АМОКСИЛ-К порошок

Бір құтының ішінде белсенді зат - стерильді қоспа (5:1) амоксициллиннің натрий тұзы және клавуланаттың калий тұзы 1,0 г амоксициллинге және 0,2 г клавулан қышқылына шаққанда. Сыртқы түрінің, иісінің, дәмінің сипаттамасы Ақ немесе ақ дерлік түсті ұнтақ. Гигроскопиялы.

АМОКСИЛ-К ересектер мен балалардағы келесі бактериялық инфекцияларды емдеуге арналған: - тамақтың, мұрын мен құлақтың ауыр инфекциялары (мастоидит, перитонзиллярлық инфекциялар, ауыр жүйелі белгілерімен және симптомдарымен қатар жүретін эпиглоттит және синусит); - созылмалы бронхиттің өршуі (диагнозды расталғаннан кейін); - ауруханадан тыс пневмония; - цистит; - пиелонефрит; - тері мен жұмсақ тіндердің инфекциялары, оның ішінде бактериялық целлюлиттер, жануарлардың тістеуі, жайылған целлюлитпен жүретін ауыр дентоальвеолярлы абсцесс; - сүйектер мен буындардың инфекциясы, оның ішінде остеомиелит; - құрсақішілік инфекциялар; - әйелдердегі жыныс мүшелерінің инфекциясы. Келесі аймақтардағы ауқымды операциялық араласулар кезіндегі ересектерде бактериялық инфекциялардың профилактикасы: - асқазан-ішек жолы - кіші жамбас ағзалары - бас және мойын - өт шығару жолдары. Бактерияға қарсы препараттарды тағайындаған кезде оларды тиісінше қолдану ережелерін басшылыққа алған жөн.

Әсер ету механизмі Амоксициллин - бактериялық пептидогликанның биосинтетикалық метаболизмі үдерісінде бір немесе бірнеше ферментті (көбінесе пенициллинді байланыстыратын ақуыздар, ПБА деп атайды) тежейтін жартылай синтетикалық пенициллин (бета-лактамды антибиотик), ол бактериялар жасуша қабырғасының ажырамас құрылымдық бөлігі болып табылады. Пептидогликан синтезінің тежелуі жасуша қабырғасының әлсіреуіне әкеледі, салдары лизис және жасушалардың қырылуы болып табылады. Амоксициллин бета-лактамазалардың ыдырауына сезімтал, олар резистентті бактериялармен өндіріледі, демек, монотерапия ретінде амоксициллиннің белсенділік спектріне осы ферменттерді өндіретін микроорганизмдер кірмейді. Клавулан қышқылы - бұл пенициллиндермен құрылымдық байланысты бета-лактам болып табылады. Ол кейбір бета-лактамаза ферменттері белсенділігін жояды, осылайша амоксициллиннің белсенділігі жойылуын болдырмайды. Клавулан қышқылы монотерапия түрінде клиникалық пайдалы бактерияға қарсы әсер етпейді. ФК/ФД арақатынасы Ең аз тежегіш концентрациядан асатын дәрілік зат концентрациясының сақталу уақыты (T>MIC) амоксициллиннің тиімділігін анықтайтын негізгі фактор болып саналады. Резистенттілік механизмдері Амоксициллин / клавулан қышқылына төзімділіктің екі негізгі механизмі бар: - B, C және D класын қоса, клавулан қышқылымен өздігінен тежелмейтін бактериялық бета-лактамазалармен белсенділіктің жойылуы; - ПБА түрлендіру, бұл препараттың нысанағы бактерияға қарсы аффинділігін азайтады. Бактериялардың өткізбейтіндігі немесе эффлюкс сорғысының механизмі бактериялардың төзімділігін тудыруы немесе оған, атап айтқанда, грам-теріс бактерияларға ықпал етуі мүмкін. Бақылау нүктелері Микробқа қарсы сезімталдықты анықтау жөніндегі еуропалық комитет (EUCAST) белгілеген амоксициллин / клавулан қышқылына арналған ЕТК бақылау нүктелері) Микроорганизмдер — Сезімталдықты бақылау