Алтейка Артериум сироп

5 мл препараттың құрамында белсенді зат: полисахаридтер құрамының 20,0%-на шаққандағы жалбызтікен тамырының құрғақ экстрактісі - 7,5 мг; қосымша заттар: метилпарагидроксибензоат (Е 218), қант-рафинад, тазартылған су Сыртқы түрінің, иісінің, дәмінің сипаттамасы Өзіне тән иісі бар сарғыш-қоңырдан қызғылт-қоңыр түске дейінгі шәрбат тәрізді сұйықтық. Сақтау үдерісінде шөгіндінің болуына жол беріледі

Тыныс жолдарының жедел және созылмалы аурулары кезінде кешенді ем құрамында: ларингит, трахеит, бронхит, бронх демікпесі. Қолдану басталғанға дейін қажетті мәліметтер тізбесі

Жөтел және суық тию аурулары кезінде қолданылатын препараттар. Экспекторанттар, жөтелді басатын біріктірулерді қоспағанда. Қақырық түсіретін препараттар. Жалбызтікен тамыры. АТХ коды R05CA05 Жалбызтікен тамыры экстрактісі негізіндегі шәрбат, құрамына әсер етуші зат негізінде полисахарид, сондай-ақ пектиндер, амин қышқылдары, крахмал және басқалары кіретін кешенді өсімдік препараты болып табылады. Препарат бронхосекреторлық, қақырық түсіретін және бүркемелейтін әсер етеді. Асқазанның шырышты қабығының рецепторларына аздап тітіркендіргіш әсер етеді, бронх және сілекей бездерінің сөлінісін рефлекторлы көтермелейді. Қақырықтың түзілуін, оның реологиялық қасиеттерін (тұтқырлығын, серпімділігін, адгезивтілігін) қалпына келтіре отырып белсендіреді, қақырықтың шығуына ықпал етіп бронхиолдардың перистальтикалық қозғалысын және бронх жыпылықтағыш эпителийінің моторлық функциясын күшейтеді. Препараттың өсімдік тектес полисахаридті шырышы асқазанның шырышты қабығын бүркемелей отырып, цитопротекторлы және қабынуға қарсы әсер тудырады, тіндердің регенерациясына ықпал етеді. Асқазан секрециясын азайтады. Гастропротекторлық әсері асқазан сөлінің қышқылдылығы неғұрлым жоғары болса, соғұрлым күштірек және ұзағырақ болады.

Дозалау режимі Препаратты тамақтануға дейін тағайындайды: ересектерге және 14 жастан асқан балаларға – 1 ас қасық (15 мл) шәрбаттан тәулігіне 4-6 рет. Пациенттердің ерекше топтары Балалар 6-дан 14 жасқа дейінгі балаларға 2 шай қасықтан (10 мл) тәулігіне 4-6 рет тағайындайды; 2-ден 6 жасқа дейін – 1 шай қасық (5 мл) шәрбаттан тәулігіне 4-6 рет. Емдеу курсының ұзақтығы емдеу тиімділігіне байланысты жекелей анықталады, және әдетте 7-14 күнді құрайды. Енгізу әдісі мен жолы Пероральді қолдану керек. Қолданар алдында шайқау керек. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар Препаратты қолдану бойынша сұрақтар болған жағдайда емдеуші дәрігерге қаралыңыз.

- препарат компоненттеріне жоғары сезімталдық - 2 жасқа дейінгі балалар

Белгісіз (қолда бар деректер негізінде бағалау мүмкін емес) Аллергиялық реакциялар, сілекей бөлінудің күшеюі, асқазан шырышты қабығының тітіркенуі болуы мүмкін. Жағымсыз реакциялар туындаған жағдайда емдеуді тоқтатып, дәрігерге қаралу керек. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Нұсқаулықта көрсетілмеген.

Арнайы ескертулер Дәрілік затты қолдану ережелерін бұзуға болмайды. Сақтау үдерісінде шөгінді түсуіне жол беріледі. Қолданар алдында шайқау керек. Егер емдеу кезінде ентігу, дене температурасының жоғарылауы дамитын болса немесе препарат қолданумен байланысты емес іріңді қақырық пайда болса, дереу дәрігерге қаралу қажет. Бір мезгілде қолданылатын препараттардың сіңірілуі төмендеуі мүмкін. Препаратты басқа препараттарды қолданудан 1 сағат бұрын немесе 1 сағаттан кейін қолдану қажет. Қант диабеті кезінде сақтықпен қолдану керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препаратты қолдану автокөлікті басқару және басқа механизмдермен жұмыс істеу қабілетіне әсер етпейді.

Препаратты жүктілік және бала емізу кезеңінде қолдану тәжірибесі туралы ақпарат жоқ.

Жөтелге қарсы дәрілермен (мысалы, кодеинмен) бір мезгілде қолдану ұсынылмайды.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 25 °С-ден аспайтын температурада сақтау керек. Ашқаннан кейін 4-8 °С температура аралығында 14 тәуліктен асырмай сақтау керек. Балалардың қолы жетпейтін жерде сақтау керек!