Аратро порошок 200мг/5мл

Әр 5 мл суспензияның құрамында: белсенді зат – 209,62 азитромицин дигидраты (200,0 мг азитромицинге баламалы) қосымша заттар: сахароза, гидроксипропилцеллюлоза моногидраты, сусыз тринатрий фосфаты, ксантан шайыры, шие хош иістендіргіші 9/021095, ваниль хош иістендіргіші 9/024307, банан хош иістендіргіші 9/028122, тазартылған су. Сыртқы түрінің, иісінің, дәмінің сипаттамасы Жеміс-жидекке тән иісі бар, ақшыл сары түсті кристаллды ұнтақ.

Препаратқа сезімтал микроорганизмдерден туындаған инфекциялық-қабыну ауруларын емдеу үшін қолданылады: - жоғарғы тыныс алу жолдарының инфекцияларында: фарингит/тонзиллит, синусит, ортаңғы отит -төменгі тыныс алу жолдарының инфекцияларында: бронхит, ауруханадан тыс пневмония. -тері мен жұмсақ тіндердің инфекцияларында - жыныстық жолмен берілетін асқынбаған инфекцияларда (Chlamydia trachomatis және Neisseria gonorrhoeae туындаған)

Әсер ету механизмі Аратро - азалидтер тобына жататын макролидті антибиотик. Молекула азот атомын А эритромицинінің лактондық сақинасына енгізу нәтижесінде түзіледі. Азитромициннің химиялық атауы: 9-Деоксо-9а-аза-9а-метил-9а-гомоэритромицин. Молекулярлық массасы 749,0 құрайды. Азитромициннің әсер ету механизмі рибосомалардың 50 s субъбірлігімен байланысуы жолымен бактериялық ақуыздың синтезін бәсеңдетуге және пептидтер транслокациясын тежеуге негізделген. Кардиоэлектрофизиология: Азитромицинді үйлестіре енгізу QTc аралығын жоғарылатады. Бұл әсері дозаға және концентрацияға тәуелді. Хлорохиннен айырмашылығы (дара енгізгенде), азитромицинді үйлесімде 500 мг, 1000 мг және 1500 мг енгізгенде орташа жоғарылауы (жоғарғы сенімді шегі 95%) QTcF тиісінше 5 (10) мс, 7(12) мс және 9 (14) мс құрады. Резистенттілік механизмі: Азитромицинге резистенттілік ішкі немесе жүре пайда болған болуы мүмкін. Бактериялар резистенттілігінің үш негізгі механизмі бар: нысана - өзгерісі, антибиотик тасымалы өзгерісі және антибиотик өзгерісі. Streptococcus pneumoniae, А тобының бета-гемолиздік стрептококктары арасында, Enterococcus faecalis және Staphylococcus aureus, эритромицинге, азитромицинге, басқа макролидтерге және линкозамидтерге резистентті метициллинрезистентті Staphylococcus aureus, (MRSA) қоса, толық айқаспалы резистенттілік бар. Сезімталдық шегі Азитромицинге типтік бактериялық патогендердің сезімталдық шегі: Ұлттық клиникалық зертханалық стандарттар бойынша комитеті (NCCLS): Ұлттық клиникалық зертханалық стандарттар бойынша комитеті (NCCLS): • Сезімтал ≤ 2 мг; резистентті ≥ 8 мг/л • Haemophilus spp.: сезімтал ≤ 4 мг/л • Streptococcus pneumoniae және Streptococcus pyogenes: Сезімтал ≤ 0,5 мг/л; резистентті ≥ 2мг/л Сезімталдығы Жүре пайда болған резистенттіліктің таралымдығы жекелеген түрлері үшін географиялық орнына және уақытына байланысты өзгеруі мүмкін. Белгілі бір ел аумағында, әсіресе күрделі инфекцияларды емдеу кезінде резистенттілік туралы ақпарат болғаны дұрыс. Қажет болған жағдайда, егер жергілікті резистенттіліктің таралымдығы инфекциялардың кемінде кейбір типтерін емдеу кезінде препарат тиімділігі күмәнді болған кезде білікті кеңеске жүгінуге болады. Кесте: Азитромициннің бактерияға қарсы әсерінің ауқымы Әдетте сезімтал түрлері Аэробты грамоң микроорганизмдер Staphylococcus aureus метициллинге сезімтал Streptococcus pneumoniae пенициллинге сезімтал Streptococcus pyogenes (A тобы) Аэробты грамтеріс микроорганизмдер Haemophilus influenzae Haemophilus parainfluenzae Legionella pneumophila Moraxella catarrhalis Pasteurella multocida Анаэробты микроорганизмдер Clostridium perfringens Fusobacterium spp. Prevotella spp. Porphyromonas spp. Басқа микроорганизмдер Chlamydia trachomatis Жүре пайда болған резистенттілік мәселелер туындатуы мүмкін түрлері Аэробты грамоң микроорганизмдер Streptococcus pneumoniae пенициллинге аралық сезімталдықпен және пенициллинрезистентті Туа біткен резистентті организмдер Аэробты грамоң микроорганизмдер Enterococcus faecalis Staphylococci MRSA, MRSE* Анаэробты микроорганизмдер Bacteroides fragilis тобы * Метициллинрезистентті стафилококк макролидтерге жүре пайда болған төзімділіктің өте жоғарғы таралымдығына ие және мұнда азитромицинге сирек сезімталыққа байланысты көрсетілген.

