Анальгин таблетки 500 мг

Бір таблетканың құрамында: белсенді зат - натрий метамизолы 500.0 мг, қосымша заттар: сахароза, тальк, картоп крахмалы, кальций стеараты. Сыртқы түрінің, иісінің, дәмінің сипаттамасы Жалпақ цилиндр пішінді, ойығы және сызығы бар, ақ немесе сәл сарғыш реңді ақ түсті таблеткалар.

• Жарақаттан немесе хирургиялық араласудан кейінгі жедел қатты ауыру. • Шаншулар. • Ісік аурулары кезіндегі ауыру. • Басқа емдік шараларды қолдануға болмайтын кезде басқа жедел немесе созылмалы қатты ауыру. • Басқа тәсілдермен басылмайтын жоғары температура.

Анальгин пиразол туындылар тобына жатады және негізінен ауыруды басатын және ыстық түсіретін әсерге ие. Аз дәрежеде ол спазмолитикалық қасиеттерге ие. Препараттың әсер ету механизмі соңына дейін белгісіз, бірақ оған простагландиндер синтезін тежеу және тромбоциттер агрегациясының қайтымды тежелуі жатады. Метамизол циклооксигеназа ферментін бөгейді және арахидон қышқылының әсеріне әсер етеді. Орталық жүйке жүйесіне әсер ететін белсенді компоненттің болуы мүмкін, Жүйе нейрондарын белсендіру арқылы орталық деңгейде ауыру сезімін азайту да ауырсынуды басатын әсердің элементі болып табылады. Препараттың ыстық түсіретін әсері шеткері ысыну диффузиясының жоғарылауы қосылған, гипоталамуста орналасқан жылуды реттеу орталығында болатын орталық әсерге байланысты. Натрий метамизолының қабынуға қарсы әсері оның экссудатқа қарсы және тамыр тарылтатын қасиеттерімен түсіндіріледі, олар кем дегенде ішінара простагландиндердің эндогендік синтезін тежеудің салдары болып табылады.

Дозалау режимі Дозалану ауыру қарқындылығына немесе қызбаға және пациенттің натрий метамизолына жекелей сезімталдығына байланысты. Ауыру және/немесе қызбаны ойдағыдай бақылайтын ең төменгі доза таңдалуы тиіс. Ересектер және 15 жастағы және одан асқан жасөспірімдерге (> 53 кг) бір реттік дозада 1000 мг-ға дейін метамизолды тәулігіне 4 ретке дейін 6-дан 8 сағатқа дейінгі аралықпен қабылдай алады, бұл ең жоғары тәуліктік 4000 мг дозаға сәйкес келеді. Пероральді қабылдаған кезде әсері басталғанға дейін, әдетте, 30-дан 60 минутқа дейін өтеді. Төмендегі кестеде дене салмағына және жасына қарай ұсынылатын бір реттік дозалар мен ең жоғары тәуліктік дозалар көрсетілген: Дене салмағы — Бір реттік доза — Ең жоғары тәуліктік доза кг — жасы — таблеткалар — мг — таблеткалар — мг >53 — ≥15 жыл — 1-2 — 500-1000 — 8 — 4000 Балалар Бір таблетка құрамындағы метамизолдың 500 мг белгіленген мөлшеріне байланысты, 15 жасқа дейінгі балаларға Анальгинді қабылдауға болмайды. Кіші жастағы балаларға дұрыс енгізуге болатын басқа дәрілік түрі/концентрациялары қолжетімді. Егде жастағы пациенттер, креатинин клиренсі төмендеген науқастар және пациенттер Егде жастағы пациенттерде, науқастанған пациенттерде және креатинин клиренсі төмендеген пациенттерде доза төмендетілуі тиіс, өйткені метамизол метаболизмі өнімдерінің шығарылуы көп уақытты алуы мүмкін. Бауыр және бүйрек жеткіліксіздігі Бірнеше жоғары дозалары қабылдаудан аулақ болу керек, өйткені бүйрек немесе бауыр жеткіліксіздігі кезінде метаболизм өнімдерінің шығарылу жылдамдығы төмендейді. Препаратты қысқа мерзімде пайдаланған кезде дозаны азайтудың қажеттілігі жоқ. Бүгінгі күні бауыр және бүйректің ауыр жеткіліксіздігі бар пациенттерде метамизолды ұзақ уақыт қолдану тәжірибесі жоқ. Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар Препарат дәрігердің тағайындауы бойынша қолданылады.

