Ариста таблетки 20 мг

Бір таблетканың құрамында белсенді зат - 20 мг тадалафил, қосымша заттар: лактоза моногидраты, натрий кроскармеллозасы, натрий лаурилсульфаты, гидроксипропилцеллюлоза, микрокристалды целлюлоза, магний стеараты, қабықтың құрамы: Опадри® II сары 31К32498 (лактоза моногидраты, гипромеллоза, титанның қостотығы (Е171), темірдің сары тотығы, триацетин, темірдің қара тотығы). Сыртқы түрінің, иісінің, дәмінің сипаттамасы Тамшы тәрізді, сары түсті, үлбірлі қабықпен қапталған таблеткалар.

- еркек жынысты ересек пациенттерде эректильді дисфункцияны емдеуде. Эректильді дисфункцияны емдегенде тадалафилдің әсері білінуі үшін сексуалды стимуляция қажет. Ариста препараты әйел адамдарға қолдануға арналмаған.

Әсер ету механизмі Тадалафил цГМФ молекуласындағы фосфодиэфир байланысының гидролизі процесіне қатысатын ФДЭ5 қайтымды селективті тежегіші болып табылады. Азот тотығының жергілікті босап шығуы кезінде сексуалдық стимуляциялау аясында тадалафилдің ФДЭ5 тежеуі жыныстық мүшенің үңгірлі денесінде цГМФ деңгейінің жоғарылауын туындатады, нәтижесінде тегіс бұлшықеттердің босаңсуы, жыныстық мүше тіндеріне қанның ағып келуі артады және эрекция пайда болады. ЭД емдеу кезінде сексуалдық стимуляция болмаған кезде тадалафил тиімді емес. Жыныстық мүшенің үңгірлі денесіндегі цГМФ концентрациясының артуына қатысты ФДЭ5 тежелуіне байланысты әсері қуықасты бездің, қуықтың және осы ағзалар қантамырларының тегіс бұлшықеттерінде де байқалады. Тамырлардың босаңсуы нәтижесінде тіндердегі қанағымы артады; бұл механизм ҚБҚГ симптомдары айқындылығының төмендеуімен байланысты болуы мүмкін. Тадалафилді қабылдаған кезде жоғарыда көрсетілген тамырлық әсерлерге қосымша қуықтың афференттік жүйке белсенділігінің төмендеуі және қуықасты безі мен қуықтың тегіс бұлшықеттерінің босаңсуы байқалуы мүмкін. In vitro зерттеулерінде тадалафил ФДЭ5 селективті тежегіші болып табылатыны анықталды. ФДЭ5 үңгірлі дененің тегіс бұлшықеттерінде, тамырлардың және ішкі ағзалардың тегіс бұлшықеттерінде, қаңқа бұлшықеттерінде, тромбоциттерде, бүйректе, өкпеде және мишықта кездеседі. Тадалафилдің ФДЭ5 қатысты тежегіш әсері басқа фосфодиэстеразаларға қарағанда анағұрлым айқын болып табылады - ФДЭ1, ФДЭ2, ФДЭ4 қатысты 10000 еседен астам (жүректе, мида, қантамырларда, бауырда және басқа ағзаларда кездеседі), ФДЭ3 қатысты 10000 еседен астам (жүректе және қантамырларда кездеседі), ФДЭ7-ФДЭ10 қатысты 10000 еседен астам, ФДЭ6 қатысты шамамен 700 есе (торқабықта анықталады және фототрансдукция процесіне қатысады). ФДЭ3-ке қарағанда ФДЭ5-ке қатысты тадалафил әсерінің неғұрлым жоғары селективтілігі маңызды, өйткені ФДЭ3 жүрек бұлшықетінің жиырылу процесіне қатысатын фермент болып табылады.

