АНЗИБЕЛ спрей

Бір құтының ішінде: белсенді заттар: бензидамин гидрохлориді – 45.00 мг, хлоргексидин диглюконаты 20% ерітіндісі – 191.70 мг (0,18 мл) қосымша заттар: полиэтиленгликоль ПЭГ 600 (Макрогол), полисорбат 20 (Твин 20), поливинилпирролидон (Повидон ПВП К30), бұрыш жалбызы майы NAEFC 095***, глицерин, этил спирті, тазартылған су Сыртқы түрінің, иісінің, дәмінің сипаттамасы Жалбызға тән иісі бар мөлдір түссіз ерітінді.

• ауыру жағдайларын жеңілдету және ауыз қуысы мен тамақтың шырышты қабығының қабынуын емдеуде (фарингит, тонзиллит, стоматит, афтозды ойық жаралар, глоссит, гингивит) • ауыз қуысының инфекциясын емдеу және антисептик ретінде асқынулардың профилактикасы үшін • периодонтальді араласулар мен хирургиялық ем шараларға дейін және одан кейін қабынудың профилактикасында және ауыру жағдайды жеңілдетуде • тіс өңезі түзілуінің профилактикасында • консервативті стоматологиялық емдеуде және тіс жұлғанда қосымша ем ретінде • ауыз қуысының гигиенасын сақтау мақсатында Қолдану басталғанға дейін қажетті мәліметтер тізбесі

Нұсқаулықта көрсетілмеген.

Дозалау режимі АНЗИБЕЛ® ауыз қуысына арналған спрейі жергілікті әсер ететін дәрі болып табылады. Ауыз қуысын өңдегеннен кейін ерітіндіні жұтуға болмайды. Ересектер мен 12 жастан асқан балалар: Препаратты тікелей ауыз қуысы мен тамақтың шырышты қабығына бүрку арқылы қолданады. Доза 5-10 бүркуді құрайды. Қажет болса, ем шара әр 1,5-3 сағат сайын қайталанады. 6 жасқа дейінгі балалар: АНЗИБЕЛ® ауыз қуысына арналған спрейінің әдеттегі дозасы 6 жастан асқан балаларға тамақты/қабынған аймақты тікелей өңдеу үшін күніне 1,5 - 3 сағат сайын 5 бүрку болады. Енгізу әдісі мен жолы АНЗИБЕЛ® ауыз қуысына арналған спрейін сұйылтпай қолдану керек. Алғаш рет қолданған кезде тұрақты шашыратуға қол жеткізілгенге дейін бүріккіш-помпаға бірнеше рет басу керек (ерітіндінің бетке шашырап кетпеуін болдырмау үшін оны дұрыс қолдану керек). Ауызды кеңінен ашып, қондырғыны ауыз қуысына енгізіп және ауыз қуысының кем дегенде 4 түрлі нүктесіне бүрку қажет. Қолданғаннан кейін құтыны түпнұсқалық қаптамасында тік күйінде сақтау керек. Препаратпен емдеу кезеңінде оның құрамындағы хлоргексидин тіс өңезінің түзілуін және гингивит симптомдарының ауырлығын төмендетеді. Ауыз қуысының гигиенасына балама ретінде пайдаланған кезде препаратты ауыз қуысында кемінде 1 минут ұстау керек. Хлоргексидиннен туындаған тіс эмалінің боялуын мейлінше азайту үшін қолданар алдында тісті тазалау ұсынылады. Қабылдау уақыты көрсетілген қолдану жиілігі Доза 5-10 бүркуді құрайды. Емдеу ұзақтығы Қолдану ұзақтығы бар көрсетілімдерге байланысты жекелей анықталады.

• бензидаминге, хлоргексидинге немесе қосымша заттардың кез келгеніне аса жоғары сезімталдық • жүктілік және бала емізу кезеңі • 6 жасқа дейінгі балалар

АНЗИБЕЛ® әдетте жағымдылығы жақсы, жағымсыз әсерлер аз. Әдетте тек жергілікті жағымсыз әсерлер байқалады, жүйелі әсерлер байқалмайды немесе ауыр болып табылмайды. Өте жиі - дәм сезудің уақытша бұзылуы - бөртпемен, есекжеммен, фотодерматитпен, ауыз қуысы шырышының десквамациясымен (қабыршақтануымен) қатар жүретін тітіркенуден, қышынудан туындаған тері реакциялары. Жиі - ауыздағы шаншу және күйдіру сезімі - жүректің айнуы, құсу - дәм сезудің өзгеруі, тіс пен ауыз қуысының басқа беткейлерінің боялуы; тіс тасы түзілуінің артуы сияқты басқа да жағымсыз әсерлер әдетте сирек туындайды. Тістің боялуы зиянсыз болып табылады және препаратты қолданар алдында әдеттегі тіс тазалау арқылы мейлінше азайтуға болады. Өте сирек - аллергиялық реакция, аса жоғары сезімталдық және анафилаксия - құлақ маңы сілекей безінің өтпелі ісінуі - ларингоспазм, бронх түйілуі - ауыздың құрғауы немесе шөлдеу, шаншу, ауыздағы балғындық сезімі. Белгісіз - бас айналу, бас ауыруы, ұйқышылдық - жұтқыншақтың шырышты қабығының тітіркенуі, жөтел - ауыздың құрғауы. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Ұсынылған қолдану әдісінде артық дозалану мүмкін емес. Симптомдары: АНЗИБЕЛ® ішке қате/кездейсоқ қабылданған жағдайда аса жоғары сезімталдық реакциялары, жағымсыз әсерлер тудыруы мүмкін. Емі: симптоматикалық. Спецификалық антидот жоқ.

