Арпегра таблетки 100 мг

Бір таблетканың құрамында белсенді зат – 146 мг силденафил цитраты, 100 мг силденафилге баламалы, қосымша заттар: микрокристалды целлюлоза, лактоза моногидраты, кальций гидрофосфаты, повидон, магний стеараты, тазартылған тальк, натрий крахмалы гликоляты, қабықтың құрамы: титанның қостотығы (Е171), гипромеллоза, тазартылған тальк, пропиленгликоль, бриллиантты көк (Е133). Сыртқы түрінің, иісінің, дәмінің сипаттамасы Дөңгелек пішінді, екі беті дөңес, көк түсті сызығы бар қабықпен қапталған, диаметрі 10.0 мм 2 % және қалыңдығы 3.0-тен 4.5 мм-ге дейінгі таблеткалар.

- жыныс мүшесінің қанағаттанарлық жыныстық қатынас үшін жеткілікті эрекцияға жетуіне немесе оны сақтауға қабілетсіздігімен сипатталатын эректильді дисфункцияда. Препарат тек сексуалдық стимуляция кезінде ғана тиімді.

Нұсқаулықта көрсетілмеген.

Дозалау режимі Ересектерде қолданылуы Ұсынылатын дозасы 50 мг құрайды, препаратты қажет болған жағдайда, шамамен жыныстық қатынасқа дейін 1 сағат бұрын қабылдайды. Тиімділігі мен жағымдылығын ескере отырып, дозасын 100 мг дейін арттыруға немесе 25 мг дейін төмендетуге болады. Ұсынылатын ең жоғарғы дозасы 100 мг құрайды. Ұсынылатын ең көп қабылдау жиілігі – күніне 1 рет. Пациенттердің айрықша топтары Егде жастағы пациенттер Егде жастағы пациенттерде (≥ 65 жас) дозасын түзету қажет емес. Бүйрек функциясының бұзылуы бар пациенттер Бүйрек функциясының жеңіл және орташа бұзылуы (креатинин клиренсі 30-80 мл/мин) кезінде дозасын түзету қажет емес. Бүйрек функциясының ауыр бұзылуы (креатинин клиренсі < 30 мл/мин) бар пациенттерде силденафил клиренсінің төмендейтіндігіне байланысты, препаратты 25 мг дозада қолдану мүмкіндігін қарастыру керек. Препараттың тиімділігі мен жағымдылығына қарай, қажет болған жағдайда, оның дозасын 50 мг дейін және 100 мг дейін сатылап арттыруға болады. Бауыр функциясының бұзылуы бар пациенттер Бауыр функциясының бұзылуы (мысалы, циррозы) бар пациенттерде силденафилдің клиренсі төмендейтіндігіне байланысты, препаратты 25 мг дозада қолдану мүмкіндігін қарастыру керек. Препараттың тиімділігі мен жағымдылығына қарай, қажет болған жағдайда, оның дозасын 50 мг дейін және 100 мг дейін сатылап арттыруға болады. Балалар жасындағы және жасөспірімдік кезеңдегі пациенттер Силденафил балаларда (< 18 жас) қолдануға арналмаған. Басқа дәрілік заттарды қабылдап жүрген пациенттерде қолданылуы Силденафилмен бір мезгілде қабылдау ұсынылмайтын ритонавирді қоспағанда, препаратты бастапқы 25 мг дозасында CYP3A4 тежегіштерімен қатарлас ем қабылдап жүрген пациенттерде қолдану мүмкіндігін қарастыру керек. Альфа-адреноблокаторлармен емделіп жүрген пациенттерде постуральді артериялық гипотензияның даму қаупін төмендету мақсатында, силденафилмен емдеуді бастамас бұрын, альфа-адреноблокаторларды қабылдап жүрген пациенттердің жағдайын тұрақтандыру керек. Бұдан өзге, силденафилді 25 мг дозасынан бастап қолдану мүмкіндігін қарастыру керек. Енгізу әдісі және жолы Қажет болған жағдайда таблетканы екіге бөлу керек. Таблетканы шайнамай, стақан сумен іше отырып тұтастай жұту керек. Қабылдау уақыты көрсетілген қолдану жиілігі Препаратты тамақпен бірге немесе онсыз қабылдауға болады. Дегенмен, тамақпен бірге қабылдаған жағдайда, препараттың әсер ете бастауы үшін көбірек уақыт керек болуы мүмкін.