Дозалау режимі Дозалануы: Аратро препаратының бір дозасын тәулігіне тамақтанудан 1 сағат бұрын немесе тамақтанудан кейін 2 сағаттан соң қабылдау керек. Дене салмағы 45 кг астам балалар және егде жастағы пациенттерді қоса, ересектер: Азитромициннің жалпы дозасы 1500 мг құрайды. Жалпы дозаны 3 күн бойы қабылдау керек (тәулігіне 500 мг/1 рет). Chlamydia trachomatis туындаған асқынбаған генитальді инфекцияларда 1000 мг деңгейдегі дозаны ішу арқылы қабылданатын бір реттік доза түрінде қабылдау керек. Neisseria gonorrhoeae туындаған инфекцияларда ұсынылатын доза емді жүргізу бойынша жергілікті клиникалық ұсыныстарға сәйкес 250 мг және 500 мг цефтриаксонмен біріктірілімде 1000 мг немесе 2000 мг азитромицинді құрайды. Пенициллинге және/немесе цефалоспориндерге аллергиядан зардап шегетін пациенттерге тағайындағанда дәрігерлер ем жүргізу бойынша жергілікті ұсыныстарды ескеруі тиіс. Балалар популяциясы: Дене салмағы 45 кг аз балалар: Аратро суспензиясын дене салмағы 45 кг аз балаларға қабылдауға рұқсат етіледі. 6 айлыққа дейінгі балалар жасында енгізу туралы ақпарат жоқ. Балалардағы дозасы 10 мг/кг құрайды, 3 күн бойына тәулігіне бір реттік доза түрінде қабылданады: 15 кг дейінгі (3 жастан кіші): Ішу арқылы қабылданатын дозаны өлшеу үшін көлемі 10 мл дозалағыш шприцті пайдаланумен дозаны ең жоғары дәлдікпен өлшеу керек. Дене салмағы 15 кг астам балаларға, Аратро суспензиясын келесі ұсыныстарға сәйкес қаптама жиынтығында болатын дозалағыш шприцті пайдалану арқылы беру керек: 15 - 25 кг (3-7 жас): 5 мл (200 мг), 3 күн бойына тәулігіне бір рет. 26-35 кг (8-11 жас): 7,5 мл (300 мг), 3 күн бойына тәулігіне бір рет. 36-45 кг (12-14 жас): 10 мл (400 мг), 3 күн бойына тәулігіне бір рет. Бүйрек жеткіліксіздігі: Әлсіз немесе орташа бүйрек жеткіліксіздігінен зардап шегуші пациенттерде доза түзету қажет емес (шумақтық сүзіліс жылдамдығы: 10 - 80 мл/мин). Азитромицинді бүйрек жеткіліксіздігінің ауыр түрінен зардап шегуші пациенттерге сақтықпен тағайындау керек (шумақтық сүзіліс жылдамдығы < 10 мл/мин). Бауыр жеткіліксіздігі: Бүйректе метаболизденіп және өтпен шығарылатындықтан дәрілік препаратты бауыр жеткіліксіздігінің ауыр түрінен зардап шегуші пациенттерге енгізуден аулақ болу керек. Енгізу тәсілі: Аратро суспензиясы тек қана ішке қабылдауға арналған. Суспензияны дайындау тәсілі. Көлемі 15 мл суспензия алу үшін өлшеуіш шприцтің жәрдемімен ұнтаққа 7,5 мл жаңа қайнатылған және салқындатылған су құю керек. Қабылдар алдында құтының ішіндегісін біртекті суспензия алынғанша мұқият араластырады. Суспензияны қабылдағаннан кейін бірден нәрестеге, ауыз қуысында суспензияның қалдық мөлшерінің шайылуы және жұтылуы үшін, бірнеше жұтым сұйықтық ішкізеді. Дәрілік препараттың бір немесе бірнеше дозасын өткізген кездегі қажетті шаралар Ұсынылған дозалаудан артатын доза енгізгенде дамыған жағымсыз құбылыстар препаратты қалыпты дозалық деңгейде енгізгенде дамыған жағымсыз құбылыстарға ұқсас болды. Макролидті антибиотиктермен артық дозаланудың типтік симптомдарына қайтымды шаш түсуі, жүрек айнуы, құсу және диареяның қатты ұстамалары жатады. Артық дозалану жағдайында белсендірілген көмір қабылдау керек, жалпы симптоматикалық ем жүргізу және демеуші шаралар жасау қажет. