Алопатин OD капли 0.2 %

1 мл ерітіндінің құрамында белсенді зат - 2.220 мг олопатадин гидрохлориді (2.00 мг олопатадинге баламалы) қосымша заттар: повидон, сусыз динатрий гидрофосфаты, натрий дигидрофосфат дигидраты, натрий хлориді, бензалконий хлориді, натрий гидроксиді, инъекцияға арналған су Сыртқы түрінің, иісінің, дәмінің сипаттамасы Механикалық қосылыстардан бос мөлдір түссіз ерітінді

- аллергиялық коньюнктивиттер

Әсер ету механизмі Олопатадин бірнеше айқын әсер ету механизмдері бар күшті әсер ететін селективті аллергияға қарсы/гистаминге қарсы дәрі болып табылады. Ол гистаминге қарсы әсер етеді (адамдағы аллергиялық реакцияның бастапқы медиаторы) және адам конъюнктивасының эпителий жасушалары арқылы гистаминмен индукцияланатын қабыну цитокиндер өнімін болдырмайды. In vitro зерттеулерінің деректері көрсеткендей, ол қабыну медиаторлардың босап шығуын бәсеңдетін адам конъюнктивасының жуан жасушаларына әсер етуі мүмкін. Мұрын-көз жас өзегінің сақталған өткізгіштігі бар пациенттерде Алопатин OD жергілікті офтальмологиялық қолдану маусымдық аллергиялық конъюнктивитпен жиі бірге жүретін мұрын белгілері мен симптомдарын азайтты. Препарат көздің қарашығының диаметрінде клиникалық мәнді өзгерістер туғызбайды.

Дозалау режимі Доза зақымданған көздің (көздердің) конъюнктивалық қалтасына тәулігіне екі рет (8 сағат аралықпен) Алопатин OD препаратының бір тамшысын құрайды. Пациенттердің ерекше топтары Балалар Алопатин OD көзге тамызатын дәріні 8 жастан асқан балаларда ересектердегідей дозада қолдануға болады. Егде жастағы пациенттер Егде жастағы пациенттерде дозаны түзету қажеттілігі жоқ. Бауыр және бүйрек жеткіліксіздігі бар пациенттер Бауыр немесе бүйрек функциясы бұзылған пациенттерде олопатадинді көзге тамызатын дәрі түрінде зерттеу жүргізілген жоқ. Алайда, бауыр немесе бүйрек функциясы бұзылған жағдайда дозаны түзету қажет емес. Енгізу әдісі мен жолы Тек офтальмологияда қолдану үшін. Егер алғашқы ашуды бақылауға арналған бекіткіш сақина босаған болса, қақпақты шешкеннен кейін препаратты қолданар алдында оны алып тастаңыз. Тамшылатқыш-дозатордың ұшы мен ерітіндінің ластануын болдырмау үшін, құты тамшылатқыш-дозатордың ұшымен қабақтың, көз айналасындағы аймақтың және басқа беткейлерге жанасуына жол бермеу керек. Құтыны пайдаланбаған кезде тығыз жабық сақтау керек. Басқа жергілікті офтальмологиялық дәрілермен қатарлас ем жағдайында препараттарды кезекті қолдану арасындағы 5 минуттық аралықты сақтау керек. Көз жақпамайларын соңғы кезекте қолдану керек. Емдеу ұзақтығы Қажеттілігі болғанда емдеу ұзақтығы төрт айға дейін болуы мүмкін. Дәрілік препараттың бір немесе бірнеше дозасын өткізіп алған кезде қажетті шаралар Қатысты емес. Тоқтату симптомдары қаупінің болуын көрсету Қатысты емес.

• әсер етуші затқа немесе қосымша заттардың кез келгеніне аса жоғары сезімталдық • 8 жасқа дейінгі балалар.

