Амлотоп® таблетки 5 мг

Бір таблетканың құрамында белсенді зат – амлодипин бесилаты (5 мг немесе 10 мг амлодипинге шаққанда), 6,93 мг немесе 13,86 мг, қосымша заттар: лактоза моногидраты (лактоза 200/флоулак 100), микрокристалды целлюлоза, кальций стеараты, натрий кроскармеллозасы (примеллоза), коллоидты кремнийдің қостотығы (аэросил). Сыртқы түрінің, иісінің, дәмінің сипаттамасы Ақ немесе ақ дерлік түсті, жайпақ цилиндр тәрізді, екі жағында ойығы және бір жағында сызығы бар таблеткалар.

• артериялық гипертензия • вазоспазмдық стенокардия (Принцметал стенокардиясы) • созылмалы тұрақты стенокардия Қолданудың бастағанға дейін қажетті мәліметтер тізбесі

Амлодипин дигидропиридиндік топтың кальций иондары ағымының тежегіші болып табылады («баяу» кальций өзекшелерінің блокаторы немесе кальций иондарының антагонисі); ол кальций иондарының кардиомиоциттерге және тамырлардың тегіс бұлшықетті жасушаларына жарғақша арқылы ағып келуіне кедергі келтіреді. Амлодипиннің гипотензиялық әсерінің механизміне тамырлардың тегіс бұлшықеттеріне тікелей босаңсытқыш әсері түрткі болады. Амлодипиннің стенокардия көріністерін жеңілдетуіне ықпал ететін нақты механизмі толықтай анықталған жоқ, алайда, амлодипиннің жалпы ишемиялық жүктемені келесі 2 фактордың есебінен төмендететіні белгілі: • шеткері артериолаларды кеңейтеді, жүректен басым түсетін жалпы шеткері кедергіні (кейінгі жүктемені) азайтады. Жүректің жиырылу жиілігі тұрақты болып қалатындықтан, жүрек жүктемесінің бұлай жеңілдеуі миокардтың энергия тұтынуын және оттекті қажет етуін төмендетеді. • амлодипиннің әсер ету механизмі миокардтың өзгермеген және ишемияланған аймақтарындағы негізгі коронарлық артериялар мен коронарлық артериолалардың кеңеюімен де байланысты болуы мүмкін. Бұлай кеңею коронарлық артериялардың түйілуі (Принцметал стенокардиясы немесе варианттық стенокардия) бар пациенттерде миокардқа оттегінің жеткізілуін арттырады. Артериялық гипертензиясы бар пациенттерде препаратты тәулігіне 1 рет қолдану шалқадан жатқан және тұрған қалыптағы артериялық қысымның бүкіл 24 сағаттық кезең бойына клиникалық тұрғыдан елеулі төмендеуін қамтамасыз етеді. Амлодипиннің әсерлері баяу дамитындықтан, препаратты қабылдау жедел гипотензияның даму қаупімен астаспайды. Тұрақты стенокардиясы бар пациенттерде бір реттік тәуліктік доза дене жүктемесіне толеранттылықты арттырады, стенокардия ұстамаларының дамуын және ST сегментінің 1 мм-ге «ишемиялық» депрессиясын баяулатады, сондай-ақ стенокардия ұстамаларының жиілігін және нитроглицерин мен басқа да нитраттарды тұтынуды азайтады. Амлодипин қандай да бір метаболизмдік жағымсыз құбылыстармен немесе қан плазмасындағы липидтер деңгейінің өзгеруімен байланысты болмады және оны бронх демікпесі, қант