нүктелері (мкг/мл) Сезімтал — Орташа сезімтал — Резистентті Haemophilus influenzae1 — ≤1 — - — >1 Moraxella catarrhalis1 — ≤1 — - — >1 Staphylococcus aureus 2 — ≤2 — - — >2 Коагулаза-теріс стафилококктар 2 — ≤0,25 — >0,25 Enterococcus1 — ≤4 — 8 — >8 Streptococcus A, B, C, G5 — ≤0,25 — - — >0,25 Streptococcus pneumoniae3 — ≤0,5 — 1–2 — >2 Энтеробактериялар 1, 4 — - — - — >8 Грамтеріс анаэробты бактериялар 1 — ≤4 — 8 — >8 Грамоң анаэробты бактериялар 1 — ≤4 — 8 — >8 Жеке түрлерге қатысы жоқ бақылау нүктелері1 — ≤2 — 4–8 — >8 1Амоксициллин концентрациясының мәндері туралы хабарланған. Сезімталдықты сынау мақсатында клавулан қышқылының концентрациясы 2 мг/л мәнінде белгіленген. 2 Оксациллин концентрациясының мәндері туралы хабарланған. 3 Бақылау нүктелері ампициллинге арналған бақылау нүктелерінен есептеледі. 4 Резистенттіліктің бақылау нүктесі R > 8 мг / л резистенттілік механизмдері бар барлық штаммдар резистентті деп мәлімделгенін білдіреді. 5 Бақылау нүктелері бензилпенициллинге арналған бақылау нүктелерінен есептеледі. Резистенттіліктің таралуы географиялық және уақыт өте келе жекелеген түрлер үшін өзгеруі мүмкін, сондықтан сезімталдық туралы, әсіресе ауыр инфекцияларды емдеген кезде жергілікті ақпараттың болғаны жөн. Қажет болған жағдайда, егер резистенттіліктің жергілікті таралуы препараттың, ең болмағанда инфекциялардың кейбір түрлерінде пайдасы күмән туғызатын болса, сараптамалық қорытынды қажет болады. Әдеттегі сезімтал түрлер Грамоң аэробтар: Enterococcus faecalis, Gardnerella vaginalis, Staphylococcus aureus (метициллинге сезімтал)£, коагулазатеріс стафилококк (метициллинге сезімтал), Streptococcus agalactiae, Streptococcus pneumoniae1, Streptococcus pyogenes және басқа бета-гемолиздік стрептококктар, Streptococcus viridans тобы. Грамоң аэробтар: Capnocytophaga spp., Eikenella corrodens, Haemophilus influenzae2, Moraxella catarrhalis, Pasteurella multocida, Neisseria gonorrhoeae§, Actinobacillus actinomycetemcomitans. Анаэробтар: Bacteroides fragilis, Fusobacterium nucleatum, Prevotella spp. Резистенттіліктің дамуы қиындық тудыруы мүмкін түрлер Грамоң аэробтар: Enterococcus faecium$. Грамтеріс аэробтар: Escherichia coli, Klebsiella oxytoca, Klebsiella pneumoniae, Proteus mirabilis, Proteus vulgaris. Табиғи төзімді микроорганизмдер Грамтеріс аэробтар: Acinetobacter sp., Citrobacter freundii, Enterobacter sp., Legionella pneumophila, Morganella morganii, Providencia spp., Pseudomonas sp., Serratia sp., Stenotrophomonas maltophilia. Басқа микроорганизмдер: Chlamydophila pneumoniae, Chlamydophila psittaci, Coxiella burnetti, Mycoplasma pneumonia, Chlamydia trachomatis. $ Жүре біткен төзімділік механизмі болмаған кезде табиғи орташа сезімталдық. £ Метициллинге төзімді барлық стафилококктар амоксициллинге/клавулан қышқылына төзімді. § Бета-лактамазалардың қатысуынсыз амоксициллинге төзімді барлық штамдар амоксициллин/клавулан қышқылы. 1 Ауруды пенициллинге төзімді Streptococcus pneumoniae туындатқан пациенттерді емдеу үшін амоксициллин/клавулан қышқылының осы дәрілік түрін қолдануға болмайды. 2 Сезімталдығы төмен штамм ЕО-ның кейбір елдерінде 10%-дан жоғары жиілікпен тіркелген.

