Амброксол таблетки 30 мг

Бір таблетканың құрамында белсенді зат – 30 мг амброксол гидрохлориді; қосымша зат - лактоза моногидраты, картоп крахмалы, сусыз коллоидты кремнийдің қостотығы (аэросил), кальций стеараты. Сыртқы түрінің, иісінің, дәмінің сипаттамасы Жалпақ цилиндр пішінді, ақ немесе сарғыштау реңді ақ түсті, ойығы және сызығы бар таблеткалар.

Қақырық секрециясының бұзылуымен және шығуының қиындауымен сипатталатын жедел және созылмалы бронх-өкпе ауруларының секретолитикалық емінде.

Клиникаға дейінгі зерттеулерде амброксолдың белсенді ингредиенті Амброксол гидрохлориді бронх секретіндегі серозды компоненттің үлесін арттыратыны анықталды. Сонымен қатар, Амброксол гидрохлориді альвеолалардағы 2 типті пневмоциттерге және бронхиолалардағы Клара жасушаларына әсер ету арқылы сурфактанттың түзілуін күшейтеді және кірпікшелі эпителийдің белсенділігін cтимуляциялайды. Бұл әсерлер шырыш тұтқырлығының төмендеуіне, шырыштың (мукоцилиарлы клиренс) ағуы мен тасымалдануының күшейтуіне әкеледі. Клиникалық-фармакологиялық зерттеулерде мукоцилиарлы клиренстің жақсарғанын анықтауға мүмкіндік туды. Сұйық секреттің бөлінуінің көбеюі және мукоцилиарлы клиренстің күшеюі қақырықтың шығуын жақсартады және жөтелді жеңілдетеді. Препаратты СОӨА бар пациенттерде ұзақ уақыт (6 ай) қолдану 2 айлық емдеу кезеңінен кейін асқыну санының айтарлықтай төмендеуіне әкелді. Амброксол қабылдаған пациенттерде асқыну ұзақтығы мен антибиотиктермен емдеу күндерінің саны айтарлықтай азайғаны байқалды. Плацебомен салыстырғанда Амброксол препаратымен емдеу қақырық шығуы, жөтел, ентігу және аускультациялық белгілер тұрғысынан симптоматиның статистикалық маңызды жақсарғанын көрсетті. Амброксол гидрохлоридінің жергілікті анестезиялық әсері қоян көзінің моделінде байқалды. Осы әсерді натрий өзектерін бөгеу қасиеттерімен түсіндіруге болады. In vitro зерттеулері амброксол гидрохлориді нейрондық натрий өзектерін бөгейтінін көрсетті. Байланыстыру қайтымды және концентрацияға тәуелді болды. In vitro зерттеулерінде амброксол гидрохлоридінің қабынуға қарсы әсері бар екендігі анықталды. Осылайша, амброксол гидрохлориді қан мен тіндердің мононуклеарлы және полиморфонуклеарлы жасушаларынан цитокиннің босап шығуын айтарлықтай азайтады. Фарингитпен ауыратын пациенттерді тарта отырып клиникалық зерттеулердің нәтижесінде 30 мг сіңірілетін таблеткалар түрінде қолданылатын амброксол гидрохлориді тамақтың ауыруы мен қызаруын едәуір төмендететіні дәлелденді. Ауырсынудың тез төмендеуіне әкелетін осы фармакологиялық қасиеттер жоғарғы тыныс алу жолдарының ауруларын емдеуде амброксолмен ингаляцияның тиімділігін клиникалық зерттеулерде симптомдарды қосымша бақылау деректеріне сәйкес келеді. Амброксол гидрохлоридін қолданғаннан кейін қақырықта және бронх-өкпе секретінде антибиотиктердің (амоксициллин, цефуроксим, эритромицин және доксициклин) концентрациясы жоғарылайды. Осы байқаудың клиникалық маңыздылығы әлі анықталған жоқ.

Дозалау режимі Ересектер және 12 жастан және одан үлкен жасөспірімдер: емдеудің алғашқы 2-3 күнінде-күніне 3 рет 30 мг (1 таблетка). Қажет болса, емдік әсерді күшейту үшін ересектердегі тәуліктік дозаны күніне 120 мг-ға дейін арттыруға болады: күніне 2 рет 60 мг (2 таблетка). Келесі күндері күніне 2 рет 1 таблеткадан қабылдау керек. 6 жастан 12 жасқа дейінгі балалар: 15 мг (1/2 таблетка) күніне 2-3 рет. Емдеу курсының ұзақтығын дәрігер аурудың ағымына байланысты жеке таңдайды. Дәрігердің тағайындауынсыз 4-5 күннен артық қабылдау ұсынылмайды. Аурудың симптомдары қабылдауды бастағаннан бастап 4-5 күн бойы сақталған жағдайда дәрігерге қаралу ұсынылады. Енгізу әдісі мен жолы Ішке, тамақтанғаннан кейін, таблетканы шайнамай, жеткілікті мөлшерде сұйықтықпен тұтастай жұту керек.