диабеті және подаграмен зардап шеккен пациенттерді емдеуде қолдануға болады. Қан қысымының айтарлықтай төмендеуі 6-10 сағаттан кейін байқалады, әсер ету ұзақтығы - 24 сағат. Жүректің ишемиялық ауруы (ЖИА) бар пациенттерде қолдану Амлодипиннің жүректің ишемиялық ауруы (ЖИА) бар пациенттерде клиникалық құбылыстардың алдын алу үшін тиімділігі 1997 пациенттегі тәуелсіз көп орталықты рандомизацияланған салыстырмалы жасырын, плацебо-бақыланатын: «Тромбоздың туындау жиілігін төмендетуде амлодипинді эналаприлмен салыстыру» (Comparison of Amlodipine vs. Enalapril to Limit Occurrences of Thrombosis — CAMELOT) зерттеуінде бағаланды. 2 жыл ішінде осы пациенттердің 663-і 5–10 мг дозадағы амлодипинді қабылдады, 673 пациент 10–20 мг дозадағы эналаприлді қабылдады, және 655 пациент статиндерді, бета-блокаторларды, диуретиктер мен аспиринді қамтитын стандартты емге қосымша плацебо қабылдады. Тиімділігінің шешуші көрсеткіштері 1-кестеде келтірілген. Нәтижелері амлодипинмен емдеудің ЖИА бар пациенттерде стенокардияға және реваскуляризация емшараларына байланысты ауруханаға түсу жағдайлары санының аздығымен қатар жүретінін көрсетіп отыр. 1-кесте. CAMELOT зерттеуінде елеулі клиникалық нәтижелердің туындау жиілігі Жүрек-қантамыр құбылыстарының жиілігі, саны (%) — Плацебомен салыстырғандағы амлодипин Нәтижелері — Амлодипин — Плацебо — Эналаприл — Қауіптер қатынасы (95 % СА) — P-мәні Бастапқы ақырғы нүкте Жағымсыз жүрек-қантамырлық құбылыстар — 110 (16,6) — 151 (23,1) — 136 (20,2) — 0,69 (0,54-0,88) — 0,003 Жекелеген компоненттері Коронарлық тамырлардың реваскуляризациясы — 78 (11,8) — 103 (15,7) — 95 (14,1) — 0.73 (0,54-0,98) — 0,03 Стенокардияға байланысты ауруханаға жатқызу — 51 (7,7) — 84 (12,8) — 86 (12,8) — 0,58 (0.41-0,82) — 0,002 Өліммен аяқталмаған миокард инфарктісі — 14 (2,1) — 19 (2,9) — 11 (1,6) — 0,73 (0,37-1,46) — 0,37 Инсульт немесе транзиторлық ишемиялық шабуыл — 6 (0,9) — 12 (1,8) — 8 (1,2) — 0,50 (0,19-1,32) — 0,15 Жүрек-қантамырлық аурулардан болған өлім — 5 (0,8) — 2 (0,3) — 5 (0,7) — 2,46 (0,48-12,7) — 0,27 Жүректің іркілісті жеткіліксіздігіне байланысты ауруханаға жатқызу — 3 (0,5) — 5 (0,8) — 4 (0,6) — 0,59 (0,14-2,47) — 0,46 Реанимацияланған жүрек тоқтауы — 0 — 4 (0,6) — 1 (0,1) — ҚЕ — 0,04 Шеткері тамырлардың алғаш анықталған ауруы — 5 (0,8) — 2 (0,3) — 8 (1,2) — 2,6 (0,50-13,4) — 0,24 Жүрек жеткіліксіздігі бар пациенттерде қолдану Нью-Йорк кардиологиялық қауымдастығының (NYHA) жіктемесі бойынша II–IV функционалдық кластағы жүрек жеткіліксіздігі бар пациенттерде гемодинамиканы зерттеулер және дене жүктемесімен бақыланатын клиникалық зерттеулер амлодипиннің клиникалық нашарлауға алып келмейтінін көрсетті, ол дене жүктемесіне төзімділікті, сол жақ қарыншаның лықсыту