• Әсер етуші затқа немесе препараттың қосымша заттарының кез келгеніне аса жоғары сезімталдық. • Осы препараттардың бірін қолданғаннан кейін дамыған анамнездегі агранулоцитозды қоса, басқа пиразолондарға (мысалы, феназон, пропифеназон) немесе пиразолидиндерге (мысалы, фенилбутазон, оксифенбутазон) жоғары сезімталдық. • Сүйек кемігі функциясының басылуы (мысалы, цитостатикалық емдеуден кейін) немесе қан түзу жүйесінің аурулары. • Ауыруды басатын препараттар: салицилаттар, парацетамол, диклофенак, ибупрофен, индометацин, напроксенге бронх түйілуі немесе басқа анафилактоидты реакциялары бар пациенттер (мысалы, есекжем, ринит, ангионевроздық ісіну). • Жедел мезгіл-мезгіл порфирия (порфирия ұстамаларының туындау қаупі). • Глюкоза-6-фосфатдегидрогеназаның туа біткен тапшылығы (гемолиз қаупі). • Гипотония немесе тұрақсыз гемодинамикасы бар пациенттер. • Жүктіліктің үшінші триместрі.

Жиілік санаты: Клиникалық зерттеулер деректерінің негізінде тіркелген жиілікке сәйкес жағымсыз реакцияның әр түрі үшін анықталады: Өте жиі (≥1/10), жиі (≥1/100 <1/10 дейін), жиі емес (≥1/1000 <1/100 дейін), сирек (≥1/10000 <1/1000 дейін), өте сирек (<1/10000), Жиілігі белгісіз (қолда бар деректер негізінде жағымсыз реакциялардың кездесу жиілігін бағалау мүмкін емес). Жүрек тарапынан бұзылулар Жиілігі белгісіз: Коунис синдромы. Иммундық жүйе тарапынан бұзылулар Сирек: анафилаксиялық/анафилактоидты реакциялар. Өте сирек: анальгетикалық бронх демікпесі. Жиілігі белгісіз: анафилаксиялық шок. Метамизол күрделі және өмірге қауіпті немесе тіпті өлімге әкеп соқтыруы мүмкін анафилаксиялық шок пен анафилаксиялық/анафилактоидты реакцияларды тудыруы мүмкін. Бұл реакциялар бұрын қандай да бір асқынуларсыз натрий метамизолын бірнеше рет қабылдаған пациенттерде пайда болуы мүмкін. Бұл реакциялар метамизол қабылдағаннан кейін немесе бірнеше сағаттан кейін бірден басталуы мүмкін. Әдетте, олар қабылдағаннан кейінгі бірінші сағат ішінде пайда болады. Әдетте, теріде және шырышты қабықтарда жеңіл анафилаксиялық және анафилактоидты реакциялар туындайды және олар қышыну, есекжем, бөртпе, ісіну, күйдіру, ентігу және сирегірек асқазан-ішек жолдарының бұзылуы түрінде көрінеді. Бұл жеңіл реакциялар, жайылған есекжем, ауыр ангионевроздық ісіну (оның ішінде көмейдің), ауыр бронх түйілуі, жүрек аритмиясы, қан қысымының күрт төмендеуі (кейде оның алдында қан қысымның жоғарылауы), сондай-ақ жүрек-қантамырлық шок сияқты ауыр түрлерге дейін өршуі мүмкін. Ауыруды басатын дәрілерден туындаған демікпе синдромы бар пациенттерде жақпаушылық реакциялары әдетте демікпе ұстамалары түрінде болады. Тері және тері асты тіндері тарапынан бұзылулар Жоғарыда көрсетілген анафилаксиялық және анафилактоидты реакциялармен байланысты тері мен шырышты қабықтардың зақымдануынан бөлек, мынадай бұзылулар туындауы мүмкін: Жиі емес: тұрақты дәрілік дерматит. Сирек: тері бөртпесі. Жиілігі белгісіз: Стивенс-Джонсон синдромы немесе Лайелл синдромы, DRESS синдромы (дәрілік затқа бөртпе, эозинофилия және жүйелік симптомдары реакциясы). Метамизолды қолдануды тоқтату және егер Сізде мына жағымсыз