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Бұл препаратты әрдайым өзіңіздің емдеуші дәрігеріңіздің нұсқауларына дәлме-дәл сәйкестікпен қолданыңыз. Кез келген күдік туындаған жағдайда, емдеуші дәрігеріңізге жүгініңіз.

- азитромицинге, эритромицинге макролидтер тобының антибиотиктеріне және кетолидтерге және препараттың кез келген компонентіне жоғары сезімталдығы. - бауыр және бүйрек функциясының ауыр бұзылулары - 6 айға дейінгі балаларға - жүктілік және лактация кезеңі

Өте жиі - диарея, іш аумағының ауыруы, жүрек айнуы, метеоризм Жиі - анорексия - бас айналуы, бас ауыруы, парастезия, дисгевзия - көру бұзылуы - нашар есту - жүрек айнуы, ас қорыту бұзылыстары - қышыну және бөртпе - артралгия - шаршағыштық - лейкоциттер санының азаюы, эозинофилдер санының артуы, көмірқышқылы газының деңгейі азаюы Жиі емес - кандидоз, ауыз қуысының кандидозы, қынаптық инфекциялар - лейкопения, нейтропения - ангионевроздық ісіну, аса жоғары сезімталдық реакциялары - қатты қозу - гипестезия, ұйқышылдық, ұйқы бұзылуы - естудің бұзылуы, тиннитус - жиіленген жүрек қағуы - гастрит, констипация - гепатит - буллезді полиморфты эритема, фотосезімталдық реакциялары, есекжем қызбасы - кеуде аумағының ауыруы, ісіну, жалпы дімкәстік, астения - аспартатаминотрансфераза деңгейі жоғарылауы, аланинаминотрансфераза деңгейі жоғарылауы, қанда билирубин деңгейі жоғарылауы, қанда мочевина деңгейінің артуы, қанда креатинин деңгейі жоғарылауы, қанда калий мөлшерінің өзгерістері Сирек - үрейлі қозу - вертиго - бауыр функциясының бұзылуы - жедел жайылған экзантематозды пустулез (AGEP) Өте сирек - эозинофилдер қатысуындағы дәрілер арасындағы өзара әрекеттесулер және жүйелік симптомдар Анықталмаған • жалған-жарғақшалы колит • Тромбоцитопения, гемолиздік анемия • анафилаксиялық реакциялар • озбырлану, күйгелектік • синкопе, құрысулар, психомоторлық аса жоғары белсенділік, аносмия, агевзия, паросмия, ауыр жалған салдану миастениясы • екі бағытты ұршық тәрізді қарыншалық тахикардия, аритмия, қарыншалық пароксизмальді тахикардияны қоса • гипотензия • панкреатит, тіл түсінің өзгеруі • сирек жағдайларда өлімге әкелетін бауыр жеткіліксіздігі, шұғыл дамыған гепатит, бауыр некрозы, холестаздық сарғаю • уытты эпидермальді некролиз, полиморфты эритема • жедел бүйрек жеткіліксіздігі, интерстециальді нефрит • электрокардиограммадағы QT аралығының ұзаруы Жағымсыз дәрілік реакциялар туындаса медицина қызметкеріне, фармацевтика қызметкеріне немесе ДП тиімсіздігі туралы хабарламаларды қоса, дәрілік препараттарға жағымсыз реакциялар бойынша ақпараттық деректер базасына тікелей хабарласыңыз (почта, электронды почта арқылы) Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК Электронды пошта: http://www.ndda.kz

Нұсқаулықта көрсетілмеген.

