Анагрелид-Виста капсулы 1 мг

1 капсула құрамында: белсенді зат - 0,5 мг немесе 1 мг анагрелид (анагрелид гидрохлориді моногидраты түрінде). Қосымша заттар: лактоза моногидраты, натрий кроскармеллозасы, повидон, лактоза, микрокристалды целлюлоза, магний стеараты. 0,5 мг дозаға арналған капсуланың құрамы: желатин, титанның қостотығы (Е 171). 1 мг дозаға арналған капсуланың құрамы: желатин, титанның қостотығы (Е 171), темірдің қара тотығы (Е 172). Сыртқы түрінің, иісінің, дәмінің сипаттамасы 0.5 мг доза үшін: мөлдір емес корпусы мен ақ түсті қақпағы бар капсула. Капсуланың ішіндегісі - ақтан ақ дерлік түске дейінгі ұнтақ. 1 мг доза үшін: сұрт түсті корпусы мен қақпағы бар капсула. Капсуланың ішіндегісі - ақтан ақ дерлік түске дейінгі ұнтақ.

Анагрелид-Виста ағымдағы емді қабылдамайтын немесе бұл емдеу тромбоциттер деңгейін қажетті деңгейге дейін төмендетпесе, эссенциальді тромбоцитемияның (ЭТ) даму қаупі жоғары пациенттерге тромбоциттер деңгейінің жоғарылауын төмендету үшін көрсетілген. Қауіп тобы Эссенциальді тромбоцитемияның даму қаупі тобына келесі белгілердің біреуі немесе бірнешеуі байқалған пациенттер кіреді: – жасы > 60 жас – тромбоциттер саны >1000 х 109/л жоғары немесе – анамнезінде тромбоэмболия және қанайналым бұзылыстарының болуы

Әсер ету механизмі Анагрелид - циклдік АМФ III фосфодиэстераза тежегіші. Тромбоциттер санының төмендеуіне әкелетін анагрелидтің механизмдері әлі де зерттелуде. Зерттеу барысында анагрелид транскрипция факторларының экспрессиясын тежейтіні анықталды, олардың арасында мегакариоцитопоэзде рөл атқаратын GATA-1 және FOG-1 бар, осылайша тромбоциттердің түзілуі төмендейді. In vitro мегакариоциттерді қалыптастыру бойынша зерттеулер адамдарда анагрелидке байланысты тромбоциттер түзілуінің тежелуі мегакариоциттер жетілуінің баяулауымен, олардың мөлшері мен тығыздығының төмендеуімен байланысты екенін көрсетті. Ұқсас in vivo нәтижелері анагрелидті қолданған пациенттердің сүйек кемігінің биопсиялық үлгілерінен алынды. Клиникалық тиімділігі Тромбоциттер деңгейін төмендететін дәрілік зат ретінде анагрелидтің қауіпсіздігі мен тиімділігі миелопролиферативті неоплазмамен ауыратын 4000-нан астам пациент тартылған зерттеу барысында бағаланды, зерттеу нөмірі (700-012, 700-014, 700-999 және 13970-301). Эссенциальді тромбоцитемиясы бар пациенттерде тромбоциттер санының ≤600x109/л дейін немесе бастапқы көрсеткіштердің ≥50%-на дейін төмендеуі толық ремиссия болып саналды, бұл ретте нәтиже 4 аптадан астам уақытқа созылды. Зерттеу барысында толық ремиссия кезеңі 4-тен 12 аптаға дейін құрады. Клиникалық артықшылықтарды ескере отырып, тромбогеморрагиялық жағымсыз әсерлердің даму қаупі шамалы. Жүректің жиырылу жиілігіне және QT кешеніне әсері Анагрелидтің екі дозасының (0,5 мг және 2,5 мг, бір реттік дозалар) жүректің жиырылу жиілігіне (ЖЖЖ) және QT кешеніне әсері дені сау ересек ерлер мен әйелдер қауымының арасында салыстырмалы жасырын, рандомизацияланған плацебо- және белсенді бақыланатын айқаспалы зерттеу кезінде бағаланды. Дәрілік зат дозасының жоғарылауымен байланысты жүректің жиырылу жиілігінің жоғарылауы алғашқы 12 сағат ішінде тіркелді. ЖЖЖ ең жоғары жоғарылауы анагрелидтің ең жоғары