Ангал® С спрей

100 мл препараттың құрамында белсенді заттар: 1.064 г хлоргексидин диглюконатының 20% ерітіндісі 0.050 г лидокаин гидрохлориді қосымша заттар: лимон қышқылының моногидраты, сукралоза, лимон хош иістендіргіші CRA1585L, пропиленгликоль, глицерин, 96% этил спирті, тазартылған су. Сыртқы түрінің, иісінің, дәмінің сипаттамасы Лимон дәмімен лимон және спирт иісі бар мөлдір түссіз ерітінді.

Ангал® С микробқа қарсы және ауырсынуды басатын әсерге ие, сондықтан оны келесі жағдайларда жергілікті қолдану ұсынылады: - стоматит және гингивит сияқты ауыз қуысының шырышты қабығының инфекциялық қабынуларын, сондай-ақ фарингитті қоса, жұтқыншақты емдеу - ауыз қуысының шырышты қабығының қабынуының ауырсынуын басу - ауырсындыратын жұтынуды мен тітіркенуді қоса, тамақтағы ауыру симптомдарын жеңілдету Ангал® С ересектерге, жасөспірімдерге және 6 жастан асқан балаларға көрсетілген.

Ангал С препараты жергілікті ауыруды басады және бактерияларға қарсы әсер етеді. Препарат тамақтың өте ауыр бактериялық инфекцияларының даму ықтималдылығын төмендете отырып, тамақтың қабынуын азайтады және тітіркену мен жұтыну кезіндегі ауыруды жеңілдетеді. Әсер ету механизмі Ангал С препаратының қос әсері (жергілікті ауырудың басатын немесе ауыруды басатын және бактерияға қарсы әсері) бар. Препарат тамақтың ауырлау бактериялық инфекцияларының даму мүмкіндігін төмендете отырып, жұтқыншақ қабынуын азайтады және тітіркенген және жұтынған кездегі ауыруды жеңілдетеді. Фармакодинамикалық әсерлері Лидокаин гидрохлориді амид типті шеткері анестетик болып табылады. Жергілікті анестетик ретінде, лидокаин осы топтың басқа да препараттары сияқты әсер ету механизміне ие болады; ол сезімтал, қозғалтқыш және вегетативтік жүйке талшықтарында генерацияны және жүйке импульстерінің өтуін бөгейді. Ол натрий иондарының жарғақша арқылы жүйке талшықтарына түсуін тежей отырып, жасушалар жарғақшаларына тікелей ықпалын тигізеді. Ауыруды басатын әсерінің үдемелі таралуына орай, шеткері жүйкелерде электрлі қозу шегі артады, жүйке импульсінің өтуі баяулайды, ал әсер ету қуатының жаңғыруы әлсірейді, бұл түпкілікті нәтижеде жүйке импульсінің толық бөгелуіне әкеп соғады. Жалпы алғанда, жергілікті анестетиктер вегетативтік жүйкелерді, миелинизацияға ұшырамаған (ауыруды сезіну) ұсақ және миелинизацияға ұшыраған (ауыру, температураны сезіну) ұсақ талшықтарды, миелинизацияға ұшыраған ірі талшықтарға (жанасу, қысылу сезімі) қарағанда, тезірек бөгейді. Молекулалық деңгейде лидокаин белсенді емес жағдайдағы натрий ион өзектерін спецификалық бөгейді, бұл әсер ету лидокаинді жүйкеге жақын жергілікті пайдаланғанда жүйке импульсінің өтуін болдырмай, әсер ету потенциалының өндірілуін кедергі етеді. Лидокаинді жергілікті ауыруды басатын дәрі ретінде пайдаланғанда шеткері жүйкелерге әсері маңызды болып табылады. Тиімділігі мен уыттылығы арасындағы арақатынас қолайлы болып табылады. Лидокаин туындатқан аллергиялық реакциялар өте сирек байқалады. Бұдан басқа, шеткері жүйкелер өткізгіштігі бөгелген кезде жергілікті ауыруды басатын дәрілер өткізгіштік импульсі пайда болатын барлық ағзаларға ықпалын тигізеді. Орталық жүйке жүйесіне, автономды ганглийлерге, жүйке-бұлшықет қосылысына және бұлшықет талшықтарының барлық түрлеріне әсері байқалды. Лидокаин сондай-ақ аритмияға қарсы ІВ класына жататын препарат болып табылады. Хлоргексидин грамоң (мысалы, Micrococcus sp., Staphylococcus sp., Bacillus sp., Clostridium sp., Corinebacterium sp.) және аз дәрежеде грамтеріс микроорганизмдерге, көбіне вегетативті түрлеріне (ол бактериялық спораларға қатысты бөлме температурасында тиімсіз) бактерияларға қарсы әсер ететін бис-бигуанидтік антисептик болып табылады. Ол сондай-ақ дерматофиттер мен зеңдерге қатысты микозға қарсы әсерге ие. Ол кейбір липофильді вирустардың (мысалы тұмау вирусы, герпес вирусы, АИТВ) инфекциялық белсенділігін жылдам бөгейді. Препарат бактериостатик ретінде төмен концентрацияларда әсер етеді, ал жоғары концентрацияларда бактерицидтік әсер көрсетеді. Хлоргексидинде оң заряд болады, осылайша, ол бактериялық жасуша қабырғасының теріс зарядталған бөліктерінде және жасушадан тыс құрылымдарда сіңіріледі. Сіңірілуі спецификалық және құрамында фосфаттары бар бактериялық жасуша қабырғасының тиісті бөліктерінде шоғырланады. Бұл жасушалық жарғақша тұтастығын бұзады және оның өткізгіштігінің артуына әкеледі. Хлоргексидин бактерияның цитоплазмалық жарғақшасымен байланысады. Ол тістердің теріс зарядталған беткейінде, тіс өңезінде немесе ауыздың шырышты қабығында сіңіріледі және ол оның ауыз қуысында осылайша ұзақ болуымен шартталады. Антисептиктердің және дезинфекциялайтын заттардың тиімділігі концентрацияға, температураға және әсер ету уақытына байланысты.