реакциялар байқалса, дереу дәрігерге медициналық көмек алу үшін жүгіну қажет: • Денеде қызғылтым дақтар, нысана тәрізді немесе дөңгелек пішінді, көбінесе ортасы күлдіреуіктермен, терінің қабыршақтануы, ауыз қуысының шырышты қабығы, тамақ, мұрын, жыныс мүшелері мен көздердегі ойық жаралар. Бұл күрделі тері бөртпелерінің алдында қызба және тұмауға ұқсас симптомдар болуы мүмкін (Стивенс-Джонсон синдромы, уытты эпидермалық некролиз). • Жайылған бөртпе, дене температурасының жоғарылауы және лимфа түйіндерінің ұлғаюы (DRESS синдромы немесе аса жоғары сезімталдық синдромы). Қан және лимфа жүйесі тарапынан бұзылулар Сирек: лейкопения. Өте сирек: агранулоцитоз, оның ішінде өлімге әкеп соқтыратын жағдайларды қоса, тромбоцитопения Жиілігі белгісіз: аплазиялық анемия, панцитопения, оның ішінде өліммен аяқталған жағдайға әкелуі мүмкін жағдайлар. Бұл реакциялар иммунологиялық болып есептеледі және бұрын қандай да бір асқынуларсыз натрий метамизолын бірнеше рет қабылдаған пациенттерде пайда болуы мүмкін. Агранулоцитоздың клиникалық симптомдары мыналар: • ауыз қуысының, жұтқыншақтың, жыныс мүшелерінің немесе аноректальді аймақтың шырышты қабығындағы ойық жаралар сияқты шырышты қабықтың қабынулы зақымдануы; • болжамсыз тұрақты және қайталамалы, сепсис туындататын қызба; • қалтырау; • баспа; • жеңіл немесе болмайтын лимфаденопатияда седиментация жылдамдығының күрт артуы; • спленомегалияның болмауы; • гемоглобин, эритроциттер және тромбоциттер көрсеткіштерінің қалыпта болуы. Емді тоқтатқаннан кейін лейкоциттер әдетте 2-3 апта ішінде өздігінен қалпына келеді. Осы кезеңде әсер ету ауқымы кең антибиотиктер мен антимикотиктерді қабылдау қажет. Назар аударыңыз: антибиотик қабылдайтын пациенттерде агранулоцитоздың типтік симптомдары елеусіз болуы мүмкін. Тромбоцитопенияның клиникалық симптомдары болып табылады: қан кетуге бейімділіктің жоғарылауы және теріде және шырышты қабықтарда петехияның пайда болуы. Қантамырлар тарапынан бұзылулар Жиі емес: оқшауланған гипотензиялық реакциялар. Кейде препаратты қабылдағаннан кейін анафилаксиялық/анафилактоидты реакцияның басқа белгілерімен қатар жүрмейтін өтпелі және оқшауланған гипотензиялық реакциялар туындауы мүмкін; өте сирек жағдайларда бұл реакция қан қысымының қатер шегінде күрт төмендеуі түрінде көрінеді. Бүйрек және несеп шығару жолының тарапынан бұзылулар Өте сирек: бүйрек функциясының бұзылуы. Жиілігі белгісіз: интерстициялық нефрит. Өте сирек жағдайларда, әсіресе анамнезінде бүйрек аурулары бар пациенттерде бүйрек функциясының жедел нашарлауы (бүйректің жедел жеткіліксіздігі), кейбір жағдайларда олигурия, анурия немесе протеинурия байқалуы мүмкін. Жалпы бұзылыстар Жиі емес: төмен концентрацияда рубазон қышқылы метаболиті бар болғандықтан несеп қызыл түске боялуы мүмкін. Асқазан-ішек жолы тарапынан бұзылулар Жиілігі белгісіз: асқазан-ішектен қан кету. Бауыр және өт шығару жолдары тарапынан бұзылулар Жиілігі белгісіз: бауырдың қабынуы, терінің және көз ағының сарғаюы, қандағы бауыр ферменттері деңгейінің жоғарылауы. Метамизол қабылдауды тоқтату және мына симптомдар туындаған жағдайда дереу дәрігерге жүгіну керек: жүрек айнуы, құсу, қызба, шаршау сезімі, тәбеттің жоғалуы, несептің күңгірттенуі, ашық түсті нәжіс, терінің немесе көз ағының сарғаюы, іштің жоғарғы бөлігінде қышыну, бөртпе немесе ауырсыну . Бұл симптомдар бауырдың зақымдану белгілері болып табылуы мүмкін («Арнайы ескертулер» бөлімін қараңыз). Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: Жедел артық дозалану жағдайында мына реакциялар туралы хабарланды: бүйрек функциясының төмендеуі, бүйректің жедел жеткіліксіздігі (мысалы, интерстициялық нефриттен) және, сирек, орталық жүйке жүйесі тарапынан болатын симптомдар (бас айналуы, ұйқышылдық, кома, құрысулар), артериялық қысымның күрт төмендеуі (кейде шокқа дейін үдейтін), жүрек ырғағының бұзылуы (тахикардия). Өте жоғары дозаларда бөлінетін зиянсыз метаболит (рубазон қышқылы) несептің қызыл түске боялуына әкелуі мүмкін. Емі: Метамизол үшін спецификалық антидоты белгісіз. Ішке түскен сәттен кейін бірден бастапқы детоксикация шараларының (мысалы, асқазанды шаю) көмегімен немесе сіңіруді азайту арқылы (мысалы, белсендірілген көмірді қабылдау) белсенді компоненттердің жүйелік сіңірілуін шектеуге тырысуға болады. Негізгі метаболит (4-N-метиламиноантипирин) гемодиализ, гемофильтрация, қан перфузиясы немесе қан плазмасының сүзгілеу арқылы шығарылуы мүмкін.

Арнайы ескертулер Агранулоцитоз Метамизол-индуцияланған агранулоцитоз, кемінде бір аптаға созылатын иммуноаллергиялық ауру болып табылады. Бұл реакциялар өте сирек кездеседі, бірақ күрделі болуы немесе тіпті өліммен аяқталған жағдайға әкелуі мүмкін. Олар дозаға байланысты емес және емнің кез келген уақытында болуы мүмкін. Нейтропениядан туындауы мүмкін мынадай белгілер немесе симптомдар: қызба, салқын тию, тамақтың ауыруы, ауыз қуысындағы ойық жаралар пайда болған жағдайда пациентті емді тоқтату және дәрігерге дереу жүгіну керектігі туралы хабардар ету қажет. Нейтропения жағдайында (<1500 нейтрофилдер/мм3) емдеуді дереу тоқтату және оның көрсеткіштері қалпына келгенге дейін қанның жалпы талдау нәтижелерін қадағалау қажет. Панцитопения Панцитопения дамыған кезде емді дереу тоқтату керек және оның көрсеткіштері қалпына келгенге дейін қанның жалпы талдау нәтижелерін қадағалау қажет. Барлық пациенттер қан тарапының патологиялық өзгерістері жалпы дімкәстік, инфекциялар, тұрақты қызба, гематомалардың пайда болуы, қан кету, метамизолды қабылдау аясында бозару сияқты симпомдардың пайда болуымен қатар жүруі мүмкін екенін білуі керек, бұл дереу дәрігерге жүгінуді қажет етеді. Анафилаксиялық шок Бейім пациенттерде анафилаксиялық шок туындауы мүмкін. Осыған байланысты демікпесі немесе атопиясы бар пациенттерге метамизолды сақтықпен тағайындау қажет («Қолдануға болмайтын жағдайлар» бөлімін қараңыз). Метамизолды қолдануға жауап ретінде анафилактоидты реакциялар туындаған пациенттерде, сондай-ақ басқа есірткіге жатпайтын ауыруды басатын дәрілерді қолдануға жауап ретінде олардың даму қаупі расталуы мүмкін. Метамизолды қолдануға жауап ретінде анафилаксиялық немесе аллергиялық реакциялар (мысалы, агранулоцитоз) пайда болған пациенттер