Аминокапрон қышқылы раствор 5%

Нұсқаулықта көрсетілмеген.

- қан кетулер (гиперфибринолиз, гипо-және афибриногенемия) - хирургиялық араласуларда және патологиялық жағдайларда, қанның фибринолитикалық белсенділігінің жоғарылауымен қатар жүретін қан кетулерде (нейрохирургиялық, қуысішілік, торакальді, гинекологиялық және урологиялық операцияларда, соның ішінде қуықасты безінде, өкпеде, ұйқы безінде, тонзиллэктомияда, стоматологиялық араласулардан кейін, жасанды қан айналу аппаратын пайдаланып жасалатын операцияларда) - геморрагиялық синдромы бар ішкі ағзалар ауруларында - плацентаның мезгілінен бұрын ажырауы - өлі шарананың жатыр қуысында ұзақ уақыт кідіруі - асқынған аборт - консервацияланған қанды өте көп көлемде құю кезінде салдарлы гипофибриногенемияның алдын алу үшін.

Әсер ету механизмі Аминокапрон қышқылы протеолитикалық ферменттердің белсенділігін тежейді. Ол эндогендік киназалардың фибринолиз үдерісіне белсенді әсерін тежейді және плазминогеннің плазминге айналуын бұзады. Плазминнің өз әсері белсенділігін ішінара жояды. Фибринолиз үдерісінің белсенділенуінен болатын қан кетулерде қанды тоқтататын спецификалық әсер береді. Аминокапрон қышқылының гемостатикалық әсерін жүзеге асыру үшін басқа да механизмдер қатысады. Осылай, ол гиалуронидазаның белсенділігін төмендетеді және капиллярлардың өткізгіштігін азайтады. Тромбоциттердің адгезивтік белсенділігін, бауырдың синтетикалық және уытсыздандырғыш әсерін арттырады. Протеолитикалық ферменттердің (калликреиннің, трипсиннің, химотрипсиннің, плазминнің және т.б.) белсенділігін тежей отырып, кининдердің (брадикининнің және каллидиннің) түзілуін тежейді. Аминокапрон қышқылын кинин жүйесінің жоғары белсенділігі байқалған патологиялық жағдайларда (жедел панкреатит, ауқымды күйіктер, шок, паренхиматозды ағзалардағы жарақаттық операциялар және т.б.) қолданады. Аминокапрон қышқылы антидененің түзілуін тежейді және комплемент жүйесінің белсенділенуіне кедергі жасайды, сондықтан оны ауыр дәрежедегі аллергоздарда цитолиз құбылыстарын және иммундық кешеннің пайда болуын жою немесе профилактикасы үшін пайдаланады. Дәрілік заттың уыттылығы төмен.