Дозалау режимі Жергілікті қолдануға арналған. Ересектер мен 12 жастан асқан жасөспірімдер: бір реттік дозада, 12 жастан асқан балаларға бір реттік дозада 104,46 мг этанол құрамын ескере отырып, бүріккіш түймесін 3-5 рет басу саны; емшараны күніне 6-дан 10 ретке дейін қайталау керек. 6 жастан асқан балаларға: бүріккіштің басу тетігін 2-ден 3-ке дейінгі бірізді басу арқылы; емшараны күніне 3-тен 5 ретке дейін. Препарат тек жеке пайдалануға арналған. Біреуден көп адамның қолдануы инфекцияның таралуына әкелуі мүмкін. Қолданар алдында Ауызды кеңірек ашып, бүріккішті құтыға бүріккішті аңқаға қарай перпендикулярлы бағыттап, бүріккіштің тетігін бұрыңыз. басыңыз. Бүрку кезінде тынысты кідірте тұрыңыз. Әрбір пайдаланудан кейін бүріккішті бөгеу үшін төмен қаратып, бастапқы қалпына келтіріңіз. Егер препарат біршама уақыт ішінде пайдаланылмаса, соңғы пайдаланудан кейін бүріккіштің тесігін төменде берілген нұсқауларды орындай отырып, тазарту ұсынылады: 1. құтының бас жағын төмен қарай төңкеріп, адаптердегі ерітінді толық алынғанға дейін (ерітіндінің бүркілуі тоқтайды) бүріккіштің тетігін басыңыз; 2. бүріккіштің түтігін бүркуге арналған тесігінен шығарып алыңыз және оны ішінде жылы суы бар ыдысқа бірнеше минутқа салып қойыңыз; 3. бүріккіштің түтігін судан шығарып алып, кептіріңіз; 4. бүркуді бөгеу үшін бүріккіштің түтігін төмен қарайтындай етіп жалғаңыз. Препаратты тікелей тамақтану алдында немесе тамақтану кезінде қолдануға болмайды. Препаратты үздіксіз 3-4 күннен астам пайдалануға және тым жиі пайдалануға болмайды. Егер симптомдар нашарласа немесе осы уақыт ішінде жақсармаса немесе пациентте жоғары дене температурасымен қатар жүретін бактериялық инфекция байқалса, онда инфекцияны қосымша емдеу қажет. Ересектер үшін ең жоғары бір реттік доза 0.85 мг хлоргексидинді және 0.21 мг лидокаинді құрайды. Хлоргексидиннің ең жоғары тәуліктік дозасы 8.5 мг және 2.1 мг лидокаин. Қондырманы әрбір басқан сайын 0.085 мл ерітінді бүркіледі. Дәрілік препаратты қолдану тәсілін түсіндіру үшін медициналық қызметкерге кеңес алуға жүгіну бойынша ұсынымдар Дәрілік препаратты қолдану әдісін түсіндіру үшін кеңес алуға медициналық қызметкерге жүгіну ұсынылды