Эритромицин және басқа макролидтер жағдайындағыдай, ангионевроздық ісінуді және анафилаксияны (сирек өліммен аяқталатын), жедел жайылған пустулезді псориазды (AGEP), Стивенс-Джонсон синдромын (SJS), уытты эпидермальді некролизді (TEN) (сирек өліммен аяқталатын) және эозинофилиямен және жалпы симптомдармен (DRESS) дәрілік бөртпені қоса алғанда, тері реакциялары сирек ауыр аллергиялық реакциялар туралы хабарланды. Азитромицині бар препаратқа осы реакциялардың кейбіреулері қайталанып, бақылау мен емдеудің ұзақ кезеңін қажет етті. Бауырының ауыр аурулары бар пациенттерде азитромицинді қолдану туралы деректер жоқ (С класы-Child-Pough). Егер бұл енгізу қажет деп есептелсе, бауыр функциясының дамуын үнемі бақылау керек. Антибиотиктерді, оның ішінде азитромицинді пайдалану токсині қызба, іштің ауруы және қан диарея тудыратын жалған жарғақшалы колит жағдайын тудыруы мүмкін Clostridium difficile шамадан тыс өсуі кезінде тоқ ішектің қалыпты флорасын өзгерте алады. Басталуы емдеу кезінде немесе оны аяқтағаннан кейін бір апта болуы мүмкін. Жеңіл жағдайлар әдетте емдеуді тоқтатуға жауап береді. Сонымен қатар, орташа немесе ауыр жағдайларда Clostridium difficile қарсы тиімді электролитпен және антибиотиктермен емдеу қажет болуы мүмкін. Антиперистальтикалық және антихолинергиялық дәрілер пациенттің жағдайын нашарлатуы мүмкін. Басқа бактерияға қарсы агенттер сияқты, егер олар зеңдер сияқты сезімтал емес микроорганизмдерден туындаған болса, суперинфекциялар туындауы мүмкін. 6 айдан кіші балаларда азитромицин қауіпсіздігінің дәлелі шектеулі. Арнайы ескертулер Аса жоғары сезімталдық Эритромицин және басқа макролидтер жағдайындағыдай, ангионевроздық ісінуді және анафилаксияны (сирек өліммен аяқталатын), жедел жайылған пустулезді псориазды (AGEP), Стивенс-Джонсон синдромын (SJS), уытты эпидермальді некролизді (TEN) (сирек өліммен аяқталатын) және эозинофилиямен және жалпы симптомдармен (DRESS) дәрілік бөртпені қоса алғанда, тері реакциялары сирек ауыр аллергиялық реакциялар туралы хабарланды. Азитромицині бар препаратқа осы реакциялардың кейбіреулері қайталанып, бақылау мен емдеудің ұзақ кезеңін қажет етті. Гепатоуыттылығы Бауыр азитромициннің негізгі шығарылу жолы болып табылатындықтан, азитромицинді бауыр жеткіліксіздігінің күрделі түрімен ауыратын пациенттерге сақтықпен қабылдау керек. Азитромицин қабылдауға байланысты нәтижесінде бауыр жеткіліксіздігінің өмірге қауіп төндіретін түрі дамуы мүмкін шұғыл дамыған гепатит жағдайлары туралы хабарланды. Кейбір пациенттерде бұрыннан бауыр аурулары болған немесе басқа гепатоуытты дәрілік препараттар қолданған болуы мүмкін. Бауыр функциясы бұзылуының белгілері мен симптомдары, мысалы, жылдам дамитын және сарғаюмен, қарайған несеппен, қан кетумен немесе гепатаргиямен қатар жүретін астения дамыған жағдайда бауыр функциясына талдау/сынама жүргізу қажет. Бауыр функциясының бұзылуы жағдайында азитромицин қолдануды тоқтату керек. Алкалоидты қастауыш туындылары: Алкалоидты қастауыш туындыларын қабылдайтын пациенттерде кейбір макролидтік антибиотиктерді үйлесімде енгізу аясында эрготизм дамыды. Алкалоидты қастауыш пен азитромицин арасындағы өзара әрекеттесу ықтималдығы туралы деректер жоқ. Дегенмен эрготизмнің дамуының потенциалды ықтималдығына байланысты азитромицинді және алкалоидты қастауыш туындыларын бір уақытта қабылдауға болмайды. QT аралығының ұзаруы Басқа макролидтермен емдеу барысында миокард реполяризациясының және QT аралығының ұзаруы бақыланды, бұл жүрек аритмиясының және екі бағытты ұршық тәрізді қарыншалық тахикардия даму қаупіне әкеледі. Азитромициннің осындай әсерін ұзарған миокард