Артикаин гидрохлориді 4 % ХЮОНС эпинефринмен (1:100 000), инъекцияға арналған ерiтiндi картридждерде раствор 1:100 000

Бір мл ерітіндінің құрамында белсенді заттар – 40.0 мг артикаин гидрохлориді, 0.018 мг эпинефрин битартраты (эпинефринге шаққанда – 0.01 мг). Бір картридждің (1,7 мл ерітінді) ішінде белсенді заттар – 68.0 мг артикаин гидрохлориді, 0.0306 мг эпинефрин битартраты (эпинефринге шаққанда – 0.017 мг) қосымша заттар - натрий хлориді, натрий метабисульфиті, натрий эдетаты, натрий гидроксиді, инъекцияға арналған су. Сыртқы түрінің иісінің, дәмінің сипаттамасы Түссіз мөлдір ерітінді

Стоматологиялық емшаралар кезінде жергілікті және локорегионарлық анестезия. Артикаин гидрохлориді 4 % ХЮОНС эпинефринмен (1:100 000) ересектерге, жасөспірімдерге және 4 жастан асқан балаларға (немесе дене салмағы 20 кг-дан асатын) қолданылады.

Әсер ету механизмі Артикаин ГХЛ - бұл амидтер тобының жергілікті анестетигі. Жергілікті анестетиктер жүйкедегі электрлік қозу шегін арттыру, жүйке импульсін жүргізуді баяулату арқылы және әсер ету потенциалының өсу жылдамдығын азайту есебінен жүйке импульстерінің түзілуі мен өткізгіштігін бөгейді. Жалпы, анестезияның өршуі зақымдалған жүйке талшықтары импульстерінің диаметрімен, миелинизациясымен және өткізгіштігінің жылдамдығымен байланысты. Эпинефрин вазоконстрикторлық әсер көрсетеді, жалпы айналымда сіңуін баяулату және сол арқылы белсенді тіндерде демеуші концентрацияны ұзарту үшін артикаин гидрохлоридіне қосылған. Фармакодинамикалық әсерлері Жүйке функциясын жоғалтудың клиникалық бірізділігі мынадай: (1) ауырсыну; (2)температура; (3) сезімталдық; (4) проприосцепция; (5) қаңқа бұлшықеттері тонусы. Анестезия препаратты енгізгеннен кейін 1-9 минут ішінде басталады. Толық анестезия инфильтрация кезінде шамамен 1 сағатқа және жүйке блокадасында шамамен 2 сағатқа дейін созылады. Препаратты енгізу бастапқы деңгеймен салыстырғанда плазмада адреналин концентрациясының 3-5 есе ұлғаюына әкеледі; алайда дені сау ересектерде бұл кездейсоқ тамырішілік енгізу жағдайларын қоспағанда, артериялық қысымның немесе жүректің жиырылу жиілігінің елеулі жоғарылауымен байланысты емес.

Тек дәрігерлер немесе стоматологтардың кәсіби пайдалануына арналған Дозалау режимі Пациенттердің барлық топтары үшін тиімді анестезияға әкелетін ең төмен дозаны пайдалану керек. Қажетті доза жекелей негізде анықталуы тиіс. Әдеттегі процедура үшін ересек пациенттер үшін қалыпты доза 1 картриджді құрайды, бірақ тиімді анестезия үшін картридждің аз мөлшері жеткілікті болуы мүмкін. Стоматологтың қалауы бойынша, ұсынылған ең жоғары дозадан асырмай, барынша кеңейтілген процедуралар үшін көбірек картридждер қажет болуы мүмкін. Әдеттегі стоматологиялық процедуралар үшін 1:200000 адреналинмен артикаин инъекцияға арналған ерітіндісін қолданған жөн. Айқын гемостазды талап ететін неғұрлым күрделі араласулар үшін 1:100000 адреналинмен артикаин инъекцияға арналған ерітіндісін қолданған дұрыс. Ересектер мен жасөспірімдер (12-ден 18 жасқа дейін) Ересектер мен жасөспірімдерде артикаиннің ең жоғары дозасы ең жоғары ұсынылатын 500 мг дозада 7 мг/кг құрайды. Ең жоғары 500 мг доза дене салмағы 70 кг-нан асатын дені сау ересек адамға сәйкес келеді. Бұдан әрі кестеде ең жоғары ұсынылатын доза көрсетілген. Пациенттің дене салмағы (кг) — Артикаин гидрохлоридінің ең жоғары дозасы (мг) — Адреналин дозасы (мг) — Картридждердің жалпы көлемі (мл) және саны бойынша эквиваленті (картридж көлемі 1,7 мл) 40 — 280 — 0.070 — 7.0 (4.1 картридж) 50 — 350 — 0.088 — 8.8 (5.2 картридж) 60 — 420 — 0.105 — 10.5 (6.2 картридж) 70 немесе одан көп — 490 — 0.123 — 12.3 (7.0 картридж) Балалар Балалар (4 жастан 11 жасқа дейін) 4 жастағы және одан кіші балаларға арналған адреналинмен 1:100000 артикаин инъекцияға арналған ерітіндісінің қауіпсіздігі анықталмаған. Деректер жоқ. Енгізілетін мөлшер баланың жасы мен салмағына, сондай-ақ операция ауқымына сәйкес анықталуы тиіс. Орташа тиімді доза тиісінше қарапайым және күрделі процедуралар үшін 2 мг/кг және 4 мг/кг құрайды. Тиімді стоматологиялық анестезияны қамтамасыз ететін ең аз дозаны қолдану керек. 