басқа пиразолондар мен пиразолидиндерді қолданған кезде ұқсас реакциялардың даму қаупіне ұшырайды. Анафилаксиялық/анафилактоидты реакциялар Метамизол қолданғаннан кейін олар ауыр анафилактоидты реакциялар дамуының айрықша қаупіне ұшырайтындықтан мына пациенттер ерекше сақ болуы керек («Қолдануға болмайтын жағдайлар» бөлімін қараңыз): • Ауыруды басатын дәрілерді (мысалы, салицилаттар, парацетамол, диклофенак, ибупрофен, индометацин, напроксен) қолданғаннан кейін туындайтын бронх түйілуі немесе анафилактоидты реакциялардың басқа түрлері (мысалы, есекжем, ринит, ангионевроздық ісіну) бар пациенттер. • Анальгетикалық бронх демікпесі, әсіресе қатар жүретін полипозды риносинуситі бар пациенттер. • Созылмалы есекжемі бар пациенттер. • Алкоголь жақпаушылығы бар пациенттер, яғни кейбір алкогольді сусындардың болар-болмас мөлшерін қабылдаған кезде алкогольге жоғары сезімталдығы бар болуы. Алкоголь жақпаушылығының симптомдары беттің аса қызаруы, түшкіру және көзден жас ағу болып табылады. Алкоголь жақпаушылығы бұрын анықталмаған аспириндік демікпе синдромын көрсетуі мүмкін. • Бояғыштар (мысалы, тартразин) және консерванттар (мысалы, бензоаттар) жақпаушылығы бар пациенттер. Натрий метамизолын қолданар алдында пациентке мұқият сауалнама жүргізу қажет. Анафилаксиялық реакциялардың даму қаупі анықталған кезде метамизолды қабылдаудың пайдасы мен қауіпінің арақатынасын мұқият бағалағаннан кейін ғана қабылдау мүмкін болады. Мұндай пациенттерде метамизол қолданылған жағдайда олардың жай-күйін қатаң медициналық бақылау қажет, анафилаксиялық/анафилактоидты реакциялар дамыған жағдайда оларға жедел көмек көрсету үшін қажет дәрілер қолда болуы қажет. Оқшауланған гипотензиялық реакциялар Метамизолды қолдану оқшауланған гипотензиялық реакцияларды тудыруы мүмкін («ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар» бөлімін қараңыз). Бұл реакциялар дозаға тәуелді сипатқа ие болуы мүмкін. Мұндай сипаттағы күрделі гипотензиялық реакцияларды болдырмау үшін: • көлемінің тапшылығымен алдыңғы гипотониясы, сусыздануы немесе дегидратациясы, артериялық қысымның тұрақсыздығы немесе басталып келе жатқан қан айналымының жеткіліксіздігі бар пациенттерде гемодинамиканы қалпына келтіру. • температурасы жоғары пациенттерге ерекше көңіл бөлу керек. Мұндай пациенттерде метамизолды қолданғанда мұқият бақылау талап етіледі, оны қолдану қатаң медициналық қадағалаумен жүзеге асырылуы тиіс. Гипотензиялық реакциялар қаупін азайту үшін қан айналымын тұрақтандыру сияқты превентивті шаралары қажет болуы мүмкін. Гипотониясы немесе қан айналымы жеткіліксіздігі бар пациенттерге арналған нұсқаулар («Қолдануға болмайтын жағдай» бөлімін қараңыз). Терінің ауыр реакциялары Метамизолмен емдеу кезінде Стивенс-Джонсон синдромын (СДС), уытты эпидермалық некролизді және DRESS-синдромды (дәрілік затқа бөртпе, эозинофилия және жүйелік симптомдары бар реакция) қоса алғанда, терінің күрделі реакцияларының дамуы туралы хабарламалар алынды. Метамизолды қолдануды тоқтатыңыз және егер Сіз «ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар» бөлімінде сипатталған терінің