Сыртқа қолдануға арналған. Препарат тек қана ауыз қуысында қолданылады; көз бен құлаққа тигізуге болмайды. Көзге тиген жағдайда судың көп мөлшерімен шаю қажет. Тіл мен тістің қайтымды боялуын тудыруы мүмкін. Қолданар алдында бояғыш әсерін барынша төмендету үшін тісті тазалаған жөн. Егер тамақтың ауыруы бактериялық инфекциядан туындаған болса, бактерияға қарсы препараттарды қосымша қабылдау мүмкіндігін қарастырған жөн. Бензидамин бауырда белсенді метаболизденеді; бензидамин және оның метаболиттері бүйрек арқылы шығарылады. Сондықтан бүйрек және бауырдың ауыр жеткіліксіздігі бар пациенттерде препараттың жүйелі түрде сіңуі мүмкін болғандықтан сақтықпен қолдану керек. Ацетилсалицил қышқылына немесе басқа ҚҚСП аса жоғары сезімталдығы бар пациенттерде бензидаминді қолдану ұсынылмайды. Бронх демікпесі бар немесе анамнезінде болған пациенттерде бронх түйілуі туындауы мүмкін. Мұндай пациенттерге қатысты сақтық таныту керек. Арнайы ескертулер Балалар Клиникалық зерттеулердің жеткілікті санының болмауына байланысты 6 жасқа дейінгі балаларда АНЗИБЕЛ® ауыз қуысына арналған спрейін қолдану ұсынылмайды. Егде жастағы пациенттер Егде жастағы пациенттер үшін ересектер сияқты бірдей дозалар қолданылады. Бауыр/ бүйрек жеткіліксіздігі бар пациенттер Бүйректің ауыр дисфункциясы немесе бауырдың ауыр дисфункциясы бар пациенттерде сақтықпен қолдану керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Зейін қоюды талап ететін автомобиль мен механизмдерді басқару қабілетіне қандай да бір қолайсыз әсер байқалмады.

Жүктілік Жүкті әйелдерде препаратты қолдану қауіпсіздігі жөнінде деректер жоқ. Жүктілік кезінде АНЗИБЕЛ® ауыз қуысына арналған спрейін қолдануға болмайды. Бала емізу Препаратты бала емізетін әйелдерде қолдану қауіпсіздігі жөнінде деректер жоқ. Препарат лактация кезеңінде әйелдерге қолдануға болмайды.

АНЗИБЕЛ® препаратының басқа препараттармен белгілі өзара әрекеттесуі жоқ. Препараттың белсенді компоненті хлоргексидин: - сабынмен және басқа анионды қосылыстармен - катионды және иондық емес беткейлік-белсенді заттармен (бірақ жоғары концентрацияда бірге пайдаланған кезде, мицеллярлық байланысқа байланысты хлоргексидин белсенділігі төмендеуі мүмкін). - гуммиарабик, натрий альгинаты, натрий карбоксиметилцеллюлозасы, крахмал және гумми трагачанта сияқты анионды полиэлектролиттермен, себебі әсердің төмендеуі байқалады - бриллиантты көкпен, хлорамфениколмен, мыс сульфатымен, натрий флуоресцеинімен, формальдегидпен, күміс нитратымен, мырыш сульфатымен үйлесімсіздігі бар. Хлоргексидинді кермек сумен сұйылтқан кезде ерімейтін тұздар түрінде тұнба түзуі мүмкін, себебі ол Ca және Mg катиондарымен өзара әрекеттеседі. Хлоргексидин тұздарының ерігіштігі цетримид және лиссапол NX сияқты беткейлік белсенді заттардың көмегімен артады. Егер хлоргексидин тұздарының ерітінділері концентрациясы 0,05%-дан асатын бензоаттармен, бикарбонаттармен, карбонаттармен, бораттармен, нитраттармен, фосфаттармен, сульфаттармен біріктірілсе, олар шөгеді, себебі анағұрлым аз еритін тұздар түзеді. Цетримид осы тұздардың ерігіштігін арттыратындықтан, олар цетримидпен бірге шөкпейді. Хлоргексидин глюконаты цетримидпен және бензалконий хлоридімен үйлесімді. Синергиялы түрде әсер ете отырып, олар бактерицидтік әсерді күшейтеді. Хлоргексидин мен оның тұздары, хлоргексидин глюконатын қоспағанда, суға қарағанда спиртте жақсы ериді. Хлоргексидин глюконаты ерітіндісіне спиртті қосқан кезде тұнба түзуі мүмкін. Бензидаминнің дәрілік өзара әрекеттесуі анықталмаған.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25 °C-ден аспайтын температурада сақтау керек. Балалардың қолы жетпейтін жерде сақтау керек!