Апвардитм таблетки 50 мг/100 мг

Бір таблетканың құрамында белсенді зат – даникопан 50 мг (50 мг доза үшін) Бір таблетканың құрамында белсенді зат – даникопан 100 мг (100 мг доза үшін) қосымша заттар: таблетка ядросы: гипромеллоза ацетат сукцинаты, лактоза моногидраты, микрокристалды целлюлоза, натрий кроскармеллозасы, натрий лаурилсульфаты, сусыз коллоидты кремнийдің қостотығы, магний стеараты Таблетка қабығы (Оpadry II ақ 85F18422): поливинил спирті, титанның қостотығы (E171), макрогол 4000, тальк Сыртқы түрінің, иісінің, дәмінің сипаттамасы Дөңгелек, ақ немесе ақ дерлік түсті үлбірлі қабықпен қапталған, бір жағында «50» үстінде «DCN» нақыштамасы бар және екінші жағы тегіс таблеткалар (50мг доза үшін). Дөңгелек, ақ немесе ақ дерлік түсті үлбірлі қабықпен қапталған, бір жағында «100» үстінде «DCN» нақыштамасы бар және екінші жағы тегіс таблеткалар (100мг доза үшін).

Апвардитм препараты равулизумабқа немесе экулизумабқа қосымша ем ретінде сақталған гемолиздік анемия кезінде пароксизмальді түнгі гемоглобинуриямен (ПТГ) ауыратын ересек пациенттерді емдеу үшін қолданылады.

ATХ коды L04AJ09 Әсер ету механизмі Даникопан D комплемент факторымен (FD) қайтымды байланысады және FD функциясының селективті тежегіші ретінде әрекет етеді. FD тежеу арқылы даникопан комплемент жүйесін іске қосудың балама жолын таңдамалы түрде бөгейді, бұл комплементті іске қосудың балама жолын іске қосқаннан кейін C3 комплемент компонентінің фрагменттерін қамтитын бірнеше эффекторлардың түзілуіне жол бермейді. Комплементті іске қосудың тағы екі жолы (классикалық және лектиндік) белсенді болып қалады. Даникопанның баламалы жолды іске қосуға тежегіш әсері ПТГ кезінде эритроциттерде С3 фрагменттерінің шөгуіне жол бермейді; бұл экстраваскулярлық гемолиздің (ЭВГ) негізгі себебі болып табылады, ол C5 тежегіштерімен емдеуде ПТГ бар пациенттердің шағын тобында клиникалық маңызды болуы мүмкін. C5 тежелуін демеу ПТГ себебі болып табылатын комплементтің терминалдық компонентін іске қосудың өмірге қауіпті патофизиологиялық салдарын бақылауды қамтамасыз етеді. Фармакодинамикалық әсерлері Равулизумабқа немесе экулизумабқа қосымша ем ретінде даникопан алған клиникалық айқын ЭВГ бар ПТГ шалдыққан пациенттердегі клиникалық зерттеуде даникопан комплементті іске қосудың балама жолының күтілетін тежелуін, плазмадағы Bb фрагменті деңгейінің төмендеуін (D факторының әсерінен B комплемент факторының ыдырау өнімі), сондай-ақ жүйелі қан ағымындағы ПТГ кезінде эритроциттерде комплемент компонентінің C3 фрагменттері шөгуінің төмендеуін көрсетті. Жүректің электрофизиологиялық көрсеткіштері Даникопанның бір дозасын 400 мг, 800 мг немесе 1200 мг ішке қабылдау QTc аралығының ұзаруына әкелмеді. Электрокардиограмма аралықтарына немесе толқын пішінінің ауытқуларына қатысты ешқандай үрей сигналдары тіркелген жоқ. Клиникалық тиімділігі мен қауіпсіздігі Клиникалық айқын ЭВГ бар ПТГ шалдыққан ересек пациенттердегі даникопанның тиімділігі мен қауіпсіздігі көп орталықты, рандомизацияланған, салыстырмалы