фракциясын және клиникалық симптоматикасын бағалаудың көмегімен көрсетілді. NYHA жіктемесі бойынша жүректің III–IV функционалдық кластағы жүрек жеткіліксіздігі бар пациенттерде дигоксиннің, диуретиктердің және ангиотензин өзгертетін фермент (АӨФ) тежегіштерінің қолданылуын бағалау мақсатында жоспарланған плацебо-бақыланатын зерттеу (PRAISE) амлодипиннің жүрек жеткіліксіздігі бар пациенттерде өлім немесе біріккен өлім мен аурушаңдық қаупінің артуына алып келмейтінін көрсетті. Жүректің клиникалық симптомдарсыз немесе жүректің қатарлас ишемиялық ауруының объективті белгілерінсіз NYHA жіктемесі бойынша III және IV класты жеткіліксіздігі бар, АӨФ тежегіштерінің, жүрек гликозидтері мен диуретиктердің тұрақты дозаларын қабылдаған пациенттердегі кейіннен қадағалау жүргізілетін, амлодипин қолданылуы зерттелген ұзақ мерзімді плацебо-бақыланатын зерттеуде (PRAISE-2) амлодипин жүрек-қантамыр ауруларынан болатын жалпы өлім көрсеткішіне әсер етпеген. Пациенттердің дәл сол популяциясында амлодипинді қолдану өкпенің ісіну жағдайларының жоғарырақ жиілігімен қатар жүрген. Миокард инфарктісінің алдын алу үшін емдеу әдістерін зерттеу (ALLHAT) Ауруға шалдығу мен өлім көрсеткіші зерттелген «Гипертензияға қарсы және гиполипидемиялық препараттардың миокард инфарктісінің профилактикасы үшін қолданылуын зерттеу» (Antihypertensive and Lipid-Lowering Treatment to Prevent Heart Attack Trial — ALLHAT) деп аталатын рандомизацияланған салыстырмалы жасырын зерттеу жеңіл немесе орташа артериялық гипертензия кезінде инновациялық препараттар — тәулігіне 2,5–10 мг дозалардағы амлодипинді (кальций өзекшелерінің блокаторы) немесе тәулігіне 10–40 мг дозалардағы лизиноприлді (АӨФ тежегіші) бірінші желідегі ем ретінде — тәулігіне 12,5–25 мг дозалардағы хлорталидонмен (тиазидтік диуретик) салыстыру үшін жүргізілді. Артериялық гипертензиясы бар, 55 жас шамасындағы және одан үлкен, барлығы 33 357 пациент рандомизацияланды; пациенттер орташа алғанда 4,9 жыл қадағалауда болды. Пациенттерде: анамнездегі (зерттеуге кірістірілгенге дейін > 6 ай бұрынғы) миокард инфарктісін немесе инсультті немесе анамнезде басқа атеросклероздық жүрек-қантамыр ауруларының болуын (жалпы алғанда 51,5 %), 2-нші типті қант диабетін (36,1 %), Х-ТЖЛП < 35 мг/дл деңгейін (11,6 %), электрокардиографияның немесе эхокардиографияның көмегімен диагностикаланған, сол жақ қарыншаның гипертрофиясын (20,9 %), және темекі шегуді (21,9 %) қоса, ЖИА кемінде тағы 1 қосымша қауіп факторы болды. Бастапқы ақырғы нүкте өліммен аяқталатын ЖИА немесе өлімге соқтырмаған миокард инфарктісін қамтитын біріккен ақырғы нүкте болды. Амлодипин негізіндегі ем мен хлорталидон негізіндегі ем жағдайында бастапқы ақырғы нүктелер арасында елеулі айырмашылық байқалмады (ҚҚ 