реполяризациясының жоғарғы қаупі бар топтардағы пациенттерде толығымен жоққа шығаруға болмайды. Сондықтан: • QT аралығының туа біткен немесе расталған ұзаруы бар; • Қазір басқа заттармен, QT аралығының ұзаруында анықталған әсері бар, Ia және III класс аритмияға қарсы препараттарымен, цисаприд немесе терфенадин препараттармен ем алып жүрген. • Электролиттік теңгерім бұзылуы бар, әсіресе гипокалиемия немесе гипомагнезиемия жағдайында • Клиникалық елеулі брадикардиясы, жүрек аритмиясы немесе жүрек жеткіліксіздігінің ауыр түрі бар пациенттерді емдеу үдерісінде сақ болу керек Суперинфекциялар Басқа антибиотиктермен болатындай зеңдерді қоса, сезімтал емес организмдер туындатқан суперинфекциялардың белгілеріне қатысты қадағалау жүргізу ұсынылады. Clostridium difficile туындатқан диарея Азитромицинді қоса, барлық дерлік бактерияға қарсы препараттармен емдеу жағдайында әлсіз диарея түрі немесе өліммен аяқталған колит болуы мүмкін Clostridium difficile туындаған диарея жағдайлары туралы хабарланды. А және В гипертоксиндерін өндіретін C. Difficile штаммдары, Clostridium difficile туындататын диарея дамуына ықпал етеді. Гипертоксиндер өндіретін C. Difficile штаммдары аурудың және өлім жағдайы деңгейі артуына әкеледі, өйткені бұл инфекциялар бактерияға қарсы еммен емделмеуі және колэктомия жүргізу қажеттігін тудыруы мүмкін. Clostridium difficile туындататын диарея даму ықтималдығын антибиотиктермен емге дейін немесе одан кейін диарея болатын пациенттерде ескеру керек. Пациенттерде ауру тарихын дәл анықтау керек, өйткені Clostridium difficile туындататын диарея даму жағдайлары туралы бактерияға қарсы препараттарды қабылдаудан кейін екі ай ішінде хабарланды. Азитромицинмен емді тоқтату және C. Difficile туындататын инфекцияларды арнайы емдеу қажеттігін қарастыру керек. Стрептококктық инфекциялар Әдетте, пенициллин Streptococcus pyogenes туындатқан фарингит/тонзиллитті емдеуде, сондай-ақ жедел ревматизмдік қызбаның профилактикасы үшін бірінші қатар препараты болып табылады. Әдетте, азитромицин орофарингеальді стрептококктық инфекцияларды емдеуде тиімді болып табылады, бірақ азитромициннің жедел ревматизмдік қызба профилактикасы үшін тиімділігін растайтын деректер жоқ. Бүйрек жеткіліксіздігі: Ауыр бүйрек жеткіліксіздігінен зардап шегетін пациенттердегі (шумақтық сүзіліс жылдамдығы <10 мл/мин), азитромициннің жүйелік әсерінің 33%-ға артқаны бақыланды. Ауыр жалған салдану миастениясы Азитромицинмен ем алып жүрген пациенттерде ауыр жалған салдану миастениясы симптомдары өршуінің және жаңа миастения синдромы дамуының жағдайлары туралы хабарланды. Диабет Қант диабетінен зардап шегетін пациенттердегі сақтық шаралары: 5 мл қалпына келтірілген суспензия құрамында 3,87 мг сахароза бар. Сирек туа біткен галактоза жақпаушылығы, лактаза жеткіліксіздігі глюкоза және галактоза төмен сіңуінің синдромы проблемасы бар пациенттерге бұл препаратты қабылдауға болмайды. Аратро суспензиясы тек ішу арқылы қабылдауға арналған. Жүктілік Аратро препаратын жүктілерге сақтықпен және тек аса қажет болған жағдайларда ғана тағайындау керек. Лактация кезеңі Емшек сүтіне бөлінуі туралы деректер жоқ. Көптеген дәрілік препараттар емшек сүтіне бөлінетін болғандықтан, Аратро препаратын тек емдеуші дәрігер анасы үшін потенциалды пайдасы сәбиге деген қауіптен артқан жағдайларды қоспағанда бала емізетін әйелдерді емдеуге пайдалануға болмайды. Дәрілік заттардың көлік құралдарын немесе қауіптілігі зор механизмдерді басқару қабілетіне әсер ету ерекшеліктері Аратро көлік құралдарын басқару және басқа механизмдермен жұмыс істеу кезінде реакция жылдамдығына әсер етпейді.