Дозалау режимі Егер жеке компоненттің дозасы көрсетілмесе, дозалар амоксициллин/клавулан қышқылының мөлшері ретінде келтіріледі. Белгілі бір инфекцияны емдеу үшін АМОКСИЛ-К дозасын таңдаған кезде мыналарды ескеру қажет: - күтілетін қоздырғыштарын және олардың бактерияға қарсы заттарға болжамды сезімталдығын; - инфекцияның ауырлығы мен орналасуы; - төменде сипатталғандай, пациенттің жас шамасын, дене салмағы мен бүйрек функциясын. АМОКСИЛ-К бұл дәрілік түрін амоксициллиннің 3000 мг және клавулан қышқылының 600 мг дейінгі тәуліктік дозасында қолдануға болады. Амоксициллиннің жоғары дозасын қолдану қажет болған жағдайда, клавулан қышқылының күндізгі тым жоғары дозаларының қабылдануын болдырмас үшін, АМОКСИЛ-К басқа дәрілік түрін тағайындау керек. Емдеу ұзақтығын дәрігер жекелей белгілейді. Кейбір инфекциялар (мысалы, остеомиелит) ұзақ емдеуді қажет етеді. Емдеу ұзақтығы, қолданылу нәтижелері мен клиникалық көріністі бағалаусыз 14 тәуліктен аспауы тиіс. Ересектер мен дене салмағы ≥ 40 кг балаларға арналған доза Стандартты доза: әр 8 сағат сайын 1000/200 мг. Хирургиялық араласымдар кезіндегі асқынулардың профилактикасы. Ұзақтығы 1 сағаттан аспайтын операциялар кезінде наркозға енгізгендегі ұсынылатын дозасы 1000/200 мг-ден 2000/200 мг дейін құрайды (2000/200 мг дозасына амоксициллиннің/клавулан қышқылының басқа венаішілік түрін қолданғанда жетуге болады). 1 сағаттан артыққа созылатын операциялар кезінде наркозға енгізгендегі ұсынылатын дозасы 1000/200 мг-ден 2000/200 мг дейін құрайды, 1000/200 мг дозасын 24 сағат ішінде 3 рет енгізуге болады. Операциядан кейінгі кезеңдегі инфекцияның айқын клиникалық белгілерінде препараттың вена ішіне енгізілетін немесе пероральді емдеу курсын тағайындау керек. Дене салмағы <40 кг балаларға арналған дозасы 3 айдан асқан балалар: әр 8 сағат сайын 25/5 мг/кг. 3 айға дейінгі немесе дене салмағы 4 кг аз балалар: әр 12 сағат сайын 25/5 мг/кг. Егде жастағы пациенттер Дозаны түзету қажет емес. Бүйрек функциясының бұзылуы Дозаны түзету амоксициллиннің ұсынылған ең жоғары дозаларына негізделген. Креатинин клиренсі >30 мл/мин - дозаны түзету қажет емес. Дене салмағы ≥40 кг ересектер мен балалар Креатинин клиренсі 10-30 мл/мин — 1000/200 мг, содан кейін – 500/100 мг тәулігіне 2 рет Креатинин клиренсі10 мл/мин — 1000/200 мг, содан кейін – әр 24 сағат сайын 500/100 мг Гемодиализ — Бірінші доза – 1000/200 мг, содан кейін – әр 24 сағат сайын 500/100 мг + диализден соң 500/100 мг Ересектер мен дене салмағы40 кг балалар Креатинин клиренсі 10-30 мл/мин — Әр 12 сағат сайын 25/5 мг/кг Креатинин клиренсі10 мл/мин — Әр 24 сағат сайын 25/5 мг/кг Гемодиализ — Әр 24 сағат сайын 25/5 мг/кг + диализден соң 12,5/2,5 мг Бауыр функциясының бұзылуы Дозалау кезінде сақтық қажет, бауыр функциясына жүйелі аралықтармен тұрақты түрде мониторинг жүргізу керек. Енгізу әдісі мен жолы АМОКСИЛ-К венаішілік инъекция арқылы (сорғалатып) немесе жүйелі инфузиялар арқылы (тамшылатып) енгізу керек. АМОКСИЛ-К бұлшықет ішіне енгізуге болмайды. 