Аметронид гель

10 грамм препараттың құрамында белсенді заттар: 0.160 г метронидазол бензоаты, 0.100г метронидозолға баламалы, хлоргексидин глюконаты ерітіндісі 0.025г хлоргексидин глюконатына баламалы қосымша заттар: карбопол 974P, натрий метилпарабені, натрий пропилпарабені, полиэтиленгликоль 400, бұрышты жалбыз эссенциясы, триэтаноламин, пропиленгликоль, тазартылған су. Сыртқы түрінің, иісінің, дәмінің сипаттамасы Қатты бөлшектерсіз және ауа көпіршіктерінсіз, ақ дерлік түсті біртекті гель.

Пародонттың және ауыз қуысының шырышты қабығының инфекциялық-қабынулық ауруларында: - жедел және созылмалы гингивитте - Венсанның жедел ойық жаралы-некроздық гингивитінде - жедел және созылмалы пародонтитте - жасөспірімдердегі пародонтитте - гингивитпен асқынған пародонтозда - афтоздық стоматитте - хейлитте - протез тағу кезінде ауыз қуысының шырышты қабығының қабынуында - экстракциядан кейінгі альвеолитте - периодонтитте (біріктірілген ем құрамында)

Ауыз қуысының инфекциялық-қабынулық ауруларының профилактикасына және емдеуге арналған, микробқа қарсы біріктірілген препарат. Препараттың әсері оның құрамына кіретін компоненттерінің қасиеттеріне байланысты. Метронидазол пародонт ауруларын туғызатын анаэробты бактерияларға қатысты белсенді: Porphyromonas gingivalis, Prevotella intermedia, Fusobacterium fusiformis, Wolinella recta, Eikenella corrodens, Borrelia vincenti, Bacteroides melaninogenicus, Selenomonas spp. Хлоргексидин – спектрі ауқымды антисептик, бактерицидтік әсерге ие. Грамоң және грамтеріс микроорганизмдердің, сондай-ақ ашытқылар, дерматофиттер және липофильді вирустардың вегетативті түрлеріне қатысты белсенді.

Дозалану режимі Ересектерге және 6 жастан үлкен балаларға гингивит кезінде Аметронидті қызыл иек аймағына тәулігіне 2 рет жағады, гельді шайып тастау ұсынылмайды. Емдеу курсының ұзақтығы орта есеппен 7-10 күнді құрайды. Гельді қолданғаннан кейін 30 минут бойы су және тамақ ішуден бас тарту керек. Пародонтит кезінде тістегі шөгінділерді алғаннан кейін пародонтальді қалталарды гельмен өңдейді және қызыл иек аумағына гель жағылады. Экспозиция уақыты - 30 минут. Емшаралар саны аурудың ауырлығына тәуелді. Ары қарай гельді аппликациялауды пациент өз бетінше жүргізуіне болады: препаратты қызыл иек аумағына 7-10 күн бойы тәулігіне 2 рет жағу керек. Афтоздық стоматит кезінде гельді ауыз қуысының шырышты қабығының зақымданған аумағына 7-10 күн бойы тәулігіне 2 рет жағады. Созылмалы гингивиттің және пародонтиттің асқынуларының профилактикасы үшін гельді қызыл иек аумағына 7-10 күн бойы тәулігіне 2 рет жағады. Профилактика курстарын жылына 2-3 рет жүргізеді. Экстракциядан кейінгі альвеолиттің профилактикасы үшін тісті жұлғаннан кейін препаратпен тіс шұңқырын өңдейді, одан кейін гельді 7-10 күн бойы тәулігіне 2-3 рет амбулатория жағдайында қолданады. Балалар 6 жасқа дейінгі балаларда қолдануға болмайды. Егде жастағы пациенттер Дозаны түзету қажет емес. Бауыр жеткіліксіздігі бар пациенттер Дозаны түзету қажет емес. Бүйрек жеткіліксіздігі бар пациенттер Дозаны түзету қажет емес. Енгізу әдісі және жолы Жергілікті қолдануға арналған. Препарат тек стоматологиялық тәжірибеде қолдануға арналған. Дәрілік препаратты қолдану тәсілін түсіну үшін медицина қызметкерінің кеңесіне жүгіну жөніндегі нұсқаулар Сізде осы дәрілік препаратты қолдану жөнінде қандай-да бір қосымша сұрақтар туындаған жағдайда, өз дәрігеріңізге жүгініңіз.

- әсер етуші заттарға немесе қосымша заттардың кез келгеніне аса жоғары сезімталдық - жүктіліктің I триместрі - 6 жасқа дейінгі балалар

Аметронид препаратын жергілікті қолданған кезде жүйелі жағымсыз әсерлердің даму ықтималдылығы аз. Жиі емес - бас ауыруы, терінің тітіркенуі, аллергиялық реакциялар (тері бөртпесі, қышыну, есекжем) Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Осы уақытқа дейін Аметронид препаратының жергілікті қолданған кездегі артық дозалану жағдайлары туралы хабарланбаған. Симптомдары: гельдің көп мөлшерін байқаусызда немесе әдейі жұту жағымсыз, негізінен метронидазолға байланысты әсерлердің күшеюіне себеп болуы мүмкін (хлоргексидин іс жүзінде АІЖ-ден сіңірілмейді). Жүрек айнуы, құсу, бас айналуы, ауырырақ жағдайларда парестезиялар мен құрысулар байқалуы мүмкін. Емі: асқазанды шаю, қажет болса - симптоматикалық ем.

Аметронид гелін қолдану тісті гигиеналық тазалаудың орнын алмастырмайды. Препарат көзден жас ағуын тудырады, сондықтан көзге тигізбеу керек. Егер жергілікті тітіркенуге байланысты реакция туындаса, пациенттерге оны пайдалануды тоқтатуға және қажет болған жағдайда медициналық көмекке жүгінуге кеңес беру керек. Препараттың құрамына кіретін метронидазол нитроимидазол болып табылады және қан дискразиясы белгілері бар немесе анамнезінде болған пациенттерде сақтықпен қолданылуы тиіс. Препараттың құрамында пропиленгликоль бар, ол терінің тітіркенуін тудыруы мүмкін. Препараттың қосымша заттарының құрамында 0.010 г натрий метилпарабені, 0.003 г натрий пропилпарабені бар, олар баяу типті аллергиялық реакцияларды тудыруы мүмкін. Арнайы сақтандырулар Педиатрияда қолданылуы 6 жасқа дейінгі балаларда қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Көлік құралдарын және қауіптілігі зор механизмдерді басқару қабілетіне әсер етпейді.

Жүктіліктің ІІ және ІІІ триместрінде препаратты тек, ана үшін болжамды пайдасын және шарана үшін потенциалды қаупін бағалағаннан кейін ғана қолдануға болады. Препаратты лактация кезеңінде тағайындау қажет болған жағдайда, бала емізуді тоқтату туралы мәселені шешіп алу керек.

Ұсынылған дозаларда жергілікті қолданған кезде Аметронид гелінің басқа дәрілік заттармен жүйелі өзара әрекеттесуі анықталмады.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25 ºС-ден аспайтын температурада сақтау керек. Мұздатып қатыруға болмайды! Балалардың қолы жетпейтін жерде сақтау керек!