0,98, 95 % сенімді аралық (СА) 0,90–1,07, p = 0,65). Екінші ақырғы нүктелер арасында жүрек жеткіліксіздігінің (жүрек-қантамыр құбылыстарын қамтыған біріккен ақырғы нүктенің компоненті) туындау жиілігі хлорталидон салыстырғанда, амлодипин тобында статистикалық тұрғыдан маңызды түрде жоғары болды (7,7 %-бен салыстырғанда 10,2 %, ҚҚ 1,38, 95 % СА 1,25–1,52; p < 0,001). Алайда, бұл ретте амлодипинге енгізделген ем кезінде және хлорталидонға негізделген ем кезінде барлық себептер бойынша өлім көрсеткіштерінде елеулі айырмашылық байқалған жоқ (ҚҚ 0,96, 95 % СА 0,89–1,02, p = 0,20. Балаларда қолдану (6 жастағы және одан үлкен) Негізінен салдарлы артериялық гипертензиясы бар 6-дан 17 жасқа дейінгі 268 бала қатысқан зерттеуде 2,5 мг және 5,0 мг дозадағы амлодипинді плацебомен салыстыру кезінде екі доза да систолалық артериялық қысымды плацебоға қарағанда көбірек дәрежеде төмендететінін көрсеткен, бұл ретте қысымды төмендетудегі айырмашылық статистикалық маңызды болды. Амлодипиннің осы екі дозасының арасындағы айырмашылық статистикалық тұрғыдан маңызды болмады. Амлодипинмен емдеудің балалар мен жасөспірімдердің өсуіне, жыныстық жетілуіне және жалпы дамуына ұзақ мерзімді әсері зерттелмеген. Бала жасында амлодипинмен емдеудің жүрек-қантамыр ауруларының азаюы және ересектердегі өлім тұрғысынан ұзақ мерзімді тиімділігі де анықталған жоқ.

Дозалау режимі Амлотоп препаратының ұсынылатын бастапқы дозасы тәулігіне бір рет 5 мг құрайды. Амлотоп препаратының дозасын тәулігіне бір рет 10 мг дейін арттыруға болады. Балалар мен жасөспірімдерде қолдану Балалар мен жасөспірімдерде (617 жас) ұсынылатын әдеттегі бастапқы доза тәулігіне 2,5 мг құрайды. Ең жоғары ұсынылатын доза тәулігіне 5 мг құрайды. Таблеткаларды қабылдауды тоқтатпау маңызды. Дәрігерге бару үшін Сіздегі таблеткалардың таусылуын күтпеңіз. Енгізу әдісі және жолы Таблеткаларды тәулігіне бір рет, тамақтануға қарамастан, жеткілікті мөлшердегі сумен (100 мл) ішу арқылы ішке қабылдайды. Дәрілік препараттың бір немесе бірнеше дозасын өткізіп алу кезіндегі қажетті шаралар Егер Сіз таблетканы қабылдауды ұмытып кетсеңіз, бұл дозаны қабылдауды толық өткізіп жіберіңіз. Келесі дозаны тиісті уақытында қабылдаңыз. Өткізіп алғанның орнын толтыру үшін екі есе дозасын қабылдамаңыз. Тоқтату симптомдары қаупінің болуына көрсетілім Дәрігер Сізге бұл дәрілік препаратты қанша уақыт қабылдау керектігі туралы кеңес береді. Егер Сіз бұл дәрілік препаратты қабылдауды дәрігердің ұсынғанына сәйкес уақыттан бұрын тоқтатсаңыз, жай-күйіңіз қайта оралуы мүмкін. Дәрілік препараттың қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар Егер Сізде осы препаратты қолдану туралы қосымша сұрақтар болса, кеңес алу үшін дәрігерге немесе мейіргерге хабарласыңыз.