концентрациясы кезінде орын алды. ЖЖЖ орташа мәнінің ең жоғары өзгеруі анагрелидті қолданғаннан кейін 2 сағаттан соң тіркелді және 0,5 мг үшін +7,8 соқ./мин және 2,5 мг үшін +29,1 соқ./мин құрады. Екі доза үшін де орташа QTc өтпелі ұлғаюы ЖЖЖ жоғарылағанда тіркелді, ал QTcF орташа мәнінің ең жоғары өзгеруі 0,5 мг үшін 2 сағаттан кейін +5,0 мс және 2,5 мг үшін бір сағаттан кейін +10 мс болды. Балалар 8 бала мен 10 жасөспірімді қамтитын зерттеу кезінде (оның ішінде бұрын анагрелид қабылдамағандар және оны зерттеуге дейін 5 жыл бойы қабылдағандар) тромбоциттердің орташа көрсеткіші 12 апталық емдеуден кейін бақыланатын деңгейге дейін төмендеді. Жасөспірімдерде орташа тәуліктік доза жоғары болды. Анагрелидті қолдану кезіндегі педиатриялық тіркелімдік зерттеуде бастапқы көрсеткішпен салыстырғанда тромбоциттердің орташа көрсеткіші төмендеді және эссенциальді тромбоцитемиясы бар 14 балада (4 бала және 10 жасөспірім) 18 ай бойы бақылауда болды. Алдыңғы ашық зерттеулер кезінде тромбоциттердің орташа санының төмендеуі 7 бала мен 9 жасөспірімде тіркелді, емдеу кезеңі 3 айдан 6,5 жылға дейін құрады. Эссенциальді тромбоцитемиясы бар балалар арасындағы барлық зерттеулер барысында анагрелидтің орташа тәуліктік дозасы әртүрлі болды, дегенмен деректер жасөспірімдерді емдеуде ересектерге арналған дозаны тағайындауға болатынын көрсетеді, ал 6 жастан асқан балалар үшін ең төменгі бастапқы доза тәулігіне 0,5 мг құрайды (4.2, 4.4, 4.8, 5.2 бөлімдерін қараңыз). Балаларды емдеу кезінде дозаны жеке түрде мұқият таңдау керек.

Анагрелид-Виста дәрілік затымен жүргізілетін емді эссенциальді тромбоцитемияны емдеуде тәжірибесі бар дәрігер жүзеге асырады. Дозалау режимі Анагрелидтің ұсынылатын бастапқы дозасы тәулігіне 1 мг құрайды, оны 0,5 мг-ден 2 қабылдауға бөліп, пероральді қолдануға болады. Бастапқы дозаны 1 апта бойы сақтау керек. 1 аптадан кейін дозаны тромбоциттер санын төмендету/ 600×109/л-ден төмен деңгейде ұстап тұру үшін жеткілікті ең аз тиімді дозаға жеткенге дейін жеке реттеуге болады. Тромбоциттердің идеалды саны 150 x 109/л-ден 400 x 109/л-ге дейінгі аралықта болады. Дозаны бір апта ішінде 0.5 мг-ден артық арттырмау керек. Ең жоғары бір реттік доза 2,5 мг аспауы керек. Клиникалық зерттеу кезеңінде қолданылған анагрелидтің ең жоғары тәуліктік дозасы тәулігіне 10 мг құрады. Емдеу тиімділігін үнемі бақылап отыру керек. Күніне > 1 мг бастапқы дозада тромбоциттер санын өлшеу емдеудің бірінші аптасында әр 2 күн сайын және одан кейін апта сайын, тұрақты дозаға жеткенге дейін жүргізілуі керек. Әдетте тромбоциттер санының төмендеуі емдеу басталғаннан 14-21 күн ішінде байқалады және пациенттердің көбінде тәулігіне 1-3 мг дозаны қолдану арқылы тиісті емдеу нәтижесі байқалады және сақталады. Пациенттердің ерекше топтары Егде жастағы пациенттер Эссенциальді тромбоцитемиясы (ЭТ) бар егде жастағы пациенттерде және жасы кіші пациенттерде байқалған анагрелидтің фармакокинетикасындағы айырмашылықтар жеке оңтайлы демеуші дозаға жеткенге дейін бастапқы дозаны түзетуді немесе дозаны титрлеу шарасын қажет етпеді. 