Альфахолин. раствор 1000 мг/4 мл

Бір ампуланың ішінде: белсенді зат – холин альфосцераты 1000 мг (сусыз затқа шаққанда). қосымша зат – инъекцияға арналған су 4 мл ерітінді алғанға дейін. Сыртқы түрінің, иісінің, дәмінің сипаттамасы Мөлдір, түссіз немесе аздап сарғыш түсті ерітінді.

- есте сақтаудың бұзылуы, сананың шатасуы, бағдарсыздық, мотивацияның, бастамашылдықтың, жадыны жұмылдыру қабілетінің төмендеуімен сипатталатын егде жастағы адамдардағы біріншілік және екіншілік когнитивтік бұзылыстар секілді цереброваскулярлық жеткіліксіздіктен болатын мидағы инволюциялық және дегенеративтік үдерістер салдарынан психоорганикалық синдромда. - егде жаста мінез-құлық пен аффективті сфераның бұзылуы: эмоциялық ауытқымалылық, қатты ашушаңдық, қызығушылықтың төмендеуі.

Фармакодинамикалық әсері Холин альфосцераты холинергиялық синапстық трансмиссияның азаюымен және нейрон жарғақшаларының фосфолипидті құрамының зақымдануымен сипатталатын психоорганикалық инволюциялық синдром патогенезінің факторларының бірі ретінде жарғақшалардың зақымдануын потенциалды алдын алатын холиннің тасымалдайтын түрі және фосфатидилхолиннің ізашары болып табылады. Холин альфосцератының химиялық құрылымы (құрамында 40,5% холин бар) және молекуланың физика-химиялық қасиеттері холиннің бір бөлігінің гематоэнцефалдық бөгет арқылы өтуін қамтамасыз етеді. Клиникаға дейінгі және клиникалық зерттеулердің нәтижелері холин альфосцератының негізінен когнитивті-мнестикалық функциясына, сондай-ақ мидың инволюциялық патологиясы кезінде бұзылған эмоциялық және мінез-құлықтық белсенділігіне әсер ету қабілетін растайды.

Дозалану режимі Әдеттегі доза: тәулігіне бұлшықет ішіне және вена ішіне (баяу) бір ампула (1000 мг). Қажет болған кезде дозалануы дәрігердің ұсынысы бойынша арттырылуы мүмкін. Енгізу әдісі және жолы Вена ішіне және бұлшықет ішіне енгізуге арналған. Вена ішіне енгізу кезінде ампула (4 мл) ішіндегісін 50 мл физиологиялық ерітіндіге сұйылтады, инфузия жылдамдығы – минутына 60-80 тамшы.

• әсер етуші затқа немесе қосымша заттардың кез келгеніне аса жоғары сезімталдық • 18 жасқа дейінгі балаларға және жасөспірімдерге: қолдану қауіпсіздігі туралы деректер жоқ • жүктілік және емшек емізу кезеңінде: қолдану қауіпсіздігі туралы деректер жоқ.

Өте сирек (пациентердің 0.001% астамында, бірақ 0.01% кемiнде кездеседі): - іштің ауыруы - қысқа мерзімді сананың шатасуы - жүрек айнуы (допаминергиялық активация салдары), мұндай жағдайда препараттың дозасын төмендетеді - аллергиялық реакциялар болуы мүмкін. Барлық жағымсыз реакциялардың, оның ішінде нұсқаулықта көрсетілмегендердің пайда болуы туралы емдеуші дәрігерге хабарлау қажет.

Симптомдары: жүрек айнуы. Осы симптом байқалса дәрілік заттың дозасын төмендету керек.

Препаратты қолданғаннан кейін жүрек айнуы тауындаса дозаны азайту керек. Балаларда қолдану: дәрілік зат балаларға қолдану үшін арналмаған. Дәрілік затты қолдану тәжірибесі балаларда жоқ. Жүктілік және емшек емізу кезеңінде: жүктілік және лактация кезінде препаратты қолдануға болмайды. Арнайы ескертулер Педиатрияда қолдану Қауіпсіздік бойынша деректердің болмауына байланысты балаларға Альфахолинді қолдану ұсынылмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Көлік құралдарын басқару немесе жоғары зейін қоюды және/немесе психомоторлық реакция жылдамдығын талап ететін қызметтің басқа түрлерімен айналысу кезінде сақтық таныту керек.

Жүктілік. Жүктілік кезінде препаратты қолдануға болмайды. Лактация. Емшек емізу кезінде препаратты қолдануға болмайды.

Өзара әрекеттесуіне зерттеулер жүргізілген жоқ.

Сақтау мерзімі 4 жыл Жарамдылық мерзімі өткеннен кейін пайдалануға болмайды. Сақтау шарттары 25 оС-ден аспайтын температурада сақтау керек. Балалардың қолы жетпейтін жерде сақтау керек!