кез келгеніне аса жоғары сезімталдық - мұрын қуысындағы полиптер (интраназальді түрлері үшін) - 8 жасқа дейінгі балалар

Аллергостопты® жергілікті қолданғанда әдетте жақсы көтерімді және көздің тітіркену симптомдары сирек кездеседі. Жиі - қысқа мерзімді ашытып-шымылдату сезімі, көздің жергілікті тітіркенуі және көздің жылдам өтпелі бұлыңғырлануы Өте сирек - аллергиялық реакциялар Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Препаратты жергілікті қолданған кезде артық дозалану жағдайларының ықтималдығы аз және сипатталмаған. Натрий кромогликаты көзден де, асқазан-ішек жолынан да нашар сіңіріледі.

Маусымдық аллергиялық конъюнктивитте емді алғашқы симптомдар пайда болғанда бірден бастау немесе маусым басталғанға дейін профилактикалық түрде қолдану керек. Емді науқас аллергендердің (тозаң, үй тозаңы, зең споралары, тағамдық аллергендер) әсерінде болғанға дейін жалғастыру қажет. Созылмалы аурулар кезінде қолдану ұзақтығы аурудың клиникалық ағымымен анықталады. Емдік әсерді жүйелі бағалап отыру керек және қажет болса дозаны төмендету ұсынылады. Емдеу курсын емдеуші дәрігер анықтайды. Егер симптомдар 48 сағат ішінде жақсара бастамаса пациент емдеуші дәрігерден кеңес алуы тиіс. Жедел қабынуда және созылмалы үдерістің асқыну кезеңінде препаратты гистаминге қарсы дәрілермен немесе кортикостероидтармен қосып қолдану керек. Пациент препаратты ұдайы қолдану қажет екені жөнінде ескертілуге тиіс. Емдеуді аллергенмен жанасуға дейін бастайды және аллерген әсер етуінің бүкіл кезеңінде жалғастырады. Мұрынға тамызатын дәрі түріндегі Аллергостоп® қолдануға дейін 2-3 күн бойы әсерді жеделдету үшін мұрынға арналған ісінуге қарсы дәрілерді қолдануға болады. Құтының бүтіндігі бұзылған жағдайда, сондай-ақ ерітінді бұлыңғырланғанда препаратты пайдаланбаған жөн. Ерітіндінің ластануына жол бермеу үшін тамшылатқыш-құтының ұшы басқа заттарға немесе беткейлерге тимеуін қадағалау қажет. Тамызғаннан кейін тамшылатқыш-құтыны қалпақшамен жабады. Арнайы ескертулер Педиатрияда қолданылуы 8 жасқа дейінгі балаларда дәрілік заттың тиімділігі мен қауіпсіздігі жөнінде деректер жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат көру мүшесіне препаратты тікелей қолданғаннан кейін бірнеше минут ішінде әсер етеді. Сондықтан пациент көлік құралын басқарудан немесе басқа қауіптілігі зор механизмдермен жұмыс істеуден бұрын көрудің тұмандануы басылғанша күте тұруға тиіс.

Препаратты жүктілік кезінде немесе лактация кезеңінде қолдану, емнен күтілетін пайда шаранаға немесе сәбиге төнетін зор қатерден артық болған жағдайларда ғана ұсынылады. Қосымша заттар Аллергостоп® құрамында көздің тітіркенуін туғызуы мүмкін бензалконий хлориді бар. Бензалконий хлориді жұмсақ жанаспалы линзалар түсінің өзгеруіне әкелуі мүмкін. Препаратты қолдану алдында линзаларды (кез келген) алып тастаған және оларды қайта кимес бұрын кемінде 15 минут күте тұрған дұрыс.

Көзге тамызатын дәрі түріндегі препарат үшін – анықталмаған. Басқа көзге тамызатын дәрілерді қолданған жағдайда оларды 5 минуттық аралықпен пайдалану керек. Мұрынға тамызатын дәрі түріндегі натрий кромогликатын басқа препараттармен бір мезгілде қолданған кездегі теріс дәрілік өзара әрекеттесулер жөнінде деректер жоқ. Аллергостоп® гистаминге қарсы препараттардың, β-адреномиметиктердің, глюкокортикостероидтар мен теофиллиннің әсерін күшейтуі мүмкін.

Сақтау мерзімі 3 жыл Құтыны ашқаннан кейін препараттың сақталу мерзімі - 4 апта. Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 15 С-ден 25 С-ге дейінгі температурада сақтау керек. Балалардың қолы жетпейтін жерде сақтау керек!