60 жастан асқан пациенттердің 50% қатысқан анагрелидті қолдану бойынша клиникалық зерттеулер бұл пациенттердің жасына байланысты дозадағы өзгерістерді қажет етпейтінін көрсетті. Алайда, осы жас тобындағы пациенттерде ауыр жағымсыз әсерлері, негізінен жүрек-қантамыр жүйесі тарапынан 2 есе жиі байқалды. Бүйрек жеткіліксіздігі бар пациенттер Пациенттердің осы тобы үшін фармакокинетикалық деректер шектеулі. Дәрілік затты қолданар алдында емдеудің пайдасы мен ықтимал қаупін саралау керек. Бауыр жеткіліксіздігі бар пациенттер Пациенттердің осы тобы үшін фармакокинетикалық деректер шектеулі. Бауыр метаболизмі анагрелид клиренсінің негізгі жолы болғандықтан, бауыр функциясының бұзылуы бұл процеске әсер етеді деп күтіледі. Бауыр функциясының орташа немесе ауыр бұзылулары бар пациенттерге анагрелидті қолдану ұсынылмайды. Бауыр функциясының жеңіл бұзылулары бар пациенттер анагрелидті қолданар алдында емдеудің пайдасы мен қаупін салыстыруы керек. Балалар Балаларға анагрелидті қолдану қауіпсіздігі мен тиімділігі анықталмаған. Бұл топта анагрелидті қолдану тәжірибесі шектеулі, дәрілік затты сақтықпен қолдану керек. Педиатрияда ерекше ұсынымдар болмаған жағдайда, ересек қауым арасында эссенциальді тромбоцитемияны анықтауға арналған ДДҰ диагностика критерийлерін балаларды диагностикалау үшін қолдануға болады. Эссенциальді тромбоцитемияны диагностикалау бойынша ұсынымдарды мұқият орындау керек, ал белгісіз жағдайларда туа біткен және жүре пайда болған тромбоцитоздың айырмашылықтарын түсіну үшін қайта диагностика жүргізу керек. Бұл жағдайда генетикалық талдау және сүйек кемігінің биопсиясын жүргізу қажет болуы мүмкін. Әдетте педиатрияда циторедуктивті емді қаупі жоғары пациенттер үшін қолданады. Анагрелидті аурудың үдеу белгілері болған кезде немесе пациент тромбозбен ауырған кезде ғана қолдануға болады. Анагрелидті қолданған кезде пайда мен қауіптің арақатынасына тұрақты мониторинг жүргізу, сондай-ақ оны одан әрі қолдануға мерзімді бағалау жүргізу қажет. Дәрігер тромбоциттердің нысаналы көрсеткіштерін пациенттің жеке ерекшеліктеріне қарай анықтайды. Емдеуді тоқтату шамамен 3 айдан кейін емдеуге оң жауап бермейтін балаларда қарастырылуы керек. Дозалау бойынша ұсынымдар жоқ. Енгізу әдісі мен жолы Пероральді қолдануға арналған. Капсулаларды тұтастай жұту керек. Ішіндегісін сындыруға немесе сұйықтықта сұйылтуға болмайды. Қабылдау уақыты көрсетілген қолдану жиілігі Анагрелид-Виста дәрілік затын тамақ ішуге қарамастан қабылдауға болады. Емдеу ұзақтығы Емдеу курсын дәрігер анықтайды. Дәрілік препараттың бір немесе бірнеше дозасын өткізіп алған кездегі қажетті шаралар Қатысы жоқ Тоқтату симптомдары қаупінің болуына нұсқау Препаратты қабылдауды уақытша тоқтатқан немесе емдеуді тоқтатқан жағдайда тромбоциттер санының қалпына келуі байқалады. Анагрелид-Виста дәрілік затын қабылдауды тоқтатқаннан кейін 4 тәулік ішінде тромбоциттер саны ұлғая бастайды және 10-14-ші күні емдеуді бастағанға дейін болған деңгейге оралады, тромбоциттердің базалық мәндерден жоғары қалпына келуі орын алуы мүмкін. Осылайша, тромбоциттер деңгейін жиі анықтау қажет. Дәрілік препаратты қолдану тәсілін түсіндіру үшін медицина қызметкеріне кеңесіне жүгіну жөніндегі ұсынымдар • Әрқашан препаратты қосымша параққа немесе емдеуші дәрігердің ұсынымдарына толық сәйкестікте қабылдаңыз.