жасырын, плацебо бақыланатын III фазадағы зерттеу (ALXN2040-PNH-301) шеңберінде бағаланды. Зерттеуге анемиямен (гемоглобин [HGB] ≤95 г/л [5.9 ммоль/л]) және гемотрансфузияға қарамастан ≥120×109/л ретикулоциттердің абсолютті санымен кем дегенде алдыңғы 6 ай ішінде равулизумаб немесе экулизумабтың тұрақты дозаларымен ем алған ПТГ шалдыққан 86 пациент енгізілді. Даникопан 4.2 бөл. көрсетілген дозалау жөніндегі нұсқауларға сәйкес қолданылды (тәулігіне үш рет 150 мг, клиникалық жауапқа байланысты тәулігіне үш рет 200 мг аспайтын ең жоғары доза). Пациенттер анамнездегі вакцинацияға қатысты бағаланды; егер соңғы 3 жылдағы вакцинация статусын растау мүмкін болмаса, олар даникопанмен емдеу басталғанға дейін немесе басталған кезде менингококк инфекциясына қарсы вакцинациялануы керек еді. Пациенттер екі топтағы негізгі равулизумаб немесе экулизумаб терапиясынан басқа, 12 апта бойы тәулігіне үш рет 2:1 қатынасында даникопан немесе плацебо алу үшін топтарға рандомизацияланды. 12 аптадан кейін барлық пациенттер 24 аптаға дейін равулизумаб немесе экулизумаб негізгі емімен біріктірілген қосымша ем ретінде даникопан алды. Емдеу кезеңінің соңында (24-апта) пациенттерге ұзақ мерзімді бақылау тиімділігін зерттеуге (LTE) қатысу ұсынылды, онда пациенттер равулизумабпен немесе экулизумабпен негізгі еммен біріктіріп даникопан алды. Демографиялық немесе бастапқы сипаттамалар емдеу топтары арасында жалпы теңдестірілген. Даникопан тобындағы және плацебо бақылау тобындағы пациенттерде ПТГ анамнезі ұқсас болды. Пациенттердің орташа жасы 52.8 жасты құрады, пациенттердің көпшілігі әйелдер болды (62.8%). Гемоглобиннің орташа бастапқы деңгейі 77.5 г/л [4.81 ммоль/л], ретикулоциттердің орташа саны 239.40×109/л құрады. Препараттың бірінші дозасын қабылдағанға дейін 24 апта ішінде 76 пациентке (88.4%) эритроциттік масса/толық қан құю қажет болды, трансфузиялардың орташа саны 2.6 құрады. Лактатдегидрогеназаның (ЛДГ) орташа деңгейі 298.13 бірл/л құрады, созылмалы ауру терапиясының функционалдық бағалау сауалнамасының (FACIT-Fatigue) қажу шкаласы бойынша орташа көрсеткіші 33.24-ке тең болды. Зерттеуге равулизумабпен ем алған 51 пациент (59.3%) және экулизумабпен ем алған 35 пациент (40.7%) қатысты. Бастапқы соңғы нүкте 12-ші аптадағы гемоглобин деңгейінің бастапқы деңгейге қатысты өзгеруі болды. Екінші соңғы нүктелер: гемоглобин деңгейі ≥20 г/л [1.2 ммоль/л] жоғарылаған пациенттердің 12-ші аптада гемотрансфузия болмаған кездегі үлесі; 12 апта ішінде гемотрансфузияны қажет етпейтін пациенттердің үлесі (гемотрансфузияны болдырмау мүмкіндігі); созылмалы ауруды емдеудің функционалдық бағалау сауалнамасының қажу шкаласы бойынша бастапқы деңгейге қатысты көрсеткіштің өзгеруі (FACIT-Fatigue) және 12-ші аптадағы ретикулоциттердің абсолютті санының бастапқы деңгейге қатысты өзгеруі. Гемотрансфузияға жол бермеу мүмкіндігіне тек гемотрансфузия алмаған және 12 апта ішінде емдеу кезеңі аяқталғанға дейін зерттеуге енгізу кезінде хаттамада көрсетілген гемотрансфузия жөніндегі нұсқауларға