Анальгин раствор 500 мг/мл

Бір ампуланың (2 мл) ішінде: белсенді зат – натрий метамизолы – 1000 мг, қосымша зат – инъекцияға арналған су. Сыртқы түрінің, иісінің, дәмінің сипаттамасы Сарғыш түсті мөлдір сұйықтық.

- Жарақаттан немесе операциядан кейінгі жедел қатты ауырсыну; - Шаншулар; - Обыр аурулары кезінде ауырсыну; - Емдеудің басқа әдістерін қолдануға болмайтын жағдайда әртүрлі жедел немесе созылмалы қатты ауырсыну; - Басқа емдеу әдістеріне басылмайтын жоғары температура; - Парентеральді енгізу энтеральді енгізу мүмкін болмаған жағдайда ғана көрсетіледі. Қолдану басталғанға дейін қажетті мәліметтер тізбесі

Бараспазм пиразолон туындысына жатады және ауырғанды басатын, ыстықты түсіретін және айқын емес спазмолитикалық әсерлері бар. Әсер ету механизмі толық зерттелмеген. Кейбір зерттеу нәтижелері анальгин мен оның негізгі метаболитінің (4-N-метиламиноантипирин) орталық және шеткері әсер ету механизмі болатынын көрсетеді.

Дозалау режимі Доза ауырсынудың қарқындылығына немесе температураның қаншалықты жоғары болуына, сондай-ақ науқастың Анальгинге жеке реакциясына байланысты тағайындалады. Ауырсынуды азайтуға немесе температураны бақылауға мүмкіндік беретін ең төменгі дозаны таңдау ұсынылады. Осы препаратты сонымен қоса 14 жасқа дейінгі балалар мен жасөспірімдерге дене салмағының бір килограмына 8-16 мг метамизол есебінен бір реттік дозада тағайындауға жол беріледі. Жоғары температурада (қызба) балаларға дене салмағының килограмына 10 мг метамизол есебінен бір реттік дозаны тағайындау жеткілікті. Ересектер және 15 жас пен одан асқан жастағы (> 53 кг) жасөспірімдерге бір реттік дозада 1000 мг дейін тағайындауға рұқсат етіледі. Препараттың айқын әсерін пероральді қабылдағаннан кейін 30 минуттан соң күту керек. Келесі кестеде дене салмағына және жасына байланысты ұсынылатын бір реттік және ең жоғары тәуліктік дозалар көрсетілген: Дененің салмағы — Бір реттік доза — Максималды тәуліктік доза кг — жасы — мл — мг — мл — мг 5 - 8 — 3 - 11 ай — 0,1 - 0,2 — 50 - 100 — 0,4 - 0,8 — 200 - 400 9 - 15 — 1 - 3 жас — 0, 2 - 0,5 — 100 - 250 — 0,8 - 2,0 — 400 - 1 000 16 - 23 — 4 - 6 жас — 0,3 - 0,8 — 150 - 400 — 1,2 - 3,2 — 600 - 1 600 24 - 30 — 7 - 9 жыл — 0,4 - 1,0 — 200 - 500 — 1,6 - 4,0 — 800 - 2 000 31 - 45 — 10 - 12 жас — 0,5 - 1,4 — 250 - 700 — 2,0 - 5,6 — 1 000 - 2 800 46 - 53 — 13 - 14 жас — 0,8 - 1,8 — 400 - 900 — 3,2 - 7,2 — 1 600 - 3 600 > 53 — >15 жас — 1,0 - 2,0* — 500 - 1000* — 4,0 - 8,0* — 2 000 -4 000* * Қажет болған жағдайда бір реттік дозаны 5 мл дейін (2500 мг натрий метамизолына сәйкес келеді), ал тәуліктік дозаны 10 мл дейін (5000 мг натрий метамизолына сәйкес келеді) арттыруға болады. Пациенттердің ерекше топтары Егде адамдар, науқас пациенттер және