Апкалис-SX таблетки 10 мг

Бір таблетканың құрамында белсенді зат – 10.00 мг немесе 20.00 мг тадалафил қосымша заттар: лактоза, микрокристалды целлюлоза, натрий кроскармеллозасы, натрий лаурилсульфаты, төмен алмастырылған гидроксипропилцеллюлоза, магний стеараты үлбірлі қабықтың құрамы: Инстакоат SOL IC-S-1179*** *** - құрамында гидроксипропилметилцеллюлоза, полиэтиленгликоль, темірдің сары тотығы (Е 172), титанның қостотығы (Е 171) бар Сыртқы түрінің, иісінің, дәмінің сипаттамасы Ашық сары түсті үлбірлі қабықпен қапталған, екі жағы тегіс, эллипс пішінді таблеткалар (10 мг және 20 мг дозалар үшін)

Ересек жастағы ерлердегі эректильді дисфункцияны емдеу үшін. Эректильді дисфункцияны емдеуде тадалафилдің тиімділігін қамтамасыз ету үшін сексуалдық стимуляция қажет. Тадалафил таблеткалары әйелдерде қолдануға арналмаған.

• Әсер ету механизмі Апкалис-SX 10, Апкалис-SX 20 - типті спецификалық фосфодиэстераза (ФДЭ-5) - циклдік гуанозинмонофосфаттың (цГМФ) қайтымды селективті тежегіші болып табылады. Жыныстық қозу кезінде азот тотығының жергілікті босап шығуы болған кезде, ФДЭ-5 тадалафилмен тежелуі қуысты денедегі цГМФ деңгейінің жоғарылауына әкеледі. Нәтижесінде тегіс бұлшықеттердің босаңсуы және жыныс мүшесінің тіндеріне қанның келуі қамтамасыз етіледі, бұл эрекцияның пайда болуына ықпал етеді. Эректильді дисфункцияны емдеуде тадалафил сексуалдық стимуляция болмаған кезде әсер етпейді. Фармакодинамикалық әсерлері In vitro зерттеулері тадалафил ФДЭ-5 селективті тежегіші болып табылатынын көрсетті. FDE 5 - бұл қуысты дененің тегіс бұлшықеттерінде, қантамырлардың және ішкі ағзалардың тегіс бұлшықеттерінде, қаңқа бұлшықеттерінде, тромбоциттерде, бүйректе, өкпеде және мишықта табылатын фермент. ФДЭ-5-те тадалафил басқа фосфодиэстеразаларға қарағанда анағұрлым күшті әсер етеді. Тадалафилдің ФДЭ-5 әсері жүректе, мида, қантамырларда, бауырда және басқа да ағзаларда болатын ФДЭ-1, ФДЭ-2 және ФДЭ-4 ферменттеріне 10 000 еседен астам артық. Апкалис-SX 10, Апкалис-SX 20 жүрек пен қантамырларда кездесетін ФДЭ-3 ферментіне қарағанда ФДЭ-5-ке 10 000 есе көп әсер етеді. ФДЭ-5 қатысты бұл селективтілік ФДЭ-3 қарағанда маңызды, өйткені ФДЭ-3 жүрек бұлшықетінің жиырылуына қатысады. Бұдан бөлек, тадалафил ФДЭ-5 қарағанда шамамен 700 есе күшті әсер етеді, ол торқабықта болады және фототүрлену үшін жауап береді. ФДЭ-5 қатысты тадалафил ФДЭ-7-ден ФДЭ-10-ға дейінгі ферменттерге қарағанда 10 000 еседен астам күшті әсер етеді, Клиникалық тиімділігі мен қауіпсіздігі Дені сау еріктілерде тадалафил мен плацебо қолдану аясында арқада жатқан күйде систолалық және диастолалық артериялық қысымда елеулі айырмашылық байқалған жоқ (орташа ең жоғары төмендеу 1,6/0,8 мм сн.бағ., тиісінше) және систолалық және диастолалық артериялық қысымда тұрған қалпында (орташа ең жоғары төмендеу 0,2/4,6 мм сын.