сәйкес келмеген пациенттерде ғана қол жеткізілді деп есептелді. Тиімділіктің алғашқы дәлелі рандомизацияланған алғашқы 63 пациент 12 апталық емдеу кезеңінің соңына жеткенде (емдеуді аяқтаған немесе тоқтатқан) алдын ала талдау деректеріне негізделген. Даникопан равулизумабқа немесе экулизумабқа қосымша ретінде бастапқы соңғы нүктеде равулизумабқа немесе экулизумабқа қосымша ретінде плацебодан асып түсті және бастапқы деңгейге қатысты 12-ші аптада гемоглобин деңгейінің статистикалық маңызды жоғарылауына әкелді. Ең кіші (ЕК) квадраттар әдісімен есептелген бастапқы деңгейден гемоглобин деңгейінің өзгеруінің орташа мәні плацебо тобындағы 5.0 г/л [0.31 ммоль/л] салыстырғанда даникопан тобында 29.4 г/л [1.82 ммоль/л] болды. Емдеу топтары арасындағы айырмашылық 24.4 г/л [1.51 ммоль/л] (95% СА: 1.69 [1.05], 3.20 [1.99]; p<0.0001). Даникопан тобында плацебо тобымен салыстырғанда барлық төрт қайталама соңғы нүктелер бойынша статистикалық маңызды жақсару байқалды: гемоглобин деңгейінің жоғарылауына ≥20 г/л [1.2 ммоль/л] гемотрансфузиясыз қол жеткізген пациенттердің үлесі (0%-бен салыстырғанда 59.5%, емдеу топтары арасындағы айырмашылық: 46.9 [95% СА: 29.2, 64.7]; p<0.0001); гемотрансфузиядан аулақ болу мүмкіндігі бар пациенттердің үлесі (38.1%-бен салыстырғанда 83.3%, емдеу топтары арасындағы айырмашылық: 41.7 [95% СА: 22.7, 60.8]; p=0.0004); FACIT-Fatigue шкаласы бойынша көрсеткіштің өзгеруі (1.85-пен салыстырғанда 7.97, емдеу топтарының арасындағы айырмашылық: 6.12 [95% СА: 2.33, 9.91]; p=0.0021) және ретикулоциттердің абсолютті санының өзгеруі (-83.8 3.5-пен салыстырғанда, емдеу топтарының арасындағы айырмашылық: -87.2 [95% СА: -117.7, -56.7]; p<0.0001). Барлық рандомизацияланған пациенттердің деректеріне негізделген 12-аптадағы қосымша нәтижелер (n=86) бастапқы тиімділікті талдау нәтижелеріне сәйкес келеді (n=63). Даникопан равулизумабқа немесе экулизумабқа қосымша ретінде бастапқы соңғы нүктеде равулизумабқа немесе экулизумабқа қосымша ретінде плацебодан асып түсті және бастапқы деңгейге қатысты 12-ші аптада гемоглобин деңгейінің статистикалық маңызды жоғарылауына әкелді (2-кестені және 1-суретті қараңыз). Даникопан тобында барлық төрт қайталама соңғы нүктелер бойынша плацебо тобымен салыстырғанда статистикалық маңызды жақсару байқалды (2-кестені қараңыз). 12 апталық емдеу кезеңінде 1, даникопан тобындағы 57 пациенттің 14-да (24.6%) қосымша ем ретінде доза тәулігіне үш рет 150 мг-ден 200 мг-ға дейін көтерілді. Төрт пациент (2 пациент даникопан тобына және 2 пациент плацебо тобына рандомизацияланған) 1 емдеу кезеңінде емдеуді тоқтатты. Гемолизге байланысты емдеуді тоқтату жағдайлары болған жоқ. 2-кесте. 