Альдуразим® концентрат 100 ЕД/мл

5 мл концентраттың құрамында белсенді зат - ларонидаза 500 ӘБ, қосымша заттар: натрий хлориді, натрий дигидрофосфаты моногидраты, натрий гидрофосфаты гептагидраты, полисорбат 80, инъекцияға арналған су. Сыртқы түрінің, иісінің, дәмінің сипаттамасы Мөлдір немесе аздап бозаңданатын түссіз немесе ашық-сары түсті сұйықтық.

- бұл аурудың неврологиялық емес көріністерін емдеу үшін I типті мукополисахаридоз (МПС-I, альфа-L-идуронидаза жеткіліксіздігі) диагнозы расталған пациенттерде ұзақ мерзімді фермент орын басу емі.

ATХ коды A16AB05 МПС-I Мукаполисахаридтердің жинақталу ауруы гликозаминогликандар (ГАГ) катаболизмі үшін қажетті лизосомалық ферменттер жеткіліксіздігінен туындаған. МПС I - терминальді альфа-L-идуронды қалдықтардың: дерматан-сульфаты мен гепаран-сульфатының гидролизін катализдейтін альфа-L-идуронидаза, лизосомалық гидролазалар тапшылығымен сипатталатын гетерогенді және мультижүйелі ауру. Альфа-L-идуронидаза белсенділігінің төмендеуі немесе болмауы жасушалар мен тіндердің көптеген түрлерінде ГАГ, дерматан-сульфаттың және гепаран-сульфаттың жинақталуын туғызады. Әсер ету механизмі Фермент орын басу емінің принципі – жинақталған субстратты гидролиздеу және одан әрі қарай жинақталуды болғызбау үшін жеткілікті ферменттік белсенділікті қалпына келтіру болып табылады. Венаішілік инфузия жүргізгеннен кейін ларонидаза қан ағысынан жылдам кетеді және бәлкім едәуір ықтимал жолы маннозды-6-фосфатты рецепторлар арқылы лизосомаларды жеткізе отырып жасушаларға қармалады. Тазартылған ларонидаза - молекулярлық салмағы шамамен 83 кДА гликопротеин. Ларонидаза N-терминальді қалдықтан ыдырағаннан кейін 628 аминқышқылдан тұрады. Молекуланың құрамында олигосахаридті модификацияның 6 N-байланысқан учаскесі бар. Клиникалық тиімділігі мен қауіпсіздігі Үш клиникалық сынақтар Альдуразим препаратын қолданумен оның тиімділігі мен қауіпсіздігін бағалау үшін жүргізілді. Бір клиникалық зерттеу негізінен организмнің төзімділігңнің төмендеуі, өкпенің рестриктивті ауруы, жоғары тыныс алу жолының обструкциясы, буындар қозғалуының азаюы, гепатомегалия және көрудің бұзылуы сияқты МПС-І жүйелі көріністеріне препараттың әсерін бағалауға фокусталған. Басқа зерттеу, негізінен, 5 жастан кіші пациенттерде препараттың қауіпсіздігі мен фармакокинетикасын бағалаған, сондай-ақ тиімділік көрсеткіштерін де қамтыды. Үшінші зерттеу препаратты дозалаудың түрлі режимдерінің фармакодинамикасы мен қауіпсіздігін бағалаған. Қазіргі уақытқа дейін аурудың неврологиялық симптоматикасына жағымды әсерді білдіретін ешқандай клиникалық деректер