АМОКС капсулы 500 мг

Бір капсуланың құрамында белсенді зат – амоксициллин тригидраты 292.397 мг және 585 мг (250 мг және 500 мг амоксициллинге баламалы); қосымша заттар: натрий лаурилсульфаты, магний стеараты, тазартылған тальк; капсула қабығының құрамы: темірдің сары тотығы (Е 172), титанның қостотығы (Е 171), Понсо 4R (Е124), желатин, тазартылған су, натрий лаурилсульфаты, метилпарагидроксибензоат, пропилпарагидроксибензоат; капсула қақпақшасының құрамы: темірдің қызыл тотығы (Е 172), титанның қостотығы (Е 171), понсо 4R (Е124), темірдің қара тотығы (Е 172), желатин, тазартылған су, натрий лаурилсульфаты, метилпарагидроксибензоат, пропилпарагидроксибензоат. Сыртқы түрінің, иісінің, дәмінің сипаттамасы Корпусы сары түсті және қақпақшасы қызыл-қоңыр түсті, өлшемі «2», "Brawn" таңбалануы және логотипі бар қатты желатинді капсулалар (250 мг доза үшін). Корпусы сары түсті және қақпақшасы қызыл-қоңыр түсті, өлшемі «0» қатты желатинді капсулалар (500 мг доза үшін). Капсулалардың ішіндегісі - ақтан сарғыш түске дейінгі түйіршіктелген ұнтақ.

Амоксициллин ересектер мен балаларда келесі инфекцияларды емдеу үшін көрсетілген: - жедел бактериялық синусит - жедел орташа отит - жедел стрептококкты тонзиллит және фарингит - созылмалы бронхиттің асқынуы - ауруханадан тыс пневмония - жедел цистит - жүктілік кезіндегі симптомсыз бактериурия - жедел пиелонефрит - тифоидты және паратифоидты қызба - дентальді абсцесс және флегмона - протездеуден кейін буындарға инфекция жұғуы - Helicobacter pylori эрадикациясы (біріктірілген ем құрамында) - Лайм ауруы - эндокардит профилактикасы Бактерияға қарсы дәрілерді тиісті пайдалану туралы ресми нұсқаулықты қарастырған жөн.

Амоксициллин - бұл пенициллин қатарындағы жартылай синтетикалық (бета-лактамдық) антибиотик, әсері кең спектрлі, көптеген грамоң және грамтеріс микроорганизмдерге қатысты белсенді. Амоксициллиннің бактерицидтік әсер ету механизмі бактериялардың жасуша қабырғасының пептидогликандарының биосинтезін тежеуден тұрады, бұл лизиске және бактериялық жасушаның өліміне әкеледі. Амоксициллин төзімді бактериялар өндіретін бета-лактамазаның бұзылуына сезімтал, сондықтан тек амоксициллиннің белсенділік спектріне осы ферменттерді өндіретін микроорганизмдер кірмейді. Фармакокинетикалық/фармакодинамикалық байланыс Ең төмен бәсеңдететін концентрациядан жоғары уақыт (T> ЕБК) амоксициллиннің тиімділігін анықтайтын негізгі фактор болып саналады. Резистенттілік механизмі Амоксициллинге резистенттіліктің негізгі механизмдері мыналар болып табылады: препаратты бактериялық бета-лактамазалармен белсенділгін жою және бактерияға қарсы дәрінің мақсатқа жақындығын азайтатын пенициллинді байланыстыратын ақуыздар (ПБА) құрылымының өзгеруі. Бактериялық жасушаның өткізгіштігінің бұзылуы немесе эффлюксті/помпа сорғысының механизмі (препаратты жасушадан шығару) бактериалды резистенттілікке, әсіресе грамтеріс бактериялардың арасында ықпал етуі мүмкін. Амоксициллинге арналған ең төмен бәсеңдететін концентрацияның (ЕБК) бақылау нүктелерін/шекті мәндерін микробқа қарсы сезімталдыққа тестілеу жөніндегі Еуропалық комитет (EUCAST) 5.0-нұсқада белгілеген. Микроорганизм — ЕБК бақылау нүктелері (мг/л) Сезімтал ≤ — Резистентті > Enterobacteriaceae — 81 — 8 Staphylococcus spp. — ескерту 2 — ескерту2 Enterococcus spp3 — 4 — 8 А, В, С және G тобының Streptococcus — ескерту 4 — ескерту 4 Streptococcus pneumoniae — ескерту 5 — ескерту 5 Viridans тобының Streptococci — 0,5 — 2 Haemophilus influenzae — 26 — 26 Moraxella catarrhal is — ескерту 7 — ескерту 7 Neisseria meningitidis — 0,125 — 1 Clostridium difficile8 басқа грамоң анаэробты микроорганизмдер — 4 — 8 Грамтеріс анаэробты микроорганизмдер8 — 0,5 — 2 Helicobacter pylori — 0,1259 — 0,1259 Pasteurella multocida — 1 — 1 Спецификалық емес түрмен байланысты бақылау нүктелері10 — 2 — 8 1. Мутантты емес Enterobacteriaceae аминопенициллиндерге сезімтал болып жіктеледі. Кейбір елдерде E. coli және P. mirabilis мутантты емес штамдары аралық кедергісі бар түрлер ретінде жіктеледі. Мұндай жағдайларда ЕБК S≤ 0,5 мг/л шекті мәні пайдаланылады. 2. Стафилококктардың көпшілігі амоксициллинге резистентті пенициллиназа продуценттері болып табылады. Метициллинрезистентті штаммдар, кейбір жағдайларды қоспағанда, бета-лактамды препараттарға резистентті. 3. Амоксициллинге сезімталдық ампициллинге арналған деректер негізінде болжанады. 4. А, В, С және G тобының Streptococcus, пенициллинге сезімталдығы бензилпенициллинге сезімталдық деректері негізінде болжанады. 5. Шекті мәндер тек менингитті емес штамдарға қатысты. Ампициллинге аралық резистенттілігі бар түрлер ретінде жіктелген штаммдар үшін пероральді амоксициллин препараттарын тағайындауға болмайды. Сезімталдық ампициллиннің ЕБК негізінде болжанады.

Дозалану режимі Доза микроорганизмнің патогенділігіне, оның бактерияға қарсы препараттарға төзімділігіне, инфекцияның ауырлығы мен орналасқан орнына, пациенттің жасына, дене салмағына, бүйрек функциясына байланысты жеке таңдалады. Ересектер және дене салмағы ≥ 40 кг балалар Қолданылуы* — Доза* Жедел бактериялық синусит — Әрбір 8 сағат сайын 250 мг-500 мг немесе әрбір 12 сағат сайын 750 мг-ден 1 г дейін. Ауыр инфекцияларда әрбір 8 сағат сайын 750 мг-ден 1 г дейін. Жедел циститте күніне екі рет 3 г, курс 1 күн. Жүктілік кезіндегі симптомсыз бактериурия Жедел пиелонефрит Дентальді абсцесс және флегмона Жедел цистит Жедел орташа отит — Әрбір 8 сағат сайын 500 мг, әрбір 12 сағат сайын 750 мг-ден 1 г дейін. Ауыр инфекцияларда әрбір 8 сағат сайын 750 мг-ден 1 г дейін 10 күн бойы. Жедел стрептококкты тонзиллит және фарингит Созылмалы бронхиттің асқынуы Ауруханадан тыс пневмония — Әрбір 8 сағат сайын 500 мг-ден 1 г дейін. Тифоидты және паратифоидты қызба — Әрбір 8 сағат сайын 500 мг-ден 2 г дейін. Протездеуден кейін буындарға инфекция жұғуы — Әрбір 8 сағат сайын 500 мг-ден 1 г дейін. Эндокардит профилактикасы — 2 г, бір рет, емшараға дейін 30-60 минут бұрын. Helicobacter pylori эрадикациясы — күніне екі рет 750 мг-ден 1 г-ге дейін протонды сорғының тежегішімен (мысалы, омепразол, лансопразол) және басқа бактерияға қарсы препаратпен бірге (мысалы, кларитромицин, метронидазол), емдеу курсы 7 күн. Лайм ауруы — Ерте сатысы: әрбір 8 сағат сайын 500 мг-ден 1 г-ге дейін. Ең жоғары тәуліктік доза тәулігіне 4 г аспайды. Емдеу курсы орта есеппен 14 күн (10-нан 21 күнге дейін). Кеш сатысы (жүйелі зақымдану кезінде): әрбір 8 сағат сайын 500 мг-ден 2 г-ге