Альфадол капсулы 1 мкг

Бір капсуланың құрамында: белсенді зат – альфакальцидол 0.25 мкг немесе 1.0 мкг, тиісінше; қосымша заттар: бутилгидроксианизол, жүгері майы, желатин, глицерин, кристалданбайтын сұйық сорбитол, метилпарабен, пропилапарабен, Понсо 4R Супра бояғышы (Е 124) (0.25 мкг дозасы үшін), индигокармин бояғышы (Е 132) (1.0 мкг дозасы үшін), хинолинді сары бояғышы (Е 104) (1.0 мкг дозасы үшін). Сыртқы түрінің, иісінің, дәмінің сипаттамасы 0.25 мкг дозасы үшін Дөңгелек пішінді қызыл түсті жұмсақ мөлдір желатин капсулалар. Капсуланың ішіндегісі – өзіне тән иісі бар ақшыл-сары түсті майлы мөлдір сұйықтық. 1.0 мкг дозасы үшін Дөңгелек пішінді ашық жасылдан жасыл түске дейінгі жұмсақ мөлдір желатин капсулалар. Капсуланың ішіндегісі – өзіне тән иісі бар ақшыл-сары түсті майлы мөлдір сұйықтық.

Альфадол кальций алмасуының бұзылуымен байланысты жағдайларды емдеу үшін қолданылады, бұл 1α-гидроксилирлеу процесінің бұзылуынан туындайды, мысалы, бүйрек қызметінің төмендеуі кезінде. Негізгі көрсетілімдері мыналар: - бүйректік остеодистрофия - гиперпаратиреоз (сүйектердің зақымдануымен) - гипопаратиреоз - неонаталдық гипокальциемия - Д дәруменінің тамақпен жеткіліксіз түсуімен немесе оның АІЖ сіңуінің бұзылуымен байланысты рахит және остеомаляциялар - жалған тапшылықты (Д дәруменіне тәуелді) рахит және остеомаляция - Д дәруменіне резистентті гипофосфатемиялық рахит және остеомаляция

Әсер ету механизмі Альфакальцидол (1α-гидроксиколекальциферол) бауырда 1,25-дигидроксиколекальциферолға — кальций мен фосфор алмасуын реттеуші ретінде әсер ететін D дәруменінің белсенді метаболитіне (D3 дәрумені, кальцитриол) тез трансформацияланады. Бұлай түрлену жылдам жүретіндіктен, Альфадолдың және D 1,25-дигидроксидәруменінің клиникалық әсерлері өте ұқсас. Бүйректегі 1-α гидроксилденудің бұзылуы кезінде эндогенді 1,25-дигидроксидәрумен Д өндірілуі төмендейді. Бұл көрініс байқалуы мүмкін аурулар бүйрек остеодистрофиясын, гипопаратиреозды, жаңа туған нәрестелердегі гипокальциемияны және Д дәруменіне тәуелді рахитті қамтиды. Мұндай аурулар жағдайында түзету үшін Д дәруменінің жоғары дозалары қажет, бірақ жауап альфакальцидолдың аз дозаларына да болады. Емге жауаптың кешеуілдеуі және минерал алмасуының бұзылуын емдеуге қажетті D дәруменінің жоғары дозалары дозаны түзетуді қиындатады, бұл күтпеген гиперкальциемияға әкелуі мүмкін, оны жою үшін апталар немесе айлар қажет болуы мүмкін. Альфакальцидолдың фармакологиялық әсері жылдамырақ басталады, бұл дозаны неғұрлым дәл титрлеуге мүмкіндік береді. Кездейсоқ гиперкальциемия пайда болған жағдайда, ол альфакальцидолды тоқтатқаннан кейін бірнеше күн ішінде жойылуы мүмкін.