4 жастағы (немесе дене салмағы 20 кг бастап) және одан үлкен балаларда артикаиннің ең жоғары дозасы 7 мг/кг құрайды, дене салмағы 55 кг дені сау бала үшін артикаиннің абсолютті ең жоғары дозасы 385 мг құрайды. Бұдан әрі Кестеде ең жоғары ұсынылатын доза көрсетілген: Пациенттің дене салмағы (кг) — Артикаин гидрохлоридінің ең жоғары дозасы (мг) — Адреналин дозасы (мг) — Картридждердің жалпы көлемі (мл) және саны бойынша эквиваленті (картридж көлемі 1,7 мл) 20 — 140 — 0.035 — 3.5 (2.1 картридж) 30 — 210 — 0.053 — 5.3 (3.1 картридж) 40 — 280 — 0.070 — 7.0 (4.1 картридж) 55 — 385 — 0.096 — 9.6 (5.6 картридж) Егде жастағы пациенттер және бүйрек жеткіліксіздігі бар пациенттер Клиникалық деректердің болмауына байланысты ең аз дозаны енгізу үшін ерекше сақтық шараларын қолдану керек, бұл егде жастағы пациенттерде және бүйрек жеткіліксіздігі бар пациенттерде тиімді анестезияға әкеледі. Бұл пациенттерде плазмада препарат деңгейінің жоғарылауы, атап айтқанда, қайта қолданғаннан кейін пайда болуы мүмкін. Егер қайта инъекция қажет болса, салыстырмалы артық дозаланудың кез келген белгілерін анықтау үшін пациенттерді қатаң бақылау керек. Бауыр жеткіліксіздігі бар пациенттер Бауыр жеткіліксіздігі бар пациенттерде тиімді анестезияға алып келетін ең аз дозаны енгізген кезде, атап айтқанда, артикаиннің 90% - ы алдымен тіндер мен қанда плазманың спецификалық емес эстеразаларымен белсенділігін жойса да, ерекше сақтықты қолданған жөн Басқа пациенттер Плазмада холинэстераза тапшылығы бар пациенттер Холинэстераза тапшылығы бар пациенттерде немесе ацетилхолинэстераза тежегіштерімен емдеу кезінде плазмадағы препараттың жоғары деңгейі туындауы мүмкін, өйткені өнімнің 90% плазмалық эстеразалармен белсенділігі жойылады. Сондықтан тиімді анестезияға әкелетін ең төменгі дозаны қолдану керек. Пациенттің үрейленуін төмендету үшін седативті дәрілерді біріктіріп қолдану: Орталық жүйке жүйесінің бәсеңдеуіне аддитивті әсер етуінен седативті препараттарды қабылдап жүрген пациенттерде жергілікті анестетиктердің ең жоғары қауіпсіз дозасы төмендетілуі мүмкін. Енгізу жолы және тәсілі Инфильтрация және ауыз қуысында периневральді қолдану. Жергілікті анестетиктерді инъекция орнында қабыну және / немесе инфекция кезінде сақтықпен енгізу керек. Инъекция алдында, тамырларға енгізуді болдырмау үшін аспирация жүргізу ұсынылады. Кездейсоқ тамырішілік инъекция нәтижесінде негізгі жүйелік реакцияларды аспирациялаудан кейін баяу инъекциялау техникасының көмегімен болдырмауға болады: инъекция жылдамдығы минутына 1 мл ерітіндіден аспауы тиіс. Бұл дәрілік препаратты тек терапевтер немесе стоматологтар немесе олардың бақылауымен, жеткілікті түрде дайындалған және диагностика мен емдеумен таныс адамдар қолдануы керек. Аймақтық анестезияны жергілікті анестетиктермен индукциялаудан бұрын жағымсыз реакциялар пайда болған кезде уақтылы көмек көрсетуді қамтамасыз ету үшін тиісті реанимациялық жабдықтар мен дәрілердің болуын қамтамасыз ету қажет. Пациенттің сана - сезімін жергілікті анестетиктің әр инъекциясынан кейін бақылау керек. Жұқтыру қаупін болдырмас үшін шприц пен инелер әрқашан жаңа және стерильді болуы керек. Тек бір рет пайдалануға арналған. Пайдаланылмаған кез-келген ашылған картриджді тастау керек. Егер бұлыңғырлану немесе түссіздену анықталса, бұл дәрілік затты қолдануға болмайды. Дәрілік препараттың бір немесе бірнеше дозасын жіберіп алған кезде қажетті шаралар Қатысты емес Тоқтату симптомдары қаупінің болуына нұсқау Қатысты емес Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Қолдану тәсілі туралы сұрақтар туындаған жағдайда емдеуші дәрігерге жүгіну қажет.

