Аллохол таблетки

Бір таблетканың құрамында белсенді заттар: құрғақ өт, 80,000 мг; кептірілген сарымсақ, 40,000 мг; қалақай жапырақтары, 5,000 мг; белсендірілген көмір, 25,000 мг; қосымша заттар: магний тотығы, картоп крахмалы, тальк, полисорбат (твин-80), кальций стеараты, микрокристалды целлюлоза, примогель; қабығының қосымша заттары: сахароза (ақ қант), магний гидроксикарбонаты (магнийдің негізгі карбонаты), титанның қостотығы, повидон (төмен молекулалы медициналық поливинилпирролидон 12600±2700), тальк, қатты парафин, вазелин майы, ара балауызы, полисорбат (твин-80). Сыртқы түрінің, иісінің, дәмінің сипаттамасы Жеңіл спецификалық иісі бар, домалақ, екі жағы да томпақ ақ түсті қабықпен қапталған таблеткалар. Көлденең қимасынан екі қабат көрінеді, ішкі қабаты теңбілдері бар қара түсті.

Препарат ересектер мен 12 жастан бастап балаларға кешенді терапия құрамында қолдануға арналған: - созылмалы реактивті гепатит - холангит - тассыз (калькулездік емес) холецистит - өт шығару жолдарының және/немесе өт қабының дискинезиясы - ішек атониясынан болған іш қатуы - постхолецистэктомиялық синдром

Бауыр және өт шығару жолдарының ауруларын емдеуге арналған препараттар. Өт қалтасының ауруларын емдеуге арналған препараттар. Өт шығару жолдары ауруларын емдеуге арналған басқа препараттар. АТХ коды: А05АХ Әсер ету механизмі Құрамдастыру препарат. Ішекте ыдырау және ашыту процестерін азайтады, өт айдатқы (холекинетикалық және холеретикалық) дәрі. Өт әрекеті бауыр паренхимасының секреторлық қызметіне рефлекторлық әсерге байланысты. Фармакодинамикалық әсерлері Бауыр жасушаларының секреторлық қызметін күшейтеді, асқазан-ішек жолы мүшелерінің секреторлық және қозғалыс белсенділігін рефлексивті арттырады. Өт пен өт қышқылдарының түзілуін күшейтеді. Өт асқазан-ішек жолының сөл бөлу және қозғалу қызметін де күшейтеді. Сарымсақ құрамындағы заттар асқазан-ішек жолының секреторлық және моторлық қызметін күшейтеді, өт сөлінісін көтермелейді. Қалақай жапырақтарының өт айдайтын және қабынуға қарсы әсерлері бар. Белсенділендірілген көмір асқазан-ішек жолында уытты заттарды байланыстыратын адсорбент болып табылады.

Дозалау режимі Ересектер мен 12 жастан асқан балалар – 1-2 таблеткадан тәулігіне 3-4 рет. Ауру өршігенде (созылмалы реактивті гепатит, холангит, тассыз (калькулездік емес) холецистит, өт шығару жолдарының және/немесе өт қабының дискинезиясы) 1 таблеткадан тәулігіне 2-3 рет, 1-2 ай бойы қабылдайды. Енгізу әдісі және жолы Тамақтан кейін ішке қабылдайды. Емдеу ұзақтығы Емдеу ұзақтығы аурудың сипаты мен ағымына байланысты, оны емдеуші дәрігер анықтайды. Емдеу курсы – 3-4 апта. Қайталау курстарын 3 ай аралықпен жүргізеді. Дәрілік препараттың бір немесе бірнеше дозасын өткізу кезінде қажетті шаралар Қолданылмайды. Тоқтату симптомдары қатерінің болуын көрсету Қолданылмайды. Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар Препаратты дәрігердің тағайындауы бойынша қолданады.

- препараттың кез келген компонентіне аса жоғары сезімталдық - калькулезді холецистит - обтурациялық сарғаю - жедел гепатит - бауырдың жедел және жеделге жуық дистрофиясы - асқазан мен он екі елі ішектің ойық жаралы ауруының өршу сатысы - жедел энтероколит - жедел панкреатит - сахараза (изомальтаза) тапшылығы, фруктозаға төзбеушілік, глюкоза-галактоза мальабсорбциясы - 12 жасқа дейінгі балалар

- аллергиялық реакциялар - диарея - қан сарысуындағы «бауыр» трансаминазаларының белсенділігінің жоғарылауы Бұлар пайда болса, препаратты қабылдауды тоқтату және дәрігерге қаралу керек. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: диарея, жүрек айнуы, қыжыл, терінің қышынуы, қандағы «бауыр» трансаминазалар белсенділігінің артуы болуы мүмкін. Емі: симптоматикалық.

Препаратты қант диабеті бар пациенттерге және құрамында көмірсулардың мөлшері төмен диетадағы адамдарға сақтықпен қолдану керек. Арнайы ескертулер Препараттың құрамына сахароза (ақ қант) кіреді, оны қант диабеті бар пациенттерге ескеруі керек. Бір таблетканың құрамында шамамен 0,1 г сахароза (ақ қант) бар, ол 0,01 НБ сәйкес келеді; препараттың ен жоғары тәуліктік дозасында шамамен 0,8 г сахароза (ақ қант) бар, бұл 0,08 НБ сәйкес келеді. Педиатрияда қолдану Препарат 12 жастан бастап балаларға қолдануға рұқсат етілген. Препаратты балаларда қолданар алдында дәрігермен кеңесу керек.

Препаратты жүктілік кезінде және лактация кезеңінде қолдану ана үшін болжамды пайдасы ұрық пен бала үшін ықтимал қауіптен асып кеткен жағдайда ғана мүмкін болады. Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері Препаратты қолдану автокөлікті басқаруға және жоғары зейін қою мен психомоторлық реакциялар жылдамдығын талап ететін қауіптілігі зор қызмет түрлерімен айналысуға жағымсыз әсер етпейді.

Құрамында алюминий гидроксиді, колестирамин, колестипол бар препараттар дәрінің сіңірілуін төмендетеді және тиімділігін азайтады. Олармен бір мезгілде қабылдау мақсатқа сай емес. Препаратты синтетикалық немесе өсімдік холеретиктермен бір мезгілде қолдану кезінде өт түзілуін күшейтеді. Препаратты іш өткізгіш дәрілермен үйлесуі іш қатудың жойылуына әкеледі. Препарат майда еритін дәрумендердің жақсы сіңуіне ықпал етеді. Бауырдағы немесе өт жолдарындағы инфекциялық процестерде антисептиктермен немесе химиотерапиялық агенттермен препаратты қолдану соңғылардың емдік тиімділігін жақсартады.

Сақтау мерзімі 4 жыл Жарамдылық мерзімі өткеннен кейін қолдануға болмайды. Сақтау шарттары 25 С-ден аспайтын температурада сақтау керек. Балалардың қолы жетпейтін жерде сақтау керек!