Анауран капли

100 мл ерітіндінің құрамында белсенді заттар: полимиксин В сульфаты – 1000000 ХБ, неомицин сульфаты - 375000 ХБ, лидокаин гидрохлориді – 4.0 г, қосымша заттар: глицерин, пропиленгликоль, бензалконий хлориді, тазартылған су Сыртқы түрінің, иісінің, дәмінің сипаттамасы Сәл тұтқыр, иіссіз, мөлдір сұйықтық

Жедел немесе созылмалы отит

Әсер ету механизмі Анауран анестетик қасиеттерімен қосылған біріктілімде бактерияға қарсы қасиеттерді иелене отырып, көптеген отологиялық ауруларды емдеу үшін пайдаланылуы мүмкін. Антибиотиктердің бұл біріктірілімі есту мүшелерінің инфекциялық аурулары дамуына жауапты көптеген микроорганизмдерге қарсы, оның ішінде компоненттер арасындағы айқын синергизмдер нәтижесінде тиімді әсер етеді. Бұған қоса, Анауран В полимиксиннің микозға қарсы қасиеттері болуына байланысты, отомикозды емдегенде пайдаланылуы мүмкін. Лидокаиннің анестетикалық әсері көптеген отологиялық ауруларға тән ауыру синдромын бақылауға мүмкіндік береді. Осылайша, Анауран қабыну белгілерін және шырышты-іріңді бөлінуді олардың толық жоғалуына дейін жылдам азайтатын қабілеті бар, әрі ауыру синдромы мен қышынуды тез жеңілдетеді. Анауран, сондай-ақ ағымдағы аурудың ықтимал асқынуларына қарсы (микоздық асқын инфекциялар, жарақаттық инфекция және т.с.с.) алдын алу әсерін көрсетеді.

Дозалау режимі Ересектерге: 4-5 тамшыдан тәулігіне 2-4 рет. Балаларға: 2-3 тамшыдан тәулігіне 3-4 рет. Енгізу тәсілі және жолы Жергілікті, сыртқы есту жолына арнайы тамшуырдың көмегімен қолдану керек. Тамызғаннан кейін ауырмайтын құлақ жаққа қарай бірнеше минут басты қисайтып ұстау керек. Құлаққа тамызатын дәріні пайдаланар алдында сыртқы есту жолына салқын сұйықтықтың түсуіне байланысты жағымсыз сезімдерден аулақ болу үшін, оны қолда ұстап тұрып, құтыны дене температурасына дейін жылыту ұсынылады. Емдеу ұзақтығы Емдеу курсы емдеуге нәтижесінің жылдамдығына байланысты. Емдеу курсы 10 күннен аспауы тиіс. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Егер сізге препараттың қолдану жөніндегі нұсқаулар түсініксіз болса, медицина қызметкерінің кеңесіне жүгіну ұсынылады.

- әсер етуші затқа немесе қосымша заттардың кез келгеніне аса жоғары сезімталдық - дабыл жарғағының тесілуі

Анауран препаратты қолданғаннан кейін келесі жағымсыз реакциялар туралы хабарланды. Олардың пайда болу жиілігін қолда бар деректер бойынша бағалау мүмкін емес (жиілігі белгісіз). - аллергиялық дерматит, қышыну - препарат енгізген орнында тітіркену - отоуыттылық Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Нұсқаулықта көрсетілмеген.

Жергілікті препараттарды әсіресе ұзақ уақыт бойы қолданғанда сенсибилизацияны тудыруы мүмкін. Бұл жағдайда емдеуді тоқтату керек. Тиісті терапияны таңдау үшін дәрігермен кеңесу керек. Ауыр және тұрақты инфекцияларды жергілікті емдеуді антибиотиктерді жүйелі қолданумен толықтыру қажет. Анауран препаратты ұзақ қолдану жүргізілетін емге резистентті суперинфекция дамуына әкелуі мүмкін. Неомицин құлақ иірімінің зақымдануы салдарынан, әсіресе Корти ағзасының талшықты жасушаларының зақымдануы кезінде тұрақты нейросенсорлық естімей қалудың себебі болуы мүмкін. Препаратты қолдануды 10 күнге шектеу ұсынылады. Бактерияға қарсы препараттарды ұзақ уақыт қолданғанда отоуытты даму қаупі артады. Анауран препаратты қабылдауы 10 күннен аспауы тиіс. Басқа аминогликозидтер туындыларымен айқаспалы аллергия және айқаспалы резистенттілігі туындауы мүмкін. Анауран құлақ ауруларын тек жергілікті емдеу үшін қолданылады, дененің басқа бөліктеріне препаратты қолдануға болмайды. Дәрілік заттың құрамында болуы ескерілуі тиіс қосымша заттар туралы ақпарат Препарат құрамында бензалконий хлориді (тамшысына 0,001 мг), теріні тітіркендіруі мүмкін. Препарат құрамында пропиленгликоль (тамшысына 11,6 мг), теріні тітіркендіруі мүмкін. Препараттың көлік құралдарын жүргізуге және қауіптілігі зор механизмдерді басқару қабілетіне әсер ету ерекшеліктері Әсер етпейді.

Жүктілік және бала емізу кезеңінде препаратты тек аса қажетті жағдайда және дәрігердің бақылауымен қолдану керек.

Өзара әрекеттесу жағдайлары сипатталмаған. Педиатрияда қолдану 1 жасқа дейінгі балаларға препаратты тек аса қажетті жағдайда және дәрігердің бақылауымен қолдану керек.

Сақтау мерзімі 3 жыл. Құтыны алғаш ашқаннан кейінгі жарамдылық мерзімі – 3 ай. Жарамдылық мерзімі өткеннен кейін қолдануға болмайды! Сақтау шарттары 25ºС-ден аспайтын температурада сақтау керек. Балалардың қолы жетпейтін жерде сақтау керек!