• артикаинге (немесе амид типті кез келген жергілікті анестетиктерге), адреналинге (эпинефринге) немесе кез келген қосымша заттарына аса жоғары сезімталдық • балалар (4 жасқа дейін) • анамнезінде эпилепсиясы бар пациенттер

Артикаин/адреналин енгізгеннен кейінгі жағымсыз реакциялар басқа жергілікті амидті анестетиктер/вазоконстрикторлардың байқалатын әсерлеріне ұқсас. Бұл жағымсыз реакциялар, жалпы дозалаумен байланысты. Олар сондай-ақ жоғары сезімталдықтың, идиосинкразияның немесе пациентке жағымдылығының төмендеуінің салдары болуы мүмкін. Жүйке жүйесінің аурулары, инъекция орнындағы жергілікті реакция, аса жоғары сезімталдық, жүрек пен қан тамырлары тарапынан бұзылулар - жиі кездесетін жағымсыз реакциялар. Ең ауыр жағымсыз реакциялар әдетте жүйелік рекциялар болып табылады. Расталған жағымсыз реакциялар өздігінен келіп түсетін хабарламалардан, клиникалық зерттеулер мен әдебиеттерден жиналған. Жағымсыз реакциялар мынадай диапазондар мен белгілеулерді пайдалана отырып, жиілік бойынша жіктелді: өте жиі (≥ 1/10); жиі (≥1/100-ден <1/10-ға дейін); жиі емес (≥1/1000-нан <1/100-ге дейін); сирек (≥1/10 000-нан <1/1000-ға дейін); өте сирек (<1/10 000); белгісіз (қолда бар деректер негізінде бағалау мүмкін емес). Жиі • гингивит • нейропатия: невралгия (нейропатиялық ауырсыну), гипестезия / ұю (оральді және периоральді)4. дизестезия (оральді және периоральді), дәм сезудің бұрмалануы (мысалы, темір дәмі, дәм сезудің бұзылуы), агевзия, аллодиния, гиперестезия, термогиперестезия, естен тану алдындағы жай-күй, естен тану, бас ауыруы, мазасыздық / ажитация, сананың шатасуы, бағдардан жаңылу, бас айналу, тремор • брадикардия, тахикардия • артериялық гипотензия (қан айналымы коллапсының даму қаупі бар) • тілдің, еріннің, қызылиектің ісінуі Жиі емес • атериялық гипертензия (гипертония) • стоматит, глоссит, жүрек айну, құсу, диарея • бөртпе (терідегі бөртпелер), қышыну • мойын аумағының ауыруы • енгізу аумағындағы ауырсыну Сирек • Квинке ісінуі (бет / тіл / ерін / тамақ/ көмей / периорбитальді ісіну), аллергия1, анафилаксиялық / анафилактоидты реакциялар, бронх түйілуі / демікпе, есекжем • күйгелектік/ үрей4 • бет жүйкесінің ауруы2 (салдану және парез), ұйқышылдық, нистагм • Горнер синдромы (қабақтың птозы, энофтальм, миоз), диплопия (көздің қозғалу бұлшықеттерінің салдануы)4, мидриаз, птоз, миоз, энофтальмоз, көру қабілетінің бұзылуы (уақытша соқырлық)4, көрудің бұлыңғырлануы, аккомодация бұзылуы • құлақтың шыңылдауы 4, гиперакузия • жүрек соғуының күшеюі • ысынулар • апноэ (тыныс алудың тоқтауы), ентігу2, гипоксия, гиперкапния, брадипноэ, тахипноэ, есінеу • қызылиектің / ауыздың шырышты қабығының эксфолиациясы (түсуі) / ойық жаралар • бұлшықеттің еріксіз жиырылуы4, қалтырау (дірілдеу); • енгізу аумағының эксфолиациясы / некроз, шаршау, астения (әлсіздік). Өте сирек • парестезия3 (тұрақты гипестезия және дәм сезудің жоғалуы) астыңғы жақсүйек немесе төменгі альвеолярлы жүйке блокадасынан кейін Белгісіз • эйфория жағдайы • өткізгіштіктің бұзылуы (атриовентрикулярлық блокада) • жергілікті / аймақтық гиперемия, өткізгіштіктің бұзылуы (атриовентрикулярлық блокада), қан тамырларының кеңеюі, қан тамырларының тарылуы • тыныс алудың бәсеңдеуі, дисфония (қырылдау)1 • дисфагия, беттің ісінуі, глоссодиния • эритема • Кернс-Сойер синдромында жүйке көріністерінің өршуі, тризм • жергілікті ісіну, гипергидроз, ысыну сезімі, тоңу сезімі. Таңдалған жағымсыз әсерлер сипаттамасы 1 Аллергиялық реакцияны естен тану жағдайларымен шатастырмау керек (адреналин салдарынан жүректің қатты соғуы). 