Ангиноваг спрей

100 мл препараттың құрамында белсенді заттар - деквалиний хлориді 0.1 г, тиротрицин 0.4 г, β–глициррет қышқылы 0.06 г, гидрокортизон ацетаты 0.06 г, лидокаин гидрохлориді 0.1 г, қосымша заттар: пропиленгликоль, ананас майы, натрий сахаринаты, этанол 96 %. Сыртқы түрінің, иісінің, дәмінің сипаттамасы Мөлдір, түссіз немесе ашық-сары ерітінді.

Ангиноваг ересектер мен 12 жастан асқан жасөспірімдерде ауырсыну, қабыну және қызбаның болмауымен бірге жүретін ауыз-жұтқыншақтың жеңіл инфекцияларын жергілікті емдеуге арналған.

Әсер ету механизмі Бұл препараттың белсенді заттары деквалиний хлоридінің антисептикалық, микробқа қарсы және зеңге қарсы әсерін антибиотик тиротрициннің бактерицидтік әсерімен, эноксолон мен гидрокортизон ацетатының қабынуға қарсы әсерімен және лидокаин гидрохлоридінің жергілікті анестезиялық әсерімен біріктіру арқылы әсер етеді. Деквалиний хлориді — грамоң және грамтеріс бактериялардың көпшілігіне қатысты фунгицидтік және бактерицидтік белсенділікке ие, әсері күшті антисептикалық зат. Төмен концентрацияларында ол ауыз-жұтқыншақтың кең таралған инфекцияларын тудыратын қоздырғыштардың барлығының дерлік көбеюін тежейді, бактерияға қарсы емнен кейін жиі кездесетін пиогенді қоздырғыштардан да, зеңдерден немесе ашытқыдан да туындайтын инфекцияларды жояды. Қайта пайдалану төзімді штамдарды немесе сенсибилизация түзбейді, бұл антибиотиктерге тән. Ол уытты емес, жергілікті жағымдылығы жақсы және қан, ірің және экссудат болған кезде, сондай-ақ, антибиотиктерге төзімді қоздырғыштарға қатысты белсенді. Бірнеше зерттеу, оның әсер ету механизмі цитоплазма жарғақшасына әсерін қамтитынын көрсетіп отыр, ол жерде деквалиний хлориді жасуша компоненттерінің зақымдануын және, сәйкесінше босап шығуын тудырады. Ол өз әсерін цитоплазмаға жылдам өте отырып көрсетеді. Оның негізгі грамоң бактерияларға, аэробты грамтеріс бактерияларға және ауыз-жұтқыншақтың инфекцияларын тудыратын зеңдерге қатысты микробқа қарсы белсенділігі төмендегі кестеде келтірілген: Микрооганизм ЕТТК (мкг/мл) Enteroccocus faecalis0.2-64 Staphylococcus aureus0.2-8 Streptococcus agalactiae2-64 Streptococcus pyogenes0.25-20 Enterobacter spp3.1-400 Candida albicans0.2-50 Candida glabrata0.2-256 Эноксолон немесе β-глицирретин қышқылы қабынуға қарсы, ісінуге қарсы және жөтелді басатын қасиеттерге ие. Ол ауыз-жұтқыншақтың инфекциялық емес, қабыну ауруларын емдеуге арналған, бірнеше ингредиенттен құралған препараттарда жергілікті пайдаланылады. Гидрокортизон ацетаты — қабынуға қарсы белсенділікке ие кортикостероид. Бастапқыда ол цитоплазмадағы глюкокортикоидты рецепторға әсер етеді. Кейін оның өзара әрекеттесуі екі жолмен - қабынуға қарсы ақуыздардың экспрессиясын реттеу немесе цитозолдағы қабынуға қарсы ақуыздардың экспрессиясын бәсеңдету (цитозолдан ядроға транскрипциялануының басқа факторларының транслокациясының алдын алу жолымен) дамуы мүмкін. Тиротрицин – Bacilus Brevis Dubos-тан өндірілетін, жергілікті әсер беретін антибиотик. Оның химиялық құрылымы полипептидке ұқсас. Ол 20-30% грамицидиннен және 70-80% тироцидиннен тұрады. Жүйелі ем үшін жарамайды. In vitro оның, Enterococcus faecaelis, Staphylococcus aureus, epidermidis және haemolyticus, сондай-ақ, Streptococcus agalactiae, pneumoniae және pyogenes сияқты ауыз-жұтқыншақ инфекцияларымен астасқан грамоң бактерияларға қатысты белсенді екендігі көрсетілді. Ол бөлек те, тері мен ауыз қуысының инфекцияларын жергілікті емдеуге арналған, бактерияға қарсы басқа дәрілермен біріктіріп те пайдаланылады. Тиротрицин зеңдік инфекциялар кезінде де пайдаланылған және сондықтан да, жергілікті қолдануға арналған препараттарда тиімді. Candida albicans, glabrata, parapsilosis және tropicalis қатысты белсенді. Төменде сезімтал микроорганизмдер үшін негізгі мәндері мен ең төмен тежегіштік концентрациялары (ЕТТК) келтірілген: Микроорганизм ЕТТК [мкг/мл] Candida albicans 4-16 Candida glabrata 6.4-9.1 Candida parapsilosis 4-32 Candida tropicalis 5.3-7.6 Corynebact. spp 0.5-2 Enterococcus faecalis 0.195-1.562 Enterococcus faecium 0.390 Staphylococcus aureus 1.562-3.125 Staphylococcus aureus MRSA 1.562-3.125 Staphylococcus aureus MRSA 1-8 Staphylococcus aureus MSSA 1-8 Staphylococcus epidermidis 1.562-3.125 Staphylococcus haemolyticus 1-4 Streptococcus agalactiae 0.048-1.562 Streptococcus mutans 1.562 Streptococcus oralis 1.562 Streptococcus pneumoniae 0.048-0.195 Streptococcus pyogenes 0.048-0.390 Streptococcus sanguis 0.390 Резистенттіліктің қалыптасу ықтималдылығы өте төмен, бұл зерттелген микробтардың сезімталығы өзгермегендігін көрсететін, ағымдағы ЕТТК мен бұрынғы ЕТК салыстыру арқылы расталады. Лидокаин гидрохлориді амидтер тобына жататын, жергілікті анальгезиялық зат болып табылады. Ол қолданылған аймақта сенсорлық жүйке импульстерінің генерациялануы мен берілісін азайтудың есебінен сезімталдықты қайтымды төмендету жолымен әсер етеді. Нейрондар жарғақшасының деполяризациясы және иондар алмасуы қайтымды тежеледі. Нейрондар берілісін бөгей отырып, жансыздандыратын әсер береді. Ангиоваг құрамындағы лидокаин гидрохлориді қолданғаннан кейін ауыруды тез басатын, әсері жоғары жергілікті анестетик. Қабыну қысқа уақыт ішінде жоғары тиімді, тез әсер ететін қабынуға қарсы дәрі гидрокортизон ацетатымен тез басылады. β-глициретин қышқылы - бұл шырышты қабықты қорғайтын және осылайша қабынудың қайталануын болдырмайтын, ұзаққа созылатын әсері бар күштілігі аздау қабынуға қарсы дәрі. Соңында, екі бактерияға қарсы дәрі, тиротрицин және деквалиний хлориді инфекция белгілерін сәтті жоюға көмектеседі.