Дозалау режимі Пациенттің 1 кг салмағына аминокапрон қышқылының 1 мл 5% ерітіндісі. Алғашқы сағат ішінде 80-100 мл (4-5 г) енгізу ұсынылады, содан кейін қажет болған жағдайда, қан кету толық тоқтағанша, әрбір сағат сайын 20 мл (1 г) енгізеді, бірақ 8 сағаттан асырмайды. Қан кету ұзаққа созылғанда немесе қайталанғанда 5% аминокапрон қышқылының ерітіндісімен инфузияны 4 сағаттан кейін қайталайды. Ересектер үшін ең жоғары доза – 600 мл (30 г). Жедел фибринолизде орташа тәуліктік дозасы 2-4 г (ең жоғары дозасы – 8 г) фибриногенді қосымша енгізу қажет. Аминокапрон қышқылын қолдану ұзақтығы аурудың клиникалық көрінісіне байланысты. Енгізу әдісі мен жолы Вена ішіне, тамшылатып. Инфузия жылдамдығы минутына 50-60 тамшы. Қолданар алдында препараты бар контейнерді және ерітіндіні тексерген жөн. Көзге көрінетін қосылыстарсыз және қаптамасында зақым болмаған жағдайда тек мөлдір ерітіндіні қолдану керек. Дәрілік препараттың бір немесе бірнеше дозасын өткізіп алған кезде қажетті шаралар Анықталмаған. Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар Препараттың дозасын және оны енгізу ұзақтығын аурудың түріне, ауырлығына және ағымына байланысты емдеуші дәрігер анықтайды. Препаратты әдетте дәрігер немесе медбике енгізеді, өйткені оны енгізудің негізгі жолы тікелей венаға инфузия арқылы жүзеге асырылады. Дәрілік препаратты стандартты қолданған кезде байқалатын жағымсыз реакциялардың сипаттамасы Бас айналудың пайда болуы, артериялық қысымның төмендеуі (соның ішінде ортостаздық артериялық гипотензия) және бас ауыруы туралы жиі хабарланды. Миопатия және рабдомиолиз жағдайлары, әдетте, емдеуді тоқтатқаннан кейін қайтымды болды, бірақ креатинфосфокиназа (КФК) белсенділігін аминокапрон қышқылын ұзақ уақыт қабылдайтын пациенттерде бақылау және КФК белсенділігі артқан жағдайда емдеуді тоқтату қажет. Жиі: бас айналу, бас ауыруы, құлақтың шуылдауы, артериялық қан қысымының төмендеуі, ортостаздық гипотензия, мұрынның бітелуі, іштің ауыруы, диарея, жүрек айнуы, құсу, жалпы әлсіздік, енгізу орнындағы ауыру және некроз Жиі емес: агранулоцитоз, коагуляцияның бұзылуы, аллергиялық және анафилаксиялық реакциялар, брадикардия, ентігу, терінің қышынуы, тері бөртпесі, бұлшықет әлсіздігі, миалгия, ісіну Сирек: көру өткірлігінің нашарлауы, көзден жас ағу, шеткері тіндердің ишемиясы, өкпе эмболиясы, КФК белсенділігінің артуы, миозит Өте сирек: сананың шатасуы, құрысулар, делирий, елестеулер, бассүйекішілік қысымның жоғарылауы, ми қан айналымының бұзылуы, естен тану Жиілігі белгісіз: лейкопения, тромбоцитопения, макулопапулезді бөртпелер, тромбоз, субэндокардиальді қан құйылу, жоғарғы тыныс алу жолдарының қабынуы, жедел миопатия, рабдомиолиз, миоглобинурия, жедел бүйрек жеткіліксіздігі, қандағы мочевина азотының артуы, бүйрек шаншуы, бүйрек функциясының бұзылуы, құрғақ эякуляция. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz және

- әсер етуші затқа немесе препараттың қосымша заттардың кез келгеніне аса жоғары сезімталдық - тромбоздарға және тромбоэмболиялық ауруларға бейімділік - гиперкоагуляция (тромбтың түзілуі, тромбоэмболия) - ми қан айналымының бұзылулары - қанның қантамырішілік диффузды ұюы салдарынан болатын коагулопатия (ДТҰ синдромы) - жүктілік - лактация кезеңі - 18 жасқа дейінгі балалар және жасөспірімдер (қауіпсіздігі мен тиімділігі жөніндегі клиникалық деректер болмауына байланысты).

Нұсқаулықта көрсетілмеген.

Симптомдары: артериялық қысымның төмендеуі, құрысулар, жедел бүйрек жеткіліксіздігі. Емі: препаратты енгізуді тоқтату, симптоматикалық ем. Ауыр жағдайларда гемодиализ немесе перитонеальді диализ тағайындалады.