- белсенді заттарға немесе препараттың кез келген қосымша затына жеке жоғары сезімталдық - 6 жасқа толмаған балалар - алкогольге тәуелділік - жүктілік және лактация кезеңі

Ауыз қуысында жергілікті, шектеулі уақыт ішінде және жұтқыншақ аумағында препараттың ұсынылған дозасын ұстанумен пайдаланғанда препарат дозасы жақсы көтерімді. Жиі - терінің аса жоғары сезімталдық реакциялары - жүрек айнуы, құсу, іш аумағының ауыруы Сирек - анафилаксиялық шокты қоса, ауыр аллергиялық реакциялар - жанаспалы дерматит Өте сирек - есекжем Белгісіз - метгемоглобинемия - кейіннен болатын аллергиялық реакция (жанаспалы аллергия, фотосенсибилизация) немесе басқа да терідегі немесе тістегі жергілікті реакциялар - үрейлену, қозу, эйфория - ұйқышылдық, бас айналу, бағдардан адасу, сананың шатасуы (шатасып сөйлеуді қоса), вертиго, тремор, психоз, күйгелектік, парестезия, сілейіп қалу, құрысулар, естен тану және кома - жинақтап көре алмау және көзге қосарлы көрінуді қоса, көрудің бұзылуы - құлақтың шыңылдауы - демікпе, тыныстың тарылуы, тыныс алу жеткіліксіздігі синдромы, тыныстың бәсеңдеуі, тыныстың тоқтап қалуы - жұтынудың қиындауы, ауыз қуысының шырышты қабығындағы ойық жаралар - ауыз қуысының шырышты қабығының қабыршақтануы, құлақ маңы безінің ісінуі - бұлшықет құрысулары немесе тремор - жалпы әлсіздік, дәм сезудің уақытша бұрмалануы немесе тілдің күюді сезінуі, ыстық немесе суықты сезіну. Хлоргексидинді ауыз қуысында ұзақ және үздіксіз қолданғанда тістер уақытша қоңыр түске боялуы мүмкін. Алайда бұл өңезденуді кетіруге болады. Препаратты жұтқыншақ аумағында қолданғанда тістің боялу жағдайлары туралы сипатталмаған. Педиатрлық популяция Балалардағы жағымсыз реакциялардың жиілігі мен ауырлығы ересектердегідей болады деп күтілуде. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Бұл дәрілік препараттың құрамында екі белсенді заттың уытты дозасының бір бөлігі ғана болса да, сондай-ақ, оны қолдану ауыз қуысымен шектелсе де, жұтып қою арқылы кездейсоқ артық дозаланудың немесе әсіресе балаларда абайсызда жұтып қоюдың мүмкіндігі бар. Хлоргексидин ас қорыту жолынан өте аз мөлшерде сіңеді. Лидокаин тезірек сіңеді, бірақ оның биожетімділігі тек 35% құрайды. Лидокаиннің уытты әсері плазмадағы 6 мг/л жоғары концентрацияда көрінеді. Шамадан тыс дозаларды қабылдағаннан кейін (тәулігіне бір құтыдан көп бүріккіш), ерекшелік ретінде, жұту бұзылыстары (жұту рефлексі бақылауының төмендеуі) пайда болуы мүмкін. Симптомдары: - орталық жүйке жүйесінің бұзылулары: бас ауыру, елестеулер, бас айналу, ұйқышылдық, қозу, құлақтың шуылдауы, парестезиялар, дизартрия, естудің нашарлауы, периоральді ұю, метаболизмдік ацидоз, нистагм, бұлшықет дірілі, психоздар, құрысулар, тыныстың тоқтап қалуы, эпилепсиялық кома, сана деңгейінің төмендеуі; - жүрек-қан тамыр жүйесіне әсері: жүрек-қан тамыр жеткіліксіздігі, ауыр брадикардия, жүрек ырғағының бұзылуы (синустық түйін белсенділігінің басылуы, тахиаритмия), жүрек тоқтауы; Осы симптомдардан басқа, хлоргексидиннің артық дозалануының кейбір жағдайлары белгілі болды: құсу, жұтқыншақтың ісуі, өңештің некроздық зақымдануы, қан сарысуындағы (қалыптыдан 30 есе жоғары), аминотрансферазалар концентрациясының артуы, белсенді атрофиялық гастрит аясында асқазан және он екі елі ішектің шырышты қабығының эрозиясы, эйфория, көрудің бұзылуы және дәм сезудің толық жойылуы (ұзақтығы 8 сағат). Препаратты тиісті түрде және спрейлердегі концентрацияларда қолданғанда лидокаиннің жүйелі әсерінің қаупі өте төмен және ол препаратты қолдану режимінің күрделі бұзылуымен байланысты болуы мүмкін. Емі: - препарат қабылдауды дереу тоқтатып, анионды заттарды енгізу керек - асқазанды шаю және құстырумен асқазан ішіндегісін аспирациялау - тыныс алу функциясын қамтамасыз ету, сусыздануды болдырмау және қан айналымын демеп тұру мақсатында ауруханаға жатқызу - құрысулар кезінде диазепам тағайындалады.