Нұсқаулықта көрсетілмеген.

Антацидтер: антацидтерді бір уақытта қолданудың азитромицин фармакокинетикасына ықпалын зерттегенде биожетімділігінде өзгерістер байқалмады, алайда азитромициннің плазмалық ең жоғарғы концентрациялары шамамен 24%-ға төмендеді. Пациенттерге азитромицин мен антацидтерді бір мезгілде қолдануға болмайды. Цетиризин: азитромицинді 20 мг цетиризинмен 5 күндік курсында бірге қабылдау тепе-теңдік жай-күйінде фармакокинетикалық өзара әрекеттесулеріне және QT аралығының елеулі өзгерісіне әкелмеді. Диданозин (дидезоксиинозин): АИТВ-оң науқастарда азитромициннің тәулігіне 1200 мг дозасын тәулігіне 400 мг диданозинмен бірге қабылдау плацебомен салыстырғанда диданозин фармакокинетикасының тепе-тең жай-күйіне әсер етпейді. Дигоксин және колхицин (Р-гликопротеин субстраттары): макролидті антибиотиктерді, оның ішінде азитромицинді дигоксин және колхицин сияқты Р-гликопротеин субстраттарымен бір мезгілде қолдану қан сарысуындағы Р - гликопротеин субстратының концентрациясының жоғарылауына әкеледі. Осылайша, азитромицин мен дигоксинді бір мезгілде қолданғанда қан сарысуындағы Дигоксин концентрациясын арттыру мүмкіндігін ескеру қажет. Зидовудин: азитромициннің бір реттік (1000 мг) және (1200 мг немесе 600 мг) көп реттік дозалары қан плазмасында фармакокинетикасына немесе зидовудиннің немесе глюкуронидтік метаболиттерінің несеппен бөлінуіне елеусіз әсер еткен. Дегенмен азитромицин енгізу фосфорланған зидовудин концентрациясын, шеткері қан айналымы жүйесінің мононуклеарлық жасушаларындағы клиникалық белсенді метаболиттің деңгейін жоғарылатқан. Бұл нәтижелердің клиникалық мәні анық емес, бірақ пациенттер үшін пайдалы болуы мүмкін. Азитромицин цитохром Р450 жүйесімен маңызды өзара әрекеттесулерге түспейді. Эритромицинмен және басқа да макролидтер жағдайында бақыланатын фармакокинетикалық дәрілер арасындағы өзара әрекеттесулердің ықтималдығы аз. Азитромицин енгізу жағдайында бүйрек цитохромының Р450 цитохром - метаболит кешенімен активация немесе дезактивациясы болмайды. Алкалоидті қастауыш туындылары: эрготизмнің потенциалды ықтималдығын ескере отырып, азитромицинді және алкалоидті қастауыш туындыларын бір мезгілде енгізу ұсынылмайды. Азитромицин мен Р450 цитохромымен метаболизденетін келесі дәрілік препараттарға фармакокинетикалық зерттеулер жүргізілді. Аторвастатин: аторвастатин (тәулігіне 10 мг) және азитромицинді (тәулігіне 500 мг) бірге енгізу қан плазмасындағы аторвастатин концентрациясын (HMG CoA-редуктаза талдаулары негізінде) өзгертпеген. Карбамазепин: препарат қан плазмасындағы карбамазепин деңгейіне немесе оның белсенді метаболиттеріне елеулі әсер етпеген. Циметидин: азитромицинді қабылдағанға дейін 2 сағат бұрын қабылданған циметидиннің бір реттік дозасының азитромицин фармакокинетикасы өзгерістеріне әсері анықталмады. Кумаринді пероральді антикоагулянттар: азитромицинді кумарин типті пероральді антикоагулянттар алатын науқастарға тағайындағанда протромбиндік уақыттың мониторинг жиілігін ескеру керек. Циклоспорин: осы дәрілік препаратпен бір мезгілде ем тағайындағанға дейін