2 Бет жүйкесінің салдануының 2 апталық кідірісі адреналинмен біріктірілген артикаинді енгізгеннен кейін сипатталған, жағдай 6 айдан кейін өзгеріссіз қалды. 3 Бұл нейропатия аномалиялық сезімнің әртүрлі симптомдарымен туындауы мүмкін. Парестезияны өздігінен ерекше, әдетте ауырсынбайтын сезім ретінде анықтауға болады (мысалы, күйдіру, шаншу, шаншу немесе қышыну), бұл анестезияның күтілетін ұзақтығынан едәуір асады. Стоматологиялық емдеуден кейін байқалған парестезияның көптеген жағдайлары өтпелі болып табылады және бірнеше күн, апта немесе айлар ішінде қайтады. Емделуі қиын парестезия, негізінен астыңғы жақсүйектегі жүйке анестезиясынан кейін, баяу, толық емес немесе қалпына келмеуімен сипатталады. 4 Бірнеше жағымсыз оқиғалар, мысалы, қозу, мазасыздық/күйгелектік, дірілдеу және сөйлеудің бұзылуы орталық жүйке жүйесінің бәсеңдеуі алдындағы екерту белгілері болуы мүмкін. Егер бұл белгілер анықталса, пациент терең және жиі тыныс алуы тиіс, сонымен қатар пациенттің жағдайын үнемі бақылау қажет. Балалар Қауіпсіздік бейіні ересектермен салыстырғанда 4 жастан 18 жасқа дейінгі балалар мен жасөспірімдерге арналған бейінге ұқсас. Алайда жұмсақ тіндердің кездейсоқ зақымдануы, әсіресе 3-7 жастағы балаларда, жұмсақ тіндердің ұзақ анестезиясына байланысты жиі байқалды. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Жергілікті анестезиялық артық дозалану көбінесе төмендегілерді сипаттау үшін қолданылады: • абсолютті артық дозалану • салыстырмалы артық дозалануы, мысалы: қан тамырларына байқаусызда инъекциялау, немесе жүйелі қан ағымына әдеттен тыс жылдам сіңуі, немесе дәрілік препараттың баяу метаболизмі және элиминациясы. Салыстырмалы артық дозалану жағдайларында пациенттер әдетте алғашқы минуттарда артық дозалану симптомдарын сезінеді, ал абсолютті артық дозалану жағдайларында инъекция орнына байланысты уыттылық симптомдары инъекциядан кейін, кешірек пайда болады. Симптомдары Артық дозалануға байланысты (абсолютті немесе салыстырмалы), қозу уақытша немесе болмауы мүмкін болғандықтан, естен тану жағдайына және тыныс алудың тоқтап қалуына дейін үдейтін алғашқы симптомдары, ұйқышылдық болуы мүмкін. Артикаиннің артық дозалануы: Симптомдар дозамен байланысты және неврологиялық көріністер саласында үдемелі ауырлыққа ие (естен тану алдындағы жай-күй, естен тану, бас ауыруы, қозу, сананың шатасуы, бағдардан жаңылу, бас айналу (вертиго), діріл, мелшию, ОЖЖ терең бәсеңдеуі, сананың жоғалуы, кома, құрысулар (тонустық-клонустық ұстаманы қоса), сөйлеудің бұзылуы (мысалы, дизартрия, логорея), бас айналу, теңгерім бұзылыстары (тұрақсыздық), көру қабілетінің бұзылуы (мидриаз, фокусталмаған көру, аккомодация бұзылуы) тамыр бұзылулармен (бозару (жергілікті, аймақтық, жалпы) қатар жүруі мүмкін, тыныс алу бұзылуларымен (ентігу (тыныс алудың тоқтауы) брадипноэ, тахипноэ, есінеу, тыныс алудың тежелуі) және соңында кардиоуыттылық (жүректің тоқтап қалуы, миокардиальді депрессия). Ацидоз жергілікті анестезияның уытты әсерін күшейтеді. Адреналиннің артық дозалануы: Симптомдар дозамен байланысты және неврологиялық көріністер аумағында ауырлықтың жоғарылауы (қозу, бұзылыс, естен тану алдындағы жай-күй), тамыр бұзылуларымен (бозару (жергілікті, аумақтық, жалпы)) қатар жүретін, тыныс алудың бұзылуы (ентігу (тыныс алудың тоқтауы), брадипноэ, тахипноэ, тыныс алудың тежелуі) және соңында кардиоуыттылық (жүректің тоқтап қалуы, миокардиальді депрессия). Артық