12-аптадағы бастапқы және қайталама соңғы нүктелерді талдау (барлық рандомизацияланған пациенттердің деректері) Даникопан (равулизумабқа немесе экулизумабқа қосымша терапия) N=57 — Плацебо (равулизумабқа немесе экулизумабқа қосымша терапия) N = 29 Гемоглобин деңгейінің өзгеруі (бастапқы соңғы нүкте) Бастапқы деңгейден 12 аптаға дейінгі орташа өзгеріс (г/л [ммоль/л]) — 28.1 [1.74] — 4.6 [0.29] Емдеу топтарының арасындағы айырмашылық* (95% СА) — 23.5 [1.46] (16.3 [1.01], 30.6 [1.90]) Гемоглобин деңгейі ≥20 г/л [1.2 ммоль/л] жоғарылаған пациенттердің гемотрансфузиясыз үлесі 12-аптада (%) — 54.4 — 0 Емдеу топтарының арасындағы айырмашылық** (95% СА) — 47.5 (32.6, 62.4) Гемотрансфузияға жол бермеу мүмкіндігі бар пациенттердің үлесі 12 апталық емдеу кезеңінде (%) — 78.9 — 27.6 Емдеу топтарының арасындағы айырмашылық** (95% СА) — 48.4 (31.8, 64.9) FACIT-Fatigue сауалнамасының қажу шкаласы бойынша көрсеткіштің өзгеруі Бастапқы деңгейден аптаға дейінгі орташа өзгеріс 12 — 8.10 — 2.38 Емдеу топтарының арасындағы айырмашылық* (95% СА) — 5.72 (2.62, 8.83) Ретикулоциттердің абсолютті санының өзгеруі Бастапқы деңгейден 12 аптаға дейінгі орташа өзгеріс (109/л) — -92.6 — -0.9 Емдеу топтарының арасындағы айырмашылық* (95% СА) — -91.6 (-120.0, -63.3) * Қайта өлшеу үшін аралас эффект моделін қолдана отырып талдау негізінде. ** Көрсеткіштердегі айырмашылық және сәйкес келетін 95% СА стратификация факторларына түзетілген Миеттинен-Нурминен әдісін қолдана отырып есептеледі. • Қысқартулар: СА − сенімді аралық; FACIT − созылмалы ауруды емдеудің функционалдық бағалау сауалнамасы 1-сурет. Бастапқы деңгейге қатысты 12 аптадағы гемоглобин деңгейінің орташа өзгеруі (барлық рандомизацияланған пациенттердің деректері) Ең кіші квадраттар әдісімен есептелген орташа мән бастапқы деңгейге (г/л) қатысты гемоглобин деңгейін өзгерту үшін +- стандартты қате (SE)Ең кіші квадраттар әдісімен есептелген орташа мән бастапқы деңгейге (г/л) қатысты гемоглобин деңгейін өзгерту үшін +- стандартты қате (SE)403020100403020100Визит (апталар)Визит (апталар)ПлацебоПлацебоДаникопанДаникопан 24-ші аптада алынған нәтижелер 12-ші аптада алынған нәтижелерге сәйкес келді және ем әсерінің тұрақтылығын растады. 24 апта бойы даникопан алған ПТГ шалдыққан 55 пациентте бастапқы деңгейден 24 аптаға дейінгі гемоглобин деңгейі өзгеруінің орташа мәні (ең кіші квадраттар әдісімен есептелген) 29.5 г/л [1.83 ммоль/л] (95% СА) болды: 24.2 [1.50], 34.8 [2.16]); 69.1% пациент 24 апта ішінде гемотрансфузияны қажет етпеді және 41.8% пациент гемотрансфузия болмаған кезде 24-ші аптада ≥20 г/л [1.2 ммоль/л] гемоглобин деңгейінің жоғарылауы байқалды. Бұл пациенттерде 24 апта бойы FACIT-Fatigue қажу шкаласы бойынша көрсеткіштердің тұрақты жақсаруы байқалды, бастапқы деңгейден орташа өзгеріс 6.19 құрады (95% СА: 4.10, 8.29). 72-ші аптада алынған тиімділік нәтижелері зерттеудің 12 және 24-ші апталарында алынған нәтижелерге сәйкес келеді және ем әсерінің ұзақ уақыт бойы ұзақтығы мен тұрақтылығын растады. 72 апта бойы даникопанмен ем алған пациенттерде (n=16) гемоглобин деңгейінің бастапқы деңгейден 72 аптаға дейінгі орташа өзгерісі 29.9 г/л [1.86 ммоль/л] болды. Балалар • Еуропадағы дәрілік заттар агенттігі Апварди препаратын зерттеу нәтижелерін ПТГ емдеу үшін педиатриялық популяцияның бір немесе бірнеше қосалқы тобында ұсыну міндеттемесін кейінге қалдырды.