бағ. тиісінше) сондай - ақ жүрек соғу жиілігінің елеулі өзгерістері тіркелген жоқ. Фарнсворт-Манселлдің 100 реңкті сынағының көмегімен тадалафилдің көру қабілетіне әсерін бағалау бойынша зерттеуде түстерді танудың нашарлауы анықталған жоқ (көк/жасыл). Бұл бақылау ФДЭ-6-мен салыстырғанда тадалафилдің ФДЭ-5-ке төмен аффинділікпен сәйкес келеді. Барлық клиникалық зерттеулерде түсті қабылдаудың өзгеру жағдайлары сирек тіркелді (<0,1%). Апкалис-SX 10, Апкалис-SX 20 таблеткаларын күнделікті қабылдаудың сперматогенезге 10 мг дозада (бір 6 айлық зерттеу) және 20 мг (бір 6 айлық және бір 9 айлық зерттеу) әсерін бағалау мақсатын көздеген ер адамдарды қатыстыра отырып, үш зерттеу жүргізілді. Осы зерттеулердің екеуінде тадалафилмен емдеу аясында сперматозоидтар саны мен концентрациясының кемуі, ең алдымен, клиникалық маңызы жоқ екені байқалды. Бұл әсерлер қозғалғыштық, морфология және фолликуланы стимуляциялайтын гормон деңгейі (ФСГ) сияқты басқа параметрлердің өзгеруімен байланысты болмады. Эректильді дисфункция Апкалис-SX 10, Апкалис-SX 20 таблеткаларын қабылдауға жауап беру уақытын анықтау үшін «қажеттілігіне қарай» режимінде препаратты үйде қабылдаған 1054 пациентті тарта отырып, үш клиникалық зерттеу жүргізілді. Плацебомен салыстырғанда, тадалафил үшін эректильді функцияның статистикалық елеулі жақсаруы, сондай-ақ қабылдағаннан кейін 36 сағатқа дейінгі кезеңде сәтті жыныстық қатынас жасау мүмкіндігі және препаратты қабылдағаннан кейін 16 минуттан соң сәтті жыныстық қатынас үшін пациенттердің эрекцияға қол жеткізу және қолдау мүмкіндігі көрсетілді. Жұлынның жарақаты аясында эректильді дисфункциядан зардап шеккен 186 пациентті (142 - тадалафил, ал 44-плацебо) тарта отырып, 12 апталық зерттеуде тадалафил эректильді функцияны едәуір жақсартты және 10 немесе 20 мг тадалафил қабылдаған пациенттерде жыныстық қатынас жасаудың сәтті әрекеттерінің орташа пайыздық қатынасы (доза әр пациент үшін жеке таңдалды, «қажеттілігіне қарай» қабылдау режимі) плацебо қолдану аясында 17% - бен салыстырғанда 48% - ды құрады. Тадалафилді 2-ден 100 мг-ге дейінгі дозаларда қолдану әртүрлі ауырлық дәрежесіндегі (жеңіл, орташа, ауыр) және этиологиясы әртүрлі жастағы (21 жастан 86 жасқа дейін) және әртүрлі этникалық ерекшелігі бар эректильді дисфункциясы бар пациенттерді қоса, 3250 пациенттің қатысуымен 16 клиникалық зерттеулерде зерттелген. Пациенттердің көпшілігі эректильді дисфункция оларда кем дегенде бір жыл бойы сақталатынын хабарлады. Жалпы популяциядағы тиімділіктің бастапқы зерттеулерінде пациенттердің 81% Апкалис-SX 10, Апкалис-SX 20 таблеткаларын қабылдау аясында эрекцияның жақсарғанын атап өтті, ал плацебо қабылдаған кезде мұндай пациенттердің 35% - ы болды. Бұдан басқа, барлық ауырлық санатындағы эректильді дисфункциясы бар пациенттер (плацебо қабылдаған кезде тиісінше 45%, 42% және 19% - бен салыстырғанда, жеңіл, орташа және ауыр эректильді дисфункция үшін 86%, 83% және 72%) Апкалис-SX 10, Апкалис-SX 20 таблеткаларын қабылдау кезінде эрекцияның жақсарғанын хабарлады. Апкалис-SX 10, Апкалис-SX 20 таблеткасының топтарындағы тиімділіктің алғашқы зерттеулерінде жыныстық қатынас әрекеттерінің 75% сәтті болды, ал плацебо топтарында бұл көрсеткіш 32% құрады. Тәулігіне бір рет 2,5, 5 және 10 мг тадалафилді қолдануды бағалау үшін бастапқыда жасы (21 жастан 82 жасқа дейін) және этникалық тиістілігі әртүрлі түрлі ауырлық дәрежесіндегі (жеңіл, орташа, ауыр) және әртүрлі этиологиядағы эректильді дисфункциядан зардап шеккен 853 пациентті тарта отырып, 3 клиникалық зерттеу жүргізілді. Жалпы популяциядағы тиімділіктің екі алғашқы зерттеулерінде плацебо қабылдаған кезде 5% және 31% - бен салыстырғанда Апкалис-SX 10, Апкалис-SX 20 таблеткаларын 5 мг дозада