Дозалау режимі Ересектер және дене салмағы 20 кг-нан жоғары балалар: 1 мкг/тәулік. Қарт адамдар: 0,5 мкг/күн. Жаңа туған және шала туған балалар: 0,05 - 0,1 мкг/кг/күн. Дене салмағы 20 кг-нан төмен балалар: 0,05 мкг/кг/күн. Гиперкальциемины болдырмау үшін, осыдан кейін Альфадолдың дозасын биохимиялық көрсеткіштерге сәйкес түзету керек. Олар плазмадағы кальцийдің (ақуыздармен байланысуына мүлтіксіз түзетілген), сілтілік фосфатазаның, паратиреоидты гормонның деңгейлерін, сондай-ақ рентгенологиялық және гистологиялық зерттеулерді қамтиды. Бастапқыда плазмадағы кальций деңгейін бір апталық аралықпен өлшеп отыру қажет. Альфадолдың тәуліктік дозасын 0,25–0,5 мкг-ға арттыруға болады.Доза тұрақтанған кезде, өлшеуді әр 2-4 апта сайын жүргізуге болады.Ересек пациенттердің көпшілігіне тәулігіне 1-3 мкг дозаның әсері болады. Сүйектердің жазылуының биохимиялық немесе рентгенологиялық белгілері бар болса (және гипопаратиреозы бар пациенттерде, қан плазмасындағы кальцийдің қалыпты деңгейіне жеткен кезде), әдетте дозаны азайтады. Демеуші дозалар әдетте тәулігіне 0,25-1 мкг диапазонында болады. Егер гиперкальциемия туындаса, қан плазмасындағы кальций деңгейі қалпына келгенге дейін (шамамен 1 аптадан соң) Альфадол қабылдауды тоқтату керек, содан кейін алдыңғы дозаның жартысын пайдаланып қабылдауды қайта жалғастыру керек. Бүйрек жеткіліксіздігімен байланысты сүйек аурулары Плазмадағы кальцийдің бастапқы деңгейі салыстырмалы жоғары пациенттерде автономды гиперпаратиреоз болуы мүмкін, ол көбінесе альфакальцидолға реакция бермейді. Басқа да емдік шаралар қолданылуы мүмкін. Альфакальцидолмен емдеуге дейін және емдеу кезінде гиперфосфатемияның алдын алу үшін фосфатты байланыстырушы дәрілерді қолдану мүмкіндігін қарастырған жөн. Бүйректің созылмалы жеткіліксіздігі бар пациенттерде қан плазмасындағы кальций деңгейін жиі өлшеу ерекше маңызды, өйткені ұзаққа созылған гиперкальциемия бүйрек функциясының төмендеуін нашарлатуы мүмкін. Гиперпаратиреоз Паратиреоидэктомия жасау көзделіп отырған бастапқы немесе үшіншілік гиперпаратиреозы бар пациенттерде операция алдында альфакальцидолмен 2-3 апта бойы емдеу операция алдындағы гиперкальциемияны нашарлатпастан, сүйектердің ауыруын және миопатияны жеңілдетеді. Операциядан кейінгі гипокальциемияны азайту үшін, Альфадол препаратын қабылдауды плазмадағы сілтілік фосфатаза деңгейі қалыпқа дейін төмендегенше немесе гиперкальциемия туындағанға дейін жалғастыру керек. Гипопаратиреоз Нативті D дәруменіне реакциядан айырмашылығы, Альфадол препаратының көмегімен плазмада кальцийдің төмен деңгейі қалыпты деңгейіне салыстырмалы түрде жылдамырақ оралады. Ауыр гипокальциемия кальций қоспаларымен бірге Альфадолдың жоғарырақ (мысалы, 3-5 мкг) дозаларының көмегімен тезірек түзетіледі. Неонаталдық гипокальциемия: Қалыпты бастапқы доза Альфадол 0,05-0,1 мкг/кг/күн құрайды (мұқият титрлеумен), алайда ауыр жағдайларда доза 2 мкг/кг/күн дейін қажет болуы мүмкін. Сарысудағы иондалған кальций деңгейі организмнің реакциясын анықтауда бағдар ретінде қолданылуы мүмкін, бірақ қан плазмасындағы сілтілі фосфатаза белсенділігін өлшеу анағұрлым пайдалы болуы мүмкін. Ересектер үшін қалыпты мәннен шамамен 7,5 есе жоғары сілтілі фосфатаза деңгейі аурудың белсенді фазасын көрсетеді. 0,1 мкг/кг/күн Альфадол дозасы шала туған нәрестелердегі ерте неонаталдық гипокальциемияның алдын алу үшін тиімді екендігі дәлелденген. Д дәруменінің тағаммен келіп түсуінің жеткіліксіздігіне немесе оның АІЖ-де сіңуінің бұзылуына байланысты рахит және остеомаляциялар Д дәруменінің тағаммен келіп түсуінің жеткіліксіздігіне немесе оның АІЖ-де сіңуінің бұзылуына байланысты рахит және остеомаляцияларды Альфадол препаратының көмегімен тезірек емдеп шығуға болады. Мальабсорбция остеомаляциясы (вена ішіне үлкен дозаларына немесе нативті D дәруменінің вена ішіне дозаларына жауап беретін) Альфадолдың аз дозаларына жауап беретін болады. Жалған тапшылықты (Д дәруменіне тәуелді) рахит және остеомаляция Нативті D дәруменінің үлкен дозалары қажет болса да, Альфадолдың тиімді дозалары D дәрумені тапшылығы бар рахит және остеомаляцияны емдеуге қажетті дозаларымен бірдей. Д дәруменіне резистентті гипофосфатемиялық рахит және остеомаляция Нативті D дәруменінің үлкен дозалары да, фосфатты қоспалар да толық қанағаттанарлық болып табылмайды. Альфадол препаратымен қалыпты дозада емдеу миопатия болған кезде оны тез басады, және кальцийдің және фосфаттың іркілісін арттырады. Кейбір пациенттерге фосфатты қоспалар да қажет болу мүмкін. Енгізу әдісі және жолы Препаратты ішке қабылдайды.