• амлодипинге және дигидропиридиннің басқа туындыларына немесе қосымша заттардың кез келгеніне аса жоғары сезімталдық (аллергия). Бұл қышынуды, терінің қызаруын немесе тыныс алудың қиындауын қамтуы мүмкін • ауыр артериялық гипотензия болса (систолалық АҚ 90 мм сын. бағ. төмен) • шок, соның ішінде кардиогендік шок (жүрек денеге қанды жеткілікті түрде жеткізіп бере алмайтын жай-күй) болса • сол жақ қарыншаның шығару жолының обструкциясы (мысалы, аорталық клапанның тарылуы (ауыр аорталық стеноз)) болса • жедел миокард инфарктісінен кейінгі жүрек жеткіліксіздігі болса • 6 жасқа дейінгі балалар • лактоза жақпаушылығы, лактаза тапшылығы немесе глюкоза-галактоза мальабсорбциясы (препараттың құрамында лактоза бар)

Жағымсыз дәрілік реакциялардың туындау жиілігі ДДҰ жіктемесіне сәйкес анықталған: өте жиі (>1/10), жиі (>1/100, ≤1/10), жиі емес (>1/1000, ≤1/100), сирек (>1/10000, ≤1/1000), өте сирек (1/10000-нан аз), белгісіз (қолда бар деректер негізінде бағалау мүмкін емес). Кез келген дәрілік заттар жағдайындағы сияқты, бұл препарат жағымсыз реакциялар туғызуы мүмкін, алайда, олар әрбір пациентте туындамайды. Егер Сізде осы дәрілік препаратты қабылдаудан кейін келесі жағымсыз әсерлердің қандай да біреуі туындаса, дереу дәрігерге қаралыңыз: • кенеттен болған сырыл, кеуде қуысының ауыруы, ентігу немесе тыныс алудың қиындауы; • қабақтың, беттің немесе еріннің ісінуі; • тілдің немесе жұтқыншақтың ісінуі, ол тыныс алудың қатты қиындауын туғызуы мүмкін; • терінің ауыр реакциялары, соның ішінде тері бөртпесінің күшеюі, аллергиялық бөртпе, бүкіл денедегі терінің қызаруы, қатты қышыну, күлдіреуіктердің түзілуі, терінің қабыршақтануы және ісінуі, шырышты қабықтардың қабынуы (Стивенс-Джонсон синдромы, уытты эпидермалық некролиз) немесе басқа аллергиялық реакциялар; • миокард инфарктісі, әдеттен тыс жүрек қағуы; • ұйқы безінің қабынуы (панкреатит), ол өзін өте нашар сезінумен қатар жүретін, іштің және арқаның қатты ауыруын туғызуы мүмкін. Өте жиі • ісіну (сұйықтық іркілуі). Жиі • бас айналуы, ұйқышылдық, бас ауыруы (әсіресе емнің басында); • жүрек соғуының жиілегенін сезіну (жүректің жиырылуын сезіну), қан кернеуі; • іштің ауыруы, жүрек айнуы; • ішек жұмысының дағдылы режимінің өзгеруі (диареяны және іш қатуды қоса), ас қорытудың бұзылуы (диспепсия); • қатты шаршағыштық, жалпы әлсіздік; • көрудің бұзылулары (көзге қосарланып көрінетін диплопияны қоса); • бұлшықет құрысулары; • тобықтың ісінуі; • ентігу. Жиі емес • көңіл-күй өзгерістері (үрейленуді қоса), депрессия, ұйқысыздық; • діріл (тремор), дәмнің бұзылыстары (дисгевзия), сананы жоғалту (синкопе); • сезімталдықтың төмендеуі (гипестезия), жыбырлату сезімі (парестезия); • құлақтың шыңылдауы; • артериялық қысымның