қолдану аясында жыныстық қатынас жасаудың сәтті әрекеттерінің орташа пайыздық қатынасы 57% және 67% құрады. Қант диабеті аясында эректильді дисфункциясы бар пациенттерді тартумен жүргізілген зерттеуде жыныстық қатынас жасаудың сәтті әрекеттерінің орташа пайыздық қатынасы плацебо қабылдаудағы 28% - бен салыстырғанда Апкалис-SX 10, Апкалис-SX 20 таблеткаларын 5 мг дозада қабылдағанда тиісінше 41% және 46% құрады. Осы үш зерттеуге қатысқан пациенттердің көпшілігі ФДЭ-5 тежегіштерімен «қажеттілігіне қарай» режимінде алдыңғы емдеуге жауап берді. Кейінгі зерттеуде бұрын ФДЭ-5 тежегіштерін алмаған 217 пациент тәулігіне бір рет 5 мг дозада Апкалис-SX 10, Апкалис-SX 20 таблеткаларын немесе плацебо қабылдауға рандомизацияланды. Жыныстық қатынастың сәтті әрекеттерінің орташа пайызы Апкалис-SX 10, Апкалис-SX 20 таблеткаларын қабылдаған пациенттерде 68% және плацебо қабылдаған пациенттерде 52% құрады. Қуықасты безінің қатерсіз гиперплазиясы Апкалис-SX 10, Апкалис-SX 20 таблеткалары қуықасты безінің қатерсіз гиперплазиясының белгілері мен симптомдары бар 1500-ден астам пациентті тарта отырып, 12 аптаға созылатын 4 клиникалық зерттеулерде зерттелген. Осы 4 зерттеулерде простатикалық симптомдарды бағалаудың халықаралық шкаласы бойынша жалпы балдың азаюы плацебо қабылдау аясында 5 мг және -2,2, -3,6, -3,8 және -4,2 дозада Апкалис-SX 10, Апкалис-SX 20 таблеткаларын қабылдау аясында -4,8, -5,6, -6,1 және -6,3 құрады. Простатикалық белгілерді бағалаудың халықаралық шкаласы бойынша жалпы балл бойынша анықталған жақсаруға 1 аптадан кейін қол жеткізілді. Белсенді салыстыру препараты ретінде 0,4 мг дозада тамсулозинді қосқан зерттеулердің бірінде Апкалис-SX 10, Апкалис-SX 20 таблеткаларын 5 мг дозада қабылдағанда простатикалық симптомдарды бағалаудың халықаралық шкаласы бойынша жалпы баллдың азаюы, тамсулозин мен плацебо тиісінше -6,3, -5,7 және -4,2-ге тең болды. Осы зерттеулердің бірі эректильді функцияның жақсаруын және екі жағдайы бар пациенттерде қуықасты безінің қатерсіз гиперплазиясының белгілері мен симптомдарының ауырлығының төмендеуін бағалады. Эректильді функцияның халықаралық индексінің эректильді функциясының домені бойынша балл санының артуы және простатикалық симптомдарды бағалаудың халықаралық шкаласы бойынша жалпы баллдың азаюы осы зерттеуде тиісінше 5 мг дозадағы Апкалис-SX 10, Апкалис-SX 20 таблеткалары тобында 6,5 және -6,1 және плацебо тобында 1,8 және -3,8 тең болды. Жыныстық қатынас жасаудың сәтті әрекеттерінің орташа пайыздық қатынасы 5 мг дозада Апкалис-SX 10, Апкалис-SX 20 таблеткаларын алған пациенттерде 71,9% және плацебо алған пациенттерде 48,3% құрады. Емдік әсерді қолдау зерттеулердің бірінің ұзартылған ашық фазасында бағаланды, онда 12 аптадан кейін анықталған простатикалық симптомдарды бағалаудың халықаралық шкаласы бойынша жалпы балдың төмендеуінде көрсетілген жақсартулар 5 мг дозада Тадалафил таблеткаларымен емдеудің тағы 1 жылына дейін сақталғаны көрсетілді. Педиатриялық пациенттердің популяциясы Еуропалық дәрілік заттар агенттігі педиатриялық пациенттердің барлық кіші топтарында эректильді дисфункцияны емдеу үшін препаратты қолдануды зерттеу нәтижелерін ұсыну туралы талаптан бас тартты. Препаратты балаларда қолдану жөніндегі ақпаратпен танысу үшін 4.2-бөлімді қараңыз.