дозалану кезінде емдеу Кез келген тыныс алу немесе жүрек-қантамыр төтенше жағдайларында тез көмек көрсету үшін реанимациялық аппаратураның және дәрілік препараттардың болуы жергілікті анестезиямен аумақтық анестезияны енгізер алдында қамтамасыз етілуі тиіс. Артық дозалану симптомдарының ауырлығын дәрігерлер/стоматологтар ауа жолдарын уақтылы қамтамасыз ету және қосалқы желдетуді қамтамасыз ету қажеттілігін көздейтін хаттамаларда тіркеуі тиіс. Пациенттің сана-сезімі әр жергілікті ауырсынуды басатын инъекциядан кейін тексерілуі керек. Жедел жүйелі уыттылық симптомдары пайда болған кезде жергілікті ауырсынуды басатын дәріні инъекциялау дереу тоқтатылуы тиіс. Қажет болған жағдайда пациентті жатқызу керек. Реанимациялық жабдықтар мен дәрілік заттардың болуы кез-келген респираторлық немесе жүрек-қантамырлық төтенше жағдайларын жедел емдеуді қамтамасыз ету үшін жергілікті анестетиктермен аймақтық анестезия енгізілгенге дейін қамтамасыз етілуі керек. ОЖЖ тарапынан симптомдар кезінде (құрысулар, ОЖЖ бәсеңдеуі) тыныс алуды демеу және құрысуға қарсы препараттарды енгізу жөніндегі тиісті шаралардың көмегімен дереу емдеу жүргізілуі қажет. Оңтайлы оксигенация, желдету және қан айналымын қолдау, сондай-ақ ацидозды емдеу жүректің тоқтап қалуының алдын алады. Жүрек-қантамырлық депрессия (гипотония, брадикардия) байқалған кезде сұйықтықтарды, вазопрессорларды және/немесе инотропты препараттарды вена ішіне енгізумен тиісті емдеуді қарастыру қажет. Балаларға жасына және салмағына сәйкес дозаларды тағайындау қажет. Жүрек тоқтап қалған жағдайда тікелей кардиопульмональді реанимация жасалуы керек.

Дәрілік затты қолданар алдында мыналар маңызды: • ағымдағы емдеу және пациенттің ауру тарихы туралы анықтау • пациентпен ауызша байланыста болыңыз • қолыңызда реанимациялық жабдық болуы керек Айрықша ескертулер Бұл дәрілік препаратты мынадай аурулары бар пациенттерде аса сақтықпен пайдалану керек және егер жағдайы ауыр және / немесе тұрақсыз болса, стоматологиялық операцияны кейінге қалдыру мүмкіндігін қарастыру керек: Жүрек-қантамыр аурулары бар пациенттерде тиімді анестезияға әкелетін ең төмен доза пайдаланылуы тиіс: Жүрек ырғағының бұзылуы (мысалы, атриовентрикулярлық блокаданың 2-ші немесе 3-ші дәрежелері, брадикардия); жедел декомпенсацияланған жүрек жеткіліксіздігі (жедел іркілісті жүрек жеткіліксіздігі); Гипотензия; Пароксизмальді тахикардия; Тұрақсыз стенокардия немесе жақында бастан өткерген миокард инфарктісі (6 айдан аз); Жақында бастан өткерген аортокоронарлық шунттау (3 айдан аз); Кардиоселективті емес бета-блокаторларды қабылдайтын пациенттер (мысалы, пропранолол); Бақыланбайтын гипертензия; Трициклдық антидепрессанттармен қатар емдеу, өйткені бұл белсенді заттар адреналиннің жүрек-қантамырлық әсерлерін күшейтуі мүмкін); Анамнезінде эпилепсиясы бар пациенттерде эпилепсия ұстамасының туындау ықтималдығына байланысты жергілікті анестезияны өте сақтықпен қолдану керек. Плазмада холинэстераза тапшылығы бар пациенттер. Плазмадағы холинэстераза тапшылығын анестезияның әдеттегі дозасын қолдану кезінде туындайтын артық дозаланудың клиникалық белгілері (тамыр инъекциясы алынып тасталған кезде) көрсетуі мүмкін. Бұл жағдайда келесі инъекцияда доза аз болуы керек. Бүйрек ауруы бар пациенттерде тиімді анестезияға әкелетін ең төменгі дозаны қолдану керек. Бауырдың ауыр ауруы бар пациенттер. Бауыр аурулары жағдайында дәрілік препаратты сақтықпен қолдану керек, тиімді анестезияға әкелетін ең төмен доза қолданылуы