- әсер етуші затқа немесе қосымша заттардың кез келгеніне аса жоғары сезімталдық - құрамында әсер етуші заттың көп болуына байланысты 6 жасқа дейінгі балаларға қолдануға болмайды.

Жиі • жүрек айнуы Жиі емес • құсу, диарея, диспепсия, іштің ауыруы Сирек • аса жоғары сезімталдық реакциялары • бөртпе, есекжем Өте сирек • сиалорея Жиілігі белгісіз (қолда бар деректер негізінде бағалау мүмкін емес) • анафилаксиялық шок, ангионевроздық ісіну және қышынуды қоса, анафилаксиялық реакциялар • терінің ауыр реакциялары (көп формалы эритема, Стивенс-Джонсон синдромы/уытты эпидермалық некролиз және жедел жайылған экзантематозды пустулезді қоса) • ентігу (аса жоғары сезімталдық реакциясының симптомы ретінде) Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қаже Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Адамда артық дозаланудың ерекше симптомдары сипатталмаған. Кездейсоқ артық дозаланғанда және/немесе қате қолданғанда байқалған симптомдар амброксолды ұсынылған дозаларда қолданған кезде сипатталған жағымсыз реакцияларға сәйкес келетіні хабарланды. Емдеу: симптоматикалық.

Амброксол гидрохлоридін қолдануға байланысты көп формалы эритема, Стивенс-Джонсон синдромы (SJS)/уытты эпидермалық некролиз (TEN) және жедел жайылған экзантематозды пустулез (AGEP) сияқты ауыр тері реакциялары туралы хабарламалар пайда болды. Сондықтан тері жабынында қандай да бір өзгерістер пайда болған жағдайда (кейде күлдіреуіктермен немесе шырышты қабықтың зақымдалуымен байланысты) амброксол гидрохлоридін қолдануды дереу тоқтатып, медициналық көмекке жүгіну керек. Бронхомоториканың бұзылуы және бөлінетін секреттің ұлғаюы кезінде (мысалы, цилиарлы дискинезия синдромында немесе кірпікшелердің қозғалмауы кезінде) Амброксолды, 30 мг таблеткаларды қақырықтың іркілу қаупіне байланысты сақтықпен қабылдау керек. Бүйрек функциясының нашарлауында немесе бауырдың ауыр ауруларында Амброксолды тек дәрігердің тағайындауы бойынша қабылдау керек. Бауыр метаболизмі және одан кейінгі бүйрек элиминациясы бар кез келген препарат сияқты, бүйректің ауыр жеткіліксіздігінде бауырда түзілетін амброксол метаболиттерінің ықтимал кумуляциясын назарға алу керек.

Амброксол гидрохлориді плаценталық бөгет арқылы өтеді. Клиникаға дейінгі зерттеулер жүктілікке, эмбриондық/ұрықтық дамуға, босануға немесе босанғаннан кейінгі дамуға тікелей немесе жанама зиянды әсерінің ешқандай дәлелін көрсеткен жоқ. Жүктіліктің 28 аптасынан кейін ауқымды клиникалық тәжірибесі шаранаға зиянды әсер етуінің белгілерін көрсеткен жоқ. Дегенмен, жүктілік кезінде дәрілік препаратты қолдануға қатысты әдеттегі сақтық шараларын сақтау керек. Атап айтқанда, бірінші триместрде Амброксол, 30 мг таблетканы қолдану ұсынылмайды. Лактация кезеңі Осы препаратты емшек емізу кезінде қолдану ұсынылмайды. Фертильділік. Клиникаға дейінгі зерттеулер фертильділікке тікелей немесе жанама зиянды әсер етудің ешқандай дәлелін анықтаған жоқ. Көлік құралдарын және қауіптілігі зор механизмдерді басқару қабілетіне әсер етуі Көлік құралдарын немесе механизмдерді басқару қабілетіне ешқандай дәлелдер жоқ, тиісті зерттеулер жүргізілмеді.

Амброксол гидрохлоридін жөтелге қарсы препараттармен бір мезгілде қолданғанда, жөтел рефлексінің шектелуіне байланысты қақырықтың іркілу қаупі туындауы мүмкін, сондықтан бір мезгілде қолдану пайда мен қауіпті мұқият салыстырғаннан кейін ғана жүргізілуі тиіс.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25оС-ден аспайтын температурада сақтау керек. Балалардың қолы жетпейтін жерде сақтау керек!