Дозалау режимі ЭД бар ересек еркектер Ұсынылған дозасы болжамды секуалдық белсенділік алдында 10 мг тадалафилді құрайды. Тадалафил 10 мг дозада жеткілікті әсерді қамтамасыз етпейтін пациенттерге дәрілік затты 20 мг дозада пайдалануға болады. Препаратты сексуалдық белсенділік алдында кемінде 30 минут бұрын қабылдау керек. Препаратты қабылдаудың ең жоғары жиілігі - тәулігіне бір рет. 10 мг және 20 мг дозалардағы тадафил болжамды сексуалдық белсенділік алдында қолдануға арналған; жоғарыда көрсетілген дозаларда дәрілік затты үздіксіз күнделікті қабылдау ұсынылмайды. Дәрілік затты жиі пайдалануды жоспарлап отырған пациенттерде (аптасына кемінде екі рет) пациенттің таңдауын және дәрігердің шешімін ескере отырып, тадалафилді төмен дозада күнделікті қабылдау режимі қолайлы болуы мүмкін. Мұндай пациенттерде ұсынылатын дозасы тәулігіне бір рет шамамен бір уақытта 5 мг тадалафилді құрайды. Дәрілік заттың көтерімділігіне қарай дозасын 2,5 мг дейін азайтуға болады (дәрілік препаратты көрсетілген дозалау режимін сақтауға мүмкіндік беретін тиісті дозада пайдалану керек). Препаратты күнделікті қабылдаудың мақсатқа сәйкестігіне мерзімді түрде қайта бағалау жүргізу керек. Пациенттердің ерекше топтары Балалар Препарат 18 жасқа дейінгі балаларға қолдануға ұсынылмайды. Егде жастағы еркектер Егде жастағы пациенттерде дәрілік заттың дозасын түзету қажет емес. Бауыр функциясы бұзылған еркектер Бауыр функциясы бұзылған, ЭД бар пациенттерге ұсынылған дозасы ас ішуге қарамастан болжамды сексуалдық белсенділік алдында 10 мг тадалафилді құрайды. Бауыр функциясының ауыр бұзылулары (Чайлд-Пью бойынша С класы) бар пациенттерге тадалафилді қолдану қауіпсіздігі жөніндегі клиникалық деректер шектеулі. Мұндай пациенттерге дәрілік затты пайдаланғанда пайда / қауіп арақатынасына мұқият жеке бағалау жүргізілуі керек. Бауыр функциясы бұзылған пациенттерге тадалафилді 10 мг-нан астам дозаларда қолдану туралы деректер жоқ. Бүйрек функциясы бұзылған еркектер Бүйрек функциясының ауырлық дәрежесі жеңіл және орташа бұзылуы бар пациенттерге дәрілік заттың дозасын түзету қажет емес. Бүйрек функциясының ауыр бұзылулары бар пациенттерге ең жоғары ұсынылған дозасы 10 мг тадалафилді құрайды. Қант диабеті бар еркектер Қант диабеті бар пациенттерге дәрілік заттың дозасын түзету қажет емес. Енгізу әдісі мен жолы Таблеткаларды тамақ ішуге қарамастан ішке қабылдайды.

- белсенді затқа немесе препараттың қосымша заттарының кез келгеніне аса жоғары сезімталдық - органикалық нитраттарды кез келген дәрілік түрінде бір мезгілде қолдану - клиникалық зерттеулерде тадалафил органикалық нитраттардың гипотензиялық әсерін күшейтетіні анықталды, бұл шамамен дәрілік заттардың азот тотығы/циклдік гуанозинмонофосфат (цГМФ) қатысуымен жасушаішілік сигнал беру процесіне біріктірілген әсерімен байланысты - 5 типті фосфодиэстераза (ФДЭ5) тежегіштерін бұрын пайдаланумен байланысқа қарамастан, артериитті емес алдыңғы ишемиялық оптикалық нейропатия (ААИОН) салдарынан бір көздің көрмей қалуы - симптоматикалық артериялық гипотензияның потенциалды даму қаупіне байланысты гуанилатциклаза стимуляторларын, мысалы, риоцигуатты бір мезгілде қолдану. Препаратты сексуалдық белсенділік ұсынылмайтын жүрек-қантамыр ауруларымен ауыратын пациенттерге қолдануға болмайды. Жүрек-қантамыр аурулары бұрыннан бар пациенттерде сексуалдық белсенділік кезінде кардиологиялық қауіп дәрежесін ескерген жөн. Препарат жүрек-қантамыр жүйесінің төменде сипатталған аурулары бар пациенттерге (қауіпсіз қолдану жөніндегі ақпараттың болмауы себебінен) қарсы көрсетілімді: - соңғы 90 күн ішінде бастан өткерген миокард инфарктісі; - жыныстық қатынас кезінде туындайтын стенокардия немесе тұрақсыз стенокардия; - соңғы 6 ай ішінде жүрек функциясының II және одан жоғары класты жеткіліксіздігі (Нью-Йорк кардиологиялық қауымдастығының (NYHA) жіктеуі бойынша); - бақыланбайтын аритмиялар; - артериялық гипотензия (артериялық қысым (АҚ) 90/50 мм. сын.бағ) немесе бақыланбайтын артериялық гипертензия; - соңғы 6 ай ішінде бастан өткерген инсульт.