3 айға дейінгі балаларға АМОКСИЛ-К тек вена ішіне инфузия түрінде ғана тағайындау керек. АМОКСИЛ-К препаратымен емдеуді вена ішіне енгізуден бастау және пероральді қолдануға арналған дәрілік түрлерімен жалғастыруға болады. Вена ішіне инъекцияға арналған ерітіндіні дайындау 1000/200 мг: құтының ішіндегісін инъекцияға арналған 20 мл суда еріту керек (соңғы көлемі – 20,9 мл). Еріген кезде уақытша қызғылт бояу пайда болуы мүмкін, ол жоғалып кетеді. АМОКСИЛ-К ерітінділері әдетте түссіз немесе бозғылт-сарғыш түсті болып келеді. АМОКСИЛ-К еріткеннен кейін 20 минут ішінде енгізу керек. Вена ішіне инфузия үшін ерітінді дайындау Жоғарыда сипатталғандай ерітілген, 1000/200 мг ерітіндіні ары қарай кідіртпей, 100 мл инфузиялық сұйықтыққа қосу керек (мини-контейнерді немесе бюретканы қолданған дұрыс). Инфузияны 30-40 минут бойы жүргізу керек. АМОКСИЛ-К ерігеннен кейін химиялық және физикалық тұрғыдан 25 °С температурада 2-3 сағат бойы немесе 5 °С температурада 8 сағат бойы тұрақты. Микробиологиялық тұрғыдан, дайындалған ерітіндіні дереу енгізу керек. АМОКСИЛ-К препаратының венаішілік инфузияларын түрлі венаішілік ерітінділердің көмегімен жүргізуге болады. Антибиотиктің қанағаттанарлық концентрациясы 5 ºС және бөлме температурасында (25 ºС) төменде көрсетілген инфузиялық ерітінділердің ұсынылған көлемінде сақталады. Препаратты бөлме температурасында еріткенде және оны сақтаған кезде инфузияны төменде көрсетілген уақыт ішінде жүргізу керек. Вена ішіне (в/і) енгізуге арналған ерітінді — 25 С кезінде тұрақтылық кезеңі, уақыты (сағат) Инъекцияға арналған су — 3 0,9% натрий хлориді ерітіндісі — 3 Біріктірілген натрий хлориді ерітіндісі (Рингер ерітіндісі) — 2 Біріктірілген натрий хлориді ерітіндісі (Хартман ерітіндісі) — 2 0,3% калий хлориді ерітіндісі және 0,9% натрий хлориді ерітіндісі — 2 5 °С температурада сақталған жағдайда, 1000/200 мг ерітінділерді алдын-ала салқындатылған, инфузияға арналған ерітіндіге (инъекцияға арналған су немесе 0,9 % натрий хлориді ерітіндісі) қосуға болады, алынған препаратты көрсетілген температурада 8 сағатқа дейін сақтауға болады. Ерітінді бөлме температурасына жеткеннен кейін оны дереу пайдалану керек. АМОКСИЛ-К ерітінділерінің тұрақтылығы концентрацияға байланысты. Егер ерітінді жоғары концентрацияда дайындалса, ерітіндінің тұрақтылық кезеңі пропорционалды түрде артады. Глюкоза, декстран және бикарбонат ерітінділерінде АМОКСИЛ-К тұрақтылығы аз, сондықтан аталған негіздегі ерітінділерді еріткеннен кейін 3-4 минут ішінде пайдалану керек. Кез келген пайдаланылмаған ерітіндіні қолданыстағы талаптарға сәйкес утилизациялау керек.

- әсер етуші заттарға, пенициллинге және препараттың басқа компоненттеріне аса жоғары сезімталдық - анамнезінде басқа бета-лактамды антибиотикке (цефалоспорин, карбапенем немесе монобактам) жедел түрдегі ауыр аллергиялық реакция (мысалы, анафилаксия) - анамнездегі амоксициллин/клавулан қышқылынан туындаған сарғаю/бауыр функциясының бұзылуы.