дейін. Ең жоғары тәуліктік доза тәулігіне 6 г аспайды. Емдеу курсы 10-30 күн. * Әрбір көрсетілім үшін емдеудің ресми басқару қағидаттарын ескеру қажет. Пациенттердің ерекше топтары Дене салмағы < 40 кг балалар Балаларға капсуладағы Амоксициллин тағайындауға болады. Препарат 6 жасқа дейінгі балаларға қарсы көрсетілген (осы жас тобы үшін неғұрлым қолайлы дәрілік түрді қолдану керек). Дене салмағы 40 кг және одан жоғары балалар ересектерге арналған дозаларды қабылдай алады. Ұсынылатын дозалар: Қолданылуы + — Доза+ Жедел бактериялық синусит — Тәулігіне 20-дан 90 мг/кг-ге дейін, бөлінген дозаларда* Жедел орташа отит Ауруханадан тыс пневмония Жедел цистит Жедел пиелонефрит Дентальді абсцесс және флегмона Жедел стрептококкты тонзиллит және фарингит — Тәулігіне 40-дан 90 мг/кг-ге дейін, бөлінген дозаларда * Тифоидты және паратифоидты қызба — Үш қабылдауға бөлінген тәулігіне 100 мг/кг. Эндокардит профилактикасы — 50 мг/кг пероральді, емшараға дейін 30-60 минут бұрын бір реттік доза түрінде. Лайм ауруы — Ерте сатысы: тәулігіне 25-тен 50 мг/кг-ге дейін үш бөлінген дозада, 10-21 күн бойы. Кеш сатысы (жүйелі зақымдану кезінде): үш бөлінген дозада тәулігіне 100 мг/кг, 10-30 күн бойы. + Әрбір көрсетілім үшін емдеудің ресми басқару қағидаттарын ескеру қажет. * Тәулігіне екі рет қабылдау режимін, егер жоғары дозаларды пайдаланған жағдайда ғана қолдану керек. Егде жастағы пациенттер Егде жастағы пациенттер үшін дозаны түзету қажет емес. Бауыр жеткіліксіздігі бар пациенттер Сақтықпен қолдану және бауыр функциясын үнемі бақылау қажет. Бүйрек жеткіліксіздігі бар пациенттер Шумақтық сүзіліс деңгейі, мл/мин — Ересектер мен салмағы ≥ 40 кг балалар — Салмағы ≤ 40 кг балаларға # > 30 — Дозаны түзетудің қажеті жоқ — Дозаны түзетудің қажеті жоқ 10–30 — тәулігіне 2 рет ең жоғары 500 мг — 15 мг/кг, екі қабылдауға (тәулігіне екі рет ең жоғары 500 мг) < 10 — тәулігіне 1 рет ең жоғары 500 мг — 15 мг/кг, бір реттік доза түрінде (ең жоғары 500 мг) # Көп жағдайда препаратты парентеральді түрде енгізген дұрыс Гемодиализдегі пациенттер Гемодиализ Ересектер мен салмағы > 40 кг балаларға — Әрбір 24 сағат сайын 500 мг. Гемодиализ жүргізер алдында бір қосымша 500 мг доза беру керек. Гемодиализден кейін қандағы препараттың деңгейін қалпына келтіру үшін тағы бір қосымша 500 мг дозаны қабылдау қажет. Салмағы <40 кг балаларға — Тәулігіне 15 мг/кг, бір реттік доза түрінде (ең көбі 500 мг). Гемодиализ жүргізер алдында бір қосымша 15 мг/кг доза беру керек. Гемодиализден кейін қандағы препарат деңгейін қалпына келтіру үшін тағы бір қосымша 15 мг/кг доза қабылдау қажет. Перитонеальді диализдегі пациенттер Амоксициллиннің ең жоғары тәуліктік дозасы тәулігіне 500 мг. Енгізу әдісі және жолы Пероральді. Препаратты тамақпен бір мезгілде қабылдау амоксициллиннің сіңуін баяулатады. Капсуланы ашпай, судың жеткілікті мөлшерімен іше отырып, тұтастай жұту керек. Емдеу ұзақтығы Емдеу курсы инфекцияның түрімен, организмнің емделуге реакциясы арқылы анықталады және мүмкіндігінше қысқа болуы керек. Алайда, кейбір инфекциялар ұзақ емдеуді қажет етеді. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Сұрақ пайда болған жағдайда дәрілік препаратты қабылдамас бұрын кеңес алу үшін дәрігерге жүгініңіз.