- анагрелидке немесе дәрілік заттың кез келген компонентіне жоғары сезімталдық - бауыр жеткіліксіздігінің орташа немесе ауыр дәрежесі. - бүйрек жеткіліксіздігінің орташа немесе ауыр дәрежесі (креатинин клиренсі <50 мл/мин).

Өте жиі: • бас ауыруы Жиі: • анемия • сұйықтықтың іркілуі • бас айналу • тахикардия, жүректің қағуы • диарея, құсу және іштің ауыруы, жүрек айнуы, метеоризм • бөрту • шаршау Жиі емес • панцитопения, тромбоцитопения, геморрагия, тері астының қанталауы • ісіну, дене салмағының жоғалуы • депрессия, амнезия, сананың шатасуы, ұйқысыздық, парестезия, гипестезия, күйгелектік, ауыздың құрғауы • "пируэт" типті қарыншалық тахикардия, іркілісті құбылыстармен жүрек жеткіліксіздігі, жүрекшелер фибрилляциясы, жүрекшеүстілік тахикардия, аритмия, гипертензия, естен айырылу • өкпе гипертензиясы, пневмония, плевралық жалқық, диспноэ, мұрыннан қан кету • асқазан-ішек геморрагиялары, панкреатит, анорексия, ас қорытудың бұзылуы, іш қату • бауыр ферменттері деңгейінің жоғарылауы • алопеция, қышыну, тері түсінің өзгеруі • артралгия, миалгия, арқаның ауыруы • импотенция • кеуденің ауыруы, қызба, қалтырау, үрейлену, әлсіздік Сирек: • дене салмағының артуы • бас сақинасы, дизартрия, ұйқышылдық, қимыл үйлесімінің бұзылуы • диплопия, көрудің бұзылуы • құлақтағы шуыл • миокард инфарктісі, кардиомиопатия, кардиомегалия, перикардиальді жалқық, стенокардия, постуральды гипотензия, тамырдардың кеңеюі, Принцметал стенокардиясы • пульмонарлы инфильтрат • колит, гастрит, қызыл иектің қанағыштығы • терінің құрғауы • бүйрек жеткіліксіздігі, никтурия • тұмауға ұқсас синдром, ауырсыну, астения • қандағы креатинин деңгейінің жоғарылауы Жиілігі белгісіз: • церебральды инфаркт* • екі бағытты тахикардия • өкпенің интерстициялық ауруы, оның ішінде пульмонит және аллергиялық альвеолит • гепатит • тубулоинтерстициялық нефрит * Ми инфарктісі Балалар Клиникалық зерттеулерде 6 жастан 17 жасқа дейінгі 48 пациент (19 бала және 29 жасөспірім) 6,5 жыл бойы анагрелидпен ем алған. Байқалған жағымсыз реакциялардың көбі ДПЖС-да (дәрілік препараттың жалпы сипаттамасы) атап көрсетілген реакциялардың қатарына кірген. Дегенмен, қауіпсіздік деректері шектеулі және ересектер мен балалар арасында маңызды салыстыру жүргізуге мүмкіндік бермейді. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) жөніндегі ақпараттық дерекқорға тікелей жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті "Дәрілік заттар мен медициналық бұйымдарды сараптау ұлттық орталығы" ШЖҚ РМК http://www.ndda.kz

Симптомдары Анагрелидпен қасақана артық дозалану туралы маркетингтен кейінгі хабарламалар алынды. Хабарланған симптомдар синусты тахикардия мен құсуды қамтыған. Симптомдары симптоматикалық ем кезінде жойылған. Ұсынылған дозадан жоғары дозада анагрелидті қолданғанда, гипотонияның сирек жағдайларымен бірге артериялық қысымның төмендеуін туындатты. 5 мг анагрелидтің бір реттік дозасы артериялық қысымның (АҚ) төмендеуіне әкелуі мүмкін, бұл бас айналумен қатар жүреді. Емі Анагрелидке спецификалық антидот жоқ. Артық дозаланған жағдайда тромбоцитопенияның бар-жоғын анықтау тұрғысынан тромбоциттер санын бақылауды қамтитын, пациентті мұқият клиникалық бақылау қажет. Артық дозаланған кезде дәрілік затты қолдануды тоқтату немесе тромбоциттер саны қалыпты ауқым шегіне оралғанша дозасын азайту керек.