Дозалану режимі Ересектер мен 12 жастан асқан балаларға. Екпінді дозасы әр 2-3 сағат сайын 1-2 бүркуден, демеуші дозасы – әр 6 сағат сайын 1 бүркуден. Пациенттердің ерекше топтары Балалар 12 жасқа дейінгі балаларда Ангиновагтың қауіпсіздігі мен тиімділігі анықталмады. Бүйрек жеткіліксіздігі бар пациенттер Бүйректің ауыр жеткіліксіздігі бар пациенттерде препараттың шығарылуы қиындауы мүмкін. Сондықтан, ондай пациенттерде дозасын түзету қажет болуы мүмкін. Бауыр жеткіліксіздігі бар пациенттер Бауырдың ауыр жеткіліксіздігі бар, бауыр функциясы төмендеген пациенттерде, гидрокортизонның метаболиздену мүмкіндігіне кепілдік беру үшін, жекелей дозалау қажет болуы мүмкін. Енгізу әдісі мен жолы Орофарингеальді пайдаланылады. Дұрыс пайдалану жөніндегі нұсқаулар: Аузыңызды кең ашыңыз. Бүріккіштің түтігін зақымданған бөлікке (тамақ, ауыз, тіл және т. б., егер қатысы бар болса) бағыттаңыз. Бөтелкені тік қалпында ұстап тұрып, қақпақтың үстіңгі бөлігін түбіне дейін басыңыз. Құтыда бүріккіш-клапаны болады: қақпағын түбіне дейін әрбір басқан сайын дәрінің дозаланған мөлшері ағып шығады. Егер бөтелке жаңа болса немесе бірнеше күн бойы пайдаланылмаса, алғашқы бірнеше спрейді ауаға шашыңыз. Қабылдау уақыты көрсетілген қолдану жиілігі Екпінді дозасы әр 2-3 сағат сайын 1-2 бүркуден, демеуші дозасы – әр 6 сағат сайын 1 бүркуден. Емдеу ұзақтығы Емдеу курсының ұзақтығын емдеуші дәрігер анықтайды. Дәрілік препаратты қолдану тәсілін түсіну үшін медицина қызметкерінен кеңес алуға жүгіну жөніндегі нұсқаулар Дәрілік препаратты қолдану бойынша сұрақтар болған жағдайда емдеуші дәрігерге жүгіну қажет.