креатинин клиренсі төмен пациенттер Егде жастағы және науқас адамдар, сондай-ақ креатинин клиренсі төмендеген пациенттер үшін дозаны төмендету ұсынылады, өйткені метамизол мұндай жағдайларда алмасу өнімдерін жою ұзақ уақыт алуы мүмкін. Бауыр және бүйрек жеткіліксіздігі Бүйрек немесе бауыр жеткіліксіздігі кезінде жою жылдамдығы төмендейтіндіктен, үлкен дозалардың едәуір мөлшерін тағайындаудан аулақ болу керек. Қысқа мерзім ішінде пайдаланған жағдайда дозаны азайту талап етілмейді. Бүгінгі күні бауыр мен бүйректің ауыр жеткіліксіздігі бар пациенттерде натрий метамизолын ұзақ уақыт қолдану тәжірибесі аз. Енгізу әдісі мен жолы Дозаны және енгізу әдісін таңдау пациенттің қалаған ауырсыну әсері мен физикалық жай-күйіне байланысты. Көп жағдайда қалаған ауырсынуды басатын әсеріне жету үшін бір рет ішу жеткілікті. Вена ішіне немесе бұлшықет ішіне енгізу тез әсер ету қажет болған жағдайда немесе пероральді қабылдау көрсетілмеген жағдайда ұсынылады. Енгізу тәсілін таңдау кезінде парентеральді енгізу кезінде анафилаксиялық / анафилактоидты реакциялар дамуының қаупі жоғарылауын ескеру керек. Анальгин, вена ішіне және бұлшықет ішіне енгізуге арналған 500 мг/мл ерітіндісі келесі ерітінділерде ериді: 5% глюкоза ерітіндісі, физиологиялық ерітінді (0,9% NaCl) және Рингер-лактат ерітіндісінде. Жоғарыда аталған ерітінділерді дайындағаннан кейін бірден енгізу керек, өйткені ерітінділердің тұрақтылығы уақытқа байланысты шектеулі. Метамизол ерітіндісін өзара әрекеттесу реакциясы қаупіне байланысты басқа препараттармен бірге бір шприцте енгізуге болмайды. Дәрілік препараттың бір немесе бірнеше дозасын өткізіп алған кезде қажетті шаралар Ұмытып кеткен дозаны толықтыру үшін екі еселенген дозаны қабылдауға болмайды.

- әсер етуші затқа немесе қосымша заттардың кез келгеніне аса жоғары сезімталдық; - жоғарыда аталған өнімдердің бірін енгізгеннен кейін агранулоцитоздың даму анамнезі сияқты жағдайларды қоса, басқа пиразолондарға (мысалы, феназон, пропифеназон) немесе пиразолидиндерге (мысалы, фенилбутазон, оксифенбутазон) жоғары сезімталдық; - сүйек кемігінің жеткіліксіз функциясы (мысалы, цитостатикалық емнен кейін) немесе қан түзу жүйесінің аурулары; - салицилин, парацетамол, диклофенак, ибупрофен, индометацин, напроксен сияқты ауырсынуды басатын дәрілерді қолданғаннан кейін бронх түйілуі немесе басқа анафилактоидты реакциялардың (мысалы, есекжем, ринит, ангионевроздық ісіну) даму жағдайлары байқалған пациенттерге; - жедел ауық-ауық болатын бауыр порфириясы (порфирия ұстамаларының пайда болу қаупі); - туа біткен глюкоза-6-фосфатты десгидрогеназа тапшылығы (гемолиз қаупі). Анальгинді гипотониясы бар немесе гемодинамикасы тұрақсыз пациенттерге енгізуге болмайды - жүктіліктің соңғы үш айында.