- белсенді затқа немесе кез келген қосымша заттарға аса жоғары сезімталдық - анамнезінде басқа бета-лактамдық агенттерді (оның ішінде цефалоспориндерді, карбапенемдерді немесе монобактамдарды) қолданумен байланысты аса жоғары сезімталдықтың (оның ішінде анафилаксияның) ауыр реакцияларының болуы) - 6 жасқа дейінгі балалар (осы дәрілік түр үшін)

Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥1/10000-нан < 1/1000-ға дейін), өте сирек (< 1/10000), белгісіз (қолда бар деректер негізінде бағалау мүмкін емес) Жиі - жүрек айнуы, диарея - бөртпе Жиі емес - құсу - есекжем, қышыну Өте сирек - терінің шырышты кандидозы - қайтымды лейкопения (ауыр нейтропенияны немесе агранулоцитозды қоса), қайтымды тромбоцитопения, гемолиздік анемия, қан кету уақытының және протромбин уақытының ұзаруы - ауыр аллергиялық реакциялар, оның ішінде ангионевроздық ісіну, анафилаксиялық шок, сарысу ауруы, васкулит - бас айналуы, гиперкинезия, құрысулар - антибиотик-астасқан колит (оның ішінде жалған жарғақшалы энтероколит, геморрагиялық колит) - тілдің күңгірттенуі - гепатит, холестаздық сарғаю, АСТ және/немесе АЛТ орташа жоғарылауы - тері реакциялары (мультиформалы эритема, Стивенс-Джонсон синдромы, уытты эпидермальді некролиз, буллезді және эксфолиативті дерматит, жедел жайылған экзантематозды пустулез, эозинофилиямен дәрілік реакция (ДРЕСС-синдром) сияқты) - интерстициальді нефрит, кристаллурия Белгісіз - Яриш-Герксгеймер реакциясы - IgA тәуелді сызықтық дерматоз - асептикалық менингит - Коунис синдромы (аллергиялық коронарлық синдром) - дәрілік препаратпен индукцияланған энтероколит синдромы - кристаллурия (соның ішінде бүйректің жедел зақымдануын қоса) Қандай жағымсыз әсерлер болуы мүмкін? Аллергиялық реакциялар кезіндегі кеудедегі ауырсыну аллергиялық реакциядан туындаған миокард инфарктісінің симптомы болуы мүмкін (Коунис синдромы). Дәрілік препаратпен индукцияланған энтероколит синдромы. Дәрілік энтероколит синдромы негізінен амоксициллин қабылдаған балаларда хабарланды. Бұл жетекші симптомы қайталанатын құсу болатын аллергиялық реакция (препаратты қабылдағаннан кейін 1-4 сағаттан кейін). Қосымша симптомдары іштің ауыруы, босаңдық, диарея, төмен қан қысымын қамтуы мүмкін. Бүйректің жедел зақымдануына әкелетін несептегі кристаллдар. Везикулалы бөртпе және ортасында қатпары бар сулы бөртпелер, гирляндаға ұқсас пішінде немесе «інжу тізбегі» түрінде қалыптасуға және шоғырлануға бейім (IgA тәуелді сызықтық дерматоз). Ми мен жұлынды қоршап тұрған қабықшалардың қабынуы (асептикалық менингит). Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттарды және медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жүрек айнуы, құсу, диарея, су-электролит теңгерімінің бұзылуы. Препараттың жоғары дозаларын қабылдайтын бүйрек функциясы бұзылған пациенттерде құрысулар, кейбір жағдайларда бүйрек жеткіліксіздігіне әкелетін амоксициллин кристаллуриясы дамуы мүмкін. Емі: симптоматикалық ем, асқазанды шаю, су-электролит теңгерімін демеу. Препаратты қаннан гемодиализдің көмегімен шығаруға болады.