Препаратты тағайындағанда қан кету орнын анықтау және қанның фибринолитикалық белсенділігін және қандағы фибриногеннің концентрациясын бақылап отыру керек. Коагулограмманы миокард инфарктісінен кейінгі науқастарда, бауыр жеткіліксіздігі кезінде бақылау қажет. Босанудан кейінгі кезеңде тромб түзілу қаупінің жоғарылауына байланысты босанғанда көп қан кетудің профилактикасы үшін әйелдерде аминокапрон қышқылын қолдану ұсынылмайды. Жоғары дозаларда жылдам енгізген кезде артериялық гипотензия, брадикардия және жүрек ырғағы бұзылуының дамуы мүмкін. Сирек жағдайларда, ұзақ қолданудан кейін, рабдомиолиз типті қаңқа бұлшықеттерінің зақымдануы сипатталған. Клиникалық көріністері орташа миалгия және бұлшықет әлсіздігінен бастап рабдомиолизбен, миоглобинурия және жедел бүйрек жеткіліксіздігімен ауыр проксимальді миопатияға дейін түрленуі мүмкін. Аминокапрон қышқылын ұзақ қабылдап жүрген пациенттерде сарысулық креатинин фосфокиназаны (КФК) бақылап отыру ұсынылады. Егер КФК артуының үдеуі байқалса, препаратты қолдану тоқтатылуы тиіс. Миопатия туындаған кезде миокард зақымдануының мүмкіндігін ескеру қажет. Аминокапрон қышқылын қолдану тромбоциттер функциясын зерттеудің нәтижелерін өзгертуі мүмкін. Препаратты белгілі бір диагнозсыз және/немесе гиперфибринолизді зертханалық растаусыз тағайындауға болмайды. Артериялық гипотензияда, жүректің клапандық ақауларында, этиологиясы анықталмаған несеп шығару жолдарының жоғарғы бөліктерінен қан кету (интраренальді обструкция қаупіне байланысты, шумақтық капиллярлар тромбозына немесе түбекше мен несепағар саңылауында ұйынды түзілуіне негізделген; мұндай жағдайда күтілетін пайда ықтимал қаупінен асып түскенде ғана қолданылуы мүмкін), субарахноидальді қан құйылу, бауыр жеткіліксіздігі, созылмалы бүйрек жеткіліксіздігі. 100 мл препараттың бір реттік дозасында 354 мг немесе 15,4 ммоль натрий иондары бар, оны тұтынуды шектейтін диетадағы пациенттер ескеруі керек. Контейнерлердің ішкі беткейінің дымқылданбауы препаратты қолдануға болмайтын жағдай болып табылмайды. Арнайы ескертулер Артериялық гипотензияда, жүректің клапандық ақауларында, этиологиясы анықталмаған несеп шығару жолдарының жоғарғы бөліктерінен қан кету (интраренальді обструкция қаупіне байланысты, шумақтық капиллярлар тромбозына немесе түбекше мен несепағар саңылауында ұйынды түзілуіне негізделген; мұндай жағдайда күтілетін пайда ықтимал қаупінен асып түскенде ғана қолданылуы мүмкін), субарахноидальді қан құйылу, бауыр жеткіліксіздігі, созылмалы бүйрек жеткіліксіздігі. Қосымша зат Аминокапрон қышқылы 5% дозада сәйкесінше мл-де 9.0 мг натрий бар, бұл натрийді қабылдауды шектейтін диетадағы пациенттерде қолданған кезде ескерілуі керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат тек стационар жағдайында қолданылатын болғандықтан, препараттың зейін қою қабілетіне әсер етуіне зерттеу жүргізілмеген.

Жүктілік кезінде препаратты қолдануға болмайды. Емдеу кезеңінде емшек емізуден бас тарту керек.

Гидролизаттарды, глюкоза ерітіндісін, шокқа қарсы ерітінділерді енгізумен біріктіруге болады. Тікелей және тікелей емес әсер ететін антикоагулянттар, антиагреганттар аминокапрон қышқылының әсер ету тиімділігін төмендетеді. Аминокапрон қышқылының ерітіндісін левулеза, пенициллин бар ерітінділермен, сондай-ақ қан препараттарымен араластыруға болмайды. Тікелей және тікелей емес әсер ететін антикоагулянттарды, антиагреганттарды бір мезгілде қабылдау кезінде тиімділіктің төмендеуі. Аминокапрон қышқылын II, VII, IX және X қанның ұю факторларының препараттарымен біріктірілімде (протромбин кешенінің) бір мезгілде қолдану тромбоз қаупінің жоғарылауымен қатар жүруі мүмкін. Аминокапрон қышқылы плазминоген активаторларының әсерін және аз дәрежеде плазминнің белсенділігін тежейді. Аминокапрон қышқылының ерітіндісіне ешқандай дәрілік заттарды қосуға болмайды.

Нұсқаулықта көрсетілмеген.