Анальгинді қабылдауды тоқтатып, келесі симптомдардың кез келгені пайда болған жағдайда дереу дәрігерге көріну керек: - жүрек айну, құсу, қызба, шаршау сезімі, тәбеттің жоғалуы, несептің күңгірттенуі, ашық түсті нәжіс, терінің немесе көз ақуыздарының сарғаюы, қышыну, іштің жоғарғы бөлігінің бөртпесі немесе ауыруы. Бұл симптомдар бауырдың зақымдану белгілері болуы мүмкін (Арнайы ескертулер мен сақтық шараларын қараңыз); - ауыр тері реакциялары: денедегі қызғылт дақтар, нысана тәрізді немесе дөңгелек пішінді, көбінесе ортасында сулы бөртпемен, терінің қабыршықтануы, ауыз қуысының, тамақтың, мұрынның, жыныс мүшелері мен көздің шырышты қабығындағы ойық жаралар. Бұл күрделі тері бөртпелерінен бұрын қызба және тұмауға ұқсас симптомдар болуы мүмкін (Стивенс-Джонсон синдромы, уытты эпидермальді некролиз). Таралған бөртпе, дене температурасының жоғарылауы және лимфа түйіндерінің ұлғаюы (DRESS синдромы немесе аса жоғары сезімталдық синдромы). Жиілігі белгісіз (қолда бар деректер негізінде бағалау мүмкін емес) - бауырдың қабынуы, терінің және көз ақуыздарының сарғаюы, қандағы бауыр ферменттері деңгейінің жоғарылауы; - ауыр тері реакциялары. Жүрек тарапынан бұзылулар Коунис синдромы Иммундық жүйе тарапынан бұзылулар Анафилаксиялық немесе анафилактоидты реакциялар. Бұл реакциялар ауыр және өмірге қауіпті және кейбір жағдайларда өлімге әкелуі мүмкін. Мұндай реакциялар инъекция кезінде немесе дәрілік препаратты қабылдағаннан кейін бірден, сондай-ақ бірнеше сағаттан кейін дамуы мүмкін. Негізінен, бұл реакциялар енгізілгеннен кейін бірінші сағат ішінде дамиды. Жеңілдеу жағдайларда олар тері симптомдары мен шырышты қабық тарапынан симптомдар (қышыну, күйдіру, гиперемия, есекжем, ісіну), ентігу немесе асқазан-ішек жолдарының шағымдары түрінде көрінеді. Ауыр түрлері жайылған есекжеммен, Квинке ісінуімен (оның ішінде көмейдің), ауыр бронх түйілуімен, жүрек ырғағының бұзылуымен, артериялық гипотензиямен (кейде артериялық қысымының жоғарылауынан бұрын болуы мүмкін), қантамырлық шокпен байқалуы мүмкін. Анальгетиктер жақпаушылығы бар пациенттерде демікпе ұстамалары дамуы мүмкін Қан және лимфа жүйесі тарапынан Лейкопения, агранулоцитоз (өліммен аяқталған жағдайларды қоса), тромбоцитопения, апластикалық анемия, панцитопения (өліммен аяқталған жағдайларды қоса). Агранулоцитоздың типтік симптомдары: - шырышты қабықтардың (ауыз қуысы мен жұтқыншақ, аноректальді аймақ, жыныс мүшелері) зақымдануы, тамақтың ауыруы - қызба - қалтырау, - стенокардия, - лимфаденопатия кезінде СОЭ болмашы үдеуі немесе болмауы - гемоглобиннің, эритроциттердің және тромбоциттердің көрсеткіштері қалыпты болып қалады. Тромбоцитопенияның типтік симптомдары - бұл қан кетудің жоғарылауы және теріде және шырышты қабықтарда петехияның пайда болуы. Емдеу тоқтатылғаннан кейін лейкоциттер 2-3 апта ішінде өздігінен қалпына келеді. Осы кезеңде әсер ету ауқымы кең антибиотиктер мен антимикотиктерді тағайындау қажет. Назар аударыңыз: антибиотиктерді қабылдаған пациенттерде агранулоцитоздың әдеттегі симптомдары өте аз болуы мүмкін. Қантамырлар тарапынан бұзылулар • оқшауланған артериялық гипотензия. Препаратты қабылдағаннан