Дозалау режимі Ұсынылған бастапқы доза тәулігіне үш рет ішке қарай 150 мг құрайды, шамамен 8 сағат (± 2 сағат). Клиникалық реакцияға байланысты дозаны кем дегенде 4 апта терапиядан кейін күніне үш рет 200 мг-ға дейін арттыруға болады. Енгізу жолы және тәсілі Ішке қабылдау үшін. Таблеткаларды тамақтану (ас қабылдау немесе дәм тату) кезінде қабылдау керек. Емдеуді тоқтату Емдеуді тоқтатқаннан кейін аланинаминотрансфераза (АЛТ) белсенділігінің ықтимал жоғарылауына байланысты емді тоқтатқан кезде препараттың дозасын емдеуді толық тоқтатқанға дейін 6 күн ішінде төмендегідей біртіндеп төмендету керек: • дозалау режимі 100 мг болғанда: 3 күн ішінде тәулігіне екі рет 100 мг , содан кейін 3 күн ішінде тәулігіне бір рет 100 мг. • дозалау режимі 150 мг болғанда: 3 күн ішінде тәулігіне үш рет 100 мг, содан кейін 3 күн ішінде тәулігіне үш рет 50 мг. • дозалау режимі 200 мг болғанда: 3 күн ішінде тәулігіне үш рет 100 мг, содан кейін 3 күн ішінде тәулігіне екі рет 100 мг. Пациенттердің ерекше топтары Егде жастағы пациенттер Егде жастағы пациенттерде дозаны түзету талап етілмейді. Алайда, ≥65 жастағы пациенттерде даникопанды қолдану тәжірибесі шектеулі. Бүйрек функциясы бұзылған пациенттер Бүйрек функциясы жеңіл (шумақтық сүзілістің есептік жылдамдығы [еШСЖ] ≥60-тан <90 мл/мин/1.73 м2 дейін) немесе орташа (еШСЖ ≥30-дан <60 мл/мин/1.73 м2 дейін) дәрежеде бұзылған пациенттерде дозаны түзету талап етілмейді. Бүйрек функциясы ауыр дәреже (еШСЖ <30 мл/мин/1.73 м2) бұзылған пациенттерде ұсынылатын бастапқы доза тәулігіне үш рет ішке 100 мг құрайды, шамамен 8 сағат (± 2 сағат) аралықпен. Клиникалық реакцияға байланысты дозаны кем дегенде 4 апта терапиядан кейін күніне үш рет 150 мг-ға дейін арттыруға болады. Бауыр функциясы бұзылған пациенттер Бауыр функциясы жеңіл (Чайлд-Пью жіктемесі бойынша А класы) және орташа (Чайлд-Пью жіктемесі бойынша В класы) дәрежеде бұзылған пациенттерде дозаны түзету талап етілмейді. Бауыр функциясы (Чайлд-Пью жіктемесі бойынша С класы) ауыр дәрежеде бұзылған пациенттерде препаратты зерттеу жүргізілген жоқ, сондықтан пациенттердің осы популяциясында даникопанды қолдану ұсынылмайды. Балалар 18 жасқа дейінгі балаларда Апвардитм препаратының қауіпсіздігі мен тиімділігі анықталмаған. Деректер жоқ. Дәрілік препараттың бір немесе бірнеше дозасын жіберіп алған кезде қажетті шаралар Дозаны жіберіп алған жағдайда, егер келесі дозаны қабылдау уақыты келмесе, пациенттер жіберіп алған дозаны мүмкіндігінше тезірек қабылдауы керек; бұл жағдайда пациенттер жіберіп алған дозаны қабылдамауы керек және тағайындалған дозалау режиміне сәйкес препаратты қабылдауды жалғастыру қажет. Пациенттер бір мезгілде препараттың 2 дозасын немесе одан да көп қабылдауға болмайды. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Апвардитм препаратын қолдану тәсіліне қатысты қандай да бір сұрақтар туындаған жағдайда пациентке осы дәрілік препаратты қолдану тәсілін түсіндіру үшін медицина қызметкеріне консультация алу үшін жүгіну ұсынылады.

• белсенді затқа немесе препараттың қосымша заттарының кез келгеніне аса жоғары сезімталдық • терапия басталған сәтке қарай басылмаған Neisseria meningitidis инфекциясы • вакцинациядан кейін 2 апта ішінде тиісті антибиотиктермен профилактикалық ем алатын пациенттерді қоспағанда, терапия басталған сәтте Neisseria meningitidis қарсы вакцинацияның болмауы • тұқым қуалайтын фруктоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы

Өте жиі • бас ауыруы • бауыр ферменттері белсенділігінің жоғарылауы (келесі қолайлы терминдерді қамтиды: аланинаминотрансфераза белсенділігінің жоғарылауы, бауыр функциясының бұзылуы, бауыр ферменттері белсенділігінің жоғарылауы, трансаминазалар белсенділігінің жоғарылауы) • пирексия (қызба немесе жоғары температура) Жиі • артериялық гипертензия (жоғары артериялық қысым) • құсу • аяқ-қолдың ауыруы (қол мен аяқтың ауыруы) Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Апвардитм препаратын көбірек қабылдаған жағдайда дереу дәрігермен кеңесу керек.