Назар аудару керек жағдайлар Аллергиялық реакциялар: • тері бөртпесі; • теріде қызыл немесе ашық күлгін түсті дөңес дақтар түрінде көрінуі мүмкін, бірақ дененің басқа бөліктерін зақымдануы мүмкін қан тамырларының қабынуы (васкулит); • қызба, буынның ауыруы, мойын, қолтық немесе шаптағы бездердің ісінуі; • тыныс алуды қиындататың, кейде беттің немесе тамақтың ісінуі (ангионевроздық ісіну); • коллапс; • аллергиялық реакциялар аясында кеудедегі ауырсыну, бұл аллергиядан туындаған миокард инфарктісінің симптомы болуы мүмкін (Коунис синдромы); ➔ Егер сізде осы симптомдар пайда болса, дереу дәрігерге қаралыңыз. АМОКСИЛ-К қолдануды тоқтатыңыз. Жуан ішектің қабынуы Әдетте қан мен шырыш араласқан сулы диареяны тудыратын жуан ішектің қабынуы, іштің ауыруы және/немесе қызба. Ұйқы безінің жедел қабынуы (жедел панкреатит) Егер сізде асқазан аймағында қатты және тұрақты ауырсыну болса, бұл жедел панкреатиттің белгісі болуы мүмкін. Дәрілік индукцияланған энтероколит синдромы (DIES): DIES жағдайлары негізінен амоксициллин/клавуланатпен емделген балаларда байқалды. Бұл қайталанатын құсудың жетекші симптомы бар аллергиялық реакцияның бір түрі (препаратты қолданғаннан кейін 1-4 сағаттан кейін). Қосымша симптомдар іштің ауыруы, сылбырлық, диарея және төмен қан қысымы кіруі мүмкін. ➔ Егер сізде осы симптомдар пайда болса, мүмкіндігінше тезірек кеңес алу үшін дәрігерге хабарласыңыз. Жиі: • тері мен шырышты қабықтың кандидозы; • диарея, жүрек айнуы, құсу Жиі емес: • бас айналуы, бас ауыруы; • ас қорытудың бұзылуы; • бета-лактамды антибиотиктер қабылдайтын науқастарда АСТ және/немесе АЛТ бауыр ферменттері деңгейінің орташа жоғарылауы байқалады; • тері бөртпесі, қышыну, есекжем. Сирек: • қайтымды лейкопения (нейтропенияны қоса) және тромбоцитопения; • препаратты енгізу орнындағы тромбофлебит; • полиморфты эритема. Өте сирек: • тіс эмалінің беткі қабаты түсінің өзгеруі. Жиілігі белгісіз (қолда бар деректер негізінде бағалау мүмкін емес): • сезімтал емес микроорганизмдердің шамадан тыс көбеюі; • қайтымды агранулоцитоз және гемолиздік анемия; • қан кету уақыты мен протромбин индексінің ұлғаюы; • ангионевроздық ісіну; • анафилаксия; • сарысу құю ауруына ұқсас синдром; • аллергиялық васкулит; • құрысулар; • ми мен жұлынның айналасындағы қабаттардың қабынуы (асептикалық менингит); • Коунис синдромы (аллергиялық коронарлық синдром); • жалған жарғақшалық және геморрагиялық колитті қоса, антибиотикпен астасқан колит; • дәрілік препаратпен индукцияланған энтероколит синдромы; • жедел панкреатит; • гепатит және холестаздық сарғаю. Бұл құбылыстар басқа пенициллиндер мен цефалоспориндерді қолданғанда пайда болады. • Стивенс-Джонсон синдромы; • уытты эпидермалық некролиз; • буллезді эксфолиативтік дерматит; • жедел жайылған экзантематозды пустулез; • эозинофилиямен және жүйелік симптомдары (DRESS) бар дәрілерге реакция; • ортасында қыртысы бар шеңберде орналасқан немесе інжу тізбегі түрінде күлдіреуіктері бар бөртпе (IgA тізбектік ауруы). ➔ Кез келген аллергиялық дерматит пайда болған жағдайда емдеуді тоқтату керек. • Интерстициялық нефрит; • жедел бүйрек жеткіліксіздігіне әкелетін кристаллурия. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдар Асқазан-ішек жолы бұзылыстарына және сұйықтық пен электролит теңгерімінің бұзылуына тән симптомдар байқалуы мүмкін. Амоксициллинді қабылдаумен байланысты кристаллурия байқалды, бұл жекелеген жағдайларда бүйрек жеткіліксіздігінің дамуына әкелген. Бүйрек функциясы бұзылған пациенттерде және препараттың жоғары дозаларын қабылдайтын пациенттерде құрысулар пайда болуы мүмкін. Амоксициллиннің, негізінен жоғары дозаларда енгізгеннен кейін қуық катетерлерінде шөгуі туралы хабарланған. Катетерлердің өткізгіштігін үнемі тексеріп отыру керек. Емі Асқазан-ішек жолы тарапынан бұзылуды сұйықтықтың/электролиттердің теңгеріміне назар аудара отырып, симптоматикалық емдеуге болады. Амоксициллин/ клавулан қышқылы гемодиализ арқылы қан ағымынан шығарылуы мүмкін.