Тромбоз қаупі Тромбоциттер санының кенеттен ұлғаю қаупіне байланысты емдеуді күрт тоқтатудан немесе анагрелид дозасын айтарлықтай төмендетуден аулақ болу керек, бұл ми инфарктісі сияқты өлімге әкеп соғуы мүмкін тромбоздық асқынуларға әкелуі мүмкін. Пациенттерге тромбозға нұсқайтын алғашқы белгілер мен симптомдарды қалай тануға болатындығы туралы хабарлау керек. Егер ми инфарктісінің симптомдары пайда болса, пациент медициналық көмекке жүгінуі қажет. Мониторинг Емдеу кезінде пациенттің клиникалық жағдайын мұқият бақылау қажет, оның ішінде қан талдауы (гемоглобин, лейкоциттер және тромбоциттер), бауыр функциясын бағалау (аланинамин-трансфераза (АЛТ) және аспартатаминотрансфераза (АСТ)), бүйрек функциясы (креатинин мен мочевина концентрациясы) және электролиттер мөлшері (калий, магний және кальций). Жүрек-қантамыр жүйесі «Пируэт» типті қарыншалық тахикардия, вентрикулярлық тахикардия, кардиомиопатия, кардиомегалия және созылмалы жүрек жеткіліксіздігі жағдайларын қоса алғанда, ауыр жүрек-қантамыр жағымсыз реакциялары байқалды. Анагрелидті QT аралығы ұзаруының қауіп факторлары белгілі пациенттерге сақтықпен қолдану керек, мысалы, туа біткен QT аралығының ұзару синдромы, анамнездегі QT аралығының ұзаруы, QTc аралығының ұзаруын және гипокалиемияны туындатуы мүмкін дәрілік заттарды қабылдау. Қан плазмасында анагрелидтің және оның белсенді метаболиті - 3-гидрокси-анагрелидтің ең жоғары концентрациясы болуы мүмкін пациенттерге анагрелидті сақтықпен тағайындау керек, мысалы, бауыр жеткіліксіздігі немесе CYP1A2 изоферментінің тежегіштерін қолдану. QTc аралығына мұқият мониторинг жүргізу ұсынылады. Жүрек-қантамыр ауруларына шалдыққан пациенттер анагрелидпен емдеуді тағайындамас бұрын кардиологиялық қарап-тексеруден (электрокардиограмма және эхокардиограмма) өтуі керек. Барлық пациенттер емдеу кезінде жүрек-қантамыр ауруларының белгілерін (электрокардиограмма және эхокардиограмма) үнемі тексеріп отыруы керек. Анагрелидті қолданар алдында гипокалиемияны немесе гипомагниемияны жоққа шығарып, емдеу кезінде олардың жағдайын бақылау керек. Анагрелид циклдік АМФ III фосфодиэстеразасын тежейді, оның оң инотропты және хронотропты әсеріне байланысты оны кез келген жастағы және ықтимал жүрек ауруы бар пациенттерді емдеу кезінде сақтықпен қолдану керек. Сонымен қатар, жүрек ауруына шалдықпаған және емді жүргізер алдында кардиологиялық қарап-тексеруден өткен пациенттер арасында жүрек-қантамыр жүйесінің тарапынан елеулі жағымсыз реакциялары тіркелді. Анагрелидті күтілетін пайдасы ықтимал қаупінен басым болған жағдайда ғана қолдану керек. Өкпе гипертензиясы Анагрелидпен емделген пациенттерде өкпе гипертензиясының жағдайлары туралы хабарланды. Анагрелидпен емді бастамас бұрын және емдеу кезінде жүрек-қантамыр ауруларының симптомдарын бағалау керек. Клиникалық маңызды өзара әрекеттесу Анагрелид - фосфодиэстераза III тежегіші. Анагрелидті милринон, амринон, эноксимон, олпринон және цилостазол сияқты фосфодиэстераза III басқа тежегіштерімен бір мезгілде қолдану ұсынылмайды. Анагрелид пен