• әсер етуші затқа (заттарына) немесе қосымша заттарының кез келгеніне аса жоғары сезімталдық • ауыз қуысының шырышты қабығының ауыр зақымданулары бар пациенттерге Қолдану кезіндегі сақтандыру шаралары Ауыз қуысының микрофлорасын өзгертуі мүмкін болғандықтан, 10 күннен артық ұзақ қолданбаған дұрыс. Ангиновагтың әрбір ингредиентінің концентрацияларының және ұсынылатын дозасының төмендігіне орай, жүйелі әсерімен байланысты жағымсыз құбылыстар күтілмейді. Көзге көрінетін ауытқулар Көрудің бұзылулары кортикостероидтарды жүйелі және жергілікті қолданғанда туындауы мүмкін. Егер пациентте бұлыңғыр көру немесе көру қабілетінің басқа ауытқулары сияқты симптомдар байқалса, пациент катарактаны, глаукоманы немесе орталықтық сероздық хориоретинопатия (ОСХР) сияқты сирек ауруларды қамтуы мүмкін ықтимал себептерін бағалау үшін офтальмологқа жүгінуі тиіс, олар туралы кортикостероидтарды жүйелі және жергілікті пайдаланғаннан кейін хабарланған. Қосымша заттар туралы ескертулер Ангиновагтың құрамында бір миллилитрге 9.333 г пропиленгликоль бар. Ангиновагтың құрамында ақырғы көлемі 89,385% этанол бар. Әр бүркуде шамамен 0.075 г этанол болады. Препаратты маскүнемдік кезінде қолдану ұсынылмайды. Құрамында алкогольдің бар екенін жүкті немесе бала емізетін әйелдерде, балалар және бауыр аурулары, эпилепсия, мидың зақымдануы және маскүнемдік сияқты жоғары қауіп тобындағы пациенттерде ескеру керек. Спортшылардың пайдалануы Ангиновагтың құрамында гидрокортизон ацетаты бар, допингке тест нәтижесі оң болуы мүмкін.

Ангиноваг препаратын немесе оның жекелей әсер етуші заттарының кез келгенін қолданғанда келесі жағымсыз құбылыстар байқалған. Көру мүшесі тарапынан бұзылулар: Сирек: бұлыңғыр көру Иммундық жүйенің бұзылуы: Жиілігі белгісіз: аса жоғары сезімталдық, аллергия (есекжем, эритема, экзантема, қабыну, бөртпе, қышыну, ісіну) Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Ингредиенттердің концентрациясына байланысты артық дозаланған жағдайда ауыр жағымсыз әсерлер тудыратын маңызды жүйелік әсер күтілмейді.