кейін артериялық қысымның оқшауланған транзиторлы төмендеуі мүмкін (фармакологиялық шартталған және анафилаксиялық/анафилактоидтық реакциялардың басқа да көріністерімен қатар жүрмейтін). Сирек: артериялық қысымының айқын күрт төмендеуі. Бүйрек және несеп шығару жолдары тарапынан Өте сирек: бүйрек функциясының бұзылуы Өте сирек жағдайларда бүйрек функциясы бұзылған пациенттерде бүйрек функциясының жедел нашарлауы (жедел бүйрек жеткіліксіздігі), кейбір жағдайларда олигурия, анурия, протеинурия болуы мүмкін. Жиі емес: несепте метаболит - рубазон қышқылының болуына байланысты несеп қызыл түске боялуы мүмкін. Жиілігі белгісіз (қолда бар деректер негізінде бағалау мүмкін емес) - интерстициальді нефрит. Енгізу орнындағы жалпы реакциялар өте сирек – флебит Асқазан-ішек жолы тарапынан бұзылулар Асқазан-ішектен қан кету туралы хабарламалар болды Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: гипотермия, артериялық қысымының айқын төмендеуі, жүректің қағуы, ентігу, құлақтың шуылдауы, жүрек айну, құсу, гастралгия, әлсіздік, олигурия, анурия, ұйқышылдық, сандырақтау, сананың бұзылуы, тахикардия, құрысу синдромы, жедел агранулоцитоз, геморрагиялық синдром, бүйректің және бауырдың жедел жеткіліксіздігі, тыныс алу бұлшықеттерінің салдануы дамуы мүмкін. Емі: қарқынды диурез, гемодиализ жүргізу, қанды сілтілеу, өмірлік маңызды функцияларды қолдауға бағытталған симптоматикалық ем. Құрысу синдромының дамуымен диазелам мен тез әсер ететін барбитураттарды вена ішіне енгізу жүргізіледі.

Бауыр функциясының бұзылуы Метамизол қабылдаған пациенттерде бауырдың қабынуы туралы хабарланды, оның симптомдары препаратты қабылдау басталғаннан кейін бірнеше күннен бірнеше айға дейін дамыды. Анальгинді қабылдауды тоқтатып, жүрек айну, құсу, қызба, шаршау сезімі, тәбеттің жоғалуы, несептің күңгірттенуі, ашық түсті нәжіс, терінің немесе көз ақуыздарының сарғаюы, қышыну, немесе іштің жоғарғы бөлігінің бөртпесі немесе ауыруы сияқты бауыр функциясының бұзылу симптомдары пайда болған жағдайда дәрігерге көріну керек. Дәрігер бауыр функциясын тексереді. Егер бұрын құрамында метамизол бар дәрілік препаратты қолданғанда бауыр функциясының бұзылуы дамыған болса, Анальгин қабылдауға болмайды. Агранулоцитоз Метамизолды қабылдаудан туындаған агранулоцитоз – бұл ұзақтығы кемінде бір апта болатын иммундық-аллергиялық сипаттағы бұзылу. Мұндай реакция өте сирек кездеседі, бірақ оның салдары ауыр және өлімге әкелуі мүмкін. Бұл дозаға тәуелді емес және емдеудің кез келген сәтінде пайда болуы мүмкін. Пациентке нейтропенияның себебі болуы ықтимал: қызба, қалтырау, тамақтың ауыруы, ауыз қуысының ойық жаралануы белгілері немесе симптомдары пайда болғанда емдеуді тоқтату және дереу дәрігерге қаралу қажеттігі туралы айтылуы керек. Нейтропения жағдайында (< 1500 нейтрофил/мм3) емдеу дереу тоқтатылуы тиіс, шұғыл қан талдауын жасап, қалыпты жағдайға оралғанға дейін талдау жасауды жалғастыру керек. Пантоцитопения Панцитопения жағдайында емдеуді дереу тоқтатып, гемограмма қалпына келгенше бақылап отыру керек. Метамизолды қабылдау кезінде жалпы дімкәстік, инфекция, тұрақты қызба, гематомалар, қан кету, бозару