тиіс. Ацетилхолинестераза тежегіштерін қабылдайтын миастениясы бар пациенттер тиімді анестезияға әкелетін ең төмен дозаны қабылдауы керек. Порфириясы бар пациенттер. Артикаин адреналинмен бірге порфириямен ауыратын пациенттерде басқа, барынша қауіпсіз баламалы анестезия болмаған жағдайда қолданылуы мүмкін. Құрамында галоген бар анестезиямен қатар ем алатын пациенттерде тиімді анестезияға әкелетін ең төмен доза пайдаланылуы тиіс. Тромбозға қарсы препараттармен/антикоагулянттармен ем қабылдайтын пациенттерде тамырды кездейсоқ тесуден кейін және жақсүйек-бет хирургиясы кезінде ауыр қан кетудің жоғары қаупі қарастырылуы тиіс. Егде жастағы пациенттерде плазмада, әсіресе қайта қолданғаннан кейін препараттың жоғары мөлшері болуы мүмкін. Егер қайта инъекциялау қажет болса, салыстырмалы артық дозаланудың кез келген белгілерін анықтау үшін пациенттерді мұқият тексеру керек. Тиімді анестезияға әкелетін ең төменгі дозаны қолдану ұсынылады. Артикаин инъекцияға арналған ерітіндісін адреналинмен енгізген кезде пациенттердің мынадай топтарында адреналиннің аз мөлшерін - 5 микрограмм/мл ескеру қажет: Жүрек-қантамыр аурулары бар пациенттер (мысалы, жүрек жеткіліксіздігі, жүректің ишемиялық ауруы, анамнездегі миокард инфарктісі, жүрек аритмиясы, гипертензия; Ми қан айналымы бұзылған немесе анамнезінде инсульт бар пациенттер. Бастан өткерген инсульттан кейін инсульттің қайталану қаупінің жоғары болуына байланысты, артикаин/адреналинмен стоматологиялық емдеуді 6 айға кейінге қалдыру ұсынылады. Бақыланбайтын қант диабеті бар пациенттерде осы дәрілік препарат адреналиннің гипергликемиялық әсеріне байланысты сақтықпен қолданылуы тиіс. Тиреотоксикозы, феохромоцитомасы бар пациенттер, жедел жабық бұрышты глаукомаға бейім пациенттер. Бұл дәрілік препарат адреналиннің болуына байланысты сақтықпен қолданылуы керек. Тиімді анестезияға әкелетін ең төменгі дозаны қолдану ұсынылады. Осы дәрілік препарат тиісті жағдайларда қауіпсіз және тиімді пайдаланылуы тиіс: Адреналин қызылиектің қанайналымын әлсіретеді, бұл жергілікті тіндердің некрозын тудыруы мүмкін. Астыңғы жақсүйек анестезиясынан кейін жүйкенің ұзақ немесе қайтымсыз зақымдануының және дәм сезудің жоғалуының өте сирек жағдайлары туралы хабарланды. Егер бұл препарат қабынған немесе инфекция жұқтырған аймаққа енгізілсе, жергілікті ауыруды басатын әсерлер төмен болуы мүмкін. Гипоксия, гиперкалиемия және метаболизмдік ацидоз жағдайында дозаны азайту керек. Әсіресе балаларда кенеттен жарақат алу қаупі бар (ерін, ұрт, шырышты қабық және тіл); пациентке қалыпты сезімталдық қалпына келгенше тамақ ішуге немесе сағыз шайнауға болмайтыны туралы ескерту қажет. Бұл дәрілік препарат құрамында натрий метабисульфиті, сульфит бар, ол сирек аса жоғары сезімталдық реакцияларын және бронх түйілуін туындатуы мүмкін. Егер қандай да бір аллергиялық реакция қаупі болса, анестезияға арналған басқа дәрілік препаратты таңдаңыз Пайдалану кезіндегі сақтық шаралары Кездейсоқ тамырішілік инъекцияға байланысты қауіп: Кездейсоқ тамырішілік инъекция қанайналымы жүйесінде адреналин мен артикаин деңгейінің күрт көтерілуіне әкелуі мүмкін. Бұл тыныс алу мен қанайналымының тоқтауына дейін үдей отырып, орталық жүйке және кардио-респираторлық жүйесінің бәсеңдеуімен және комамен қатар жүретін, құрысулар сияқты күрделі жағымсыз әсерлерге байланысты болуы мүмкін. Осылайша, иненің қантамырға енуіне жол бермеу үшін жергілікті анестетик енгізілгенге дейін аспирация жасау керек. Кездейсоқ интраневральді