Дозалану режимі Ересек жастағы ерлердегі эректильді дисфункция Әдетте, ұсынылған доза 10 мг-ға тең және оны ас ішу уақытына қарамастан, жоспарланған жыныстық қатынасқа дейін қабылдау керек. Тадалафилді 10 мг дозада қолданғанда талапқа сай әсерге қол жеткізе алмаған пациенттер 20 мг-ге тең дозаны байқап көре алады. Препаратты жыныстық қатынастан кем дегенде 30 минут бұрын қабылдауға болады. Дозаны қабылдаудың ең жоғары жиілігі - тәулігіне бір рет. 10 және 20 мг дозадағы тадалафил жоспарланған жыныстық қатынас алдында қолдануға арналған және күнделікті үздіксіз пайдалануға ұсынылмайды. Тадалафил таблеткаларын жиі қабылдауды жоспарлаған пациенттер үшін (яғни аптасына кемінде екі рет), егер бұл пациенттің қалауы мен емдеуші дәрігердің пікіріне сәйкес келсе, Тадалафил таблеткаларын күніне бір рет ең аз дозада қабылдау режимі қолайлы нұсқа болуы мүмкін. Бұл пациенттерге препаратты күніне бір рет шамамен бір уақытта 5 мг дозада қабылдау ұсынылады. Жекелей көтере алушылығына қарай доза тәулігіне бір рет 2,5 мг дейін төмендетілуі мүмкін. Препаратты үздіксіз күнделікті қабылдау режимі пациентке қаншалықты сәйкес келетініне мерзімді түрде қайта бағалау жүргізу қажет. Пациенттердің ерекше топтары Егде жастағы ерлер Егде жастағы пациенттерге дозаны түзетудің қажеті жоқ. Бүйрек функциясының бұзылуы бар ерлер Бүйрек функциясының жеңіл немесе орташа дәрежелі бұзылулары бар пациенттерге дозаны түзету қажет емес. Бүйрек функциясының ауыр бұзылулары бар пациенттер үшін ең жоғары ұсынылған доза 10 мг құрайды. Бауыр функциясының бұзылуы бар ерлер Егер эректильді дисфункцияны емдеу үшін Тадалафил таблеткалары «қажеттілігіне қарай» режимінде қолданылса, Тадалафилдің ұсынылған дозасы 10 мг құрайды және ас ішу уақытына қарамастан жоспарланған жыныстық қатынас алдында қабылданады. Бауыр функциясының бұзылуы бар пациенттерде емдеу және эректильді дисфункция және қуықасты безінің қатерсіз гиперплазиясы үшін тадалафилді тәулігіне бір рет қабылдау режимін бағалау орындалмады, сондықтан осы препаратты тағайындаған жағдайда рецепт жазып беретін дәрігер әрбір нақты жағдайда артықшылықтары мен қауіптеріне мұқият баға беруі тиіс. Диабеттен зардап шегетін ерлер Диабетиктерге дозаны түзетудің қажеті жоқ. Педиатриялық пациенттердің популяциясы Эректильді дисфункцияны емдеу тұрғысынан педиатриялық бейіндегі пациенттер популяциясында Тадалафил таблеткаларын қолдануға орынды көрсетілімдер жоқ.

- белсенді затқа немесе қосымша заттардың кез келгеніне аса жоғары сезімталдық - соңғы 90 күн ішінде, миокард инфарктісі болған пациенттерге - тұрақсыз стенокардиясы немесе жыныстық қатынас кезінде туындайтын стенокардиясы бар пациенттерге - соңғы 6 ай ішінде дамыған Нью-Йорк кардиологиялық қауымдастығының (New York Heart Association) жіктемесі бойынша 2- класты жүрек жеткіліксіздігі бар пациенттерге - бақыланбайтын аритмиясы, артериялық гипотензиясы (<90/50 мм сын.бағ.) немесе бақыланбайтын артериялық гипертензиясы бар пациенттерге - соңғы 6 ай ішінде инсульт алған пациенттер - бұл эпизод ФДЭ5 тежегішінің алдыңғы әсерімен байланысты ма, жоқ па, оған қарамастан, артерииттік емес алдыңғы ишемиялық оптикалық невропатияның (АЕАИОН) салдарынан бір көздің көрмей қалуы. - тадалафилді қоса, ФДЭ5 тежегіштерін риоцигуат сияқты гуанилатциклаза стимуляторларымен бір мезгілде қолдануға болмайды, өйткені бұл симптоматикалық гипотензияның дамуына әкелуі мүмкін - әйелдерде қолдану - балалар мен 18 жасқа дейінгі жасөспірімдерге қолдануға болмайды