сияқты қанның дискразиясын тудыратын белгілер немесе симптомдар туындаған жағдайда барлық пациенттерге дереу дәрігерге қаралу ұсынылады. Анафилаксиялық шок Мұндай реакция негізінен сезімталдығы жоғары пациенттерде туындайды. Сондықтан демікпемен немесе атопиямен ауыратын науқастарға метамизол сақтықпен тағайындалуы тиіс («Қолдануға болмайтын жағдайлар» бөлімін қараңыз). Метамизол енгізілгеннен кейін лактоидты анафия дамыған пациенттерде басқа есірткілік емес анальгетиктер енгізілгеннен кейін ұқсас реакциялар қаупі жоғары болады. Метамизолды енгізгеннен кейін анафилаксилық немесе аллергиялық реакция (мысалы, агранулоцитоз) дамыған пациенттерде басқа пиразолондарды немесе пиразолидиндерді енгізгеннен кейін ұқсас реакциялар қаупі жоғары болады. Анафилаксиялық/анафилактоидты реакциялар Енгізу жолын таңдау кезінде парентеральді енгізумен байланысты анафилаксиялық/анафилактоидты реакциялардың жоғары қаупін ескеру керек. Мынадай пациенттерге қатысты аса сақ болу қажет, өйткені оларда метамизолды енгізгеннен кейін ауыр анафилактоидты реакциялар дамуының ерекше қаупі бар («Қолдануға болмайтын жағдайлар» бөлімін қараңыз): - Бронх түйілуінің немесе салицилин, парацетамол, диклофенак, ибупрофен, индометацин, напроксен сияқты ауырсынуды басатын дәрілерге басқа анафилактоидты реакцияның (мысалы, есекжем, ринит, ангионевроздық ісіну) даму қаупі бар пациенттер. - Бронх демікпесімен ауыратын, ол әсіресе полиптерден туындаған риносинуситпен байланысты болған пациенттер. - Созылмалы есекжеммен ауыратын пациенттер - Спирт (алкоголь) жақпаушылығымен зардап шегетін пациенттер, яғни кейбір сусындарда спирттің (алкогольдің) аз мөлшерде болуына жедел реакция байқалатын пациенттер. Симптомдар - бұл беттің айқын қызаруы, түшкіру, сондай-ақ көздегі бөліністер. Алкоголь жақпаушылығы ауруды басатын дәрі қабылдауға реакция ретінде бұрын диагноз қойылмаған демікпе ұстамасын тудыруы мүмкін. - Бояғыштар (мысалы, тартразинге) немесе консерванттар (мысалы, бензоаттарға) жақпаушылығы бар пациенттер. Метамизолды енгізер алдында науқастан егжей-тегжейлі сұрап білу керек. Анафилактоидты реакциялардың пайда болуына қатысты қауіп тобына кіретін пациенттерде метамизолды қолдану пайда/қауіп арақатынасына байланысты бағаланады. Препаратты осындай жағдайларда қолданған кезде қатаң медициналық бақылау, сондай-ақ шұғыл емдеудің қолжетімді түрлері талап етіледі. Оқшауланған гипотензивті реакциялар Метамизолды енгізу оқшауланған гипотензивті реакцияларға әкелуі мүмкін. Реакциялардың бұл түрінің ықтимал себебі белгілі бір пациент үшін тым көп доза болып табылады. Бұл реакциялар негізінен парентеральді енгізгеннен кейін пайда болады. Осындай ауыр гипотензиялық реакцияларды болдырмау үшін: - вена ішіне инъекцияларды баяу енгізу қажет; - бұрын қан айналымы көлемінің тапшылығына немесе сусыздануға немесе қан айналымы жүйесінің тұрақсыздығына немесе қан айналымының басталған коллапсына шалдыққан науқастардың гемодинамикасын қалпына келтіру. - температурасы жоғары пациенттерге назар аударыңыз. Метамизолды осындай пациенттерге тағайындаған кезде препаратты енгізу қатаң медициналық бақылаумен жүргізілуі тиіс, ал