Жиі • бас ауыруы, дисгевзия • көздің ауыруы, көздің тітіркенуі, "құрғақ" көз синдромы • көздің аномальді сезімталдығы • мұрын шырышты қабығының құрғауы • шаршау Жиі емес • ринит • бас айналу, гипестезия • мөлдір қабық эрозиясы, мөлдір қабықтың эпителий ақауы, мөлдір қабықтың эпителий тарапынан бұзылулары, нүктелі кератит, кератит, мөлдір қабықтың боялуы, көзден бөліністер, көздің қарығуы, көрудің бұлыңғырлануы, көру өткірлігінің төмендеуі, блефароспазм, көздің жайсыздануын сезіну, көздің қышынуы, фолликулярлы конъюнктивиттер, конъюнктива тарапынан бұзылулар, көзде бөгде денені сезіну, көз жасының көп ағуы, қабақ эритемасы, қабақ ісінуі, қабақ тарапынан бұзылулар, көз гиперемиясы • жанаспалы дерматит, терінің ашытуын сезіну, терінің құрғауы Белгісіз (қолда бар деректер негізінде бағалау мүмкін емес) • аса жоғары сезімталдық, беттің ісіп кетуі • ұйқышылдық • мөлдір қабақтың ісінуі, көздің ісінуі, көздің домбығуы, конъюнктивит, мидриаз, көру қабілетінің бұзылуы, қабақ шетінің қабыршақтануы • диспноэ, синусит • жүрек айнуы, құсу • дерматит, эритема • астения, дімкәстану Мөлдір қабық елеулі зақымданған пациенттерде құрамында фосфаттар бар көзге тамызатын дәрілерді қолданғанда мөлдір қабықтың кальцификациялану жағдайлары өте сирек хабарланған. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігінің Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Кездейсоқ немесе қасақана жұту нәтижесінде адамда артық дозалану туралы деректер жоқ.

Алопатин OD көзге тамызатын дәрісін жергілікті қолданудан кейін жүйелі сіңуі мүмкін. Жағымсыз реакция немесе аса жоғары сезімталдық белгілері болса, препарат қабылдауды тоқтату қажет. Арнайы ескертулер Алопатин OD препаратының құрамында бензалконий хлориді бар, ол көзді тітіркендіруі мүмкін. Сондай-ақ, бензалконий хлориді нүктелік кератопатияның және/немесе уытты ойық жаралы кератопатияның дамуына әкелуі мүмкін екендігі туралы хабарланды. Құрғақ көз синдромы немесе мөлдір қабықтың зақымдануы бар пациенттерде препаратты ұзақ немесе жиі қолданғанда емдеу дәрігердің бақылауымен жүргізілуі тиіс. Жанаспалы линзаларды тағу Бензалконий хлориді жұмсақ жанаспалы линзаларды түссіздендіретіні белгілі. Препараттың жұмсақ жанаспалы линзалармен жанасуын болдырмау керек. Пациенттерге көзге тамызатын дәріні қолданар алдында жанаспалы линзаларды шешу қажеттілігі туралы нұсқау беру керек, препаратты қолданғаннан кейін жанаспалы линзаларды 15 минуттан кейін қайтадан тағуға болады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Алопатин OD препараты көлік құралдарын басқару және механизмдермен жұмыс істеу қабілетіне әсер етпейді немесе елеусіз әсер етеді. Кез-келген көзге тамызатын дәрілер жағдайындағы сияқты тамызудан кейін уақытша анық көрмеу немесе көру қабілетінің басқа бұзылулары болуы мүмкін, ол автокөлікті немесе басқа аса қауіпті механизмдерді басқару қабілетіне теріс ықпал етуі мүмкін. Егер препаратты қолдану кезінде анық емес көру пайда болса, пациент көлік құралдарын басқаруға немесе механизмдермен жұмыс істеуге кіріспес бұрын көру қалпына келгенше біраз уақыт күте тұру қажет.

Жүктілік Алопатин OD препаратын жүктілік кезінде және контрацепцияны пайдаланбайтын ұрпақ өрбіту жасындағы әйелдерге қолдану ұсынылмайды. Бала емізу Алопатин OD препаратын бала емізу кезеңінде қолдануға болмайды. Фертильділік Жергілікті офтальмологиялық қолданудан кейін олопатадиннің адамның ұрпақ өрбіту функциясына әсерін бағалау бойынша зерттеулер жүргізілген жоқ.

Басқа препараттармен өзара әрекеттесуді зерттеу жүргізілген жоқ.

Сақтау мерзімі 3 жыл. Құты ашылғаннан кейін - 30 күн. Жарамдылық мерзімі өткеннен кейін қолдануға болмайды. Сақтау шарттары 25 °С-ден аспайтын температурада. Балалардың қолы жетпейтін жерде сақтау керек!