АМОКСИЛ-К препаратымен емдеуді бастар алдында анамнезде пенициллиндерге, цефалоспориндерге немесе басқа бета-лактамдық препараттарға аса жоғары сезімталдық реакциясының бар-жоқтығын мұқият анықтау қажет. Арнайы ескертулер Пенициллинмен емдеу кезінде пациенттерде аса жоғары сезімталдықтың ауыр, кейде тіпті өліммен аяқталатын жағдайлары (анафилаксиялық реакциялар және терінің ауыр жағымсыз реакциялары) байқалады. Аса жоғары сезімталдық реакциялары сонымен қатар миокард инфарктісіне әкелуі мүмкін ауыр аллергиялық реакция Коунис синдромына ауысуы мүмкін. Бұл реакциялардың ықтималдығы анамнезінде пенициллинге осыған ұқсас реакциялар болған адамдарда айтарлықтай зор. Аллергиялық реакциялар туындаған жағдайда АМОКСИЛ-К емін тоқтатып, тиісті баламалы емді бастау керек. Егер инфекцияға амоксициллинге сезімтал микроорганизмдер түрткі болғаны дәлелденсе, ресми ұсынымдарға сәйкес, амоксициллин/клавулан қышқылы біріктірілімінен амоксициллинге көшу мүмкіндігін талқылау қажет. АМОКСИЛ-К бұл дәрілік түрі жоғары қаупі болған кезде қолдануға жарамсыз, клавулан қышқылымен тежелуге сезімтал бета-лактамазаларға байланысты болмайтын, аурудың ықтимал қоздырғыштары бета-лактамды препараттарға резистенттілігі болады. T>MIC туралы нақты деректер жоқ, ал пероральді дәрілік түрлері жөніндегі деректер шектеулі болғандықтан, бұл дәрілік түр (қосымша амоксициллинсіз) пенициллинге резистентті S. pneumoniae емдеуге жарамсыз болуы мүмкін. Бүйрек функциясы бұзылған науқастарда немесе жоғары дозаларды қолданғанда құрысулар пайда болуы мүмкін. Инфекциялық мононуклеозге күдіктенген жағдайда, АМОКСИЛ-К тоқтату қажет, өйткені бұл ауру кезінде қызылша тәрізді бөртпенің туындауы амоксициллинді қабылдаумен байланысты болуы мүмкін. Амоксициллинмен емдеу кезінде аллопуринолды бірге қолдану тері тарапынан аллергиялық реакцияларды арттыруы мүмкін. Препаратты ұзақ уақыт қолдану кейде сезімтал микроорганизмдердің шамадан тыс өсуіне әкелуі мүмкін. Емдеудің басындағы пустулалармен астасқан полиморфты эритеманың дамуы жедел жайылған экзантематоздық пустулездің симптомы болуы мүмкін. Ондай жағдайда емдеуді тоқтату қажет және ары қарай амоксициллинді енгізуге болмайды АМОКСИЛ-К бауыр функциясы бұзылған науқастарға сақтықпен қолдану керек. Гепатиттер көбінесе ерлер мен егде жастағы науқастарда туындайды, және олардың туындауы препаратпен ұзақ уақыт емдеумен байланысты болуы мүмкін. Өте сирек жағдайда ондай жағымсыз реакциялар балаларда туындауы мүмкін. Аурудың белгілері мен симптомдары емдеу кезінде немесе емдеуден кейін бірден туындайды, бірақ кей жағдайларда, емдеу аяқталғаннан кейін бірнеше аптадан соң туындауы мүмкін. Бұл құбылыстар әдетте қайтымды. Аса сирек өлім жағдайлары байқалған, олар үнемі негізгі ауруы ауыр пациенттерде немесе бауырға теріс әсер ететін препараттарды бір мезгілде қабылдап жүрген пациенттерде орын алады. Бактерияға қарсы препараттардың барлығын дерлік қолданғанда антибиотикпен астасқан колиттің туындағаны туралы хабарланды, ол жеңіл дәрежесінен өмірге қауіп төндіретінге дейін ауытқып отыруы мүмкін. Дәрілік индукцияланған энтероколит синдромы (DIES) көбінесе амоксициллин/клавуланатпен емделген балаларда байқалды. DIES-аллергиялық тері немесе тыныс алу симптомдар болмаған кезде ұзаққа созылған құсудың жетекші симптомы бар аллергиялық реакция (препаратты <қабылдағаннан> <енгізгеннен> <қолданғаннан кейін 1-4 сағаттан кейін). Қосымша симптомдарға іштің ауыруы, диарея, гипотензия немесе