- белсенді затына немесе қосымша заттарының кез келгеніне аса жоғары сезімталдық - азот тотығының донаторлары болып табылатын препараттарды (амилнитрит) немесе нитраттардың кез келген түрін бір мезгілде қабылдау, өйткені силденафил азот тотығы/циклдық гуанозинмонофосфат жолына белгілі әсеріне байланысты, нитраттардың гипотензиялық әсерін күшейтеді - силденафил сияқты ФДЭ-5 тежегіштерін гуанилатциклазаның стимуляторларымен (риоцигуат) бір мезгілде қабылдауға болмайды, себебі бұл симптоматикалық гипотензияға әкелуі мүмкін - шамадан тыс сексуалдық белсенділік ұсынылмайтын пациенттер (ауыр жүрек-қантамыр аурулары бар пациенттер, мысалы тұрақсыз стенокардия немесе жүректің жедел жеткіліксіздігі) - көру жүйкесінің алдыңғы артерииттік емес ишемиялық нейропатиясы (КЖААЕИН) салдарынан бір көздің көрмей қалуы, бұл көріністің ФДЭ-5 тежегішін осының алдында қолданумен байланысты болған-болмағандығына байланыссыз - тіркелген көрсетілімі бойынша препарат балалар мен 18 жасқа дейінгі жасөспірімдерге және әйелдерде қолдануға арналмаған. - тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар ер адамдарға. Силденафилдің қауіпсіздігі мен тиімділігіне бақыланатын клиникалық зерттеулер жүргізілмеген және сондықтан да, препаратты келесі топтарда қолдануға болмайды: - бауырдың ауыр жеткіліксіздігі - артериялық гипотензия (артериялық қысым < 90/50 мм сын.бағ.) - соңғы 6 айда бастан өткерген миокарда инфарктісі - соңғы 6 айда бастан өткерген инсульт - көздің торқабығының тұқым қуалайтын дегенеративтік аурулары (мысалы, тұқым қуалайтын пигменттік ретинит, бұл пациенттердің азғантай санында торқабық фосфодиэстеразалары функциясының тұқым қуалайтын бұзылулары болған).

Өте жиі - бас ауыруы Жиі - бас айналуы - түстерді ажыратып көрудің бұрмалануы (хлоропсия, хроматопсия, цианопсия, эритропсия, ксантопсия), көрудің бұзылыстары, анық көрмеу - гиперемия, қан кернеулері - мұрынның бітелуі - жүрек айнуы, диспепсия Жиі емес - ринит - аса жоғары сезімталдық - ұйқышылдық, гипестезия - көз жасы ағуымен байланысты бұзылулар (көздің құрғауы, көз жасы безі функциясының бұзылуы, көз жасы ағуының күшеюі), көздің ауыруы, фотофобия, фотопсия, көз тамырларының гиперемиясы, көріп қабылдаудың айқын жарық болып кетуі, конъюнктивит - кеңістіктегі бағдарсыздық (вертиго), құлақтағы шуыл - тахикардия, жүрек қағуын сезіну - артериялық гипертензия, артериялық гипотензия - мұрыннан қан кету, мұрынның қосалқы қойнауларының бітелуі - гастроэзофагеальді рефлюкс ауруы, құсу, іштің жоғарғы бөлігінің ауыруы, ауыздың құрғауы - бөртпе - миалгия, аяқ-қолдардың ауыруы - гематурия - кеуде қуысындағы ауыру, қатты қажу, ысыну сезімі - жүректің жиырылу жиілігінің артуы Сирек - ми қанайналымының жедел бұзылуы, транзиторлық ишемиялық шабуыл, құрысу ұстамасы*, құрысу ұстамасының қайталануы*, естен тану - көру жүйкесінің алдыңғы артерииттік емес ишемиялық нейропатиясы*, торқабық тамырларының окклюзиясы*, торқабыққа қан құйылуы, артериосклероздық ретинопатия, торқабық ауруы, глаукома, көру аумағының ақауы, диплопия, көру жітілігінің төмендеуі, миопия, астенопия, шыны тәрізді дененің беткейлік бұлыңғырлануы, нұрлы қабық ауруы, мидриаз, көру аясында нұрлы шеңберлердің болуы, көздің ісінуі, көздің домбығып ісуі, көру бұзылысы, конъюнктивалық гиперемия, көздің тітіркенуі, көздегі әдеттен тыс сезінулер, қабақтың ісінуі, аққабық түсінің өзгеруі - кереңдік -кенет жүректен болатын өлім*, миокард инфарктісі, қарыншалық аритмия*, жүрекшелердің