Аллохол таблетки

Бір таблетканың құрамында: белсенді заттар: ірі қара малының құрғақ өті 80 мг, кептірілген сарымсақ 40 мг, қалақай жапырақтары 5 мг, белсендірілген көмір 25 мг, қосымша заттар: ядросы: магний тотығы, картоп крахмалы, тальк, сусыз коллоидты кремнийдің қостотығы, кальций стеараты, қабығы: сахароза, магний гидроксикарбонаты, сусыз коллоидты кремнийдің қостотығы, титанның қостотығы Е 171, повидон, тальк, тропеолин-О, ара балауызы. Сыртқы түрінің, иісінің, дәмінің сипаттамасы Дөңгелек, екі жағы дөңес, ашық-сары түсті қабықпен қапталған таблеткалар. Көлденең қимасынан үш қабат көрінеді: ядросы – сұр-қара түсті теңбілдері бар; орташа қабаты – ақ түсті және сыртқы - ашық-сары түсті.

Препарат 18 жастан бастап ересектерде кешенді ем құрамында қолдануға арналған. - созылмалы реактивті гепатит - холангит - холецистит - өт шығару жолдарының дискинезиясы - атониялық іш қатуы - холецистэктомиядан кейінгі синдром

Ас қорыту жолы және зат алмасу. Бауыр және өт шығару жолдарының ауруларын емдеуге арналған препараттар. Өт қалтасының ауруларын емдеуге арналған препараттар. Өт шығару жолдары ауруларын емдеуге арналған басқа препараттар АТХ коды А05АХ Өт айдайтын (холекинетикалық және холеретикалық) дәрі, ішектегі шіру және ашу үдерістерін басады. Бауыр жасушаларының сөл бөлу функциясын күшейтеді, АІЖ мүшелерінің сөліністік және қозғалыстық белсенділігін рефлекторлы арттырады. Өттің және өт қышқылдарының түзілуін күшейтетін біріктірілген дәрі. Өттің әсері бауыр паренхимасының сөл бөлу функциясына рефлекторлы ықпал етуімен шартталған. Өт, сондай-ақ, АІЖ сөліністік және қозғалыстық функциясын күшейтеді. Сарымсақ құрамындағы заттар ішектегі шіру және ашу үдерістерін басады. Қалақай жапырағы өт айдайтын және қабынуға қарсы әсерлер иеленген. Белсендірілген көмір АІЖ уытты заттарды байланыстыратын адсорбент болып табылады.

Дозалау режимі Ересектер: 3-4 апта бойы тәулігіне 3-4 рет 1-2 таблеткадан; өршігенде – 1-2 ай бойы тәулігіне 2-3 рет 1 таблеткадан. Енгізу әдісі және жолы Аллохолды ішке қабылдайды. Қабылдау уақыты көрсетілген қолдану жиілігі Аллохолды ас ішуден кейін ішке қабылдайды. Препаратты ішке қабылдау кезінде диета ұстану, пациенттің негізгі ауруын және асқынулардың болуын ескере отырып емдеуші дәрігермен белгіленеді. Емдеу ұзақтығы Емдеу курсы жеке. Қайталау курстарын 3 ай аралықпен жүргізеді. Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар Препаратты қолдану туралы сұрақтар туындаған жағдайда емдеуші дәрігерге немесе дәріхана қызметкеріне хабарласыңыз.

- әсер етуші заттарға немесе препараттың қосымша заттарының кез келгеніне аса жоғары сезімталдық - калькулезді холецистит - обтурациялық сарғаю - жедел гепатит - бауырдың жедел және жеделге жуық дистрофиясы - асқазанның және 12-ішектің ойық жаралы ауруы - жедел панкреатит - балалар және жасөспірімдік 18 жасқа дейінгі кезеңі - құрамында сахароза болуына байланысты фруктозаның тұқым қуалайтын жақпаушылығы немесе глюкоза-галактоза мальабсорбциясы бар адамдар

- диарея - аллергиялық реакциялар Жағымсыз әсерлерің алдын алу үшін тәуліктік дозасы және препаратты қабылдау ұзақтығы аспауы тиіс. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Нұсқаулықта көрсетілмеген.

Жағдайдың жақсаруының алғашқы белгілері (оң жақ гипохондриядағы ауырсыну ауырлығының төмендеуі, диспепсиялық құбылыстардың жоғалуы) емдеу басталғаннан кейін 5-8 тәулікте пайда болады. Арнайы ескертулер Қант диабетімен науқастарға сақтықпен тағайындалады. Терінің күрт қызаруы мен қышынуы сияқты жағымсыз әсерлер туындаған жағдайда десенсибилизациялайтын ем жүргізілу керек. Педиатрияда қолдану 18 жасқа дейінгі балаларға Аллохолды қолдануға болмайды.

Аллохолды жүктілік және бала емізу кезеңінде дәрігермен кеңесуден кейін қолдануға болады. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Әсер етпейді.

Құрамында алюминийдің гидроксиді, холестирамин, холестипол бар препараттар дәрінің сіңірілуін және тиімді әсерін азайтады. Олармен бір мезгілде қабылдау мақсатқа сай емес. Аллохолды синтетикалық немесе өсімдік текті холеретиктермен қосып қолданғанда өттің түзілуі күшеюі мүмкін, Аллохолдың іш жібіткіш препараттармен біріктірілуі іш қатулардың жойылуына алып келеді.

Сақтау мерзімі 4 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 250С-ден аспайтын температурада сақтау керек. Балалардың қолы жетпейтін жерде сақтау керек!