– әсер етуші затына немесе «Құрамы» бөлімінде атап көрсетілген қосымша заттарының кез келгеніне аса жоғары сезімталдық – гиперкальциемия, метастатикалық кальцификация – 18 жасқа дейінгі балалар мен жасөспірімдерге қолдануға болмайды (1,0 мкг дозасы үшін, капсула құрамында бояғыштар бар болғандықтан)

Жағымсыз әсерлер жиілігіне баға беру клиникалық зерттеу деректері мен өздігінен келіп түскен хабарламалардың біріккен талдауына негізделген. Ең жиі хабарланатын жағымсыз әсерлері қышыну және бөртпе сияқты әртүрлі тері реакциялары, гиперкальциемия, асқазан-ішек ауыруы/жайсыздығы және гиперфосфатемия болып табылады. Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥ 1/100 – < 1/10), жиі емес (≥ 1/1000 – < 1/100), сирек (≥ 1/10000 – < 1/1000), өте сирек (< 1/10000), жиілігі белгісіз (бар деректер негізінде бағалау мүмкін емес). Зат алмасу және тамақтану тарапынан бұзылулар Жиі - гиперкальцемия, гиперфосфатемия - іштің ауыруы және жайсыздық - бөртпе, қышыну (*Эритематозды, макулопапулезді және пустулезді сияқты әртүрлі бөртпе түрлері туралы хабарланған) - гиперкальциурия Жиі емес - бас ауыруы - іш өтуі, құсу, іш қатуы, жүрек айнуы - есекжем - миалгия - нефролитиаз/нефрокальциноз - шаршау/ астения/ жайсыздық, кальциноз Сирек - бас айналуы Белгісіз - сананың шатасуы - бүйрек жеткіліксіздігі (бүйректің жедел жедел жеткіліксіздігін қоса) Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Д дәруменін шамадан тыс қабылдау гиперкальциемияның дамуына алып келеді. Алайда, препаратты тоқтатқан кезде әсері тез арада керісінше өзгереді. Емі: жалпы демеуші іс-шаралар – инфузиялық тұзды ерітінділерді енгізумен гидратация (қарқынды диурез мақсатында), кей жағдайларда – құрамында кальций жоқ диализатты қолдана отырып, глюкокортикостероидтық препараттарды, ілмектік диуретиктерді, бисфосфонаттарды, кальцитонинді, перитонеальді диализді немесе гемодиализді тағайындау. Қан сарысуындағы электролиттер (әсіресе кальций) мөлшерін, бүйрек функциясын және жүректің жағдайын (электрокардиограмма деректері бойынша), әсіресе, оймақгүл препараттарын қабылдап жүрген пациенттерде міндетті түрде бақылау керек.