Эректильді дисфункцияны немесе қуық асты безінің қатерсіз гиперплазиясын емдеу үшін Апкалис-SX 10, Апкалис-SX 20 қабылдаған пациенттерде жиі хабарланатын жағымсыз реакциялар бас ауыруы, диспепсия, арқа ауыруы және миалгия болды, оларда Апкалис-SX 10, Апкалис-SX 20 дозасының жоғарылауымен жиілігі артты. Жағымсыз реакциялар уақытша және әдетте жеңіл немесе орташа дәрежеде болды. Апкалис-SX 10, Апкалис-SX 20 күніне бір рет қабылдау кезінде бас аурулары пайда болған жағдайлардың көпшілігі, емдеу басталғаннан кейін алғаш рет 10-30 күн байқалды. Жиілік санаты: өте жиі (≥1/10), жиі (≥1/100 <1/10 дейін), жиі емес (≥1/1000 <1/100 дейін), сирек (≥1/10000 <1/1000 дейін), өте сирек (<1/10000) және белгісіз (хабарланған деректер бойынша бағалау мүмкін емес). Жиі - бас ауыруы - ысынулар - мұрынның бітелуі - диспепсия - арқаның ауыруы - миалгия, қол-аяқтың ауыруы Жиі емес - аса жоғары сезімталдық реакциялары - бас айналуы - анық көрмеу, көздің ауыруы ретінде сипатталған сезімдер - құлақтың шыңылдауы - тахикардия, жиі жүрек қағуы - артериялық гипотензия3, артериялық гипертензия - ентігу, мұрыннан қан кету - іш ауыруы, құсу, жүрек айнуы, гастроэзофагеальді рефлюкс - бөртпе - гематурия - ұзақ эрекция - кеуденің ауыруы1, шеткері ісіну, шаршау Сирек - ангионевроздық ісіну2 - инсульт1 (оның ішінде геморрагиялық оқиғалар), естен тану, транзиторлық ишемиялық шабуылдар1, бас сақинасы2, құрысулар2, транзиторлық амнезия - көру өрісінің бұзылуы, қабақтың ісігі, конъюнктива гиперемиясы - артериитпен байланысты емес алдыңғы ишемиялық оптикалық нейропатия (АБАИОН)2, торлы қабық тамырларының окклюзиясы2 - кенеттен естімей қалу - миокард инфарктісі, тұрақсыз стенокардия2, қарыншалық аритмия2 - есекжем, Стивенс-Джонсон синдромы2, эксфолиативті дерматит2, гипергидроз (қатты тершеңдік) - приапизм, жыныс мүшесінің қанауы, гемоспермия - беттің ісінуі2, кенеттен жүректен болатын өлім1,2 • Пациенттердің көпшілігінде бұрын жүрек-қантамырлық қауіп факторлары байқалған. • Постмаркетингтік зерттеулер барысында анықталған, клиникалық плацебо-бақыланатын зерттеулер барысында байқалмаған жағымсыз реакциялар. • Көптеген жағдайларда гипотензивті дәрілік заттарды қабылдаған пациенттерге тадалафил тағайындағанда байқалды. Кейбір жағымсыз реакциялардың сипаттамасы Плацебомен салыстырғанда күніне бір рет тадалафил қабылдаған пациенттерде ЭКГ-дағы ауытқулардың, ең алдымен синустық брадикардияның біршама жоғары жиілігі туралы хабарланды. ЭКГ-дағы осы аномалиялардың көпшілігі жағымсыз реакциялармен байланысты болған жоқ. Пациенттердің басқа да ерекше топтары Эректильді дисфункцияны емдеу үшін де, қуық асты безінің қатерсіз гиперплазиясын емдеу үшін де клиникалық зерттеулерде тадалафил қабылдаған 65 жастан асқан пациенттер бойынша деректер шектеулі. Талап бойынша эректильді дисфункцияны емдеу үшін тадалафил қолданылған клиникалық зерттеулерде 65 жастан асқан пациенттерде диарея туралы жиі хабарланған. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Нұсқаулықта көрсетілмеген.