фибрилляциясы, тұрақсыз стенокардия - тамақтың қысылу сезімі, мұрынның ісінуі, мұрынның шырышты қабығының құрғауы - оральді гипестезия - Стивенс-Джонсон синдромы *, уытты эпидермалық некролиз* - жыныс мүшесінен қан кету, приапизм*, гематоспермия, эрекцияның күшеюі- ашушаңдық *тек тіркеуден кейінгі кезеңде тіркелген жағымсыз әсерлер. Жағымсыз дәрілік реакциялар туындаған жағдайда медициналық қызметкеріне, фармацевтикалық қызметкерге немесе тікелей, дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) жөніндегі ақпараттық мәліметтер базасына хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК. https://www.ndda.kz/

Еріктілерде 800 мг дейінгі бір реттік дозасын қолданып жүргізілген зерттеулер барысында жағымсыз реакциялар төменірек дозаларында байқалғандармен ұқсас болды, алайда, пайда болу жиілігі мен күрделілігі жоғары болды. 200 мг дозалары тиімділігінің жоғарылауына алып келген жоқ, алайда, жағымсыз реакциялардың (бас ауыруы, гиперемия, бас айналуы, диспепсия, мұрынның бітелуі, көрудің өзгеруі) пайда болу жиілігі артты. Артық дозаланған жадайларда, стандартты демеуші емді тағайындау қажет. Бүйрек диализі шығарылуын жеделдетпейді деп болжанады, өйткені силденафилдің плазма ақуыздарымен байланысу дәрежесі жоғары және несеппен бірге шығарылмайды.

Эректильді дисфункцияға диагностика жүргізу және оның алғашқы ықтимал себептерін анықтау үшін, ауру тарихын зерттеу және фармакологиялық тұрғыдан емдеу мүмкіндіктерін қарастырғанға дейін медициналық тексеру жүргізу керек. Жүрек-қантамыр ауруларының қауіп факторлары Эректильді дисфункцияны емдеуді бастар алдында емдеуші дәрігер өзінің пациенттерінің жүрек-қантамыр статусын бағалауы керек, өйткені сексуалдық белсенділікпен байланысты жүрек асқынуларының белгілі бір қауіп дәрежесі бар. Силденафил артериялық қысымның жеңіл немесе өтпелі төмендеуіне алып келетін тамырды кеңейтетін қасиеттерге ие. Силденафилді тағайындар алдында дәрігерлер бұл препараттың тамырды кеңейтетін әсерінің белгілі бір негізгі аурулары бар пациенттердің жағдайына, әсіресе, олардың сексуалдық белсенділікпен бірігуіне жағымсыз салдарларының ықтималдығын мұқият тексеруі керек. Тамырды кеңейтетін дәрілерге сезімталдығы жоғары топқа сол жақ қарыншаның шығар бөлігінің тарылуы (мысалы, қолқа клапанының стенозы, гипертрофиялық обструкциялық кардиомиопатиясы) бар пациенттер, сондай-ақ, артериялық қысымның автономды бақылануы бұзылуының ауыр дәрежесі түрінде көрініс беретін, сирек кездесетін көптүрлі жүйелі атрофия синдромы бар пациенттер жатады. Препарат нитраттардың гипотензиялық әсерін күшейтеді. Тіркеуден кейінгі кезең барысында силденафилді қолдану кезіндегі миокард инфарктісін, тұрақсыз стенокардияны, кенет жүректен болатын өлім, қарыншалық аритмияны, цереброваскулярлық қан кетуді, транзиторлық ишемиялық шабуылды, артериялық гипертензияны және артериялық гипотензияны қоса, күрделі жүрек-қантамырлық асқынулар жағдайлары тіркелді. Бұл пациенттердің барлығында болмаса да, көпшілігінде осының алдында жүрек-қантамыр ауруларының қауіп факторлары болған. Бұл құбылыстардың көпшілігі жыныстық қатынас кезінде немесе жыныстық акт аяқталғаннан кейін көп ұзамай тіркелген, сондай-ақ, бірнеше құбылыс сексуалдық белсенділіксіз силденафилді қабылдағаннан кейін көп ұзамай тіркелген. Бұл құбылыстардың силденафилді қабылдаумен, сексуалдық белсенділікпен, бұрыннан бар жүрек-қантамыр ауруымен, аталған факторлардың біріктірілімімен немесе басқа факторлармен тікелей