жоқ. Препараттың қауіпсіздігі мен тиімділігі 6-дан 43 жасқа дейінгі 45 пациентке 3-фазада рандомизацияланған, салыстырмалы жасырын, плацебо-бақыланатын зерттеуде бағаланған. Дегенмен аурудың ауырлық дәрежесі әртүрлі көрінісі бар пациенттер зерттелетін топта болғанымен, пациенттердің көбінде ауру көрінісінің ауырлығы орта деңгейде және біреуінде ғана – ауыр деңгейде болған. Пациенттерді зерттеуге кіргізу критерийлері күтілетін мәннен 80 % кем өкпенің қарқынды өмірлік сыйымдылығы (ӨҚӨС), сондай-ақ 6 минут бойы тұру және 5 метр жүру қабілеті болып табылады. Пациенттер не 100 ӘБ/кг препарат немесе плацебоны апта сайын жалпы 26 апта бойы алған. Тиімділігін бағалауда бастапқы мақсаттар ӨҚӨС күтілетін қалыпты мәнінен пайыздағы өзгерістер және алты минуттық жүріс тестінде (Т6МХ) қашықтықтың өзгерісі болған. Барлық пациенттер нәтижесінде қосымша 3,5 жыл (182 апта) бойы аптасына апта сайын 100 ӘБ/кг препаратты алған ашық (жасырын емес) зерттеу тобына кіргізілген. Препаратпен 26 апта емнен кейін пациенттерде тыныс алу функциясы және плацебомен салыстырғанда жүру қабілетін жақсартқан (төменнен қараңыз) 3-фаза, плацебомен салыстырғанда 26 апта емдеу р мәні — Сенімді аралық (95%) Күтілетін ӨҚӨС пайызы — Орташа мәні — 5.6 — - Медиана — 3.0 — 0.009 — 0.9- 8.6 Алты минуттық жүріс тесті (метрмен) — Орташа мәні — 38.1 — - Медиана — 38.5 — 0.066 — -2.0- 79.0 Ашық кеңейтілген зерттеу 208 аптаға дейінгі Альдуразим/Альдуразим тобында және 182 аптаға дейінгі Плацебо/Альдуразим тобында емнің осы әсерлерді жақсартуды және/немесе тұрақтандыруды көрсетті (төменнен қараңыз). Емдеуге дейінгі кезеңмен салыстырғанда көрсеткіштердің орташа мәнін өзгерту — Альдуразим/ Альдуразим — Плацебо/ Альдуразим 208 аптада — 182 аптада Күтілетін ӨҚӨС пайызы (%) 1 — - 1.2 — - 3.3 Алты минуттық жүріс тесті (метрлер) — + 39.2 — + 19.4 Апноэ/Гипопноэ индексі (АГИ) — - 4.0 — - 4.8 Иық буынындағы қозғалыс көлемі (градустар) — + 13.1 — + 18.3 Мүгедектік индексі ПТОЗ/ТОЗ2 — - 0.43 — - 0.26 1 Бұл кезеңде күтілетін ӨҚӨС-тен пайыздың азаюы клиникалық елеулі болып табылмайды; өкпенің абсолютті тыныс алу көлемі пациенттердің педиатриялық тобындағы өзгерістермен бірдей артуды жалғастырған. 2 Екі топ та ең төмен клиникалық елеулі айырмашылығынан асқан (-0.24). Бауыр көлемінің патологиялық өзгерістері бар 26 пациенттің емдеуді бастағанға дейін 22 пациентте (85 %) бауырдың көлемі зерттеудің аяғына қарай тұрақтанған. Алғашқы 4 аптаның ішінде несепте (кретининнің мкг/мг) ГАГ шығарылу деңгейінің жылдам төмендеуі және оның зерттеу аяқталғанға дейін тұрақтануы байқалған. Несептегі ГАГ деңгейі 77% және тиісінше Плацебо/Альдуразим және Альдуразим/Альдуразим топтарында 66% азайған; зерттеудің аяғында пациенттердің үштен бірі (45-тің 15-і) несепте ГАГ қалыпты деңгейіне жеткен. Ауру манифестациясының деңгейін назарға алу үшін бес айнымалының (күтілетін қалыпты ӨҚӨС, Т6МХ (метр) пайызы, иық буынындағы қозғалыс көлемі, АГИ және көру өткірлігі) клиникалық елеулі өзгерістерін жинақтайтын күрделі бағалайтын көрсеткіш пайдаланылған. Жалпы нәтиже: 26 пациенттің (58 %) жағдайы жақсарған, 10 пациентте (22 %) ешқандай өзгеріс жоқ және 9 пациенттің (20 %) жағдайы нашарлаған. 2-фазадағы ашық 12 айлық зерттеулерде негізінен 5 жастан кіші (16 пациент аурудың ауыр көрінісімен және 4 ауру көрінісінің орташа ауырлық деңгейімен) 20 пациентте препараттың қауіпсіздігі мен фармакокинетикасы бағаланған. Препаратты 52 апта бойы инфузиялық апта сайын 100 ӘБ/кт қолдану жоспарланған. Төрт пациентке 22 аптада ГАГ жоғары деңгейіне байланысты соңғы 26 апта зерттеудің ішінде 200 ӘБ/кг дейін дозаны арттырған. Он сегіз пациент толық зерттеуден өтті. Альдуразим екі дозада да жағымдылығы жақсы болған. Несептегі ГАГ орташа деңгейі 13 аптада 50 % және зерттеудің аяғында 61 % азайған. Зерттеу аяқталғаннан кейін барлық пациенттерде бауырдың көлемі кішірейген, және 50 % (18-дің 9-ы) тұрақтанған. Сол жақ жүрекшеде орташа гипертрофиясы бар пациенттердің үлесі 53 %-тен (19-дың 10-ы) 17 % дейін (18-дің 3-і) азайған және орташа сол жақ жүрекшенің салмағы (дене беткейінің алаңын ескере отырып) 0.9 Z мәні (n=17) азайған. Бірнеше пациентте жастық Z-мәндері бойынша бойы (n=7) және дене салмағы (n=3) артқан. Аурудың ауыр көрінісі бар жас пациенттерде (<2.5 жыл) және ауырлық деңгейі орташа 4 пациентте ақылдың дамуы көрсеткішінің динамикасы қалыпты болған, ол кезде аурудың ауыр көрінісі бар жасы үлкен пациенттерде көрсеткіштер өзгермеген немесе елеусіз өзгерген. Зерттеудің 4 Фазасы несепте ГАГ деңгейіне, бауырдың көлеміне, және препаратты дозалаудың түрлі режимінің Т6МХ фармакодинамикалық әсерлерін бағалау үшін жүргізілген. Ашық 26 апталық зерттеуде МПС-І бар 33 пациент препаратты дозалаудың 4 режимінің 1 алған: әрбір апта в/і 100 ӘБ/кг (ұсынылған дозалау режимі), әрбір апта в/і 200 ӘБ/кг, әрбір 2 апта в/і 200 ӘБ/кг және әрбір 2 апта в/і 300 ӘБ/кг. Дозалау режимдері ұсынылғаннан жоғары ешқандай артықшылықтарды көрсетпеген. Әрбір 2 апта в/і 200 ӘБ/кг апта сайын инфузия жүргізетін мүмкіндіктері жоқ пациенттер үшін тиімді балама болуы мүмкін; дегенмен дозалаудың осы екі режимінің ұзақ мерзімді клиникалық тиімділігінің баламалылығы туралы ешқандай деректер жоқ.