тағайындаудың өзін мұқият пысықтап, оның қаупін бағалау керек. Гипотензивті реакция қаупін азайту үшін қан айналымын тұрақтандыру сияқты профилактикалық шараларды қолдану қажет. Гипотония немесе қан айналымының тұрақсыздығы бар пациенттер туралы ақпарат «Қолдануға болмайтын жағдайлар» бөлімінде берілген. Терінің күрделі реакциялары Метамизолмен емдеу кезінде Стивенс–Джонсон синдромын, уытты эпидермальді некролизді және DRESS-синдромды (дәрілік препаратқа бөртпе, эозинофилия және жүйелік симптомдары бар реакция) қоса, күрделі тері реакцияларының дамуы туралы хабарламалар алынды. Метамизолды қолдануды тоқтатыңыз және егер сіз «Жағымсыз реакциялар» бөлімінде сипатталған күрделі тері реакцияларына байланысты қандай да бір симптомдардың пайда болуын байқасаңыз, дереу дәрігерге қаралыңыз. Егер сізде кез-келген ауыр тері реакциясы пайда болса, Анальгинмен емдеуді қайта бастамаған жөн («Жағымсыз реакциялар» бөлімін қараңыз). Қан қысымының төмендеуіне жол бермеу маңызды болып табылатын пациенттерге метамизолды тек гемодинамикалық жүйенің қатаң бақылауымен тағайындау керек. Бұл ретте жүректің ауыр ишемиялық ауруы немесе миды қоректендіретін қантамырлардың стенозы бар пациенттерге қатысты сөз болып отыр. Бүйрек немесе бауыр жеткіліксіздігі бар пациенттерде метамизолдың шығарылу жылдамдығы төмендеуіне байланысты оның жоғары дозаларын қабылдаудан аулақ болу керек. Анафилаксиялық немесе анафилактоидты шоктың алғашқы белгілері кезінде инъекцияны тоқтату мақсатында вена ішіне инъекция 1 мл/мин. аспайтын жылдамдықпен өте баяу жүргізілуі тиіс. Анальгинді жатқан күйде өте баяу (1 мл/мин. аспайтын) және артериялық қысымды, жүрек жиырылуы және тыныс алу жиілігін тұрақты бақылау жағдайында енгізіледі. Тым тез инъекция қан қысымының төмендеуіне әкелуі мүмкін. Алдын ала тест (0,1 мл–0,2 мл енгізу және пациентті 1-2 минут бойы бақылау) жалпы дозаны енгізер алдында анафилаксиялық шок қаупін төмендетуі мүмкін. Егер анальгин сияқты пиразол туындыларын пайдалана отырып,дәрілік терапия процесінде терінің немесе ауыздың немесе жұтқыншақтың шырышты қабығының ауыр зақымдануы байқалса, жоғары температура пайда болса және сақталса, мұндай препараттарды қабылдауды дереу тоқтату керек. Сонымен қатар, басқа ауырсынуды басатын немесе ыстықты түсіретін дәрілерді тағайындау ұсынылмайды. Әсер ету ауқымы кең антибиотиктермен және микозға қарсы препараттармен емдеу курсы әдетте 2-ден 3 аптаға дейін созылады. Жекелеген жағдайларда несептің қызыл түске боялуы байқалуы мүмкін, ол өздігінен қауіпсіз, өйткені бұл зиянсыз метаболит-рубазон қышқылының шығарылуына байланысты. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Ұсынылған дозаларды қабылдағаннан кейін концентрацияға қабілеттілікке және реакцияның баяулауына қолайсыз әсері байқалған жоқ. Алайда, жоғары дозалар тағайындалған жағдайда концентрацияның азаюы және реакция жылдамдығының төмендеуі салдарынан көлік құралдары мен машиналарды басқаруға ықтимал теріс әсердің алдын алу үшін сақтық шараларын қабылдау қажет, бұл қауіпті жағдайлардың туындауына әкеп соғуы мүмкін. Алкогольді тұтыну жоғарыда аталған қауіптерді одан әрі арттыруы мүмкін.

