Антраль таблетки 0.2 г

Бір таблетканың құрамында белсенді зат - құрғақ затқа шаққанда антраль - 0,2 г; қосымша заттар: магний карбонаты ауыр, картоп крахмалы, кросповидон XL 10 (Polyplasdone XL 10), микрокристалды целлюлоза 101, повидон К 29/32, полисорбат-80 (твин-80), сусыз коллоидты кремнийдің қостотығы, кальций стеараты, қабықтың құрамы: Opadry II 85 G18490 white: поливинилді спирт, полиэтиленгликоль, тальк, лецитин, титанның қостотығы (Е 171), Opadry II 85 G25557 red: кармоизин алюминий лагы (Е 122), FD&C көгілдір #2 алюминий лагы (Е 132), темірдің (III) қызыл тотығы (Е 172), титанның қостотығы (Е 171), лецитин, полиэтиленгликоль, тальк, поливинил спирті. Сыртқы түрінің, иісінің, дәмінің сипаттамасы Екі беті дөңес дөңгелек пішінді, қою қызыл түсті үлбірлі қабықпен қапталған таблеткалар.

Кешенді емнің құрамында: • шығу тегі әртүрлі жедел және созылмалы гепатиттер (вирусты, алкогольді, дәрі-дәрмектік, уытты) • майлы дистрофия және бауыр циррозы • өт қабы, көк бауыр, ұйқы безінің қабынбалы аурулары • холецистэктомиядан кейінгі синдром (өт қабын алып тастағаннан кейін) • шығу тегі әртүрлі уыттардың: дәрілік заттар, химиотерапия, сәулемен емдеудің теріс әсерінің салдарынан болған бауыр ауруларының профилактикасы.

Антраль гепатопротекторлық препараттар тобына жатады. Антральдің гепатопротекторлық әсері антиоксидантты, жарғақша тұрақтандырушы және қабынуға қарсы әсерімен анықталады. Препараттың антиоксидантты әсер етуінің тетігі оның құрамына кіретін алюминий, сондай-ақ N-фенилантранил қышқылының қасиеттеріне байланысты. Антраль липидтердің сулы асқын тотықтары жинақталуына кедергі етеді, қандағы және тіндердегі бос радикалдарды бейтараптандырады, организмнің эндогенді антиоксидантты жүйесін белсендендіреді. Препарат гепатоциттер мен купфер жасушаларының ядролық компоненттері зақымдануы дәрежесін азайтады, бауырда репаративтік үдерістерді ынталандырылады. Антральдің қолданылуы бауырдың гликоген синтетикалық, ақуыз синтетикалық және липотропты қызметінің қалпына келуіне ықпал етеді, цитохромдар жүйесі белсенденуі есебінен тіндік тыныстау үдерістерін ынталандырады, ол қуат алмасуы және гепатоциттердің монооксигеназалы жүйелерінің қызмет етуі қалыпты болуына және бауырдың уыттануына қарсы қызметтің артуына әкеледі. Антральдің қабынуға қарсы тетігі препараттың простагландиндер мен қабынудың басқа медиаторларының синтезін азайта отырып циклооксигеназаны тежеуге, сондай-ақ бос-радикалды тотығу үдерістерінің бәсеңдеуіне және бос радикалдарын бейтараптандыру үдерістерінің күшеюіне негізделген. Бұл ретте жасушалық жарғақшалардың өткізгіштігін төмендетеді, цитолитикалық синдром айқындылығы азаяды және гепатоциттердің деструкциясына жол берілмейді. Қабыну үдерісі дамуына препараттың лизосомальді ферменттер жарғақшасын тұрақтандыру, АТФ түзілуін және қабыну ошағына жасушалар көшуін азайту, базофильді гранулоциттердің түйіршіксізденуін тежеу қабілеті кедергі етеді. Шығу тегі әр түрлі жедел және созылмалы гепатиттерді, бауыр цирроздарын емдеуде тиімді, астеновегетативті бұзылулардың азаюына, тәбетті, ұйқыны жақсартады, диспепсиялық құбылыстардың азаюына ықпал етеді. Препаратты курспен қолданғанда қандағы билирубин, γ-глобулиндер, холестерин құрамын, протромбинді индексін, трансаминазалар (АлАТ пен АсАТ) және сілтілі фосфатаза белсенділігін қалыпты етеді. Клиникаға дейінгі зерттеулердің нәтижесі бойынша Антраль бауырдың түрлі ксенобиотиктер және олардың бірігулерімен жедел, жеделге жуық және созылмалы зақымдануы жағдайында гепатотоксиндер әсерінің салдары әлсіреуіне, гепатоциттердегі репаративтік үдерістерінің белсенденуіне және бауырдың құрылымдық-функционалды көрсеткіштерінің іс жүзінде қалыптануына ықпал етеді. Антраль организм ағзалары мен жүйелерінің функциясын бұзбайды, препараттың жинақталу қасиетіне иеленбеген, иммуноуытты, аллергенді, ульцерогенді, эмбрионуытты, тератогенді әсері жоқ. Егеуқұйрықтарға жүргізілген клиникаға дейінгі зерттеулерінде Антраль этиологиясы әртүрлі тәжірибелік созылмалы панкреатит аясында қабыну үдерісінің айқындылығын азайтты, ұйқы безінің экзокриндік функциясын жақсартты, про- және антиоксиданттық жүйелердің, оның ішінде глутатион жүйесінің (қан сарысуында да, ұйқы безінің тіндерінде де) жалпы маркерлерінің теңгерімін түзетті, сондай-ақ ұйқы безінің ацинустарының цитоархитектоникасын жақсартты, фиброз көріністерін азайтты. Зерттеулер нәтижелері бойынша, дозасына қарамастан Антраль супероксиддисмутаза белсенділігін интактілі қалып шегі деңгейіне дейін қалпына келтіруге қабілетті.