Созылмалы жүрек жеткіліксіздігінен немесе бауыр функциясы бұзылуынан зардап шегетін, сондай-ақ 1В класты аритмияға қарсы дәрілерді бір мезгілде қабылдап жүрген пациенттерге препарат тағайындаған кезде, лидокаиннің уыттылық әсерінің күшею қауіптілігіне орай, сақ болу қажет. Аллергиялық реакциялардың туындауына бейімділігі бар пациенттерге бұл дәрілік затты қолдануда сақ болу керек. Арнайы ескертулер Дене температурасының жоғарылауымен бірге жүретін бактериялық инфекцияларда Ангал® С тамақтың ауырғанын азайтуға арналған қосымша дәрілік зат ретінде қолданылады. Ангал® С препаратын қант диабеті бар пациенттерге қолдануға болады, себебі оның құрамында сахароза жоқ. Препаратты үздіксіз, 3-4 күннен ұзақ, немесе тым жиі қолдануға болмайды. Препаратты тек қабынумен туындаған қабыну туындатқан ауыру және тамақтың тітіркену симптомдарын жеңілдету үшін ғана пайдалану қажет. Көз бен құлаққа тигізуге болмайды. Препарат көзге түсіп кеткен жағдайда оны қабақты ашып тұру арқылы кемінде 15 минут бойы таза сумен жуып-шаю керек. 100 мл ерітіндінің құрамында 25 г этанол бар. Ересектерге және 12 жастағы балаларға арналған бір реттік дозада 2.64 мл сыраға немесе 1.10 мл шарапқа баламалы 104.46 мг-ге дейін этанол болады. 6-дан 12 жасқа дейінгі балаларға арналған бір реттік дозада 1.58 мл сыраға немесе 0.66 мл шарапқа баламалы 62.68 мг этанол бар. Бұл маскүнемдіктен зардап шегіп жүрген адамдар үшін зиянды. Бұны сондай-ақ жүкті әйелдерде (бала емізетін аналарда), балалар және жоғары қауіп тобындағы адамдарда, мысалы бауыр аурулары немесе эпилепсиясы бар пациенттерде ескеру керек. Пропиленгликоль алкогольге ұқсас симптомдарды тудыруы мүмкін. Балаларда қолдану Ангал® С спрей 6 жасқа толмаған балаларға қолдану қарсы көрсетілімді. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Автомобильді немесе қауіптілігі зор механизмдерді басқару мүмкіндігіне зерттеулер жүргізілген жоқ. Ангал® С автомобильді немесе қауіптілігі зор механизмдерді басқару қабілетіне әсер етпейді немесе елеусіз әсер етеді.