ацетилсалицил қышқылын бір мезгілде қолдану қанайналымының ауқымды ауруларымен байланысты. Арнайы ескертулер Балалар Балаларда анагрелидті қолдану туралы деректер шектеулі, сондықтан оны пациенттердің осы тобында сақтықпен қолдану керек. Емдеуді бастамас бұрын және ересек қауымды емдеу кезінде жалпы қан талдауын, жүрек-қантамыр жүйесінің функциясын, бауыр мен бүйректің функциясын үнемі бағалап отыру қажет. Ауру миелофиброзға немесе жедел миелолейкозға (ЖМ) үдеп кетуі мүмкін. Мұндай үдеудің ықтималдығы белгісіз болғандықтан, балалардағы ауру ұзақтығы ұзағырақ, сондықтан ересектерге қарағанда оларда қатерлі жаңа түзілімдердің даму қаупі жоғары. Клиникалық практика стандарттарына сәйкес балалардағы аурудың үдеуін анықтау үшін үнемі бақылау қажет, атап айтқанда физикалық қарап-тексеру, релевантты маркерлерді бағалау және сүйек кемігінің биопсиясы. Кез келген патологияларды уақтылы бағалау және дозаны азайту, дәрілік затты қолдануды уақытша немесе түпкілікті тоқтату жататын тиісті шараларды қабылдау қажет. Бауыр жеткіліксіздігі Бауыр жеткіліксіздігі бар пациенттерге анагрелидті қолдану артықшылығы мен ықтимал қаупін анагрелидпен жүргізілетін емді тағайындар алдында ескерген жөн. Дәрілік затты трансаминаза деңгейі жоғары пациенттерді емдеу үшін қолдану ұсынылмайды (қалыптың жоғарғы шегінен >5 есе жоғары). Бүйрек жеткіліксіздігі Бүйрек жеткіліксіздігі бар пациенттерге анагрелидті қолдану артықшылығы мен ықтимал қаупін анагрелидпен жүргізілетін емді тағайындар алдында ескерген жөн. Қосымша заттар: Анагрелид-Виста дәрілік препараты, 0,5 мг, 1 мг, қатты капсулалардың құрамында лактоза бар. Бұл дәрілік затты тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар адамдарға қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Дәрілік затты қолдану кезінде бас айналу, көрудің бұзылуы бар пациенттерге көлік құралдары мен басқа да аспаптарды басқарудан бас тарту қажет.

Репродуктивті жастағы әйелдер Анагрелид қабылдаған репродуктивті жастағы әйелдер контрацептивтерді қолдануы керек. Жүктілік Жүкті немесе бала емізетін әйелдерге анагрелидті қолдану бойынша талапқа сай деректер жоқ. Жануарларға жүргізілген зерттеулер репродуктивті уыттылықтың бар екенін көрсетті. Шаранаға әсердің ықтимал қаупі белгісіз. Жүкті әйелдерге анагрелидті қолдану ұсынылмайды. Егер әйел жүктілік кезінде анагрелидті қолданса немесе дәрілік затты қолдану кезінде жүкті болса, оған шарананың қаупі туралы ескерту керек. Бала емізу кезеңі Анагрелидтің емшек сүтіне енетіні-енбейтіні белгісіз. Жануарларға жүргізілген зерттеулер анагрелид пен оның метаболиттерінің емшек сүтінде бөлінетінін көрсетті. Жаңа туған нәресте немесе сәби үшін қауіп жоққа шығарылмайды, сондықтан дәрілік затты қолдану қажет болған жағдайда бала емізуді тоқтату керек. Фертильділік Анагрелидтің фертильділікке әсері туралы деректер жоқ. Еркек жануарларда анагрелидті қолдану кезінде фертильділікке немесе репродуктивті функцияға ешқандай әсер етпеді. Емдік дозадан асатын дозада анагрелидті қолданған ұрғашы жануарларда анагрелид имплантацияны бұзған.