Жағымсыз реакциялар жиілігінің параметрлері былайша анықталады: өте жиі (≥ 1/10); жиі (≥ 1/100, бірақ < 1/10); жиі емес (≥ 1/1000, бірақ < 1/100); сирек (≥ 1/10000, бірақ < 1/1000); өте сирек (< 1/10000); жиілігі белгісіз (қолда бар деректер бойынша бағалау мүмкін емес). Жиі - бас ауыру - қан кернеу - мұрынның бітелуі - диспепсия - арқаның ауыруы, миалгия, аяқ-қолдардың ауыруы Жиі емес - аса жоғары сезімталдық реакциялары - бас айналу - анық көрудің бұзылуы, көздің ауыруы ретінде сипатталған сезімдер - құлақтың шуылдауы - тахикардия, пальпитация - артериялық гипотензия^, артериялық гипертензия - ентігу, мұрыннан қан кету - іштің ауыруы, құсу, жүрек айну, гастроэзофагеалды рефлюкс - бөртпе - гематурия - ұзақ эрекция - кеуденің ауыруы#, шеткері ісінулер, шаршау Сирек - ангионевроздық ісіну* - инсульт# (геморрагиялық асқынуларды қоса алғанда), естен тану, транзиторлық ишемиялық шабуылдар#, бас сақинасы*, құрысулар*, транзиторлық амнезия - көру аумағының ақауы, қабақтың ісінуі, конъюнктиваның гиперемиясы, ААИОН*, торқабық қантамырларының окклюзиясы* - есту қабілетінің кенеттен жоғалуы - миокард инфарктісі, тұрақсыз стенокардия*, қарыншалық аритмия* - есекжем, Стивенс-Джонсон синдромы*, эксфолиативті дерматит*, гипергидроз (шамадан тыс терлеу) - приапизм, жыныстық мүшеден қан кету, гематоспермия - беттің ісінуі*, жүректің тоқтап қалуынан кенеттен болған өлім*# Белгісіз - орталық серозды хориоретинопатия * Постмаркетингтік кезеңде байқалған, бірақ плацебо-бақыланатын клиникалық зерттеулерде тіркелмеген жағымсыз реакциялар. # Пациенттердің көпшілігінде жүрек-қантамыр жүйесі тарапынан қауіп факторлары болған. ^ Гипертензияға қарсы дәрілерді қабылдаған пациенттерде тадалафилді пайдалану кезінде жиі байқалған жағымсыз реакциялар . Жекеленген жағымсыз реакциялардың сипаттамасы Тадалафилмен ем күнделікті қабылдаған пациенттердің электрокардиограммасындағы (ЭКГ) өзгерістер, бірінші кезекте синустық брадикардия плацебо қабылдаған пациенттерге қарағанда анағұрлым жоғары жиілікте байқалды. ЭКГ-дағы өзгерістердің көпшілігі жағымсыз реакциялардың туындауымен байланысты емес. Пациенттердің ерекше топтары Клиникалық сынақтар барысында эректильді дисфункцияны немесе қуық асты безінің қатерсіз гиперплазиясын емдеу үшін тадалафил қабылдаған 65 жастан асқан пациенттердің реакциялары туралы деректер шектеулі. Эректильді дисфункциясы бар пациенттер қажетіне қарай тадалафилді қабылдаған клиникалық зерттеулерде диарея 65 жастан асқан пациенттерде жиі байқалды. Клиникалық сынақтарда қуықасты безінің қатерсіз гиперплазиясын емдеу үшін тәулігіне бір рет 5 мг тадалафил қабылдаған 75 жастан асқан пациенттерде жоғары жиілікпен бас айналу және диарея анықталды. Күтілетін дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Тадалафилді дені сау еріктілерге 500 мг дейінгі дозаларда бір рет қолданғанда және тәулігіне 100 мг дейінгі дозаларда пациенттерге көп рет қолданғанда жағымсыз реакциялар дәрілік затты неғұрлым төмен дозаларда пайдаланғандағы жағымсыз реакцияларға ұқсас болды. Артық дозалану жағдайында стандартты симптоматикалық ем жүргізу керек. Тадалафил организмнен гемодиализ арқылы елеусіз дәрежеде шығарылады.