нейтрофилиямен лейкоцитоз кіруі мүмкін. Шокқа дейін прогрессияны қоса, ауыр жағдайлар болды. Сондықтан мұны пациенттерде антибиотикті қолдану кезінде немесе қолданғаннан кейін диарея туындаған кезде ескеру маңызды. Антибиотикпен астасқан колит туындаған жағдайда, АМОКСИЛ-К препаратымен емдеуді дереу тоқтатып, медициналық көмекке жүгіну және сәйкесінше емін бастау керек. Ұзақ уақыт емдеген кезде бүйрек, бауыр және қан түзу жүйелерін қоса, организм ағзалары мен жүйелерінің функцияларын бақылау ұсынылады. АМОКСИЛ-К мен пероральді антикоагулянттарды қабылдап жүрген пациенттерде сирек жағдайларда, протромбиндік уақыттың нормадан артық ұзаруы (халықаралық қалыптасқан қатынас (ХҚҚ) деңгейінің жоғарылауы) байқалуы мүмкін. Антикоагулянттарды бір мезгілде қабылдау кезінде тиісті мониторинг қажет. Антикоагуляцияның қажетті деңгейін ұстап тұру үшін пероральді антикоагулянттардың дозасын түзету қажет болуы мүмкін. Бүйрек жеткіліксіздігі бар науқастарға дозаны бүйрек функциясының бұзылу дәрежесіне сәйкес түзету керек. Бөлінетін несеп мөлшерінің азаюымен науқастарда кристаллурия (жедел бүйрек жеткіліксіздігін қоса) негізінен препаратты парентеральді енгізгенде өте сирек туындауы мүмкін, Сондықтан амоксициллиннің жоғары дозаларын қолданған кезде амоксициллин кристаллуриясының пайда болу қаупін азайту мақсатында сұйықтықты жеткілікті мөлшерде қабылдау және несептің сәйкесінше шығарылуын бақылау ұсынылады. Қуық катетері бар пациенттерде өткізгіштігін үнемі тексеріп отыру керек. АМОКСИЛ-К қан өнімдерімен, құрамында ақуыз бар басқа сұйықтықтармен, атап айтқанда ақуыздар гидролизаттарымен және вена ішіне қолдануға арнайлған майлардың эмульсияларымен араластырмау керек. Егер АМОКСИЛ-К препаратын аминогликозидпен бір мезгілде қолданса, антибиотиктерді бір шприцте, венаішілік ерітіндіге арналған ыдыста немесе басқа ыдыстарда араластырмау керек, өйткені аминогликозид белсенділігін жоғалтады. Амоксициллинмен емдеу кезінде несептегі глюкоза деңгейін анықтау үшін глюкозооксидазамен жүргізілетін ферменттік реакцияларды пайдалану керек, өйткені басқа әдістер жалған оң нәтижелер беруі мүмкін. Амоксициллин/клавулан қышқылын қабылдаған пациенттерде Aspergillus бар-жоқтығына жүргізілген тестілердің (Bio-Rad Laboratories Platelis Aspergillus EIA тестін қолданғанда) жалған оң нәтижелері туралы хабарламалар бар. Сондықтан, амоксициллин/клавулан қышқылымен емделіп жүрген пациенттердегі ондай оң нәтижелерді сақтықпен интерпретациялау және басқа диагностикалық әдістермен дәлелдеу керек. АМОКСИЛ-К құрамында клавулан қышқылының болуы эритроциттер жарғақшаларында IgG мен альбуминнің спецификалық емес байланысуын туғызуы мүмкін, бұл соның салдары ретінде, Кумбстың жалған оң реакциясына алып келуі мүмкін. Бұл дәрілік заттың құрамында бір құтыда 62,95 мг (немесе 2,7 ммоль) натрий бар. Натрий бақыланатын диетада жүрген пациенттерде қолданған кезде сақ болу керек. Бұл дәрілік заттың құрамында бір құтыда 39,24 мг (немесе 1,0 ммоль) калий бар. Бүйрек функциясы бұзылған пациенттерге немесе калий-бақыланатын диетада жүргендерге қолданған кезде абай болу керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Автокөлікті басқару немесе басқа механизмдермен жұмыс істеу кезінде реакция жылдамдығына әсер ету қабілетін зерттеу жүргізілмеген. Алайда, аллергиялық реакциялар, бас айналу, құрысулар сияқты жағымсыз реакциялардың пайда болуы көлік құралын басқару немесе басқа механизмдермен жұмыс істеу қабілетіне әсер етуі мүмкін.

