Антиполлин жусан таблетки

Бір таблетканың құрамында белсенді зат – жусан тозаңынан негізгі аллергеннің экстракты 0.0001 PNU – 1000 PNU, қосымша заттар: аскорбин қышқылы, қант, тальк. Сыртқы түрінің, иісінің, дәмінің сипаттамасы Тегіс беткейлі, крем реңдес, ақ түсті таблеткалар.

Аллергиялық ринит, аллергиялық конъюнктивит, есекжем, бронх демікпесі, жусан тозаңына жоғары сезімталдығы бар пациенттерде клиникалық көріністері бар маусымдық поллинозы бар ересектерде, балаларда, 5 жастан 60 жасқа дейінгі жасөспірімдерде арнайы иммунотерапия аллергендерін жүргізу үшін.

Антиполлин жусан иммунтерапиялық әсер береді, жусан тозаңының аллергиялық әсер етуіне организмнің осы аллерген түріне орай әрекеті сипатын өзгерту жолымен тұрақты организм иммунитеті қалыптасуын қамтамасыз етеді. Аллергеннің суббукальді спецификалық иммунотерапия жүргізу кезіндегі әсер етуінің нақты механизмі соңына дейін айқын емес. Әсер етуінің басы науқастар реагиндерімен (спецификалық IgE бөгде денелер) өзара әрекеттесетін протеинді-полисахаридті кешен болып табылады, оның нәтижесінде: — "бөгегіш антидене" рөлін атқаратын спецификалық антидене (IgG4) түзіледі; — плазмада спецификалық IgE деңгейі ұзақ уақытқа төмендейді; — аллергиялық реакцияға қатысатын жасушалар реактивтілігі төмендейді; — IgE өнімдерін реттейтін цитокин өнімдерінің оңды өзгеруіне (IL-4 төмендеуі мен γ-интерферонның жоғарылауына) әкелетін Th2 мен Тh1 Т-лимфоциттері және де Th0 Т-лимфоциттері арасында өзара әрекеттесу белсенділігі артады. Сонымен қатар, суббукальді аллерген – спецификалық иммунотерапия иммунды жауапты туындатады, бұл иммунобиологиялық жадыны ұзақ уақыт бойы ұстап тұруға мүмкіндік береді. Емдеуді аурудың ерте мерзімдерінде бастаған кезде суббукальді иммунотерапияның тиімділігі жоғары болады. Клиникалық тиімділігі және қауіпсіздігі Клиникалық зерттеулер жүргізген кезде ересектер мен балаларда 5 жастан бастап маусымдық поллинозы және клиникалық көрінісі бар аллергиялық ринит, аллергиялық конъюнктивит, есекжем, бронх демікпесі, жусан тозаңына жоғары сезімталдығы бар пациенттерде Антиполлин жусан препаратының тиімділігі мен қауіпсіздігі зерттелді. Антиполлин жусан дәрілік препаратын қолдануда поллиноздың айқын симптомдарын, бронх тарылуының жиілігін, ринореяны, қышынуды, көз шырышы тарапынан реакцияларды, елеулі төмендетуге және тоқтауға, пациенттің өмір сүру сапасын жақсартуға алып келді. Препараттың тиімділігін бағалау визуалды-аналогтық шкала бойынша жүргізілді. Ересектер мен балаларда Антиполлин жусан препаратымен емдеуде өте жақсы және жақсы нәтижелер алынды. Препарат сонымен қатар жақсы төзімділік пен қауіпсіздікке ие.

Дозалану режимі Дәрігер-аллерголог әр науқасқа емді жусанның гүлденуі басталудан кем дегенде 2 ай бұрын тағайындайды. Антиполлин жусанды тамақтануға дейін, сублингвальді, тіл астына салып, су ішпестен толық ерігенге дейін қабылдайды. Емдеуді аллергеннің ең аз дозасынан блистер №1- 0,0001 PNU, блистер №2- 0,001 PNU, блистер №3- 0,01 PNU, блистер №4- 0,1 PNU, блистер №5- 1 PNU, блистер №6- 10 PNU, блистер №7- 100 PNU, блистер №8- 1000 PNU, блистер №9- 1000 PNU бастайды. Жусан тозаңынан алынған аллергеннің ең жоғары тәуліктік дозасы 1000 PNU. Емдеу үш кезеңнен тұрады: Бастапқы ем Блистер №1 (0,0001 PNU) - күн сайын 1 таблеткадан, 6 күн бойы; Блистер №2 (0,001 PNU) - күн сайын 1 таблеткадан, 6 күн бойы; Блистер №3 (0,01 PNU) - күн сайын 1 таблеткадан, 6 күн бойы; Блистер №4 (0,1 PNU) - күн сайын 1 таблеткадан, 6 күн бойы; Блистер №5 (1 PNU) - күн сайын 1 таблеткадан, 6 күн бойы; Негізгі ем Блистер №6 (10 PNU) - күн сайын 1 таблеткадан, 6 күн бойы; Блистер №7 (100 PNU) - күн сайын 1 таблеткадан, 6 күн бойы; Блистер №8 (1000 PNU) - 1 таблеткадан күнара, 11 күн бойы; Демеуші ем Блистер №9 (1000 PNU) - 1 таблеткадан 1 немесе 2 күн сайын, 11/16 күн бойы. Дәрігер-аллерголог науқастың таблетка қабылдап жүрген кезеңдегі жағдайына қарай емдеу сызбасын түзетуі мүмкін. Емдеу ұзақтығы Маусым аралық бірнеше курстан өту ұсынылады. Дәрілік препараттың бір немесе бірнеше дозасын өткізіп алғанда қажетті шаралар Емдеу курсында үзіліс жасау ұсынылмайды. Егер үзіліс 7 күннен артық болса, емдеуші дәрігер-аллергологқа қаралу керек. Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар Дәрілік препаратты дәрігер-аллерголог тағайындайды. Дәрілік препаратты медициналық қолдану жөніндегі нұсқаулықты орындаңыз. Дәрілік препаратты қолдану тәсілін анықтау үшін емдеуші дәрігер-аллергологтан кеңес алу керек.