Анагрелидтің басқа дәрілік заттармен фармакокинетикалық немесе фармакодинамикалық өзара әрекеттесуі туралы жеткілікті деректер жоқ. Басқа дәрілік заттардың әсері • Адамдардағы in vivo дәрілік өзара әрекеттесу зерттеулері дигоксин мен варфариннің анагрелидтің фармакокинетикалық көрсеткіштеріне әсер етпейтінін көрсетті. CYP1A2 тежегіштері • Анагрелид негізінен CYP1A2 изоферментімен метаболизденеді. Кейбір препараттар, соның ішінде флувоксамин мен эноксацин, CYP1A2 изоферментінің белсенділігін тежейтіні белгілі, сондықтан мұндай дәрілік заттар теориялық тұрғыдан анагрелид клиренсіне теріс әсер етуі мүмкін. CYP1A2 индукторлары • Омепразол сияқты CYP1A2 индукторлары анагрелидтің әсерін төмендетіп, оның негізгі белсенді метаболитін жоғарылатуы мүмкін. Анагрелидтің қауіпсіздігі мен тиімділігінің салдары анықталмаған. Сондықтан CYP1A2 қатарлас индукторларын қабылдайтын пациенттерге клиникалық мониторинг жүргізу ұсынылады. Қажет болса, анагрелидтің дозаларын түзетуге болады. Анагрелидтің басқа дәрілік заттарға әсері • Анагрелид әлсіз CYP1A2 изофермент тежегішінің қасиеттеріне ие және теориялық тұрғыдан клиренсі теофиллин сияқты сондай механизммен жүретін басқа дәрілік заттармен өзара әрекеттесе алады. • Анагрелид - фосфодиэстераза III тежегіші. Анагрелидті милринон, эноксимон, амринон, олпринон және цилостазол сияқты басқа фосфодиэстераза III тежегіштерімен бір мезгілде қолдану ұсынылмайды. • Адамдардағы in vivo өзара әрекеттесу зерттеулері анагрелидтің варфарин мен дигоксиннің фармакокинетикасына әсер етпейтінін көрсетті. • Ұсынылған дозаларда анагрелид ацетилсалицил қышқылы сияқты тромбоциттердің функциясын тежейтін немесе модификациялайтын басқа дәрілік заттардың әсерін күшейтуі мүмкін. Дені сау еріктілерде жүргізілген өзара әрекеттесу бойынша зерттеулер тәулігіне 1 рет 75 мг ацетилсалицил қышқылы мен анагрелидті тәулігіне 1 рет 1 мг қайталама дозасымен біріктіріп қолдану тек ацетилсалицил қышқылын қолданумен салыстырғанда әрбір белсенді заттың тромбоциттерге қарсы агрегациясының әсерін күшейте алады. Ацетилсалицил қышқылымен және анагрелидпен бір мезгілде емделген нағыз тромбоцитемиямен ауыратын кейбір пациенттерде ауыр қан кету жағдайлары орын алды. Ацетилсалицил қышқылы мен анагрелидті бір мезгілде қолдануды бастамас бұрын, әсіресе қаупі жоғары пациенттерде геморрагияның әлеуетті даму қаупін бағалау керек. Кейбір пациенттерде анагрелид ішек функциясының бұзылуына әкелуі мүмкін және пероральді гормональді контрацептивтердің сіңуін бұзуы мүмкін. Азық-түлік өнімдерімен өзара әрекеттесуі • Тамақ ішу анагрелидтің сіңуін баяулатады, бірақ препараттың жүйелік әсеріне айтарлықтай әсер етпейді. • Тағамның биожетімділігіне әсері анагрелидті қолдану үшін клиникалық маңызды болып саналмайды. Балалар Өзара әрекеттесу бойынша зерттеулер тек ересектерде жүргізілді.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында 30 °C-ден аспайтын температурада сақтау керек. Балалардың қолы жетпейтін жерде сақтау керек!