Альфадол препаратының құрамында Понсо 4R Супра бояғышы (Е 124) (0.25 мкг дозасы үшін), индигокармин бояғышы (Е 132) (1.0 мкг дозасы үшін), хинолинді сары бояғышы (Е 104) (1.0 мкг дозасы үшін) бар. Капсулалардың құрамында 0,25 мкг дозада болатын Понсо 4R Супра (E 124) бояғышы аллергиялық реакциялар туындатуы мүмкін. Ал капсулалардың 1,0 мкг дозасында балаларға қолдануға тыйым салынған бояғыштар — индигокармин (E 132) және хинолин сарысы (E 104) болғандықтан, Альфадол препараты, 1,0 мкг, балаларда қолдануға тыйым салынады. Арнайы сақтандырулар Альфакальцидолмен емдеу кезінде сарысудағы кальций мен фосфат деңгейлерін тұрақты түрде бақылау қажет, әсіресе балаларда, бүйрек жеткіліксіздігі бар пациенттерде және жоғары дозалар қабылдайтын науқастарда. Паратиреоидтық гормон (ПТГ), сілтілі фосфатаза және кальций фосфаттары клиникалық көрсеткіштерге сәйкес бақылануы тиіс. Альфакальцидолды қабылдаған пациенттерде гиперкальциемия пайда болуы мүмкін. Осы себептен пациенттер гиперкальциемиямен байланысты клиникалық симптомдар туралы хабардар болуы тиіс. Гиперкальциемияның белгілері бұлшықет пен сүйектердің ауыруы, бұлшықет әлсіздігі, сананың шатасуы, сусыздану, анорексия, шаршау, жүрек айну және құсу, іш қатуы, полиурия, тершеңдік, бас ауыруы, полидипсия, гипертония және ұйқышылдық болып табылады. Гиперкальциемияны плазмада кальций деңгейі қалыпқа келгенше (шамамен бір аптадан соң) препаратты тоқтату және кальций тұтынуды төмендету арқылы түзетуге болады. Содан соң емді кальций деңгейіне мониторинг жүргізе отырып, соңғы қабылдаған дозасының жартысынан бастап жалғастыруға болады. Ұзаққа созылған гиперкальциемия атеросклерозды, жүрек клапандарының склерозын немесе нефролитиазды ушықтыруы мүмкін, және, соған орай, аталған пациенттерде альфакальцидол пайдаланылып жүрген кезде гиперкальциемияның ұзаққа созылуын болдырмау керек. Бүйрек функциясының уақытша немесе тіпті ұзаққа созылған нашарлауы байқалған. Альфакальцидолды өкпе тінінің кальцификациясы бар пациенттерде де сақтықпен қолданған жөн, өйткені бұл жүрек ауруларына алып келуі мүмкін. Бүйрек остеодистрофиясы немесе бүйрек функциясының күрделі төмендеуі бар пациенттерде альфакальцидолмен бір мезгілде сарысудағы фосфат деңгейінің жоғарылауының және ықтимал метастаздық кальцификацияның алдын алу үшін фосфат байланыстыратын агентті пайдалануға болады. Альфакальцидолды саркоидоз сияқты, гранулематозды аурулары бар, гидроксилдену белсенділігінің жоғары болуына байланысты Д дәруменіне сезімталдығы жоғарылаған пациенттерде сақтықпен пайдалану керек. D витаминін қабылдаумен байланысты гиперкальциемия жағдайында жүрек гликозидтерін бір мезгілде қолдану жүрек аритмиясының даму ықтималдығын арттырады. Сорбитол Тұқым қуалайтын фруктоза жақпаушылығы бар адамдарға қарсы көрсетілімдер бар. Бутилгидроксианизол Орташа босаңсытатын әсер. Метилпарагидроксибензоат Баяу типті аллергиялық реакциялар, бронхтың түйілуі. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Альфакальцидол көлік құралдарын және қауіптілігі зор мехзанимдерді басқару қабілетіне тікелей немесе елеусіз әсерін тигізбейді. Алайда пациентке емдеу кезінде бас айналуының пайда болуы мүмкін екені туралы ақпарат берілуге тиіс. Зейін қоюдың жоғарылығын және психомоторлық реакциялардың жылдамдығын талап ететін көлік құралдары мен механизмдерді басқару кезінде сақтық таныту керек.