байланысты болған-болмағандығын анықтау мүмкін емес. Приапизм Эректильді дисфункцияны емдеуге арналған дәрілік препараттарды, соның ішінде, силденафилді, жыныс мүшесінің анатомиялық деформациясы (ангуляция, каверноздық фиброз немесе Пейрони ауруы) бар пациенттерде, сондай-ақ, приапизм дамуына бейім (орақтәрізді-жасушалы анемия, көптүрлі миелома немесе лейкемия сияқты) аурулары бар пациенттерде сақтықпен қолдану керек. Силденафилдің тіркеуден кейін қолданылуы кезінде эрекцияның ұзаққа созылуы мен приапизм жағдайлары хабарланды. 4 сағаттан артыққа созылған эрекция жағдайында, пациент шұғыл медициналық көмекке жүгінуі тиіс. Дереу емделмеген жағдайда, приапизм жыныс мүшесі тіндерінің зақымдануына және потенцияның қайтымсыз жоғалуына әкеп соқтыруы мүмкін. ФДЭ-5 басқа тежегіштерімен немесе эректильді дисфункцияны емдеуге арналған басқа препараттармен бір мезгілде қолдану Силденафилдің ФДЭ-5 басқа тежегіштерімен, өкпенің артериялық гипертензиясын емдеуге арналған, құрамында силденафил бар препараттармен немесе эректильді дисфункцияны емдеуге арналған басқа препараттармен біріктірілімінің қауіпсіздігі мен тиімділігі зерттелмеген, сондықтан, аталған біріктірілімдерд бір мезгілде қолдану ұсынылмайды. Көруге әсері Силденафил мен ФДЭ-5 басқа тежегіштерін қабылдаумен байланысты көрудің бұзылған жағдайлары, атап айтқанда, сирек кездесетін ауру – көру жүйкесінің алдыңғы артерииттік емес ишемиялық нейропатиясы болған. Көру өткірлігінде кез келген ақаулар туындаған жағдайда, препаратты қабылдауды тоқтату және дереу дәрігерге қаралу қажет. Ритонавирмен бір мезгілде қолданылуы Ритонавирді силденафилмен бір мезгілде қабылдау ұсынылмайды. Альфа-адреноблокаторлармен бір мезгілде қолданылуы Силденафилді альфа-адреноблокаторлармен бір мезгілде қолданғанда сақтық таныту керек, өйткені ерекше сезімтал пациенттер тобында симптоматикалық артериялық гипотензияның дамуына алып келуі мүмкін. Құрамында силденафил бар препараттарды қабылдағаннан кейінгі алғашқы 4 сағатта оның даму ықтималдығы анағұрлым зор. Альфа-адреноблокаторлармен емделіп жүрген пациенттерде симптоматикалық артериялық гипотензияның даму қаупін азайту мақсатында, альфа-адреноблокаторларды қабылдап жүрген пациенттерде силденафилмен емдеуді бастамас бұрын, гемодинамика жағдайын тұрақтандыру керек. Бұдан өзге, силденафилді 25 мг дозасынан бастап қолдану мүмкіндігін қарастыру керек. Пациенттерге симптоматикалық артериялық постуральді гипотензия дамыған жағдайда қабылдануы керек шаралар туралы міндетті түрде кеңес беру қажет. Қанның ұюына әсері Адам тромбоциттерін пайдаланып жүргізілетін in vitro зерттеулер, силденафил натрий нитропруссидінің агрегацияға қарсы әсерін күшейтетінін көрсетеді. Силденафилді қан ұюының бұзылулары немесе белсенді пептидтік ойық жарасы бар пациенттерде қолданудың қауіпсіздігі туралы деректер жоқ, сондықтан да силденафилді, пайдасы/қаупі арақатынасына мұқият баға беруден кейін қолдану керек. Арнайы сақтандырулар Әйелдерде Арпегра препаратын әйелдерде қолдануға болмайды. Арпеграны сирек тұқым қуалайтын галактоза жақпаушылығы, Лапп лактаза тапшылығы немесе глюкоза мен галактоза мальабсорбциясы синдромы бар ерлерде препараттың құрамында лактоза болуына байланысты қолдануға болмайды. Арпегра пепаратының құрамындағы натрий Бұл дәрінің құрамында 1 таблеткасында 1 ммольден аз натрий (23 мг) бар, яғни, «натрийсіз» дерлік. Педиатрияда қолдану 18 жасқа дейінгі балалар мен жасөспірімдерде препаратты қолдануға болмайды.