Жүктілік кезінде натрий метамизолын қолдану туралы мәліметтер шектеулі. Жарияланған деректердің нәтижелері бойынша бірінші триместрде (n = 568) метамизол әсеріне ұшыраған жүкті әйелдердегі натрий метамизолының тератогендік немесе эмбриоуыттылық әсері байқалмады. Натрий метамизолын жүктіліктің бірінші және екінші триместрінде қабылдауға болмайды. Үшінші триместрде метамизолды байқаусызда қолданған жағдайда амниотикалық сұйықтық пен артериялық ағымын тексеру керек: ультрадыбыстық және эхокардиография. Сондықтан натрий метамизолын жүктіліктің үшінші триместрінде қолдануға болмайды. Натрий метамизолы плаценталық бөгет арқылы өтеді. Натрий метамизолы метаболиттері емшек сүтіне енеді, сондықтан препаратты қолданғанда, сондай-ақ соңғы дозаны қабылдағаннан кейін 48 сағат ішінде емшек емізуді тоқтату керек. Метамизолдың фертильділігіне әсері туралы деректер жоқ немесе шектеулі мәліметтер бар.

Емдеуші дәрігерге немесе дәріхана қызметкеріне келесі дәрілік препараттарды қабылдағаныңыз туралы хабарлаңыз: • бупропион, депрессияны емдеуге арналған дәрілік препарат немесе темекі шегуді тоқтату үшін қосымша дәрі ретінде • эфавиренц, АИТВ/ЖИТС емдеуге арналған дәрілік препарат • метадон, тыйым салынған препараттардан (апиындардан) тәуелділікті емдеуге арналған дәрілік препарат • вальпроаттар, эпилепсияны, биполярлық бұзылыстарды емдеуге арналған дәрілік препарат • такролимус, трансплантациядан кейін пациенттерде ағзалардан бас тартуды болдырмауға арналған дәрілік препарат • сертралин, депрессияны емдеуге арналған дәрілік препарат. Азық-түлікпен өзара әрекеттесу: деректер жоқ. Басқа дәрілермен өзара әрекеттесуі: - Метамизол қандағы циклоспорин концентрациясын төмендетуі мүмкін; осы себепті препараттармен бір мезгілде емдеу кезінде циклоспорин концентрациясын бақылау қажет. - Метотрексатқа метамизолдың қосылуы, әсіресе егде жастағы пациенттерде метотрексат гематоуыттылығының жоғарылауына әкелуі мүмкін. Сондықтан бұл біріктіруден аулақ болу керек. Метамизол бір мезгілде қабылдау кезінде тромбоциттер агрегациясына ацетилсалицил қышқылының (аспириннің) әсерін төмендетуі мүмкін. Сондықтан бұл біріктірілімді жүрек-қантамыр профилактикасында төмен дозаларда ацетилсалицил қышқылын қабылдайтын пациенттерде сақтықпен пайдалану керек. - Метамизолды тәулігіне 3 х 500 мг мөлшерінде 4 күн ішінде 6 сау еріктіге пероральді енгізген зерттеу, содан кейін 5-ші күні 150 мг мөлшерінде бупропионның бір реттік пероральді дозасы метамизолдың жартылай шығарылу кезеңін 35% арттырғанын көрсетті. Гидроксибупропион белсенді метаболитінің жартылай шығарылу кезеңі 38%-ға азайды. Сондықтан метамизол мен бупропионды бір уақытта қолданған кезде абай болу керек. Зертханалық талдау нәтижелеріне әсері: - метамизол қабылдаған пациенттерде Триндер/Триндер типі реакцияларын (мысалы, креатинин, триглицеридтер, HDL холестерині және қан сарысуындағы несеп қышқылы деңгейін өлшеуге арналған талдаулар) пайдалана отырып, зертханалық талдаулар нәтижелерінің бұрмалануы байқалды.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 25 °С-ден аспайтын температурада сақтау керек. Балалардың қолы жетпейтін жерде сақтау керек!