төмендеуі (артериялық гипотензия); • жүрек ырғағының бұзылулары (аритмиялар); • жөтел; • мұрынның шырышты қабығының қабынуы (ринит); • ауыздың құрғауы, құсу; • шаштың түсуі (алопеция), қатты терлеу (гипергидроз); • денеде қан ұйындыларының түзілуі (пурпура), тері пигментациясының бұзылуы, қышыну, бөртпе, бөртпелер (экзантема), есекжем; • буындардың ауыруы (артралгия), бұлшықеттердің ауыруы (миалгия), арқаның ауыруы; • несеп шығарудың бұзылуы, түнгі мезгілде несеп шығарғысы келу (никтурия), несеп шығарудың жиілеуі; • эрекцияның бұзылуы (эректильді дисфункция), ерлерде сүт бездерінің безді тіндерінің ұлғаюы (гинекомастия); • кеуденің ауыруы, ауырсыну, жалпы дімкәстік; • дене салмағының артуы, дене салмағының төмендеуі. Сирек • сананың шатасуы. Өте сирек • лейкоциттер санының азаюы (лейкоцитопения), тромбоциттер санының азаюы (тромбоцитопения), ол көгерулердің әдеттен тыс тез түзілуіне немесе қан кетулердің пайда болуына әкелуі мүмкін; • қандағы глюкоза концентрациясының жоғарылауы (гипергликемия); • аллергиялық реакциялар; • жүйкелер тарапынан бұзылу, ол бұлшықет әлсіздігін, аяқ-қолдардағы жыбырлату сезімін немесе ұюды туғызуы мүмкін (шеткері нейропатия); • миокард инфарктісі; • қызылиектің ұлғаюы (гиперплазия); • асқазанның қабынуы (гастрит); • бауырдың қабынуы (гепатит), терінің және шырыштардың сары түске боялуы (сарғаю), бауыр ферменттері белсенділігінің жоғарылауы; • бұлшықет тонусының жоғарылауы (гипертонус); • тамырлардың қабынуы (васкулит); • күн сәулесіне жоғары сезімталдық (фотосезімталдық); • ангионевроздық ісіну, мультиформалы эритема, эксфолиативті дерматит, Стивенс-Джонсон синдромы, Квинке ісінуі; • ұйқы безінің қабынуы (панкреатит). Белгісіз (қолда бар деректер бойынша жиілігін бағалау мүмкін емес) • ауыр жүйелі аллергиялық реакция (уытты эпидермалық некролиз); • бұлшықет тонусының бұзылуы нәтижесінде қимыл-қозғалыс белсенділігінің өзгеруі (экстрапирамидалық бұзылу). Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық дерекқорға базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Таблеткаларды өте көп мөлшерде қабылдау төмен немесе тіпті қауіпті түрде төмен артериялық қысымды туғызуы мүмкін. Сіз бас айналуын сезінуіңіз, сананы жоғалтуыңыз, естен танып құлауыңыз немесе әлсіздікті бастан кешуіңіз мүмкін. Артериялық қысымның тым ауыр төмендеуі кезінде шок дамуы мүмкін. Сіздің теріңіз суық әрі жабысқақ болып кетеді, және Сіз естен тануыңыз мүмкін. Егер Сіз Амлотоп препаратының таблеткаларын өте көп қабылдап қойсаңыз, дереу медициналық көмекке жүгініңіз. Сіздің өкпеңізде сұйықтық шамадан тыс мөлшерде жиналып (өкпе ісінуі), ентігуге әкеліп соғуы мүмкін, ол препаратты қабылдағаннан кейін 24–48 сағаттың ішінде туындауы мүмкін.