Альдуразим® препаратымен емдеу МПС-I немесе зат алмасудың бұзылуының басқа тұқым қуалайтынын аурулары бар пациенттерді емдеу тәжірибесі бар дәрігердің бақылауымен өткізілуі тиіс. Препаратпен емдеуді реанимациялық шаралар жүргізу үшін қажетті жабдықтар мен мамандар бар тиісті клиникалық жағдайларда өтуі тиіс. Дозалау режимі Препараттың ұсынылған дозасы – пациенттің дене салмағының әр кг 100 ӘБ аптасына бір венаішілік инфузия түрінде. Пациенттердің ерекше топтары Бүйрек және бауыр жеткіліксіздігі бар пациенттер Бүйрек және бауыр жеткіліксіздігі бар пациенттерде препараттың қауіпсіздігі мен тиімділігі анықталмаған және қазіргі уақытта осы пациенттерде дозалау режимі бойынша ұсынымдар жоқ. Егде жастағы пациенттер Препараттың 65 жастан асқан тұлғаларда қауіпсіздігі мен тиімділігі анықталмаған, және қазіргі уақытта бұл пациенттерде дозалау режимі бойынша нұсқаулар жоқ. Балалар Балаларда дозаны түзету қажет емес. Қолдану тәсілі Альдуразим® препараты вена ішіне инфузияға арналған. Препаратты енгізудің бастапқы жылдамдығы - он бес минут сайын жылдамдықтың ықтимал жоғарылауымен 2 ӘБ/кг/сағ, жағымдылығы жақсы болғанда жылдамдықты ең жоғары 43 ӘБ/кг/сағ дейін арттыруға болады. Барлық инфузияны жүргізудің болжамды уақыты 3-4 сағат. Альдуразим® препаратының әрбір құтысы бір рет қолдануға арналған. Ерітінді дайындауға арналған концентратты инфузия үшін 0.9% натрий хлориді (9 мг/мл) ерітіндісімен асептикалық түрде сұйылту керек. Альдуразим® препаратының дайын ерітіндісін ұяшық өлшемі 0,2 мкм кірістірілген сүзгілері бар инфузиялық жүйелерді қолдана отырып енгізу ұсынылады. 0,9% натрий хлоридінде қалпына келтірілген Альдуразим® препаратының осмолярлығы 415-505 мОсм/кг және рН 5,2-5,9 құрайды. Альдуразим® препаратының ерітіндісін асептикалық дайындау • Пациенттің жеке дене салмағына қарай сұйылтылатын құтылардың қажетті санын анықтаңыз. Құтыларды бөлме температурасына (30°C-ден төмен) жету үшін сұйылтудан шамамен 20 минут бұрын тоңазытқыштан шығарып алыңыз. • Сұйылту алдында әрбір құтыда бөлшектердің бар-жоғын және түсінің өзгеруін қарап тексеріңіз. Қалыпты жағдайы – мөлдір немесе сәл бозаңданатын, түссіз немесе көрінетін бөлшектері жоқ ашық сары ерітінді. Бөлшектері бар немесе түсі өзгерген құтыларды пайдаланбаңыз. • Инфузияның жалпы көлемін пациенттің жеке дене салмағына қарай анықтаңыз: 100 мл (егер дененің салмағы 20 кг-нан аз немесе тең) немесе 250 мл (егер дененің салмағы 20 кг-нан жоғары) 0.9% натрий хлоридінде (9 мг/мл) сұйылту керек. • Натрий хлоридінің 0.9% ерітіндісінің (9 мг/мл) көлемін препараттың инфузиялық қапқа қосылуы тиіс жалпы көлеміне тең инфузиялық қаптан шығарып, алып тастаңыз. • Препараттың құтысынан концентраттың қажетті көлемін алыңыз және еріткішке енгізіңіз • Инфузиялық ерітіндіні ақырын араластырыңыз. • Пайдаланар алдында ерітіндіде бөлшектердің бар-жоғын қарап тексеру керек. Мөлдір және түссіз дайын ерітіндіні ғана пайдалануға болады. Препараттың сұйытылған ерітіндісі дайындалғаннан кейін бірден пайдаланылуы тиіс. Егер препарат дайындалғаннан кейін бірден пайдаланылмаса, онда ерітінді 2 - 8°C температурада 24 сағаттан астам уақыт сақтауға болмайды. Пайдаланылмаған препарат және өзге де қалдықтар ұлттық заңнама нормаларына сәйкес утилизациялауға жатады.

- әсер етуші затқа немесе препараттың кез келген қосымша заттарына аса жоғары сезімталдық (мысалы, анафилаксиялық реакция).

Нұсқаулықта көрсетілмеген.