Бүйрек функциясының ауыр бұзылулары бар пациенттерге препаратты күнделікті режимде пайдалану қан плазмасындағы тадалафил концентрациясының жоғарылауына байланысты ұсынылмайды. Арнайы сақтандырулар Тадалафилмен емдеуді бастар алдында Тадалафилмен емдеуді бастар алдында ЭД диагностикалау және ауру дамуының ықтимал себептерін анықтау мақсатында анамнез жинау және пациентке физикалық тексеру жүргізу керек. ЭД емін бастар алдында пациенттің жүрек-қантамыр жүйесінің жай-күйін бағалау қажет, өйткені сексуалдық белсенділік кезінде кардиологиялық қауіптің белгілі бір дәрежесі бар. Тадалафилдің тамыр кеңейтетін қасиеттері бар, оны қолданғанда АҚ болымсыз транзиторлық төмендейтіні байқалады және органикалық нитраттардың гипотензиялық әсері күшейеді. ЭД кезінде тиісті медициналық тексеруден кейін ауру дамуының ықтимал себептерін анықтау және емдеу тәсілін анықтау қажет. Тадалафилмен емдеу жамбас аймағына хирургиялық операция жасалған немесе жүйкелерді сақтамай түбегейлі простатэктомия жасалған пациенттерге тиімді болып табыла ма, жоқ па белгісіз. Жүрек-қантамыр жүйесі Миокард инфарктісін, жүректің тоқтап қалуынан кенеттен болған өлімді, тұрақсыз стенокардияны, қарыншалық аритмияны, инсультті, транзиторлық ишемиялық шабуылдарды, кеуденің ауыруын, пальпитацияны және тахикардияны қоса алғанда, жүрек-қантамыр жүйесі тарапынан ауыр жағымсыз реакциялар постмаркетингтік кезеңде және/немесе клиникалық зерттеулерде байқалған. Жоғарыда көрсетілген жағымсыз реакциялар байқалған пациенттердің көпшілігінде жүрек-қантамыр жүйесі тарапынан қауіп факторлары болған. Дегенмен, жоғарыда көрсетілген жағымсыз реакциялар мен қауіп факторлары, тадалафилді қолдану, сексуалдық белсенділік немесе осы немесе өзге де факторлардың үйлесуі арасында тікелей өзара байланысты дәл анықтау мүмкін емес. Гипертензияға қарсы препараттармен ем алатын пациенттерде тадалафил АҚ төмендеуін туындатуы мүмкін. α1-адреноблокаторлармен ем қабылдайтын кейбір пациенттерде тадалафилді пайдаланғанда симптоматикалық артериялық гипотензия дамуы мүмкін. Тадалафилді доксазозинмен біріктіріп пайдалану ұсынылмайды. Көру Тадалафил мен ФДЭ5 басқа тежегіштерін қолданумен байланысты көру аумағы мен АИОН ақауларының пайда болу жағдайлары хабарланған. Бақылау деректерін талдау нәтижелері тадалафилді немесе басқа да ФДЭ5 тежегіштерін пайдаланғанда ЭД бар еркектерде жедел АИОН даму қаупі артатынын айғақтайды. Пациенттер көру аумағының ақаулары пайда болған жағдайда дәрілік затты қолдануды тоқтатқаны және дереу дәрігерге қаралғаны туралы хабардар болуы тиіс. Есту қабілетінің төмендеуі немесе есту қабілетінің кенеттен жоғалуы Тадалафилді пайдалану кезінде есту қабілетінің кенеттен жоғалу жағдайлары хабарланды; бұл ретте кейбір пациенттерде басқа қауіп факторлары (мысалы, жасы, қант диабеті, артериялық гипертензия және анамнезінде есту қабілетінің жоғалуы) болды. Пациенттер есту қабілетінің кенеттен төмендеуі немесе есту қабілетінің жоғалуы жағдайында дәрілік затты қабылдауды тоқтатып, дереу дәрігерге қаралу керек екендігі туралы хабардар болуы тиіс. Бүйрек және бауыр функциясының бұзылуы Бүйрек функциясының ауыр бұзылулары бар пациенттерге препаратты күнделікті режимде пайдалану қан плазмасындағы тадалафил концентрациясының жоғарылауына байланысты («концентрация-уақыт» (AUC) қисығы астындағы аудан бойынша бағалау), сондай-ақ осы санаттағы пациенттерге