• Емдеуші дәрігерге қазіргі уақытта немесе одан бұрын қандай да бір дәрілік препараттарды қабылдау туралы хабарлау керек. • Сондай-ақ, емдеуші дәрігерге емдеуді түзету қажеттілігі туралы шешім қабылдау үшін төменде көрсетілген дәрілік препараттардың кез келгенін қабылдау туралы хабарлау керек: • дабигатран және эдоксабан (тромбтардың түзілуін алдын алуға арналған препараттар) • дигоксин (жүрек ырғағының бұзылуын емдеуге арналған препарат) • фексофенадин (аллергия симптомдарын жоюға арналған препарат) • такролимус (иммундық жүйені басатын препарат) • розувастатин (қандағы холестерин деңгейін төмендететін препарат) • сульфасалазин (ішектің қабыну ауруларын немесе ревматоидты артритті емдеуге арналған препарат). Апвардитм препаратын қолдануды бастар алдында емдеуші дәрігерге қандай да бір инфекцияның бар екендігін хабарлау керек: Менингококк инфекциясы Бұл мидың қабынуын (энцефалит) тудыруы мүмкін және қанда және организмде таралуға (сепсис) қабілетті ми қабығын зақымдайтын ауыр инфекциялар. Төменде менингококк инфекциясының симптомдары келтірілген. Келесі симптомдардың кез келгені дамыған кезде бұл туралы дереу емдеуші дәрігерге хабарлау керек: • жүрек айнуымен (жүрек айну сезімі) немесе құсумен жүретін бас ауыруы • бас ауыруы және қызба • мойын немесе арқа аумағында сіресумен жүретін бас ауыруы • қызба • қызба және бөртпе • сананың шатасуы • тұмауға ұқсас симптомдармен жүретін бұлшықет ауруы • көздің жарыққа қатты сезімталдығы Басқа күрделі инфекциялар Емдеуші дәрігер басқа инфекциялар дамуының профилактикасы үшін ұлттық ұсыныстарға сәйкес қосымша шараларды тағайындай алады. Арнайы ескертулер Апвардитм препаратын равулизумабқа немесе экулизумабқа қосымша ем ретінде ғана тағайындау керек. Күрделі инфекциялар Менингококк инфекциясы Комплемент тежегіштерімен ем алатын пациенттерде менингококк инфекцияларына (Neisseria meningitidis) сезімталдық жоғарылауы мүмкін. Даникопанның бірінші дозасын алғанға дейін пациенттер менингококк инфекциясына қарсы қолданыстағы ұлттық нұсқауларға сәйкес вакцинациялануы тиіс. Менингококк инфекциясына қарсы вакцинациядан кейін 2 аптадан аз уақыт өткен соң емдеуді бастаған пациенттер вакцинациядан кейін 2 апта өткенге дейін тиісті антибиотиктермен профилактикалық ем қабылдауы керек. Ең көп таралған патогенді серологиялық топтар тудырған менингококк инфекциялары дамуының профилактикасы үшін пациенттерді А, С, Y және W135 серологиялық топтарына қарсы вакцинациялау керек. Сондай-ақ, егер қолжетімді болса, В серологиялық тобына қарсы вакцинаны қолдану ұсынылады. Бактерияға қарсы препараттарды дұрыс қолдану бойынша ресми ұсыныстарды ескеру қажет. Даникопан қабылдаған барлық пациенттер менингококк инфекциясы мен сепсистің ерте белгілерінің дамуына қатысты емдеуші дәрігердің бақылауында болуы керек; инфекцияның дамуына күдік туындаған кезде емдеуші дәрігер паципенттің жағдайын дереу бағалап, тиісті антибиотиктермен емдеуді бастауы керек. Пациенттерге осы белгілер мен симптомдар туралы, сондай-ақ дереу медициналық көмекке жүгіну үшін жасалуы керек әрекеттер туралы хабарлау керек. Бұл ақпарат «Қолдану кезіндегі қажетті сақтық шаралары» бөлімінде берілген. Басқа күрделі инфекциялар Даникопанды белсенді жайылған инфекциясы бар пациенттерге сақтықпен тағайындау керек. Даникопан комплемент жүйесін іске қосудың балама жолын таңдамалы түрде бөгейді; тиісінше