сақ болу керек. Осы препаратпен бір мезгілде ем қажет болған жағдайда циклоспорин деңгейін бақылау және барлық қажет болған жағдайларда дозаны түзету керек. Эфавиренз: 7 күн бойына күніне 600 мг азитромицин және 400 мг эфавиренздің бір реттік дозасын бірге қабылдау фармакокинетикалық клиникалық елеулі өзара әрекеттесулерге әкелмейді. Флуконазол: азитромициннің бір реттік 1200 мг дозасын бірге қолдану флуконазолдың бір реттік 800 мг дозасы фармакокинетикасын өзгертпейді. Азитромициннің жалпы әсері және жартылай шығарылу кезеңі флуконазолмен бірге енгізгенде өзгермеді, алайда азитромициннің клиникалық тұрғыдан елеусіз төмендеуі Cmax (18 %) байқалды. Индинавир: азитромициннің бір реттік 1200 мг дозасын бірге қабылдау 5 күн бойы тәулігіне үш рет 800 мг дозада енгізілетін индинавир фармакокинетикасына статистикалық тұрғыдан елеулі ықпал етпейді. Метилпреднизолон: азитромицин метилпреднизолон фармакокине-тикасына елеулі әсер етпейді. Мидазолам: азитромицинді 3 күн бойына тәулігіне 500 мг мидазоламның 15 мг бір реттік дозасымен бірге енгізу фармакокинетикасының және фармакодинамикасының клиникалық тұрғыдан елеулі өзгерістерін туындатпады. Нелфинавир: тепе-теңдік жай күйінде азитромицинді (1200 мг) және нелфинавирмен (750 мг тәулігіне үш рет) бірге енгізу азитромицин концентрациясының жоғарылауына әкеледі. Клиникалық тұрғыдан елеулі жағымсыз құбылыстар байқалмады және дозаны түзету қажеттілігі жоқ. Рифабутин: азитромицин мен рифабутинді бір уақытта қолдану бұл препараттардың қан сарысуындағы концентрациясына ықпал етпеді. Азитромицин мен рифабутинді бір уақытта қолданғанда нейтропения байқалды. Нейтропения рифабутин қолданумен байланысты болса да, азитромицинді бір мезгілде қабылдаудың себеп салдарлы байланысы анықталмады. Силденафил: қан айналымы жүйесіндегі силденафилдің немесе оның негізігі метаболиттерінің AUC және Cmax мәніне азитромициннің (3 күн бойы 500 мг/тәулік) әсері туралы нақты деректер жоқ. Терфенадин: фармакокинетикалық зерттеулерде азитромицин мен терфенадин арасындағы өзара әрекеттесулер туралы хабарланбады. Сирек жағдайларда мұндай өзара әрекеттесу ықтималдығын жоққа шығаруға болмайтыны хабарланды; алайда мұндай өзара әрекеттесудің болғаны туралы нақты деректер жоқ. Теофиллин: азитромицин мен теофиллинді бір уақытта енгізу кезінде клиникалық тұрғыдан маңызды фармакокинетикалық өзара әрекеттесу туралы нақты деректер жоқ. Триазолам: 1 күні 500 мг және 2 күні 250 мг азитромицинді 0,125 мг триазоламмен 2 күні бірге енгізу елеулі фармакокинетикалық әсер етпеді. Триметоприм / сульфаметоксазол: 7 күн бойына триметоприм / сульфаметоксазол (160 мг / 800 мг) және азитромицинді 1200 мг 7 күні бірге енгізу ең жоғары концентрациясына, жалпы әсеріне немесе триметоприм немесе сульфаметоксазол шығарылуына елеулі әсер етпеді

Сақтау мерзімі 4 жыл Жарамдылық мерзімі өткеннен кейін қолдануға болмайды. Сақтау шарттары Құрғақ, жарықтан қорғалған жерде, 25оС-ден аспайтын температурада сақтау керек. Балалардың қолы жетпейтін жерде сақтау керек! Құтыны ашқаннан кейінгі қолдану кезеңі 5 күннен аспайды.