Амлотоп препаратын қабылдар алдында дәрігермен кеңесіңіз. Амлодипиннің гипертониялық криздегі тиімділігі мен қауіпсіздігі анықталған жоқ. Жүрек жеткіліксіздігі бар пациенттер Жүрек жеткіліксіздігі бар пациенттерге амлодипинді сақтықпен қолдану керек. Жүректің ауыр жеткіліксіздігі бар пациенттерде (Нью-Йорк кардиологиялық қауымдастығының NYHA жіктемесі бойынша III және IV функционалдық класы) өкпе ісінуі дамуының жоғары жиілігі байқалады. Амлодипинді қоса, кальций өзекшелерінің блокаторларын жүректің іркілісті жеткіліксіздігі бар пациенттерде сақтықпен қолдану керек, өйткені олар жүрек-қантамыр оқиғалары мен өлім жағдайларының даму қаупін жоғарылатуы мүмкін. Бауыр функциясының бұзылуы бар пациенттер Бауыр функциясы бұзылуының жеңіл және орташа дәрежесіндегі бауыр жеткіліксіздігі бар пациенттерге арналған дозалау бойынша ұсынымдар анықталмаған, сондықтан амлодипинді дозалауды емдік дозалар диапазонының төменгі мәнінен бастау және емдеудің басында да, дозаны жоғарылатуда да сақтық таныту керек. Бауыр функциясының ауыр бұзылуы бар пациенттерде дозаны титрлеу арқылы біртіндеп арттыру және олардың жағдайына мұқият мониторинг қажет болуы мүмкін. Егде жастағы пациенттер Егде жастағы адамдарда дозаны сақтықпен арттыру ұсынылады. Бүйрек функциясы бұзылған пациенттер Мұндай пациенттер үшін амлодипинді әдеттегі дозаларда қолдануға болады. Қан плазмасындағы амлодипин концентрациясының өзгеруі бүйрек функциясының бұзылу дәрежесімен байланысты емес. Амлодипин диализ арқылы шығарылмайды. Арнайы ескертулер Педиатрияда қолдану Амлодипинді қолдану 6 жасқа толмаған балаларда зерттелген жоқ. Амлотоп препаратын 6-дан 17 жасқа дейінгі балалар мен жасөспірімдерде артериялық гипертензияны емдеу үшін ғана қолдану керек. Қосымша ақпарат үшін дәрігеріңізге хабарласыңыз. Амлотоп препаратын тамақпен және сусындармен қабылдау Амлотоп қабылдап жүрген пациенттер грейпфрут шырынын және грейпфруттарды тағамға тұтынбауы керек. Бұл грейпфрут пен грейпфрут шырынының әсер етуші зат амлодипиннің қандағы деңгейлерін төмендету мүмкіндігіне байланысты, ол Амлотоп препаратының артериялық қысымды төмендету әсерінің болжаусыз күшеюін туғызуы мүмкін. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Амлодипин препараты автокөлікті басқару және механизмдермен жұмыс істеу қабілетіне теріс ықпал етуі мүмкін. Егер Сізде таблеткадан жүрек айну, бас айналу немесе шаршау сезімі туындаса немесе Сізде бас ауыруы пайда болса, автокөлікті жүргізбеңіз, механизмдермен жұмыс істемеңіз және дереу дәрігерге қаралыңыз.

Амлодипинді жүктілік кезінде қолданудың қауіпсіздігі анықталмаған. Егер Сіз жүкті болуыңыз мүмкін деп ойласаңыз немесе жүкті болуды жоспарласаңыз, Амлодипин препаратын қабылдауды бастамас бұрын бұл туралы дәрігерге айтуыңыз қажет. Амлодипиннің емшек сүтіне аз мөлшерде енетіні анықталды. Егер Сіз бала емізіп жүрсеңіз немесе емізуді бастағыңыз келсе, Амлодипин препаратын қабылдауды бастамас бұрын бұл туралы дәрігерге айтуыңыз қажет. Кез-келген дәрілік препаратты қабылдар алдында дәрігермен кеңесіңіз.