пациенттерде ауыр инфекцияларға (Neisseria meningitidis-тен басқа) сезімталдық жоғарылауы мүмкін. Равулизумабқа немесе экулизумабқа қосымша ем ретінде даникопанмен емдеуді бастар алдында пациенттерге иммунизация бойынша қолданыстағы нұсқауларға сәйкес иммунизациялау ұсынылады. Бүйрек функциясының ауыр дәрежеде бұзылуы Препараттың дозасы тәулігіне үш рет 150 мг-ға дейін ұлғайтылған ауыр дәрежеде бүйрек функциясы бұзылған пациенттер, осы пациенттерде даникопанмен емдеу кезінде жоғары экспозицияға байланысты күтілетін жағымсыз құбылыстардың дамуы бойынша, емдеуші дәрігердің бақылауында болуы тиіс. Дене салмағы төмен пациенттер Дене салмағы <60 кг пациенттер осы пациенттерде даникопанмен емдеу кезінде жоғары экспозицияға байланысты күтілетін жағымсыз құбылыстардың дамуы бойынша, емдеуші дәрігердің бақылауында болуы керек. Бауыр ферменттері белсенділігінің жоғарылауы Аланинаминотрансфераза (АЛТ) белсенділігінің жоғарылау жағдайлары байқалды. Емдеуді бастар алдында бауыр сынамаларын жүргізу ұсынылады. Емдеу басталғаннан кейін ПТГ емдеу стандартына сәйкес тұрақты биохимиялық зертханалық бақылауды жүргізу ұсынылады. Егер жоғарылау клиникалық тұрғыдан маңызды болса немесе пациенттерде симптомдар пайда болса, емдеуді уақытша тоқтату немесе қайтару қажеттілігін ескеру қажет. Даникопанды бауыр функциясы ауыр пациенттерде қолдану ұсынылмайды. Емдеуді тоқтату Тәулігіне үш рет 200 мг-ден асатын дозаларды қабылдаған дені сау еріктілерде дозаны біртіндеп төмендетпей емдеуді тоқтатқаннан кейін АЛТ белсенділігінің жоғарылауы байқалды. Емді тоқтатқан кезде препараттың дозасын 6 күн ішінде біртіндеп азайту керек. Белгілі әсері бар қосымша заттар Лактоза Осы дәрілік препараттың құрамында лактоза моногидраты бар. Галактозаны көтере алмау, жалпы лактаза жеткіліксіздігі немесе глюкоза-галактоза мальабсорбциясы түріндегі сирек тұқым қуалайтын бұзылулары бар пациенттерге бұл препаратты қабылдауға болмайды. Натрий Бұл дәрілік препараттың құрамында үлбірлі қабықпен қапталған бір таблеткаға 1 ммольден (23 мг) аз натрий бар, яғни оның құрамында натрий жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Апвардитм препараты көлік құралдарын және механизмдерді басқару қабілетіне әсер етпейді немесе мардымсыз әсер етеді. Қолдану бойынша нұсқаулар Емдеуді гематологиялық аурулары бар пациенттерді емдеуде тәжірибесі бар дәрігер тағайындауы керек.

Жүктілік Жүкті әйелдерде даникопанды қолдану туралы деректер жоқ. Сақтық шарасы ретінде жүктілік кезінде Апвардитм препаратын қабылдаудан аулақ болған жөн. Бала емізу Апвардитм препаратын бала емізу кезеңінде қабылдауға болмайды, ал емшек емізуді препаратты қабылдауды тоқтатқаннан кейін 3 күннен ерте емес бастау керек. Фертильділік Даникопанның адамдардағы фертильділікке әсері туралы деректер жоқ.

P-gp субстраттары P-gp субстраттары (мысалы, дабигатран, дигоксин, эдоксабан, фексофенадин, такролимус) болып табылатын дәрілік препараттарды бірге қолданғанда сақтық таныту керек. BCRP субстраттары BCRP субстраттары (мысалы, розувастатин және сульфасалазин) болып табылатын дәрілік препараттарды бірге қолданғанда сақтық таныту керек.

Сақтау мерзімі 30 ай, құтыны алғаш ашқаннан кейін 48 күн. Жарамдылық мерзімі өткеннен кейін қолдануға болмайды. Сақтау шарттары 30 °C-ден аспайтын температурада сақтау керек. Балалардың қолы жетпейтін жерде сақтау керек!