Арнайы сақтандырулар Апкалис-SX 10, Апкалис-SX 20 таблеткаларымен емдеуді бастамас бұрын Фармакологиялық емдеу туралы мәселені қарастырмас бұрын, эректильді дисфункцияны диагностикалау және потенциалды негізгі себептерді анықтау үшін анамнезді жинап, физикалық тексеруді жүргізу керек. Эректильді дисфункциядан кез-келген емдеуді тағайындар алдында дәрігер пациенттің жүрек-қантамыр жүйесінің жағдайын бағалауы тиіс, өйткені сексуалдық белсенділік жүрек үшін белгілі бір қауіппен байланысты. Апкалис-SX 10, Апкалис-SX 20 қантамырларды кеңейтетін қасиеттерге ие және артериялық қысымның елеусіз және өтпелі төмендеуін туындатады, осылайша нитраттардың гипотензиялық әсерін күшейтеді. Эректильді дисфункцияны бағалау потенциалды себептерді анықтауды және тиісті медициналық тексеруден кейін тиісті емдеу тактикасын таңдауды білдіруі керек. Тадалафил таблеткалары жамбас мүшелеріне хирургиялық араласудан немесе жүйкелерді сақтамай радикалды простатэктомиядан өткен пациенттерде тиімді ме, жоқ па белгісіз. Жүрек-қантамыр әсерлері Препаратты маркетингтен кейінгі қолдану барысында және/немесе клиникалық зерттеулерде елеулі жүрек-қантамыр бұзылулар, оның ішінде миокард инфарктісі, кенеттен жүрек өлімі, тұрақсыз стенокардия, қарыншалық аритмия, инсульт, транзиторлы ишемиялық шабуылдар, кеуденің ауыруы, жүрек қағуының жиілеуі және тахикардия жағдайлары анықталды. Осындай бұзылулар тіркелген пациенттердің көпшілігінде бастапқыда жүрек-қантамыр ауруларының даму қаупі факторлары болған. Алайда, бұл жағымсыз құбылыстардың қауіп факторларымен, Апкалис-SX 10, Апкалис-SX 20 таблеткаларын қабылдаумен, сексуалдық белсенділікпен немесе осы немесе басқа факторлардың біріктірілімімен тікелей байланысты екенін дәл анықтау мүмкін емес. Альфа1-блокаторлар мен Апкалис-SX 10, Апкалис-SX 20 таблеткаларын бір мезгілде қабылдау кейбір пациенттерде симптоматикалық гипотензияға әкелуі мүмкін. Тадалафил мен доксазозинді бірге қолдану ұсынылмайды. Көру Апкалис-SX 10, Апкалис-SX 20 таблеткаларын немесе ФДЭ - 5 басқа тежегіштерін қолдану аясында көру ақаулары және NAION жағдайлары тіркелді. Пациенттер көрудің кенеттен бұзылуы жағдайында Апкалис-SX 10, Апкалис-SX 20 таблеткаларын қабылдауды тоқтату және дереу дәрігерге қаралу қажет екендігі туралы хабардар болуы тиіс. Бауыр функциясының бұзылуы Апкалис-SX 10, Апкалис-SX 20 таблеткаларын тағайындаған жағдайда рецепт жазып отырған дәрігер әрбір нақты жағдайда артықшылықтар мен қауіптерді мұқият бағалауды орындауы тиіс. Приапизм және жыныс мүшесінің анатомиялық құрылымының деформациясы Пациенттерге эрекция 4 сағат немесе одан да ұзақ сақталған жағдайда дереу медициналық көмекке жүгіну қажет екендігі туралы нұсқау берілуі тиіс. Приапизмді уақтылы емдемеу жыныс мүшесінің тіндеріне зақым келтіруі мүмкін, нәтижесінде потенция ұзақ мерзімге жоғалуы мүмкін. Апкалис-SX 10, Апкалис-SX 20 таблеткаларын жыныс мүшесінің анатомиялық құрылымдарының деформациясы бар (бұрышты қисаюы, каверноздық фиброз немесе Пейрони ауруы сияқты) пациенттерде немесе приапизмге бейім (орақ тәрізді жасушалы анемия, көптеген миелома немесе лейкоз сияқты) жағдайлары бар пациенттерде сақтықпен қолдану керек. СҮР3А4 тежегіштерімен бірге қолдану CYP3A4 күшті тежегіштерін (ритонавир, саквинавир, кетоконазол, итраконазол және эритромицин) қабылдайтын пациенттерге Апкалис-SX 10, Апкалис-SX 20 таблеткаларын тағайындағанда сақтық шараларын сақтау керек, өйткені осы дәрілік заттармен бірге қолданғанда тадалафилдің (AUC) жоғары экспозициясы байқалды. Апкалис-SX 10, Апкалис-SX 20 таблеткалары және эректильді дисфункцияны емдеудің басқа әдістері Апкалис-SX 10, Апкалис-SX 20 таблеткаларының немесе ФДЭ-5 басқа тежегіштерінің немесе эректильді дисфункцияны емдеудің басқа әдістерінің біріктірілімінің қауіпсіздігі мен тиімділігі зерттелген жоқ. Пациенттерге мұндай біріктірілімдерде Апкалис-SX 10, Апкалис-SX 20 таблеткаларын қабылдамауды ұсыну керек. Лактоза Апкалис-SX 10, Апкалис-SX 20 таблеткаларының құрамында лактоза бар. Галактоза жақпаушылығы, Лапп лактаза жеткіліксіздігі немесе глюкоза мен галактоза мальабсорбциясы синдромы сияқты сирек тұқым қуалайтын аурулары бар пациенттер осы дәрілік затты қабылдамауы тиіс.