Ларонидазаны дұрыс енгізбеу (артық дозалану және/немесе инфузия жылдамдығы ұсынылғаннан жоғары) жағымсыз реакциялардың дамуына әкелуі мүмкін. Ларонидазаны тым тез енгізу жүрек айнуын, іш ауыруын, бас ауыруын, бас айналуын және ентігуді тудыруы мүмкін. Мұндай жағдайларда және пациенттің клиникалық жағдайына байланысты инфузияны дереу тоқтату немесе инфузия жылдамдығын төмендету керек. Медициналық көрсетілімдер болған жағдайда тиісті емдеу басталуы тиіс. Стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар Өте жиі • бас ауыруы • қан кернеуі • жүрек айнуы, құрсақ қуысындағы ауыру • бөртпе • артропатия, артралгия, арқаның ауыруы, аяқ-қолдың ауыруы • пирексия, препаратты енгізу орнындағы реакция* Жиі • анафилаксиялық реакциялар • мазасыз жағдай • парестезия, бас айналуы • тахикардия • артериялық қысымның төмендеуі, тері жабындарының бозаруы, аяқ-қолдың «тоңу» сезімі • респираторлық дистресс-синдромы, ентігу, жөтел • құсу, диарея • ангионевроздық ісіну, беттің ісінуі, есекжем, қышыну, суық тер, таздану, гипергидроз • сүйек-бұлшықет ауыруы • қалтырау, ысынуды және тоңуды сезіну, шаршау, тұмауға ұқсас жай күй, инъекция орнындағы ауырсыну • дене температурасының жоғарылауы, қанның оттегімен қанығуының төмендеуі. Жиілігі белгісіз • аса жоғары сезімталдық • брадикардия • гипертензия • цианоз, гипоксия, тахипноэ, бронх түйілуі, тыныс алудың тоқтауы, көмейдің ісінуі, тыныс алу жеткіліксіздігі, жұтқыншақтың ісінуі, стридор, тыныс алу жолдарының обструкциялық ауруы • еріннің ісінуі, тілдің ісінуі • эритема, беттің ісінуі • экстравазация, шеткері ісіну • препаратқа спецификалық антиденелердің пайда болуы, бейтараптандыратын антиденелер, артериялық қысымның жоғарылауы * инъекция орнындағы реакцияларға мыналар кірді: ісіну, эритема, жайсыздық, есекжем, бозару, дақтар және жылу сезімі. Жекелеген жағымсыз реакциялардың сипаттамасы Жағымсыз реакциялардың көпшілігі инфузияға байланысты реакцияларға (ИБР) қатысты. Олардың кейбіреулері ауыр болды. Ең жиі жағымсыз реакциялар мыналар болған: бас ауыруы, жүрек айнуы, іш ауыруы, бөртпе, артралгия, арқа ауыруы, аяқ-қол ауыруы, қан кернеуі, пирексия, препаратты енгізу орнындағы реакциялар, артериялық қысымның жоғарылауы, қанның оттегімен қанығуының төмендеуі, тахикардия және қалтырау. ИБР туралы постмаркетингтік деректерді жинау цианоз, гипоксия, тыныс алудың тоқтауы, пирексия, құсу, қалтырау және эритема сияқты жағымсыз реакциялардың болуын көрсетті, олардың кейбіреулері ауыр болды. Балаларда барлық жағымсыз реакциялар жеңіл және орташа болды. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Бақылануы Биологиялық дәрілік препараттардың бақылануын жақсарту үшін енгізілген препараттың атауы мен партия нөмірін көрсету қажет. Аса жоғары сезімталдық реакциялары (анафилаксияны қоса) Альдуразим® препаратымен емделген пациенттерде анафилаксияны қоса, аса жоғары сезімталдық реакциялары туралы хабарланды. Бұл реакциялардың кейбіреулері өмірге қауіп төндірді және тыныс алу жеткіліксіздігі/респираторлық дистресс синдромы, стридор, тыныс алу жолдарының обструкциялық ауруы, гипоксия, гипотензия, брадикардия және есекжем кірді. Пациенттерге Альдуразим® препаратын енгізу жүрек-өкпе