Жүктілік. Амоксициллин/клавулан қышқылының пероральді және парентеральді түрлерінің жануарларға репродуктивті зерттеулері тератогендік әсерін анықтамаған. Ұрық қабықтарының мерзімінен бұрын жарылуы бар әйелдердің қатысуымен жүргізілген бір зерттеу барысында АМОКСИЛ-К профилактикалық қолдану жаңа туған нәрестелердегі некроздық энтероколит қаупінің жоғарылауымен байланысты болуы мүмкін екендігі хабарланды. Басқа дәрілік заттарды қолданғандағыдай, дәрігердің пікірінше, мұндай қолдану қажет болған жағдайларды қоспағанда, препаратты жүктілік кезінде, әсіресе бірінші триместрде қолданудан аулақ болу керек. Бала емізу кезеңі. Препараттың екі белсенді компоненті де емшек сүтіне шығарылады (емшек сүтімен қоректенетін нәрестеге клавулан қышқылының әсері туралы ақпарат жоқ). Осылайша, емшек еметін нәрестеде диарея және шырышты қабықтардың зең инфекциясы пайда болуы мүмкін, сондықтан препаратты қабылдау кезінде бала емізуді тоқтату керек. Аллергиялық реакциялардың пайда болу мүмкіндігін ескеру керек. Бала емізу кезінде амоксициллин/клавулан қышқылын қолдану дәрігердің қауіп/пайда арақатынасын бағалағаннан кейін ғана мүмкін болады.

Пероральді қолдануға арналған антикоагулянттар Пероральді қолдануға арналған антикоагулянттар және пенициллин антибиотиктері іс жүзінде өзара әрекеттесу туралы хабарламаларсыз кеңінен қолданылады. Алайда, аценокумарол немесе варфарин қабылдаған және амоксициллинмен емдеу курсы тағайындалған пациенттерде халықаралық қалыптасқан қатынастың жоғарылау жағдайлары сипатталған. Егер препараттарды бір мезгілде қабылдау қажет болса, амоксициллинді қосу немесе тоқтату кезінде протромбин индексін немесе халықаралық қалыптасқан қатынастың мұқият бақылау керек. Сонымен қатар, пероральді қолдану үшін антикоагулянттардың дозасын түзету қажет болуы мүмкін. Метотрексат Пенициллиндер метотрексаттың шығарылуын төмендетуі мүмкін, бұл уыттылықтың ықтимал артуына әкеледі. Пробенецид Пробенецидті бір мезгілде қолдану ұсынылмайды. Пробенецид амоксициллиннің бүйрек өзекшелік секрециясын азайтады. Пробенецидті бір мезгілде қолдану амоксициллиннің қандағы деңгейі мен ұзақтығының артуына (бірақ клавулан қышқылының емес) әкелуі мүмкін. Микофенолат мофетил Микофенолат мофетилмен емделіп жүрген науқастарда амоксициллинді клавулан қышқылымен перорольді қолдану басталғаннан кейін белсенді метаболит – микофенол қышқылының дозаға дейінгі концентрациясы шамамен 50% төмендеуі мүмкін. Алдын ала дозаланған деңгейдің бұл өзгерісі микофенол қышқылы жалпы экспозициясының өзгеруіне толық сәйкес келмеуі мүмкін. Осылайша, егер трансплантат дисфункциясының клиникалық растауы болмаса, микофенолат мофетил дозасын өзгерту әдетте талап етілмейді. Алайда, бір мезгілде қолдану кезінде және антибиотикпен емнен кейін біраз уақыт бойы мұқият бақылау қажет.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 25 °С-ден аспайтын температурада сақтау керек. Балалардың қолы жетпейтін жерде сақтау керек.