күрделі реакцияларына байланысты кез келген симптомдардың пайда болуын байқасаңыз, дереу дәрігерге жүгініңіз. Егер Сізде бір кезде терінің кез келген ауыр реакциялары дамыған болса, Сізге метамизолмен емді жаңғыртуға болмайды («ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар» бөлімін қараңыз). Пациенттер осы аурулардың симптомдары туралы хабардар болуы тиіс. Оларда, әсіресе емнің алғашқы апталары ішінде тері реакцияларын мұқият бақылау керек. Кез келген жағдайларда артериялық қысымның төмендеуінен аулақ болу қажет пациенттерде, мысалы, ауыр ишемиялық жүрек ауруында немесе тиісінше ми артерияларының стеноздарында натрий метамизолын гемодинамикалық параметрлерді мұқият бақылаумен ғана қолдануға рұқсат етілуі мүмкін. Бүйрек немесе бауыр функциясы бұзылған пациенттерде оның шығарылу жылдамдығының төмендеуіне байланысты метамизолды жоғары дозаларда қабылдаудан аулақ болу ұсынылады. Егер Анальгин сияқты пиразол туындыларын қолданғаннан кейін қызба пайда болса немесе басылмаса, сондай-ақ емдеу кезінде теріде немесе ауыздың немесе тамақтың шырышты қабықтарында ауырсынатын ойық жаралар пайда болса, онда Анальгин дәрілік затын қабылдауды дереу тоқтату және ешқандай басқа ауыруды басатын немесе ыстықты түсіретін дәрілерді қабылдамау қажет. Бұл әдетте 2-ден 3 аптаға дейін созылады, осы уақыт ішінде әсер ету ауқымы кең антибиотиктер мен антимикотиктерді қолдану ұсынылады. Несеп қызыл түске боялуы мүмкін. Ол қауіпті емес және зиянды емес метаболит – рубазон қышқылының бөлінуінен туындайды. Бауыр функциясының бұзылуы Метамизол қабылдаған пациенттерде бауырдың қабынуы туралы хабарланды, симптомдары препаратты қабылдау бастағаннан кейін бірнеше күннен бірнеше айға дейін дамыды. Метамизол қабылдауды тоқтату және жүрек айну, құсу, қызба, шаршау сезімі, тәбеттің жоғалуы, несептің күңгірттенуі, ашық түсті нәжіс, терінің немесе көз ағының сарғаюы, іштің жоғарғы бөлігінде қышыну, бөртпе немесе ауырсыну сияқты бауыр функциясының бұзылу белгілері пайда болған жағдайда дәрігерге көріну керек. Дәрігер бауыр функциясын тексереді. Егер бұрын құрамында метамизол бар дәрілік препаратты қолданғанда бауыр функциясының бұзылуы дамыған болса, метамизолды қабылдауға болмайды. Басқа препараттар және метамизол Емдеуші дәрігерге немесе дәріхана қызметкеріне мына дәрілік препараттарды қабылдайтыныңыз туралы хабарлаңыз: • бупропион - депрессияны емдеуге арналған дәрілік препарат немесе темекі шегуді тоқтату үшін қосымша дәрі ретінде • эфавиренз - АИТВ/ЖИТС-ны емдеуге арналған дәрілік препарат • метадон - тыйым салынған препараттарға (апиындарға) тәуелділікті емдеуге арналған дәрілік препарат • вальпроат - эпилепсияны, биполярлық бұзылыстарды емдеуге арналған дәрілік препараттар • такролимус - трансплантациядан кейін пациенттерде ағзалардың қабылданбай ажырауын болдырмауға арналған дәрілік препарат • сертралин - депрессияны емдеуге арналған дәрілік препарат. Жүктілік кезінде және лактация кезеңінде Жүктілік Жүктілік кезінде метамизолды қолдану туралы жеткілікті деректер жоқ. Жүктіліктің бірінші триместрінде метамизол қабылдаған жүкті