Арпегра әйелдерде қолдануға арналмаған. Арпеграның жүкті және бала емізетін әйелдерде қолданылуына тиісінше және қатаң бақыланатын зерттеулер жүргізілмеген. Дәрілік препараттың автокөлік немесе қауіптілігі зор механизмдерді басқару қабілетіне әсер ету ерекшеліктері Арпегра автомобильді басқару және механизмдермен жұмыс істеу қабілетіне елеусіз әсер етуі мүмкін. Силденафилмен клиникалық сынақтарда бас айналу және көрудің бұзылуы туралы хабарланғандықтан, пациенттер автокөлікті басқарудан немесе механизмдермен жұмыс істеуден бұрын Арпеграға қандай реакциясы барын білуі тиіс.

In vitro зерттеулері Силденафил метаболизмі негізінен 3A4 (негізгі жол) және P450 (CYP) цитохромы 2C9 (екінші дәрежелі жол) изоформаларымен байланысты. Осы себепті осы изоферменттердің тежегіштері төмендете алады, ал осы изоферменттердің индукторлары - силденафил клиренсін арттыра алады. In vivo зерттеулері Силденафилді CYP3A4 тежегіштерімен (кетоконазол, эритромицин және циметидин сияқты) бір мезгілде қабылдағанда силденафил клиренсі төмендегені бақыланды. Пациенттердің осы тобында жағымсыз әсерлерінің жоғары жиілігі бақыланбайды, дегенмен Арпегра препаратымен емді бастапқы 25 мг дозада бастау керек. Тепе-теңдік жай-күйінде P450 цитохромының күшті тежегіші болып табылатын ритонавирдің АИТВ протеаза тежегішін (тәулігіне екі рет 500 мг) силденафилмен (бір реттік дозада 100 мг) бір мезгілде қабылдау силденафилдің ең жоғары концентрациясының (Cmax) 300 % (4 есе) ұлғаюына әкеледі, сондай-ақ қан плазмасындағы силденафилдің AUC 1000 % (11-есе) ұлғаюына әкеледі. Қан плазмасындағы силденафилдің деңгейі 24 сағаттан кейін тек силденафил қабылдағаннан кейін шамамен 5 нг/мл салыстырғанда 200 нг/мл жуықты құрайды. Бұл деректер P450 цитохромы субстраттарының кең ауқымына ритонавирдің айқын әсерімен сәйкес келеді. Жоғарыда келтірілген деректерді негізге ала отырып, силденафилді ритонавирмен бір мезгілде қолдану ұсынылмайды. Силденафил ритонавир фармакокинетикасына әсер етпейді. Силденафилдің ең жоғары дозасы ешқандай жағдайда 48 сағат ішінде 25 мг аспауы тиіс. Тепе-теңдік жай-күйінде CYP3A4 тежегіші болып табылатын саквинавирдің АИТВ протеаза тежегішін (тәулігіне үш рет 1200 мг) силденафилмен (бір реттік дозада 100 мг) бір мезгілде қабылдау силденафил Cmax 140 %-ға ұлғаюына, сондай-ақ силденафилдің AUC 210 %-ға артуына әкеледі. Силденафил саквинавир фармакокинетикасына әсер етпейді. Кетоконазол және итраконазол сияқты CYP3A4 күштірек тежегіштердің әсері айқынырақ болады. Тепе-теңдік жай-күйінде CYP3A4 орташа тежегішімен, эритромицинмен (5 күн бойына тәулігіне екі рет 500 мг) бірге силденафилді 100 мг дозада бір рет қабылдағанда силденафилдің жүйелі әсерінің 182 %-ға ұлғайғаны (AUC мәні бойынша анықталады) бақыланады. Азитромицин (3 күн бойына тәулігіне 500 мг дозада) AUC, Cmax, Tmax, элиминация жылдамдығы константасына немесе силденафилдің кейінгі жартылай шығарылу кезеңі немесе оның негізгі айналымдағы метаболитінің көрсеткіштеріне әсер етпейді. P450 цитохромының тежегіші болып табылатын