инъекцияға байланысты қауіп: Кездейсоқ интраневральді инъекция дәрілік препараттың жүйке бойымен кері ағуын туындатуы мүмкін. Интраневральді инъекцияны болдырмас үшін және жүйке блокадасына байланысты жүйкенің зақымдануын болдырмас үшін, егер пациент инъекция кезінде шаншуды сезінсе немесе инъекция ауыртса, инені мұқият алып тастау керек. Егер жүйкенің зақымдануы ине арқылы туындаса, нейроуытты әсер артикаиннің әлеуетті химиялық нейроуытты әсерімен және адреналиннің болуымен күшейе түсуі мүмкін, өйткені бұл периневральді қанмен қамтамасыз етуді әлсіретіп, артикаиннің жергілікті шайылуына жол бермейді. Арнайы ескертулер Қосымша заттарБұл дәрілік препараттың құрамында натрий метабисульфиті (E223), сульфит бар, ол сирек жағдайларда аса жоғары сезімталдық реакцияларын және бронхтың түйілуін туындатуы мүмкін.Бұл дәрілік препаратта бір картридждің ішінде 1 ммольден (23 мг) ден аз натрий бар, сондықтан ол іс жүзінде «натрийсіз » деп есептеледі. Спортшыларда қолдану Бұл дәрілік препарат допинг-тест кезінде оң нәтиже тудыруы мүмкін ингредиент ретінде тізімге енгізілген, сондықтан бұл туралы спортшыларды ескерту қажет. Педиатрияда қолдану Препаратты 4 жасқа дейінгі балаларда қолдануға болмайды. Балаларда 7 мг/кг артық (0,175 мл/кг) дозалардың қауіпсіздігі анықталмаған Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Артикаин гидрохлоридінің инъекцияға арналған адреналин тартратының ерітіндісімен үйлесуі көлік құралдарын және техникалық құралдарды басқару қабілетіне елеусіз әсер етуі мүмкін. Бағдардан жаңылу (бас айналуды, көру бұзылыстарын және шаршауды қоса) препаратты енгізгеннен кейін пайда болуы мүмкін. Осылайша, пациенттер стоматологиялық процедурадан кейін 30 минут бойы стоматологиялық кабинеттен кетпеуі керек.

Артикаин 40 мг/мл + адреналин 10 микрограмм/мл, сондай-ақ бір ғана артикаинмен жануарларға жүргізілген зерттеулер жүктілік, \жатырішілік даму, босану немесе босанғаннан кейінгі даму кезінде жағымсыз реакцияларды көрсеткен жоқ. Жануарларды зерттеу адреналиннің ұсынылған ең жоғары дозадан гөрі жоғары дозаларда репродуктивті жүйе үшін уытты екенін көрсетті. Тек босану кезінде болмаса, жүкті әйелдерде артикаинді қолдану туралы деректер жоқ. Адреналин де, артикаин де плаценталық бөгет арқылы өтеді, дегенмен артикаин кез келген басқа жергілікті анестетиктерге қарағанда аз енеді. Жаңа туған нәрестелерде өлшенетін қан сарысуындағы артикаин концентрациясы анадағы концентрация деңгейінің шамамен 30% құрады. Анасына абайсызда тамыр ішіне енгізген жағдайда адреналин жатырдың перфузиясын төмендетуі мүмкін. Жүктілік кезінде Артикаин гидрохлориді 4 % ХЮОНС эпинефринмен (1:100 000) инъекцияға арналған ерітінді қауіп/пайда арақатынасын мұқият бағалау жүргізілгеннен кейін ғана пайдаланылуы тиіс. Адреналин мөлшері төмен болғандықтан, 1:200000 адреналинмен 40 мг/мл артикаин қолдануға артықшылық беру керек. Қан сарысуындағы деңгейдің тез төмендеуі және тез шығарылуы нәтижесінде емшек сүтінде артикаиннің клиникалық маңызды мөлшері табылған жоқ. Адреналин емшек сүтіне енеді, бірақ жартылай шығарылу кезеңі қысқа. Сондықтан қысқа мерзімді пайдалану кезінде бала емізуді тоқтата тұрудың қажеті жоқ. Бала емізуді анестезиядан кейін 5 сағаттан кейін қалпына келтіруге болады. Жануарларды зерттеу фертильділікке әсерін көрсетпеді. Емдік дозаларда адамның фертильділігіне теріс әсер күтілмейді