Нұсқаулықта көрсетілмеген.

Төменде көрсетілгендей 10 мг және/немесе 20 мг дозада тадалафилдің өзара әрекеттесуіне зерттеулер жүргізілді. Тек 10 мг тадалафил дозасы пайдаланылған өзара әрекеттесудің осы зерттеулеріне келетін болсақ, анағұрлым жоғары дозаларды қабылдағанда клиникалық мәнді өзара әрекеттесулер толығымен жоққа шығарылмайды. Басқа заттардың тадалафилге әсері Р450 цитохромының тежегіштері Тадалафил негізінен СУР3А4 ферментінің қатысуымен метаболизденеді. Селективті CYP3A4 тежегішін, кетоконазолды (күніне 200 мг) қабылдау тадалафилдің (AUC) (10 мг) әсерін тадалафилмен монотерапия кезіндегі AUC және Cmax осындай көрсеткіштерімен салыстырғанда 2 есе және Cmax 15% ұлғайтады. Кетоконазолды (күніне 400 мг) қабылдау тадалафилдің (20 мг) әсерін (AUC) 4 есе және Cmax 22% ұлғайтады. CYP3A4, CYP2C9, CYP2C19 және CYP2D6 тежегіші болып табылатын ритонавир, протеаза тежегіші (күніне екі рет 200 мг) тадалафилдің (20 мг) әсерін Cmax өзгертпестен 2 есе ұлғайтады. Спецификалық өзара әрекеттесулер зерттелмегенімен, саквинавир сияқты протеазаның басқа тежегіштерін, сондай-ақ эритромицин, кларитромицин, итраконазол және грейпфрут шырыны сияқты CYP3A4 басқа тежегіштерін бір мезгілде сақтықпен қабылдау керек, өйткені плазмадағы тадалафил концентрациясының артуын күтуге болады. Демек, жағымсыз реакциялар жиілігі артуы мүмкін. Транспортерлер Тадалафил фармакокинетикасындағы транспортер ақуыздардың (мысалы, p-гликопротеин) маңызы белгісіз. Осылайша, тасымалдаушыларды тежеу арқылы дәрілік өзара әрекеттесудің потенциалды мүмкіндігі бар. P450 цитохромының индукторлары СУР3А4 индукторы, рифампин, тадалафилдің AUC-ін тадалафилмен монотерапия шамаларының AUC (10 мг) қатысты 88% төмендетеді. Препарат әсерінің төмендеуі тадалафилдің тиімділігін төмендетуі мүмкін. Тиімділіктің төмендеу шамасы белгісіз. Фенобарбитал, фенитоин және карбамазепин сияқты СУР3А4 басқа индукторларын қолдану плазмадағы тадалафил концентрациясының төмендеуіне әкелуі мүмкін. Тадалафилдің басқа дәрілік заттарға әсері Нитраттар Нитраттардың гипотензиялық әсерінің жоғарылауы белгілі. Осылайша, органикалық нитраттың кез-келген түрін қолданатын пациенттерге Апкалис-SX 10, Апкалис-SX 20 қабылдауға болмайды. Егер пациентке Апкалис-SX 10, Апкалис-SX 20 препаратының қандай да бір дозасы тағайындалса, өмірге қауіп төндіретін жағдайда медициналық тұрғыдан нитратты қабылдау қажет болғанда, Апкалис-SX 10, Апкалис-SX 20 соңғы дозасынан кейін нитратты қабылдағанға дейін кемінде 48 сағат өтуі тиіс. Мұндай жағдайларда нитраттарды тиісті гемодинамикалық мониторинг кезінде дәрігердің мұқият бақылауымен ғана қабылдау керек. Гипертензияға қарсы дәрілер (кальций өзекшелерінің блокаторларын қоса) доксазозинді (тәулігіне 4 және 8 мг) және тадалафилді (тәуліктік доза 5 мг және бір реттік доза 20 мг) бір мезгілде қабылдау осы альфа-блокатордың артериялық қысымының төмендеу әсерін едәуір жоғарылатады. Бұл әсер кем дегенде он екі сағатқа созылады және естен тануды қоса, түрлі симптомдармен көрініс табуы мүмкін. Сондықтан бұл біріктірілім ұсынылмайды. Алайда бұл әсерлер альфузозин немесе тамсулозин қабылдаған кезде байқалмады. Тадалафилді альфа-блокаторларды қабылдаған пациенттерге, әсіресе егде жастағы пациенттерге сақтықпен қабылдау керек. Емді ең төменгі дозадан бастау және біртіндеп түзету керек. Риоцигуат ФДЭ5 тежегіштері мен риоцигуатты біріктіріп қабылдағанда артериялық қысымның аддитивті жүйелі төмендеуі туралы белгілі. Риоцигуаттың ФДЭ5 тежегіштерінің гипотензиялық әсерін күшейткені байқалды. Риоцигуатты тадалафилді қоса, ФДЭ5 тежегіштерімен бір мезгілде қолдануға болмайды. 