циметидинді (800 мг) және спецификалық емес CYP3A4 тежегішімен силденафилді (50 мг дозада) бір мезгілде қабылдау қан плазмасындағы силденафилдің концентрациясының 56 % ұлғаюын туындатады. Грейпфрут шырыны ішек қабырғасындағы метаболизмнің CYP3A4 әлсіз тежегіші болып табылады және қан плазмасындағы силденафил деңгейінің орташа жоғарылауын туындатуы мүмкін. Антацидті дәрілерді (магний гидроксидін/алюминий гидроксидін) бір рет қабылдау силденафил биожетімділігіне әсер етпейді. CYP2C9 тежегіштері (толбутамид, варфарин және фенитоин), CYP2D6 тежегіштері (серотонинді кері қармаудың селективті тежегіштері, трициклдық антидепрессанттар), тиазидті және тиазидке ұқсас диуретиктер, ілмекті және калий жинақтаушы диуретиктер, ангиотензин-өзгертуші фермент тежегіштері (АӨФ), кальций өзекшелерінің блокаторлары, бета-адренергиялық рецепторлары блокаторлары және CYP450 метаболизмдік белсенділігінің индукторлары (рифампицин, барбитураттар) силденафил фармакокинетикасына әсер етпейді. Тепе-теңдік жай-күйінде эндотелин бозентанының антагонисін (125 мг тәулігіне екі рет) (CYP3A4, CYP2C9 орташа индукторларын және CYP2C19 болуы ықтимал) силденафилмен тепе-теңдік жай-күйінде (80 мг тәулігіне үш рет) бір мезгілде қабылдау силденафил үшін AUC және Cmax мәндерінің тиісінше 62,6 % және 55,4 % төмендеуіне әкеледі. Осылайша, рифампин сияқты CYP3A4 күшті индукторларымен бір мезгілде қолданғанда қан плазмасындағы силденафилдің концентрациясының айқынырақ төмендеуін шарттайды деп болжанады. Никорандил калий өзекшелерінің және нитраттың өзекшелерінің белсендіргіш гибриді болып табылады. Нитратты компонент есебінен ол силденафилмен күрделі өзара әрекеттесулерге түсу қабілетінің ықтималдығы бар. • Силденафилдің басқа дәрілік заттарға әсері In vitro зерттеулері Силденафил 1A2, 2C9, 2C19, 2D6, 2E1 және 3A4 P450 цитохромы (IC50 > 150 мкм) изоформаларының әлсіз тежегіші болып табылады. Қан плазмасындағы силденафилдің ең жоғары концентрациясы препараттың ұсынылған дозаларын қабылдағаннан кейін шамамен 1 мкМ құрайтын жағдайда, силденафил осы изоферменттердің субстраттарының клиренсін өзгертуінің ықтималдығы аз. Силденафилдің теофиллин немесе дипиридамол сияқты фосфодиэстеразаның спецификалық емес тежегіштерімен өзара әрекеттесулері туралы деректер жоқ. In vivo зерттеулері Силденафилдің NO/цГМФ дабыл жолына белгілі әсеріне сәйкес силденафил нитраттардың гипотензиялық әсерін күшейтуге ықпалды, атап айтқанда артериялық қысымды елеулі төмендетуге ықпалды. Сондықтан оны азот тотығының донаторларымен (амилнитрит) немесе кез келген түрдегі нитраттармен бір мезгілде қолдануға болмайды. Риоцигуат Клиникалық зерттеулерде риоцигуат ФДЭ-5 тежегіштерінің гипотензиялық әсерін күшейткен. Зерттелген популяцияда бұндай біріктірілімді қолданғандағы жағымды клиникалық әсері туралы деректер болмады. Риоцигуатты ФДЭ-5 тежегіштерімен, оның ішінде силденафилмен бір мезгілде қолдануға болмайды. Альфа-адреноблокаторлармен бір мезгілде қабылдау Оларды бір мезгілде қолдану кейбір сезімтал пациенттерде симптоматикалық