Арнайы ескертулер Ангиновагтың жүктілік немесе бала емізу кезеңінде қолданылуы жөніндегі клиникалық деректер жоқ. Жүктілік Ангиноваг препаратын жүкті әйелдердің қолданғаны жөнінде деректер жоқ немесе шектеулі. Жүктілік кезінде Ангиноваг препаратын қолдану ұсынылмайды. Бала емізу Лидокаин емшек сүтімен бөлініп шығады. Дегенмен, Ангиноваг препаратының бала емізу кезінде қолданылуы бойынша зерттеулер жүргізілмеді. Лидокаин бауырда салыстырмалы түрде жылдам және толығымен дерлік метаболизденетіндіктен, емдік дозаларында емшек сүтіне лидокаиннің өте төмен деңгейлері экскрецияланады деп күтіледі. Емшек емудің бала үшін пайдасын және емдеудің анасы үшін пайдасын ескере отырып, бала емізуді тоқтату немесе Ангиноваг препаратымен емдеуді тоқтату туралы шешім қабылдау қажет. Препараттың көлікті немесе қауіптілігі зор механизмдерді басқару қабілетіне ықпал ету ерекшеліктері Ангиноваг автокөлікті немесе басқа потенциалды қауіпті механизмдерді басқару қабілетіне әсер етпейді немесе елеусіз әсер етеді.

Нұсқаулықта көрсетілмеген.

Ақпарат жоқ немесе өте шектеулі. Эноксолон Әдебиеттердегі деректерде жануарларда жүргізілген зерттеулерге сілтемелер берілген, оларда эноксолон мен гидрокортизонды бір мезгілде жергілікті қолдану гидрокортизонның теріге әсерін күшейтеді. Сондай-ақ, оның жүйелі сіңуі мен уыттылығын күшейтетін-күшейтпейтіндігін анықтау мүмкін болмады. Деквалиний хлориді Оның биожетімділігінің төмендігіне байланысты, деквалиний хлоридінің фармакокинетикалық қасиеттерін, оның дәрілік препараттармен өзара әрекеттесуі потенциалын немесе оның метаболизмі мен шығарылуын бағалау үшін зерттеулер жүргізілмеді. Жануарлардан алынған деректердің және оның клиникада қолданылуының ауқымды тәжірибесінің негізінде, пациенттерде деквалиний хлоридінің биожетімділігі төмен болады деп күтіледі. Гидрокортизон ацетаты Құрамында кобицистатты қоса, CYP3A тежегіштері бар препараттармен бір мезгілде емдеу жүйелі жағымсыз құбылыстардың қаупін арттырады. Өзара әрекеттесуді зерттеу жүргізілген жоқ. Ангиновагтың дозасы мен енгізілу тәсіліне байланысты, жүйелі түрде енгізілетін дәрілік препараттармен өзара әрекеттесулері өте аз деп есептеледі. Тиротрицин Тиротрициннің антисептикалық әсеріне байланысты, құрамында клостридиопептидаза немесе оның аналогтары бар препараттармен пайдалануға тыйым салынады. Лидокаин гидрохлориді Лидокаинмен белгілі өзара әрекеттесулер Ангиновагтың пероральді қолданылуына қатысты емес, әйтсе де, препараттың құрамында оның болуына байланысты, келесілерді ескеру керек: • Бета-адренорецепторлардың блокаторлары бауырлық қан ағымын, сәйкесінше, лидокаин метаболизмінің жылдамдығын төмендетеді, ол уыттылық қаупінің жоғарылауына алып келеді. Циметидин бауырдағы лидокаин метаболизмін тежеуі мүмкін, ол уыттылық қаупінің жоғарылауына алып келеді. • Амидтік типті басқа жергілікті анестетиктерге айқаспалы сезімталдық тудыруы мүмкін. • Мексилетин және прокаинамид сияқты, аритмияға қарсы III класты препараттар, фармакокинетикалық немесе фармакодинамикалық өзара әрекеттесулерінің потенциалына байланысты. • Р450 CYP1A2 және CYP3A4 цитохромының изоферменттері лидокаиннің фармакологиялық белсенді метаболиті MEGX түзілуіне қатысады, сондықтан, флувоксамин, эритромицин және итраконазол сияқты басқа препараттар, лидокаиннің плазмадағы концентрациясын арттыруы мүмкін. • Ангионовагты басқа жергілікті анестетиктермен бірге пайдалануға болмайды. Этанол Этанолдың болуы кейбір препараттардың әсерін өзгертуі немесе күшейтуі мүмкін.

Сақтау мерзімі 4 жыл. Жарамдылық мерзімі өткеннен кейін қолдануға болмайды. Сақтау шарттары 30°С-ден аспайтын температурада сақтау керек. Балалардың қолы жетпейтін жерде сақтау керек!