дәрілік затты осындай қолданудың шектеулі клиникалық тәжірибесіне және диализ тиімсіздігіне байланысты ұсынылмайды. Бауыр функциясының ауыр бұзылулары (Чайлд-Пью бойынша С класы) бар пациенттерге препаратты бір рет қолдану қауіпсіздігі жөніндегі клиникалық деректер шектеулі. Бауыр функциясы бұзылған пациенттерде ЭД емінде тадалафилді күнделікті қабылдаудың тиімділігі мен қауіпсіздігі бағаланбаған. Мұндай пациенттерге дәрілік затты пайдаланғанда пайда / қауіп арақатынасына мұқият жеке бағалау жүргізілуі керек. Приапизм және жыныстық мүшенің анатомиялық деформациясы Пациенттер ұзақ эрекция (4 сағат және одан көп) туындаған жағдайда, олар дереу медициналық көмекке жүгінуі тиіс екендігі туралы хабардар болуы керек. Приапизмді уақтылы емдемеген кезде жыныстық мүше тіндерінің зақымдануы және потенцияның қайтымсыз жоғалуы байқалуы мүмкін. Тадалафилді жыныстық мүшенің анатомиялық деформациясы бар пациенттерге (мысалы, қисаю, кавернозды фиброз немесе Пейрони ауруы) немесе приапизмге бейімділігі бар пациенттерге (мысалы, орақтәрізді -жасушалық анемия, көптеген миелома немесе лейкоз) пайдаланғанда сақ болу қажет. CYP3A4 тежегіштерімен бірге қолдану Тадалафилді CYP3A4 күшті тежегіштерімен (ритонавир, саквинавир, кетоконазол, итраконазол және эритромицин) ем қабылдап жүрген пациенттерге пайдаланғанда сақ болу керек, өйткені қан плазмасындағы тадалафил концентрациясы (AUC бойынша бағалау) жоғарылайды. Тадалафил және ЭД емдеуге арналған басқа да дәрілік заттар Тадалафилдің басқа ФДЭ5 тежегіштерімен немесе ЭД емдеу үшін басқа дәрілік заттармен біріктірілімдерін қолданудың қауіпсіздігі мен тиімділігіне зерттеулер жүргізілген жоқ. Пациенттер мұндай біріктірілімдерді пайдалануға болмайтыны туралы хабардар болуы керек. Қосымша заттар Аристаның құрамында лактоза бар, сондықтан галактоза жақпаушылығымен, лактаза жеткіліксіздігімен немесе глюкоза-галактоза мальабсорбциясымен сипатталатын сирек тұқым қуалайтын аурулары бар пациенттерге дәрілік препаратты қабылдауға болмайды. Аристаның құрамында бір таблеткада 1 ммольден аз натрий (23 мг) бар, яғни іс жүзінде «құрамында натрий жоқ». Педиатрияда қолданылуы Препарат 18 жасқа дейінгі балаларға қолдануға ұсынылмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат автокөлік жүргізу және механизмдерді басқару қабілетіне шамалы әсер етеді. Клиникалық зерттеулерде тадалафилді қолданғанда бас айналудың туындау жиілігі плацебо пайдаланғанда осындаймен салыстырылмалы болғанына қарамастан, автокөлік жүргізу және механизмдерді басқару кезінде пациент сақ болу керек.

Препарат әйелдерде қолдануға арналмаған. Жүктілік Тадалафилді жүкті әйелдерде қолдану туралы деректер шектеулі. Жануарларды зерттеу жүктілікке, эмбрионның/ұрықтың дамуына, босануға немесе босанғаннан кейінгі дамуға тікелей немесе жанама зиянды әсерін көрсетпейді. Сақтық шаралары ретінде жүктілік кезінде тадалафил қабылдаудан аулақ болған жөн. Жануарлардан алынған фармакодинамикалық/токсикологиялық деректер тадалафилдің сүтпен бөлінетінін көрсетті. Бала үшін қауіпті жоққа шығаруға болмайды. Тадалафилді бала емізу кезеңінде қолдануға болмайды. Фертильділік Клиникалық зерттеулер нәтижелеріне сәйкес, кейбір ер адамдарда дәрілік затты қолданған кезде шәуетте сперматозоидтар концентрациясының төмендегені байқалғанына қарамастан, дәрілік заттың адамның фертильділігіне теріс әсер етуі екіталай.