артериялық гипотензияға әкелуі мүмкіндігіне байланысты альфа-адреноблокаторлар тобының препараттарын қабылдайтын пациенттерде силденафилді сақтықпен қолдану ұсынылады. Бұның ең ықтимал бақылану мүмкіндігі силденафил дозасын қабылдағаннан кейін 4 сағат ішінде болуы мүмкін. Постуральді артериялық гипотензиясының даму қаупін төмендету үшін альфа-адреноблокаторлармен ем алатын пациенттерде силденафилмен емді бастамас бұрын гемодинамикалық тұрақтылық жай-күйіне қол жеткізу керек. 25 мг дозамен силденафил қолдануды бастау мүмкіндігін қарастыру керек. Бұдан басқа, дәрігерлер постуральді гипотензия симптомдары туындау жағдайларындағы әсері туралы пациенттерге нұсқау беру керек. Доксазозин емі көмегімен тұрақтандырылған пациенттерде силденафил және доксазозинді бір мезгілде қолданғанда симптоматикалық артериялық гипотензия, бас айналуы және естен тану алдындағы, бірақ естен танбайтын жай-күйдің сирек жағдайлары туындағаны туралы хабарланды. Силденафилді (50 мг дозада) екеуі де CYP2C9 метаболизденетін толбутамидпен (250 мг дозада) немесе варфаринмен (40 мг дозада) бір мезгілде қолданғанда елеулі өзара әрекеттесулері анықталмады. Силденафил (50 мг дозада) ацетилсалицил қышқылын (150 мг дозада) қабылдаудан туындаған қан кету уақытының артуына ықпал етпейді. Силденафил (50 мг дозада) қандағы 80 мг/дл алкогольдің орташа ең жоғары деңгейінде алкогольдің гипотензиялық әсерінің күшеюіне ықпал етпейді. Гипертензияға қарсы дәрілік препараттардың келесі: диуретиктер, бета-блокаторлар, АӨФ тежегіштері, ангиотензин II антагонистері, гипертензияға қарсы дәрілік заттар (тамыр кеңейтетін және орталықтық әсері), адренергиялық нейроблокаторлар, кальций өзекшелерінің блокаторлары және альфа-адренорецепторлар блокаторлары - кластарын біріктіру плацебо қабылдайтын пациенттермен салыстырғанда силденафил қабылдайтын пациенттердегі жағымсыз әсерлері бейінінің айырмашылығын анықтамады. Артериялық гипертензиясы бар пациенттерде силденафил (100 мг дозада) амлодипинмен бір мезгілде қолданылған дәрілік заттардың өзара әрекеттесулерінің арнайы зерттеулерінде шалқасынан жатқан күйдегі систолалық артериялық қысымның тиісінше қосымша төмендеуі 8 мм. сын. бағ. құрады. Шалқасынан жатқан күйдегі диастолалық артериялық қысымның тиісінше қосымша төмендеуі 7 мм. сын. бағ. құрады. Артериялық қысымның бұл қосымша төмендеуі дені сау еріктілерде монотерапия ретінде силденафил пайдаланғанда бақыланғандармен мөлшері бойынша ұқсас болды. Силденафил (100 мг дозада) тепе-теңдік жай-күйіндегі АИТВ протеаза тежегіштерінің, екеуі де CYP3A4 субстраттары болып табылатын саквинавир және ритонавирдің фармакокинетикасына әсер етпейді. Ер жынысты пациенттерде тепе-теңдік жай-күйінде бозентанмен силденафилді (80 мг тәулігіне үш рет) бір мезгілде қолданғанда бозентанның (125 мг тәулігіне екі рет) AUC және Cmax тиісінше 49,8 % және 42 %-ға жоғарылауын туындатады.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде 25°С-ден аспайтын температурада сақтау керек. Балалардың қолы жетпейтін жерде сақтау керек!