Альфакальцидолды жүкті әйелдерде пайдалану туралы деректер саны шектеулі. Жануарлардағы зерттеулер жоғары дозаларда репродуктивті уыттылығын көрсетті. Сондықтан Альфадолды жүктілік кезінде және контрацепцияны пайдаланбайтын бала туу әлеуеті бар әйелдерде қолдану ұсынылмайды. Анықталмаған болса да, 1,25-дигидроксидәрумен D-ның жоғары мөлшері альфакальцидолды қабылдайтын, емшек емізіп жүрген ана сүтінде анықталуы әбден ықтимал. Бұл баладағы кальций метаболизміне ықпал етуі мүмкін. Демек, аналары альфакальцидол пайдаланатын, емшек еміп жүрген балалар гиперкальциемияға қатысты мұқият бақылануға тиіс. Фертильділік Альфакальцидолдың фертильділікке ықпалы туралы деректер жоқ. Клиникаға дейінгі зерттеу егеуқұйрықтарда фертильділікке ықпалын көрсеткен жоқ.

Тиазидтік диуретиктер мен құрамында кальций бар препараттар Тиазидтік диуретиктермен және құрамында кальций бар препараттармен бір мезгілде қолданғанда гиперкальциемияның даму қаупі жоғарылауы мүмкін. Кальций деңгейі бақылануы тиіс. Құрамында Д дәрумені бар басқа препараттар Бір мезгілде қолданған кезде гиперкальциемия қаупі артады. Д дәруменінің бірнеше аналогын пайдаланбаған дұрыс. Құрысуға қарсы дәрілер (мысалы, барбитураттар, фенитоин, карбамазепин немесе примидон) альфакальцидол метаболизмінің күшеюіне алып келетін фермент индукциялайтын әсерге ие. Құрысуға қарсы дәрілерді қабылдап жүрген пациенттерге альфакальцидолдың жоғарырақ дозалары қажет болуы мүмкін. Құрамында магний бар антацидтер Альфакальцидол гипермагниемияның даму қаупін арттыра отырып, құрамында магний бар антацидтердің сіңуін күшейтеді. Құрамында алюминий бар препараттар Альфакальцидол алюминийдің сарысудағы концентрациясын арттыруы мүмкін. Құрамында алюминий бар препараттарды (мысалы, алюминий гидроксиді, сукральфат) қабылдап жүрген пациенттер алюминиймен байланысты уыттылық белгілерінің болуына қатысты бақыланып отыруы тиіс. Холестирамин сияқты өт қышқылдарының секвестранттарын қатарлас пероральді қолдану ішке қабылданатын альфакальцидолдың ішекте сіңірілуін нашарлатуы мүмкін. Өзара әрекеттесудің ықтимал қаупін азайту үшін, альфакальцидолды өт қышқылдары секвестранттарын қабылдаудан 1 сағат бұрын немесе 4-6 сағаттан кейін қабылдау керек.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!