P450 цитохромы жүйесі ферменттерінің тежегіштері Тадалафил метаболизмі процесіне көбіне CYP3A4 қатысады. CYP3A4 селективті тежегішін кетоконазолды (тәулігіне 200 мг доза) тадалафилмен (10 мг доза) бірге қолданғанда соңғысының қан плазмасындағы ең жоғары концентрациясы (Cmax) 15% - ға жоғарылады, ал AUC мәні монотерапия кезінде тадалафил үшін ұқсас көрсеткіштермен салыстырғанда 2 есе артты. 400 мг тәуліктік дозадағы кетоконазолмен біріктіріп қолданғанда қан плазмасындағы тадалафил концентрациясы (20 мг доза) 4 есе (AUC бойынша бағалау) жоғарылады, ал Cmax мәні 22% - ға артты. CYP3A4, CYP2C9, CYP2C19 және CYP2D6 тежегішімен (протеаза тежегіші; дозасы тәулігіне 2 рет 200 мг) бір мезгілде қолданғанда қан плазмасында тадалафил концентрациясы (20 мг доза) 2 есе (AUC бойынша бағалау) жоғарылады, ал Cmax мәні өзгерген жоқ. Тадалафилдің басқа протеаза тежегіштерімен (мысалы, саквинавир) және басқа CYP3A4 тежегіштерімен (мысалы, эритромицин, кларитромицин, итраконазол және грейпфрут шырыны) спецификалық өзара әрекеттесуіне зерттеулер жүргізілген жоқ. Осындай біріктірілімдерді сақтықпен пайдалану керек, өйткені бұл ретте қан плазмасында тадалафил концентрациясы жоғарылауы мүмкін, ал осының салдарынан жағымсыз реакциялардың туындау жиілігі артуы мүмкін. Тасымалдаушы ақуыздар Тадалафилдің организмге таралу процесіндегі тасымалдаушы ақуыздардың (мысалы, Р-гликопротеин) мәні белгісіз. Тасымалдаушы ақуыздарды тежеу арқылы дәрілік өзара әрекеттесу мүмкіндігі бар. P450 цитохромы жүйесі ферменттерінің индукторлары CYP3A4 индукторы рифампицинмен бірге пайдаланғанда тадалафил үшін AUC мәні (10 мг доза) тадалафилмен жүргізілетін монотерапиямен салыстырғанда 88%-ға азайды. Тадалафилдің тиімділігі төмендеуі мүмкін; тиімділігінің төмендеу дәрежесі белгісіз. CYP3A4 басқа индукторларымен (мысалы, фенобарбитал, фенитоин және карбамазепин) бір мезгілде қолданғанда қан плазмасындағы тадалафил концентрациясы да төмендеуі мүмкін. Тадалафилдің басқа дәрілік заттарға әсері Органикалық нитраттар Клиникалық зерттеулерде 5 мг, 10 мг және 20 мг дозаларда тадалафил органикалық нитраттардың гипотензиялық әсерін күшейтетіні анықталды; тадалафилді органикалық нитраттармен бір мезгілде кез келген дәрілік түрінде қолдануға болмайды. 150 пациент 7 күн бойы 20 мг тәуліктік дозада тадалафил және әртүрлі уақытта 0,4 мг дозада нитроглицеринді сублингвальді қабылдаған клиникалық зерттеу нәтижелеріне сәйкес өзара әрекеттесу 24 сағаттан астам уақытқа созылды және тадалафилді соңғы қабылдағаннан кейін 48 сағаттан соң анықталмады. Осылайша, тадалафилмен емді кез келген дозада (2,5-тен 20 мг-ға дейін) қабылдайтын және өмірге қауіп төндіретін жағдайлар туындаған кезде органикалық нитраттарды пайдалану қажет болатын пациенттерге органикалық нитраттарды қолданар алдында тадалафилдің соңғы дозасын қабылдағаннан кейін кемінде 48 сағат өтуі тиіс екенін назарға алу керек; мұндай жағдайларда нитраттарды гемодинамиканы тиісті мониторингілеу арқылы мұқият медициналық бақылаумен ғана қолдану қажет. Гипотензиялық дәрілер (кальций өзекшелерінің блокаторларын қоса алғанда) Доксазозинді (тәулігіне 4 мг және 8 мг доза) және тадалафилді (бір реттік доза түрінде 5 мг және 20 мг тәуліктік доза) бір мезгілде қолданғанда α-адреноблокатордың гипотензиялық әсері едәуір