реанимациясына арналған жабдықты қоса, шұғыл медициналық көмек көрсету үшін қажетті жарақтар болған кезде тиісті клиникалық жағдайда жүргізілуі тиіс. Анафилаксия немесе аса жоғары сезімталдықтың басқа да ауыр реакциялары пайда болған жағдайда Альдуразим® препаратын енгізуді дереу тоқтату керек. Бұл пациенттерде коронарлық артерия ауруының көп кездесуіне байланысты МПС-I бар пациенттерде адреналинді қолдану кезінде сақтық таныту керек. Ауыр аса жоғары сезімталдығы бар пациенттерде Альдуразим® препаратына десенсибилизация ем шарасы қарастырылуы мүмкін. Егер препаратты қайта енгізу туралы шешім қабылданса, өте сақ болу керек және тиісті реанимациялық шаралар жүргізу керек. Егер аса жоғары сезімталдықтың жеңіл немесе орташа реакциясы пайда болса, инфузия жылдамдығын төмендетуге немесе препаратты енгізуді уақытша тоқтатуға болады. Егер аса жоғары сезімталдық реакцияларының симптомдары жойылса, ұсынылған дозамен инфузия қайта басталуы мүмкін. Инфузияға байланысты реакциялар (ИБР) Альдуразим® препаратымен емдеу кезінде пациенттерде ИБР дамуы мүмкін, олар инфузия кезінде немесе оны жүзеге асырған күні препаратты қолданумен байланысты кез келген жағымсыз реакциялар ретінде анықталады. Негізгі аурулары өршіген пациенттерде Альдуразим® препаратын қолдану кезінде ИБР пайда болу қаупі жоғары. Препаратты қолданар алдында пациенттің клиникалық жағдайын мұқият бағалау қажет. Препаратпен емдеудің басында немесе емдеудегі үзілістен кейін қайта енгізген кезде ИБР пайда болу қаупін азайту мақсатында инфузия басталғаннан шамамен 60 минут бұрын премедикация антигистаминдермен және/немесе ыстық түсіретін/қабынуға қарсы препараттармен жүргізу ұсынылады. Медициналық көрсетілімдер болған жағдайда Альдуразим® препаратын кейіннен инфузиялай отырып, дәрі-дәрмектік премедикация жүргізуге болады. Ұзақ үзілістен кейін емдеуді қайта бастау тәжірибесінің аздығына байланысты мұндай жағдайларда аса жоғары сезімталдық реакцияларының даму қаупінің жоғарылауына байланысты сақ болу керек. Жоғарғы тыныс алу жолдарының ауыр аурулары бар пациенттерде ауыр ИБР туралы хабарланды. Сондықтан мұндай пациенттердің жай-күйін жедел медициналық көмек көрсету үшін қажетті реанимациялық жабдықтар болған кезде Альдуразим® препаратын тиісті клиникалық жағдайларда ғана мұқият бақылауды және енгізуді жалғастыру керек. Бірінші рет инфузиямен байланысты ауыр реакция дамыған жағдайда, инфузияны симптомдар жойылғанға дейін тоқтатып, симптоматикалық емдеуді қарастырған жөн, мысалы, антигистаминдік және ыстық түсіретін/қабынуға қарсы препараттар. Альдуразим® препаратын ауыр ИБР-ден кейін қайта енгізудің пайдасы мен қаупін ескеру қажет. Инфузия жылдамдығын реакция пайда болған инфузия жылдамдығын 1/2–1/4 дейін төмендету арқылы инфузияны қалпына келтіруге болады. Инфузиямен байланысты орташа ауырлықтағы қайталама реакциялар жағдайында немесе бірінші ауыр ИБР кейін препаратты қайта тағайындағанда премедикацияны антигистаминдік және ыстық түсіретін/қабынуға қарсы препараттар және/немесе кортикостероидтар қарастырып, бұл реакция соңғы рет пайда болған инфузия жылдамдығын 1/2–1/4 дейін төмендету керек. Жеңіл және орташа ауырлықтағы ИБР пайда болған кезде премедикацияны (мысалы, антигистаминдік және ыстық түсіретін /қабынуға қарсы препараттар) және/немесе инфузия жылдамдығын реакция пайда болған инфузия жылдамдығының жартысына дейін төмендетуді қарастырған жөн. Егер жоғары сезімталдық реакцияларының симптомдары жойылса, ұсынылған дозамен инфузия қайта басталуы мүмкін. Иммуногенділік Рандомизацияланған, салыстырмалы жасырын, плацебо-бақыланатын 3 Фазадағы клиникалық зерттеу деректері бойынша, барлық дерлік пациенттерде ларонидазаға IgG антиденелері пайда болды, негізінен емдеу басталғаннан кейін 3 ай ішінде. Вена ішіне енгізу үшін басқа ақуыздық препараттарды қолдану сияқты, осы препаратты тағайындау кезінде аллергиялық типтегі аса жоғары сезімталдықтың ауыр реакцияларының дамуы мүмкін. ИБР және аса жоғары сезімталдық реакциялары дәріге қарсы антиденелер өндірісіне қарамастан пайда болуы мүмкін. Антиденелер немесе ИБР симптомдары дамыған пациенттерге Альдуразим® препаратымен емдеу сақтықпен жүргізілуі керек. Альдуразим® препаратын қабылдайтын пациенттер мұқият бақылауда болуы тиіс. Инфузиялық реакциялардың, кешіктірілген реакциялардың және ықтимал иммунологиялық реакциялардың барлық жағдайлары туралы хабарлау қажет. Антиденелердің болуын үнемі анықтау керек, оған қоса IgG, IgE, ферментативті белсенділікке немесе ферментті қалпына келтіруге арналған бейтараптандыратын антиденелер және осы зерттеу нәтижелері туралы есеп беру керек. Клиникалық зерттеулер жүргізу кезінде байқалған инфузияға байланысты реакцияларды әдетте инфузия жылдамдығын төмендету арқылы, сондай-ақ антигистаминдік және/немесе ыстық түсіретін препараттармен (парацетамол немесе ибупрофен) премедикация арқылы бақылауға болады, содан кейін пациенттер емдеуді жалғастыра алады. Қосымша заттар Препарат құрамында құтыда 30 мг натрий бар, бұл ересектерде 2 г натрийдің ДДҰ бойынша ұсынылған тәуліктік дозасының 1,5%-ына баламалы және 0,9% натрий хлоридінің ерітіндісімен сұйылтқаннан кейін венаішілік инфузия түрінде енгізіледі. Арнайы ескертулер Фертильділік Ларонидазаның фертильділікке әсері туралы деректер жоқ.

• Жүкті әйелдерде ықтимал қауіп белгісіз, сондықтан Альдуразим® препаратын жүкті әйелдерде қолдануға болмайды, тек нақты қажеттілік жағдайларын қоспағанда. Ларонидаза емшек сүтімен бөлініп шығуы мүмкін, сондықтан Альдуразим® препаратымен емдеу кезінде аналар емшек емізуді тоқтатуы керек. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері • Көлік жүргізу және механизмдерді басқару қабілетіне ықтимал әсерді бағалау үшін зерттеулер жүргізілген жоқ.

Басқа дәрілік препараттармен өзара әрекеттесу туралы деректер жоқ. Ларонидазаның метаболизміне қарай оның дәрілердің өзара әрекеттесуіне дәнекер болып табылатын Р450 цитохромына ықпал ету ықтималдығы аз. Альдуразим® препаратын ларонидазаны жасушаға жеткізумен интерференцияның әлеуетті қаупінің салдарынан хлорохинмен немесе прокаинмен бір уақытта пайдаланбаған жөн. Үйлесімділік бойынша зерттеулердің болмауына байланысты бұл дәрілік препарат бір инфузияда басқа дәрілік заттармен араласпауы тиіс.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары • Тоңазытқышта 2°C-ден 8°C-ге дейінгі температурада. • Балалардың қолы жетпейтін жерде сақтау керек!