Аммиак ерітіндісі раствор 10%

100 мл препараттың құрамында белсенді зат - 44.0 мл концентрацияланған аммиак ерітіндісі қосымша зат - 100.0 мл-ге дейін тазартылған су Сыртқы түрінің, иісінің, дәмінің сипаттамасы Өткір иісі бар мөлдір, түссіз, өте сілтілі сұйықтық.

- тыныс алуды қоздыру және науқасты естен тану жағдайынан шығару үшін - жәндіктер шаққанда - хирургиялық практикада С.И. Спасокукоцкийжәне И.Г.Кочергин әдісімен қолды жуу үшін

Препараттың әсері жоғарғы тыныс алу жолдарының рецепторлары арқылы (үш тармақты жүйке ұштары) әсер етіп, тыныс алу орталығын рефлекторлы қоздырумен байланысты. Тері рецепторларын тітіркендіреді, қан тамырларын кеңейтеді, тіндердің трофикасы мен регенерациясын жақсартады. Жұлында патологиялық ошақтан ауыру импульстары ағымын тежейді. Аналептикалық дәрі. Демді ішке тартқанда тыныс алу жолдарының шырышты қабығын тітіркендіреді және рефлекторлы түрде тыныс алу және қантамырларын қозғалтқыш орталықтарын қоздырады. Ұзақ жанасқанда теріге тітіркендіретін әсері гиперемия, ісіну мен ауырсыну дамуымен күйдіруге ауысуы мүмкін.

Дозалау режимі Тыныс алуды қоздыру үшін: мақта немесе дәке тампонды препаратқа малып, мұрын саңылауларына 0,5-1 секундқа абайлап жақындатады. Хирургиялық практикада қолды жууға арналған ерітінді дайындау үшін 25 мл препаратты 5 литр қайнаған жылы суда сұйылтады. Жәндіктер шаққан кезде – дымқыл дәке басу түрінде. Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар Қажет болған жағдайда кеңес алу үшін медицина қызметкеріне жүгінуге болады.

- әсер етуші затқа немесе қосымша заттардың кез келгеніне аса жоғары сезімталдық - тері жабындысы бүтіндігінің бұзылуы - жергілікті қолданған кезде тері аурулары: дерматиттер, дерматоздар, экзема - 3 жасқа дейінгі балалар

- қышыну, гиперемия, ісіну - аммиак буының үлкен концентрациясымен дем алған кезде тыныстың шектен тыс тарылуы және тыныс алудың рефлекторлық тоқтап қалуы мүмкін Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) бойынша ақпараттық деректер базасына тікелей хабарласыныз Қазақстан Республикасы Денсаулық сақтау министрлігі медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жағымсыз реакциялардың күшеюі Емі: тыныс алу тоқтап қалған кезде тыныс алу аналептиктерін (кофеин, кордиамин) енгізу, жасанды тыныс алдыруды жүргізу керек. Симптоматикалық ем.

Жергілікті қолданғанда аммиак ерітіндісін тек зақымданбаған теріге ғана жағуға болады. Көзге түсуден аулақ болыңыз. Көздің шырышты қабығы кездейсоқ зақымданған жағдайда-көзді бірнеше рет сумен (10 мин үзіліспен 15 мин ішінде) немесе бор қышқылының 3 % ерітіндісімен жуу қажет. Майлар мен жақпамайлар қолданылмайды. Мұрын мен жұтқыншақтың зақымдалуымен 0,5% лимон қышқылының ерітіндісі немесе табиғи шырындар қолданылады. Ішке қабылдаған жағдайда-су, жеміс шырынын, сүт, 0,5 % лимон қышқылының ерітіндісін немесе 1 % сірке қышқылының ерітіндісін асқазанның ішіндегісі толық бейтараптандырылғанға дейін ішу керек. Балалар әсіресе аммиактың әсеріне сезімтал, сондықтан өнімді осы жас санатында қолданған кезде абай болу керек, 3 жасқа дейінгі балаларда қолдануға болмайды. Арнайы ескертулер Жүктілік және лактация кезеңінде, балаларға сақтықпен қолдану керек. Педиатрияда қолдану Препаратты 3 жасқа дейінгі балаларға қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Әсер етпейді.

Жүктілік және бала емізу кезеңінде дәрілік препаратты қолдану ана үшін күтілетін пайда ұрық пен бала үшін ықтимал қауіптен асқан жағдайда ғана мүмкін болады.

Анықталмаған

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, тығыз жабылған ыдыста 25оС-ден аспайтын температурада сақтау керек. Балалардың қолы жетпейтін жерде сақтау керек!