артады; әсері кемінде 12 сағатқа созылады және талып қалуды қоса, клиникалық симптомдардың дамуымен қатар жүруі мүмкін. Осы себепті жоғарыда аталған дәрілік заттардың біріктірілімін пайдалану ұсынылмайды. Тадалафилді альфузозинмен немесе тамсулозинмен біріктіріп қолданғанда дені сау еріктілердің шектеулі санының қатысуымен жүргізілген өзара әрекеттесуді зерттеулерде мұндай әсерлердің туындағаны туралы хабарланған жоқ. Дегенмен, тадалафилді кез келген α-адреноблокаторлармен ем алатын пациенттерге (әсіресе егде жастағы) пайдаланғанда сақ болу керек; емдеуді тадалафилдің ең аз дозасынан бастау және оны біртіндеп түзету қажет. Клиникалық зерттеулерде кальций өзекшелерінің блокаторлары (амлодипин), ангиотензин өзгертуші фермент тежегіштері (эналаприл), β-адреноблокаторлар (метопролол), тиазидті диуретиктер (бендрофлуазид) және ангиотензин II рецепторларының блокаторлары (әртүрлі типтер мен дозалар, тиазидті диуретиктермен, кальций өзекшелерінің блокаторларымен, β-адреноблокаторлармен және/немесе α-адреноблокаторлармен моно - немесе біріктірілген ем) сияқты гипертензияға қарсы дәрілердің гипотензиялық әсерінің күшеюіне қатысты тадалафил потенциалы да бағаланды. Тадалафилдің дәрілік заттармен клиникалық елеулі өзара әрекеттесуі (дозасы 10 мг; ангиотензин II рецепторларының блокаторларымен және 20 мг доза қолданылған амлодипинмен өзара әрекеттесуін зерттеуді қоспағанда) жоғарыда көрсетілген кластардан анықталған жоқ. Басқа клиникалық зерттеулерде тадалафилді (дозасы 20 мг) гипертензияға қарсы дәрілермен (бір мезгілде 4-класқа дейін) біріктіріп қолданғанда, тадалафилді гипертензияға қарсы бірнеше дәрілермен емдеу аясында амбулаториялық жағдайлардағы пациенттердің АҚ оны бақылау дәрежесіне сәйкес өзгеретіні анықталды. Бұл тұрғыда АҚ тиісті түрде бақыланған пациенттерде дені сау еріктілердегі төмендеуге ұқсас АҚ-ның ең аз төмендеуі байқалды. Пациенттердің АҚ тиісінше бақылау болмаған жағдайда, оның төмендеуі айқын болды, дегенмен олардың көпшілігінде бұл ретте артериялық гипотензияның дамуымен байланысты симптомдар байқалған жоқ. Гипертензияға қарсы дәрілермен ем қабылдап жүрген пациенттерде 20 мг дозада тадалафил қабылдау аясында АҚ төмендеуі мүмкін; бұл ретте АҚ өзгеруі, әдетте, әлсіз айқын сипатта болады және клиникалық мәні болуы екіталай (α-адреноблокаторлармен емдеу жағдайларын қоспағанда - жоғарыда қараңыз). Клиникалық зерттеулер деректеріне (3-фаза) сәйкес тадалафилді гипертензияға қарсы дәрілермен біріктіріп немесе оларсыз пайдаланған пациенттерде жағымсыз реакциялар бейінінде айырмашылықтар анықталған жоқ. Гипертензияға қарсы дәрілерді қабылдайтын пациенттер тадалафил қабылдау аясында АҚ ықтимал төмендеуіне қатысты тиісті нұсқаулар алуы керек. Риоцигуат Клиникаға дейінгі және клиникалық зерттеулерде риоцигуаттың ФДЭ5 тежегіштерінің гипотензиялық әсерін күшейтетіні анықталды. Осы біріктірілімнің неғұрлым жоғары клиникалық тиімділігін куәландыратын деректер алынған жоқ. Риоцигуатты ФДЭ5 тежегіштерімен, оның ішінде тадалафилмен бір мезгілде қолдануға болмайды. 