Дозалау режимі Антральді ересектерге ас ішкеннен кейін судың жеткілікті мөлшерімен бірге күніне 3 рет ішу үшін тағайындайды: • гепатобилиарлы жүйе ауруларын емдеу және профилактика үшін бір рет қабылдауға 200 мг (1 таблетка); • бауыр циррозы кезінде: емдеудің алғашқы аптасында – бір қабылдауға 400 мг (2 таблетка), содан кейін 2-3 апта бойы – бір қабылдауға 200 мг (1 таблетка). Емдеудің ұзақтығы аурудың сипаты және ауырлығына байланысты. Енгізу әдісі және жолы Судың жеткілікті мөлшерімен бірге ішу арқылы күніне 3 рет қабылдау керек. Қабылдау уақыты көрсетілген қолдану жиілігі Антраль препаратымен емдеудің орташа курсы 3-4 аптаны құрайды. Емдеу курсы 3-4 аптадан соң қайталануы тиіс.

• препараттың құрамдас бөліктеріне жеке жоғары сезімталдықта • бүйректің бөлу қызметі бұзылуында • жүктілік және лактация кезеңінде • 18 жасқа дейінгі балалар және жасөспірімдер

• Бірлі-жарым жағдайда: -әлсіздік, бас айналуы, диспепсиялық құбылыстар, жүрек айнуы, іштің ауыруы, диарея, ол препаратты қолдануды тоқтатқаннан кейін басылады. - аллергиялық реакциялар, оның ішінде, тері бөртулері, есекжем, ангионевроздық ісіну, терінің қызаруы және қышынуы. Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жағымсыз реакциялардың күшеюі. Емі: асқазанды шаю және (қажет болғанда) симптоматикалық емдеу жүргізу керек.

Арнайы ескертулер Қосымша заттардың құрамына (Е122) және (Е 132) бояғыштары кіруіне байланысты, Антраль препаратын 18 жасқа дейінгі балалар мен жасөспірімдерге қолдануға болмайды. Педиатрияда қолданылуы Препаратты 18 жасқа дейінгі балалар және жасөспірімдерге қолданбайды. Препараттың көлік құралдарын және әлеуетті қауіпті механизмдерді басқару қабілетіне әсер ету ерекшеліктері Әсер етуі туралы деректер жоқ, алайда жүргізушілер мен күрделі механизмдердің операторларына бас айналуы өршуі ықтималдығын ескерген жөн.

Қолдану тәжірибесі шектеулі болуына байланысты препаратты жүктілік немесе бала емізу кезінде тағайындау ұсынылмайды.

Антраль бактерияға қарсы, уытсыздандырушы, өт айдағыш, дәрумендік препараттармен жақсы бірлеседі, бұл оны емдік терапия кешеніне қосуға мүмкіндік береді. Антральді бір мезгілде қолданғанда бауыр циррозы бар пациенттердің стероидті және цитостатикалық препараттардың белсенділігіне әсер етпейді; емдеудің тиімділігін бұдан әрі төмендетусіз стероидтардың бұрын қолданылған дозасының азайтылуына (50-70 %-ға дейін) жол беріледі.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 25 ºС-ден аспайтын температурада сақтау керек. Балалардың қолы жетпейтін жерде сақтау керек!