әйелдер туралы жарияланған мәліметтерге сәйкес ешқандай тератогенді немесе эмбриоуытты белгілері анықталған жоқ. Кейбір жағдайларда бірінші және екінші триместрде метамизолдың бір реттік дозаларын қабылдау, емнің басқа нұсқалары болмаған кезде қолайлы болуы мүмкін. Алайда метамизолды әдетте бірінші және екінші триместрде қолдану ұсынылмайды. Үшінші триместрде қолдану фетоуыттылықпен байланысты болғандықтан (бүйрек жеткіліксіздігі және артериялық түтіктің тарылуы), жүктіліктің үшінші триместрінде метамизолды пайдалануға болмайды. Үшінші триместр ішінде метамизолды байқаусызда қолданған жағдайда ультрадыбыстық зерттеу және эхокардиография көмегімен амниондық сұйықтықты және артериялық түтікті тексеру керек. Метамизол плаценталық бөгет арқылы өтеді. Лактация кезеңі Метамизолдың ыдырау өнімдері көп мөлшерде емшек сүтімен шығарылады, сондықтан емшек сүтімен қоректенетін бала үшін қауіпті жоққа шығаруға болмайды. Атап айтқанда, бала емізу кезінде метамизолды бірнеше рет қолданудан аулақ болу керек. Метамизолды бір рет қолданған жағдайда аналарға емшек сүтін жинау және оны қолданғаннан кейін 48 сағат ішінде утилизациялау ұсынылады. Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Ұсынылған дозаларды қолданғаннан кейін зейін қою және жауап беру қабілетіне жағымсыз әсері туралы хабарланған жоқ. Керісінше, жоғары дозаларда препарат зейін қою және жауап беру қабілетіне қолайсыз әсер көрсетуі мүмкін екенін және бұл қабілеттер маңызды болған жағдайларда, мысалы, көлік құралдарын басқару немесе механизмдермен жұмыс істеу кезінде қауіп төндіретінін ескеру қажет. Алкогольді тұтыну бұл қауіпті одан әрі арттыруы мүмкін.

Нұсқаулықта көрсетілмеген.

• Метамизол циклоспориннің қан плазмасындағы концентрациясын төмендетуге әкелуі мүмкін, сондықтан оларды бір мезілде қабылдаған кезде циклоспорин концентрациясын бақылау керек. • Метамизолды және метотрексатты әсіресе егде жастағы пациенттерде бір мезгілде қолдану соңғысының гематоуыттылығын күшейтуі мүмкін. Осыған байланысты осы дәрілерді бір мезгілде қолданудан аулақ болу керек. • Метамизолды ацетилсалицил қышқылымен (аспиринмен) бір мезгілде қолданған кезде ацетилсалицил қышқылының тромбоциттер агрегациясына әсерін азайтуы мүмкін. Осыған байланысты мұндай біріктірілімді антиагрегантты дәрі ретінде ацетилсалицил қышқылының төменгі дозаларын қабылдайтын пациенттерде сақтықпен қолдану керек. • Метамизол бупропионның концентрациясын төмендетуі және қандағы оның белсенді метаболиттерінің мөлшерін арттыруы мүмкін. Осыған байланысты метамизол мен бупропионды бір мезгілде қолданған кезде сақ болу ұсынылады. Зертханалық талдау нәтижелеріне әсері: • Метамизол Триндер реакциясын/Триндер реакциясына ұқсас реакцияны пайдалана отырып жүргізілетін зертханалық талдаудың нәтижелеріне әсер көрсетуі мүмкін (мысалы, қан сарысуында креатинин, триглицеридтер, ТЖЛП холестерині және несеп қышқылы деңгейілерін өлшеуге арналған тесттер).

Сақтау мерзімі 5 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25С-ден аспайтын температурада сақтау керек. Балалардың қолы жетпейтін жерде сақтау керек!