Артикаинмен өзара әрекеттесуі Пайдалану кезінде сақтық шараларын талап ететін өзара әрекеттесулер: Басқа жергілікті анестетиктер: Жергілікті анестетиктердің уыттылығы аддитивті. Барлық енгізілетін жергілікті анестетиктердің жалпы дозасы қолданылатын дәрілік заттардың ұсынылатын ең жоғары дозасынан аспауы тиіс. Седативті дәрілер (орталық жүйке жүйесінің депрессанттары, мысалы, бензодиазепиндер, апиындар): Егер пациентті тыныштандыру үшін седативті дәрілер қолданылса, анестетиктердің азайтылған дозаларын қолдану керек, өйткені жергілікті анестетиктер, седативті дәрілер орталық жүйке жүйесінің депрессанттары болып табылады, олар біріктіріліп, аддитивті әсерге ие болуы мүмкін. Адреналинмен өзара әрекеттесуі Пайдалану кезінде сақтық шараларын талап ететін өзара әрекеттесулер: Галогенделген ұшпа анестетиктер (мысалы, галотан): Галотан миокардтың катехоламиндерге сезімталдығын арттырып, жүрек ырғағының бұзылу қаупін арттыруы мүмкін. Постганглионарлық адреноблокаторлар (мысалы, гуанадрел, гуанетидин және раувольфия алкалоидтары): Осы дәрілік заттың төмендетілген дозаларын адренергиялық вазоконстрикторларға жоғары реакция қаупіне: гипертония қаупіне және басқа жүрек-қантамыр әсерлеріне байланысты абайлап аспирациялай отырып, қатаң медициналық бақылаумен пайдалану керек. Бета-адренорецепторлардың селективті емес блокаторлары (мысалы, пропанолол, надолол): Артериялық қысымның жоғарылауы және брадикардияның пайда болу қаупі жоғары болғандықтан, осы дәрілік заттың төмендетілген дозаларын пайдалану керек. Трициклдық антидепрессанттар (ТЦA) (мысалы, амитриптилин, дезипрамин, имипрамин, нортриптилин, мапротилин және протриптилин): Препараттың дозасы мен енгізу жылдамдығын гипертензияның ауыр түрінің пайда болу қаупінің жоғарылауына байланысты азайту керек. Катехол-O-метилтрансфераза тежегіштері (КОМТ тежегіштері) (мысалы, энтакапон, толкапон): Аритмия, жүрек соғуының жиілеуі және артериялық қысымның өзгеруі қаупіне байланысты КОМТ тежегіштерін қабылдайтын пациенттерге енгізілетін препараттың дозасын азайту керек. МАО тежегіштері, А-селективті (мысалы, моклобемид), сондай-ақ селективті емес (мысалы, фенелзин, транилципромин, линезолид): Егер осы дәрілерді бір мезгілде қолдануды болдырмау мүмкін болмаса, онда осы препараттың дозасын да, енгізу жылдамдығын да азайту керек, ал препараттың өзін артериялық гипертензияның даму қаупіне әкелетін адреналин әсерінің ықтималды күшеюіне байланысты қатаң медициналық бақылаумен қолдану керек. Аритмияны тудыратын дәрілер (мысалы, аритмияға қарсы дәрілер, мысалы, оймақгүл, хинидин): Осы дәрілік затты қабылдау дозасын пациенттерге адреналинді де, гликозидтерді де бір мезгілде енгізген кезде аритмияның даму қаупінің жоғарылауына байланысты азайту керек. Енгізер алдында мұқият аспирациялау ұсынылады. Қастауыш окситоциндері (мысалы, метисергид, эрготамин, эргоновин): Препаратты аддитивті немесе синергиялық әсерге және артериялық қысымның жоғарылауы және/немесе ишемиялық реакцияның пайда болу қаупіне байланысты қатаң медициналық бақылауда қолданған жөн. Симпатомиметикалық вазопрессорлар (мысалы, негізінен кокаин, сонымен қатар амфетаминдер, фенилэфрин, псевдоэфедрин, оксиметазолин): Адренергиялық улану қаупі бар. Симпатомиметикалық тамыр тарылтатын препараттарды 24 сағат бойы пайдаланған жағдайда жоспарланған стоматологиялық емдеуді кейінге қалдыру керек. Фенотиазиндер (және басқа нейролептиктер): Гипотония туындау қаупін ескере отырып, фенотиазиндерді қабылдайтын пациенттерде сақтықпен қолдану керек.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек! Мұздатып қатыруға болмайды!