5-α-редуктаза тежегіштері Қуықасты безінің аденомасын симптоматикалық емдегенде 5 мг тадалафилді және 5 мг финастеридті бір мезгілде қолдануды плацебо және 5 мг финастеридті қабылдаумен салыстыратын клиникалық сынақтарда қандай да болсын жағымсыз реакциялардың басталғаны білінген жоқ. Дегенмен, тадалафилді және 5-альфа-редуктаза тежегіштерін бірге қолданудың салдарына қатысты дәрілік заттардың өзара әрекеттесуіне формальді зерттеу жүргізілмесе де, тадалафилді және 5-альфа-редуктаза тежегіштерін қатар тағайындағанда сақтық танытқан жөн. CYP1A2 субстраттары (мысалы, теофиллин) Клиникалық зерттеулерде тадалафилді 10 мг дозада теофиллинмен (фосфодиэстеразаның селективті емес тежегіші) біріктіріп қолданғанда дәрілік заттар арасында фармакокинетикалық өзара әрекеттесулер анықталған жоқ; бұл ретте фармакодинамикалық өзара әрекеттесу байқалды, оның нәтижесінде жүрек жиырылу жиілігі болмашы (минутына 3,5 рет) артты. Бұл әсер әлсіз білінгеніне және клиникалық маңызы болмағанына қарамастан, осындай біріктірілімдерді пайдалану кезінде оның туындау ықтималдығын ескеру қажет. Этинилэстрадиол және тербуталин Тадалафилді қолданғанда пероральді қабылдағанда этинилэстрадиолдың биожетімділігі артатыны анықталды, сондай-ақ тербуталинді пероральді қабылдағанда биожетімділігінің осыған ұқсас артуын күтуге болады; бұл өзгерістердің клиникалық маңыздылығы белгісіз. Алкоголь Тадалафилді 10 мг немесе 20 мг дозаларда қолданғанда қан плазмасындағы алкоголь концентрациясы (Cmax орташа мәні 0,08% құрады) өзгерген жоқ. Сондай-ақ, алкоголь қабылдағаннан кейін 3 сағат ішінде қан плазмасында тадалафил концентрациясының өзгеруі байқалған жоқ. Алкогольді қабылдау процедурасы ең жоғары сіңу жылдамдығына қол жеткізгендей етіп (таңертең аш қарынға алкогольді ішкеннен кейін 2 сағат бойы тамақ ішуден бас тарта отырып) жүзеге асырылды. Тадалафил 20 мг дозада алкогольдің гипотензиялық әсерін күшейтпеді (дене салмағы 80 кг ер адам үшін 0,7 г/кг немесе 180 мл-ге жуық 40% алкоголь (арақ)), дегенмен, кейбір пациенттерде постуральды бас айналу және ортостатикалық гипотензия байқалды. Тадалафилді алкогольмен неғұрлым төмен дозаларда (0,6 г/кг) қабылдағанда АҚ-тың төмендейтіні хабарланбаған, ал бас айналу алкогольді бөлек қабылдау кезіндегі жиілікте тіркелген. Тадалафил 10 мг дозада алкогольдің когнитивті функцияларға әсерін күшейтпеді. Метаболизміне P450 цитохромы жүйесінің изоферменттері қатысатын дәрілік заттар Тадалафил метаболизміне P450 цитохромы жүйесінің изоферменттері қатысатын дәрілік заттардың клиренсіне клиникалық мәнді әсер ететіні күтілмейді. Тадалафил CYP3A4, CYP1A2, CYP2D6, CYP2E1, CYP2C9 және CYP2C19 қоса, P450 цитохромы жүйесі изоферменттерінің белсенділігін тежемейтіні және жоғарылатпайтыны анықталды. CYP2C9 субстраттары (мысалы, R-варфарин) Тадалафил 10 мг және 20 мг дозаларда S-варфарин немесе CYP2C9 R-варфарин субстратының (AUC бойынша бағалау) қан плазмасындағы концентрациясына клиникалық мәнді әсер етпеді, сондай-ақ варфаринді пайдаланумен байланысты протромбин уақыты мәндерінің өзгеруіне әсер етпеді. Ацетилсалицил қышқылы Тадалафил 10 мг және 20 мг дозаларда ацетилсалицил қышқылын пайдаланумен байланысты қан кету уақытының ұзаруына әсер етпеді. Диабетке қарсы дәрілер Диабетке қарсы дәрілермен спецификалық өзара әрекеттесулерге зерттеулер жүргізілген жоқ.

Сақтау мерзімі 5 жыл Жарамдылық мерзімі өткеннен кейін қолдануға болмайды! Сақтау шарттары Ылғалдан қорғалған жерде 25°С-ден аспайтын температурада сақтау керек. Балалардың қолы жетпейтін жерде сақтау керек!