Егер Сіз рецептісіз дәрілік препараттарды қоса, қандай да бір басқа дәрілік препараттарды қабылдап жүрсеңіз немесе соңғы уақытта қабылдаған болсаңыз, дәрігерге хабарлаңыз. CYP3A4 тежегіштері Амлодипинді күшті немесе орташа CYP3A4 тежегіштерімен (АИТВ-инфекцияны емдеуге пайдаланылатын, протеаза тежегіштері деп аталатын ритонавир, индинавир, нелфинавир), кетоконазол, итраконазол (азолдық зеңге қарсы препараттар), эритромицин немесе кларитромицин сияқты макролидтер, сондай-ақ верапамил немесе дилтиазем) бір мезгілде қолдану артериялық гипотензия қаупінің жоғарылауына әкеле отырып, амлодипиннің әсер ету деңгейінің айтарлықтай жоғарылауына әкелуі мүмкін. Фармакокинетикалық көрсеткіштердің бұл өзгерістерінің клиникалық көріністері егде жастағы пациенттерде айқынырақ болуы мүмкін. Осыған байланысты клиникалық жағдайды мониторингтеу және дозаны түзету қажет болуы мүмкін. CYP3A4 индукторлары Амлодипинді белгілі CYP3A4 индукторларымен бір мезгілде қолданғанда амлодипиннің плазмалық концентрациялары өзгеруі мүмкін. Осыған байланысты біріктірілген емдеу кезінде де, әсіресе күшті CYP3A4 индукторларымен (мысалы, рифампицинмен, шілтер жапырақты шайқурай (Hypericum perforatum) препараттарымен) және одан кейін де артериялық қысымды және препараттың дозалануын бақылау керек. Дантролен (дене температурасының ауыр бұзылуларын емдеуге арналған инфузиялық препарат): гиперкалиемия қаупіне байланысты қатерлі гипертермияның туындауына бейім және қатерлі гипертермиядан емделіп жүрген пациенттерде амлодипин сияқты кальций өзекшелерінің блокаторларын бір мезгілде қолданудан аулақ болу ұсынылады. Такролимус (иммундық жүйенің жұмысын өзгерту үшін пайдаланылатын препарат): бұл өзара әрекеттесудің фармакокинетикалық механизмдері жеткілікті түрде зерттелмесе де, амлодипинмен бір мезгілде қолданғанда қандағы такролимус концентрациясының жоғарылау қаупі бар. Такролимустың уытты әсерін болдырмау үшін, такролимус қабылдайтын пациенттерге амлодипинді тағайындау қандағы такролимус деңгейін мониторингтеуді және қажет болған жағдайда такролимус дозасын түзетуді талап етеді. Рапамициннің механистикалық нысанасының тежегіштері (mTOR) Сиролимус, темсиролимус және эверолимус сияқты mTOR тежегіштері CYP3A субстраттары болып табылады. Амлодипин CYP3A әлсіз тежегіші болып табылады. mTOR тежегіштерімен бір мезгілде қолданғанда амлодипин mTOR тежегіштерінің экспозициясын ұлғайтуы мүмкін. Циклоспорин (иммунодепрессант): циклоспорин мен амлодипиннің өзара әрекеттесуі туралы зерттеулер циклоспориннің ең аз концентрациясының өзгермелі жоғарылауы (орта есеппен 0-ден 40 % - ға дейін) байқалған бүйрек трансплантациясынан өткен пациенттерді қоспағанда, дені сау адамдарда немесе басқа популяцияларда жүргізілмеген. Бүйрек трансплантациясынан өткен және амлодипин қабылдаған пациенттерде циклоспорин концентрациясына мониторинг жасау және қажет болған жағдайда циклоспорин дозасын төмендету керек. Симвастатин (холестерин деңгейін төмендететін препарат): амлодипин қабылдайтын пациенттерде симвастатин дозасы тәулігіне 20 мг-ге дейін шектелуі тиіс. Грейпфрут немесе грейпфрут шырыны Амлодипинді грейпфрутпен немесе грейпфрут шырынымен қолдану ұсынылмайды, өйткені амлодипиннің биожетімділігі жоғарылауы мүмкін, бұл кейбір пациенттерде оның гипотензиялық әсерінің күшеюіне әкелуі мүмкін. Егер Сіз жоғары артериялық қысымды емдеуге арналған басқа дәрілік препараттарды қабылдап жүрген болсаңыз, Амлотоп препараты артериялық қысымды бұдан да айқынырақ төмендетуі мүмкін.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде, 25 °С-ден аспайтын температурада сақтау керек. Балалардың қолы жетпейтін жерде сақтау керек!