Аса жоғары сезімталдық реакциялары Емді бастамас бұрын пациентте анамнезінде пенициллиндерге, цефалоспориндерге немесе басқа бета-лактамдық препараттарға аллергиялық реакциялардың болуы туралы нақтылау қажет. Пенициллинмен ем қабылдаған пациенттерде күрделі, кейде өліммен аяқталатын, аса жоғары сезімталдық реакциялары (анафилактоидтық және терінің ауыр жағымсыз реакциялары) тіркелген. Аса жоғары сезімталдық реакциялары сонымен қатар миокард инфарктісіне әкелуі мүмкін ауыр аллергиялық реакция Коунис синдромына (аллергиялық жедел коронарлық синдром) дейін үдеуі мүмкін. Бұл реакциялар анамнезінде пенициллинге жоғары сезімталдығы бар адамдарда және атопиясы бар пациенттерде жиі кездеседі. Аллергиялық реакция дамығанда амоксициллинмен емдеуді тоқтатып, тиісті баламалы емді бастау керек. Сезімтал емес микроорганизмдер Амоксициллин қоздырғыш сезімтал ретінде құжатталған немесе сезімтал ретінде белгілі болған немесе амоксициллинмен емдеуге ықтимал жоғары сезімталдық болған жағдайларды қоспағанда, инфекциялардың кейбір түрлерін емдеуге жарамайды. Мұны несеп шығару жолдарының инфекциясын, құлақтың, мұрынның және тамақтың ауыр инфекциясын емдеуде ескеру қажет. Құрысулар Бүйрек функциясының бұзылуы бар пациенттерде, препараттың жоғары дозаларын алатын және құрысудың дамуына бейім факторлары бар пациенттерде құрысулар дамуы мүмкін (мысалы, анамнездегі құрысулар және/немесе эпилепсия, менингеальді зақымданулар). Бүйрек жеткіліксіздігі Бүйрек функциясының бұзылуы бар пациенттерде препараттың дозасы креатинин деңгейіне байланысты түзетілуі тиіс. Тері реакциялары Препаратпен емдеудің басында жайылған эритеманың, қызбаның, пустуланың пайда болуы жедел жайылған экзантематозды пустулездің симптомы болуы мүмкін. Бұл препаратты дереу тоқтатуды талап етеді және оны қайта тағайындауға болмайды. Инфекциялық мононуклеозға күдік болғанда амоксициллинді тағайындаудан аулақ болу керек, себебі бұл ауруда амоксициллинді қолданғаннан кейін қызылшаға ұқсас бөртпенің пайда болу жағдайлары болған. Яриш-Герксгеймер реакцияcы Лайм ауруын емдеу кезінде амоксициллиннің қоздырғышқа (Borrelia burgdorferi спирохетасы) тікелей бактерицидтік белсенділігінен туындаған Яриш - Герксгеймер реакциясы пайда болуы мүмкін. Пациенттерге бұл Лайм ауруын бактерияға қарсы препараттармен емдеудің стандартты және әдетте өзін-өзі шектейтін салдары екенін ескерту қажет. Резистентті микроорганизмдердің өсуі Препаратты ұзақ уақыт қолдану кейде сезімтал емес микробтардың шамадан тыс өсуіне әкелуі мүмкін. Амоксициллинді қолданған кезде антибиотикпен астасқан колиттің дамуы мүмкін, оның барысы жеңілден өмірге қауіп төндіретін колитке дейін ауытқуы мүмкін. Мұны пациентте препаратпен емдеу кезеңінде немесе одан кейін пайда болған диареяға шағымдар пайда болған кезде ескеру қажет. Антибиотикпен астасқан колиттің дамуы кезінде амоксициллинді дереу тоқтатып, тиісті емді бастау керек. Бұл жағдайда ішек жиырылуын төмендететін препараттар қарсы көрсетілген. Дәрілік энтероколит синдромы негізінен амоксициллин қабылдаған балаларда байқалды. Бұл препаратты қабылдағаннан кейін 1-4 сағаттан кейін пайда болатын, аллергиялық тері реакциялары немесе респираторлық симптомдар болмаған кезде жетекші симптомы қайталанатын құсу болатын аллергиялық реакция. Қосымша симптомдарға іштің ауыруы, диарея, гипотензия немесе нейтрофилиямен лейкоцитоз кіруі мүмкін. Күрделі жағдайлар, соның ішінде шокқа дейін өршитін жағдайлар болды. Ұзақ уақыт ем Амоксициллинмен ұзақ емдеу кезінде бүйрек, бауыр, қан түзу жүйесінің функцияларын мерзімді бағалау ұсынылады, өйткені бауыр ферменттері деңгейінің жоғарылауы және амоксициллинді қолдану кезінде қан көрсеткіштерінің өзгеруі туралы хабарламалар бар. Антикоагулянттар Амоксициллин қабылдаған пациенттерде протромбин уақытының ұлғаюының сирек жағдайлары туралы деректер бар, сондықтан амоксициллинмен антикоагулянттарды бір мезгілде тағайындау