5-альфа-редуктаза тежегіштері Тадалафилді 5-альфа-редуктаза тежегіштерімен бір мезгілде қолдануды сақтықпен пайдалану керек. CYP1A2 субстраттары (мысалы, теофиллин) Тадалафил 10 мг және теофилинді (фосфодиэстеразаның селективті емес тежегіші) бір мезгілде қабылдағанда фармакокинетикалық өзара әрекеттесу анықталған жоқ. Жалғыз фармакодинамикалық әсері жүрек жиырылу жиілігінің аздап артуы (3,5 соғу/мин) болды. Осы құбылыстың елеусіз сипатына қарамастан, бұл әсерді осы дәрілік препараттарды бір мезгілде тағайындағанда ескеру керек. Этинилэстрадиол және тербуталин Тадалафил пероральді қолданғанда этинилэстрадиолдың биожетімділігін ұлғайтты; клиникалық салдары дәл анықталмаса да, тербуталинді пероральді қабылдағанда осындай жоғарылауды күтуге болады. Алкоголь Тадалафил (10 мг немесе 20 мг) бірге қабылдағанда алкоголь концентрациясына (қандағы ең жоғары орташа концентрациясы 0,08%) әсер етпеді. Сонымен қатар, алкогольмен қабылдағаннан кейін 3 сағаттан соң тадалафил концентрациясында өзгерістер анықталған жоқ. Алкогольді алкоголь абсорбциясының жылдамдығын барынша арттыру (алкогольді ішкеннен кейін 2 сағат ішінде түнде аш қарынға) үшін қабылданды. Тадалафилді (20 мг) қабылдау алкогольден туындаған артериялық қысымның (0.7 г/кг немесе дене салмағы 80 кг еркектерде шамамен 180 мл 40% спирт [арақ]) орташа шамасының төмендеуін арттырмады, бірақ кейбір пациенттерде постуральді бас айналу және ортостаздық гипотензия байқалды. Тадалафилді алкогольдің анағұрлым төмен дозаларымен (0.6 г/кг) біріктіріп қабылдағанда артериялық гипотензия байқалмады, ал бас айналуы тек алкогольді қабылдағандағыдай жиілікпен байқалды. Тадалафилді (10 мг) қабылдау алкогольдің когнитивті функцияларға әсерін күшейтпеді. P450 цитохромы арқылы метаболизденетін дәрілік заттар Тадалафил CYP450 изоформаларымен метаболизденетін дәрілік заттардың клиникалық маңызды бәсеңдеуін немесе клиренсінің индукциясын туындатпайды. Зерттеулер тадалафил CYP3A4, CYP1A2, CYP2D6, CYP2E1, CYP2C9 және CYP2C19 қоса, CYP450 изоформаларын тежемейтінін немесе индукцияламайтынын растады. CYP2C9 субстраттары (мысалы, R-варфарин) Тадалафил (10 мг және 20 мг) S-варфарин немесе R-варфарин (CYP2C9 субстраты) экспозициясына (AUC) клиникалық маңызды әсер етпеді, сондай-ақ тадалафил варфарин тудыратын протромбиндік уақыттың өзгеруіне әсер етпеді. Аспирин Тадалафил (10 мг және 20 мг) ацетилсалицил қышқылынан туындаған қан кету уақытын ұзартуды күшейтпеді. Диабетке қарсы дәрілер Диабетке қарсы препараттармен спецификалық өзара әрекеттесуіне зерттеулер жүргізілген жоқ.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары 30 °С-ден аспайтын температурада сақтау керек. Балалардың қолы жетпейтін жерде сақтау керек!