- әсер етуші затқа немесе қосымша заттардың кез келгеніне аса жоғары сезімталдық - 5 жасқа дейінгі балалар - 60 жастан асқан пациенттер - поллиноздың өршуі - өкпе функциясы төмендеген ауыр бронх демікпесі (ҚДК 1<70%) - аутоиммунды аурулар - иммун тапшылығы жағдайы - жедел инфекциялар - орналасымы кез келген туберкулездің өршу кезеңінде - қатерлі жаңа түзілімдер және қан аурулары - декомпенсация сатысындағы созылмалы аурулар - жүрек-қан тамыр аурулары - өршу кезеңіндегі психикалық аурулар - эндокринді ағзалар аурулары (зоб, қант диабеті) - жүктілік және лактация кезеңі - қант диабеті

Сирек - жергілікті реакциялар: ауыз қуысының қышынуы, ісіну, ауыз қуысы мен тамақта жайсыздықты сезіну, сілекей бездері жұмысының бұзылуы (сілекей бөлінудің күшеюі немесе ауыздың құрғауы) Өте сирек - жүйелі реакциялар: негізгі аурулардың өршуі (ринит, конъюнктивит, демікпе, есекжем, бронхит) Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: «Қазақстан Республикасы Денсаулық сақтау министрлігі Медициналық және фармацевтикалық бақылау комитеті» «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалану жағдайлары анықталмаған. Дозаны шамадан тыс қабылдау жергілікті және жүйелі аллергиялық реакциялар туындатуы мүмкін. Симптомдары: жағымсыз әсерлерінің күшеюі. Емі: емдеуді тоқтатып, антигистаминді препаратты қабылдау және емдеуді түзету үшін емдеуші дәрігерге қаралу қажет.

Ауыз қуысында қышу, ісіну, ауыз қуысы мен жұлдыруда ыңғайсыздық сезімі, сілекей бездерінің бұзылуы, негізгі аурудың өршуі (ринит, конъюнктивит, астма, есекжем, бронхит) пайда болған кезде емдеуді тоқтату, антигистаминді қабылдау және емдеуді түзету үшін емдеуші дәрігермен кеңесу керек. Менструация кезінде әйелдерге емдеуде қысқа үзіліс жасау ұсынылады. Таблеткаларды қабылдау күндері алкогольді қолданбаңыз. Арнайы сақтандырулар Ауыз қуысында қышыну, ісіну, ауыз қуысы мен тамақта жайсыздықты сезіну, сілекей бездері жұмысының бұзылуы, негізгі аурулардың өршуі (ринит, конъюнктивит, демікпе, есекжем, бронхит) пайда болған кезде емдеуді тоқтатып, антигистаминді препаратты қабылдау және емдеуді түзету үшін емдеуші дәрігерге қаралу қажет. Әйелдерде етеккір кезінде, емдеуде қысқа үзіліс жасау ұсынылады. Педиатрияда қолдану 5 жасқа дейінгі балаларға қолдануға болмайды.

Антиполлин жусан дәрілік препараты жүктілік және лактация кезеңінде қолдануға болмайды. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Дәрілік препараттың жағымсыз әсерлерін ескере отырып, көлік құралын немесе қауіптілігі зор механизмдерді басқаруда сақ болған жөн.

Кортикостероидтарды (гормондар), β-адреноблокаторларды қолдану ұсынылмайды. Емдеуді мынадай кезеңмен жүргізген жөн: туберкулин сынамасынан кейін 1 аптадан соң, белсенділігі жойылған вакциналарды қолданудан және антигистаминді препараттармен емдеуден кейін 2 аптадан соң, тірі вакциналарды қолданудан кейін 4 аптадан, БЦЖ вакциналарын қолданудан кейін 8-12 аптадан соң.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 10 ºС-ден 25 ºС-ге дейінгі температурада сақтау керек. Балалардың қолы жетпейтін жерде сақтау керек!