кезінде протромбин уақытын мониторингтеу қажет, сондай-ақ антикоагулянттардың дозасын түзету қажет болуы мүмкін. Кристаллурия Несеп шығару төмендеген пациенттерде өте сирек жағдайларда, әсіресе парентеральді емдеу кезінде кристаллурия (бүйректің жедел зақымдануын қамтумен) пайда болуы мүмкін. Амоксициллиннің жоғары дозаларын қабылдау кезінде кристаллурияның даму ықтималдығын азайту үшін сұйықтықты жеткілікті мөлшерде қабылдау және несеп шығару ұсынылады. Қуықта катетер орнатылған пациенттерде катетердің өткізгіштігін тұрақты бақылау қажет. Диагностикалық тесттер Сарысудағы және несептегі амоксициллиннің жоғары деңгейі химиялық әдістерді пайдалана отырып, зертханалық тесттер жүргізген кезде жалған оң нәтижелерге әкелуі мүмкін. Амоксициллинмен емдеу кезеңінде несепте глюкозаның болуын анықтау қажет болған жағдайда ферментативті глюкозооксидаза әдісін пайдалану ұсынылады. Амоксициллинді қабылдау жүкті әйелдерде эстриолға талдау нәтижелерін бұрмалауға әкелуі мүмкін. Қосымша заттар бойынша ақпарат Препараттың құрамында натрий бар (шамамен 9,58 мг); тұзсыз диетаны ұстанатын адамдарға тағайындағанда абай болыңыз. Препараттың құрамында өнімде аллергиялық реакцияларды тудыруы мүмкін понсо 4R (E124) бар. Препараттың құрамында баяу типті аллергиялық реакцияларды тудыруы мүмкін метилпарагидроксибензоат және пропилпарагидроксибензоат бар. Амоксициллинді қолданар алдында нені білу керек Метотрексат (обыр мен ауыр псориазды емдеу үшін қолданылады). Пенициллиндермен бір мезгілде қолдану жағымсыз реакциялардың дамуының потенциалды жоғарылауын туындата отырып, метотрексаттың экскрециясын төмендетуі мүмкін. Пробенецид (подаграны емдеу үшін қолданылады). Пробенецидпен бір мезгілде ұсынылмайды, өйткені амоксициллиннің экскрециясын төмендеуі мүмкін. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препаратты қолдану кезеңінде аллергиялық реакциялар, бас айналу, құрысулар сияқты жағымсыз әсерлер пайда болуы мүмкін. Осы реакциялар пайда болған жағдайда көлік құралын немесе жоғары зейін шоғырландыруды қажет ететін механизмдерді басқарудан тартыну қажет.

Амоксициллин шаранаға зиянды әсер етпейтіні анықталды. Амоксициллинді, егер потенциалды пайда емдеуге байланысты потенциалды қауіптен жоғары болса жүктілік кезінде қабылдауға болады. Амоксициллин емшек сүтімен аз мөлшерде шығарылады, бұл ықтимал сенсибилизация қаупін тудырады. Нәтижесінде, емшек еметін балада диарея, шырышты қабықтың зеңді инфекциясы, бөртпе пайда болуы мүмкін. Сондықтан амоксициллин емшек емізетін әйелдерге дәрігердің пайда/қауіп арақатынасын бағалағаннан кейін ғана тағайындалады. Амоксициллинмен емдеу кезеңінде емшек емізуді тоқтату керек.

Амоксициллинді келесі препараттармен бірге қолдану ұсынылмайды: Пробенецид Амоксициллинді пробенецидпен бір мезгілде қолдану ұсынылмайды. Пробенецид бүйрек өзекшелеріндегі амоксициллин секрециясын төмендетеді. Пробенецид пен амоксициллинді бір мезгілде қолдану амоксициллиннің қандағы концентрациясының тұрақты және ұзақ уақыт жоғарылауына әкелуі мүмкін. Аллопуринол Бір мезгілде енгізу аллергиялық реакциялардың ықтималдығын арттырады. Тетрациклиндер Тетрациклиндер, басқа бактериостатикалық препараттар сияқты, амоксициллинмен бір мезгілде қолданғанда оның бактерицидтік әсерін төмендетуі мүмкін. Дигоксин Бір мезгілде қолданған кезде дигоксиннің сіңуі артады, бұл дигоксин дозасын түзетуді талап етуі мүмкін. Антикоагулянттар Кумариндер класының антикоагулянттарын амоксициллинмен бір мезгілде қолдану қан кету уақытының ұлғаюына әкеледі. Антикоагулянттардың дозасын түзету қажет. Метотрексат Пенициллиндер метотрексаттың шығарылуын төмендетуі мүмкін, бұл уыттылықтың ықтимал жоғарылауына әкеледі. Сондықтан бір мезгілде қолданған кезде пациенттердің қанындағы метотрексат деңгейін бақылау қажет.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары Құрғақ, жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!