Уыттылықтың симптомдары жүктілік кезінде өзгерген лидокаин фармакокинетикасына және/немесе фармакодинамикасына байланысты болуы мүмкін. Жүкті әйелдерге хлоргексидинді қолдану бойынша қатаң бақыланатын зерттеулер жүргізілмеген. Лидокаин метаболиттері емшек сүтіне өтеді, алайда нәрестелерде лидокаин препараттарын қолданумен байланысты қандай да бір жағымсыз әсерлердің дамуы туралы хабарланған жоқ. Хлоргексидиннің емшек сүтімен бөлініп-бөлінбейтіні белгісіз. Дегенмен, жүкті және бала емізетін әйелдерге егер емдеудің күтілетін пайдасы ықтимал қауіптен асып түспесе Ангал® С спрей препаратын қолдану ұсынылмайды. Лидокаин мен хлоргексидиннің репродуктивті функцияға әсері туралы деректер жоқ. Жүктілік кезінде және бала емізу кезінде құрамында қосымша зат ретінде этанол болғандықтан, Ангал® С спрейін қолдану ұсынылмайды.

Лидокаин CYP1A2 бауыр ферментінің, аз дәрежеде 2D6 және 3A4 изоферменттерінің жалпыға белгілі тежегіші болып табылады, бірақ ұсынылған қолдану кезінде осы ферменттермен өзара әрекеттесуі клиникалық елеусіз болып табылады. Лидокаинді құрамында ауыр металдар бар басқа антисептиктермен бірге қолдануға болмайды. Вазобелсенді заттардың ионофорезі лидокаиннің трансдермалық түрде жеткізілуіне елеулі ықпалын тигізуі мүмкін. Әдебиетте лидокаиннің келесі дәрілік препараттармен клиникалық елеусіз өзара әрекеттесуі сипатталған: жүйке-бұлшықет өткізгішінің блокаторлары, аритмияға қарсы препараттар (мексилетин, фенитоин, прокаинамид, пропранолол), гидантоиндар (антиконвульсанттар), эпинефрин, апиындар, бета-блокаторлар, циметидин. Кокаинді қолдану әсерінен туындаған миокард инфарктісі бар пациенттерде де клиникалық елеусіз өзара әрекеттесуі байқалған. Пациенттер препаратты холинэстераза тежегіштерімен (мысалы, неостигмин, дистигмин, пиридостигмин) немесе миастенияны емдеуге арналған басқа дәрілік препараттармен бірге қолданбауы керек. Препаратты қолданған кезде пациенттерге бір мезгілде жергілікті әсер ететін басқа да антисептикалық препараттарды пайдалану ұсынылмайды. Бұл талап спрейдегідей құрамына хлоргексидин мен лидокаин кіретін Ангал® пастилкаларына қолданылмайды. Спрейдің бір реттік дозасын пастилкалардың бір реттік дозасымен алмастыру керек. Пациенттер спрей мен пастилкаларды біріктіре отырып, препаратты қабылдаудың тәуліктік дозасын асырмауы тиіс. Спрей мен пастилкалар біріктірілімін балаларға пайдалану ұсынылмайды. 0.05% концентрацияда хлоргексидин диглюконат тетрабор қышқылының тұзымен, бикарбонаттармен, карбонаттармен, хлоридтермен, цитраттармен, нитраттармен, фосфаттармен, сульфаттармен және ерітіндіден шөгіндіге түсуі мүмкін нашар еритін тұздар қалыптастыратын көптеген бояғыш қоспалармен үйлеспейді. Құрамында хлоргексидин бар ерітінділер сабынның кейбір түрімен және әдетте тіс пасталарында берілетін басқа да анионбелсенді заттармен (мысалы, альгинаттар, трагаканттар, каолин сияқты іс жүзінде ерімейтін ұнтақтар, сондай-ақ кальций, магний немесе мырыштың іс жүзінде ерімейтін қоспалары) үйлеспейді. Препарат әдетте тіс пастасының құрамында болатын кейбір заттармен үйлеспейді, сондықтан препаратты қабылдау мен тіс пастасын қолдану арасындағы уақыт аралығы 30 минуттан кем болмауы тиіс.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 25 °С-ден аспайтын температурада сақтау керек. Алғаш ашылғаннан кейін: 25 °C-ден аспайтын температурада 6 ай. Балалардың қолы жетпейтін жерде сақтау керек!